Ургац хураалт орон даяар эхэлж томоохон хүнсний төвүүдэд шинэ ургацын ногоо аль хэдийн худалдаанд гарсан. Иргэдийн дунд шинэхэн хүнсний ногоо худалдан авах сонирхол их байгаа ч үнийн хувьд хэт өндөр байгаад шүүмжлэлтэй хандаж байгаа юм. Тодруулбал Баянзүрх захад шинэ ургацын хүнсний ногоог дараах үнээр зарж байна. Үүнд:
•    Төмс  1 кг - 1.000 төгрөг
•    Лууван 1 кг - 2.500 төгрөг
•    Байцаа 1 кг - 1.000 төгрөг
•    Манжин 1 кг - 1.500 төгрөг
•    Бөөрөнхий сонгино 1 кг -  2.500 төгрөг.
       
       Мөн хүнсний гол нэр төрлийн зарим барааны үнийг сонирхоход хонины мах нэг кг нь 8.000 төгрөг, үхрийн ястай мах 8.500 төгрөг, ясгүй мах 9.500 төгрөгний үнэтэй байгаа бол үхрийн гуяны цул мах хамгийн өндөр буюу 10.800 төгрөг байв. Мөн цагаан будаа сортоосоо хамаарч нэг кг нь 1.300-1.900 төгрөг байлаа. Харин “Алтан тариа”-н нэгдүгээр гурилыг  800 төгрөг,  дээд гурилыг 1.100 төгрөгөөр зарж байна.