Шинжлэх ухаан, технологи, инновацийн салбарт ирэх онд 27 тэрбум төгрөгийг улсын төсвөөс зарцуулахаар тусгажээ. Энэ талаар өнгөрөгч лхагва гаригт /2016.11.23/ нээлтээ хийсэн ”Шинжлэх ухаан-технологи-инноваци-2016” үзэсгэлэнгийн үеэр албаныхан салбарынханд мэдээлсэн юм. Мөн ирэх жилүүдэд шинжлэх ухааны салбарт зарцуулах төсвийг нэмэх бодлого барина гэдгээ Боловсрол, соёл, шинжлэх ухаан, спортын сайд Ж.Батсуурь мэдээлсэн юм. Үүнээс гадна ирэх жилүүдэд шинжлэх ухааны салбарын эрдэмтдийг гадаад руу сургах, туршлага судлуулах тал дээр түлхүү анхаарахаар болжээ.

Шинжлэх ухааны парк, технологийн төв байгуулах ажилд Хятадын талаас тусламж үзүүлэхээр болсныг ч дуулгасан юм. Энэ хүрээнд эрдэм шинжилгээний ажилтан, судлаачдаа жил хүртэлх хугацаанд Хятад улсын лаборатори, техник дээр ажиллуулж, туршлага солилцох замаар хамтарч ажиллахаар болсон. Харин энэ хугацааны судлаачдын цалин хөлс, зардлыг Хятадын Засгийн газрын дэмжлэгээр шийдэхээр болсон хэмээн сайд Ж.Батсуурь мэдээллээ.

Монголын шилдэг хөлбөмбөгчин тодруулах ”Алтан бөмбөг” ёслолын ажиллагаа арванхоёрдугаар сарын 12-нд болох ажээ. Монголын хөлбөмбөгийн холбоо /МХБХ/-ноос хоёр дахь удаагаа зохион байгуулах гэж буй Монголын шилдэг хөлбөмбөгчин тодруулах шалгаруулалтад 23 тамирчны нэрийг дэвшүүлжээ.

”Алтан бөмбөг”-т нэр дэвшсэн 23 тоглогчийг Монголын хөлбөмбөгийн холбооны ”Техникийн хэлтэс”-ийн мэргэжилтнүүд статистик үзүүлэлт, улирлын шилдэг амжилтаар нь дүгнэн, тодруулсан байна.

Монголын хөлбөмбөгийн шилдгүүдийг тодруулахад ”Хүрхрээ” дээд, ”Хүрхрээ” нэгдүгээр лигийн 10 багийн ахлагч болон ахлах дасгалжуулагч, 14 спортын сэтгүүлч, нийт 54 хүн санал өгнө.

Санал хураалт 11-р сарын 24-ны 17:00 цагаас эхэлсэн бөгөөд 12-р сарын 10-ны 00:00 цаг хүртэл явагдана. Мөн the-mff.mn сайтын нүүрэнд харагдах “Алтан бөмбөг” гэсэн зурагруу орж саналаа өгөөрэй.

Анхдугаар үндсэн хуулиа баталж, улсаа дэлхий нийтэд зарлан тунхагласны 92 жил, Монгол улсын үндэсний тусгаар тогтнол, төрийн бүрэн эрхт байдлыг бататган бэхжүүлсэн 11 дүгээр сарын 26 – ны өдөрт зориулсан “Төрийн албаны өдөрлөг” Нийслэлийн Багануур дүүрэгт зохион байгуулагдлаа.

Мал аж ахуйн салбарт үүсэж болох эрсдэлээс урьдчилан сэргийлэх, байгаль, цаг уурын онцгой хүндрэлийг хохирол багатай даван туулах зорилгоор “Малчдад туслах сайн санааны аян”-ыг Хүнс хөдөө аж ахуй, хөнгөн үйлдвэрийн яамнаас санаачлан өрнүүлж байна.

Арваннэгдүгээр сарын 19-нд Их хурлаа хийхээр цугласан ч тодорхойгүй хугацаагаар хойшлуулсан Монголын чөлөөт бөхийн холбоо /МЧБХ/-ны Удирдах зөвлөл арваннэгдүгээр сарын 23-нд хуралджээ.

