2016 онд УГТЭ-т ЭМЯ-ны төсвийн хөрөнгө оруулалтаар зүрхний электрофизиологийн оношилгоо, эмчилгээний иж бүрэн тоног төхөөрөмжийг суурилуулснаар Монгол улсын эрүүл мэндийн салбарт анх удаа зүрхний хэм алдагдлын аблаци эмчилгээг шинээр нэвтрүүлээд байна.

Уг эмчилгээ нь дэлхийн аль ч өндөр хөгжилтэй оронд нарийн мэргэшсэн ур чадвар шаардсан өртөг, зардал өндөртэй эмчилгээний тоонд ордог бөгөөд эмчилгээний зардал нь Азийн орнуудад 8,000-30,000 ам доллар, Америк, Европын орнуудад 20,000-50,000 ам долларыг зөвхөн аблаци эмчилгээнд зарцуулдаг байна. Дээрх эмчилгээг эх орондоо нутагшуулснаар зүрхний хэм алдагдлын аблаци эмчилгээний зорилгоор гадаад руу явах урсгалыг сааруулж, иргэддээ эх орондоо эмчлүүлэх боломж, хүртээмжийг нэмэгдүүлэн ажиллаж байна. Одоо дээрх эмчилгээ хийлгэсэн иргэний эмчилгээний дундаж зардал 12-14 сая төгрөг болж буй бөгөөд үүний 70 орчим хувийг иргэний Эрүүл мэндийн даатгалаас хөнгөлж, иргэн өөрөө дунджаар 2-4 сая төгрөгийн төлбөр төлж байна. УГТЭ нь 2016 онд нийт 36 хүнд зүрхний хэм алдагдлын аблаци эмчилгээг хийж, амбулатороор хэм алдагдалтай 1076 хүнд тусламж үйлчилгээ үзүүлсэн байна.

УИХ-ын чуулганы өнөөдрийн үдээс хойшхи хуралдаан эхэллээ.

Монголын Чөлөөт Бөхийн Холбооны Удирдах зөвлөл 2017 оны 01-р сарын 05, 06-ны өдрүүдэд хуралдаж дараах шийдвэрүүдийг гаргалаа.
МЧБХ-ны УЗ-ийн даргаар УИХ-ын гишүүн Д.Сумъяабазар сонгогдож, гавьяат дасгалжуулагч Б.Батбаяр ерөнхий нарийн бичгийн даргаар томилогдлоо.

Монголын чөлөөт бөхийн холбооны УЗ-ийн даргад нэр дэвшсэн 3 нэр дэвшигчийн материалыг үзэж танилцсан УЗ-ийн гишүүд УЗ-ийн даргаар УИХ-ын гишүүн Долгорсүрэнгийн Сумъяабазарыг сонголоо. Д.Сумъяабазар нь 1974 оны 01-р сарын 07-ны өдөр УБ хотод төрсөн. Чөлөөт бөхийн ОУХМ. Чөлөөт бөхийн спортоор ОУХМ Н.Ганбаатарын удирдлаган дор 1988 оноос хойш хичээллэсэн. 1996, 2000 оны олимпийн наадамд оролцсон. Атланта-96 олимпийн наадмын Монголын багийн тугч. 1997 оны Зүүн Азийн наадмын аварга, 1998 оны Бангкогийн Азийн наадмын мөнгөн медальт. Монгол үндэсний бөхийн Аварга цолтой. Тэрээр 2003-2006 онуудад “ЭйБиСи Девелопмент” ХХК-ий Ерөнхий захирал, 2003 оноос ”Асашёорюү сан” ТББ-ын дэд тэргүүн, 2006 – 2013 онуудад Үндэсний хөрөнгө оруулалтын банкны Төлөөлөн удирдах зөвлөлийн дарга, 2009-2017 онуудад Монголын чөлөөт бөхийн холбооны тэргүүн дэд ерөнхийлөгчөөр ажилласан. 2013, 2016 онуудад УИХ-ын гишүүнээр сонгогдсон.

