Монгол Улсын Ерөнхийлөгч Ц.Элбэгдоржийн Хятадад хийсэн төрийн айлчлалын үеэр түүний орчуулагчаар ажилласан Монгол залуу Бээжинд амь насаа алдсан байна. Тодруулбал, Бээжингийн Их сургуулийн докторант, МУИС-ын багш, хятад судлаач Ц.Ганбаатар өөрийн өрөөндөө цээжиндээ хутгалуулж амиа алдсан байжээ. Энэ хэрэгт Хятадын цагдаа нар амиа хорлосон гэх дүгнэлтийг тун чиг шуурхай гаргасан байна. Түүний докторын судалгааны сэдэв нь Чингис хааны урилгаар Монголын эзэнт гүрэнд айлчилсан, зарим домогт өгүүлснээр мөнхийн хутгийн тухай яриа өрнүүлсэн гэх доагийн шашины томоохон төлөөлөгч даяанч Чан Чунь бумбийн амьдрал, тэмцэл байсан гэнэ. Чингис хаан болон Чан Чунь бумба нарын харилцаж асан захидлууд болон хамтран үйлдсэн хасбуу тамгат гэрээний бичгийг олж, судалгааны эргэлтэд оруулах нь түүний эрдэм шинжилгээний ажлын зорилго байсан гэж хамтран ажилладаг нөхөд нь баталж байгаа аж. Амьдрах хүсэл тэмүүлэл нь ид буцалж байсан байж таарах энэхүү судлаач залуугийн цээжин тус газраа хутгалж амиа хорлосон хэрэг битүүхэндээ хардлага төрүүлсээр байна.

Малайзад буудуулсан эмэгтэйн хэргийг шалгаж байна

Энэ оны зургаадугаар сарын 15-ны өдөр Малайз улсад н.Номин-Эрдэнэ гэх Монгол эмэгтэй буудуулж, халдлагад өртсөн дөрөв дэх монгол эмэгтэй болсон билээ.

н.Номин-Эрдэнэ бизнесмэн найз залуугийнхаа хамтаар автомашинд явж байгаад цээжин тус газраа таван удаа буудуулсан гэгддэг. Түүнийг найз залуу болох 35 настай Малайзын нэгэн бизнесмэний хамт явж байгаад найз залууг нь онилсон гэмт этгээдүүдийн суманд өртсөн гэж эх сурвалжууд тухайн үед мэдээлж байв.

Тэдэн рүү хоёр гэмт этгээд халдсан гэх бөгөөд найман удаа буудсаны тав нь Номин-Эрдэнийг оносон ч амьд үлдсэн юм. Тэгвэл Гадаад хэргийн яамны мэдээлснээр уг хэрэг одоогоор тус улсын хууль хяналтын байгууллагад шалгагдаж байгаа аж.

Энэ талаар ГХЯ-ны Консулын газрын захирал Б.Болдоос тодрууллаа.

