НЭГ.УЛСЫН ИХ ХУРАЛ ДАХЬ НАМ, ЭВСЛИЙН БҮЛГИЙН ХУРАЛДААН:

11 дүгээр сарын 16-ны Даваа гарагт:

Улсын Их Хурал дахь Ардчилсан намын бүлгийн хуралдаан “А” танхимд;
Улсын Их Хурал дахь Монгол ардын намын бүлгийн хуралдаан “Б” танхимд;
Улсын Их Хурал дахь МАХН-МҮАН-ын “Шударга ёс” эвслийн бүлгийн хуралдаан “В” танхимд.
ХОЁР.АЖЛЫН ХЭСГИЙН ХУРАЛДААН:

11 дүгээр сарын 16-ны Даваа гарагт:

Эрүүгийн хууль /шинэчилсэн найруулга/, Зөрчлийн тухай болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын дэд хэсгийн хуралдаан 10.00 цагаас 334 тоот өрөөнд;
Эрүүгийн хууль /шинэчилсэн найруулга/, Зөрчлийн тухай болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын хэсгийн хуралдаан 14.00 цагаас 334 тоот өрөөнд;
Хөдөлмөрийн тухай /шинэчилсэн найруулга/ болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Нийгмийн бодлого, боловсрол, соёл, шинжлэх ухааны байнгын хорооны ажлын хэсгийн хуралдаан 14.00 цагаас “А” танхимд;
Органик хүнсний тухай хуулийн төслийг хэлэлцүүлэгт бэлтгэх үүрэг бүхий Байгаль орчин, хүнс, хөдөө аж ахуйн байнгын хорооны ажлын дэд хэсгийн хуралдаан 14.00 цагаас “В” танхимд;
Хөгжлийн бодлого төлөвлөлтийн тухай хуулийн төслийг хэлэлцүүлэгт бэлтгэх үүрэг бүхий Улсын Их Хурлын даргын захирамжаар байгуулсан ажлын хэсгийн хуралдаан 14.00 цагаас “Г” танхимд;
Монгол Улсын хөгжлийн урт хугацааны бодлогын баримт бичгийн төсөл боловсруулах үүрэг бүхий Улсын Их Хурлын даргын захирамжаар байгуулагдсан ажлын хэсгийн хуралдаан 14.00 цагаас 4 давхрын Нээлттэй сонсголын танхимд;
Олон улсын зах зээлд гаргасан Засгийн газрын үнэт цаасны арилжаагаар төвлөрсөн хөрөнгийн зарцуулалт, эргэн төлөлт болон санхүүжүүлсэн төсөл хөтөлбөрийн сонголт, хэрэгжилтийн явц байдлыг шалгах Эдийн засгийн болон Төсвийн байнгын хороотой хамтарсан ажлын хэсгийн хуралдаан 15.00 цагаас “В” танхимд;
Гэр бүлийн тухай /шинэчилсэн найруулга/ болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Нийгмийн бодлого, боловсрол, соёл, шинжлэх ухааны байнгын хорооны ажлын дэд хэсгийн хуралдаан 15.30 цагаас “Г” танхимд;
Барилгын тухай /шинэчилсэн найруулга/ болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын дэд хэсгийн хуралдаан 16.00 цагаас “Б” танхимд.

Язралт гэж юу вэ?. Бидний арьсан дээр үүсдэг маш элбэг асуудлын нэг юм. Арьсны язралт нь зөвхөн жирэмслэлтээс бус өөр олон хүчин зүйлээс хамааралтай үүсдэг. Мөн арьс хэт их сунаснаас, мөн уян хатан чанараа алдсанаас болж язралт үүсдэг. Жирэмсэн үед, бодигоор хичээллэж байх үед, гэнэт их хэмжээний жин нэмэх үед ихэвчлэн үүсч болдог байна.


Анх эхлээд язралт үүсэх үед тухайн хэсэгт улайгаад, харин дараа нь улайлт алга болж цагаан болж хувирдаг. Язралтыг багасгах, мөн бүдгэрүүлэх арга байдаг ч шууд арилгах нь илүү амар байдаг гэж болно. Мэдээж үүнтэй тэмцэх арга бол язралт үүсгээд буй шалтгааныг алга болгох, мөн арьсны уян хатан чанарыг дээшлүүлэх явдал билээ.

Яагаад язралт үүсдэг вэ?
Язралт нь дааврын өөрчлөлтөөс болж арьс сунах явдал юм. Нимгэрсэн арьсанд дотоод хагарал үүсч улмаар хагарал нь холбогч эд болон солигддог. Энэхүү холбогч эд нь сорви үүсэх шалтгаан болдог байна.

Урьдчилан сэргийлэх
Язралтаас сэргийлэх нь хамгийн үр дүнтэй бөгөөд эрсдэл бага. Үүнд: Хэт жин нэмэхгүй байх, биеийн арьсандаа хангалттай чийг өгч байх, какаоны тос, коллаген, эластин агуулсан тосны тусламжтай язралтаас сэргийлж болно. Эдгээр нь энгийн урьдчилан сэргийлэх арга юм. Энэ бичлэгийг заавал үзээрэй.

Хэрхэн арилгах вэ?

• Лосион, крем- Какаогийн тос агуулсан тос, лосионууд язралтыг багасгахаас гадна бүр тэр чигээр нь арилгах чадвартай байдаг. Та зориулалтын тосыг авч хэрэглэснээр арьсаа уян хатан болгож, язралтыг багасгах боломжтой юм. Хэрвээ та хөхүүл эсвэл жирэмсэн бол эхлээд эмчээс зөвлөгөө авч түрхэх гэж буй тос ямар нэг нөлөө үзүүлэх эсэхийг нь асуугаарай.

• Витамин А,Е,С Эдгээр витамины төрлүүд нь арьсны уян хатан байдлыг сайжруулдаг тул язралт үүсэхээс хамгаалах нөлөөтэй. Харин та язралтыг багасгах бус бүр алга болгохыг хүсвэл дараах аргуудаас мөн сонгож болно.

• Цаг хугацаа- Язралтууд хэсэг хугацааны дараа алга болдог. Тиймээс та алга болохыг нь хүлээж болох юм.

• Гэрийн нөхцөлд халуун ваннанд орсоныхоо дараа биеийн тосыг язарсан хэсэгтээ 10 минутын турш иллэг хийх хэрэгтэй. Заавал ваннанд орсоны дараа бус язарсан хэсэгтээ байнга тос түрхэж иллэг хийж байх аваас арьсны уян хатан чанар сайжирсанаар язралт арилдаг.

• Витамин Е- Витамин Е-нүүд ихэвчлэн капсул(дотроо шингэн) хэлбэрээр хэрэглэгддэг шүү дээ. Харин капсулаа задлаад доторх шингэнийг нь язарсан хэсэгтээ түрхэж, иллэг хийж болно.

• Оливын тосыг язарсан хэсэгтээ түрхээд дээрээс нь халуун чийгтэй алчуурыг тавьж хэсэг хүлээгээрэй.

• Зуун настын шүүс, ургамлыг түрхэж болно.

• Тусгай зориулалтын тос түрхэж болно. Дэлгүүрүүдээр язралт арилгах үйлчилгээтэй олон тос байдаг ч дараах орцыг агуулаагүй бол үр дүнд нь та найдаад хэрэггүй гэж зөвлөе.

1. Какао тос

2. Нохойн хушууны тос

3. Тэмээн хяруулын тос

4. Жожоба тос

5. Минжний тос

6. Шиа тос

7. Витамин А

8. Витамин Е

9. Витамин С

Эмчилгээний аргаар язралт арилгах

• Microdermabrasion – энэ эмчилгээг ихэнхдээ салонуудад хийдэг. Арьсны өнгөн хэсгийг хуулж авсанаар язралтын үзэгдэх байдлыг арилгадаг арга юм.