МЧБХ-ны ерөнхий нарийн бичгийн дарга Буяндэлгэрийн Батбаяр нь 1976 оны 12-р сарын 04-ны өдөр Улаанбаатар хотод төрсөн. Чөлөөт Бөхийн ОУХМ. 1988 оноос ОУХМ Н.Ганбаатарын удирдлаган дор чөлөөт бөхөөр хичээллэж, 1997-2004 онуудад ҮШБ-т тамирчин, 2006-2008 онуудад Аварга Алтай клубт дасгалжуулагч, 2008-2009 онд Залуучуудын шигшээ багийн дасгалжуулагч, 2009-2012 онд үндэсний шигшээ багт дасгалжуулагч, 2013-2016 онуудад чөлөөт бөхийн эмэгтэйчүүдийн ҮШБ-н ахлах дасгалжуулагчаар ажилласан. Залуучуудын болон насанд хүрэгчдийн улсын 4 удаагийн аварга. Ази тивийн АШТ-ний мөнгөн медальт. 2014 онд Монгол улсын гавьяат дасгалжуулагч цолоор шагнагдсан.

Нийслэлийн гэр хорооллын айл өрхүүдийн цахилгааны шөнийн тарифыг тэглэсэнтэй холбоотойгоор цахилгааны хэрэглээ нэмэгдэх болсон байна.

Тиймээс галын аюулгүй байдлыг хангуулах, урьдчилан сэргийлэх зорилгоор нийслэлийн Онцгой байдлын газраас “Улаанбаатар цахилгаан түгээх сүлжээ” ТӨХК-тай хамтран 2017 оны 01 дүгээр сарын 09-ний өдрөөс 02 дугаар сарын 09-ний өдрийг хүртэл 30 хоногийн хугацаанд нийслэлийн гэр хороололд галын аюулаас урьдчилан сэргийлэх чиглэлээр нэгдсэн арга хэмжээ зохион байгуулж эхэлжээ.

01-12 udurlug gal_700

Энэ ажлын хүрээнд өчигдөр Баянзүрх дүүргийн Онцгой байдлын хэлтсээс галын аюулаас урьдчилан сэргийлэх нээлттэй өдөрлөгийг Дүнжингарав худалдааны төвд зохион байгуулсан байна.

Өдөрлөгийн үеэр иргэдэд цахилгаанаас үүдэлтэй гал түймрээс хэрхэн урьдчилан сэргийлэх талаар Онцгой байдлын алба хаагчид, “Улаанбаатар цахилгаан түгээх сүлжээ” ТӨХК-ийн ажилтнууд мэдээлэл өгөв.

01-12 СХД-1

Мөн Сонгинохайрхан дүүргийн Онцгой байдлын хэлтсийн Гал түймэр унтраах, аврах 11, 26, 29 дүгээр ангиудын албан хаагчид “Улаанбаатар цахилгаан түгээх сүлжээ” ТӨХК-ийн ажилтнууд, хорооны хэсгийн ахлагч нартай хамтран тус дүүргийн хоёрдугаар хорооны айл өрхүүдээр явж үзлэг шалгалт хийн, заавар зөвлөмж өгч, гарын авлага тараасан байна гэж Онцгой байдлын ерөнхий газраас мэдээллээ.

Манай улсын эрүүл мэндийн салбарт сүүлийн жилүүдэд хийгдээд байгаа технологийн шинэчлэлийн хүрээнд, Мянганы Сорилын Сангийн санхүүжилтээр УГТЭ хамгийн сүүлийн үеийн тархи, зүрхний судсан дотуурх оношилгоо эмчилгээний ангиографийн аппарат суурилуулагдсан бөгөөд дээрх аппарат тоног төхөөрөмжийн тусламжтайгаар тархи, зүрхний судсан дотуурх мэс заслын технологийг мэргэжилтнүүд цаг алдалгүй эх орондоо нутагшуулж чадлаа.


