БАРУУН АЙМГУУДЫН НУТГААР: Солигдмол үүлтэй. Зарим газраар түр зуурын бороо орно. Дуу цахилгаантай. Салхи баруунаас секундэд 5-10 метр, өдөртөө Алтайн уулсаар секундэд 12-14 метр хүрч ширүүснэ. Алтай, Хангайн уулархаг нутгаар шөнөдөө 7-12 градус, өдөртөө 18-23 градус, Алтайн өвөр говиор шөнөдөө 18-23 градус, өдөртөө 28-33 градус, бусад нутгаар шөнөдөө 10-15 градус, өдөртөө 22-27 градус дулаан байна.

Монгол Улсын Ерөнхийлөгч Цахиагийн Элбэгдорж өнөөдөр Япон Улсын Шизүока мужийн захирагч Х.Кавакацу тэргүүтэй төлөөлөгчдийг хүлээн авч уулзлаа. Уулзалтад Монгол Улсын Ерөнхийлөгчийн Гадаад бодлогын зөвлөх А.Баттөр, Монгол Улсаас Япон Улсад суугаа Онц бөгөөд бүрэн эрхт Элчин сайд С.Хүрэлбаатар болон албаны бусад хүмүүс байлцав.

Сүүлийн нэг сар гаруйн хугацаанд Иргэний бүртгэл мэдээллийн төвийн ачаалал ихэсч гадаад паспортын захиалга нэмэгдсэн тул ачааллаа бууруулах ажлыг үе шаттайгаар зохион байгуулж эхэлжээ.

Монголбанк 1 долоо хоногтой 237.9 тэрбум төгрөгийн ТБҮЦ-ыг 10.5% ЖДХ-ээр арилжааллаа. Ингэснээр 2016 оны 08-р сарын 05-ны байдлаар 1 долоо хоногтой ТБҮЦ-ны үлдэгдэл 944.9 тэрбум төгрөг болно.

1 долоо хоногийн хугацаатай ТБҮЦ

Нэг долоо хоногийн хугацаатай ТБҮЦ нь банкуудын нөөцийг удирдахад чухал үүрэг гүйцэтгэх бөгөөд Монголбанкны мөнгөний бодлогын үндсэн хэрэгсэл юм. Энэ төрлийн үнэт цаасны хүү нь Монголбанкны бодлогын хүү болох бөгөөд БХЗ дээр хөтөч хүүний үүргийг гүйцэтгэдэг. Анх тогтмол хүүтэй, борлогдох хэмжээ нь хязгаарлалтгүй байсан энэхүү үнэт цаасыг 2007 оны 7 дугаар сард анх нэвтрүүлж 7 хоног бүрийн Лхагва гаригт БХЗ дээр арилжаалах болсон нь банкуудын сонирхолыг ихэд татсан юм. Учир нь энэ төрлийн үнэт цаас нь банкуудад илүүдэл нөөцөө богино хугацаатай хүү өгдөг активт чөлөөтэй байршуулах боломж олгосон бөгөөд уг бүтээгдэхүүн нэвтэрснээр банкуудын нөөцийн удирдлагад мэдэгдэхүйц өөрчлөлт гарчээ.

“УУЛ УСНЫ ДОМОГ” ТОГЛОЛТЫН ХӨТӨЛБӨР


Хэзээ: 2016.08.06. 21:00
Хаана: Их эзэн Чингис хааны нэрэмжит талбай
Эхлэл фанфар /Цогт тайж киноны хөгжмөөс/

Монгол ардын уртын дуу “УЯХАН ЗАМБУУ ТИВИЙН НАРАН” УБ чуулгын уртын дуучин МУГЖ Г.Хонгорзул, МУСТА Б.Батболд.



Р.Бат-Эрдэнийн хөгжим “АЙСУЙ ХҮЛГИЙН ТӨВӨРГӨӨН” Улаанбаатар чуулгын “Хангарьд” үндэсний хөгжмийн найрал. Удирдаач: МУСТА Р.ГАнбат.



“ДАРЬ ЭХ” Удирдсан багш: Норовсамбуу, туслах багш: Л.Энхцэцэг, Дэлгэрцэцэг, Батцэцэг, Сэлэнгэ.

“ДАРЬ ЭХ” бүжиг /Д.Энхгэрэлийн дэглэлт/ УБЧ-ын бүжигчид.