Хурлаар дараах асуудлуудыг хэлэлцэн шийдвэрлэсэн байна. Үүнд:

МЧБХ-ны дүрмийн тѳсѳлтэй танилцаж, санал оруулж хэлэлцлээ.
МЧБХ-ны Удирдах зөвлөлийн гишүүдийн бүтэц, бүрэлдэхүүний талаар хэлэлцэв.
Дэлхийн бѳхийн холбооноос МЧБХ-нд ноогдуулсан 50,000 CHF- ийн торгуулийг одоо байгаа Удирдах зѳвлѳлийн гишүүд 10 хоногийн дотор тѳлж барагдуулахаар шийдвэрлэв.
Унгар улсын Будапешт хотод 2016 оны 12 дугаар сарын 09-12-нд зохиогдох Олимпийн бус жингийн ДАШТ-нд оролцох баг бүрэлдэхүүнийг хэлэлцэж батлав. Багийн даргаар МЧБХ-ны УЗ-ын гишүүн, ”Хасу Мегаватт” компанийн захирал Ж.Түмэн-Аюуш, албаны тѳлѳѳлѳгчѳѳр Н.Дүгэрсүрэн, дасгалжуулагчаар Гавьяат дасгалжуулагч Ц.Баярсайхан, тамирчнаар ОУХМ Т.Түвшинтулга, Б.Батзориг, Д.Отгонцэцэг, Б.Шоовдор нарыг баталлаа. Мѳн дээрх тамирчдын дасгалжуулагчид болох Д.Батням, О.Пүрэвбаатар, Ц.Баярсайхан, П.Чулуунбаатар нарыг оролцуулахаар шийдвэрлэсэн байна.
МЧБХ-ны ерѳнхий нарийн бичгийн дарга О.Баянмѳнх эрүүл мэндийн байдлаас шалтгаалан албан үүргээ гүйцэтгэх боломжгүй болж, ѳѳрийн хүсэлтээр ажлаа хүлээлгэн ѳгѳх хүсэлт гаргасныг үндэслэн үүрэгт ажлаас нь чѳлѳѳлж, УЗ-ийн гишүүдийн шийдвэрээр МЧБХ-ны шинэ ерѳнхийлѳгчийг томилогдох хүртэл МЧБХ-ны ерѳнхий нарийн бичгийн даргын үүргийг түр орлон гүйцэтгэгчээр Гавьяат дасгалжуулагч Буяндэлгэрийн Батбаярыг томилжээ.

Орландо Блум болон Кэти Перри хоёрыг арав гаруй сар үерхсэний эцэст хоёр тийшээ болохоор шийдсэн гэх мэдээлэл нь Америкийн шар хэвлэлүүдийн нисгэсэн “бор шувуу” байсан бололтой.

Талархлын баярыг хамтдаа тэмдэглэж буй зураг, бичлэгээ Инстаграм хуудсандаа Кэти оруулсан байна. Бичлэгт Кэтигийн аав, дүү болон “салсан” найз залуу Орландо нар хамтдаа баярлан, хөгжилдөж байгаа нь харагдана.

Нэрс нь цусан дахь сахарын хэмжээг багасгадаг тэгвэл чихрийн шижингийн хоёрдугаар үед хамрагдсан өвчтөнүүд нэрс жимсийг хэрэглэх нь сайн үр дүнтэй. Нэрс нь цусан дахь сахарын хэмжээг багасгахаас гадна гэдэс эвгүйрэх, хоолой, буйлны өвчинд ч бас сайн нөлөөтэй. Энэхүү жимс нь байгалийн цэвэр анитибиотик учраас нянгийн эсрэг үйлчилгээ үзүүлдэг ажээ.

”Хар баасан гараг”-ийн үеэр 40 хүн гэмтэжээ

УИХ-ын чуулганы ирэх 7 хоногийн хэлэлцэх асуудлын хуваарь гарлаа.

Хуралдаанаар Олон нийтийн радио, телевизийн Үндэсний Зөвлөл болон Санхүүгийн зохицуулах хорооны орон тооны бус гишүүнийг томилох, чөлөөлөх тухай, Нийгмийн даатгалын үндэсний зөвлөлийн бүрэлдэхүүнийг шинэчлэн батлах тухай зэрэг томилгоотой холбоотой асуудлууд орж ирсэн байна.