• Endermologie- Endermologie машинууд нь хүний арьсны цусны эргэлтийг сайжруулж, хорыг гадагшлуулдаг үйлчилгээтэй байдаг.

• Laser- Лазер үйлчилгээ нь язралтыг арилгах тусгай үйлчилгээ юм

• Косметик хагалгаа

Таван цул эрхтний нэг бөөр юм. Бид даарч хөрөх үсэрч дэвхрэх зэрэг элдэв явдлаас бөөр өвддөг. Бөөр бол биен дэх усны хэмжээг тогтвортой байлгах үүрэгтэй 9-11 см 130гр жинтэй эрхтэн юм
Бөөр муудаж өвдөхөд:
– Тэхийн шээг чанаж уудаг. Энэ нь үр дүн өгдөгийг хүн бүр мэдэх бизээ
– Цахилдагны үндэс чанаж уух их сайн.цусаар шээж байсан хүн зүгээр болдог юм билээ
– Бөөр шээс ялгаруулах болон давсагний үйл ажиллагаатай холбоотой учир эмчилгээ адил байдаг бололтой. Орондоо шээдэг хүүхдэд цээнийн үндэс чанаж тогтмол уулгахад шээхээ больдог
– Мөн шээс хаагдсан үед цахилдаг буурцагны үндэс чанаж аягыг өгөхөд 30 минут дараа зүгээр шээдгийг би олон удаа үзэж байна
– Шүдлэн хонины бөөрийг борцолж нүдээд өдөрт 3 удаа хоолны жижиг хонины ахар сүүлны яс чанаж уухад бөөр бэлхүүсний өвчин арилдаг.
– Бөөр муудсан хүн туйплан уух нь энэ сайн.
– Бөөрний чулуутай хүн нэг дор 3 пиво уугаад хөлсөө гартал гүйхэд чулуу бутарч гадагшилдаг.
– Давсагны чулуутай хүн бөөрөнхий сонгино жижиглэж хэрчээд шилний тал хүртэл хийгээд сайн архи хийж 12 хоног дулаан газар тавиад өдөрт 3 удаа хоолны өмнө халбагаар уухад чулуу хайлж гарна
– Нохойн хошууны хандыг байнга хэрэглэхэд бөөр ходоодны өвчингүй болно
– Тарвасны шүүс бөөр цэвэрлэдэг чулууг гадагшлуулна
– Янгир ямааны мах бөөрөнд нэн тустай
– 1 л усанд том халбагаар 2 тэхийн шээг хийж хандалж уухад сайн
-Бөөр хөрч илч буурахад галуу шувууны мах шөл идвэл сайн
-Тарвагны хорхогны шөлөнд чижүү хийж халуунаар нь ууна. 2-3 уухад насанд туршид бөөр нуруу чинь өвдөхгүй
-Бөөрний хий ихэдсэнээс дөрвөн мөч янгинаж өвдөнө. Шар тос, Арвайн гурил,бор давс адил хэмжээтэй хольж бүлээн жин тавиад эдгэрнэ
Share Button

Print
Санал болгох.
Best Home Remedy For Hair Growth (1)
Гэмтэлтэй үсэнд хамгийн сайн ̶
How to remove stretch marks with home remedies (1)
Язарсан барзгар гүзээ баяртай
32_3f8cd376ccfa05b580797148a60941f324e8a6e4
Амьсгаадах багтраа өвчний үед хэрэг
fb4270462e75a9bfe31116c683b3a0d7original
Нарны гэрлийн ач тус – Наранд бай
СэтгэгдэлүүдСэтгэгдэл 0.
Уншигчдын бичсэн сэтгэгдэлд ugluu.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдлыг 99695450 утсаар хүлээн авна.

Дорноговь аймгийн Замын-Үүд сумын Засаг даргын тамгын газраас 2015 оны 11 дүгээр сарын 13-ны өдөр зохион байгуулсан төрийн албан хаагчдын анхдугаар чуулганд төрийн бүх байгууллагын төлөөллүүд оролцсон ба Прокурорын байгууллагаас хяналтын прокурор Б.Батбаяр Төрийн албан хаагчийн ёс зүй болон гэмт хэргээс урьдчилан сэргийлэх нь” сэдвээр илтгэл тавьж, төрийн албан хаагч болон ард иргэдэд прокурорын байгууллагын үйл ажиллагаа, гэмт хэргээс урьдчилан сэргийлэх хууль тогтоомжийг сурталчилан мэдээлэл хийсэн байна.

Нийслэлийн Сонгинохайрхан дүүргийн Прокурорын газар, тус дүүргийн Гэмт хэргээс урьдчилан сэргийлах ажлыг зохицуулах салбар зөвлөл, тус дүүргийн Цагдаагийн 1 дүгээр хэлтэс, Дүүргийн Засаг даргын тамгын газрын Хөдөлмөр, халамж үйлчилгээний хэлтэс, Бүртгэлийн хэлтэс хамтран 2015 оны 08 дугаар сарын 11-ний өдөр батлагдсан “Өршөөл үзүүлэх тухай” хуульд хамрагдаж хорих ангиудаас суллагдсан тус дүүрэгт оршин суудаг, тус дүүргийн харьяат иргэдийг хүлээн авч уулзалт, ярилцлага зохион байгуулж, Гэмт хэргээс урьдчилан сэргийлэх чиглэлээр яриа таниулга, сургалт зохион байгуулжээ.

Уулзалтанд Сонгинохайрхан дүүргийн Прокурорын газрын туслах прокурор М.Батжаргал, хяналтын прокурор С.Чинзориг, тус дүүргийн Цагдаагийн 1 дүгээр хэлтсийн дарга , цагдаагийн хурандаа Ш.Цогбаатар, Дүүргийн Гэмт хэргээс урьдчилан сэргийлэх ажлыг зохицуулах салбар зөвлөлийн дарга Х.Нямбаатар, Дүүргийн Засаг даргын Тамгын газрын хуулийн хэлтсийн дарга Х.Пүрэвсүрэн, Хөдөлмөр, халамж үйлчилгээний хэлтсийн ахлах мэргэжилтэн Ц.Энхжаргал, Хүүхэд, гэр бүл хөгжлийн төвийн мэргэжилтэн С.Байгальмаа нар оролцож тус тусын чиглэлээр мэдээлэл өгсөн байна.

Уулзалтын үеэр тус дүүрэгт оршин суудаг хорих ангиас суллагдсан нийт 124 иргэнээс 74 иргэн нь ирсэн бөгөөд тэдгээр иргэдэд Дүүргийн Гэмт хэргээс урьдчилан сэргийлэх ажлыг зохицуулах салбар зөвлөлөөс гарын бэлэг гардуулж, орон гэргүй 7 иргэнд Дүүргийн хөдөлмөр, халамж үйлчилгээний хэлтсээс гэр олгохоор шийдвэрлэж, ажилд орохыг хүссэн 24 иргэнийг бүртгэлд авч, бичиг баримтгүй 18 иргэнд иргэний үнэмлэх шинээр олгох ажлуудыг зохион байгуулсан байна. Түүнчлэн 4 иргэний газрын өргөдлийг зохих албан тушаалтан хүлээн авч шийдвэрлэхээр болсон байна.

Авлигатай тэмцэх газраас томилогдсон ажлын хэсэг Говьсүмбэр, Дундговь, Өмнөговь аймгийн ИТХ, Засаг даргын Тамгын газар, аймгийн Засаг даргын дэргэдэх агентлагуудад болон Сүмбэр, Сайнцагаан, Даланзадгад сумын ИТХ, Засаг даргын Тамгын газар зэрэг байгууллагад авлига, ашиг сонирхлын зөрчлийн эсрэг хууль тогтоомжийн хэрэгжилтийг шалгах, 2015 оны мэдүүлгийн бүрдүүлэлт болон мэдүүлгийг бүртгэх, хянах, хадгалах эрх бүхий албан тушаалтны үйл ажиллагаа, хувийн ашиг сонирхлын урьдчилсан мэдүүлэг, ашиг сонирхлын зөрчилгүй гэдгээ илэрхийлэх, зөрчил үүссэн тухай мэдэгдэл гаргасан байдал, тэдгээрийн шийдвэрлэлт, програмын ашиглалтын байдалтай танилцаж, илэрсэн зөрчлийг арилгуулах, мэдүүлэг гаргагч болон мэдүүлгийг бүртгэх, хянах, хадгалах эрх бүхий албан тушаалтнууд, дээрх аймгуудын удирдах ажилтнуудад тус тус сургалт явуулах, заавар зөвлөмжөөр хангах зорилгоор ажиллав.