“ЧОНО” “Их Монгол” хамтлаг.
“УС” Удирдсан багш: Норовсамбуу, туслах багш: Л.Энхцэцэг, Алтанхундага, Дэлгэрцэцэг, Сэлэнгэ.
Тэмүүлэн “ГЭГЭЭ” УБЧ-ын гоцлол хөгжимчин МУСТА Н.Отгончимэг.
“ТӨМӨР ХУУРЫН АЯЛГУУ” УБЧ-ын дуучин Д.Шижирмаа. /бүжигтэй/
Ж.Мэнд-Амар, М.Бадам “ЖАВХЛАНТ СҮРЭГ” Гоцлол хөгжимчин МУСТА Х.Бархүү, Б.Мягмарцэрэн, УБЧ-ын “Хангарьд” үндэсний хөгжмийн найрал. Удирдаач МУСТА Р.Ганбат.
Д.Энхгэрэлийн дэглэлт “УЯЛДАХ УЧИР” УБЧ-ын бүжигчид, бит бокс Рэй.
“МОГОЙ” Удирдсан багш: Энхцэцэг, Батцэцэг, Наранцэцэг, туслах багш: Түмэнжаргал, Л.Энхцэцэг, Алтанхундага, Буд, Дэлгэрцэцэг, Сэлэнгэ.
“АЛТАЙН МАГТААЛ” УБЧ-ын “Их Монгол” хамтлаг
О.Чинбатын найруулга Дархад ардын дуу “ҮДЭЛТ” УБЧ-ын уртын дуучин О.Анхчимэг.

“ЦЭЦЭГС” найруулга тавилт: Б.Энхчимэг, Отгонцэцэг, Энхцэцэг, туслах багш: Эрдэнэцэцэг, Янжмаа, Чулуунцэцэг, Номин.
О.Чинбат “ЦААТАН” гоцлол хөгжимчин МУСТА О.Чинбат, цохивор хөгжимчин Ганхөлөг, DJ Тулгаа.
Д.Энхгэрэлийн дэглэлт “БӨРТЭ ЧОНО” УБЧ-ын бүжигчид, этник Зоригоо.
“ТӨГСГӨЛ” 420 нугараач

Бразилын нийслэл Рио-де Жанейро хотноо болох “Рио-2016” зуны олимпийн наадмын нээлт маргааш буюу 8-р сарын 6-ны өдрийн өглөөний 08:00 цагт эхэлнэ.

МАХН-ын дарга Н.Энхбаяртай уулзахаар АТГ-ын 30 шахам хүмүүс өнөөдөр намын байран дээр нь ирсэн талаар бид мэдээлсэн.

Улаанбаатар хотын Ерөнхий менежер бөгөөд Ажлын албаны даргын албан үүргийн түр орлон гүйцэтгэгч Т.Гантөмөрийн өгсөн үүргийн дагуу 2016 оны 8 сарын 6-нд Нийтийн үйлчилгээний Улаанбаатар нэгтгэл ОНӨААТҮГ, төвийн 6 дүүргийн ТҮК, ногоон байгууламжийн чиглэлээр гэрээгээр ажил гүйцэтгэдэг 20 хувийн хэвшил, ТББ-ын 695 хүн 43 хадагч машин, 111ш гар хадуур, 100ш тармуур, 100 гаруй хайч багаж хэрэгсэлтэй, Дунд голоос гурвалжингийн гүүр, Эх нялхсын урд болон арын уулзвараас Саппоро хүртэл мөн Сэлбэ гол дагуу гол дагуу нийт 424 мянган метр квадрат газрын шарилжийг зулгаах биш агротехнологийн горимын дагуу хадаж, зөөх ажлыг зохион байгуулахаар болов. Цаашид Улаанбаатар хотын Захирагчийн ажлын албанаас Улаанбаатар хотын их, бага тойргийг шарилжгүй болгох ажлыг иргэд, аж ахуй нэгж байгууллагуудыг хамруулан үе шаттайгаар зохион байгуулан ажиллахаар төлөвлөж байна гэж Улаанбаатар хотын Захирагчийн ажлын албанаас мэдээллээ.

