АНУ-ын иргэн Жон Мартин Кийнийг хөнөөсөн гэх Ч.Баттуулын давж заалдах шатны шүүх хурал өнөөдөр Нийслэлийн шүүхэд болох байсан ч долоо хоногоор хойшиллоо.  Учир нь түүний шүүх хуралд оролцох ёстой байсан хоёр өмгөөлөгч "Татвар"ын Ч.Гансүхийн хэрэгт оролцож байгаа аж. Тийм учраас өмгөөлөгч байхгүй гэх шалтгаанаар ийнхүү хойшилсон юм. Энэ үеэр Ч.Баттуулын аав Н.Чулуунбаатраас охиных нь биеийг байдлыг тодрууллаа.

-Охинтойгоо хэзээ очиж уулзсан бэ. Биеийн байдал нь хэр байна?
-Өчигдөрхөн охинтойгоо очиж уулзсан. Биеийн байдал нь арай дээрдсэн. Гэхдээ төрөл бүрийн дарамт, хүнд нөхцөлд байх юм даа би гээд л нулимс нь гаргаж байна лээ. Урьд тэгж хэлдэггүй байсан.

-Батлан даалтад гаргаж биеийг нь эмчлүүлэх асуудлыг та удаа дараа тавьж байгаа. Нааштай зүйл ажиглагдана уу?
-Тэр асуудлыг өмгөөлөгчөөрөө дамжуулж дахиад л тавина. Хэрвээ миний охин хэргийг үйлдээгүй нь нотлогдвол охины маань эрүүл мэнд, сэтгэл санааны хохирлыг хэн яаж төлж, барагдуулах вэ гэдэг асуудлыг л шат шатандаа сайн бодож үзээсэй гэж хүсч байна.

-Ч.Баттуулын хэрэгт холбогдоод байгаа М.Жаргалан нь одоо сул л явж байгаа юу?
-Тэр хүмүүсийг ерөөсөө хамаагүй гээд, гэрчээр ганц, хоёр удаа байцаасан байх. Тэр М.Жаргаланг би өмнө нь танидаггүй байж байгаад өөрийн зөнгөөрөө харж, таниж байсан. Гэхдээ би энэ хэргийн талаар нэг ч удаа ярилцаагүй.