Монгол Улсаас Их Британи, Умард Ирландын Нэгдсэн Вант Улсад суугаа Онц бөгөөд Бүрэн эрхт Элчин сайд С.Баярын итгэмжлэх жуух бичгээ өргөн барьснаас хойш дахин хэл аманд өртөх болсон. Түүнийг элчин сайд болсныг эсэргүүцсэн монголчууд тус улсын ЭСЯ-ны гадна удаа дараа жагсаал зохион байгуулж буй. Тэгвэл Англи дахь Монголын Элчин сайдын консул Б.Одонжил жагсагчдыг сүрдүүлсэн утгатай зүйл цахим хуудаснаа бичсэн нь мөн л олны дургүйцлийг төрүүлж эхэллээ.

Яг одоо Ардчилсан намын Дотоод сонгуульд өрсөлдөхөөр бүртгүүлсэн 565 хүнд МҮЭСТО-нд нэр дэвшигчийнх нь үнэмлэхийг гардуулах ажиллагаа болж байна.

Б.МЯГМАР : Сүрьэгийн эмч, мэргэжилтнүүдийн 80 гаруй хувь нь өвлчөх өндөр эрсдэлтэй байна
Эрүүл мэндийн салбар тэр дундаа сүрьеэгийн асуудал нь өнөөдөр нийгмийн маш тулгамдсан асуудлуудын нэг болоод байна. Манайх сүрьеэ өвчний тухай их ярьдаг боловч тухайн голомтонд ажиллаж байгаа эмч, мэргэжилтнүүдийн дунд үүсдэг тулгамдсан асуудлууд хойш тавигдаад байгааг мэргэжлийнхэн онцолж байна. Энэ асуудлаар Монголын эрүүл мэндийн ажилтны ҮЭ-ийн холбооноос “Хөдөлмөрлөх эрх-Тулгамдаж буй асуудал” сэдэвт сүрьеэгийн эмч, мэргэжилтний улсын зөвлөгөөнийг манай улсад анх удаагаа зохион байгуулсан байна. Тус зөвлөгөөнтэй холбоотойгоор МЭМАҮЭХ-ны дарга Б.Мягмартай ярилцаж дэлгэрэнгүй тодруулга авлаа.
Сайн байна уу. Танд энэ өдрийн мэндийг хүргэе. “Хөдөлмөрлөх эрх-Тулгамдаж буй асуудал” сэдэвт сүрьеэгийн эмч, мэргэжилтний улсын зөвлөгөөнд хичнээн эмч, мэргэжилтнүүд оролцсон бэ. Тус зөвөлгөөний онцлог нь юу байв?
Салбарын ҮЭ-ийн холбооны зүгээс манай улсад анх удаа Улаанбаатар хотын 9 дүүрэг, ХӨСҮТ, “Энэрэл” эмнэлэг болон 21 аймгийн сүрьеэгийн чиглэлээр ажиллаж буй 150 гаруй эмч, эмнэлгийн мэргэжилтнүүд оролцсон “Хөдөлмөрлөх эрх-Тулгамдаж буй асуудал” сэдэвт сүрьеэгийн эмч, мэргэжилтний улсын зөвлөгөөнийг энэ сарын 15-нд амжилттай зохион байгууллаа. Зөвлөгөөнөөр Сүрьеэ өвчний талаар МУ-ын засгийн газраас баримталж буй бодлого, эрүүл мэндийн ажилтны эрсдэл ба нийгмийн баталгаа түүнд тулгамдаж буй асуудал, эмч, сувилагчийн дундах сүрьеэгийн халдварлалт, өвчлөл, эрсдэлт хүчин зүйлийн судалгааны үр дүн болон эмчлэн эрүүлжүүлэх, урьдчилан сэргийлэх үйл ажиллагааг гардан гүйцэтгэдэг сүрьеэгийн эмч, мэргэжилтнүүдэд тулгамдаж буй асуудлын талаар санал бодлоо солилцсон нэн ач холбогдолтой үйл явдал болж өндөрлөлөө гэж дүгнэж байгаа.
Зөвлөгөөний үр дүнд цаашид ажил болгох, баримтлах ямар бодлого, баримт бичиг гаргахыг зорьж байгаа вэ? Энэ талаар...,