-Малайз улсад манай улсын элчин сайдын яам байхгүй учраас гэмт хэргийн золиос болох тохиолдол их гардаг. Харин саяхан өргөмжит Консулын газартай боллоо. Үр дүн гарч байна уу?
-Өмнө нь байж байгаад нэг хэсэг хаагаад эргээд байгуулсан. Өргөмжит консул гэдэг маань тухайн улсын иргэн байгаа. Монгол улсыг төлөөлж ажиллах сонирхолтой, монгол иргэдэд туслалцаа дэмжлэг үзүүлэх хүсэл эрмэлзэлтэй, санхүүгийн чадамжтай иргэнийг сонгон шалгаруулж ажиллуулдаг. Малайзад ч энэхүү шаардлагаа тавин ажиллуулж байгаа. Үр дүн мэдээж гарч байна.
-Мафийн золиос болж буудуулсан эмэгтэйн хэрэг шийдэгдсэн үү. Биеийн байдал нь ямар байгаа вэ?
-Шалгалтын ажиллагаа үргэлжилж байгаа. Эмэгтэйн хувьд эмнэлэгт хэвтэн шаардлагатай эмчилгээнүүдээ хийлгэж, биеийн байдал нь сайжирсан. Ар гэрийнхэн нь монголоос очиж уулзсан байдаг. Уг хэрэгтэй холбогдуулан эмэгтэйг шалгах шаардлагатай гэж үзсэн учраас Малайзад байцаалт өгөөд явж байгаа. Хэрэг эцэслэн шийдэгдээгүй байна.
-Хэрэгт ямар хүмүүсийг сэжиглэн шалгаж байгаа вэ?
-Машинд нь хамт явж байсан, буудсан этгээдүүдийг сэжиглэн шалгаж байгаа гэх мэдээлэл байна. Мөрдөн байцаалтын явцад яваа хэрэг учраас тодорхой мэдээлэл өгөх боломжгүй гээд байгаа. Хэрэг шийдэгдсэний дараа Элчин сайдын яамаараа дамжуулан мэдээлэл авч мэдээлэх болно.
Дашрамд хэлэхэд, Малайзад амиа хорлосон гэх манай улсын иргэн найзуудтайгаа наргиж байгаад маргалдан, цонхоороо үсэрч нас барсан талаар хэвлэлүүд мэдээлсэн. Тухайн улсын цагдаагийн газраас шалгаж амиа хорлосонг нь тогтоосон байна.

Хүчингийн хэрэг үйлдсэн монгол залуусын хэрэг нааштайгаар шийдэгдэх бололтой

Австралийн Сидней хотноо Монгол залуус хүчингийн хэрэг үйлдсэн гэх мэдээлэл тархсан. Улмаар тэдгээр залуусыг энэ оны есдүгээр сарын 23-ны өдөр саатуулсан байдаг.

Тодруулбал, Монгол залуус Backpage.com.au сайтаар дамжуулан хохирогч бүсгүйтэй секс хийхээр тохирч, уулзсан газраа хутга хэрэглэн, бүлэглэн хүчиндэж, дээрэмдсэн байна. Эл хэргийг оюутны түр визатай оршин суугч 21 настай Б, 22 настай Т үйлджээ.

Энэ талаар ГХЯ-наас тодруулахад “Гэмт хэрэгт холбогдсон хоёр залуугийн хоёр дахь шатны шүүх хурал энэ сарын 19-ны өдөр болсон. Манай хоёр иргэнийг тухайн хэрэгт буруутгах хангалттай баримт нотолгоо байхгүй байгаа тул үргэлжлүүлэн шалгах шаардлагатай гэж шийдвэр гарсан байгаа. Дараагийн шатны шүүх хурал товлогдоогүй байна. Ер нь манай хоёр иргэний талд шүүхийн шийдвэр гарах байх гэж найдаж байгаа. Шаардлагатай өмгөөлөгчийг томилсон. Мөн ар гэрийнхэн нь Австрали улсад очиж хүүхдүүдтэйгээ уулзсан” гэв.


Нотлох баримт хангалтгүй гэсэн үндэслэлээр өнгөсөн удаад хойшлогдсон уг шүүх хурал энэ удаад үргэлжлүүлэн шалгагдахаар болоод байна.


Энэ мэт Монгол залуус гадны оронд суралцаж, ажиллахаар очихдоо гэмт хэрэгт холбогдох тохиолдол буурахгүй байгааг албаныхан хэлж байна.

Тэр дундаа хар тамхины хэрэг үйлдэж харийн оронд ял авч байгаа монгол залуусын тоо жил ирэх тусам нэмэгдэж байгааг хуулийн байгууллагынхан анхааруулж байна.

Тухайлбал, Манай улсын иргэн Н.Золзаяад хар тамхины хэргээр Малайзын шүүхээс цаазын ял оноосон. Анхан шатны шүүхээс Н.Золзаяаг гэм буруугүй гэж үзсэн ч давж заалдах шатны шүүхээс цаазын ял оноосон. Одоо Дээд шүүхийн хуралдааныг хүлээж байгаа юм.


