ОБЕГ-ын дарга асан П.Даш, тус газрын Улсын нөөц бүрдүүлэлтийн газрын дарга асан Л.Алтангэрэл гэм буруутай эсэхийг өнөөдөр Нийслэлийн шүүхэд хэлэлцэх байсан ч ерөнхий шүүгч ирээгүй гэсэн шалтгаанаар маргаашийг хүртэл хойшлуулжээ.
    ОБЕГ-ын дарга асан П.Даш, тус газрын Улсын нөөц бүрдүүлэлтийн газрын дарга асан Л.Алтангэрэл гэм буруутай эсэхийг өнөөдөр Нийслэлийн шүүхэд хэлэлцэх байсан ч ерөнхий шүүгч ирээгүй гэсэн шалтгаанаар маргаашийг хүртэл хойшлуулжээ. Өнгөрсөн есдүгээр сарын 29-нд Хан-Уул дүүргийн шүүхээс тэднийг  төрийн өмчийг хувьдаа завшсан хэмээн эрүүгийн хуулийн 263.2, 150.3 гэсэн зүйл ангиар буруутган, 3.6 жилийн ял оноож, Өршөөлийн тухай хуульд хамруулсан юм. Харин П.Даш анхан шатны шүүхийн шийдвэрийг “Хуульд нийцээгүй, би улсын хөрөнгө мөнгө хувьдаа завшаагүй. Хэрэг хийгээгүй байхад ял оноосон. Өршөөлийн хуульд хамруулсан хэргээ заавал цагаатгуулна. Нэр төрөө сэргээлгэнэ” гэж үзэн, Нийслэлийн давж заалдах шатны шүүхэд гомдол гаргаад байсан билээ. Тэдний өмгөөлөгчөөр К.Бауржан, Б.Ганбаатар, Б.Түвшинбаяр, Д.Оросоо нар ажиллаж байгаа юм.