Энэтхэгийн шүүх өнгөрсөн өвөл автобус дотор оюутан эмэгтэйг бүлэглэн хүчирхийлж, зодсон дөрвөн залууд ялын дээд хэмжээ оноожээ. Мукеш Сингх, Винай Шарма, Акшау Таур, Паван Гупта гэх дөрвөн залууг олон зүйл ангиар буруутгаж байсан юм.

БНХАУ агаарын бохирдлоо хэрхэн бууруулах төлөвлөгөөгөө танилцууллаа. Урд хөршийн эрх баригчид хуучны ганг, цементийн болон хөнгөн цагаан хайлуулах үйлдвэрүүдийг хааж, нүүрсний хэрэглээг бууруулахаар болжээ. Мөн цөмийн эрчим хүч болон байгалийн хийн хэрэглээг дэмжихээр тогтсон байна.

Өнгөрсөн шөнө ОХУ-ын Новогород мужийн Лука тосгоны сэтгэцийн эмнэлэгт гал гарснаар гурван хүн амиа алдаж, 30 гаруй хүн сураггүй болжээ. Эмнэлгийн барилгыг аюулгүй байдал хангахгүй байгааг сануулж, хаахыг шаардаж байсан ч удирдлагууд ирэх жил хүртэл ажиллуулах эрх авсан байжээ.

Сири улс химийн зэвсгийг хориглох байгууллагын гишүүн болсон хэмээн “Итар-тасс” мэдээллээ. Энэ талаар НҮБ-д суух Сирийн байнгын төлөөлөгч Башар Жафаари мэдэгдсэн байна.