Нийслэлийн ИТХ-ын тэргүүлэгч 18 гишүүн татварын төлөгчдийн мөнгөөр Бразиль явж хөл бөмбөгийн тэмцээн үзэх болсон тухай мэдээлэл өчигдөр цахим ертөнцөд шуугиан тарьсан. Тодруулбал тэдгээр гишүүд энэ сарын 12-ноос 22-ний өдрүүдэд Бразил болон Куба улсад айлчилж судалгаа хийх болсон нь ийнхүү иргэдийн шүүмжлэлтэй тулгарсан юм. Тэгвэл  нийслэлийн хурлын тэргүүлэгч Д.Авирмэд энэ талаар тайлбар хийжээ.

Тэрээр "НИТХ-ын гишүүд бодлого боловсруулахад оролцдог учраас бидний ажлын нэг хэсэг нь улс орнуудаар явж туршлага судлах байдаг. Саяхан л гэхэд Вьетнам яваад ирцгээсэн. Бразил, Куба улсаа туршлага судлах албан томилолт хөлбөмбөгийн ДАШТ-тэй цаг хугацааны хувьд давхцсан нь асуудал болох шиг боллоо доо. Зарим хүмүүс олон нийтийн сүлжээгээр явахгүй, мэдэхгүй гэж мэдэгджээ. Харин би явна, хөтөлбөрийнхөө дагуу ажлаа амжуулаад ирнэ. Гэхдээ хөлбөмбөгийн тэмцээн үзэхгүй гэсэн байна.