Зөвлөгөөнөөс сүрьеэгийн салбарт ажиллагсдын тулгамдаж буй асуудал, ялангуяа цалин хөлс, нийгмийн баталгаа, хөдөлмөрлөх эрх, эрүүл мэндийн чиглэлээр тулгамдсан асуудлуудыг хэрхэн шийдэх талаар зөвлөмж гарна. Мөн УИХ, НББСШУ-ны байнгын хороо, ЭМЯ болон холбогдох байнгын хороодод шаардлага хүргүүлэхээр шийдвэрлэж, дөрвөн чиглэлээр салбар хуралдаан хуралдлаа. Үүнд:
1. Сүрьеэтэй тэмцэх, сэргийлэх талаар төрөөс анхаарах асуудал,
2. Цалин хөлс, нийгмийн баталгааг сайжруулах асуудал
3. Хөдөлмөрийн эрүүл мэнд, аюулгүй байдлыг хангах асуудал
4. Ажлын ачаалал, хөдөлмөрийн норм норматив(бүтэц, орон тоо)-ыг сайжруулах асуудал гэсэн чиглэлээр салбар хуралдаан хуралдлаа. Салбар хуралдаанаас гарсан саналуудыг нэгтгэн Эрүүл мэндийн яаманд хандан Зөвлөмж хүргүүллээ.
Ер нь энэ талаар судалгаа хэр их хийгдэж байв. Хамгийн сүүлд энэ талаар хэзээ судалгаа хийгдсэн вэ?
Маш олон судалгаа байдаг. Монгол улсын хэмжээнд жилдээ 4000 орчим хүн сүрьеэгээр өвчилж байгаа статистик мэдээ баайдаг. Харин энэ чиглэлээр ажиллаж байгаа мэргэжилтнүүдийн хийсэн Сүрьеэгийн тархалтын судалгаагаар ДЭМБ-ын өмнөх тооцооллоос нэлээд өндөр 3 дахин их буюу 22 мянга түүнээс олон хүн орчим хүн амьдарч байна гэсэн судалгаа гарсан. Эрүүл мэндийн тусламж үйлчилгээний хоёрдогч шатлалд ажиллаж байгаа эмч, сувилагчийн дунд сүрьеэгийн халдварын тархалт 66%, сүрьеэгийн салбарт ажиллаж байгаа эмч, сувилагчийн дунд сүрьеэгийн далд халдварын тархалт 84.3%, идэвхтэй сүрьеэгийн тархалтын түвшин сүрьеэгийн нарийн мэргэжлийн тусламж үйлчилгээ үзүүлдэг 10000 эмч сувилагчид 714.3 байгаа нь сүрьеэгийн бус нарийн мэргэжлийн тусламж үйлчилгээ үзүүлдэг эмнэлгийн мэргэжилтэнтэй харьцуулахад өндөр байна. Өөрөөр хэлбэл сүрьеэгийн салбарт ажиллаж буй эмч, мэргэжилтнүүдийн 80 гаруй хувь нь өвчлөх өндөр эрсдэлтэй нөхцөлд ажилладаг. Амьдралынхаа ихэнхи цаг хугацааг сүрьеэтэй өвчтөнтэй өдөр тутам харьцдаг эмч, эмнэлгийн ажилтнууд ажил мэргэжлээсээ шалтгаалаад өөрсдөө өвдөх цаашлаад олон эмийн дасалтай сүрьеэгээр нас барсан тохиолдлууд ч гарч байна. Тиймээс энэ салбарын мэргэжилтнүүдийн эрүүл, аюулгүй байдал, хүний нөөцийн асуудлыг онцгойлон анхаарах хэрэгтэй. Мөн тэдний цалин хөлсийг нэмэгдүүлэх, эрүүлжүүлэх, дархлаажуулалт хийх цогц арга хэмжээг хэрэгжүүлэх шаардлагатай гэж үзэж байна.
Дээрх асуудлаар сүрьеэгийн эмч, мэргэжилтнүүд танай байгууллагад хэр их хандаж, хүсэлт гаргадаг вэ?
Ер нь дан ганц сүрьеэ биш эрүүл мэндийн салбарын бүхий л эмч, мэргэжилтэн, ажилтнууд манай байгууллагад ханддаг. Тиймээс манай МЭМҮЭХ-оос санаачлан 2017 оныг “Эрүүл мэндийн ажилтныг эрсдлээс хамгаалах ажлыг эрчимжүүлэх жил” болгон зарласан. Үүнтэй холбогдуулан өвчтнөөс агаар болон цусаар дамжуулан халдвар авах, эрсдэлтэй ажлын байрны чиглэлээр дараагийн ажлуудаа төлөвлөөд явж байна. 2017 оны 3 дугаар сард багтаан 9 дүүрэг, ХӨСҮТ-ийн сүрьеэгийн клиник, 3 аймгийн сүрьеэгийн тасаг, хэсэг, диспансеруудад ажиллаж байгаа эмч мэргэжилтнүүдийн ажлын байрны нөхцөл, ялангуяа агааржилтын байдалд мэргэжлийн байгууллагаар хөдөлмөрийн үнэлгээ хийлгэхээр ХАБЭМ-ийн төвтэй хамтран ажиллах гэрээ байгуулан ажиллаж байна.
