Бид өдөрт хэдэн удаа үнсэлцдэг вэ? Магадгүй, чи үүнийг хэзээ ч анзаарч байгаагүй байх. Балчир наснаасаа эхлэн хорвоог орхитол бид ээж, аав, үр хүүхэд, хайртай дотны хүмүүсээ, тэр ч байтугай тэжээдэг хайртай амьтанаа хүртэл үнсдэг. Үнсэлтээрээ өөрийн хайр дурлал, шунал тачаал, дассан сэтгэл, талархал, эвлэрэл гээд үй түмэн сэтгэл хөдлөлийг илэрхийлж болдог.

Тэгвэл бидний сэтгэлийг хамгийн ихээр хөдөлгөдөг "том хүний" үнсэлтийн тухай ярилцъя. Хайртыгаа гайхшруулж, юу хийж чаддагаа үзүүлж, бүр гайхуулахыг заримдаа хүсдэг л биз дээ?

Хүмүүс хэрэгцээгээ хангахын тулд үнсэхийг эрмэлздэг. Энэхүү хэрэгцээ нь хоол, унд, хайр, интернэтийн хэрэгцээний нэгэн адил чухал...

Шунал тачаалын хэрэгцээ, хэн нэгэнд хүрэх, хайртыгаа тэврэх шаардлага нь хоёр хүнийг хооронд нь учруулдаг. Бие биедээ хүрч, шүргэлцэх нь өөрийн эрхгүй, байгалийн жам ёсоор, зөн совингийн түвшинд явагдцаг учраас үгээр тайлбарлахын аргагүй. Гэсэн хэдий ч үнсэлтийн аргачлалыг тайлбарлаж болно.

Үнсэх урлаг

Тэгэхээр анхны "том хүний" үнсэлтийг мартагдашгүй болгохын тулд яах вэ?
1.  Ичих хэрэггүй. Чи урьд өмнө нь үнсэлцэж үзээгүй гэдэг нь ямар ч хамаагүй. Чиний толгой эргэж, өвдөг чичирч, алга хөлөрсөн бол чамайг жинхэнээсээ дурласан болохыг л илтгэнэ. Харин энэ бол анхны үнсэлтээс авах таашаалын дэргэд юу ч биш.

2.  Боломж байвал романтик орчныг бүрдүүлээрэй. Үүнд лаа эсвэл бүдэг гэрэл байсан ч болно.

3.  Амнаас гарах үнэрийн тухай мартуузай. Эвгүй үнэр үнсэлцэх дур хүслийг үгүй болгож чадна. Шүдээ угааж амжаагүй бол бохь, алим, эсвэл яншуй туслаж чадна.

4.  Үнсэлцэх үедээ нэг байрлалд хөших хэрэггүй. Хайртынхаа үсийг илж, чихэнд нь хүрэн, мөр, нурууг нь илээрэй.

5. Дуугаа хураах хэрэггүй. Үнсэлцэж байна гээд загас шиг бол гэсэн үг биш шүү дээ. Хайртынхаа чихэнд энхрий зөөлөн үгс хэлээрэй.

6.  Биеэ барилгүй, өөрийгөө чөлөөтэй байлгаарай. Биеэ барьснаар уруул чинь хатуу болох тул залуу чинь чамд таалагдахгүй байна гэж бодоод зогсож мэднэ.

7.  Олон янзаар үнсэлцээрэй. Ихэнх эрчүүд "франц үнсэлт" буюу нойтон үнсэлтийг илүүд үздэг. Түүний уруулыг зөөлөн хазлах, уруулыг нь хөнгөн хөхөх нь хэлийг чинь "энхрийлэхээс" илүү их сэрэл хөдөлгөж болох юм шүү.

Хэрхэн сайн үнсэлцэх вэ?
Үнсэлт бол дурлалт хосуудын зүрх сэтгэл нь нэгддэг жаргал цэнгэл юм. Тиймээс туршихаас бүү ай. Зөн совин чинь чамд юу гэж шивнэж байна тэгж л үнсээрэй. Ийм үнсэлтүүд хэзээ ч мартагддаггүй.