Монгол Улсын Их Хурлын дарга М.Энхболдод өнөөдөр /2016.07.15/ Бүгд Найрамдах Словак Улсын Ерөнхий сайд Роберт Фицо тэргүүтэй төлөөлөгчид бараалхав.

Уулзалтын эхэнд Улсын Их Хурлын дарга М.Энхболд Бүгд Найрамдах Словак Улсын Ерөнхий сайд Роберт Фицотой уулзсандаа баяртай байгаагаа илэрхийлээд АСЕМ-ын дээд түвшний уулзалтад оролцохоор хүрэлцэн ирсэнд талархаж буйгаа уламжилсан юм.

Тэрээр, Монгол Улс, Словак Улс нь уламжлалт, найрсаг харилцаатай, нэгэн үед ардчилал, зах зээл, чөлөөт нийгмийг сонгон хамтдаа шилжилтийн үеийг амжилттай даван туулж, ардчиллын үнэт зүйлсийг хадгалж, хөгжүүлж чадсаныг цохон тэмдэглээд, хоёр улсын хооронд дипломат харилцаа тогтоосноос хойш дээд, өндөр түвшний айлчлал хэрэгжээгүй. Иймээс тодорхой шалтгааны улмаас хэрэгжээгүй Үндэсний зөвлөлийн дарга болон Ерөнхий сайдын айлчлалыг хэрэгжүүлэхэд бэлэн байгаа талаар дуулгав. Түүнчлэн Бүгд Найрамдах Словак Улс Европын Холбооны Зөвлөлийг 2016 оны 7 дугаар сараас эхлэн даргалах болсонд баяр хүргэж, Монгол Улсыг Европын Холбоотой хамтран ажиллахад дэмжлэг үзүүлж ажиллахыг хүслээ.

Мөн тэрээр хоёр талын уламжлалт харилцааны хүрээнд Эдийн засаг, худалдааны салбарын хамтын ажиллагааг бэхжүүлэхэд чухал нөлөө үзүүлэх “Хөрөнгө оруулалтыг хөхүүлэн дэмжих, харилцан хамгаалах тухай” хэлэлцээр, “Эдийн засгийн хамтын ажиллагааг хөгжүүлэх тухай” хэлэлцээр болон “Харилцан давхар татвар ноогдуулахгүй байх тухай” хэлэлцээрийг байгуулах чиглэлээр ажиллаж байна. Монгол Улс Словак Улстай харилцаа, хамтын ажиллагаагаа хөгжүүлэх эрмэлзэлтэй байгаагийн зэрэгцээ, хоёр талын хамтын ажиллагааг ГХЯ-д хоорондын зөвлөлдөх уулзалт зэрэг байнгын механизмуудын хүрээнд хөгжүүлэх боломжтойг мэдэгдлээ.

Бүгд Найрамдах Словак Улсын Ерөнхий сайд Роберт Фицо Улсын Их Хурлын даргатай уулзаж байгаадаа баяртай байгаагаа илэрхийлээд, Парламентын ээлжит сонгуульд үнэмлэхүй ялалт байгуулсанд Улсын Их Хурлын даргад баяр хүргэв.

Ерөнхий сайд Роберт Фицо хоёр талын харилцаа, хамтын ажиллагааны хүрээнд эдийн засаг, худалдааны салбарын хамтын ажиллагааг бэхжүүлэхэд чухал нөлөө үзүүлэх эрх зүйн баримт бичгийг боловсруулан эцэслэх шаардлагатай байгаатай санал нэг буйгаа илэрхийлж, энэ тал дээр анхаарч ажиллана гэлээ.

Уулзалтын үеэр Улсын Их Хурлын дарга М.Энхболд Бүгд Найрамдах Словак Улсын Ерөнхий сайд Роберт Фицотой хоёр орны харилцаа, хамтын ажиллагааны асуудлаар болон Европ, Азийн бүс нутаг, олон улсын тавцанд хамтран ажиллах талаар санал солилцлоо гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.

Монгол Улсын Ерөнхий сайд Ж.Эрдэнэбат Бүгд Найрамдах Казахстан Улсын Ерөнхий сайд Карим Масимов-тай уулзлаа

Монгол Улсын Ерөнхийлөгч Ц.Элбэгдорж Мьянмар Улсын Ерөнхийлөгч, Тайланд Улсын Ерөнхий сайд нартай уулзлаа

Ази-Европын Дээд түвшний 11 дүгээр уулзалт ”АСЕМ-ын 20 жил: Уялдаа холбоогоор өртөөлөн ирээдүйн түншлэлийн төлөө” сэдвийн доор хуралдаад өндөрлөлөө.