ЭМҮЭХ, тэр дундаа та эрүүл мэндийн салбарын ажилчдын эрх ашгийг хамгаалдаг, тэдний төлөө дугардаг хүн. Таны зүгээс энэ яригдаж буй асуудлаар төр бодлого, шийдвэртээ юуг тусгаасай гэж хүсэж байна вэ?
Нэгдүгээрт, сүрьеэ өвчин нь гэдэг агаараар дамжин халдварладаг өвчин. Тиймээс төрөөс сүрьеэ өвчний эсрэг цогц арга хэмжээ авах, УИХ-аар сүрьеэтэй тэмцэх талаар хууль боловсруулж, батлуулах шаардлагатай байна. Учир нь халдвартай сүрьеэ, олон эмийн дасалтай сүрьеэгээр өвдчихөөд эмчилгээгээ таслах тохиолдол их байна. Иймээс эмчилгээгээ санаатайгаар таслах тохиолдолд албадан эмчлэх эрх зүйн зохицуулалт байхгүйгээс болоод гэм зэмгүй иргэд, нялх балчир хүүхдүүд өөрсдөө ч мэдэхгүйгээр агаараар дамжин халдвар авч байна. Тиймээс энэ асуудлыг хууль эрхзүйн хүрээнд авч үзэх зайлшгүй шаардлагатай.
Хоёрдугаарт, Сүрьеэ өвчнөөр хэвтэн эмчлүүлэгчид ХӨСҮТ-д багтахгүй байгаа. Тиймээс ХӨСҮТ-д сүрьеэгийн ХӨСҮТ-ийн бүтцэд “Сүрьеэгийн клиник”-ийг бие даалгаж, клиник хариуцсан удирдах албан тушаалтантай болгон улсын хэмжээнд нэгдсэн бодлогоор хангах нөхцлийг бүрдүүлж, цаашид үндэсний төв байгуулах ажлыг үе шаттай хийх шаардлагатай байна. Мөн хүний нөөцийн дутагдалтай байгаа байдлыг харгалзан цалин хөлсийг нэмэгдүүлэх, хөдөлмөрийн аюулгүй байдал, эрүүл ахуйн нөхцлийг сайжруулах, урьдчилан сэргийлэх, эрүүлжүүлэх, дархлаажуулах, хөдөлмөрийн аятай нөхцлөөр хангах арга хэмжээг цогцоор нь авч хэрэгжүүлэх шаардлагатай гэж үзэж байна. Нөгөө талаас, ажил олгогчийн зүгээс ажиллах нөхцөл байдлыг нь анхаарах, тулгамдаж буй асуудлыг нь байгууллага дотооддоо боломжтойг нь шийдвэрлэх гэх мэт ажлыг хийх нэн шаардлагатай байна.
Зөвлөгөөнд оролцсон эмч, мэргэжилтнүүд танай байгууллагаас гаргасан санал, санаачилгыг маш ихээр дэмжиж, баярлаж байгаагаа илэрхийлж байсан.
Ер нь үйлдвэрчний байгууллага гэдэг бол хөдөлмөрчдийн эрх ашгийг хамгаалдаг гол субьект. Тийм учраас энэ нь бидний үүрэг юм. Гэхдээ ямар цаг үед, ямар асуудлыг тэргүүн эгнээнд авч үзэх хэрэгтэй вэ гэдэгт анхаарлаа хандуулан ажиллах нь хамгийн чухал. Салбарынхан маань хийж буй ажлыг маань дэмжиж байж бид тулгамдсан асуудлаа хамтран шийдвэрлэж, бодитой үр дүн гаргаж чадна. Тиймээс бидний ажлыг үргэлж дэмжин урмын үгээр тэтгэж байдаг салбарын нийт эмч, ажилтнууд, ахмадууддаа баярлалаа гэж хэлмээр байна.
Дэлгэрэнгүй ярилцлага өгсөнд баярлалаа. Танд ажлын амжилт хүсье.