Дээрх судсан дотуурх мэс засал нь гуяны арьсан дээр 0.5 мм орчим зүслэг хийн, үүгээр гуяны артерийн судсыг дамжуулан тусгай материалиар хийгдсэн үсний нарийн ширхэгийн дайтай гуурс оруулан, цээжний гол судас, зүрхний гол судсаар дамжин тархи руу салаалсан гол том судас, улмаар тархины гүн хэсгийн жижгэвтэр судаснууд руу дамжиж эмчилгээ хийх цэгтээ хүрдэг. Ийнхүү тухайн хэсэг газарт илэрсэн судасны цүлхэн, артери венийн судасны эмгэг сүлжээрэл болон хавдарыг тэжээгч судаснуудад хүрч, дотор талаас нь мэс ажилбарыг хийдэг байна. Энэ судсан дотуурх мэс заслын зөвхөн нэг удаагийн эмнэлгийн хэрэгслийн өөрийнх нь өртөг 30-80 сая төгрөг болдог бөгөөд нийт эмчилгээний зардал нь тархины судасны байрлал, эмгэгийн хэмжээ, хүнд хөнгөний зэрэг гэх мэт олон нөхцөл, хүчин зүйлээс шалтгаалан янз бүр байдаг. Гадаадын өндөр хөгжилтэй улс орнуудад энэ төрлийн мэс заслыг хийлгэхэд эмчийн ур чадварын хөлс багтаад ойролцоогоор 80-200 сая төгрөг зарцуулдаг тооцоо байдаг. Өнөөдөр Монголдоо энэ төрлийн судсан дотуурх мэс заслыг ойролцоогоор 10 орчим сая төгрөгийн өртөгөөр хийж байна. Энэ нь зөвхөн мэс засалд шаардлагатай өндөр өртөг бүхий нэг удаагийн материал хэрэгслийн өндөр үнэ өртөг бүхий хагалгааны материал хэрэгслийн өртөг бөгөөд үүний 70-аад хувийн зардлыг улсаас буюу эрүүл мэндийн даатгалаас даадаг болсон. Энэ бол төрөөс иргэдийнхээ эрүүл мэндэд оруулж буй асар том хувь нэмэр, мөн Монгол хүн эх орондоо дэлхийн түвшинд хүрсэн чанартай эмнэлгийн тусламжийг эрүүл мэндийн эдийн засгийн дарамтгүйгээр авах томоохон боломж бүрдсэнийг харуулж байгаа юм. УГТЭ нь өнгөрсөн хугацаанд тархины судсан дотуурх эмчилгээ зайлшгүй шаардлагатай 64 иргэнийг эмчилж чаджээ

Өчигдөр буюу энэ сарын 11-ны өдөр Чингэлтэй дүүрэгт байрлах нэгэн банкинд “Хуурамч доллар илэрлээ” гэсэн мэдээлэл цагдаагийн байгууллагад ирсэн байна.

Улаанбаатар хотын ерөнхий менежер Т.Гантөмөр төрийн өмчит 3 компанитай хамтран ажиллах санамж бичигт өнөөдөр гарын үсэг зурлаа. Санамж бичгийн гол агуулга Улаанбаатар хотын харилцаа холбооны ашиглалтын хэвийн найдвартай үйл ажиллагааг хангах, бүтээн байгуулалт, шугам сүлжээний их болон урсгал засварын үед нийслэлийн болон инженерийн шугам сүлжээний байгууллагуудтай хамтран ажиллаж уялдаа холбоог хангахад оршиж байгаа аж.

Улаанбаатар хотын ерөнхий менежерийн 2016 оны 11 сарын 29-ний өдрийн А/154 дүгээр тушаалаар “Улаанбаатар зам засвар, арчлалтын газар” ОНӨААТҮГ нь Наадамчдын зам буюу Яармагийн гүүрнээс Нисэхийн аюулгүйн тойрог хүртэлх 6.6км замын цас мөсний цэвэрлэгээг хариуцан ажиллаж байгаа билээ. Уг ажлын хүрээнд 2017 оны 01 сарын 11-ний өдөр 3 техник, 20 хүний бүрэлдэхүүнтэйгээр 3км явган хүний замыг цасыг шүүрдэж, 4км явган хүний замын тагтаршсан цасыг зориулалтын техникээр хусаж цэвэрлэсэн байна гэж Хот тохижилтын газраас мэдээллээ.