Ашиг сонирхлын зөрчил үүссэн буюу үүсч болзошгүй тохиолдолд гаргах мэдэгдэл, тайлбарыг Дундговь аймгийн Засаг дарга, түүний Тамгын газраас гарч буй захирамж, тушаал, шийдвэр, үйл ажиллагаандаа гаргаж хэвшсэн, бусад аймгуудын ИТХ, Засаг дарга, түүний Тамгын газар, аймгийн Засаг даргын дэргэдэх агентлагуудын удирдлага болон холбогдох ажилтнуудаас тодорхой үйл ажиллагаа, шийдвэрт уг мэдэгдэл, тайлбарыг гаргаагүй байна. Ялангуяа тусгай зөвшөөрөлтэй холбоотой үйл ажиллагаа, дуудлага худалдаа, төсөл сонгон шалгаруулалт, хяналт шалгалт явуулах, газар өмчлүүлэх, эзэмшүүлэх, ашиглуулах зэрэг үйл ажиллагааг хэрэгжүүлэхэд тухайн шийдвэрийг гаргах буюу тухайн албан үүргийг гүйцэтгэхэд ашиг сонирхлын зөрчил үүсч байгаа эсэх талаар бичгээр тайлбарлаж, мэдэгдэхгүй байх зөрчил түгээмэл илэрчээ. Харин дээрх аймгуудад төрийн болон орон нутгийн өмчөөр бараа ажил үйлчилгээ худалдан авах Үнэлгээний хороонд гишүүнээр ажиллаж буй ажлын хэсгийн гишүүдээс уг мэдэгдлийг гаргаж хэвшсэн бөгөөд бүртгэлийг нь тухайн аймгийн Худалдан авах ажиллагааны албанаас хөтөлж, хэрэгжүүлж ажиллаж байна.

Нийтийн албанд шинээр болон цаашид тухайн байгууллагын зохион байгуулалтын нэгж дотроо ажлын байрны тодорхойлолт, эрхлэх асуудлын чиг үүрэгт нь өөрчлөлт орсны улмаас шилжүүлэн болон сэлгэн, туршилтын хугацаагаар томилох, Төрийн албаны тухай хуулийн хүрээнд тухайн албан тушаалын албан үүргийг түр орлон гүйцэтгэгчээр томилохоор болсон тохиолдолд тэдгээрийг томилохын өмнө хувийн ашиг сонирхлын урьдчилсан мэдүүлгийгАвлигатай тэмцэх газарт ирүүлэх үйл ажиллагааг Дундговь аймаг 90 гаруй, Говьсүмбэр аймаг 80 гаруй, Өмнөговь аймаг 50 орчим хувийг тус тус хянуулжээ.

Ажлын хэсэг “Авлига, ашиг сонирхлын зөрчлийн эсрэг хууль тогтоомжийг таниулах нь” нэртэй сургалтыг мэдүүлгийг бүртгэх, хадгалах эрх бүхий албан тушаалтан, аймгийн удирдах ажилтан, мэдүүлэг гаргагч нийтийн албан тушаалтан, нийт 994 хүнд зохион байгууллаа.

Өршөөл үзүүлэх тухай хуульд ялтнуудыг хамруулсан байдлыг Нийслэлийн прокурорын газрын хяналтын харьяа хорих ангиудад хэрхэн хэрэгжүүлснийг судалж үзэхэд хорих 401 дүгээр ангийн хэмжээнд нийтдээ 162 ялтан хамрагдсанаас Өршөөл үзүүлэх тухай хуулийн 4 дүгээр зүйлийн 4.1 дэх хэсэгт зааснаар үндсэн болон нэмэгдэл ялаас өршөөн хэлтрүүлсэн 51 ялтан, 5 дугаар зүйлийн 5.1 дэх хэсэгт зааснаар 2 жил хасагдаж суллагдсан 37 ялтан, хуулийн зүйл хэсэг болон ялаас нь тодорхой хэмжээгээр хасагдсан 74 ялтан, хорих 405 дугаар ангийн хэмжээнд нийтдээ 39 ялтан хамрагдсанаас Өршөөл үзүүлэх тухай хуулийн 4 дүгээр зүйлийн 4.1 дэх хэсэгт зааснаар үндсэн болон нэмэгдэл ялаас өршөөн хэлтрүүлсэн 11 ялтан, 5 дугаар зүйлийн 5.1 дэх хэсэгт зааснаар 2 жил хасагдаж суллагдсан 7 ялтан, хуулийн зүйл хэсэг болон ялаас нь тодорхой хэмжээгээр хасагдсан 21 ялтан, хорих 407 дугаар ангийн хэмжээнд нийтдээ 165 ялтан хамрагдсанаас Өршөөл үзүүлэх тухай хуулийн 4 дүгээр зүйлийн 4.1 дэх хэсэгт зааснаар үндсэн болон нэмэгдэл ялаас өршөөн хэлтрүүлсэн 86 ялтан, 5 дугаар зүйлийн 5.1 дэх хэсэгт зааснаар 2 жил хасагдаж суллагдсан 22 ялтан, хуулийн зүйл хэсэг болон ялаас нь тодорхой хэмжээгээр хасагдсан 57 ялтан, хорих 409 дүгээр ангийн хэмжээнд нийтдээ 125 ялтан хамрагдсанаас Өршөөл үзүүлэх тухай хуулийн 4 дүгээр зүйлийн 4.1 дэх хэсэгт зааснаар үндсэн болон нэмэгдэл ялаас өршөөн хэлтрүүлсэн 14 ялтан, 5 дугаар зүйлийн 5.1 дэх хэсэгт зааснаар 2 жил хасагдаж суллагдсан 25 ялтан, хуулийн зүйл хэсэг болон ялаас нь тодорхой хэмжээгээр хасагдсан 86 ялтан, нийтдээ 491 ялтан Өршөөл үзүүлэх тухай хуульд хамрагдсанаас Өршөөл үзүүлэх тухай хуулийн 4 дүгээр зүйлийн 4.1 дэх хэсэгт зааснаар үндсэн болон нэмэгдэл ялаас өршөөн хэлтрүүлсэн 162 ялтан, 5 дугаар зүйлийн 5.1 дэх хэсэгт зааснаар 2 жил хасагдаж суллагдсан 91 ялтан, хуулийн зүйл хэсэг болон ялаас нь тодорхой хэмжээгээр хасагдсан 238 ялтан байна.

МХЕГ-ын Хил, хорио цээрийн хяналтын газраас өрнүүлж буй ”ХҮНИЙ ТӨЛӨӨ-ХИЛИЙН ХЯНАЛТ” сарын аяны хүрээнд энэ сарын 11-нд “Хил дээр хүний халдварт өвчний сэжиг илэрсэн үед авах хариу арга хэмжээ” сэдэвт ширээний дасгал сургуулилт, “Хилийн боомтод цацрагтай холбоотой онцгой байдал үүссэн үед хамтран ажиллах нь” сэдэвт сургалтыг “МИАТ” ХК-ний хурлын зааланд зохион байгууллаа.