Эдийн засгийн хөгжлийн сайд асан Н.Батбаярыг батлан даалтад гаргах захирамжийг энэ сарын 7-ны өдөр Баянзүрх, Сүхбаатар,

Эр цэргийн баяраа хамтдаа тэмдэглэж архидсан нэгнийгээ зодож хүндээр бэртээж аминд нь хүрсэн харамсалтай хэрэг гарчээ.

Монгол Улсын Засгийн газрын тогтоолоор батлагдсан “Гамшгийн аюулын тухай зарлан мэдээллийн дохио дамжуулах журам”, “Гамшгийн үеийн дайчилгаа, нүүлгэн шилжүүлэх журам”, мөн 2017 оны 67 дугаар тогтоол “Газар хөдлөлтийн гамшгаас урьдчилан сэргийлэх таниулах өдөр”-ийг тэмдэглэн өнгөрүүлэх ажлын хүрээнд нийслэлийн Засаг даргын захирамжийн дагуу нийслэлийн Засаг даргын Тамгын газрын 1, 2 дугаар байрны албан хаагчдад Газар хөдлөлтийн гамшгаас урьдчилан сэргийлэх сургалтыг зохион явуулж мэдлэг олголоо.

Сургалтаар газар хөдлөлтийн аюул, гамшгийн аюулыг зарлан мэдээлэх дохио дамжуулах журам, газар хөдлөлтийн үеийн дайчилгаа, нүүлгэн шилжүүлэх ажиллагаа, Монгол Улсын Үндэсний аюулгүй байдлын зөвлөлийн зөвлөмжид заагдсан үүргэвчинд байвал зохих 15 нэр төрлийн хэрэгцээт зүйлийн бүрдлийг хангуулах, газар хөдлөлтийн гамшгийн аюулын үед өөрийгөө хамгаалах, аюулгүй талбайд гарах ажиллагааны сургалтыг нийслэлийн Засаг даргын Тамгын газрын нийт 825 албан хаагчдад зохион байгуулж ажиллалаа.

Хичээлийг нийслэлийн Онцгой байдлын газрын дэд дарга, хурандаа Д.Эрдэнэбаатар, дэд дарга, дэд хурандаа Б.Үнэнбаатар, нийслэлийн Онцгой комиссын нарийн бичгийн дарга, дэд хурандаа Э.Эрдэнэбаатар, Гамшгийн шуурхай удирдлагын хэлтсийн мэргэжилтэн, хошууч Ц.Эрдэнэчимэг, гал түймэртэй тэмцэх хэлтсийн мэргэжилтэн, дэд хурандаа Д.Мөнхсайхан нар хуваарийн дагуу зохион байгуулж явуулсан гэж нийслэлийн Онцгой байдлын газраас мэдээллээ.

Яг одоо Ардчилсан намын Дотоод сонгуульд өрсөлдөхөөр бүртгүүлсэн 565 хүнд МҮЭСТО-нд нэр дэвшигчийнх нь үнэмлэхийг гардуулах ажиллагаа болж байна

2017 оны гуравдугаар сарын 10-ны өдрийн оройны 6-7 цагийн үед Увс аймгийн Завхан сумын нэгдүгээр багийн нутагт мал малладаг Ө.Лутбаяр гэх залуугийн гэр шатаж, гэр бүлээрээ түлэгдсэн харамсалтай хэрэг гарсан байна.

2017 оны 03 дугаар сарын 18,19-ний өдөр Замын цагдаагийн албаны ЖШУХ дээр нийт 512 дуудлага, мэдээ мэдээлэл хүлээн авснаас, зам тээврийн ослын 383 дуудлага бүртгэгдсэн бөгөөд осол, хэргийн улмаас 20 хүн хүнд, хөнгөн байдлаар гэмтсэн байна.

