Нью-Йоркийн загварын долоо хоног эхэллээ

Монгол Улсын Их Хурлын дарга Миеэгомбын Энхболдод өнөөдөр /2016.09.09/ УИХ-ын гишүүн, Засгийн газрын гишүүн, Хууль зүй, дотоод хэргийн сайд С.Бямбацогт Гэр бүлийн хүчирхийлэлтэй тэмцэх тухай /шинэчилсэн найруулга/ хуулийн төслийг өргөн мэдүүллээ.

Гэр бүлийн хүчирхийлэлтэй тэмцэх тухай хууль 2004 онд, Гэр бүлийн хүчирхийлэлтэй тэмцэх үндэсний хөтөлбөр 2007 онд тус тус батлагдан хэрэгжиж, гэр бүлийн хүчирхийллийн хохирогчыг хамгаалан байрлуулах, утсаар зөвлөгөө өгөх болон нэг цэгийн үйлчилгээний төвүүдийг байгуулан хохирогчдод үйлчилгээ үзүүлэх зэрэг үйл ажиллагааг хэрэгжүүлж байгаа боловч Гэр бүлийн хүчирхийлэлтэй тэмцэх тухай хуулийн зохицуулалт оновчтой бус, байгууллагуудын эрх хэмжээ, оролцоог хэт ерөнхий, салангид байдлаар тусгаж, хохирогч, түүний гэр бүлийн гишүүдийн аюулгүй байдлыг хамгаалах журмыг орхигдуулсантай холбоотойгоор хүчирхийллийн гаралт буурахгүй, харин ч хүний амь нас хохирох, гэмтэх, хүүхэд өртөх зэргээр илүү ноцтой хэлбэрт шилжих болсон байна. Иймд гэр бүлийн хүчирхийлэлтэй тэмцэх эрх зүйн зохицуулалтыг хохирогчийн аюулгүй байдлыг нэн тэргүүнд хамгаалах, хүчирхийлэл дахин давтагдахаас урьдчилан сэргийлэх, салбар хоорондын хамтын ажиллагаанд тулгуурлах зарчимд нийцүүлэн хуулийн төслийн шинэчилсэн найруулгын төслийг боловсруулсан байна.

Гэр бүлийн хүчирхийлэлтэй тэмцэх тухай хуулийн шинэчилсэн найруулгын төсөл нь 6 бүлэг 47 зүйлтэй бөгөөд хуулийн зорилго нь гэр бүлийн хүчирхийлэлтэй тэмцэхэд төрийн болон төрийн бус байгууллага, иргэн, аж ахуйн нэгж, байгууллагын оролцоог тодорхойлоход чиглэгдэж байгааг өөрчилж, гэр бүлийн хүчирхийллийг илрүүлэх, таслан зогсоох, хохирогч, гэр бүлийн бусад гишүүдийн амь нас, эрүүл мэнд, аюулгүй байдлыг хамгаалах, үйлчилгээ үзүүлэх, урьдчилан сэргийлэх тогтолцоо, үйл ажиллагааны эрх зүйн үндсийг тогтоох чиглэлээр өргөжүүлэн томъёолсон байна.

Хуулийн зорилттой уялдуулан

хохирогчийн нэр төрийг хүндэтгэх, үл буруутгах, аливаа хэлбэрээр ялгаврлан гадуурхахгүй байх;

хүүхдийн эрх, хууль ёсны ашиг сонирхлыг нэн тэргүүнд хамгаалах;

хохирогчийн амь нас, эрүүл мэнд, аюулгүй байдлыг шуурхай хангах;

нууцлалыг хамгаалах;

салбар хоорондын хамтын ажиллагааг хангах, нэгдмэл цогц байх зарчмын хүрээнд дараахь зарчмын шинжтэй өөрчлөлтүүдийг хуулийн төсөлд тусгажээ.

