Өчигдөр Аргентины Хөл бөмбөгийн холбоо дэмжигчдийг хөл бөмбөгийн тэмцээнд оролцохыг хоригложээ. Хориг улс даяар, бүх хөл бөмбөгийн клубт хэрэгжих аж.

Домогт Атилла хааны тухай өгүүлэх ”Хаадын хаан” баримтат киноны зураг авалт дуусчээ. Киноны найруулагчаар Банзрагчийн Баяр ажилласан. Тус киноны зураг авалт Итали, Франц, Герман, Австри, Унгар, Орос, Хятад зэрэг оронд авчээ. Кинонд Атилла хааны тухай, түүхэн он цаг, дайн байлдаан зэргийг харуулсан байна. Энэхүү киноны нээлт ирэх намар болно.

Монгол Улсын Ерөнхийлөгчийн сонгуулийн хуульд зааснаар 6 сарын 14-ний өдрөөс эхлэн гурван өдрийн турш гадаадад ажиллаж, амьдарч буй Монгол улсын иргэд анх удаа Ерөнхийлөгчөө сонгох эрхийг эдлэх гэж байна. Энэ талаар “Онлайн Парламент”-(eparliament.mn )ад Европ тивд суугаа Монголчуудаа төлөөлөн сонгогдсон “Хилийн чанадад амьдарч буй Монгол Улсын иргэдтэй хамтран ажиллах зөвлөл” ТББ-ын тэргүүн Ганболдын Билгүүнтэй ярилцлаа.

Энэ сарын 22-нд урлагийн олон төрлийг хамарсан фестиваль ”Монгол шилтгээн”-д болно. Амьд хөгжим, хип хоп DJ болон рок попынхонд зориулсан тусгайлан тайз зассан байна. ”Summer love” нэртэй энэхүү фестивалиас олсон орлогоороо ”Эх хүүхдийн эрүүл мэндийн үндэсний төв”-д эмчилгээ, оношлогооны аппарат авч өгөх юм байна.

Өчигдөр Афганистаны нийслэл Кабул хотод Дээд шүүхийн байрны гадаа амиа егүүтгэгч этгээд бөмбөг дэлбэлснээр багадаа 16 хүн амиа алдаж, 40 гаруй хүн бэртэж гэмтлээ.

ОХУ-ын парламентын Доод танхим буюу Дума ижил хүйстнүүдэд халтай хууль баталлаа. Хуулиар 18-аас доош насныханд ижил хүйстнүүдийн сексийн харилцааны тухай мэдээллээр хангасан бол ихээхэн торгууль оногдуулахаар шийдвэрлэсэн байна.

Монгол Улсын Батлан хамгаалах яамны Төрийн нарийн бичгийн дарга, хошууч генерал З.Болдбаатар тэргүүтэй БХЯ, ЗХЖШ-ын төлөөлөгчид ХБНГУ-д болж буй Монгол Улсын Батлан хамгаалах яам, ХБНГУ-ын Холбооны Батлан хамгаалах яам хоорондын 10 дугаар зөвлөлдөх уулзалтад оролцож байна.

Өчигдөр БНХАУ “Шензоу 10” сансрын хөлгөө амжилттай хөөргөлөө. Энэ сарын дөрөвний өдөр бэлтгэл ажлыг нь дуусгасан төхөөрөмжийг Жиукуаны хиймэл дагуул хөөргөх төвөөс хөөргөжээ.

Нийслэлийн Засаг дарга захирамж гаргаж, Нийслэлийн ерөнхий боловсролын сургууль, цэцэрлэгийн сургалтын чанар хүртээмжийн үр дүнг индексээр хэмжиж урамшуулдаг тогтолцоог бүрдүүлэх зорилгоор нийслэлийн Ерөнхий боловсролын сургууль, цэцэрлэгийн сургалтын чанар хүртээмжийн үр дүнг индексээр дүгнэх журам баталсан юм.

Энэ хүнийг Харвард төгссөн гэж гаднынхан мэхийж уулздаг