Боомтод үйл ажиллагаа явуулдаг байгууллагуудын хамтын ажиллагааг сайжруулах, халдварт өвчний сэжиг илэрсэн үед халдварыг дамжин тархаахгүй ажиллах багийн ажиллагаанд албадыг дадлагажуулах зорилгоор тус сургалтыг Буян-Ухаа боомт дахь Хилийн мэргэжлийн хяналтын албанаас зохион байгуулж, ДЭМБ, МХЕГ, ОБЕГ, ТЕГ, ХӨСҮТ, ЗӨСҮТ, Чингис хаан олон улсын нисэх буудал, Буянт-Ухаа боомт дахь Гаалийн газар, Хилийн 0218 дугаар анги, Иргэний харъяалал шилжилт хөдөлгөөний газрын Буянт-Ухаа дахь газар, Иргэний агаарын тээврийн цагдаагийн хэлтэс, олон улсын нислэг үйлддэг 8 авиа компани, НМХГ-ын Экспорт, импортын хэлтэс зэрэг байгууллагын 70 гаруй ажилтан албан хаагчдыг хамруулав.

Сургалтыг зохион байгуулснааролон улсын хөл хориот халдварт өвчин Монгол Улсын агаарын хилээр дамжин тархахгүй байхад чухал ач холбогдолтой бөгөөд Буянт-Ухаа боомтод хамтран ажилладаг байгууллагуудын багаар ажиллах чадвар сайжирч байгааг холбогдох байгууллагаас дүгнэлээ.

- See more at: http://zasag.mn/m/inspection/view/11395#sthash.3zqZp5M7.dpuf

Ирэх 2016 оны долдугаар сард Улаанбаатарт болох Ази-Европын дээд түвшний 11 дэх уулзалтын бэлтгэлийг хангах ажлын хүрээнд Монгол Улсын Хөдөлмөрийн яам ACEM-ын байр, зочид буудлын асуудал хариуцсан ажлын хэсэгтэй хамтран ажиллах санамж бичиг байгууллаа.



Санамж бичигт Хөдөлмөрийн сайд Г.Баярсайхан, АСЕМ-ын байр, зочид буудлын асуудал хариуцсан ажлын хэсгийн ахлагч бөгөөд Ерөнхийлөгчийн Тамгын газрын дарга П.Цагаан нар гарын үсэг зурснаар дээд хэмжээний уулзалтад ирэх зочид, төлөөлөгчдийг байрлуулах зочид буудлуудын үйлчилгээний ажилтнуудыг ажлын байранд мэргэшүүлэх, шинээр ажлын байр бий болгох ажлыг хоёр тал хамтарч хийхээр болж буй юм. Хамтарч ажиллах талууд мэргэжлийн ур чадвар олгох, мэргэшүүлэх богино хугацааны сургалт зохион байгуулах, хөгжлийн бэрхшээлтэй иргэдийн боловсруулсан бараа, бүтээгдэхүүнийг худалдан борлуулах цэг ажиллуулахаар санамж бичигт заажээ.



Ази-Европын уулзалт буюу Asia-Europe Meeting /ASEM/ нь Европын Холбооны 28 гишүүн орон, Европын хоёр, Азийн 21 орон, Европын Холбоо, АСЕАН-ы Нарийн бичгийн дарга нарын газар гэсэн 53 улс, байгууллагыг нэгтгэдэг. Монгол Улсад болох уулзалтад 51 орны төр, засгийн тэргүүн, хоёр олон улсын байгууллагын удирдлага, хэвлэл мэдээлэл, ёслол хамгаалалт зэрэг бусад асуудал хариуцсан нийт 4000 гаруй зочин төлөөлөгч ирэх төлөвтэй байгаа бөгөөд зочдыг байрлуулахаар 44 зочид буудлыг сонгоод байгаа. Тиймээс тэдгээрт ажиллах тогооч, талх, нарийн боовчноос гадна зочид буудлын үйлчилгээний ажилтан буюу хаалгач, авто зогсоолын ажилтан, ачаа зөөгч, зочин угтагч, зочин хүлээн авагч, өрөөний үйлчлэгч, нийтийн талбайн үйлчлэгч, угаалгын ажилтан, зөөгч, бармен, хөтөч, тайлбарлагч гэсэн мэргэжлээр ур чадвар олгох, мэргэшүүлэх сургалтыг зохион байгуулж 3000 хүнийг хамруулахаар Санамж бичигт тусгасан байна. Түүнээс гадна санамж бичигт багтсан нэг чухал заалт нь мэргэшүүлэх сургалтад хамрагдах хүмүүсийн 30-аас багагүй хувьд нь бүртгэлтэй ажилгүй иргэдээс авах тухай гэдгийг Хөдөлмөрийн сайд Г.Баярсайхан дуулгаад “Санамж бичгийн хүрээнд нийт 896 ажилгүй хүнийг зочид буудлын үйлчилгээ, түүнтэй холбогдох мэргэжлийн ур чадвар олгох сургалтанд хамруулж, ажлын байранд зуучлах бөгөөд ACEM-ын уулзалтын зочид, төлөөлөгчдийг байршуулах 44 зочид буудлын 2091 ажилтанд орчин үеийн зочид буудлын үйлчилгээ, үйл ажиллагааны мэргэшүүлэх сургалтыг зохион байгуулна. Түүнчлэн ACEM-ын уулзалтын зочид, төлөөлөгчдөд үйлчлэх 600 хөтөч, тайлбарлагчдыг санамж бичгийн хүрээнд зохион байгуулалттайгаар сургаж, холбогдох байгуулагуудын оролцоотойгоор үйл ажиллагааг зохион байгуулна. Сургалтыг онол дадлага хосолсон хэлбэрээр явуулахдаа мэргэшсэн зөвлөх, шинжээч, мастер багш нарын хамруулж зочид буудлуудад одоо ажиллаж байгаа болон шинээр авах хүмүүсийн ур чадварыг сайжруулж, мэргэшүүлэх юм. Энэ сургалтын зардлыг манай Хөдөлмөр эрхлэлтийг дэмжих сангаас гаргана. Урьдчилсан тоцоогоор 300 гаруй сая төгрөгийг сургалтад зарцуулахаар төлөвлөсөн. Харин сургалтанд хамрагдсан ажилгүй иргэдийг ажлын байраар хангахад дэмжлэг үзүүлэх үүрэг Ажлын хэсэгт ногдож байгаа” хэмээн санамж бичгийн талаар мэдээлэл өгсөн юм.



АСЕМ-ын байр, зочид буудлын асуудал хариуцсан ажлын хэсгийн ахлагч бөгөөд Ерөнхийлөгчийн Тамгын газрын дарга П.Цагаан дэлхийн хэмжээний том уулзалтын бэлтгэлийг хангахад хамтарч ажиллах саналыг хүлээж авч, яамдаас хамгийн түрүүнд Хамтран ажиллах санамж бичиг байгуулсан Хөдөлмөрийн сайд Г.Баярсайхан болон Хөдөлмөрийн яамны хамт олонд талархал дэвшүүллээ.

Хамтран ажиллах санамж бичигт АСЕМ-ын зочдод зориулан гаргах бараа, бүтээгдэхүүн худалдан борлуулах цэгүүдэд хөгжлийн бэрхшээлтэй иргэдийн боловсруулсан бараа, бүтээгдэхүүнийг зарж, борлуулахад анхаарахаар тодорхой заалт оруулжээ. Тодруулбал, энэ үйл ажиллагаанд Хөдөлмөр эрхлэлтийг дэмжих сангаас дэмжлэг авсан иргэдэд илүү боломж олгох бөгөөд бараа, бүтээгдэхүүнийг худалдан борлуулах цэгүүдийн байр, талбай, түүний урсгал зардал, тохижилт, үйлчилгээ, худалдааг Ажлын хэсэг хариуцаж хөгжлийн бэрхшээлтэй иргэдээс түрээсийн болон бусад төлбөр авахгүйгээр үйл ажиллагааг зохион байгуулах юм байна.



