Тэнгисийн цасаар агаарын бохирдлыг сааруулна

Голд осолдсон иргэний амийг аврав

Зам тээврийн яамны Төрийн нарийн бичгийн дарга, “Монголын төмөр зам” ТӨХК-ийн ТУЗ-ийн дарга асан Б.Батзаяа, Ухаахудаг-Гашуун сухайтын чиглэлийн төмөр замын ажлыг гүйцэтгэж байсан Өмнөд Солонгосын “Самсунг С&Т” компанийн захирал Ли Жон Гёл нарыг хоёр сарын өмнө цагдан хорьсон билээ. Ингээд өнгөрсөн сард “Самсунг С&Т” компанийн захирал Ли Жон Гёлыг батлан даалтад гаргасан юм. Харин Б.Батзаяаг батлан даалтад гаргасан ч дахин цагдан хорьсон билээ.

Б.Батзаяаг Эрүүгийн хуулийн 148.4 буюу зохион байгуулалттайгаар бусдын эд хөрөнгийг залилан мэхэлж улсад үлэмж их хэмжээний хохирол учруулсан, 161’1.2 буюу зохион байгуулалттайгаар мөнгө угааж улсад онц их хэмжээний хохирол учруулсан байж болзошгүй гэсэн үндэслэлээр шалгаж байгаа билээ.

Тэгвэл өдгөө ШШГЕГ-ын харьяа хорих 461 дүгээр ангид саатуулагдаж буй Б.Батзаяа Өргөдлийн байнгын хороонд өргөдөл бичиж, өлсгөлөн зарлана хэмээн мэдэгджээ. Мөн тэрбээр тус байнгын хорооны дарга О.Баасанхүүтэй уулзахыг хүссэн байна.

Хугацаа нь дууссан бүтээгдэхүүнээс сэрэмжил

Ерөнхий сайд асан Н.Алтанхуягийн ахлах зөвлөх, Шинэчлэлийн Засгийн газраас хэрэгжүүлсэн “Нүүрс” хөтөлбөрийг ахалж ажилласан Л.Гансүх, “Эм Жи Эл Эс Би” компанийн захирал Н.Даваахүү, тус компанийн нягтлан бодогч Б.Мөнгөнтуяа нарт холбогдох эрүүгийн хэргийг өнөөдөр Нийслэлийн давж заалдан шатны шүүхэд шүүж байна. Шүүх хуралд гэрч, шинжээч нарыг оролцуулахгүй байгаагаас гадна Л.Гансүхийг биеэр байлцуулахгүй, онлайнаар шүүх хуралд оролцуулж байгаа аж.



Мөн Ерөнхий сайд асан Н.Алтанхуяг, С. Ганбаатар гишүүн нар шүүх хуралд ажиглагчаар оролцож хяналт тавьж байна.

Нийслэлийн Удирдах ажилтнуудын ээлжит Шуурхай зөвлөлгөөний үеэр нийслэлийн Засаг дарга бөгөөд Улаанбаатар хотын Захирагч Э.Бат-Үүл дараахь үүрэг даалгаврыг холбогдох байгууллагуудад өглөө. Үүнд:

