Дүүргийн эрүүгийн хэргийн анхан шатны 1 дүгээр шүүх 2014 оны 06 дугаар сарын 14 өдрийн хуралдаанаар “Өдрийн шуудан“ сонины сэтгүүлч Ц.Эрдэнэцэцэгт холбогдох хэргийг хянан хэлэлцжээ.

Шүүхээс сэтгүүлч Ц.Эрдэнэцэцэгийг  мөн сонины 2012 оны 11 дүгээр сарын 09-ний өдрийн 299/ 866 дугаарт бичсэн нийтлэлдээ Зам тээврийн яамны Зам тээврийн хяналт бүртгэлийн газрын дарга Б.Жаргалын талаар бичсэн нийтлэлдээ түүний нэр төр алдар хүндийг нь гутаасан илт үндэслэлгүй мэдээлэл тараасан  гэм буруутайд тооцож, Эрүүгийн Хуулийн 111 дүгээр зүйлийн 111.2-т зааснаар өөрийн биеэр уучлалт залруулга гаргахыг үүрэг болгож, гэмт хэрэг үйлдэгдэх үеийн хөдөлмөрийн хөлсний доод хэмжээг 55 дахин нэмэгдүүлсэнтэй тэнцэх хэмжээний төгрөгөөр торгох ял оногдуулсан байна.