Германы Канцлер Ангила Меркел өнгөрсөн баасан гарагт АНУ-д айлчилж, тус улсын Ерөнхийлөгч Дональд Трамптай уулзсан байна.

Боксын спортын ОУХМ, ”Рио 2016” зуны олимпын наадмын тавдугаар байрын

Ерөнхий боловсролын сургуулийн сурагчдын Элсэлтийн ерөнхий шалгалт /ЭЕШ/-ын бүртгэл ирэх дөрөвдүгээр сарын 14-ны 18.00 цагт дуусах юм байна.

Боловсрол, Соёл, Шинжлэх ухаан, Спортын яаманд Авлигатай Тэмцэх Газрын ажлын хэсэг энэ сарын сарын 17-ны өдрөөс эхлэн ажиллаж байна.

Боксын спортын ОУХМ, ”Рио 2016” зуны олимпын наадмын тавдугаар байрын шагналт Э.Цэндбаатар бусдад зодуулж, хүнд гэмтжээ.

ОХУ-аас Монгол Улсад суугаа Элчин сайдын яамны хажуугийн автомашины зогсоол дээр н

Төр,нийгмийн нэрт зүтгэлтэн С.Зоригийн амь насыг хөнөөсөн хэргийн Давж заалдах шатны шүүх хурал өнгөрсөн долоо хоногт болж өнгөрсөн билээ. Шүүх хуралд хохирогч С.Баяр оролцох байсан ч шүүх хурлыг нээлттэй явуулахгүй байгааг эсэргүүцэж шүүх танхимаас гарч явсан.

Нийслэлийн Баянгол дүүргийн III дугаар хорооны нутаг дэвсгэрт үйл ажиллагаа явуулдаг Гранд плазагийн дэргэдэх дулааны худгаас цогцос олджээ.