Ялангуяа БНХАУ-д манай улсын иргэд гэмт хэрэгт их холбогддог. Хулгай хийх, биеэ үнэлэх зэрэг гарсаар байна. ГХЯ-ны зүгээс мэдээлэл ирсэн даруйд тухайн саатуулсан хүчний байгууллагатай холбогдож, шаардлагатай тохиолдолд орчуулагчаар хангах, өмгөөлөгч олж өгөхийг хүсэх, ар гэрийнхэнд нь мэдээлэх зэргээр ажиллаж байна. Мөн хэрэг гарсан хойно нь биш аль болох урьдчилан сэргийлэх чиглэлээр ухуулга, сурталчилгаа байнга хийж байгаа аж.
Австралийн Сидней хотноо Монгол залуус хүчингийн хэрэг үйлдсэн гэх мэдээлэл тархсан. Улмаар тэдгээр залуусыг энэ оны есдүгээр сарын 23-ны өдөр саатуулсан байдаг.

Тодруулбал, Монгол залуус Backpage.com.au сайтаар дамжуулан хохирогч бүсгүйтэй секс хийхээр тохирч, уулзсан газраа хутга хэрэглэн, бүлэглэн хүчиндэж, дээрэмдсэн байна. Эл хэргийг оюутны түр визатай оршин суугч 21 настай Б, 22 настай Т үйлджээ.

Тухайн өдөр гахай, хулгана, үхэр, луу, нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр сахиус тахих, угаал үйлдэх, сан тавих, бэрийн үйл, өлзийг өгүүлэх, балин өргөх, мод босгох, газрын үүд боох, тангаргаас няцах, зэтгэрийг дарах, мал адгуус муулах үйл, өвчнийг таслах, хураан үйлдэхүй, үсэг зурхайд суралцах, бэр, буяны үйл хийгээд дайсныг номхотгоход сайн. Хиншүү хярвас гаргах, байшингийн суурь тавих, өс дарах, угаал үйлдэх, залбирал тавихад муу. Замд гарвал идээнд ханан, санасан хэрэг бүтмүй. Зүүн нүд татвал үзэсгэлэн болох бөгөөд баруун татвал хэрэг өчүүхэн төдий бүтнэ. Баруун чих хангинавал үзэсгэлэнтэй бөгөөд зүүн чих хангинавал буян болно. Өдрийн сайн цаг нь морь, хонь, нохой, гахай, үхэр, луу болой. Үс шинээр үргээлгэх буюу засуулбал өлзийтэй сайн.

2015 оны 11 дүгээр сарын 24-ний 20 цагаас 11 дүгээр сарын 25-ны 20 цаг


хүртэлх цаг агаарын урьдчилсан мэдээ:

БАРУУН АЙМГУУДЫН НУТГААР: Үүлшинэ. Нутгийн хойд хэсгээр бага зэргийн цас орно. Салхи баруун хойноос зарим газраар секундэд 12-14 метр хүртэл ширүүсч явган шуурга шуурга шуурна. Хангайн уулархаг нутаг, Идэр,Тэсийн голын хөндий, Хүрэн бэлчир орчмоор шөнөдөө 31-36 градус, өдөртөө 18-23 градус, Алтайн өвөр говиор шөнөдөө 10-15 градус, өдөртөө 1-6 градус, бусад нутгаар шөнөдөө 17-22 градус, өдөртөө 4-9 градус хүйтэн байна.

ТӨВИЙН АЙМГУУДЫН НУТГААР: Солигдмол үүлтэй. Шөнөдөө цас орохгүй. Өдөртөө Хангай, Хөвсгөлийн уулархаг нутгаар бага зэргийн цас орно. Салхи зүүн өмнөөс секундэд 6-11 метр. Дархадын хотгороор шөнөдөө 36-41 градус, өдөртөө 21-26 градус, Хэнтэйн уулархаг нутаг, Орхон, Сэлэнгэ, Хараа, Ерөө, Туул, Тэрэлж голын сав газраар шөнөдөө 32-37 градус, өдөртөө 16-21 градус, бусад нутгаар шөнөдөө 23-28 градус, өдөртөө 9-14 градус хүйтэн байна.