Уг хуулийн төсөл батлагдснаар гэр бүлийн хүчирхийллээс урьдчилан сэргийлэх, хүчирхийллийг эрт илрүүлэх, таслан зогсоох, хохирогчийн аюулгүй байдлыг хамгаалах төрийн байгууллагын бүтэц, төрийн байгууллага, албан тушаалтнуудын оролцоо, гүйцэтгэх үүрэг, эрх хэмжээ, тэдгээрийн үйл ажиллагааны уялдаа холбоог нарийвчлан зохицуулахтай холбогдсон эрх зүйн орчин боловсронгуй болно гэж үзэж буйгаа Хууль зүй, дотоод хэргийн сайд С.Бямбацогт УИХ-ын даргад танилцуулав гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

Соёл урлагийн ажилтны өдрийг энэ сарын 10-нд “Чингисийн өргөө” цогцолборт тэмдэглэнэ.

УИХ-ын чуулганы хуралдаан эхэллээ

УИХ-ын даргын дэргэдэх Зөвлөлийн 2016 оны есдүгээр сарын 02-ны өдрийн хурлаар шинэчлэн батласан УИХ-ын байнгын хороодын өнөөдрийн хуралдааны тов

Рио 2016: Б.Ууганхүүгийн хүрэл медалийн төлөөх барилдааны бичлэг

Хэнтий аймаг дахь Шүүхийн шийдвэр гүйцэтгэх ерөнхий газрын харьяа жирийн дэглэмтэй Хорих 419-р ангид хоригдож байсан хоригдол хадлангийн өвс бэлтгэх ажилд дайчлагдаад байх үеэрээ оргосон талаар бид мэдээлсэн.

Шинэчлэлийн Засгийн газраас хэрэгжүүлсэн “Нүүрс” хөтөлбөрөөс их хэмжээний мөнгө хувьдаа завшиж шамшигдуулсан хэрэгт холбогдон зургаан сарын турш хоригдсоны эцэст хэрэг нь хэрэгсэхгүй болсон Б.Мөнгөнтуяа Монголын төрийг шүүхэд өгчээ.

Нийтийн тээврийн ”Городок - Дүнжингарав худалдааны төв” чиглэлд өөрчлөлт орлоо
4 минутын өмнө Print Zasag and PDF
ShareThis Facebook Tweet LinkedIn Email

Налайх дүүргийн 5 дугаар хорооны нутаг дэвсгэр Городокын суурьшлийн бүс хүртэл 1,02 км авто зам ашиглалтад орсонтой холбогдуулан 2016 оны 09 дүгээр сарын 10–ны өдрөөс эхлэн нийтийн тээврийн үйлчилгээний хот орчмын Х0:3 ”Городок - Дүнжингарав худалдааны төв” чиглэлийн замналд өөрчлөлт орж, замналын зураглалд “Городок-1” завсрын зогсоол нэмэгдээд байна. Мөн хот орчмын Х0:3 ”Городок - Дүнжингарав худалдааны төв” чиглэл болон ХО:4 ”Тэрэлж - Мэлхий хад-Налайх - Баруун 4 зам” чиглэлийн замналын зураглалд Налайх дундын 1, Налайх дундын 2, автобусны зогсоолууд нэмэгдэж байна гэж Нийслэлийн Тээврийн газраас мэдээллээ.

УИХ-ын даргын дэргэдэх Зөвлөлийн 2016 оны есдүгээр сарын 02-ны өдрийн хурлаар шинэчлэн батласан УИХ-ын чуулганы өнөөдрийн нэгдсэн хуралдааны тов

09:00 цагт: Хилийн чанад дахь Монголчуудын холбоо, Төрийн бус байгууллагуудын 2-р чуулга уулзалтын нэгдсэн хуралдаан ГХЯ-ны байранд болно. Чуулга уулзалтанд хилийн чанадаас 150 гаруй төлөөлөгч ирж оролцож байна.

10:00 цагт: БНХАУ-ын Засгийн газрын буцалтгүй тусламжаар олгож буй 2.8 тэрбум төгрөгийн өртөг бүхий гал унтраах автомашин, зөөврийн усан шахуурга /мотопомп/, үлээгч аппарат, үүргийн гал унтраагуур, хүрз гэх мэт 10 орчим төрлийн 2400 гаруй ширхэг багаж хэрэгслийг Монгол Улсын Онцгой байдлын албанд хүлээлгэн өгөх ёслолын арга хэмжээ Онцгой байдлын ерөнхий газарт болно.