НИЙСЛЭЛИЙН ЗАСАГ ДАРГЫН ОРЛОГЧ П.БАЯРХҮҮ “ИРГЭДЭЭ СОНСЪЁ” АЯНЫГ СҮХБААТАР ДҮҮРЭГТ ХИЙЛЭЭ
Нийслэл, дүүргийн иргэдийн Төлөөлөгчдийн Хурлаас баталсан тогтоол, шийдвэр, хэрэгжүүлж байгаа үйл ажиллагааг иргэддээ танилцуулж, санал, санаачлагыг нь сонсч цаашдын үйл ажиллагаандаа тусган ажиллах зорилгоор “Иргэдээ сонсъё” аяныг дүүрэг бүрт зохион байгуулагдлаа. Тус аяны хүрээнд Нийслэлийн засаг даргын Дэд бүтэц, гэр хорооллын хөгжлийн асуудал хариуцсан орлогч П.Баярхүү тэргүүтэй албаны төлөөлөл Сүхбаатар дүүргийн 17,18,19,20 дугаар хороонд ажиллаж, Нийслэлд хийгдэж буй ажлаа танилцуулж, иргэдийнхээ санал бодлыг сонсч, боломжтой асуудлуудыг шийдвэрлэж ажилласан байна.
Албаны төлөөлөлд нийслэлийн автозамын орлогч дарга Б.Индра, нийслэлийн газрын албаны орлогч дарга Нямдаваа, нийслэлийн мэргэжлийн хяналтын дэд дарга Баттогтох, нийтийн тээврийн газрын дарга Д.Отгонбаатар, Нийслэлийн гэр хорооллын дэд бүтцийн газрын хэлтсийн дарга Б.Азжаргал, Эрдэм Транс зорчигч тээврийн компаний ахлах мэргэжилтэн, Сүхбаатар дүүргийн ИХТ-ын дарга Э.Ганбат болон тус дүүргийн ИТХ-ын төлөөлөгч нар тус тус байлаа.
Сүхбаатар дүүргийн эдгээр 4 хороодын хувьд ажилгүйдэл, нийтийн тээврийн автобусны зогсоол оновчтой бус, автобус хоорондын эргэлт удаан, айлууд хашаагаа уртасгаж барьсны улмаас гудамжны орц гарц байхгүй болсон, худаг, газар өмчлөл, замын хурд сааруулагч тавих, гэрэлтүүлэг, тохижилт, цахилгаантай холбоотой асуудал иргэдийн зүгээс их ирдэг онцлогтой. Эдгээр санал, асуудалтай холбоотойгоор албаны төлөөллийн тодруулгыг хүргэж байна.
Нийслэлийн засаг даргын орлогч П.Баярхүү: Нийслэлээс хөдөлмөр эрхлэлтийг нэмэгдүүлэх, ажилгүйдлыг бууруулах зорилгоор “Нэг өрх – нэг ажлын байр” хөтөлбөрийг хэрэгжүүлэхээр ажиллаж байна. Мөн гадаадад ажиллаж, амьдарч байгаад ирсэн залуучуудад зориулсан үйлдвэржилтийн бодлогыг барьж ажиллана. Тухайлбал, Эмээлтийн Технологийн паркад Арьс ширний үйлдвэр, Налайхын технологийн паркад Барилгын материалын үйлдвэр, Багануурын технологийн паркад Хүнд үйлдвэрлэл, Химийн үйлдвэрлэл, Багахангай дүүрэгт Хөнгөн үйлдвэрлэлийн технологийн парк байхаар төлөвлөөд байна.
Эхний ээлжинд Эмээлт, Багануур, Налайхын үйлдвэрүүдийг ашиглалтанд оруулна. 2017 онд техник эдийн засгийн үндэслэл, санхүүжилтыг нь шийдээд 2018 онд барьж байгуулах ажлыг хийж гүйцэтгэхээр төлөвлөсөн байгаа. Мөн Нийслэлийн 152 хороог шилэн кабельд холбоно. Ингэснээр хороодод нэг цонхны үйлчилгээг бий болгоно. Автозамын хувьд Яармагийн гүүр, Сонсголонгийн гүүр, Баянзүрхийн гүүрийг шинэчлэн барина. Мөн Налайхаас Чойрын чиглэлд 20,9 км замыг шинээр тавина. Түгжрэлийг бууруулах зорилгоор гэр хорооллын замыг хатуу хучилттай болгоно. Нийтийн тээврийн бүх автобусыг 2 жилийн хугацаанд бүрэн шинэчлэнэ. Нэгдсэн камерийн системийг Нийслэлийн цагдаагийн газартай хамтран шийднэ. Миний хувьд улиралд нэг удаа иргэдтэйгээ тогтмол уулздаг байгаа. Өмнөх уулзалтуудаар иргэдээс автозамын хурд сааруулагчийг тодорхой байршлуудад тавьж өгөхийг хүссэн. Нийслэлийн автозамын хөгжлийн газар хариуцан энэ асуудлыг шийдэнэ. Нийтийн тээвэртэй холбоотой нэлээдгүй асуудлууд иргэдээс ирдэг. Тиймээс уулзалт болгон дээр нийслэлийн нийтийн тэврийн газрын удирдлагууд болон тухайн хэсэгт үйлчилдэг нийтийн тээврийн автобус компаний төлөөллийг байлцуулан газар дээр нь иргэдийн асуултанд хариулж, дор дор нь хугацаа алдахгүй шийдвэрлүүлэх