Мөн Төрийн болон албаны нууцын тухай, Боловсролын тухай хуульд нэмэлт, өөрчлөлт оруулах тухай хуулийн төсөлтэй хамт өргөн мэдүүлсэн Дээд боловсролын тухай хуулийн зарим зүйлийг хүчингүй болсонд тооцох тухай, Монгол Улсын хууль тогтоомжийг 2020 он хүртэл боловсронгуй болгох үндсэн чиглэл батлах тухай, Хилийн тухай, Гэр бүлийн хүчирхийлэлтэй тэмцэх тухай хуулийн шинэчилсэн найруулгын төсөл, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд нэмэлт, өөрчлөлт оруулах тухай болон Төрийн албаны тухай хуульд нэмэлт оруулах тухай зэрэг хуулийн төслийн зохих шатны хэлэлцүүлгийг хийхээр тогтжээ.

УИХ дахь намуудын бүлэг даваа гарагт, байнгын хороодын хуралдаан мягмар, лхагва гарагт тус тус хуралдах ба дээрх хуралдаанаар хуваарьт асуудлуудыг хэлэлцэн, чуулганы нэгдсэн хуралдаанд оруулах юм.

Коммунисмийн сүүлчийн оч унтарлаа

Эх орныхоо нэрийг тив, дэлхийд дуурсган, манлайлна гэдэгт итгэлтэй байна гэж Ерөнхий сайд залуучуудад хэллээ.

Улсын хэмжээнд 2016 онд 16 нас хүрч, иргэний үнэмлэхээ гардах 49892 хүүхэд байна. Эдгээр охид, хөвгүүдийн төлөөлөл 800 сурагч Тусгаар тогтнолын баярын энэ өдөр эрдэм боловсролтой, эх оронч иргэн байхаа андгайлан тангараглалаа.

Мэргэжлийн сумо бөхийн Кюүшюү башё өндөрлөхөд нэг хоног дутуу байхад ёкозүна Какүрюү 13:1 амжилтаар түрүүлэх нь тодорхой боллоо.

Төрийн соёрхолт дуучин Д.Болдын “Channel 11” телевизээр ”Тарагтай боов” нэвтрүүлгийн анхны дугаар өнгөрсөн долоо хоногт үзэгчдийн хүртээл болсон юм. Нэвтрүүлгийг дуучин А.Хишигдалай хөтөлж анхны зочиноор загвар өмсөгч Э.Энхболд оролцсон. Нэвтрүүлгийн ээлжит зочноор УИХ-ын гишүүн асан М.Зоригт уригдлаа.

Өвлийн эхэн сар дөнгөж гарч буй энэ үед хүйтний эрч эрс чангарсан нь улс даяараа ”цас, мөс-хальтиргаа”-ны тухай хэлэлцэж сандралдав. Цас, мөсийг арилгах тухай Хотын даргын захирамжинд ахлах ангийн сурагч, оюутан, цэргүүд хамрагдсан нь олонхийн шүүмжлэлийг дагууллаа.

Хүний хүчээр цэвэрлэхийг илүүд үзсэн нийслэлийн дарга нар өөрсдөө мөс цохиж, цас цэвэрлэж байгаа зургаа оруулж байсан нь саяхан. Харамсалтай тэдний бодсончлон замын хальтиргаа гулгаа арилсангүй.

Хальтиргаа гулгааны улмаас өдөрт 200-300 хүн бэртэж гэмтэж байна гэж албаныхан мэдээлж буй юм. Өөрөөр хэлбэл, нийслэл мөсөн коток болж хувирсан гэхэд хилсдэхгүй.

Түүнчлэн ихэнх хөдөө орон нутагт өвөлжилт хүндэрч зудын байдалд орж өвөлжилт хүндрээд байгаа юм. Тухайлбал, Увс аймаг, Бая-Өлгий зэрэг аймагт хүйтний эрч чангарч зудын байдалд байна.

X Богдыг тодруулсан хийгээд Хятадын эсэргүүцэл

Хэний урилгаар ирсэн нь тодорхойгүй Далай багшийн айлчлал өнгөрсөн өдрүүдэд үргэлжлэв. Тэрбээр ирсэн зорилгоо номын авшиг хүртээх, номын айлчлал гэж тодорхойлж байгаа юм. Түүний айлчлалыг улс төрийн зорилготой, мөнхүү X Богдыг тодруулах гэж ирсэн гэх таамаг олны анхааралд өртөж Монголын бурхан шашинтнуудыг хоёр тал болгосон.