ЗҮҮН АЙМГУУДЫН НУТГААР: Солигдмол үүлтэй. Шөнөдөө зарим газраар бага зэргийн цас орно. Өдөртөө цас орохгүй. Салхи зүүн хойноос секундэд 5-10 метр. Хэрлэн, Онон, Улз, Халхголын сав нутгаар шөнөдөө 33-38 градус, өдөртөө 20-25 градус, бусад нутгаар шөнөдөө 27-32 градус, өдөртөө 15-20 градус хүйтэн байна.

ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Цас орно. Салхи баруун хойноос секундэд 4-9 метр. Шөнөдөө 33-35 градус, өдөртөө 21-23 градус хүйтэн байна.

ГОВИЙН АЙМГУУДЫН НУТГААР: Солигдмол үүлтэй. Цас орохгүй. Салхи зүүн хойноос секундэд 5-10 метр. Өмнөговийн нутгаар шөнөдөө 22-27 градус, өдөртөө 7-12 градус, бусад нутгаар шөнөдөө 28-33 градус, өдөртөө 14-19 градус хүйтэн байна.

УЛААНБААТАР ХОТ: Багавтар үүлтэй. Цас орохгүй. Салхи зүүн өмнөөс секундэд 5-10 метр. Шөнөдөө Яармаг-Сонгины орчмоор 35-37 градус, бусад хэсгээр 25-27 градус, өдөртөө 16-18 градус хүйтэн байна.

В.А.Моцартын бүтээлүүд эгшиглэнэ

Улсын филармони энэ сарын 27-нд “ВАМо- цартын бүтээлүүд” тоглолт хүргэх юм. Удир- даачаар Д.Нямдаш, хөтлөгч тайлбарлагчаар төгөлдөр хуурч, “Virtuoso” академийн тэр- гүүн, хөгжим суддаач М.Цогбадрах ажил- лах аж. Түүнчлэн С.Мөнхзаяа, З.Отгон нар гоцдон хөгжимдөнө.Дашрамд дурдахад, Улсын филармони дөрөвдүгээр улирлын уран бүтээлүүдээ “Сонгодог хөгжим” төслийн дор дэлхийн шилдэг хөгжмийн зохиолчдын бү- тээлүүдийг хүргэсээр байгаа. Өнгөрсөн бямба гаригт “Баян Монгол” жааз найрал хөгжмийн тоглолт болсон юм.

2015 оны 07-р сарын 02-ны өдрөөс хойш цагдаагийн байгууллагад хар тамхи, мансууруулах бодистой холбоотой 41 гомдол, мэдээлэл шалгагдсанаас 37 гомдолд эрүүгийн хэрэг үүсгэн мөрдөн байцаалтын ажиллагаа явуулсан байна.
37 хэрэгт 82 хүн холбогдон шалгагдсан байна.

Монгол улсад сүүлийн 5 жилийн дундажаар хар тамхи, мансууруулах бодисыг хууль бусаар олж авч хадгалах, зарж борлуулах, МУ-ын хилээр хууль бусаар нэвтрүүлэх гэмт хэрэг жил бүр 27 хувиар, холбогдогч 40 хувиар тус тус өссөн байна.
2009 оноос хойш МУ-д хар тамхи, мансууруулах бодистой холбоотой нийт 247 гэмт хэрэг бүртгэгдэн шалгагдаснаас эд мөрийн баримтаар хураагдсан бодисны 70 орчим хувь БНХАУ-аас хууль бусаар орж ирсэн байна.
Энэ нөхцөл байдалтай холбоотойгоор 2 улсын холбогдох албаны хүмүүс харилцан тохиролцсоны үндсэн дээр хар тамхи, мансууруулах бодистой холбоотой гэмт хэрэгтэй тэмцэх чиглэлээр 2015 оны 10 дугаар сарын 12-26-ны өдрүүдэд БНХАУ-ын ӨМӨЗО-ны Хөх хотод Монгол улсын цагдаагийн 15 алба хаагчийг сургалтанд хамруулсан байна.
Энэхүү сургалтыг бататгах зорилгоор Монгол Улс, БНХАУ-ын цагдаагийн байгууллагаас хамтран хар тамхитай тэмцэх чиглэлээр “Хяналтын дор хүргүүлэх” сэдэвт хамтарсан дадлага-сургалтыг 2015 оны 11-р сарын 17-ны өдөр БНХАУ-ын Эрээн хотод амжилттай зохион байгуулж Цагдаагийн ерөнхий газраас 25 алба хаагч, Үндэсниий аюулгүй байдлын зөвлөл, Хууль зүйн яамнаас төлөөлөгчид оролцсон.
Дадлага-сургалт нь Монгол улс, БНХАУ-ын хил орчмын бүс нутагт хар тамхи, мансууруулах бодистой холбоотой гэмт хэрэгтэй тэмцэх чиглэлээр анх удаа зохион байгуулагдаж байгаагаараа онцлогтой юм.