- See more at: http://zasag.mn/m/ministry-of-labor/view/11397#sthash.VXhvLea8.dpuf

Монгол Улсын Ерөнхийлөгч Ц.Элбэгдорж 2015.11.09-11-ний өдрүүдэд БНХАУ-д төрийн айлчлал хийсэн. Энэ үеэр хамтын ажиллагааны 11 баримт бичигт гарын үсэг зурсны нэг нь дулааны аргаар боловсруулсан үхэр, хонь, ямааны махыг Монгол Улс, БНХАУ-д экспортлох, импортлох хүнсний бүтээгдэхүүний аюулгүй байдлын хамтын ажиллагааны тухай Санамж бичиг байлаа.

Мэргэжлийн хяналтын ерөнхий газар урд хөршид мах, махан бүтээгдэхүүн гаргах үед хяналт шалгалт хийж олгох мал эмнэлэг, ариун цэврийн гэрчилгээний загварыг БНХАУ-ын талтай урьдчилан тохирч Монгол Улсын Ерөнхийлөгчийн айлчлалын үеэр баталгаажуулахаар бэлэн болгоод байсан юм.

Манай улсаас мах, махан бүтээгдэхүүн авах хүсэлтэй гадаадын орнууд юуны түрүүнд Мэргэжлийн хяналтын ерөнхий газартай хамтран үйлдвэрлэгч аж ахуйн нэгжид хянан магадлагаа хийдэг. Энэ дагуу БНХАУ-ын Чанарын хяналт шалгалт, хорио цээрийн ерөнхий газрын ажлын хэсэг 19 үйлдвэртэй танилцсанаар “Мах маркет”, “Монгол эко мах” компани бүтээгдэхүүнээ экспортлох болзлоо хангасан юм. Мөн нэр бүхий таван аж ахуйн нэгжийн баримт бичгийг БНХАУ-ын талд хүргүүлээд байна.

Мэргэжлийн хяналтын ерөнхий газрын дарга Ш.Раднаасэд 2015.11.13-ны өдөр “Мах маркет”, “Монгол эко мах” компанийн удирдлагыг хүлээн авч уулзан гэрчилгээний загварыг нь албан ёсоор гардуулж амжилт хүслээ. Тэрээр “Дулааны аргаар боловсруулсан үхэр, хонь, ямааны махыг экспортод гаргах салхийг хагалж бусдаа түүчээлж байгаа хоёр компани болон цаашид бүтээгдэхүүнээ экспортлох аж ахуйн нэгжийн баримт бичгийн бүрдүүлэлтийг Мэргэжлийн хяналтын байгууллага 24 цагийн дотор гаргаж өгч байх болно” гэлээ.

- See more at: http://zasag.mn/m/inspection/view/11398#sthash.ytQhgFJY.dpuf

Хил, хорио цээрийн хяналтын газраас “Хүний төлөө – Хилийн хяналт” сарын аян болон Мэргэжлийн хяналтын ерөнхий газар, Гаалийн ерөнхий газрын хамтран баталсан сургалтын хөтөлбөрийн дагуу “Барааны ангилал, хэрэглээ” сэдэвт цуврал сургалтыг 2015 оны 11 сарын 9-өөс 13-ны өдрүүдэд зохион байгууллаа.

Уг сургалт нь танхимын ба зайны хосолсон хэлбэрээр зохион байгуулагдсан бөгөөд МХЕГ, НМХГ-ын улсын байцаагчид танхимаас, хилийн боомтууд болон Дархан, Эрдэнэт хотоос зайны-онлайн хэлбэрээр хамрагдав.

Барааг тодорхойлох, кодлох уялдуулсан систем, барааны ангилал, хэрэглээний талаар мэдлэг олгох сургалтыг ГЕГ-ын Сургалт, судалгааны төвийн багш, Гаалийн итгэмжит зөвлөх С.Энхтуяа, ГЕГ-ын дэргэдэх Гаалийн төв лабораторийн дарга С.Цэрэнчимэд нар тус тус хичээлийг орж, хилийн мэргэжлийн хяналтын 70 гаран улсын байцаагч хамрагдлаа.

- See more at: http://zasag.mn/m/inspection/view/11399#sthash.qKVmsAgT.dpuf

Reuters агентлагийн өнгөрсөн долоо хоногийн шилдэг зургууд

Францын нийслэл Парис хотод өчигдөр орой цуврал халдлага болж, 150 гаруй хүн амь насаа алдаад байна. Энэ халдлагад монгол иргэд өртөөгүй гэсэн мэдээллийг Гадаад хэргийн яамнаас өгөөд буй юм.

Халдлагатай холбогдуулан ерөнхийлөгч Ц.Элбэгдорж эмгэнэл илэрхийлжээ. Тэрбээр ”Парисын алан хядлага-хүн төрөлхтөний эсрэг гэмт хэрэг. Халдлагад өртөгсөдрийн ар гэрийнхэнд эмгэнэл илэрхийлье. Бид францын ард түмэнтэй хамт” хэмээн жиргэжээ.

ам тээврийн яамны Төрийн нарийн бичгийн дарга асан, “Монголын төмөр зам” ТӨХК-ийн ТУЗ-ийн дарга асан Б.Батзаяа, Ухаа худаг-Гашуун сухайтын чиглэлийн төмөр замын ажлыг гүйцэтгэж байсан Өмнөд Солонгосын “Самсунг С&Т” компанийн захирал Ли Жон Гёл нарыг өнгөрсөн сарын 30-нд баривчлан хорьсон.

Тэдний цагдан хорих хугацааг сунгах уу, үгүй юу гэдэг асуудлыг Эрүүгийн хэргийн анхан шатны шүүхэд хэлэлцэж, Солонгосын “Самсунг С&Т” компанийн захирал Ли Жон Гёл 13.00 цагийн үед батлан даалтад гаргажээ. Харин Б.Батзаяаг батлан даалтад гаргах эсэхийг нэлээд удаан хэлэлцэж 17.00 цагийн үед батлан даалтад гаргасан байна. Хэрэг мөрдөн байцаалтын шатандаа явж байгаа учир ямар нэгэн мэдээлэл өгөх боломжгүй гэдгээ ”Баярлалаа.. Эрхээ хязгаарлуулан хоригдож байх үед сайхан сэтгэгдэл бичиж, халуун дулаан урмын үгтэй мессеж илгээж үлдээсэн нөхдөдөө чинь сэтгэлээс талархаж байна. Өчигдөр орой шүүхийн шийдвэрээр батлан даалтад гарч ирсэн. Мөрдөн байцаалтын ажиллагаа явагдаж байгаа учир нэг хэсэгтээ гэрээс холдохгүй, элдвийг ярьж бичихгүй байх ёстой гэж байгаа... Хийсэн гэм үгүй тул нугарч шантрах зүйл надад үгүй билээ, удахгүй үнэн мөн нь тогтоогдох нь лавтай. Бүхний хамгийн шударга шүүгч ЦАГ ХУГАЦАА...” гэсэн сэтгэгдлээ өөрийн фэйсбүүк хуудсаараа дамжуулан Б.Батзаяа илэрхийлсэн байна.

Монгол Улсын 2016 оны нэгдсэн төсвийн тухай хуулийг баталлаа

Улсын Их Хурлын чуулганы өнөөдрийн /2015.11.13.Баасан гараг/ үдээс хойш хуралдсан нэгдсэн хуралдаанаар ирэх оны төсвийн тухай хуулиуд, дагалдан өөрчлөлт оруулахаар өргөн мэдүүлсэн хуулийн төслүүд болон 2016 оны төсвийн хүрээний мэдэгдэл, 2017-2018 оны төсвийн төсөөллийн тухай хуульд өөрчлөлт оруулах тухай хуулийн төслүүдийг хэлэлцэн баталлаа.

