Мэргэжлийн хяналтын ерөнхий газраас сэрэмжлүүлэг гаргажээ. Тус сэрэмжлүүлэгт шинэ жил болох гэж байгаа энэ үед иргэд ОХУ-руу зорчихдоо Улаан-Үд, Эрхүү орчмоос оросын алдартай виски, коньяк, архи зэргийг гаалийн баталгаагүй дэлгүүрээс худалдан авч, амь нас, эд хөрөнгөөрөө хохирохгүй байхыг анхааруулжээ.

Өнөөдөр ЭЗБХ, ТБХ-ны хамтарсан хуралдаанаар Олон улсын зах зээлд гаргасан Засгийн газрын үнэт цаасны арилжаагаар төвлөрсөн хөрөнгийн зарцуулалт, эргэн төлөлт болон санхүүжүүлсэн төсөл хөтөлбөрийн сонголт, хэрэгжилтийн явц байдлыг шалгасан дүнгийн талаар хэлэлцэх ёстой байсан ч хэлэлцүүлгийг хойшлуулсан. Учир нь 10 хүний бүрэлдэхүүнтэй Ажлын хэсэг өнгөрсөн хугацаанд нэг ч удаа бүрэн бүрэлдэхүүнээрээ хуралдаагүй, асуудлынхаа талаар нэгдсэн ойлголтод хүрч чадаагүй бөгөөд ердөө 4 гишүүн л гарын үсэг зураад байгаа юм. Иймд эхлээд Ажлын хэсэг саналаа нэгтгээд дараа нь байнгын хороогоор хэлэлцэх ёстой гэсэн саналыг УИХ-ын гишүүн Б.Гарамгайбаатар хэлсэн юм. Үүнийг МАН-ын бүлгийн дарга

Өнөөдөр ЭЗБХ, ТБХ-ны хамтарсан хуралдаанаар Олон улсын зах зээлд гаргасан Засгийн газрын үнэт цаасны арилжаагаар төвлөрсөн хөрөнгийн зарцуулалт, эргэн төлөлт болон санхүүжүүлсэн төсөл хөтөлбөрийн сонголт, хэрэгжилтийн явц байдлыг шалгасан дүнгийн талаар хэлэлцэх ёстой байсан ч хэлэлцүүлгийг хойшлуулсан. Учир нь 10 хүний бүрэлдэхүүнтэй Ажлын хэсэг өнгөрсөн хугацаанд нэг ч удаа бүрэн бүрэлдэхүүнээрээ хуралдаагүй, асуудлынхаа талаар нэгдсэн ойлголтод хүрч чадаагүй бөгөөд ердөө 4 гишүүн л гарын үсэг зураад байгаа юм. Иймд эхлээд Ажлын хэсэг саналаа нэгтгээд дараа нь байнгын хороогоор хэлэлцэх ёстой гэсэн саналыг УИХ-ын гишүүн Б.Гарамгайбаатар хэлсэн юм. Үүнийг МАН-ын бүлгийн дарга

Монгол Улсын томоохон үйлдвэрүүдийн нэг уулын баяжуулах Эрдэнэт үйлдвэрийн нээлттэй хаалганы өдөр өвлийн эхэн сарын шинийн 12-ны билэгт сайн өдөр болов.

Чингэлтэй дүүрэг Хүүхдийн номын өргөөгөө маргааш нээнэ. Нээлтийн ёслол маргааш 11.30 цагт Чингэлтэй дүүргийн Хүүхдийн номын өргөө бүхий 3-р хорооны цогцолбор барилгын 5-р давхарт болно.


Чингэлтэй дүүргийн Засаг дарга Д.Ганболдын санаачлагаар 2010 онд анх шав тавьсан нь өдгөө Хүүхдийн номын өргөөний цогцолбор барилга болон сүндэрлэжээ. Уг байгууламжийн III давхарт ЕБС-ийн бага ангийнхан үйлчлүүлэх бөгөөд уламжлалт ёс заншил, ахуйг илэрхийлсэн хэлбэрээр дотоод засал тохижилтыг нь шийджээ.



Харин IV давхарт шинжлэх ухааны танхим байгуулсан. Уг танхим ШУ-ны олон салбарын номоор сурагч хүүхдүүдэд үйлчилж, тэднийг ирээдүйн эрдэмтэн болоход нь тусална. Тэгвэл V давхар ахлах ангийнханд зориулагджээ.



