“Орчлон” констракшны барьж буй

Хувийн унаа болон гэр машинаар аялах сонирхолтой хүмүүс Хятад улсын хилийн боомт хот Эрээнд цуглаж, Монгол болон Орос улсыг зорих гэж байна. 8-р сарын эхээр 100 гаруй гэр машин буюу хувийн машин унаатай жуулчид Эрээнд цуглаж, эндээсээ Хятад, Орос, Монгол гурван орны олон улсын хувийн унаа, гэр машины уралдаан наадамд оролцох юм. Тэд ”Түмэн газрын цайны зам”-аар даган хагас сар гаран хил аялах юм. Гэр машинаар Хятад, Орос, Монгол гурван орныг дамнасан аялал урьд өмнө нь болж байгаагүйгээрээ онцлог юм. ”Түмэн газрын цайны зам” Хятадын Фужянь мужийн У И уулын цайны үйлдвэрийн бүсээс эхэлж, Хунань, Шаньси, Өвөр Монгол зэрэг газраар дайран Монгол улс, Оросын Москвагаар дамжин Санкт-Петербургт хүрч, тэндээс цай зөөдөг байсан эртний арилжааны зам байсан бөгөөд 300 шахам жил идэвхтэй хөгжиж байсан түүхтэй.

Саяхан нээгдсэн Хятад, Орос, Монгол гурван орны аялал жуулчлалын сайд нарын анхдугаар хурлын үеэр Хятад, Орос, Монголын ”Түмэн газрын цайны зам” олон улсын аялал жуулчлалын холбоо байгуулагдсан юм. Ингэснээр ”Түмэн газрын цайны зам” брэндийг гурван орны аялал жуулчлалын хамтын ажиллагааны чухал агуулга болгож, цайны замын өвөрмөц аялал жуулчлалын маршрутыг хамтдаа нээж, улмаар түүх соёлын нэн чухал агуулгатай аялал жуулчлалын бүтээгдэхүүнийг бий болгохоор болжээ.

Энэ нь хэрэг дээрээ зөвхөн Хятад, Орос, Монголын хил дамнасан аялал жуулчлал дэвжин хөгжиж буйн нэгэн жишээ төдий юм Энэ оны эхний 5 сарын байдлаар Хятадад жуулчилсан Орос, Монголын жуулчдын тоо ихэд нэмэгдсэн байна. Хятадаас Орос, Монгол улсад аялсан жуулчдын тоо ч тогтвортой нэмэгдэж байна. Хятад, Орос, Монголын хил дамнасан аялал жуулчлалын цар хүрээ жил бүр нэмэгдэх болж, давхардсан тоогоор 5 саяас давдаг байна.

Өнөөдрийн гадаад валютын дуудлага худалдаагаар банкууд ам.доллар, юань худалдан авах санал ирүүлсэн бөгөөд Монголбанк 14.0 сая ам.доллар, 32.0 сая юанийг тус тус нийлүүлэв.

Монголбанкнаас өнгөрсөн зургаадугаар сарын мөнгөний тойм мэдээг гаргасан байна. Өнгөрсөн сард мөнгөний нийлүүлэлт өмнөх сараас 5.0 хувь, оны эхнээс 11.3 хувь, өмнөх оны мөн үеэс 11.4 хувиар өсч 11188.2 тэрбум төгрөг болжээ.

Өнөөдөр Монгол Улсын Гадаад харилцааны сайд Ц.Мөнх-Оргил БНХАУ-аас Монгол Улсад суугаа Онц бөгөөд Бүрэн Эрхт Элчин сайд Син Хайминыг ГХЯ-нд хүлээн авч уулзав.

Монгол Улсын Ерөнхий сайд Монгол Улсын Үндсэн хуульд заасны дагуу Засгийн газрын бүтэц, бүрэлдэхүүний талаар санал боловсруулан Монгол Улсын Ерөнхийлөгч зөвшилцөн УИХ батлуулж Засгийн газрын шинэ бүтэц бүрэлдэхүүний дагуу Монгол Улсын Ерөнхий сайд болон Шадар сайд, Монгол Улсын сайд, Засгийн газрын Хэрэг эрхлэх газрын дарга, асуудал эрхэлсэн сайд нар гэсэн 16 сайд, 13 яамтай ажиллаж эхэлсэн билээ.

Шинэ бүтэц яамдууд өөрчлөгдсөний дагуу ЭМЯ Сайд С.Ламбаа биеийн тамир спортын салбараа БСШУСЯ-нд шилжсэн учир Ж.Батсуурь сайдад хүлээлгэж өглөө.Мөн өнгөрсөн хугацаанд хийж хэрэгжүүлсэн төсөл хөтөлбөр болоод ажлаа танилцуулаад богино хугацаанд үр дүнтэй ажиллаж биеийн тамир спортын салбарт Монгол улс багагүй амжилт гаргасан үүнийг ч цааш тасралтгүй үргэлжлүүлэн ажиллахыг зөвлөлөө.