Хуралдааны эхэнд Улсын Их Хурлын дарга З.Энхболд, энэ удаагийн хуралдаанаар ирэх оны төсөвтэй холбоотой хуулийн төслүүдийг хэлэлцэн батлана гээд, хэлэлцэх асуудлыг танилцуулсан юм. Мөн тэрээр, төсвийн хуулиудтай хамт өргөн мэдүүлсэн Үндэсний орлогын газрын эрх зүйн байдлын тухай хуулийн төсөл болон түүнтэй холбоотой дагалдах хуулийн төслүүдийг Засгийн газар татан авч байгааг гишүүдэд танилцуулсан.

“Төрөөс мөнгөний бодлогын талаар 2016 онд баримтлах үндсэн чиглэл батлах тухай” Улсын Их Хурлын тогтоолыг баталлаа

Нэгдсэн хуралдаанаар эхлээд “Төрөөс мөнгөний бодлогын талаар 2016 онд баримтлах үндсэн чиглэл батлах тухай” Улсын Их Хурлын тогтоолын төслийн эцсийн хэлэлцүүлгийг хийсэн юм. Уг тогтоолын төслийг эцсийн хэлэлцүүлэгт бэлтгэсэн талаарх Эдийн засгийн байнгын хорооны санал, дүгнэлтийг Улсын Их Хурлын гишүүн Ц.Баярсайхан танилцуулав.

Монголбанкнаас Улсын Их Хуралд 2015 оны 9 дүгээр сарын 30-ны өдөр өргөн мэдүүлсэн ”Төрөөс мөнгөний бодлогын талаар 2016 онд баримтлах үндсэн чиглэл батлах тухай” Улсын Их Хурлын тогтоолын төслийн анхны хэлэлцүүлгийг 2015 оны 11 дүгээр сарын 10-ны өдрийн Улсын Их Хурлын нэгдсэн хуралдаанаар хийж, төслийг эцсийн хэлэлцүүлэгт бэлтгүүлэхээр Эдийн засгийн байнгын хороонд шилжүүлсэн. Үүний дагуу Эдийн засгийн байнгын хороо дээрх асуудлыг 2015 оны 11 дүгээр сарын 13-ны өдрийн хуралдаанаар хэлэлцээд нэгдсэн хуралдааны анхны хэлэлцүүлгээр олонхын дэмжлэг авсан саналуудыг төсөлд тусган эцсийн хувилбарын төслийг бэлтгэжээ.

Байнгын хорооны танилцуулгатай холбогдуулан Улсын Их Хурлын гишүүн Ч.Хүрэлбаатар асуулт асууж, хариулт авсны дараа байнгын хорооноос гаргасан найруулгын шинжтэй саналаар санал хураасныг гишүүдийн олонх дэмжсэнээр тогтоолын төслийн эцсийн хэлэлцүүлгийг дуусгав. Ингээд “Төрөөс мөнгөний бодлогын талаар 2016 онд баримтлах үндсэн чиглэл батлах тухай” Улсын Их Хурлын тогтоолын төслийг бүхэлд нь батлах саналыг хуралдаанд оролцсон гишүүдийн 75.5 хувь нь дэмжсэнээр тогтоолын төсөл батлагдсан.

2016 оны төсвийн хүрээний мэдэгдэл, 2017-2018 оны төсвийн төсөөллийн тухай хуульд өөрчлөлт оруулах тухай хуулийн төслийг баталлаа

Дараа нь Монгол Улсын нэгдсэн төсвийн 2016 оны төсвийн хүрээний мэдэгдэл, 2017-2018 оны төсвийн төсөөллийн тухай хуульд өөрчлөлт оруулах тухай хуулийн төслийн эцсийн хэлэлцүүлгийг хийв.

Энэ талаарх байнгын хорооны санал, дүгнэлтийг Улсын Их Хурлын гишүүн Д.Ганхуяг танилцуулсан.

Тэрээр, уг хуулийн төслийн эцсийн хэлэлцүүлгийг Төсвийн байнгын хороо 2015 оны 11 дүгээр сарын 13-ны өдрийн хуралдаанаараа хийсэн. Хуулийн төслийн анхны хэлэлцүүлгийг нэгдсэн хуралдаанаар хийх үед дэмжигдсэн зарчмын зөрүүтэй зарим саналуудаар байнгын хорооны хуралдаанд оролцсон гишүүдийн дийлэнх олонх нь дахин санал хураалгах шаардлагатай гэж үзсэн юм. Үүнд:

-Төслийн 1 дүгээр зүйлийн эдийн засгийн үндсэн үзүүлэлт дэх нэгдсэн төсвийн тэнцвэржүүлсэн орлогын хэмжээ 2016 онд ”6,981.4” гэснийг ”7,013.9” гэж, нэгдсэн төсвийн нийт зарлагын дээд хэмжээ 2016 онд ”7,883.0” гэснийг ”7,954.4” гэж, ДНБ-нд эзлэх хувь ”28.6” гэснийг ”28.8 ” гэж, нэгдсэн төсвийн нийт зарлагын өсөлтийн хэмжээ 2016 онд ”45.5” гэснийг ”701.1 ” гэж, 2017 онд ”761.9” гэснийг ”833.4” гэж, ДНБ-нд эзлэх хувь ”-2.4” гэснийг ”-2.7 ” гэж, Нэгдсэн төсвийн тэнцвэржүүлсэн тэнцэл 2016 онд ”-901.5” гэснийг ”-940.5” гэж, ДНБ-нд эзлэх хувь ”-3.3” гэснийг ”-3.4” гэж, нэгдсэн төсвийн хөрөнгийн зардлын хэмжээ 2016 онд ”2,016.4” гэснийг ”1,930.5” гэж өөрчлөх санал болно хэмээн танилцуулсан.

Байнгын хорооны танилцуулгатай холбогдуулан Улсын Их Хурлын гишүүн А.Тлейхан, Ч.Хүрэлбаатар, Ц.Нямдорж, Ц.Даваасүрэн, Б.Бат-Эрдэнэ нарын гишүүд асуулт асууж, хариулт авсан. Ингээд зарчмын зөрүүтэй санал тус бүрээр санал хураасныг гишүүдийн олонх дэмжсэнээр хуулийн төслийг бүхэлд нь батлах санал хураалт явуулсан юм. Уг санал хураалтаар Монгол Улсын нэгдсэн төсвийн 2016 оны төсвийн хүрээний мэдэгдэл, 2017-2018 оны төсвийн төсөөллийн тухай хуульд өөрчлөлт оруулах тухай хуулийн төслийг гишүүдийн олонх буюу 62.7 хувь нь дэмжиж, хуулийн төсөл батлагдлаа.

Төсвийг дагалдуулан өөрчлөлт оруулахаар өргөн мэдүүлсэн хуулийн төслүүд батлагдав

Дараа нь Монгол Улсын 2016 оны төсвийн тухай, Нийгмийн даатгалын сангийн 2016 оны төсвийн тухай, Хүний хөгжил сангийн 2016 оны төсвийн тухай хуулийн төслийн хамт өргөн мэдүүлсэн хуулийн төслүүдийн эцсийн хэлэлцүүлгийг хийж батлав.

Эцсийн хэлэлцүүлэгт бэлтгэсэн талаарх Төсвийн байнгын хорооны санал дүгнэлтийг Улсын Их Хурлын гишүүн Д.Ганхуяг танилцуулсан.