Ази-Европын Дээд түвшний 11 дүгээр уулзалт ”АСЕМ-ын 20 жил: Уялдаа холбоогоор өртөөлөн ирээдүйн түншлэлийн төлөө” сэдвийн доор үргэлжилж байна.

АСЕМ-ын Дээд түвшний 11 дүгээр уулзалтад хүрэлцэн ирсэн зочдод зориулан ”Чингисийн хүрээ” цогцолборт бэсрэг наадам зохион байгуулах юм.

Бэсрэг наадам өнөөдөр 16.00 цагт эхлэх бөгөөд хоёр цаг үргэлжилнэ хэмээн АСЕМ-ын бэлтгэл ажлын албанаас мэдээллээ.

Үүний дараагаар Монгол Улсын Ерөнхийлөгч Ц.Элбэгдорж төлөөлөгчдийн тэргүүн нартай хүндэтгэлийн зоог барих аж.

Ариутгал, халдваргүйтгэлийг хоёр өдрийн дотор хийж дуусгахыг үүрэг болголоо

Бүгд Найрамдах Франц Улсын Ницца хотод 2016 оны 7 дугаар сарын 14-ний өдөр орон нутгийн цагаар 23 цагийн орчимд Францын үндэсний баярын өдөрт зориулсан ёслолын буудлага үзэж байсан иргэдийг ачааны машинтай этгээд дайрсны улмаас 80 орчим хүн нас барж 50 орчим хүн гэмтсэн хэрэг гарлаа.
Гэмт хэргийг үйлдсэн этгээд болох тунис гаралтай франц иргэн цагдаа нартай буудалцах үеэр амиа алдсан бөгөөд Бүгд Найрамдах Франц Улсын Ерөнхийлөгч Франсуа Олланд энэхүү хэргийг террорист халдлага гэж үзэж байгаагаа илэрхийлсэн байна.
Тус улсад 4500 орчим монгол иргэн оршин суудаг бөгөөд хэргийн улмаас нас барсан, гэмтсэн монгол иргэн одоогоор байхгүй болно.

Иргэд байшингаа шар шавраар хийсэн, усанд тэсвэргүй блокоор барьсан нь нурах үндэслэл болжээ

Бичлэг

Улсын Онцгой комиссоос эхний ээлжинд 70 гэр олгохоор боллоо

Хүмүүнлэгийн тусламж Улаанбаатараас хөдөллөө

АСЕМ 11

Монгол Улсын Ерөнхийлөгч Ц.Элбэгдорж Бүгд Найрамдах Кипр Улсын Ерөнхийлөгч Никос Анастасиадестай уулзав

АСЕМ-ын ахлах албан тушаалтан Л.Оргил мэдээлэл өглөө
2016-07-15 Admin

Улаанбаатар хотноо үргэлжилж буй Ази-Европын Дээд түвшний 11 дүгээр уулзалтын үйл явцын талаар АСЕМ-ын Ахлах албан тушаалтан Л.Оргил Шангри-Ла дахь Олон улсын мэдээллийн төвд сэтгүүлчдэд мэдээлэл өглөө.

Ази-Европын дээд түвшний 11 дүгээр уулзалтыг нээхийн өмнө Францын Нийс хотод өчигдөр орой болсон террорист халдлагатай холбогдуулан Францын ард түмэн, Засгийн газарт гүн эмгэнэл илэрхийлж, хуралд оролцож буй төр засгийн тэргүүн нар нэг минут дуугүй зогсч хүндэтгэл үзүүлснийг тэрбээр мэдээллийн эхэнд онцлов.

Дээд түвшний уулзалтын нээлтэд Монгол Улсын Ерөнхийлөгч Ц.Элбэгдорж үг хэлсний дараа АСЕМ-ын зохицуулагч орнууд болох Мьянмар улсын Ерөнхийлөгч У Тин Чяу, Словак улсын Ерөнхий сайд Роберт Фицо, Шинэ Зеланд Гадаад хэргийн сайд Мaррей Маккалли нар үг хэлсэн. Мөн АСЕМ-ын дагалдах хурлууд болох Ази-Европын Парламентчдын уулзалт, Ази-Европын залуучуудын уулзалт, Ази-Европын Бизнесийн уулзалт, Ази-Европын түмний түмний уулзалтын төлөөлөгчид хурал тус бүрээс гарсан дүгнэлтийг Дээд түвшний уулзалтад танилцуулсан юм. Өнгөрөгч дөрөвдүгээр сард болсон Ази-Европын Парламетчдын уулзалтын дүгнэлтийг УИХ-ын дарга М.Энхболд уншиж танилцууллаа.

