Египетэд үргэлжилж байгаа мөргөлдөөний улмаас одоогоор 600 гаруй хүн амь насаа алдаад байна. Хэдийгээр тус улсын Засгийн газраас онц байдал зарласан ч буудалцаан намжихгүй байгаа юм. Шархадсан нэгнээ аврах гэж үүрч явсан иргэн өөрөө ч бас буудуулж байгаа энэ бичлэг интернет сүлжээгээр тараад байна.

Монголын Байгаль орчны иргэний зөвлөлөөс өнөөдөр сэтгүүлчдэд мэдээлэл хийлээ. Энэхүү хэвлэлийн хурлаар Байгаль орчны иргэний зөвлөлийн дарга З.Болдбаатар, тус зөвлөлийн гишүүн, ой модны хулгайтай тэмцэх асуудал хариуцсан бүлгийн дарга, Гавъяат эдийн засагч Н.Дашзэвэг, Ш.Цолмонбаяр нар хууль бус модны хулгайтай тэмцэхийг БОНХЯ, Нийслэлийн удирдлагуудаас шаардаж байгаагаа илэрхийлэв.