10:00 цагт: “ХАППИ ВЕРИТАС” оношлогооны төвд МУГТ Г.Мандахнаранд Бразилийн Рио-де Жанейро хотноо болсон зуны олимпд амжилттай оролцсонд баяр хүргэж тус оношлогооны төвөөр насан туршдаа эрүүл мэндийн шинжилгээнд үнэ төлбөргүй хамрагдах эрхийн бичиг олгох арга хэмжээ болох гэж байна. Байршил : Гуравдугаар эмнэлгийн дэргэд “ХАППИ ВЕРИТАС” оношлогооны төв

10:30 цагт: Иргэний танхимд МОНГОЛ УЛСЫН ЕРӨНХИЙЛӨГЧИЙН ХӨРС, БЭЛЧЭЭР ХАМГААЛАХ ТУХАЙ ЗАРЛИГИЙН ТӨСӨЛД САНАЛ АВАХ ХЭЛЭЛЦҮҮЛЭГ болно.

11:00 цагт: Үл хөдлөх хөрөнгийн ”Тэнхлэг зууч” компаниас Орон сууцны үнийн индексийн наймдугаар сарын үр дүнг танилцуулах хэвлэлийн бага хурал Монголбанкны хурлын танхимд болно.

11:00 цагт: Дуурь Бүжийн Эрдмийн театрын байранд УГЗ Л.Эрдэнэбулганы амьдрал, уран бүтээлийн тухай өгүүлэх ”Их хувь заяа” дурсамж номын нээлт болно.

12:30 цагт: Зууны мэдээ сонины Үндэсний мэдээллийн төвд Монголын Бичил уурхайн нэгдсэн дээвэр холбооноос Бичил уурхайн биологийн нөхөн сэргээлт хийсэн газарт нөхөн сэргээлт нэрээр компани үйл ажиллагаа явуулсан талаар мэдээлэл хийнэ.

Өнөөдөр буюу есдүгээр сарын 9-ны баасан гарагт дараах байршил дахь хэрэглэгчдийг цахилгаанаар хангадаг шугам тоноглолд урсгал засвар хийхээр болжээ. Тодруулбал, Сүхбаатар дүүрэг

10:00-18:00 цагт: 1, 11, 12, 13-р хороо Рашаант, Хангайн гудамж, Ус өргөх насос, Сансар худалдааны төв, Макс хүнс, Санколл, Инкозон, Зоос одон тэмдэг, Оргил деко, Фортуна стар, Хүжийн гал констракшн, Гэрэлт жин, Эрчим инженеринг, Бэрэн констракшн ХХК-ууд болон эдгээрийн ойр орчмоор

Баянзүрх дүүрэг

10:30-17:30 цагт: 16-р хороо Цэргийн 21, 22, Сүүний 22, 27-р байр, ШШГЕГ-ын ЦТП, 21-р цэцэрлэг, 40-р ясли, Нью жуулчин констракшн, Үржиншадүвлин хийд, Бүрдэл ХХК

Налайх дүүрэг

11:00-18:00 цагт: Лэгдэнхаан, Стройка, Их Биндэр хайрхан, Юнител, Өндөр-Улаан, Ном, Немо камп, Болор, Баяр импекс, Минжин, Мираж, Тахилга, Тэнгэрийн илч, Сан жуулчин, Тэрэлж жуулчин, UB-2, Гацуурт, Талын сондор, Тэрэлж, Монгол алт, Лайт саунд, Тэлмэн кэмп ХХК-ууд, Ламиран дацан, иргэн Отгонбаяр, Оюунсүрэн, Цэрэндорж болон эдгээрийн ойр орчмоор

Хан-Уул дүүрэг

11:30-18:00 цагт: 12-р хороо Хайрхан гэр хорооллын хойд тал , Мод үржүүлэг, Болорметтем ХХК болон эдгээрийн ойр орчмоор