Энэхүү таамаг батлагдаж Дээрхийн гэгээн XIV Далай лам энэ сарын 24-ны өдөр Их тэнгэрийн аманд хийсэн хэвлэлийн бага хурлын үеэрээ X Богд нялх байгаа гэдгийг дуулгаснаар албан ёсоор айлчлалаа өндөрлүүлсэн.

Түүнчлэн хөхөө өвлийн хүйтэнд Далай ламын айлдах номын сургаалийг сонсох гэсэн сүсэгтэн олон Буянт-Ухаа цогцолборт хоорондоо дайтах шахуу үйл явдал болсоныг хэвлэлийнхэн мэдээлж байсан юм.

Харин энэхүү номын айлчлалаас шалтгаалж Хятадын талаас дөрвөн томоохон уулзалтыг тодорхойгүй хугацаагаар хойшлуулсан юм. Үүнд нь Шадар сайд У.Хүрэлсүхийн айлчлал, Гадаад харилцааны сайд Ц.Мөнх-Оргилын айлчлал, ОХУ-Монгол-Хятад улсын зам тээврийн сайдуудын уулзалт, Монгол-Хятадын парламентчдын уулзалтууд багтжээ.

Энэхүү үйл явдлыг Хятадаас хараат бус тусгаар улс гэдгээ баталсан үйл явдал боллоо гэж зөвтгөх нэг нь байхад хоёр улсын харилцаанд сэв суулгасан явдал гэж буруутгах хүмүүс бишгүй байлаа.

Баасан гаригт бүх нийтээр амарлаа

Энэ долоо хоногт Засгийн газар хуралдаж Улс тунхагласны баяртай холбогдуулан бүх нийтээр баасан гаригт амрах болсон мэдээлэл олны анхаарлын төвд орсон юм.

Түүхэн баяр нь энэ жил бямба гаригт тохиож байгаа тул ийн нөхөж амрахаар болсон. Харин энэ шийдвэр зарим иргэний дургүйг хүргэсэн бол бусдынх нь хувьд хүйтэн, хальтиргаатай үед нэг өдөр ч гэсэн гэртээ өнжих нь хэмээн хөөр болсныг энд онцлоё

”Өнгөрсөн одоо, ирээдүй”-д очсон нэгэн үдэш

Соёл урлагийн салбарт нэгэн онцлох үйл явдал болж өрнөсний нэг нь энэ сарын 25-ны өдөр Цэргийн дуу бүжгийн эрдмийн чуулгын 84 дэх жилийн өвөл цагийн нээлтийг угтлаа. Өөрөөр хэлбэл, ”Өнгөрсөн одоо, ирээдүй” симфони найрал хөгжмийн тоглолт Офецериудын ордонд болж өнгөрсөн юм. Өвлийн эхэн сарын жаврыг үргээж ард түмний сэтгэлд хоногшсон ая дууг утсан хөгжмийн хамтлаг, цохиур хөгжим, цахилгаан хөгжим, бөмбөрийн хамтлаг хоршиж өөр өөрийн өнгө аясаар мэндчилэн үзэгч олны сонорыг мялааж сэтгэлийн утсыг хөндлөө.

Хөгжмийн зохиолч З.Хангалын тань руу нүүж явна, Зууны манлай дуучин Б.Сарантуяагийн дуулсан ”Хэн юм бэ” , Төрийн шагналт хөгжмийн зохиолч Э.Чойдогийн хөгжим “Жалам хар”, Ардын уран зохиолч С.Дашдооровгуайн ”Анхны хайр” ”Намар” , ”Сэтгэлийн эгшиг” зэрэг олон сайхан ая дууг энэ үдэш эгшиглүүлсэн юм.

Эргэх дөрвөн улирал ээлжилхэд хүн бүрийн сэтгэл хувьсан өөрчлөгдөж, өөр өөрсдийнхөөрөө дүгнэж байдаг. Зарим нь алтранхан байх шаргал навчсыг нь харж намар цагаас эрч хүч авч, догдолдог байхад өөр нэг нь навчисаа гүвэх нүцгэн моддын сэрчигнээн, жиндүү салхинд гуниглаж даарах нь бий.