Монгол наадам цогцолбор ОНӨТҮГ, ЮНЕСКО-ийн Монголын үндэсний комисс хооронд хамтран ажиллах тухай харилцан ойлголцлын санамж бичигт өнөөдөр гарын үсэг зурлаа. ЮНЕСКО-д бүртгэлтэй Монгол Улсын соёлын өвүүдийг “Монгол наадам цогцолбор” ОНӨТҮГ-ын үйл ажиллагаагаар дамжуулан сурталчлах, мэдээллийн баазыг өргөжүүлэх, ажилтнуудын чадавхыг дээшлүүлэх сургалт, семинар зохион байгуулах зэрэгт энэхүү санамж бичгийн зорилго оршиж байгаа аж.

“Монгол наадам бол олон зуун жилийн түүхтэй. Монгол хүн, уламжлалт зан заншил, соёлыг илэрхийлсэн үндэсний хэмжээний баяр. Нөгөө талаасаа Монгол наадам бол өөрийн улсаа гадагшаа сурталчлах, аялал жуулчлалыг татах томоохон боломж. Тиймээс бид ЮНЕСКО-ийн Монголын үндэсний комисстой хамтран ажиллахаар болоод байна. Санамж бичигт заасны дагуу өөрийн байгууллагын ажилтнуудаа чадавхжуулах, өнөөдөр төлөвлөж байгаа ажлуудаа олон улсын стандарт, шаардлагад нийцүүлэх, Монгол наадмыг дотооддоо хөгжүүлж гадаад улс орнуудад сурталчлах зэрэг ажлууд маань эхэлж байна” хэмээн “Монгол наадам цогцолбор” ОНӨТҮГ-ын дарга Н.Батсүмбэрэл ярилаа гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

УИХ-ын чуулганы хуралдаанаар “Монгол Улсын хууль тогтоомжийг 2020 он хүртэл боловсронгуй болгох үндсэн чиглэл” батлах тухай тогтоолын төслийн эцсийн хэлэлцүүлгийг хийж гишүүдийн 85.7 хувийн саналаар тус хуулийн төслийг баталлаа.

Монголбанкны захиалгаар Үл хөдлөх хөрөнгийн Тэнхлэг зууч компанийн хараат бусаар хийсэн “Орон сууцны үнийн индекс”-ийн (ОСҮИ) судалгааны үр дүнг танилцуулж байна.

Замын цагдаагийн албанд өчигдөр нийт 286 дуудлага ирснээс 237 зам тээврийн ослын дуудлага бүртгэгдсэн байна. Үүнээс гэмт хэргийн шинжтэй гомдол мэдээлэл 6 бүртгэгдэж, 6 хүн хүнд хөнгөн гэмтсэн. Ослын шалтгаан,хэлбэрээр үзвэл согтууруулах ундааны зүйл хэрэглэсэн үедээ хөдөлгөөнд оролцосн жолооч 4, явган зорчигч 1 бүртгэгджээ. Сургуулийн насны 1 хүүхэд зам тээврийн осолд өртсөн. Гудамж замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон 58 жолоочийг илрүүлж гарч болзошгүй осол хэргээс урьдчилан сэргийлжээ.

Тодруулбал, БЗД-ийн нутаг Цайз захын уулзварт T.Corolla маркийн автомашины жолооч Б нь явган зорчигч 6 настай М, 33 настай З нарын 2 хүнийг мөргөж гэмтээсэн.

ЧД-ийн нутаг Чингэлтэйн өргөн чөлөөнд амины H.Sonata маркийн автомашины жолооч Г нь согтууруулах ундааны зүйл хэрэглэсэн үедээ тээврийн хэрэгсэл жолоодож явган зорчигч А-г мөргөж гэмтээсэн байна.

Мөн улсын болон олон улсын чанартай автозамуудад зам даваа саадгүй, хөдөлгөөн хэвийн үргэлжилж байна. Аймгийн авто зам, засвар арчилалтын компаниудын Шуурхай ажлын бүрэлдэхүүн автозамын зорчих хэсэг, хөвөөний нягтаршсан цасыг хусч цэвэрлэн, тээврийн хэрэгслийн хөдөлгөөн хэвийн үргэлжлэх нөхцөл байдлаар ханган ажиллажээ.

