Сүхбаатар дүүргийн VIII хорооны нутаг дэвсгэр "Соёмбо" дээд сургуулийн хойд талын ТҮЦ-ны цонхыг хүүхдүүд хагалаад байна" гэсэн дуудлага Нийслэлийн шуурхай удирдлагын төвд ирсэн байна. Иргэдээс ирсэн дуудлагын дагуу Сүхбаатар дүүргийн цагдаагийн хэлтсийн албан хаагчид очиж шалгахад Сүхбаатар дүүргийн XI хороонд оршин суух 13 настай Б, Д, Б нар ТҮЦ-ний цонх хагалан хулгай хийж байсныг үйлдэл дээр нь илрүүлжээ. Хүүхдүүдийн хувьд хичээлийн хэрэгсэл бүхий зүйлс хулгайлж байсан гэнэ. Тэдний өгч байгаа мэдүүлгээр ангийнхаа хүүхдэд хичээлийн хэрэгсэл бэлдэж өгөх гэж ийн хулгай хийжээ. Хэргийг Сүхбаатар дүүргийн цагдаагийн нэгдүгээр хэлтэс шалгаж байна.