Харин ”UBS” телевизийн тал бүрийн авьяастай гэх хөтлөгч Э.Гантулгын хувьд зуны улирал өвөрмөц содон байхад намарыг үгүйсгэл гэж үздэг ажээ. Түүний хувьд өвөл бүх зүйлийн шинэчлэл гэнэ. Учир нь зуны сайхан бүхнийг намар үгүйсгэж байхад өвөл бүхнийг шинэчилдэг гэж энэ үеэр өөрийн бодлоо үзэгч олонтойгоо хуваалцсан юм.

Бидний өнөөдөр хэлсэн үг, хийсэн үйлдэл бүр өнгөрсөнд түүх болон үлдэж байхад маргааш руу тэмүүлсэн сэтгэл ирээдүйг бүтээдэг билээ. Мөн ”Яг одоо” гэсэн бүгд маань энэ л цагт одоо үед оршдог гэдгийг хөгжмийн зохиолч Л.Балхжавын ”Хиймор тэтгэсэн аялгуу” -гаар тоглолт өндөрлөлөө.

Сүүлийн үед олны анхаарлыг татаад буй Чой Сүн Шил хэмээх эмэгтэйтэй холбоотой шуугианаас Пак Гын Хэгийн улс төрийн байр суурь үлэмж хэмжээгээр ганхан, түүнийг огцрохыг шаардаж буй.
Түүнтэй холбоотой олон факт дэлхий нийтийн анхаарлын төвд ил болсоор байна. Ингээд Өмнөд Солонгосын анхны эмэгтэй Ерөнхийлөгч Пак Гын Хэ-тэй холбоотой мэдээллийг 24 баримтаар хүргэе.

Баримт 1. Ерөнхийлөгч Пак Гын Хэ өдгөө 65 настай бөгөөд 1952 оны 2 сарын 2-нд БНСУ-ын Тэгу хотод төржээ.

Баримт 2. Тэрбээр 22 настайдаа улс төрд орсон нь харьцангуй эрт улстөрд оролцсон хүмүүсийн нэг юм.


Баримт 3. 1974 онд эцгийг нь хөнөөх гэсэн Хойд Солонгосын явуулгын улмаас ээж нь амь үрэгджээ.

Баримт 4. Хатагтай Пак 1961-1979 онд Өмнөд Солонгосыг удирдаж байсан Пак Жөн Хигийн ууган охин ба эцэг Жөн Хи нь Өмнөд Солонгосын генерал байсан юм.

Баримт 5. Түүний аав Пак Жон Хиг ““харгис удирдагч” байсан гэж үздэг. 1979 онд Өмнөд Солонгосын Тагнуулын төв газрын захирал Ким Жэ Гю түүнийг буудан хөнөөжээ.


Баримт 6. 1979 он буюу таван жилийн хугацаанд албан бусаар Өмнөд Солонгосын тэргүүн хатагтай гэгдэж байв.


Баримт 7. Тэрбээр Сэнури намаас нэр дэвшиж 2012 оны 12 сарын 19-ний өдөр БНСУ-ын 18 дахь ерөнхийлөгчөөр сонгогдсон юм.


Баримт 6. Түүний амьдрал хагацал, гунигаар дүүрэн байсан гэж тэрбээр түүхэн номондоо дурдсан байдаг аж.

Баримт 7. Пак Гын Хэ хувьдаа бөөтэй байсныхаа төлөө огцрохдоо тулаад байна.

Баримт 8. Өнөөдөр Ерөнхийлөгч Пак Гын Хэгийн нэр хүнл 14 хувиар унасан нь амиа хорлосон Ерөнхийлөгч Но Му Хёнгийхоос хэд дахин илүү болоод байна.

Баримт 9. 1998 оноос хойш өдийг хүртэл таван удаа улсын хурлын гишүүнээр сонгогджээ.

Баримт 10. Хөх ордонд амьдарсан 16 жилийнхээ хугацаанд аав, ээж хоёроо цаг бусаар алдсан Пак Гын Хе тухайн үед хамтдаа амьдарч байсан эрэгтэй дүүгийнхээ хамт Хөх ордныг орхин гарч байсан бол 34 жилийн дараа эргэн ирсэн юм.