Авлигатай тэмцэх газар үүсэн байгуулагдсаныхаа 10 жилийн ойг тэмдэглэн өнгөрүүллээ.

Өнөөдрийн байдлаар манай орны нийт нутгийн 70 гаруй хувьд цасан бүрхүүл тогтсоноос нэгдүгээр сарын 3-ны өдрийн байдлаар 17 аймгийн 127 сум, нийслэлийн 2 дүүрэгт өвөлжилт хүндэрсэн байдалтай байна. Үүнтэй холбогдуулан өвөлжилт хүндэрсэн бүс нутгийн охид эмэгтэйчүүдэд НҮБ-ын хүн амын сангаас ариун цэвэр, эрүүл ахуйн багцын тусламж үзүүлж, тусламжийн ачааг Онцгой байдлын ерөнхий газарт хүлээлгэн өглөө.

Хоёр толгойтой хүүхэд төржээ

УИХ-ын чуулганы нэгдсэн хуралдаан үргэлжилж байна. Энэ хүрээнд Монголбанкны Хяналтын зөвлөлийг чөлөөлөх, томилох асуудлыг хэлэлцэж шийдвэрлэлээ.

Монголын хамгийн том шагналын сантай , хоолны өрсөлдөөнт шоу “Мастер тогооч-2” нэвтрүүлгийн эцсийн шатны шалгаруулалт өнөөдөр болох гэж байна. Гурван сарын турш үргэлжилсэн шоу нэвтрүүлэгт 30 гаруй хүн оролцсоноос финалд хоёр хүн үлдээд байгаа билээ. Оролцогч Б.Аки, Г.Анхбаяр хоёроос нэг нь шалгарч , 20 сая төгрөгийн эзэн болно. Мөн хоол бол урлаг гэдгийг батлан энэ салбар дахь нэр төрөө алдаршуулах юм. Үүнээс гадна сүүлийн шалгаруулалтад тэнцсэн шилдэг гурван тогооч нарыг шагналт байр хүлээж байна.
Хамгийн сонирхолтой , бүтээлч, хоол идэх апетит хөдөлгөсөн шоу нэвтрүүлгийг хоолны зах зээлд байр сууриа бататгасан тогооч нар шүүнэ. Тухайлбал, “Silk road” рестораны захирал Я.Энхээ, “Pallas” катеринг компанийн захирал Г.Мөнгөндолгио, “MGC” компанийн захирал С.Батмөнх , хамгийн олон ээжүүд, хоол сонирхогчдыг нэгтгэж чадсан “Sweet kitchen” сошил группыг үүсгэн байгуулагч Г.Тэмүлүн нар шүүж, хөгжилтэй тогооч Г.Тэнгис хөтлөх юм.
Жилдээ багаар бодоход л 500 сая ам.доллар эргэлддэг хоолны салбарт хэн нь манлайлж, 20 сая төгрөгийн эзэн болох вэ. Шилдэг тогооч нарын өрсөлдөөнийг та “Ви” телевиз дээр орой 20:30-д сувгаа тааруулснаар мэдэх боломжтой.

Далай ламын монгол дахь айлчлал олон хүний анхаарлыг татсан төдийгүй өнөөдрийг хүртэл асуудал нь намжаагүй байгаа юм. Тус айлчлалын үеэр Далай лам Х богд тодорно хэмээн мэдээлэл хийгээд буцсан.

УИХ-ын чуулганы өнөөдрийн хуралдаанаар Монгол Улсын Ерөнхий аудиторт нэр дэвшигчийг томилох асуудлыг хэлэлцлээ. Ерөнхий аудитор А.Зангад өөрийн хүсэлтээр ажлаас чөлөөлөгдөх болсонтой холбогдуулан Д.Хүрэлбаатарыг нэр дэвшүүлжээ. Төсвийн байнгын хороо хоёр өдрийн өмнөх хуралдаанаар эл асуудлыг авч хэлэлцээд дэмжсэн юм.

АТГ-ын дарга Н.Ганболд өнгөрсөн оны дөрөвдүгээр сард өөрийн хүсэлтээр ажлаасаа чөлөөлөгдсөн билээ.