Сонгино хайрхан дүүрэг

11:00-18:00 цагт: 1-р хороо Толгойтын 112-128-р гудамж, Ан Сан Ши ХХК болон эдгээрийн ойр орчмоор

Болормаа УУГАНХҮҮ (В3 буюу сул хараа, 60 кг)

1991.02.01, Дорноговь аймгийн Сайншанд
Жиндээ чансаагаараа 11-т бичигдэн эрхээ авсан
“Инчён 2014” Азийн паралимпийн мөнгө
2014 оны ДАШТ-ий V байр
Дасгалжуулагч: ОУХМ Ч.Базарсүрэн, ОУХМ Б.Нарантуяа
Үндэсний шигшээ баг, ОУХМ
Анхны багш: Я.Дорж, О.Болдбаатар
Жцү-жицүгийн “Гаруда” клуб

Улсын Их Хурлын Төрийн байгуулалтын байнгын хорооны өнөөдрийн /2016.09.08/ хуралдаан 52.6 хувийн ирцтэйгээр 15 цаг 10 минутад эхэллээ.

Тус хуралдааны эхэнд Монгол Улсын нэгдсэн төсвийн 2015 оны гүйцэтгэл, Засгийн газрын санхүүгийн нэгтгэсэн тайлан, “Монгол Улсын 2015 оны төсвийн гүйцэтгэлийг батлах тухай” Улсын Их Хурлын тогтоолын төслийн хоёр дахь хэлэлцүүлгийг хийв.

Байнгын хорооны хуралдаанд Монгол Улсын нэгдсэн төсвийн 2015 оны гүйцэтгэл болон Засгийн газрын санхүүгийн нэгтгэсэн тайлангийн талаар Сангийн дэд сайд Х.Булгантуяа, дээрх тайланд хийсэн аудитын талаар Үндэсний аудитын газрын Дэд дарга Б.Баттуяа нар тус тус танилцуулга хийв. Монгол Улсын 2015 оны нэгдсэн төсвийн тэнцвэржүүлсэн орлого ба тусламжийн дүн 6.0 их наяд төгрөгт хүрч, 98.7 хувийн гүйцэтгэлтэй, зарлага 7.1 их наяд төгрөгт хүрч 94.8 хувийн биелэлттэй гарсан. Төсвийн тэнцэл 1 их наяд 157 тэрбум төгрөгийн алдагтай байгаа юм байна.

Байнгын хорооны хуралдаанаар дээрхи асуудлыг хэлэлцэх үед УИХ-ын гишүүн Н.Энхболд төсвийн гүйцэтгэлтэй холбоотой зөрчил гаргасан албан тушаалтанд хариуцлага тооцох ажил хангалтгүй байсан, УИХ-ын гишүүн Ж.Мөнхбат, Д.Хаянхярваа, О.Содбилэг нар Үндэсний аудитын газар нь өнгөрсөн 4 жилийн хугацаанд ажил үүргээ хангалттай гүйцэтгээгүй, асуудалд улс төржсөн, ёс зүйгүй байрнаас хандах тохиолдлууд гарч байсан тухай бүр холбогдох албан тушаалтанд арга хэмжээ авч таслан зогсоож байгаагүй талаар санал хэлж, Үндэсний аудитын газар цаашид улс төрөөс ангид ажиллах шаардлаг, боломжоо хуулийн дагуу хэрэгжүүлэх, Улсын Их Хурлаас Үндэсний аудитын газрын үйл ажиллагаанд хяналт, шалгалт хийх ажлын хэсгийг гаргах талаар тус тус саналаа илэрхийллээ.

Ийнхүү Монгол Улсын нэгдсэн төсвийн 2015 оны гүйцэтгэл, Засгийн газрын санхүүгийн нэгтгэсэн тайлан, “Монгол Улсын 2015 оны төсвийн гүйцэтгэлийг батлах тухай” Улсын Их Хурлын тогтоолын төслийн хоёр дахь хэлэлцүүлгийг хийж, санал, дүгнэлтээ Төсвийн зарлагын хяналтын дэд хороонд хүргүүлэхээр тогтлоо.