УИХ-ын Өргөдлийн байнгын хороо үдээс хойш хуралдах байсан ч ирц бүрдээгүйн улмаас хойшлов.

Тус хуралдаанаар Өмнөговь аймгийн 1059 иргэнээс Тост, Тосон бумбын нурууг улсын тусгай хамгаалалтад авах талаар ирүүлсэн өргөдлийн асуудлаар Байгаль орчин, ногоон хөгжил, аялал жуулчлалын сайд Н.Батцэрэгийн мэдээллийг сонсох байсан юм. Гэвч гишүүдийн ирц бүрдсэнгүй. Энэ тухайд тус байнгын хорооны дарга О.Баасанхүү ”АН-ын бүлгийн гишүүд ажил таслаад байна. Өнөөдрийн хуралдаанд бүлгийн нэг ч гишүүн ирсэнгүй. Төрийн ажлыг ингэж явуулж болохгүй. Хэрэв ажил хаяад байгаа бол мэдэгдэх хэрэгтэй” гэв.

БЭЙ АЭРИАГИЙН МОНГОЛЧУУДЫН ХОЛБОО ШАГНАЛАА ГАРДАН АВЛАА

НҮБ-ын Хүүхдийн Сангийн Монгол дахт суурин төлөөлөгчийн газрын захиалгаар Oxford Policy Management (OPM), МУИС-ийн Хүн амын сургалт судалгааны төв (ХАССТ) хамтран ”Хотын хүүхдийн дүр төрх” судалгааг хийжээ.



Монгол Улсын хот суурин газарт амьдарч буй хүүхдүүдийн аж байдлыг тодорхойлох энэхүү судалгааны үр дүнг маргааш танилцуулах юм байна. Танилцуулах хурал маргааш 9.30-12.00 цагт Блю Скай зочид буудлын Топаз танхимд болно.

ИХ-ын Нийгмийн бодлого, боловсрол, соёл, шинжлэх ухааны байнгын хорооны өнөөдрийн хуралдаан дахин хойшиллоо.

Тус байнгын хороо өнөө өглөө 09.00 цагаас хуралдах байсан ч үдээс хойш 14 цаг болгон хойшлуулсан. Тус байнгын хорооны дарга Д.Батцогт орон нутагт ажиллаж байгаа гэдэг шалтгаанаар хуралдаан хойшилсоор байна. Байнгын хорооны дарга үдээс хойшдоо багтаж ирэх байх гэж байсан ч нислэг саатсанаас ийн хуралдаан хойшилжээ.

Уг хуралдаанаар Хамтын тэтгэврийн тухай, Хөдөлмөрийн тухай хуулийн холбогдох шатны хэлэлцүүлэг болон Нийгмийн даатгалын үндэсний зөвлөлийн гишүүдийг сонгох тухай асуудлыг хэлэлцэхээр товлоод байсан юм.

Хууль зүйн байнгын хорооны хуралдаан мөн ирц бүрдээгүй шалтгаанаар хойшилсон аж.