Мөн цаашид хөгжлийн бэрхшээлтэй хүүхдүүддээ зориулж, сонсдог номоор үйлчлэхээр ажиллаж байна.

Монгол Улсын Их Хурлын дарга Зандаахүүгийн Энхболд Оросын Холбооны Улсын Бүгд Найрамдах Буриад Улсын Ардын Их Хурлын дарга Доржиев Цырен-Даши Эрдныеевич тэргүүтэй төлөөлөгчдийг өнөөдөр хүлээн авч уулзлаа.





Улсын Их Хурлын дарга уулзалтын эхэнд Бүгд Найрамдах Буриад Улсын Ардын Хурлын төлөөлөгчдийг Монгол Улсад тавтай зочилохыг хүслээ. Түүнчлэн ноён Цырен-Даши Эрдынеевичид ОХУ-ын Бүгд Найрамдах Буриад Улсын Ардын Хурлын даргаар сонгогдсонд баяр хүргэв.







Бүгд Найрамдах Буриад Улсын Ардын Хурлын дарга Д.Ц.Эрдныеевич Улсын Их Хурлын даргыг цаг зав гарган хүлээн авсанд талархал илэрхийлээд, Бүгд Найрамдах Буриад Улсын Ардын Хурал, Монгол Улсын Их Хурал найрсаг харилцаа, хамтын ажиллагаатай байдагт сэтгэл хангалуун байдгаа дурдав. Мөн тэрээр, ОХУ-ын Ерөнхийлөгч В.В.Путин 2014 онд Монгол Улсад ажлын айлчлал хийх үеэр иргэд харилцан визгүй зорчих тухай Монгол Улсын Засгийн газар, Оросын Холбооны Улсын Засгийн газар хоорондын хэлэлцээр байгуулагдсан. Үүний үр дүнд хоёр улсын иргэд хоорондын харилцаа болон хүмүүнлэгийн харилцаа ихээхэн өргөжиж, Бүгд Найрамдах Буриад Улсад жуулчилж буй монгол иргэдийн тоо нэмэгдэж байна гэв.





Улсын Их Хурлын дарга З.Энхболд уулзалтын үеэр хоёр орны стратегийн түншлэлийн түвшинд хөгжүүлж буй харилцаа, хамтын ажиллагаа амжилттай хөгжиж байгаад сэтгэл хангалуун байгаагаа онцлов. Сүүлийн жилүүдэд хоёр улсын хооронд дээд, өндөр түвшний айлчлалын давтамж нэмэгдэж байгааг тэмдэглээд “Энэ оны 09 дүгээр сард миний бие ОХУ-д албан ёсны айлчлал хийж, ОХУ-ын Холбооны Хурлын Төрийн Думын дарга С.Е.Нарышкин, Холбооны Хурлын Холбооны Зөвлөлийн дарга В.И.Матвиенко нартай уулзалт хийсэн” гэлээ. Түүнчлэн Монгол Улсын Их Хурал болон Тамгын газар Бүгд Найрамдах Буриад Улсын Ардын Хурал, түүний Тамгын газартай уламжлалт харилцаатай болохыг тэмдэглээд, цаашид энэхүү харилцааг өргөжүүлэн хөгжүүлэхэд дэмжин ажиллахаа илэрхийллээ.



Энэ үеэр парламентын тэргүүнүүд хоёр орны харилцаа, хамтын ажиллагааны талаар харилцан ярилцаж, санал солилцов. Уулзалтад Буриад Улсын сайд, Төлөөлөгчдийн газрын дарга Будажапов Сергей Пурбуевич, Буриад Улсын Ардын Их Хурлын гишүүн Цыремпилов Валерий Жамсуевич болон албаны бусад хүмүүс байлцлаа хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

Хөгжлийн ТУГ бодлогыг Засгийн газарт хүргүүллээ

Онгоц унагаасан хэргээс болж ОХУ,Туркийн харилцаа эрс муудлаа

Цагдаагийн ерөнхий газрын Мэдээлэл, технологийн төвөөс Улаанбаатар цагдаагийн хүрээний байгууллагын мэдээлэл, судалгааны ажил хариуцсан алба хаагчдын сургалтыг зохион байгууллаа.