Байнгын хороо хууль, тогтоолын төслүүдийн эцсийн хэлэлцүүлгийг хийхдээ дэгийн тухай хуулийн дагуу горимын санал гаргасан бөгөөд хуралдаанд оролцсон гишүүдийн дийлэнх олонх нь зарчмын зөрүүтэй зарим саналуудаар дахин санал хураалгах шаардлагатай гэж үзээд саналуудыг дэмжсэн байна. Тухайлбал, Үндсэний статистикийн хороо, Улсын бүртгэлийн ерөнхий газар хоёрыг нэгтгэн Хууль зүйн сайдын харьяа агентлаг болгохоор шийдвэрлэсэнтэй холбогдуулан “Төрийн захиргааны байгууллагын тогтолцоо, бүтцийн ерөнхий бүдүүвчийг шинэчлэн батлах тухай” Улсын Их Хурлын тогтоолын хавсралтад холбогдох өөрчлөлт хийх, Хүний хөгжил сангаас “Монгол Улсын иргэнд 2016 онд хүртээх хишиг, хувийн хэмжээг тогтоох тухай” Улсын Их Хурлын тогтоолын төсөлд өрхийн амжиргааны түвшинг тодорхойлох судалгаанд хамрагдсан 1-17 дугаар бүлгийн өрхийн 0-18 хүртэлх насны хүүхдэд хүүхдийн мөнгө олгох журмыг Засгийн газар баталж хэрэгжүүлэх, хүүхдийн мөнгөнд зарцуулах хөрөнгийн хэмжээ хүрэлцэхгүй тохиолдолд Хүний хөгжил сангийн 2016 оны төсөвт тодотгол хийн шийдвэрлүүлэх нь зүйтэй гэсэн агуулгаар төслийг өөрчлөх гэсэн саналууд болон найруулгын шинжтэй хоёр санал гаргасан байна.

Мөн санал гаргаагүй бусад хуулийн төслүүдийн хувьд анхны хэлэлцүүлгээр дэмжигдсэн саналуудыг төсөлд нэмж тусган эцсийн хувилбарыг бэлтгэн хамтад нь боловсруулж нэгдсэн хуралдаанд ийнхүү танилцуулж байгаа юм байна.

Хэлэлцэж буй асуудалтай холбогдуулан Улсын Их Хурлын гишүүн Ж.Батсуурь, Ч.Хүрэлбаатар, С.Дэмбэрэл, Б.Гарамгайбаатар нар асуулт асууж хариулт авав. Гишүүдийн асуултын дараа байнгын хорооноос гаргасан 4 зарчмын зөрүүтэй саналаар, мөн төсвийн хуулийг дагалдан өөрчлөлт оруулах 11 хууль, тогтоолын төслийг бүхэлд нь батлах санал тус бүрээр санал хурааж шийдвэрлэсэн. Дээрх хууль, тогтоолын төслүүдэд өөрчлөлт оруулах саналыг хуралдаанд оролцсон гишүүдийн олонх дэмжсэнээр хууль тогтоолын төслүүд батлагдлаа.

2016 оны нэгдсэн төсвийн төслийг баталлаа

2016 оны төсвийн хүрээний мэдэгдэл, 2017-2018 оны төсвийн төсөөлөл, 2016 оны нэгдсэн төсвийг дагалдан өргөн барьсан хуулиудыг баталсны дараа Монгол Улсын 2016 оны төсвийн тухай, Хүний хөгжил сангийн 2016 оны төсвийн тухай, Нийгмийн даатгалын сангийн 2016 оны төсвийн тухай хуулийн төслүүдийн гурав, дөрөвдүгээр хэлэлцүүлгийг хийсэн юм.

Энэ талаарх Төсвийн байнгын хорооны танилцуулгыг Улсын Их Хурлын гишүүн Д.Ганхуяг танилцуулав. Тус байнгын хороо дээрх хуулийн төслүүдийн хоёр дахь хэлэлцүүлгээр олонхын дэмжлэг авсан саналуудыг төсөлд нэмж тусгажээ.

Засгийн газрын бүтэц, бүрэлдэхүүнд өөрчлөлт орохгүй, Худалдан авах ажиллагааны газар, цагаатгах ажлыг удирдан зохион байгуулах комиссын ажлын албыг татан буулгахгүй болсонтой холбогдуулан урсгал зардлыг зохих хэмжээгээр нэмэгдүүлж тооцсон байна.

Бүх шатны төсөвт байгууллагад хэмнэлтийн горимыг мөрдөж, гадаад, дотоод албан томилолт, зочин төлөөлөгч хүлээн авах, сургалт, семинар, ном хэвлэлийн зардал зэрэг тэвчиж болох урсгал зардлыг 16.4 тэрбум төгрөгөөр, Хөгжлийн банкны эх үүсвэрээс санхүүжих хөрөнгө оруулалтын төсөл, арга хэмжээний зардлын дүнг бууруулж байгаатай холбогдуулан зээлийн хүүгийн төлбөрийг 26.6 тэрбум төгрөгөөр тус тус бууруулсан байна.

Хөрөнгө оруулалтын зардлаас 149.9 тэрбум төгрөгийн төсөл арга хэмжээг төслөөс хасч, 79.2 тэрбум төгрөгийн төсөл, арга хэмжээг төсөлд нэмж тусгажээ.

Дээрх өөрчлөлтүүдийг төсвийн төсөлд тусгаснаар Монгол Улсын нэгдсэн төсвийн нийт орлого 7,013.9 тэрбум төгрөг буюу ДНБ-ний 25.4 хувь, нийт зардал 7,954.4 тэрбум төгрөг буюу ДНБ-ний 28.8 хувь, нийт алдагдал 940.5 тэрбум төгрөг буюу ДНБ-ний 3.4 хувьтай тэнцэж байна.

Түүнчлэн байнгын хороо төсөв батлагдсантай холбогдуулан зарим арга хэмжээ авч хэрэгжүүлэхийг Засгийн газарт тогтоолоор үүрэг өгөх нь зүйтэй гэж үзжээ. Тухайлбал, -Хууль зүйн сайдын багц дахь Мөрдөн байцаах албаны конторын барилгын концессын асуудлыг шийдвэрлэх, уг барилгыг Улсын нэгдүгээр эмнэлгийн амбулаторын зориулалттай барилга болгож, дуусгах хөрөнгийн талаар санал боловсруулах,

-Улсын нэгдүгээр төв эмнэлгээс санаачилсан “Нэг эмнэлэг-хоёр жигүүр” төслийн хэрэгжилтийн талаар Улсын Их Хурлын Төсвийн байнгын хороо, Нийгмийн бодлого, боловсрол, соёл, шинжлэх ухааны байнгын хороодын хамтарсан хуралдаанаар хэлэлцүүлэх,

-Зам тээврийн сайдын багцын авто замын төсөвт өртгийг залруулах, нэмэгдүүлэх шаардлагатай ажлуудын асуудлыг Засгийн газар тусгайлан судалж, холбогдох шийдвэр гаргах,

-Улсын Их Хурлаас концессоор хэрэгжүүлэхээр санал хүргүүлсэн төсөл, арга хэмжээг 2016 оны 1 дүгээр улиралд багтаан хэрэгжүүлэх,

-Эрүүл мэнд, боловсрол, цагдаа, онцгой байдлын салбарын байгууллагаас бусад бүх шатны төрийн байгууллагуудын цалингийн санг 10 хувиар бууруулсантай холбогдуулан Төсвийн ерөнхийлөн захирагчид батлагдсан урсгал зардлыг төсвийн ангилал хооронд зохицуулалт хийж, өр авлага үүсгэхгүй ажиллах,

-Бодит гүйцэтгэл нь 2016 оны 1 дүгээр сарын 01-ний өдрийн байдлаар 80-аас дээш хувьтай хэрэгжиж байгаа боловч санхүүжилтийг 2015 онд бүрэн олгож чадаагүй төсөл арга хэмжээг векселиэр санхүүжүүлэх арга хэмжээг авч, дүнг Монгол Улсын 2017 оны төсөвт тусгах гэжээ.

Байнгын хорооны танилцуулгатай холбогдуулан Улсын Их Хурлын гишүүн С.Бямбацогт, Ө.Энхтүвшин, Д.Тэрбишдагва, О.Баасанхүү нар асуулт асууж, хариулт авснаар 2016 оны улсын төсвийн болон сангуудын төсвийн тухай хуулийн төслүүдийн гурав дахь хэлэлцүүлгийг дуусгав.