Дараа нь Монгол Улсын Засгийн газрын 2016-2020 оны үйл ажиллагааны хөтөлбөр батлах тухай Улсын Их Хурлын тогтоолын төслийн эцсийн хэлэлцүүлгийг хийв.

Тогтоолын төслийн эцсийн хэлэлцүүлэгт бэлтгэсэн талаарх ажлын хэсгийн танилцуулгыг УИХ-ын гишүүн, Ажлын хэсгийн ахлагч Н.Цэрэнбат танилцуулав. Танилцуулгатай холбогдуулан УИХ-ын гишүүн Д.Эрдэнэбат Ажлын хэсгийн ахлагчаас найруулгын шинжтэй асуулт тавьж, хариулт авсан юм. Ингээд зарчмын зөрүүтэй саналтай гишүүн байгаагүй тул Монгол Улсын Засгийн газрын 2016-2020 оны үйл ажиллагааны хөтөлбөр батлах тухай Улсын Их Хурлын тогтоолын төслийн эцсийн хэлэлцүүлгийг хийж, чуулганы нэгдсэн хуралдаанд танилцуулахаар тогтлоо.

Үүний дараа “Улсын Их Хурлын 2016 оны намрын ээлжит чуулганаар хэлэлцэх асуудлын тухай” Улсын Их Хурлын тогтоолын төсөл байлаа. Байнгын хорооны дарга Н.Энхболд хийсэн танилцуулгадаа, хууль санаачлагчаас урьдчилан санал авсан. Үүнд, Ерөнхийлөгчийн Тамгын газраас 14, Засгийн газраас 54, Улсын Их Хурал дахь Намын бүлэг, гишүүдээс 83, нийт 151 санал авсан боловч Улсын Их Хурлын 2016 оны намрын ээлжит чуулганаар хэлэлцэж, батлах боломжгүй. Иймд эхний ээлжинд хуулиар зайлшгүй хэлэлцэх ёстой хуулиуд байна. Тухайлбал, төсөв, Улсын Их Хуралд өргөн мэдүүлэгдсэн хэлэлцүүлгийн шатанд байгаа зэрэг 20 орчим хууль байна гэлээ.

Хэлэлцэж буй асуудалтай холбогдуулан УИХ-ын гишүүн Д.Эрдэнэбат Ардчилсан намын бүлгийн хурал дээр дахин хэлэлцэх шаардлагатай гэсэн санал гаргасан тул энэ асуудлыг хойшлуулахаар шийдвэрлэж, Төрийн байгуулалтын байнгын хорооны хуралдааныг маргааш үргэлжлүүлэхээр тогтлоо хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

Гадаад паспортын бэлдэц байхгүйгээс иргэдийн дунд хүлээлт үүсээд байгаа талаарх мэдээлэл зуны хэдэн сар дамнасан. Гэтэл ойрын хэдэн өдөр ХБНГУ-д захиалдаг бэлдэцийг Унгараас өндөр үнээр захиалж олон сая төгрөг шилжүүлснээс паспортын бэлдэц тасрахад нөлөөлсөн гэх мэдээлэл гарав. Тэгвэл гадаад паспортын бэлдэцийг авах улсыг ямар учраас сольсон, хэзээнээс хүлээлт үүсээд байгаа паспортын захиалгыг хэвийн явуулах талаар Улсын бүртгэл, статистикийн ерөнхий газрын Иргэний бүртгэлийн газрын дарга Д.Энхцэцэгтэй ярилцлаа.

“Нийслэлийн нутаг дэвсгэрт нохой, муур тэжээх, устгах журам”-ыг хэлэлцүүллээ

Засгийн газрын зүгээс Хамтын тэтгэврийн тухай хуулийг хүчингүй болгохоор төсвийн тодотголд тусгасан. Уг асуудлыг УИХ-ын чуулганы хуралдаанаар хэлэлцэж эцсийн хэлэлцүүлгийг нь хийж батлахад бэлэн болоод байна. Нийгэмд хүлээлт үүсгээд байсан уг хуулийг хүчингүй болгохын тулд Ерөнхий сайд нь Сангийн сайдынхаа хамтаар хачин гэхээсээ илүү ”сүсгийн гэмээр тэнэг” мэдэгдлүүдийг хийж олны дургүйцлийг хүргэж олон нийтийн дунд шуугиан тариад буй. 2014 онд уг хуулийг батлахаар хэлэлцэх МАН-ын бүлэг ”Тооцоо судалгаа муутай хууль. Тэтгэврийн санд ачаалал үүсгэнэ” хэмээн хэрэгжих хугацааг нь хойшлуулж байсан билээ.