Энэ сарын 26 буюу ирэх пүрэв гаригт баруун болон төвийн нутгийн хойд хэсгээр, 28-нд төв, зүүн зүгийн нутгийн зарим газраар цас орж, цасан шуурга шуурна. Салхи 28-нд зарим газраар, 29-нд Алтайн уулсаар секундэд 12-14 метр хүрч ширүүснэ.



Хүйтний эрч суларч Дархадын хотгороор шөнөдөө 31-36 градус, өдөртөө 19-24 градус, Хэнтэйн уулархаг нутаг, Хүрэн бэлчир болон Идэр, Тэс, Орхон-Сэлэнгэ, Хараа, Ерөө, Туул, Тэрэлж, Хэрлэн, Онон, Халх голын саваар шөнөдөө 25-30 градус, өдөртөө 11-16 градус, говийн бүс нутгийн өмнөд хэсгээр шөнөдөө 8-13 градус, өдөртөө 0-5 градус, бусад нутгаар шөнөдөө 16-21 градус, өдөртөө 4-9 градус хүйтэн байна.

Бүх Хятадын Ардын Төлөөлөгчдийн Их хурлын Байнгын хорооны дэд дарга, хатагтай Янь Зюньци манай улсад айлчлал хийж байна. Тэрээр өнөөдөр Монгол Улсын Ерөнхий сайд Ч.Сайханбилэгтэй уулзлаа.

БНХАУ-тай сайн хөршийн найрсаг харилцаа, харилцан ашигтай хамтын ажиллагааг урт хугацаанд тогтвортой хөгжүүлэх нь Монгол Улсын гадаад бодлогын тэргүүлэх чиглэл юм. БНХАУ-ын дарга Си Зиньпинийн урилгаар Монгол Улсын Ерөнхийлөгч Ц.Элбэгдоржийн энэ сарын 9-11-нд тус улсад хийсэн төрийн айлчлал амжилттай болж, хоёр улсын Иж бүрэн стратегийн түншлэлийн харилцааг гүнзгийрүүлэн хөгжүүлэхэд чухал ач холбогдолтой болсон. Нэг тэрбум ам.долларын хэлэлцээр байгуулсанд сэтгэл хангалуун байгаагаа Ерөнхий сайд илэрхийлээд Засгийн газрын өчигдрийн хуралдаанаар зээлийн Ерөнхий хэлэлцээрийн хүрээнд хэрэгжүүлэх төслийн жагсаалтыг шинэчлэн баталсан талаар хэллээ.

Мөн энэ оны есдүгээр сарын 9-11-нд Далянь хотноо болсон Дэлхийн эдийн засгийн чуулга уулзалтад оролцсоноо Ерөнхий сайд тэмдэглээд энэ үеэр БНХАУ-ын Төрийн Зөвлөлийн Ерөнхий сайд Ли Көцянтай уулзаж, Монгол Хятадын харилцаа, тэр дундаа худалдаа, эдийн засгийн хамтын ажиллагааны талаар санал солилцож, дэд бүтэц, эрчим хүчний салбарт хэрэгжиж буй хоёр талын хамтарсан мега төслүүдийн явцыг хурдасгах талаар ярилцсан гэдгийг дурдлаа.

Хятадын тал Монгол Улсын далайд гарцгүй нөхцөл байдлыг харгалзан Монголын талд дамжин өнгөрөх тээвэр, далайд гарах гарц зэрэг чиглэлээр үргэлжлүүлэн таатай нөхцөл олгож, Хятадын хойд, зүүн хойд бүс нутаг дахь гадаад худалдаанд нээлттэй далайн боомтуудыг ашиглахыг дэмжиж буйд талархлаа илэрхийлж, энэ чиглэлээрх яриа хэлэлцээг идэвхтэй явуулахад Бүх Хятадын Ардын Төлөөлөгчдийн Их хурал анхааран дэмжиж ажиллахыг хүслээ.

