Засгийн газрын хуралдаанаар шатахууны үнийг зориудаар нэмсэн, нэмэхэд нөлөөлсөн албан тушаалтнуудыг ажлаас  нь чөлөөлөх шийдвэр гаргалаа. Үүнд, Газрын тосны газрын дарга Д.Амарсайхан, дэд дарга Ц.Амраа, Шударга өрсөлдөөн, хэрэглэгчийн төлөө газрын дарга Д.Мандах болон дэд дарга Ц.Доржпалам нар орж байгаа юм.
   Засгийн газрын хуралдаанаар шатахууны үнийг зориудаар нэмсэн, нэмэхэд нөлөөлсөн албан тушаалтнуудыг ажлаас  нь чөлөөлөх шийдвэр гаргалаа. Үүнд, Газрын тосны газрын дарга Д.Амарсайхан, дэд дарга Ц.Амраа, Шударга өрсөлдөөн, хэрэглэгчийн төлөө газрын дарга Д.Мандах болон дэд дарга Ц.Доржпалам нар орж байгаа юм. Д.Амарсайхан УИХ болон Засгийн газраас хуулийн дагуу төлөх ёстой татваруудыг бууруулах замаар шатахууны үнийг тогтвортой байлгах үүрэг, эрхтэй. Гэсэн ч үүнийгээ зөв ашиглаж чадалгүй үнэ огцом нэмэгдэхэд нөлөөлсөн хэмээн үзжээ. Харин Д.Мандах нь шатахуун борлуулах компаниудын үгсэн хуйвалдсан ажиллагааг зогсоож чадаагүй гэсэн шалтгаанаар ийнхүү ажлаасаа чөлөөлөгдөж байна. Засгийн газрын зүгээс шатахууны үнэ нэмэгдэхэд ямар хүчин зүйл нөлөөлсөн, хэний буруугаас болсоныг судлахаар энэ долоо хоногт хоёр удаа шалгалт хийсэн гэж ЗГХЭГ-ын дарга Ч.Хүрэлбаатар хэллээ.