Сургалтанд Улаанбаатар цагдаагийн хүрээний 29 байгууллагын мэдээлэл, судалгааны ажил хариуцсан 56 алба хаагч оролцож байгаа бөгөөд Хүн, амын болон нийгмийн салбарын статистик мэдээлэл, тэдгээрийг тооцох арга зүй, судалгаа, шинжилгээ, статистик мэдээлэл авах арга зүйн талаар Үндэсний статистикийн хорооны мэргэшсэн алба хаагчид сургалт орохын зэрэгцээ Эрүүгийн хэрэг хянан шийдвэрлэх болон Зөрчлийг хянан шалгах хуулийн төсөл, үзэл баримтлал, онцлогийн талаар мэдээлэл өгөхөөр хөтөлбөрт тусгасан юм.

Энэхүү сургалтаар алба хаагчид цагдаагийн байгууллагын мэдээллийн нэгдсэн системийн иргэд, байгууллагаас цагдаагийн байгууллагад хандан гарагж байгаа өргөдөл, гомдол, гэмт хэрэг, зөрчлийн статистик мэдээллийг ашиглан түүнд дүгнэлт хийж, судалгаа, дүгнэлт гаргах арга зүйд тодорхой хэмжээгээр суралцахын зэрэгцээ эрх зүйн шинэчлэлийн хүрээнд хийгдэж байгаа процессын хуулиудын үзэл баримтлал, зарчимтай танилцах боломжтой болох юм.

Дорноговь аймгийн Хөвсгөл, Улаанбадрах сумдын хэсгийн төлөөлөгчийн байр /кобан/-ны барилга угсралтын ажлыг “Сутай-Сарьдаг” ХХК Улсын төсвийн хөрөнгө оруулалтаар барьж ашиглалтанд оруулсныг улсын комисс хүлээн авлаа. Тус барилгын гүйцэтгэлийн ажлыг 2015 оны 7 сарын 31-ээс 11 сарын 15-ны хооронд 4 сарын хугацаанд барьж ашиглалтанд оруулж кобан тус бүр хэсгийн төлөөлөгч, цагдаагийн ажлын байр, саатуулах болон галт зэвсгийн өрөө, 2 айлын хоёр өрөө бүхий орон сууцтай, авто машины граж, нүүрс хадгалах болон ариун цэврийн өрөөтэй, гадна хашаа гэх мэт иж бүрэн тохижилттой кобаны ашиглалтанд орууллаа

Монгол Улсын Ерөнхийлөгчийн Хүний эрх, хуулийн бодлогын зөвлөх Ч.Өнөрбаяраас цаг үеийн асуудлаар тодруулга ярилцлага авлаа.

Төр сэлмээ эргэлдүүлээд эхэл­лээ. Нэг эргэлдээд эхэл­чи­хээрээ нэлээдгүй хүнийг гай­туулж байж зогсдог жам­тай. Өршөөлийн хуулийн араас их баривчилгаа эхэлнэ гэж учир мэдэх хүний хэлж бай­сан үг ортой болов. Өөр өөр шалт­гаан­тай гурван барив­чилгаа шил шилээ даран явлаа. Эрүүл мэнд, спортын сайд Г.Шийлэгдамба авлига авч бай­гаад газар дээрээ баригдсан гэх албаны тайлбар бий. Цаанаа шал өөр шалтгаан, нууц бай­гаа гэсэн хардлага одоо ч хага­раа­гүй байна. “Монголын тө­мөр зам” ТӨХК-ийн захирал Б.Батзаяаг баривчилсан. Бас л цаа­наа улс төрийн агуулгатай гэж шуугисан. Дараа нь С.Зориг агсны гэргий Д.Булганыг барив­чил­сан нь мөн л олон таамаг, хард­лагыг нийгэмд үүсгээд байна.

