-Дэлхийн аваргын тэмцээний тухайд?

-Энэ бол сүүлийн жилүүдэд хамгийн их найдвар төрүүлж буй дэлхийн аварга юм. Шилдэг тоглогчид, хүчтэй багууд оролцсон дээд түвшний тэмцээн. Энэ тэмцээнийг үзэхэд үнэхээр сайхан байх болно. Зохион байгуулалтын хувьд, харамсалтай нь, бид Бразиль аргаар бэлтгэж байна.

- “Бразиль арга” гэж юу юм бэ?

-Энэ нь цэнгэлдэхийн барилга, дэд бүтэц, хот тохижуулалтын ажилтай холбогдсон дайныг хэлж байгаа юм. Улс орон амласан зүйлээ хэцүүхэн хэрэгжүүлж байгаа гэсэн имиджийг илэрхийлж байгаа нь ичмээр явдал. Бүтээн байгуулалтын ажлууд сүүлдээ ард түмний өмч болж үлдэнэ шүү дээ. Үнэн хэрэгтээ ийм зүйл дэлхийн аль ч оронд байдаг. Энэ бол олон сая доллар зарцуулагдах томоохон хэмжээний, нарийн төвөгтэй арга хэмжээ шүү дээ. Цэнгэлдэх хүрээлэнгийн барилга бол маш нарийн төвөгтэй. Хэрэв бороо орчихвол ажлаа нэн даруй зогсоож, хоёр, гурван өдрөөр хойшлох хэрэг гарна. Бразиль ардчилсан орон болсоноос хойш эдгээр төслүүдийг хэрэгжүүлэхдээ маш удаан хэлэлцэж, олон шатны шийдвэрээр хүлээн зөвшөөрсөөр ирсэн.

-Гэхдээ үнэн хэрэгтээ Бразилийн хөлбөмбөгийн холбоо тийм ч оновчтой зөв сонголт хийгээгүй байх?

-Хөлбөмбөгтэй холбогдсон эрх мэдэлтнүүд авилгалын асуудлаас хол байж, спортын төлөө ажиллах хэрэгтэй. Тэд нийгэм, соёлын хөтөлбөрт чиглэсэн ажлуудыг хийх хэрэгтэй. Хангалттай судлаагүй ч гэсэн хөлбөмбөг нийгэмд хүчтэй нөлөөлдөг гэдэг нь тодорхой. Бид хөлбөмбөгийн тэмцээн зохион байгуулахдаа ил тод, энгийн, илүү нухацтай хандах хэрэгтэй гэж би бодож байна. Анхаарал татсан энэ ертөнц нь хүмүүсийн чөлөөт цагаа өнгөрүүлж, нэгэн хэвийн байдлаа эвдэж, хөгжилдөх хэрэгсэл юм. Хөлбөмбөг хүмүүсийг хөдөлгөж, итгэл найдварыг нь төрүүлдэг байх хэрэгтэй. Тоглогчид итгэл найдвартай байдаг. Бид юу ч үгүй байснаа хөлбөмбөгөөс бүх зүйлээ авч, амьдралын түүхээ бүтээдэг хүмүүс. Хүмүүс үүгээр нь мэднэ.

- Танд бие хамгаалагч байгаа юу?

-Надад гэр бүл, үр хүүхэд гэсэн хамгаалалт байгаа шүү дээ. Засгийн газар бидний аюулгүй байдлыг хангах ажлыг хийх ёстой. Бидэнд бие хамгаалагч байдаггүй. Би бусад хүмүүсийн адил дээрэм, хүн хулгайлах хэргээс айж явдаг... Барьцааны мөнгийг нь төлчихвөл олон дахин хулгайлахгүй байлгүй дээ... [Инээв]. Гэхдээ харамсалтай нь бид маш ээдрээ төвөгтэй үед хүчирхийлэл хэрээс хэтэрсэн улс оронд нийгмийн нухацтай асуудлууд дунд айж тэвдэн амьдарч байна. Бид одоогоос 10-15 жилийн хойно буюу дараа үеийнхнээ огт өөр Бразильчууд болгохын тулд хөрөнгө оруулалт хийх хэрэгтэй.

- 2002 онд Бразилийн багийг дасгалжуулж байсан Луис Фелипе хатуу чанга гэдгээрээ алдартай нэгэн. Та түүнд цохиулж байв уу?

-Талбайгаас өөр газар бол тэр туйлын хөгжилтэй залуу болохоор найзууд шиг хүссэн бүхнээ чөлөөтэй хийж болдог. Харин талбай дээр тэр ууртай болдог [инээв]. Тэр зарим зүйл дээр биднийг гоочилдог болохоор түүнтэй хамт ажиллахад жаахан хэцүү. Жишээлбэл, тэр богино оймсонд дургүй болохоор бэлтгэлийн үеэр оймсоо тат гэж хэлдэг байсан. Бараг цэргүүд шиг. Гэвч тэр ийм зан гаргаж байж л талбайд гарах хүмүүсийг бүрдүүлдэг байсан. Тэр үнэхээр сенсаацитай залуу учраас хүн бүр түүнд дуртай байдаг. Сайн дасгалжуулагч бас багийн мундаг менежер.

- Та 2002 онд Бразилийг тавь дахь удаагаа дэлхийн аварга болоход хамгийн их үүрэгтэй оролцсон бол 1998 онд их гонсойлгосон. Та Францын багт ялагдсанд өөрийгөө буруутай гэж бодохгүй байна хэмээн ярьж байсан. Та одоо хүртэл энэ байр суурин дээрээ байна уу?

Би яг адилхан байр суурьтай байгаа. Магадгүй бодлоо өөрчилж “Миний буруу байгаа” гэж хэлж болох юм. Гэхдээ хожигдож үзээгүй тоглогч, баг гэж байхгүй шүү дээ. Айдсаа даван туулахын тулд би яадаг байсан гээч. Хүн болгон татганан сандарч байснаа хэдэн цагийн дараа дэлхийн аваргын финалын тэмцээнээс үхтлээ айхаа больчихдог шүү дээ. Би талбай дээр нухацтай асуудал гарсан ч гэсэн тэгтлээ шаналаад байдаггүй. Хэсэг хүмүүс энэ талаар ярилцдаг ч гэсэн би талбай дээрх хамгийн зоригтой нэг нь байдаг.

-Дэлхийн одоогийн шилдэг тоглогч хэн бэ?

- Кристиано Роналдо. “Ballon d’Or”-н санал асуулгад хамгийн хүчтэй өрсөлддөг. Энэ санал асуулгад улс орон бүрийн мэргэжлийн сэтгүүлч, багийн дасгалжуулагч, ахлахууд оролцдог. Би энэ асуулгыг дэмжиж, дүнг нь хүндэтгэдэг. Гэхдээ Месси бас онц сайн тоглогч. Тэр “Ballon d’Or”-д дөрвөн удаа түрүүлсэн. Энэ бол ширүүн тулаан шүү.