Нийслэлийн Иргэдийн Төлөөлөгчдийн сонгуульд нэр дэвшигчид нь сонгуулийн зардлын тайлангаа Сонгуулийн тухай хуулийн 59 дүгээр зүйлийн 59.1-д заасны дагуу санал хураалт явагдсан өдрөөс хойш 30 хоногт багтаан буюу 2016 оны 07 дугаар сарын 29-ний дотор гаргаж, Нийслэлийн сонгуулийн хороонд хүргүүлэх үүрэгтэй.

Харин нам, эвслүүдийн хувьд санал хураалт явагдсан өдрөөс хойш 45 хоногт багтаан буюу 08 дугаар сарын 14-ний дотор сонгуулийн зардлын тайлан гаргаж сонгуулийн төв байгууллагад Сонгуулийн тухай хуулийн 57 дугаар зүйлийн 57.3-д заасны дагуу хүргүүлэх үүрэгтэй.

Хуульд заасан хугацаанд сонгуулийн зардлын тайлангаа ирүүлээгүй бол тухайн нам, эвсэл, нэр дэвшигчийг дараагийн сонгуульд бүртгэхгүй байхаар Сонгуулийн тухай хуулийн 60 дугаар зүйлийн 60.5-д зохицуулсан байна.

Иймд нам, эвсэл, нэр дэвшигчид сонгуулийн зардлын тайлангаа хуульд заасан хугацааны дотор ирүүлнэ үү.

Мөн нам, эвсэл болон нэр дэвшигчийн зардлын данс байршуулсан банкны захирал, эсхүл салбарын эрхлэгч нь уг дансны бүх гүйлгээг нэгтгэсэн тайлан гаргаж 08 дугаар сарын 14-ний дотор холбогдох шатны сонгуулийн байгууллагад хүргүүлэх ёстойг анхаарах нь зүйтэй. Зардлын тайлан ирүүлэх батлагдсан загварыг Хавсралт хэсгээс татаж авна уу гэж Нийслэлийн Сонгуулийн хорооноос мэдээллээ.

1. Нэг өнгөөр дагна. Толгойноосоо хөл хүртлээ нэг өнгөөр дагнаж хувцаслах нь биеийг уртасгаж харагдуулахад нөлөөлдөг. Энэ нь илүү өндөр болгож харагдуулдаг ид шидтэй. Хэт олон өнгийн хувцас нэг дор өмсөх нь жижиг биетэй бүсгүйчүүдэд тун тохиромжгүй. Учир нь энэ нь олон блок давхарлаж өрсөн юм шиг харагдуулна.

2. Өндөр суудалтай өмд юбка өмс. Цээж, хөлний пропорцоо өөрчилснөөр илүү өндөр харагдах боломжтой. Өндөр суудалтай өмд, шорт нь “харааны хууралт”-ыг бий болгож, хөлийг уртасгана.

3. Макси юбканаас бүү ай. Намхан бүсгүйчүүд урт бошинз өмсвөл илүү жижигхэн харагдана гэж эмээдэг. Гэхдээ дэрвэгэр биш, шулуун баганан стильтэй юбка харин ч хөлийг чинь урт харагдуулах болно гэдгийг сана. Энгийн майкыг дотуур нь хийж, резинийг нь бүсэлхийнийхээ дээхнэ хавьд хүртэл татаж өмсөөрэй.

4. Богино өмднөөс зайлсхий. Гуталны яг дээхнэ шуумагтай өмд нь илүү өргөн, богино хөлтэй харагдуулна. Харин гуталныхаа ихэнх хэсгийг далдалсан өмд өмсвөл хөл чинь арай урт харагдана. Мөн өргөн, трапецан өмднөөс татгалзаарай.

5. Өөртөө яг таарсан, бариувтар хувцас өмс. Жаахан л сул, дэрвэгэр, өргөн загвартай хувцас биеийн чинь хэмжээг томсгож, өндрийг багасгана.

6. Нарийхан бүс сонго. Бүс бол их бие, болон биеийн доод хэсэг хоёрыг зааглаж өгдөг акссесуар. Тиймээс өргөн бүс зүүвэл цээж чинь урт, хөл чинь богино харагдах магадлалтай. Нарийхан бүс зүүвэл хувцаслалт чинь цэмцгэр болно.