Төмөр замын хамтын ажиллагааг гүнзгийрүүлэх, дамжин өнгөрөх тээврийг нэмэгдүүлэх чиглэлээр хоёр талын чухал тохиролцоонуудыг хэрэгжүүлэхэд Монголын талд шинэ төмөр замын бүтээн байгуулалтыг эрчимтэй хийх шаардлага байгааг дурдаж, Монгол Улсын төмөр замын бүтээн байгуулалтад Хятадын тал идэвхтэй оролцоно гэж найдаж байдгаа Ерөнхий сайд илэрхийллээ.

Монгол Улстай худалдаа, эдийн засгийн харилцаа хамтын ажиллагааг улам хөгжүүлэхэд төрийн дээд хэмжээний айлчлалууд чухал үүрэгтэй, айлчлалын давтамжийг хадгалах нь чухал. Сүүлийн жилүүдэд хоёр талын хамтын хүч чармайлтаар хоёр улсын харилцаа хурдацтай хөгжиж буйг харахад таатай байна гэж хатагтай Янь Зюньци тэмдэглэж байлаа.

Уулзалтад УИХ-ын дад дарга М.Энхболд, Монгол Улсын сайд, Засгийн газрын Хэрэг эрхлэх газрын дарга С.Баярцогт, УИХ-ын гишүн Г.Батхүү, Ерөнхий сайдын ахлах зөвлөх Б.Дэлгэрмаа нар байлцлаа гэж Засгийн газрын Хэвлэл мэдээлэл, олон нийттэй харилцах албанаас мэдээллээ.

300 мянган тоннын хүчин чадалтай коксын үйлдвэр барина

Нийтийн тээврийн парк шинэчлэлийн хүрээнд хэд хэдэн ажил хийгдэж байгаагийн нэг нь автобусны цахим карт юм. Одоогоор нийслэлд байнга автобусаар зорчдог 700 орчим мянган иргэн байдгаас 553 мянган иргэн нь цахим картаа худалдан авч, ашиглаж хэвшсэн байна. Харин үлдсэн нь бэлэн мөнгөөр зорчиж байгаа бөгөөд заримдаа дутуу мөнгө төлөх, мөнгөө төлөхгүй буух зэрэг зөрчлүүд гарч байгаа тухай бид өмнө мэдээлсэн.

Тэгвэл тун удахгүй хяналтын ажилтаны сургалтанд хамрагдаж буй мөнгө хураагчид ажилдаа орох гэж байна. Ингэснээр картаа аваагүй иргэд хяналтын ажилтанд хянуулан 700 төгрөгөөр зорчихоор болж байгаа юм байна.

Японы Мияконожо хотын сүүний үйлдвэр Монгол тарагийн хөрөнгөөр тараг бүрдэг

УИХ ДАХЬ МАХН-МҮАН-ЫН “ШУДАРГА ЁС” ЭВСЛИЙН БҮЛЭГ ХУРАЛДЛАА

”Маргад эрдэнийн хотын шидтэн” киноны даашинз 1,5 сая ам.доллараар зарагдлаа

МСНЭ-ийн гишүүн, Монголын сэтгүүл зүйн тод од, Mongolian Mining Journal сэтгүүлийг үүсгэн байгуулагч, Ерөнхий эрхлэгч, шилдэг сэтгүүлч, нийтлэлч Л.Болормаа 11 дүгээр сарын 21-нд таалал төгсөж, Монголын сэтгүүл зүйн ертөнцөд хүнд гарз тохиосон билээ. Оршуулах ёслол 11 дүгээр сарын 25-нд болох бөгөөд салах ёс гүйцэтгэх ажиллагаа Лхагва гаригийн өглөө 7.10-7.40 цагийн хооронд “Скай плаза” бизнес төвийн их танхимд болно.

Хаяг: Сүхбаатар дүүрэг, Олимпийн гудамж-12, “Скай плаза” бизнес төв (хуучнаар Чех улсын Элчин сайдын яамны С блок)

Дэлгэрмөрөнгийн эхнэрийн хорвоод мэндлээгүй охиндоо бичсэн захидал