Үндсэн хуулийн өдрийг тохиолдуулан анхны Үндсэн хуулийг баталсан депутатууд төрийн ордонд зочилж, ямар үүрэгтэй оролцож байснаа бахархалтайгаар ярьж байна. Харин УИХ-ын гишүүн С.Баярцогт тэднээс юугаараа дутах вэ гэсэн шиг сэтгүүлчдэд ярилцлага өгөхийг хүсэв.

   Үндсэн хуулийн өдрийг тохиолдуулан анхны Үндсэн хуулийг баталсан депутатууд төрийн ордонд зочилж, ямар үүрэгтэй оролцож байснаа бахархалтайгаар ярьж байна. Харин УИХ-ын гишүүн С.Баярцогт тэднээс юугаараа дутах вэ гэсэн шиг сэтгүүлчдэд ярилцлага өгөхийг хүсэв. Түүний туслахын тайлбарласнаар тэрбээр Үндсэн хуулийг батлалцсан хамгийн залуу депутатын хувиар энэ хүсэлтийг тавьжээ. Нээрээ ч тэрбээр тухайн үед 23-хан насандаа депутатаар сонгогдож байжээ. С.Баярцогтын энгэрт бусад 300 гаруй Үндсэн хууль тогтоогчдын адил 20 жилийн ойн тэмдэг гялалзаж байв. Харин түүний ялгарах зүйл нь тэр залуу, ижилхэн зүйл нь бахархсан үг байсан юм. Тэрбээр “Монголчууд социалист байсан орнуудаас хамгийн түрүүнд улс төрийн шинэчлэлийг хийж чадсан. Түүнийгээ Үндсэн хуулийн аргаар баталгаажуулсан орон” гэж “зохиогч”-ийн хувиар хэлэв.