7. Том хэмжээтэй гар цүнх авах хэрэггүй. Зөвхөн цүнх, бүс ч биш, ямар ч акссесуарны хувьд том хэмжээнээс зайлсхийгээрэй.

8. Босоо шугамтай нөхөрлө. Өргөн зураас тарган харагдуулж, босоо зураас өндөр нарийхан харагдуулдаг гэдгийг өөрийнхөө галбирт зохицуулж хувцасладаг бүсгүйчүүд сайн мэдэж байгаа. Гэхдээ нэг дор хэд хэдэн босоо шугамтай хувцас өмсөхийн оронд зөвхөн зураастай өмд, эсвэл юбка сонгох нь дээр юм.

9. Хээгээ зөв сонго. Жижиг биетэй бүсгүйчүүд том том хээнээс татгалзах хэрэгтэй. Үүний оронд жижиг, босоовтор замтай хээг сонго.

10. Шовх үзүүртэй гутал өмс. Ийм гутал нь хөлийг хэвийн хэмжээнээс арай урт харагдуулдаг. Ялангуяа өсгийтэй гутал өмсөж чаддаггүй намхан бүсгүйчүүдэд сүүлийн үед моодонд ороод байгаа гурвалжин хоншоортой баллерина авахыг зөвлөж байна.

11. Бүслүүртэй гутал бүү өмс. Ийм гутал нь хөлийг илүү бүдүүн, богинохон харагдуулдаг тул бидний зорилгод нийцэхгүй.

нутгийн төв хэсгээр бороо орно

Орон нутгийн замд ноцтой осол гарч хоёр хүн амиа алжээ

Түвд бүсгүйн нүцгэн зураг олон нийтийн сүлжээнд тархаж, түвдийн уугуул иргэд болон бурхны шашинтнуудын дургүйцлийг төрүүлээд байсан юм. Тэгвэл уг зургийг авсан гэрэл зурагчныг баривчилж хорьжээ.

Орон нутгийн иргэн цагдаад дуудлага өгснөөр хэрэг үүсгэн шалгаж, гэрэл зурагчин Юу Фэйсюнийг 10 хоногийн дараа баривчилсан байна. Түүнийг олон нийтийн амгалан тайван байдал алдагдуулж, үймээн самуун дэгдээсэн хэргээр баривчилжээ.

Гэрэл зурагчин орон нутгийн “Yamdrok” нууранд зураг авалтыг хийсэн нь иргэдийн дургүйцлийг ихээхэн төрүүлсэн юм. Учир нь тус нуур Түвдийн ариун шүтээн болсон гурван нуурийн нэг юм.

Нүцгэлэх урлаг бол дэлхийн улс орнуудад харилцан адилгүй хүлээж авдаг урлаг. Тэр дундаа Азийн улс орнуудад нүцгэлэх урлагийг буруушаах явдал ихээхэн байдаг. Тухайлбал, 2014 онд Малайзад гадаадын нэгэн жуулчин нүцгэн зургаа авахуулж олон нийтийн сүлжээнд цацсан бөгөөд хэрэг явдлын дараахад тус улсад ихээхэн хохирол учруулсан хүчтэй газар хөдлөлт болсон байдаг. Орон нутгийн иргэд өөрсдийн сүсэг бишрэлээр газар хөдлөлтийг тайлбарлахдаа нүцгэн зургаа авахуулсан гадаад жуулчинтай холбож түүнийг буруутгаж байсан удаатай

Долдугаар сар гарснаас хойш ам.долларын ханш эрчимтэй өссөөр байна.

Хүн төрөлхтний спортын аугаа их баяр Зуны Олимпийн XXXI их наадам ирэх 8-р сарын 5-наас 21-ний өдрүүдэд Бразилийн Рио де Жанейро хотноо зохиогдох гэж байна. Олимпын наадамд оролцох тамирчидын зарим нь хэдийнэ Рио-Де-Жанейро хотыг зорьсон. Тэгвэл тамирчидыг Олимпын хотхонд ирмэгц нь урьд өмнөх олимпын наадмын үеэр тарааж байгаагүй олон тооны бэлгэвчийг тараах гэнэ.


Тамирчдын очих боломжтой байгууламжууд хатуу чанга дэглэмтэй гэжээ“RSG” арга хэмжээг үүсгэн зохион байгуулагч Пол Рамблер, тамирчид наадам үргэлжлэх хугацаанд хүссэн болгоноо хийж болно гэсэн баталгааг өгчээ. Олимпын наадмын үеэр урьд өмнө нь би ийм зүйл хэзээ ч харж байгаагүй хэмээн мэдэгджээ


Түүний ярьснаар, тамирчдын байрлах орон сууцнууд нь 13 мянган суултуур, 275 мянган хувцасны өлгүүр, өндөр тамирчдад зориулан сунгаж болох 18 500 ортой аж. Олимпын тосгонд байрлах тамирчдад нийт 450 мянган бэлгэвчийг /тамирчин бүрт 42 ширхэг/ тарааж өгөх гэнэ.