Бразилын Рио-де-Жанейро хотноо эхэлж буй Зуны олимпийн 31-р наадмын боксын 49 кг-д өрсөлдөх Монгол улсын тамирчин, ОУХМ Г.Ган-Эрдэнэ, 60 кг-д өрсөлдөх ОУХМ Д.Отгондалай нар эхний тойрогтоо хийлэн, шигшээ 16-д үлджээ.

Монголын Спортын Сэтгүүлчдийн холбооноос ”РИО 2016” олимпийн наадамд зориулан ном гаргажээ. Уг номонд олимпийн наадамд оролцож буй Монголын бүх тамирчид, дасгалжуулагчид, албаны хүмүүсийн танилцуулга, намтар болон бусад сонирхолтой мэдээллүүд багтжээ.

Нийслэлийн Засаг дарга бөгөөд Улаанбаатар хотын Захирагч С.Батболд ХНБГУ-ын Олон улсын хамтын ажиллагааны нийгэмлэгийн бүс нутгийн асуудал хариуцсан захирал Рут Эрлбэктэй уулзлаа.
Уулзалтаар ХБНГУ-ын Олон улсын байгууллагаас хэрэгжүүлж байгаа “Нексус” төслийн талаар санал солилцож, төслийн 2 дугаар шатыг эхлүүлэх хамтран ажиллах гэрээнд гарын үсэг зурлаа.

Төсөл нь ХБНГУ-ын Эдийн засгийн Хамтын ажиллагаа, Хөгжлийн яамны санхүүжилтээр Ази, Номхон далайн бүс нутгийн 7 орны 12 хотод хэрэгжиж байгаа бөгөөд ус, эрчим хүч ба хүнсний хангамжийн найдвартай байдлыг дээшлүүлэх нөөцийн цогц менежментийг нэвтрүүлэхэд дэмжэг үзүүлэх зорилготой. Төслийн хүрээнд Улаанбаатар хотын дулааны алдагдал ихтэй угсрамал орон сууцуудыг дулаалжээ. Мөн цэцэрлэг, сургуулийн дулаалгыг сайжруулах чиглэлээр ч олон талын бодитой ажил хэрэгжүүлэхээр төлөвлөж байгаагаа хадагтай Рут Эрлбэк хэллээ.

Нийслэлийн Засаг дарга, Төслийг үргэжлүүлэн ажил хэрэг болгоно гэдгийг цохон тэмдэглээд, төслийн 2 дугаар шатыг “Аз жаргалтай хот” хөтөлбөртэй уялдуулан, гэр хорооллын хөрсний бохирдлыг бууруулах судалгааг хийх, цэвэр, бохир шугамд холбох ажлыг хэрэгжүүлэх, оновчтой шийдэл олох зэрэгт хамтран ажиллахыг хүслээ. Төслийн хүрээнд бохир ус болон хатуу хог хаягдлын менежментийн салбарт шинэлэг инженерийн технологи нэвтрүүлэх, газар ашиглалт, төлөвлөлтийн стандарт, худалдан авах чадварт нийцсэн орон сууц, гэр хорооллын газрыг шинэчлэн зохион байгуулах болон хотын суурьшлын төлөвлөлтийн чиглэлээр зөвлөх үйлчилгээ үзүүлэх зэрэг ажлыг хэрэгжүүлнэ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

МАХН-ын дарга Н.Энхбаяраас АТГ-ын байцаагчид дөнгөж саяхан намын байран дээр нь байцаалт авчээ.

Жүдо бөхийн эрэгтэйчүүдийн -100 кг-ийн жинд хүч үзэх олимпийн алт, мөнгөн медальт Н.Түвшинбаяр А хэсэгт барилдахаар болжээ.

Хүн төрөлхтний эв нэгдлийн бэлэгдэл болсон зуны XXXI олимпийн наадмыг зохион байгуулж буй Бразил нутгийн соёл, зан заншил, шашин шүтлэг, байгалийн өвөрмөц тогтолцоо, уугуул Туюука омог болон шилжин суурьшсан ард түмний амьдралыг харуулсан нэгэн сонирхолтой гэрэл зургийн үзэсгэлэнг нийслэлийн Засаг даргын ивээл дор зохион байгуулах гэж байна.

