Өчигдөр Испанийн хатан хаан Софиа Cangas del Narcea мужийн шинэ зочид буудлын нээлтэд оролцсон байна. Энэ үеэр цугларсан олон түүнийг эсэргүүцэн хашгирчээ. 100 гаруй уурхайчид нүүрсний уурхайн үйлдвэрүүдэд цомхотгол хийсэнтэй холбогдуулан хатан хааныг эсэргүүцжээ. Нээлтийн үеэр тус улсын Үйлдвэр, эрчим хүч, аялал жуулчлалын яамны сайд хатан хааны бараа болж явсан нь жагсагчдын дургүцлийг улам хүргэсэн байна.

Австралийг зорьж явсан 150 гаруй хууль бус цагаачдын онгоц өчигдөр тус улсын Кристмас арлын ойролцоо осолдсон байна. Онгоц хөмрөгдөн осолдсоны улмаас дөрвөн хүн амиа алдсан тухай Австралийн хилийн алба мэдээлжээ.

Далайн ван гаргийн шинэ дагуулыг илрүүлсэн тухай НАСА мэдээллээ. Тус гаригийн 14 дэх дагуулыг “Хаббл” хэмээх дуран авайгаар илрүүлсэн байна.

Кубын арми Хойд Солонгосын нууцаар зэвсэг тээвэрлэж явсан хөлөг онгоцыг Панамын сувагт эзлэн авсан тухайгаа хүлээн зөвшөөрсөн мэдэгдэл хийлээ.

Тагнуулын төв газрын ажилтан асан Эдвард Сноуден ОХУ-ын Цагаачлалын Албанд тус улсад түр хугацаагаар орогнох зөвшөөрөл хүссэн мэдэгдлээ дамжуулсан байна.