2016 оны 07 дугаар сарын 25-ны өдөр Улаанбаатар хотын Замын цагдаагийн газрын ЖШУХ дээр нийт 287 дуудлага, мэдээ мэдээлэл хүлээн авснаас зам тээврийн ослын 207 дуудлага бүртгэгдсэн байна.

Үүнээс гэмт хэргийн шинжтэй гомдол мэдээлэл 15 бүртгэгдэж, 9 хүн хүнд, хөнгөн гэмтсэн. Зам тээврийн осолд сургуулийн өмнөх насны 3, сургуулийн насны 2 хүүхэд өртсөн. Согтууруулах ундааны зүйл хэрэглэсэн үедээ хөдөлгөөнд оролцсон жолооч 5, явган зорчигч 2. Согтуугаар тээврийн хэрэгсэл жолоодсон 44 жолоочийг журамлан гарч болзошгүй осол хэргээс урьдчилан сэргийлж ажилласан байна.

Тухайлбал:
1. БЗД-ийн нутаг Майхан уулын баруун хойд замд амины BenzG320 маркийн Н жолоочтой автомашин онхолдож, жолооч 42 настай, эрэгтэй Н-н амь нас хохирсон.
2. СХД-ийн нутаг Москва хороолол 131-р байрны урд замд марк, улсын дугаар тодорхойгүй автомашины жолооч нь явган зорчигч 6 настай, эрэгтэй М-г мөргөж гэмтээн ослын газрыг орхин явсан.

Тарваган тахал өвчний эсрэг дархлаажуулалт энэ сарын 18-наас орон даяар эхэлсэн. Тэгвэл дархлаажуулалт 7-р сарын 28-ны өдөр хүртэл явагдах ба дархлаажуултад, тарваган тахлын голомтот нутгийн хүн ам, малчид, зорчигчид, эрүүл мэндийн байгууллага, онцгой байдал, мэргэжлийн хяналт, хууль сахиулах байгууллагын ажилтнууд хамрагдах шаардлагатай ба 6 наснаас дээш насныханд тарих заалттай.


Иймд иргэд та бүхнийг оршин суугаа газрынхаа харьяа эрүүл мэндийн байгууллагуудад хандахыг Зоонозын өвчин судлалын үндэсний төвөөс зөвлөж байна.

Японы мэргэжлийн сумогийн их аварга Хакухо М.Даваажаргал тэргүүтэй бөхчүүд манай улсад болох сумо бөхийн ДАШТ-ийг үзэж сонирхохоор өнөөдөр эх орондоо ирлээ. Тэд энэхүү тэмцээний талаар хэвлэлийн багa хурал хийх юм байна.

МАН-ын Удирдах зөвлөл өнөөдөр хуралдах эсэх нь тодорхойгүй байна.

АТГ-аас Нийслэлийн Эрүүл мэндийн газарт явуулсан шалгалтаар сонгон шалгаруулалтгүйгээр мэргэжлийн бус, ажлын туршлагагүй иргэдийг ажилд авсан зөрчил илэрчээ.

Аlibaba.com сайтын үүсгэн байгуулагч Жэк Ма манай улсад ирээд байгаа билээ. Тэрбээр долдугаар сарын 28-ны өдөр хүртэл Монгол улсад амарч, ажиллах төлөвлөгөөтэй байгаа аж.

ОХУ-аас БНХАУ-руу мод тээвэрлэж явсан галт тэрэг онхолдсон хэрэг энэ сарын 22-ны өдөр гарсан. Энэ талаар өнөөдөр УТБЗ-аас мэдээлэл хийлээ. Тэрээр, ослын шалтгаан нь бороо их орсны улмаас газрын хөрс зөөлөрсөнтэй холбоотой байх магадлалтай хэмээн ”Улаанбаатар төмөр зам” ТӨХК-иас үзэж байгаа юм байна. Энэхүү осолд ямар нэгэн гадны нөлөө, хорлон сүйтгэх ажиллагаа байсан эсэхийг хуулийн байгууллагаар шалгуулсан бөгөөд ямар нэгэн гадны нөлөө байгаагүй гэх дүгнэлт гарчээ. Ачааны галт тэрэг 25 км/цагийн хурдтай явах ёстой бөгөөд осол гарах үед тухайн галт тэрэг 20 км/цагийн хурдтай явж байжээ.