Явган хүний зам талбай, гарцан дээрх хальтиргаа гулгааг мэргэжлийн байгууллагууд цэвэрлэх ажлыг шуурхай зохион байгуулах
Халтиргаа, гулгааг арилгах зорилгоор давс, бодис нөөцлөх талаар цаашид авах арга хэмжээний саналыг Нийслэлийн Удирдлагын зөвлөлийн хурал танилцуулах
Гэмт хэргийн гаралт их байгаатай холбогдуулан “Хөршийн холбоо”-ны үйл ажиллагааг идэвхжүүлэх, зөрчлөөс урьдчилан сэргийлэх ажлыг зохион байгуулах
Шинэ жилийг тэмдэглэн өнгөрүүлэх арга хэмжээний хүрээнд Чингисийн талбайд 12 дугаар сарын 31-ний үдэш болох баярын цэнгүүнд нийт байгууллагууд идэвхтэй оролцох, баярын өдрүүдэд эргүүл, жижүүр томилон ажиллуулах
Баярын өдрүүдэд мэргэжлийн чиг үүргийн байгууллагуудыг үүрэгжүүлж хэрэглээний халуун, хүйтэн болон ундны ус, дулаан, цахилгаанаар тасалдалгүй хэвийн хангах, шаардлагатай тохиодолд ажиллах аюулгүй ажиллагааны бригадыг бэлэн байлгах, хяналт тавьж ажиллах
Баярын өдрүүдэд худалдаа үйлчилгээний газруудад хоол, хүнсний чанар аюулгүй байдлыг хангуулах, хяналт тавьж ажиллах
Баярын өдрүүдэд хог цэвэрлэгээний ажлыг зохион байгуулах, нийтийн тээврийн үйлчилгээний чанар, цагийн хуваарьт хяналт тавьж ажиллах
Нийслэл, дүүргийн 2016 оны төсөв батлагдсантай холбогдуулж төсвийг ил тод болгон сурталчлах, төсвийн жилийг эхлүүлэх бэлтгэлийг хангах хүрээнд 2016 оны 1 дүгээр сард багтаан Үнэлгээний хороодыг байгуулахыг үүрэг болголоо гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Төрийн үйлчилгээг иргэдэд чиргэдэлгүй, шуурхай хүргэх үүднээс нийслэлийн гурван байршилд “Төрийн үйлчилгээний нэгдсэн төв”-ийг байгуулахаар болсон. Эхний ээлжинд Баянзүрх дүүргийн 26 дугаар хорооны нутаг дэвсгэрт байрлах “Дүнжингарав” худалдааны төвд 2800 метр квадрат талбайд “Төрийн үйлчилгээний нэгдсэн төв”-ийг байгуулж байгаа бөгөөд одоогоор бэлтгэл ажлаа хангаж байна. “Төрийн үйлчилгээний нэгдсэн төв”-д ажиллах албан хаагчдаа бэлтгэх ажлыг зохион байгуулах үүргийн хүрээнд нийслэлийн харьяа байгууллага, агентлагууд тус төвд ажиллах албан хаагчаа бэлтгэж байгаа юм. Харин нийслэлийн харьяа таван байгууллага тус төвд албан хаагчаа ажиллуулах боломжгүй гэж үзжээ. Нийслэлийн Засаг дарга ”Төрийн үйлчилгээний нэгдсэн” төвд албан хаагчаа ажиллуулаагүй байгууллагуудын удирдлагыг ажлаас чөлөөлөхийг анхааруулав.

цалин

Л.Эрдэнэчимэг: Хүүхэд харах үйлчилгээнд 10 тэрбум төгрөг төсөвлөсөн

Эрүүгийн цагдаагийн газрын Хар тамхитай тэмцэх хэлтсээс 2015 оны 12 дугаар сарын 17-ны өдөр Монгол Улсын иргэн “О”, “Б”, “З” нар нь бүлэглэн Дорноговь аймгийн Замын Үүд боомтоор хар тамхи, мансууруулах бодисын төрөлд орох ICE буюу МӨС гэх бодисыг их хэмжээгээр улсын хилээр нэвтрүүлсэн гэмт хэргийг илрүүлэн ЭХ-ийн 188.2, 192.3.5-т зааснаар эрүүгийн хэрэг үүсгэн шалгаж байна.
Шалгалтын явцад иргэн “О” нь 2015 оны 12 дугаар сарын 02-ний өдөр бусадтай бүлэглэн БГД-ийн 17-р хорооны нутаг дэвсгэрт хар тамхи, мансууруулах бодисын төрөлд орох ICE буюу МӨС гэх бодисыг хууль бусаар олж авч, бусдад зарж борлуулсан гэмт хэргийг үйлдэн ЭХ-ийн 192.2-т зааснаар эрүүгийн хэрэгт шалгагдаж байх хугацаандаа дахин энэ төрлийн гэмт хэргийг үйлдсэн болох нь тогтоогдсон байна.
Сэжигтэн “О”, “Б”, “З” нарт ШШГЕГ-ын хорих 0461-р ангид сэжигтнээр цагдан хорих таслан сэргийлэх арга хэмжээ авч мөрдөн байцаалтын ажиллагааг үргэлжлүүлэн явуулж байна.
Улсын хэмжээнд 2015 оны 12 дугаар сарын 20-ны байдлаар хар тамхи, мансууруулах бодистой холбоотой нийт 69 гэмт хэрэгт 160 хүн холбогдон шалгагдсанаас 18-35 насны залуучууд байна.

Мөн байнгын хорооны дарга нарын хугацаа дуусч байгаа тул хэнийг нь сунгах вэ, хэнийг нь солих вэ гэсэн асуудлыг хэлэлцсэн аж.

УИХ-ын Сонгуулийн тухай хуулийн төслөөр тус бүлэг МАН-аас тавьж буй шаардлагыг авч хэлэлцсэн эсэх нь тодорхой бус байгаа юм. Учир нь АН-ын бүлэг өнөөдөр хэвлэлийнхэнд мэдээлэл хийгээгүй учир одоогоор тодорхой мэдээлэл ил болоогүй байна.