Баримт 11. “Намайг гэх аав, ээжгүй надад алдах зүйл, авах зүйл нэг ширхэг ч байхгүй. Тиймээс би энэ эх орныхоо төлөө бүх хүчээ дайчлан ажиллана” гэж нэр дэвшигч Пак Гын Хе 2007 онд намынхаа дарга болох хүчтэй өрcөлдөөнд ялалт байгуулах үедээ хэлж байсан удаатай.

Баримт 12. Хэвлэлийнхэн энэ удаа түүнийг улсын мөнгөөр чалх сайжруулагч виагра бэлдмэл худалдаж авсан баримтыг дэлгээд буй юм. Түүний албан өрөөнөөс 364 ширхэг виагра илэрсэн нь олны анхааралд өртөөд байна.

Баримт 13. 2016.11.04-н Хатагтай Пак Гын Хэ 40 гаруй жил найзалсан Чой Сун Силтэй холбоотой асуудлаар мэдэгдэл хийж, ард түмнээсээ уучлал хүсэв. Чойн Сун Силийг Ерөнхийлөгчийн улс төрийн хэрэгт оролцож, албан тушаалаа урвуулан ашигласан гэх хэрэгт сэжиглэн баривчлан хорьсон байдаг.
Баримт 14. 2016.11.16-н Солонгос улс түүхэндээ анх удаа төрийн тэргүүнээсээ байцаалт авлаа. Хатагтай Пак прокурорын байцаалтаас өмнө өмгөөлөгч хөлсөлсөн байдаг.

Баримт 15. Чой Сун Силийн аав Чой Тэ Мин өмнө нь буддын лам байсан ба дараа нь христийн шашны номлогч болж, шашны шинэ урсгалыг бий болгож байгаагаа сурталчилж, үүний дараа өөрийгөө бөө хэмээн тодорч байсан нь ард түмний дунд эргэлзээ бий болгоод байна.

Баримт 16 . Чой Тэ Мин нь Пак Гын Хегийн ээжийг нас барсны дараа ээжийнх нь сүнстэй холбож өгнө хэмээн түүнтэй холбогдож, улмаар охин Чой Сун Сил нь дотно найзууд болсон түүхтэй.

Баримт 17. 2016. 11.05-нд Сөүл хотноо Ерөнхийлөгч Пак Гын Хэг эсэргүүцсэн жагсаал түүхэн дэх хамгийн олон хүн хамрагдсан хоёр дахь тохиолдол юм. Жагсагчидын ихэнхи нь оюутан сурагчид байв.

Баримт 18. Энэхүү жагсаал дотоодод төдийгүй гадаадад мөн өрнөсөн юм. Тодруулбал, Бостонд суралцдаг солонгос оюутнууд эсэргүүцэлд нэгдэж байгаагаа илэрхийлжээ.


Баримт 19. Ерөнхийлөгч Пак Гы Хэ өөрийн дотны найз Чуй Сүн Шилтэй холбоотой байж болох бүх албан байгууллага, хүмүүсийг шалгах үүргийг цагдаагийн газарт өгсөн.

Баримт 20. Ерөнхийлөгч Пак Гын Хе-гийн аав Ерөнхийлөгч Пак Жонг Хи хамгийн олон жил буюу 1963-1979 онуудад Ерөнхийлөгчийн албан тушаалыг хашсан.

Баримт 21. “Seoul Station” галт тэрэгний буудлын ойролцоо болсон жагсаалд 8000 орчим хүн оролцсон байна.
Баримт 22. Ерөнхийлөгчийн хар багын найз, аав нь бөө нарын удирдагч байсан Чой Сүн Силийн хувийн компьютерооос 200 гаруй албан бичгийн файл олдсоны ихэнхи нь Пак Гын Хэгээс түүнд илгээсэн төрийн нууцад хамаарах бичиг баримт, хэлэх үг, заавар зөвлөгөө байсан нь солонгосчуудын дургүйцлыг төрүүлээд байна.

Баримт 23. Хатагтай Пак Гын Хэ бөө удгануудынхаа нөлөө, тэднийхээ хэлсэн мэргэ төлгөнд итгэж Кэсоны аж үйлдвэрийн бүсийг хааж, эдийн засгийн хамтын ажиллагаанаас бүрэн татгалзсан байх магадлалтай.