Хүүхдийг зам тээврийн осол, хэргээс урьдчилан сэргийлэх, замын хөдөлгөөнд аюулгүй оролцуулах дадлыг зөв хэвшүүлэх, замын хөдөлгөөний хууль дүрмийг сурталчлах зорилгоор Ерөнхий боловсролын сургуулийн сурагчдын дунд уламжлал болгон зохион байгуулдаг “Ногоон гэрэл-цагаан шугам” тэмцээний эхний шатны шалгаруулалтыг 21 аймаг, нийслэлийн 9 дүүрэг нутаг дэвсгэртээ зохион байгуулж, нийслэл, орон нутгаас шалгарсан багуудын тэмцээн энэ 23-ны өдөр боллоо.
Тус тэмцээн нь 33 дахь жилдээ болж байгаа бөгөөд зөвхөн нийслэлийн Ерөнхий боловсролын сургуулийн сурагчдын дунд зохион байгуулж байсан бол сүүлийн жилүүдэд орон нутгийн Ерөнхий боловсролын сургуулийн сурагчид, эцэг эх, багш сурган хүмүүжүүлэгч нарын дунд зохиож, жилээс жилд өргөжин тэлж байна. Тэмцээнд нийслэлийн 9 дүүрэг, 11 аймгийн нийт 20 багийн 240 сурагч оюун ухаан, авхаалж самбаагаа сорин өрсөлдөж дараахь багууд шилдгээр шалгарлаа. Үүнд:
Нэгдүгээр байранд - Сүхбаатар дүүргийн 1 дүгээр сургуулийн “Уулзвар“ баг
Хоёрдугаар байранд - Чингэлтэй дүүргийн 23 дугаар сургуулийн “Зохицуулагч“ баг
Гуравдугаар байранд - Сонгинохайрхан дүүргийн “Ирээдүй-2 цогцолцор” сургуулийн “Гэрлэн дохио” баг
Тусгай байранд- Баянзүрх дүүргийн 111 дүгээр сургуулийн “Эвт шонхорууд” баг тус тус шалгарав гэж Улаанбаатар хотын Замын Цагдаагийн газраас мэдээллээ.

НӨАТ-ын буцаан олголтыг дансаар олгоно

Д.Булганы С.Баярын экс эхнэр Х.Хулан эргэж тойрч байгаа сурагтай
С.Зориг агсны эхнэр Д.Булганыг цагдан хорьсон нь нийгэмд багагүй шуугиан дэгдээгээд байгаа. Хүн бүр чих тавьж байгаа эл хэрэгт ямар нэг сэжүүр олдсон хэмээн олон нийт харж байна.
Д.Булганы хувьд С.Зориг агсны хэрэгт мэдүүлэг өгөхдөө хуулийн байгууллагынхныг төөрөгдүүлсэн, худал мэдүүлэг өгч байсан нь тогтоогдсон учир шалгагдаж байгаа гэж зарим эх сурвалж мэдээлж байгаа.
Харин өөр эх сурвалжуудын зүгээс хар тамхины хэрэгт холбогдсон гэж байгаа бол С.Зориг агсны хэрэгтэй холбоотой чухал хуурцаг олдсон нь Д.Булганыг хамгаалалтанд авахад хүргэсэн ч гэх мэдээлэл байна.

Тэгэхээр яг шалгагдаж байгаа юу эсвэл баривчилж байгаа нэрийдлээр хамгаалалтанд авсан уу гэдэг нь мэдэгдэхгүй байна. Юутай ч түүний цагдан хоригдох хугацааг хүртэл сунгасан энэ үед нэгэн сонирхол татахуйц “бор шувуу” нисэх боллоо.

Тодруулбал, Ерөнхий сайд асан С.Баярын хуучин эхнэр УИХ-ын гишүүн асан, сэтгүүлч Х.Хулан Д.Булганыг байнга эргэж тойрч байгаа сурагтай. Тэдний хувьд үй зайгүй дотно найзууд биш хэдий тэрбээр байсхийгээд эргэж тойрч байгаа нь, цаанаа учир шалтгаантай болов уу гэх хардлагыг төрүүлж эхлээд байгаа юм.

Юутай ч С.Зоригийн хэрэг одоо ч олны анхаарлыг татсаар байгаа. Д.Булганыг баривчилсан учир өдгөө ч тайлагдаагүй явсаар байна.

Сэжигтэн хийгээд алуурчин гэх хоёр этгээдтэй холбоотой зарим асуудлыг мэдүүлэгтээ нууснаараа өдгөө хамсаатан эсвэл хамгаалалтанд орох шалтгаан болчихоод байгаа үгүйг ч тайлбарлах аргагүй юм.

