Орон сууцны найман хувийн хүүтэй зээлийн хөтөлбөр хэрэгжсэн эхний 36 хоногийн байдлаарх мэдээллийг хүргэж байна.Өмнө олгосон ипотекийн зээлээс 788.9 тэрбум төгрөгийн зээлийг дахин санхүүжүүлэх хүсэлт банкуудад иржээ. Үүнээс банкууд 14734 иргэний хүсэлтийг бүрэн шийдвэрлэж, орон сууцны ипотекийн 416.9 тэрбум төгрөгийн зээлийг дахин санхүүжүүлж, орон сууцны зээлийн хүүг 8 хувьд шилжүүлсэн байна.
Иргэд 285.5 тэрбум төгрөгийн орон сууцны ипотекийн зээл шинээр авах хүсэлт гаргаснаас банкууд 3977 иргэнд 212.7 тэрбум төгрөгийн орон сууцны ипотекийн зээл шинээр олгожээ.
