Хоногийн хугацаанд объектын гал түймрийн 1, зөрчлийн 5, аврах ажиллагааны 1 дуудлагаар харъяа дүүргийн Онцгой байдлын хэлтэс, Аврах, гал унтраах ангийн бүрэлдэхүүн шуурхай арга хэмжээ авч ажилласан байна. Объектын гал түймрийн тухайд, Сүхбаатар дүүргийн 6 дугаар хороо, ШУТИС-ын 1 дүгээр байр 4 давхарт гал гараад байна гэсэн дуудлагаар Аврах гал унтраах 10 дугаар ангийн 1 дүгээр тасгийг гаргахад 2х3 метрийн хэмжээтэй өрөөний ширээн дээр суурин утасны төхөөрөмж, эд зүйл шатаж байсныг унтраажээ. Мөн Сүхбаатар дүүргийн 10 дугаар хороо, 100 айлын 3 дугаар байранд гал гараад байна гэсэн дуудлагын дагуу Аврах гал унтраах 10 дугаар ангийн 2 дугаар тасгийг гаргахад эзэнгүй айл цахилгаан тогоо залгаатай орхисныг аюулгүй болгожээ.

Тиймээс иргэд цахилгаан утас, цахилгаан хэрэгсэлдээ анхаарал болгоомжтой байж галын аюулаас урьдчилан сэргийлэх хэрэгтэй.