Гагцхүү хэргийг учир энэ олон жилийн дараа шударгаар шийдэгдэх болов уу гэсэн айдастай иргэдийн хүлээлт л тодхон байгаа юм.
Д.Дуулим

Хятадын Хориотой хотод анх удаа зохион байгуулагдсан Монгол Хятадын зураачдын хамтарсан үзэсгэлэн Монголын уран зургийн галарейд нээгдэнэ.

2014 онд Монгол Улс-БНХАУ-ын хооронд дипломат харилцаа тогтоосны 65 жилийн ойгоор

”Дуньхуаны сувдыг түүхүй” үзэсгэлэнг Монголын уран зургийн галерейд зохион байгуулсан билээ. Энэ үзэсгэлэнгийн үеэр Монголын Уран зургийн Галерей, Хятадын Уран зургийн академи, удирдлагууд хамтран хоёр орны соёл урлагийг танин мэдүүлэх, туршлага солилцох, Монгол зураачдыг Хятад цаашлаад Азийн урлагийн салбарт таниулах зорилгыг тавьсан юм. Энэ хүрээнд Монгол Хятадын уран зураачдын хамтарсан “Тал нутгийн аялгуу” үзэсгэлэнг БНХАУ-ын Бээжин хотын хааны ордны Тиа Миу галарейд 2015.10.20-11.04-ний хооронд амжилттай зохион байгууллаа. Үзэсгэлэнд хоёр орны дүрслэх урлагийн салбарын шилдэг 20, 20 уран бүтээлч үндэснийхээ ахуй амьдрал, хөгжил дэвшил, зан заншил, чөлөөт сэтгэлгээний гээд дүрслэх урлагийн 6 төрлөөр 160 орчим бүтээлээр оролцсон юм. Монгол Хятадын дүрслэх урлагийн салбарын шилдэг уран бүтээлчдийн хамтарсан энэ үзэсгэлэнг Монголын Уран Зургийн Галарейн захирал, зураач Н.Батбаатар санаачлан зохион байгуулах үндэс суурийг тавьсан төдийгүй түүний Сахиус, Хос Вансэмбэрүү бүтээлүүд нь үзэсгэлэнгийн голлох бүтээлүүд болон тавигдсан байна.

Үзэсгэлэнд Хятадын талаас дэлхийд нэрээ гаргасан алдартай зураачид болох Лиү Да Ви, Фан Ди Ан, Су Синь Пин, Вон Ин Шэнг нар оролцсон бол Монголоос Төрийн соёрхолт, СГЗ зураач Ш.Чимидорж, СГЗ Л.Бумандорж, график зургаар СГЗ Д.Гунгаа, зураач Д.Бадам, “Blue Moon” галерейн захирал, зураач З.Уянга, Төрийн соёрхолт, уран барималч Л.Ганхуяг зэрэг уран бүтээлчид улсаа төлөөллөө. Үзэсгэлэнгийн явцыг Хятадын томоохон хэвлэлүүдээр цацсан төдийгүй Монголын зураачдын арга барил, чөлөөт сэтгэлгээг кураторууд болон уран зураг сонирхогчид өндөр үнэлсэн байна. Үзэсгэлэнд тавигдсан бүтээлүүд Монгол орны өргөн тал нутаг, баатарлаг туульс, монгол хүний уужим тайван сэтгэл, бүтээлч, хурц ухаан зэргийг илэрхийлж байгаа юм байна.

Монгол Хятад хоёр орны дүрслэх урлагийн салбарыг шинэ шатанд гаргахад чиглэсэн энэ үзэсгэлэн дэлхийн үзэгчдэд томоохон боломж олгож байна. Өмнө нь Бээжингийн цохилох зүрх нь болсон Хориотой хотод тэр дундаа хааны ордонд өөр ямар ч орны үзэсгэлэн зохион байгуулагдаж байгаагүй юм. БНХАУ-ын аялал жуулчлалын томоохон бүс Хориотой хотод гарсан уг үзэсгэлэн энэ удаа Монгол Улсад нээгдэхээр боллоо.

“Тал нутгийн аялгуу” хамтарсан үзэсгэлэн 2015.12.01-14-ний хооронд Монголын Уран Зургийн Галарейд нээгдэнэ.

