Сао Паоло хотын “New Corinthians” цэнгэлдэх хүрээлэнд хөлбөмбөгийн дэлхийн аварга шалгаруулах тэмцээний нээлтийн ёслол болж, хүн төрөлхтний спортын их наадам хөшгөө нээлээ.
FIFA Football World Cup 2014 тэмцээний нээлтийн ёслолд 600 гаруй бүжигчин, гимнастикч, батут дээр үсрэгч тоглолтоо сонирхуулсан байна. Галын наадам, Бразилийн үндэсний дуу хөгжим эгшиглэж, акробат, дуу, хөгжмийн үзүүлбэрээр үзэгчдийн сэтгэлийг баясгав.
Дуучин Женнифер Лопез, Питбул, Клаудиа Леитте нар талбайн голд энэ удаагийн дэлхийн аваргын сүлд дууг дуулав. Дэлхийн хэмжээний одод Бразилийн дуучин Клаудиа Леиттетэй хамт “We Are One (Ole Ola)” дууг нээлтийн ёслол дээр дуулах нь тодорхой байсан юм.
Тэдний дараа Бразилийн үндэсний хамтлаг тоглолтоо сонирхуулж, бөмбөр хөгжмөөр сая сая шүтэн бишрэгчдийг сэргээлээ.
Энэ жилийн цомын төлөө 32 орны баг, тамирчид өрсөлдөх ажээ. Зохион байгуулагчид 2,9 сая тасалбар зарсан бөгөөд 600 мянган жуулчин Бразильд ирнэ гэсэн тооцооллыг гаргажээ.
Нээлтийн ёслол дахь бүжгийн үзүүлбэр
Бразилийн үндэсний уламжлалыг бэлгэдэн модтой адилхан хувцасласан бүжигчид.
Нээлт Бразиль, Хорватын шигшээ багийн тоглолтоор эхлэв. Энэ тоглолтонд 3:1 харьцаатайгаар Бразиль өрсөлдөгчөө буулгаж авсан байна.
Хорватын шигшээ багийн фэнүүд сэтгэл гонсгор харагдаж байна
Бразилийн багийн хөгжөөн дэмжигчид
Дэлхийн аваргын цом эзнээ хүлээж байна.
Бразиль, Өмнөд Америк тивийн уран бүтээлчдийн үзүүлбэр 25 минутын турш үргэлжилсэн байна. 80 цагийн турш бэлтгэл хийсэн акробатчдын үзүүлбэр үзэгчдэд таалагдсан нь лавтай.
Пол Макартни, Беонсей нарыг нээлтийн ёслолд дуулна гэж эртнээс шуугьж байсан ч тэдний оронд “Палестины шүтээн” нэвтрүүлгийн ялагч Мохаммед Ассаф урилгаар оролцлоо.
Бразилийн үндэсний уламжлалыг бэлгэдэн модтой адилхан хувцасласан бүжигчид.
Нээлт Бразиль, Хорватын шигшээ багийн тоглолтоор эхлэв. Энэ тоглолтонд 3:1 харьцаатайгаар Бразиль өрсөлдөгчөө буулгаж авсан байна.
Хорватын шигшээ багийн фэнүүд сэтгэл гонсгор харагдаж байна
Бразилийн багийн хөгжөөн дэмжигчид
Дэлхийн аваргын цом эзнээ хүлээж байна.