Баруунтүрүүнд амиа алдсан цэргүүдийн талаар нууцын зэрэглэлтэй мэдээлэл иржээ
Өнгөрөгч 11 дүгээр сард Увс аймаг дахь Хилийн 0311 дүгээр ангид Хөвсгөл аймгаас татагдан цэргийн алба хааж байсан байлдагчид нас барсан гэх мэдээллийг УИХ-ын гишүүн Ц.Даваасүрэн хийж байсан. Тэрбээр “Хилийн 0311 дүгээр ангид алба хаахаар очсон цэргүүд зодуур, дарамтнаас болж өвчилдөг, амь эрсддэг явдал удаа дараа гараад байна. 2013 оноос хойш таван байлдагч амь насаа алдсан. Одоо таван байлдагч эмчилгээ хийлгэж байна” хэмээсэн.
Уг мэдээллийг цацсаны дараа Ц.Даваасүрэн гишүүн энэ талаар тодруулахаар Батлан хамгаалахын сайдад асуулга хүргүүлсэн байна. Харин салбарын сайдаас нь хариултыг ирүүлсэн бөгөөд ингэхдээ нууцын зэрэглэлд хамруулсан байна. Энэ талаар өнөөдөр Ц.Даваасүрэн гишүүн мэдээлсэн. Тэрбээр “Ирүүлсэн хариу тайлбарт уг нь тэр цэргүүд ямар шалтгаанаар нас барсан, яаж зүү залгисан, яаж усанд живсэн талаар дэлгэрэнгүй дүгнэлтүүд байна лээ. Гэхдээ нууцын зэрэглэлтэй учраас олон нийтэд зарлаж болохгүй байна” гэсэн юм.
Түүнчлэн УИХ-ын гишүүн Ц.Даваасүрэн энэ талаарх асуудлаар УИХ-ын Аюулгүй байдал, гадаад бодлогын байнгын хороонд мөн хандахаар болсон байна. Ингэхдээ зөвхөн Баруунтүрүүний цэргийн анги биш улс даяар байгаа бусад хилийн заставуудад төр хэрхэн анхаарал хандуулж ажилладаг талаар мэдээлэл авах юм байна.

Даланзадгадчууд цэвэр, бохир усны шугамтай боллоо
Монгол Улсын Засгийн газраас аймаг бүрт дэд бүтэц байгуулах, 1000 айлын орон сууц барих хөтөлбөр хэрэгжүүлж байгаа. Үүнтэй холбоотойгоор өмнө нь Хөвс- гөл, Сүхбаатар аймгийн төвд цэвэр, бохир усны шугам сүлжээг ашиглалтад оруулаад байсан юм. Тэгюл энэ удаад Даланзадгад хотын гэр хороололд 14 км инженерийн шугам сүлжээг ашиглалтад орууллаа. Мөн тус хотын гэр хорооллын гадна усан хангамж ариутгах татуургын шугам
сүлжээг байнгын ашиглалтад байлгахаар өчигдөр залгасан байна. Ингэснээр тус аймгийн гэр хорооллын иргэд цэвэр, бохир усанд холбогдож байгаа юм. Ирэх хавраас 1000 айлын орон сууц хорооллууд барьж эхлэх юм.

УИХ-ын гишүүн Г.Уянгаас болж ажлаасаа халагдсан гэх залуу АТГ-д шалгагдаж байгаа талаар өнөөдөр Г.Уянга гишүүн мэдээлэл хийлээ. Учир нь Г.Уянга гишүүн өнгөрөгч 2012 оноос хойш бие даагч гишүүдтэй хамтран гурван ч удаа Монголбанкны Ерөнхийлөгчийг огцруулах санал өргөн барьж байсан. Тухайлбал, өнгөрөгч гуравдугаар сард Монголбанкны Ерөнхийлөгч Н.Золжаргал өөрийн тойрон хүрээлэгч нарт буцалтгүй тусламж, байрны урьдчилгаа гэх мэтээр нэг хүнд л гэхэд 45-100 сая төгрөг, нийтдээ 3.2 тэрбум төгрөг тараалаа гэх мэдээллийг цацаж байсан.Энэ асуудалтай холбоотойгоор Монголбанкны удирдлагууд тус банкинд ажилладаг байсан н.Чулуунбат гэдэг залууг Г.Уянга гишүүнд дээрх мэдээллийг дамжуулсан гэж үзэн ажлаас нь халсан аж. Улмаар мэдээлэл нууцаар дамжуулсан гэх үндэслэлээр эрүүгийн хэрэг үүсгээд байгаа юм байна. Тиймээс н.Чулуунбат Г.Уянга гишүүнд захидал бичиж өөрийг нь энэ хэрэгт ямар ч холбоогүй гэдгийг нотолж өгөхийг хүссэн байна.