НӨАТ-ын буцаалтыг дансаар олгоно

Өнгөрсөн оны наймдугаар сард дөрөв хоногтойгоос гурван сар хүртлэх насны 16 нярай “Монос”-ын эмэнд хордсон хэрэг гарсан. Тодруулбал, ЭХЭМҮТ-ийн хүүхдийн эмчийн бичиж өгсөн сэтгэцэд нөлөөтэй “Люминал” эмийг “Монос-Эх нялхас” эмийн сангийн ажилтан алдаа гарган, том хүний тунгаар дээрх хүүхдүүдэд өгсөн байдаг.

5-10 мг-аар уух ёстой тус эмийг 200 мг-аар уусан хүүхдүүдэд эмийн хордлогын эсрэг эмчилгээ, ходоодны угаалга хийсэн ч хоёр хүүхдийн байдал “хүнд” гэсэн оноштойгоор жил гаруй хугацааг өнгөрүүлээд байна.

Тэгвэл тэдний нэг ой гарантай О охин ЭХЭМҮТ-ийн сэхээнд эмчлэгдэж байна. Охины аав “Хүүхдийн минь биеийн байдал тааруу байгаа тул ярилцлага өгөх боломжгүй байна” гэсэн тул өмгөөлөгч Ч.Эрдэнэбатаас дараах тодруулгыг авсан юм.

“Монос-ын эмэнд хүүхэд хордсонтой холбоотой шүүх хурал хоёр хоногийн өмнө болсон. Шүүхийн шийдвэрийн талаар мэдээлэл өгнө үү?

Өнгөрсөн хоёрдугаар сарын 15-нд болсон анхан шатны шүүх хурлаар “Монос” эмийн үйлдвэрийн удирдлагуудыг шалгах асуудлаар нэмэлт мөрдөн байцаалтад буцаасан. 23-ны хурлаар ч мөн Эрүүгийн хуулийн 198.2 /198.2.Зарлан дуудах хуудсанд хэнийг хэн, хаана, хэдийд ирүүлэхээр дуудаж байгаа, хүндэтгэн үзэх шалтгаангүйгээр ирэхгүй бол хэрхэх тухайг дурдсан байна./-т зааснаар шалгах нь зүйтэй гэж үзлээ.

Өмгөөлөгчийн хувьд эмийн санч, жор баригчид арга хэмжээ аваад өнгөрөх биш, “Монос” эмийн үйлдвэрийн удирдлагуудыг шалгах, улсын бүртгэлд бүртгэгдээгүй эмийг яагаад худалдан борлуулсан асуудлыг шалгаж, шийдвэрлүүлэхийг л хүсээд байгаа юм. Харин саяны хурлаар прокуророос ямар ч байсан шалгахаар боллоо.

Тухайн үед эм уусан 16 нярайн хоёр нь “хүнд” гэсэн оноштой байгаа. Биеийн байдлын талаар танд мэдээлэл байна уу?

Эм уух үед хамгийн бага буюу төрөөд тав хоносон нярай охин О байсан. Түүний бие үе үе өвдөж, өвдөх бүрийдээ ЭХЭМҮТ-ийн сэхээнд эмчлэгддэг. Одоо ч сэхээнд, биеийн байдал нь тааруу байгаа.

“Монос”-ын удирдлагууд эмэнд хордсон хүүхдүүдэд ямар тусламж үйлчилгээ үзүүлж байна вэ? Тухайлбал одоо сэхээнд байгаа охиныг эргэж очсон болов уу?

Тухайн үед л үйлдвэрийн зүгээс хүүхдүүдийг нэг удаа сувилалд хэвтүүлж, шинжилгээүзүүлж, эмнэлгээр авч явсан байдаг. Сүүлд “Монос”-ын захирал Л.Хүрэлбаатар эцэг, эхчүүдтэй “Санамж бичиг” байгуулж, гарын үсэг зурсан. Уг бичигт хүүхдүүдийг сувилалд эмчлүүлэх, шаардлагатай эмчилгээ, үйлчилгээг үзүүлэх зэрэг зүйлс тусгагдсан боловч нэгийг нь ч биелүүлээгүй өдийг хүрлээ.

НӨАТ-ын буцаалтыг дансаар олгоно

http://ulaanbaatar.mn/content/show/14671