Ингээд Монгол Улсын 2016 оны төсвийн тухай, Нийгмийн даатгалын сангийн 2016 оны төсвийн тухай, Хүний хөгжил сангийн 2016 оны төсвийн тухай хуулийн төслүүдийн дөрөв дэх хэлэлцүүлгийг эхэлж, Улсын Их Хурлын чуулганы хуралдааны дэгийн тухай хуульд заасны дагуу хуралдаан даргалагч Монгол Улсын 2016 оны төсвийн тухай хуулийн төслийн зүйл, заалт бүрийг уншиж сонсгон тус бүрээр нь санал хураалгахад чуулганы нэгдсэн хуралдаанд оролцсон гишүүдийн олонх нь дэмжсэнээр Монгол Улсын 2016 оны нэгдсэн төсвийн төслийг баталлаа.

Хуралдааны төгсгөлд Засаг захиргаа нутаг дэвсгэрийн нэгж, түүний удирдлагын тухай хуульд нэмэлт, өөрчлөлт оруулах тухай, Төрийн болон орон нутгийн өмчийн тухай хуульд нэмэлт, өөрчлөлт оруулах тухай хуулийн төслийн хэлэлцэх эсэх асуудлыг хэлэлцэн шийдвэрлэв. Уг хуулийн төслийн танилцуулгыг Сангийн сайд Б.Болор хийсэн бөгөөд танилцуулгатай холбогдуулан асуулт асуух, үг хэлэх гишүүн байгаагүй тул хуулийн төслийг хэлэлцэх нь зүйтэй гэсэн саналын томьёоллоор санал хураалт явуулсныг хуралдаанд оролцсон гишүүдийн олонх дэмжиж, анхны хэлэлцүүлэгт бэлтгүүлэхээр Төсвийн байнгын хороонд шилжүүлсэн.

Ийнхүү Монгол Улсын 2016 оны төсвийн тухай хуулиуд, дагалдан өргөн мэдүүлсэн хуулийн төслүүдийг хуулийн хугацаанд нь баталсантай холбогдуулан Улсын Их Хурлын дарга З.Энхболд Улсын Их Хурлын нийт гишүүд болон ажлын хэсэгт талархал илэрхийлснээр чуулганы нэгдсэн хуралдаан өндөрлөсөн юм гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

Монгол Улсын иргэний андгай өргөх ёслол боллоо

Самбо бөхийн Дэлхийн аварга шалгаруулах тэмцээн өнөөдөр Марокко улсын Касабланкад эхлэх гэж байна. Африк тивд анх удаа зохион байгуулагдах тус тэмцээний өмнөх өдөр Олон улсын самбо бөхийн холбооны (FIAS) 27-р конгресс Ле Литтораль зочид буудалд хуралдлаа. Хурлаар өмнөх конгрессоос хойш FIAS ямар ажил хийсэн тайлан сонсож, санхүү болон гишүүнчлэлийн талаар мэдээлэл сонсож, цаашид өөрийн спортыг дэлхий дахинд хэрхэн түгээх талаар хэлэлцлээ. Тус холбоонд Македон, Вьетнам, Тайвань, Перу улсууд бүрэн эрхэт гишүүнээр элсэж, мөн бичг баримтаа хараахан бүрүдүүлж амжаагүй өөр 21 улсыг дэд гишүүнээр батлав. Ийнхүү Олон улсын самбо бөхийн гэр бүл 88 бүрэн эрхэт гишүүнтэй болж байна. 2016 оны уралдаан тэмцээний хуваарийг ярилцсан бөгөөд тамирчдын олон улсын чансааг туршилтын журмаар гаргах болов. Түүнчлэн жил бүрийн 11-р сарын 16-нд ОХУ-д тэмдэглэж хэвшээд буй Самбо бөхийн өдрийг дэлхий нийтийнх болгох саналыг гаргалаа. Энэ удаагийн ДАШТ-д 82 орны тамирчид оролцохоор Мароккод ирээд байгаа бол 11 оронд тус тэмцээнийг телевизээр шууд дамжуулан үзүүлэх гэж байна. 2014 оны ДАШТ-ийг самбо бөхийн эх орон ОХУ-аас гадна Монгол, Беларусь гэсэн гуравхан улсад шууд дамжуулсан билээ. Өнөөдөр эрэгтэй 52 кг, 68 кг, 90 кг, эмэгтэй 48 кг, 60 кг, 72 кг, байлдааны самбын 57 кг, 74 кг, -100 кг-ийн жингийн барилдаан болж аваргуудаа тодруулна. Манай улсаас Г.Мөнхбат 52 кг-д, Х.Амартүвшин 74 кг-д тус тус өрсөлдөх юм.

Маргаашнаас ихэнх нутгаар хүйтэрнэ. Тодруулбал, 14,16-нд зарим газраар, 15-нд ихэнх нутгаар, 17-нд баруун зүгийн нутгаар цас орох нь.

Салхи 14-нд ихэнх нутгаар түр зуур секундэд 18-20 метр, 15,16-нд говь талын нутгаар секундэд 14-16 метр хүрч шороон болон цасан шуурга шуурна. Хүйтэрч Дархадын хотгороор шөнөдөө 27-32 градус, өдөртөө 17-22 градус, Хангай, Хөвсгөл, Хэнтэйн уулархаг нутаг, Орхон, Сэлэнгэ, Хараа, Ерөө, Туул, Тэрэлж голын саваар шөнөдөө 20-25 градус, өдөртөө 8-13 градус, говийн бүс нутгийн өмнөд хэсгээр шөнөдөө 7-12 градус хүйтэн, өдөртөө 3 градус хүйтнээс 2 градус дулаан, бусад нутгаар шөнөдөө 13-18 градус, өдөртөө 4-9 градус хүйтэн байна хэмээн Ус цаг уур орчны хүрээлэнгээс мэдээллээ.

Засгийн газрын 2015 оны 292 дугаар тогтоолоор Дорноговь аймаг өвс, тэжээлийн аюулгүйн нөөцөд 150 тн өвс, 30 тн тэжээл, сумдын нөөцөд 700 тн өвс, 350 тн тэжээл бэлтгэх даалгавартай.

Өвс тэжээлийн нөөц бүрдүүлэх ажлын хүрээнд аймгийн аюулгүйн нөөцөд 150 тн өвс, сумдын аюулгүйн нөөцөд 536,3 тн өвс, 39,8 тн тэжээл татан авч аймгийн аюулгүйн нөөцийн өвсийг 100 хувь, сумдын аюулгүйн нөөцийг 76,6 хувь бүрдүүлжээ. Сумд өвсний нөөц бүрдүүлэхээр Хэнтий, Сүхбаатар аймгуудын хадлангийн салаадтай гэрээ хэлцэл байгуулж татан авах ажлыг хийж байна. Аймгийн хэмжээнд аюулгүйн нөөцийн эрсдлийн санд нийт 29,6 сая төгрөг төвлөрснөөс аймгийн малчдад Туслах санд 4,6 сая төгрөг, сумдын Мал хамгаалах санд 25 сая төгрөгийн мөнгөн хуримтлал бүрдүүлж аймаг даяар өвлийн бэлтгэл ажлыг 86 хувь хангасан аж.

Дорнод аймагт оны эхний 10 сард 1630 хүүхэд шинээр мэндэлж, 368 хүн нас баржээ. Хүн амын нас баралт 1000 хүн ам тутамд 4.91 ногдож байгаа нь өнгөрсөн оны мөн үетэй харьцуулахад 12 тохиолдлоор буурсан үзүүлэлт юм.

Нас баралтын шалтгаанд хорт хавдрын 102 тохиолдол бүртгэгдсэн нь нийт нас баралтын 27.7, осол гэмтлийн нас баралт 59 тохиолдол буюу 16.0 хувийг эзэлж байна. 0-1 насны хүүхдийн эндэгдэл 1000 амьд төрөлтөд 6.1 болсон байна.