Баримт 24. Ерөнхийлөгч Пакад бөө найз нь “Кем Чен Ун эдгэшгүй өвчтэй болсон учир удахгүй болсон, хоёр жилийн дараа гэхэд хоёр Солонгос нэгдэх үйл явц эхэлнэ” хэмээн итгүүлснээр Кэсоны аж үйлдвэрийн бүсийг хаасан гэж үзжээ. Кэсоны аж үйлдвэрийн бүс нь хоёр орныг нэгтгэх мөрөөдлийнх нь эхлэл байсан гэж судлаачид үздэг.

Солигдмол. Цас орохгүй. Салхи баруун хойноос секундэд 7-12 метр. Хэрлэн голын хөндийгөөр шөнөдөө 23-28 градус, өдөртөө 10-15 градус, бусад нутгаар шөнөдөө 17-22 градус, өдөртөө 7-12 градус хүйтэн байна.

Үс засуулбал: Хэрүүл тэмцэл ирнэ

Та өнөөдөр гэртээ ямар хоол хийхээ сонгоогүй байгаа танд зөвлөхөд үхрийн мах сонгоход зөв сонголт гэж найдаж байна. Та доорх аргыг ашиглаад өнөөдөр гэр бүлдээ гэнэтийн бэлэг бариарай. Гал тогоо бол эзэгтэй нарын бүтээлч сэтгэлгээгээ хөгжүүлж, юм юмыг туршиж үзэх “талбар”. Хоолыг л төрөл төрлөөр нь “хашрааж” чадах юм бол, ажил дээрээ ч шинийг санаачлагч нь байх болно. Хэдий болтол үхрийн махыг зөвхөн давс, перецээр амтлах юм бэ, тийм биз?

Нарийн нандин амт оруулахад жаахан хоолны мэдлэг, бүтээлч чанар байхад л хангалттай. Үхрийн махны үндсэн гайхалтай амтыг тодруулж, үнэрийг сайжруулж, үзэмжийг нэмдэг цөөн хэдэн амтлагчийг зөвлөж байна.

Итали арга

“Italian dressing” гэсэн бичигтэй тусгай амтлагч нараас сонгож ч болно. Эсвэл гэртээ нэг аяга цуу, 1/3 аяга оливийн тос, 2 хоолны халбага ус, 1 хоолны халбага давс, ¼ хоолны халбага нунтаг гоньд, ½ хоолны халбага сармисны нунтаг, ½ хоолны халбага элсэн чихэр юм уу зөгийн балыг хооронд нь хольж /дээр нь өөр амтлагчны төрлийн ямар ч нунтаг ногоо хийж болно/ сэгсрээд өөрийн гэсэн итали амтлагчийг хийх боломжтой. Махаа шарж эхлэхээсээ нэг цагийн өмнө цахилгаантай уутан дотор хийж байгаад, дотор нь соусаа асгаж хөлдөөгчинд хийнэ. 15 минут тутамд гаргаж ирээд уутных нь гаднаас “иллэг” хийж амтыг нь оруулаад, цагийн дараа гаргаж шараарай. Махны чинь үнэр амт давтагдашгүй санагдах болно.

Фанта ундаа /өөр ямар ч жүржийн найрлагатай хийжүүлсэн ундаа байж болно/

Битүү чанагчиндаа хоёроос гурван лааз Фанта хийж махаа чанаарай. Ундааны амт махыг ямар өвөрмөц, салахын аргагүй болгодог гээч. Туршиж үзсэн эзэгтэй зөвлөж байна шүү.

Бүхэл сармис
Их хэмжээний үхрийн махтай хоол хийхээр болвол энэ аргыг ашиглаарай. Махыг хэрчээгүй бүхлээрээ байхад нь хутгаараа зүсэж нүх үүсгээд завсарт нь бүхэл сармисны хумснууд хий. Тэгээд тэр чигт нь чанаж болгоод хэрчээрэй.

Шар айраг, улаан дарс
Үхрийн махтай шөл хийх гэж байгаа бол дээр нь 1-2 хоолны халбага дарс юм уу шар айраг хийчихвэл амт нь шал өөр болно. Махны шөлний гашуун нь дарагдаж, исгэлэн бөгөөд чихэрлэг амт нь нэмэгдсэнээр илүү амтлаг болно.
Ганцхан төрлийн өөр амт нэмээд...

