“МАК” групп Данийн “FLSmidth” компанитай 86 сая еврогийн гэрээ хийсэн талаар “Ройтерс” агентлаг өнөөдөр мэдээллээ. "МАК" групп тус компанитай Улаанбаатар хотоос 330 км зайд хоногт 3000 тонн цемент үйлдвэрлэх хүчин чадалтай цементийн шинэ үйлдвэр барих төсөлд хамтран ажиллах гэрээ хийсэн байна. “FLSmidth” компани нь цементийн үйлдвэрийн бүхий л тоног төхөөрөмж нийлүүлэх, угсрах, инженерийн шийдлийг боловсруулах цогц үйлчилгээ үзүүлэхээр гэрээнд тусгагджээ. Өмнө нь мэдэгдэж байсанчилан "МАК" компани үйлдвэрлэсэн цементээ 2014 оноос зах зээлд нийлүүлэхээр төлөвлөөд байгаа юм.