Төрийн өмчийн хорооны дарга асан, Үндсэн хуулийн цэцийн гишүүн Д.Сугарын хүү С.Цог нарын 12 хүнд холбогдох хэргийг анхан шатны шүүхээр дахин хэлэлцэхээр болжээ. Анхан шатны шүүхээс С.Цог нарын 12 хүнд 2-3.5 жилийн хорих ял оноох шийдвэр гаргасан юм. Гэвч шүүгдэгч нар анхан шатны шүүхийн шийдвэрийг эсэргүүцэн, давж заалдах шатны шүүхэд хандаад байсан. Харин давж заалдах шатны шүүхээс гомдлыг хянан хэлэлцэж, анхан шатны шүүхийн шийдвэрийг хүчингүй болгосон байна. Учир нь хэрэгт шинэ бүрэлдэхүүн буюу шинэ шүүгч нар томилж хэлэлцүүлэхээр болжээ. Ингэснээр С.Цог нарын хэргийг шинэ бүрэлдэхүүн анхан шатны шүүхээр дахин хэлэлцэх юм. Анхан шатны шүүхээс С.Цог нарт Эрүүгийн хуулийн тусгай ангийн 192.1, 192.2, 192.3.4, 188.2-т зааснаар буруутган ялласан байдаг. Шүүх хурлын үеэр шүүгдэгчид Д.Сугарын хүү С.Цог болон Н.Золбадрал нараас хар тамхи худалдан авсан гэж мэдүүлж байсан юм. Тэд өнгөрсөн нэгдүгээр сард хар тамхины хэрэгт холбогдсон билээ.