Давс, перец, сармисны нунтаг, базиликийн нунтаг дөрвийг хольж нэг амтлагч болгоод махан дээрээ түрхэж бүхлээр нь битүү чанагчинд чанаад гаргахад гайхалтай өөр амт гарах болно. Өдөр тутам хэрэглэдэг дээрээ ганцхан өөр төрлийн амтлагч нэмэхэд л хоолныхоо нэр төрлийг нэгээр нэмнэ.

Таконы соус

Мексик аргаар татсан махыг амтлахыг хүсвэл таконы соусыг санал болгож байна. 250 гр улаан лоолийн соус, ¼ аяга ус, 1 цайны халбага чилиний нунтаг, 1 цайны халбага жижиглэж хэрчсэн сонгино, 1 хоолны халбага цагаан цуу, ½ цайны халбага сармисны нунтаг, ¼ цайны халбага паприка, ¼ цайны халбага элсэн чихэрийг холигчоор сайтар холино. Хольсон соусаа 15-20 минут дундаж хэмийн гал дээр болгоод махтайгаа цуг олгоно.

Үхрийн махтай хамгийн сайн зохицдог амтлагч, нэмэлт найрлагууд:
Шинэхэн биш бяслаг
Гахайн мах
Барбекю соус
Ногоон улаан чинжүү
Мөөг
Гич
Сонгино
Перец
Улаан дарс
Цөцгий
Шар буурцагны соус
Гоньд
Улаан лооль

Монголын шилдэг хөлбөмбөгчнийг тодруупах “Алтан бөмбөг” ёслолын ажшшагаа ирэх сарын 12-нд болно. Хоёр дахь уцаагаа зохион байгуулах гэж буй Монголын шилдэг хөлбөмбөгчин тодруупах шалгаруулалтад 23 тамирчны нэрийг дэвшүүлжээ. Эдгээр тоглогчийг Монголын хөлбөмбөгийн холбооны техникийн хэлтсийнхэн статистик үзүүлэлт, улирлын амжилтаар нь дүгнэж тодруулав. Лигийн аварга “Эрчим” клубээс “Алтан бөмбөг”- ийн төлөө хамгийн олон буюу долоон тоглогч нэр дэвшиж байна. Харин нэр дэвшигчдээс хамгиин ахмад нь өдгөө 31 настай “Дэрэн”-гийн хамгаалагч Б.Гарьдмагнай байгаа юм. Ингээд нэр дэвшигчдийг танилцуулъя.
Алтан бөмбөг наадамд нэр дэвшигчид:
М.Төгөлдөр (Эрчим)
Б Ариунболд (Эрчим)
Г.Билгүүн (Эрчим)
Г.Төгөлдөр (Эрчим)
Ж.Сүндорж (Эрчим)
Г.Батбилгүүн (Эрчим)
Ишино Шута (Эрчим) Х.Есөн-Эрдэнэ (ШМ Баянгол) Д.Төрбат (Хоромхон) О.Оюунбаатар (Хоромхон) Н.Наранболд (Хоромхон) Б.Мөнгөнтулга (Улаанбаатарын Унаганууц)
Майкл Адэеэмо (Хоромхон) Б.Баянмөнх (Хангарьд) Ц.Мөнх-Эрдэнэ (Хангарьд) О.Мижиддорж (Хангарьд) М.Алтанхүү (Улаанбаатар сити) О.Баяржаргал (Улаанбаатар) Хишида Таку (Сэлэнгэ пресс) Александр Маринкович (Дэрэн) Б.Гарьдмагнай (Дэрэн)
Энэ жилийн онцлог гэвэл егагистик үзүүлэлтээрээ дээгүүрт бичигдсэн, Монголын хөлбөмбөгийн хөгжилд хувь нэмрээ оруулж буй легионер тотогчид нэр дэвшиж байгаа. Хүрхрээ дээд лигийн багийн дасгалжуулагч, багийн ахлагч, спортын сэтгүүлчдийн санал асуулгаар оны шилдэг хөлбөмбөгчин тодорно. Санал асуулга ирэх даваа гаригаас эхлэн 12 хоног үргэлжилнэ. Ингэснээр оны шилдэг шүүгч, дасгалжуулагч, эмэгтэй багийн дасгалжуулагч, эрэгтэй, эмэгтэй хөлбөмбөгч, шилдэг гарааны 11 тодрох юм.

​1. БНХАУ-д визгүй зорчих 30 хоногийн хугацааг хэтрүүлэхгүй байх