Залуу уран бүтээлч Б.Намууны авсан 1500 орчим гэрэл зургаас 50-ийг нь сонгон, Бразилийн өвөрмөц соёлыг илтгэх инстолляцын бүтээлүүдтэй хамт дэлгэн үзүүлж байгаагаараа онцлог юм Энэхүү үзэсгэлэнг удахгүй Холбооны Бүгд Найрамдах Бразил Улсын Рио де Жанейро хотод болох зуны олимпийн их наадамд зориулан гаргаж байгаа юм байна.

Үзэсгэлэн Г.Занабазарын нэрэмжит Дүрслэх урлагийн музейн үзэсгэлэнгийн танхимд 2016.08.05-21-ны хооронд болно гэж НЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

“Хөргөгчинд байсан пиво авч уулаа” хэмээн нэгнийгээ хөнөөсөн этгээдэд 17 жилийн ял оноолоо

Говийн есдүгээр Ноён хутагт Данзанлувсантүдэв өнөөдөр /2016.08.05/ өглөө 10.00 цагт Монголын бурхан шашинтны төв Гандантэгчэнлин хийдийн Дашчойнпил дацанд Оточ Манал бурхныг залж, мандал өргөлөө.

Тэрбээр Говийн тавдугаар Ноён хутагт Данзанравжаагийн ес дэх дүр бөгөөд өнгөрсөн жил улаанбурханы халдварт өвчин гарсантай холбогдуулан өвдөн шаналж буй хүүхдүүдэд зориулан 21 гэлэн ламаар 21 дарь эхийг 21 удаа, Оточ Манал бурханы тарнийг 1000 удаа уншуулсан байна.

АТГ-ынхан Н.Энхбаярыг албадан саатуулахаар албан өрөөнд нь цоожилжээ. Тодруулбал МАХН-ын төв байранд АТГ-ын 10 гаруй албан хаагч Н.Энхбаярыг албадан саатуулахаар очиж, албан өрөөнд нь цоожлоод байна гэдгийг эх сурвалж мэдээллээ.

Эрүүл мэндийн сайд А.Цогцэцэг өнгөрсөн өдрүүдэд дүүргийн эрүүл мэндийн тусламж үйлчилгээний гол хэсэг болох анхан, хоёрдогч шатлалын болон яаралтай түргэн тусламжийн үйлчилгээтэй танилцсан билээ. Энэ үеэр эрүүл мэндийн салбарт агаарын хэмийн зөрүүнээс болж маш их эрсдэл үүсч байгааг олж мэдсэн байна.

АСЕМ-ын уулзалтын үеэр манай улсад буцалтгүй тусламж болоод хөрөнгө оруулалтын чиглэлээр олон санамж бичгүүдэд гарын үсэг зурагдсан. Үүний нэг болох БНХАУ-ын Засгийн газраас манай улсад буцалтгүй тусламжын хөрөнгө оруулалт оруулахаар болсон нь эрүүл мэндийн салбарт хүртэж эхэллээ. Ийнхүү өнөөдөр БНХАУ-ын Засгийн газраас буцалтгүй тусламжаар олгогдож буй 60 ширхэг Айркондишныг Эрүүл мэндийн сайд А.Цогцэцэгт хүлээлгэн өглөө.

БНХАУ-ын буцалтгүй тусламжийн эхний хэсэг болох нийт 73 сая 800 мянган төгрөгийн өртөг бүхий 60 ширхэг айркондешнийг Монгол Улсын Ерөнхий сайдын захирамжаар Гадаад хэргийн сайд Ц.Мөнх-Оргил, Эрүүл мэндийн сайдад шилжүүлэн өгснөөр 30 эмнэлгийн байгууллагуудад очихоор болов.

Энэхүү айркондишныг эрчимт эмчилгээ сэхээн амьдруулах тасаг, лабораториуд болон температур шаардсан тоног төхөөрөмжтэй өрөөнүүдэд байршуулахаар болж эмнэлгүүдэд хуваарилан өглөө.

Чингэлтэй дүүргийн 16 дугаар хороонд хоёр настай хүү халуун цайнд түлэгдэж Гэмтлийн эмнэлэгт хүргэн эмчлүүлсэн боловч өчигдөр нас баржээ. Энэ хэргийг Баянгол дүүргийн цагдаагийн хоёрдугаар хэлтэст шалгаж эхэлжээ.

БНХАУ-ын Бээжин хотоос Эрээн хот руу явж байсан зорчигч тээврийн автобус өнгөрсөн шөнө шатсан байна.