тал дээр анхаарч ажиллаж байна. Иргэдийн зүгээс цахилгаан, шөнийн тарифтай холбоотой асуудлыг их тавьж байна. Өмнөх уулзалтууд дээр зуслангийн бүсэд амьдардаг гэх шалтгаанаар цахилгааны хөнгөлөлтөнд орж чадахгүй байна гэсэн санал их ирсэн. Уг асуудлыг ЭХЯ, БОАЖЯ, Нийслэлийн засаг дарга зэрэг холбогдох албаны хүмүүсд хандсанаар Сүхбаатар дүүргийн 19,20 дугаар хороод цахилгааны хөнгөлөлтөнд хамрагдахаар болсон байгаа. Харин цахилгааны хөнгөлөлттөй холбоотойгоор төлбөрийн их бага гарч байгаа гомдол зарим иргэдээс ирж байна. Тиймээс бид энэ талаар холбогдох газруудад хандах болно. Мөн дараагийн уулзалтан дээр УБЦТС болон Эрчих хүчний яамнаас холбогдох албаны төлөөллүүдийг урьж, асуудлуудыг хамтран шийдэх тал дээр ажиллана.
Түүнчлэн гэрэлтүүлгийн асуудлыг шийдэх, гал унтраах, аврах ангийг шинээр барьж байгуулах төслийн санхүүжилтыг шийдсэн байгаа. 18дугаар хороонд энэ жил гудамжны гэрэлтүүлгийг барих, мөн 79дүгээр сургууль 3 ээлжээр хичээллэдэг, биеийн тамирын заалгүй байгаа. Харин уг сургуулийг биеийн тамирын заал, хичээлийн нэмэлт танхимтай болгох өргөтгөлийг барихаар болсон. Одоогийн байдлаар тендер зарлагдах гэж байна.
Нийслэлийн газрын албаны орлогч дарга Нямдаваа :
Өмнөх уулзалтууд дээр иргэдийн зүгээс зөвшөөрөлгүй газарт буусан айлууд, газар өмчлөл, гудамжны орц, гарц хаасан, хаягжилт байхгүй зэрэг асуудлууд их яригдсан. Зуслангийн бүсэд хаягжилт замбараагүйгээс болоод эмнэлгийн түргэн тусламж, галын машин ирэх боломжгүй болдог. Тиймээс тодорхой арга хэмжээг Сүхбаатар, Чингэлтэй дүүргүүдэд зохион байгуулахаар болсон байгаа. Газар өмчлөлийн хувьд иргэдээсээ санал асууж, хэлэцүүлэг зохион байгуулж цахим өмчлөлийн журамд өөрчлөлт оруулахаар болсон. Мөн хашаагаа сунгасан иргэдэд шаардлага хүргүүлнэ. Шаардлагыг биелүүлээгүй тохиолдолд газар өмчлөлийн гэрчилгээг хүчингүйд тооцох арга хэмжээг авна.
Нийтийн тээврийн газрын дарга Д.Отгонбаатар :
Өнөөдөр манай нийслэлд үйлчилж буй автобуснуудын дийлэнх нь 9-өөс дээш жилийн насжилттай байна. Тиймээс энэ зунаас парк шинэчлэлтийг шат дараатай хийхээр болсон. Мөн бид энэ дөрвөн жилдээ багтаан оношлогооныхоо төвүүдийг шинэчилэх зорилт тавин ажиллаж байна. Иргэдийн зүгээс нийтийн тээвэртэй холбоотой гомдол, саналууд их ирж байна. Бид боломжоороо дор бүр нь шийдээд, арга хэмжээ авч ажиллаж байна. Чиглэл хариуцсан автобусны жолооч нарт өдөр бүр сургалт өгч байна. Сургалтаа улам чанаржуулж, үр дүнтэй байлгах тал дээр анхаарч ажиллана. Учир нь жолооч нарын харилцаа, биеэ авч яваа тал дээр шүүмжлэл их ирдэг. Бид иргэдээ тав тухтай, цэвэр орчинд зорчих нөхцөлийг бүрдүүлэхийн төлөө ажиллана. Энэ зун бид зуслангийн чиглэлд хэд хэдэн автобусны буудал нэмж барина. Дөрөвдүгээр сарын 20-оос эхлэн автобусны буудал шинэчилэх ажил эхэлнэ. Мөн буудал хоорондын зай, автобусны буудлыг оновчтой болгох тал дээр холбогдох ажлуудыг хийгээд явж байна. Сэлбэ-Вокзал чиглэлийн автобусны цагийг урагшлуулах санал ирсний дагуу нэгдүгээр сарын 18-аас эхлэн 6 цаг 30 минутаас явуулдаг болсон. Мөн Сэлхийн хуучин автобусны буудлыг шинэчилсэн байгаа.

НӨАТ-ын урамшууллын сугалааны ээлжит тохирол өчигдөр/03.19/ явагдлаа.

НҮБ-ын Ерөнхий Ассамблейн 2012 оны хуралдаанаар хүн гэдэг амьтан сайн сайханд тэмүүлж, аз жаргалтай байхыг чиг мөрөөдлөө болгодог бодгаль учраас “Аз жаргалын өдөр” гэсэн баярын өдөртэй байх нь зүйтэй гэсэн шийдвэрийг гаргажээ.