Г.Уянга гишүүн энэ талаар ярихдаа “Тэр залуугийн ээжтэй нь уулзсан. Тэтгэвэрт гарах гэж байгаа ээжтэйгээ хоёулханаа амьдардаг, байрны зээлтэй юм байна лээ. Миний огт таньдаггүй хүнийг энэ хэрэгт холбож байгаад харамсаж байна. Би Монголбанкны Ерөнхийлөгч Н.Золжаргалыг дахиад АТГ-д өгч шалгуулна” гэсэн юм.

Манай МИКС ПИЦЦА-ны хамт олон та бүхэндээ шинээр

”Хөсөгтөн” хамтлаг хүнлэт олонгоор шагнуулав

Ардын урлагийн нэгэн гайхамшигт өв нь хөөмий юм. Тэгвэл энэхүү гайхамшигт хөөмийгөөр эх орноо сурталчилдаг залуус бол ”Хөсөгтөн” хамтлагийнхан билээ. Тус хамтлагийнхан дэлхийн 20 гаруй оронд аялан тоглолт хийхээр хүлгийн жолоо залсан. Хамтлагийнхан одоагоор Сингапур, Жакарта, Канберра, Ханой, Вьентьян болон Сидней хотод бүрэн хэмжээний тоглолтоо тавьж, тэнд суугаа монголчууддаа болон мянга, мянган гадаадын үзэгчдэд монгол урлагаа гайхуулаад байгаа аж. Энэхүү тоглолтыг Гадаад хэргийн
яам болон хилийн чанад дахь Монгол Улсын Элчин сайдын яамд хамтран зохион байгуулж байна. Очсон газар бүр манай үндэсний урлагийг бишрэн хүлээн авч байгаа бөгөөд Сиднейн удирддагууд тэдэнд нийслэлийнхээ хүндэт одон медалийг гардуулжээ. Тэдний тоглолт одоо Хятадын хотуудад үргэлжлэх юм байна.

ЭНХИЙГ САХИУЛАГЧИД ЭХ ОРОНДОО ИРЛЭЭ

Б.Гангаамаа Өмнөд v. Америкийн ноён оргилыг зорилоо

Дэлхийн дээвэр Эверестийн ноён оргилд эх орныхоо соёмбот тугийг мандуулсан анхны монгол эмэгтэй уулчин Б.Гангаамаа ээлжит авиралтаа хийхээр эх орноосоо мордлоо. Тэрбээр энэ удаа Дэлхийн долоон тивийн ноён оргилын нэг болох Өмнөд Америкийн ноён оргил Аконкагуа /6962 м/ уулыг зорьж байна. Б.Гангаамаа өмнө нь 2013 онд эмэгтэйчүүдийн багийг удирдан энэ ууланд авирч байжээ. Тухайн үед хамгийн энгийн замыг сонгож авиралт хийсэн байсан бол энэ удаа уулын хамгийн хүнд зам болох 1934 оны полыиуудын замаар авирахаар төлөвлөжээ. Түүний авиралтын хамтрагчаар Хонконгийн уулчин эмэгтэй явах аж. Эх орон, ард түмнийхээ хийморь лундааг их уулсын оргилд мандуулах уулчин маань 2016 оны нэгдүгээр сарын 16-нд эргэн ирэхээр төлөвлөжээ.

МАН-ын бүлэг хуралдаанаа завсарлууллаа

Улсын Ерөнхий Прокурорын газрын Ял эдлүүлэх ажиллагаанд хяналт тавих хэлтсийн дарга Ц.Мөнхбатыг 2015 оны 12 дугаар сарын 17-ны өдөр Хүний эрхийн Үндэсний Комиссын дээд шагнал “Хүний эрх” хүндэт тэмдэгээр шагналаа.

Ц.Мөнхбат нь 1985 онд УЕПГ-ын бичиг хэргийн ажилтнаас ажлын гараагаа эхэлж, Хэнтий, Дорноговь, Говьсүмбэр, Булган, Төв аймаг, Нийслэлийн болон УЕПГ-т прокурор, Ял эдлүүлэх ажиллагаанд хяналт тавих хэлтсийн даргаар 30 гаруй жил ажиллахдаа хэрэг бүртгэлт, мөрдөн байцаалтын үйл ажиллагаанд хяналт тавих, хүний эрхийн зөрчлөөс урьдчилан сэргийлэх чиглэлээр амжилт гаргасан тул ийнхүү шагнаж байгаагаа Комиссын дарга Ж.Бямбадорж илэрхийлжээ.