2016 оны 09 дүгээр сарын 10-наас 09 дугээр сарын 14-нийг хүртэлх

цаг агаарын урьдчилсан төлөв:
10-нд төв, зүүн, говийн аймгуудын зарим газраар, 11-нд зүүн аймгуудын нутгаар, 12-13-нд төв болон зүүн аймгуудын зарим газраар бага зэргийн бороо орно. Салхи 13-нд Алтайн уулсаар секундэд 12-14 метр хүрч ширүүснэ. Хангай, Хөвсгөл, Хэнтэйн уулархаг нутаг, Туул, Тэрэлж голын саваар шөнөдөө 2 градус хүйтэнээс 3 градус дулаан, өдөртөө 13-18 градус, Говийн бүс нутгийн өмнөд хэсгээр шөнөдөө 13-18 градус, өдөртөө 24-29 градус, бусад нутгаар шөнөдөө 3-8 градус, өдөртөө 17-22 градус дулаан байна.

Үс шинээр үргээлгэх буюу засуулбал нас уртадна

2016 оны 09 дүгээр сарын 08-ны 21 цагаас 09 дүгээр сарын 09-ний 21 цаг

хүртэлх цаг агаарын урьдчилсан мэдээ:
БАРУУН АЙМГУУДЫН НУТГААР: Солигдмол үүлтэй. Хангайн уулархаг нутгаар хур тунадас орно. Салхи баруун хойноос секундэд 6-11 метр. Алтай, Хангайн уулархаг нутгаар шөнөдөө 2 градус хүйтнээс 3 градус дулаан, өдөртөө 13-18 градус, Алтайн өвөр говиор шөнөдөө 13-18 градус, өдөртөө 23-28 градус, бусад нутгаар шөнөдөө 3-8 градус, өдөртөө 18-23 градус дулаан байна.

ТӨВИЙН АЙМГУУДЫН НУТГААР: Үүлшинэ. Шөнөдөө Хангайн уулсаар, өдөртөө зарим газраар бороо орно. Салхи баруун хойноос секундэд 5-10 метр. Шөнөдөө Хангай, Хөвсгөлийн уулархаг нутгаар 0-5 градус, өдөртөө 12-17 градус, бусад нутгаар шөнөдөө 4-9 градус, өдөртөө 16-21 градус дулаан байна.

ЗҮҮН АЙМГУУДЫН НУТГААР: Үүлэрхэг. Зарим нутгаар бороо орно. Салхи хойноос секундэд 6-11 метр. Шөнөдөө 6-11 градус, өдөртөө бүх нутгаар 16-21 градус дулаан байна.

ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Бороо орохгүй. Салхи хойноос секундэд 5-10 метр. Шөнөдөө 4-6 градус, өдөртөө 18-20 градус дулаан байна.

ГОВИЙН АЙМГУУДЫН НУТГААР: Үүлшинэ. Шөнөдөө бороо орохгүй. Өдөртөө зарим газраар бороо орно. Салхи баруун хойноос секундэд 5-10 метр, зарим газраар секундэд 12-14 метр хүрч ширүүснэ. Дундговийн нутгаар шөнөдөө 5-10 градус, өдөртөө 16-21 градус, бусад нутгаар шөнөдөө 8-13 градус, өдөртөө 20-25 градус дулаан байна.

УЛААНБААТАР ХОТ: Үүлшинэ. Шөнөдөө бороо орохгүй. Өдөртөө бага зэргийн бороо орно. Салхи баруун хойноос секундэд 5-10 метр. Шөнөдөө 6-8 градус, өдөртөө 17-19 градус дулаан байна.