Дээд түвшний уулзалтыг нээж, зочдоос хамгийн эхэнд БНСУ-ын Ерөнхийлөгч хатагтай Пак Гын Хэ үг хэлсэн бөгөөд дараа нь Япон улсын Ерөнхий сайд Шинзо Абэ, БНХАУ-ын Хятад улсын Ерөнхий сайд Ли Көцян, Европын Гадаад харилцааны албаны төлөөлөгч Федерика Могерини нар үг хэлжээ. Төлөөлөгчид Францад болсон халдлагад эмгэнэл илэрхийлж, сүүлийн 20 жил Ази-Европын хооронд гүүр болсон АСЕМ гэх байгууллагын хийж гүйцэтгэсэн үүрэг, ролийг өндрөөр үнэлэн, ирээдүйн 10 жилээ тодорхойлох, хэрхэн ажиллах талаар санал бодлоо солилцсоныг АСЕМ-ын ахлах албан тушаалтан Л.Оргил мэдээлэлдээ онцоллоо.

Мөн уг хэвлэлийн бага хуралд АСЕАН, Зүүн өмнөд Азийн эдийн засгийн судалгааны хүрээлэнгийн Ерөнхийлөгч Хидэтоши Нишимура оролцож Монгол Улсын Засгийн газар, АСЕАН, Зүүн өмнөд Азийн Эдийн Засгийн судалгааны хүрээлэнтэй хамтран гаргасан “Ази-Европын уялдаа холбооны алсын хараа 2025: боломж ба сорилтууд” судалгааны номыг танилцууллаа.

Энэхүү товхимолд Ази-Европын уялдаа холбоог өргөжүүлэхэд АСЕМ-ын гүйцэтгэж байгаа үүрэг, цаашдын оролцоо, Ази-Европын харилцааг иргэд, байгууллагууд, бодит дэд бүтэц дээр суурилуулан өргөжүүлэх, нийгэм, эдийн засгийн олон салбарт нэгдмэл байдал, хамтын ажиллагааг хөгжүүлэх, ойрын 10 жилийн үйл ажиллагаанд тулгарах сорилт, түүнийг шийдвэрлэх боломж зэргийг тусгасан байна.

Дээд түвшний уулзалт “АСЕМ-ын 20 жил: Уялдаа холбоогоор өртөөлөн ирээдүйн төлөө түншлэлээ бэхжүүлэх нь” гэсэн үндсэн сэдэвтэйгээр үргэлжилж байна. Үдээс өмнөх хуралдаан “Түншлэлийн 20 жил: Өнгөрснөө дүгнэж, ирээдүйгээ тодорхойлох нь”, “АСЕМ-ын түншлэлийг хөгжүүлэх өргөн уялдаа холбоо” сэдвийн хүрээнд хоёр салбараар хуралдаж байна.

Монгол Улсын Ерөнхийлөгч Ц.Элбэгдоржид Казахстаны Ерөнхий сайд Карим Масимов бараалхлаа

Монгол Улсын Ерөнхийлөгч Ц.Элбэгдорж Швейцарь Улсын Ерөнхийлөгч Ёханн Шнайдер Аммантай уулзав

Эрхэм хүндэт Монгол Улсын Ерөнхийлөгч өө,
Эрхэм хүндэт Төр, Засгийн тэргүүн нар аа,
Эрхэм хүндэт зочид,төлөөлөгчид өө,
Хатагтай, ноёд оо,

Юуны өмнө Франц Улсад эмгэнэлт үйл явдал тохиосонд Монгол Улсын парламентын нэрийн өмнөөс гүн эмгэнэл илэрхийлж байгааг хүлээн авна уу.

Улаанбаатар хотноо энэ оны 04 дүгээр сард чуулсан Ази, Европын Парламентын Түншлэлийн 9 дүгээр уулзалтын дүнг Ази-Европын Дээд түвшний 11 дүгээр уулзалтад танилцуулах завшаан тохиож байгаад баяртай байна.

Энэ боломжийг ашиглан манай сайхан оронд хүрэлцэн ирсэн Та бүхэнд Монгол Улсын Их Хурлын нэрийн өмнөөс болон хувиасаа чин сэтгэлийн талархал илэрхийлж, Монгол Улсад тавтай зочлохыг хүсэн ерөөе.

Монгол Улсын Их Хурал Ази, Европын Парламентын Түншлэлийн 9 дүгээр уулзалтыг эх орондоо амжилттай зохион байгуулж, уулзалтад 32 орны 170 гаруй төлөөлөгчид өөрийн орны парламентаа төлөөлөн оролцсон бөгөөд уулзалтаас Тунхаглал баталсныг Та бүхэнд уламжлахад таатай байна.

Бид уулзалтын нэгдсэн хуралдаанаа ”АСЕМ дахь Ази-Европын Парламентын Түншлэлийн үүрэг, оролцоо” сэдвээр, салбар хуралдаануудыг ”Үр дүнтэй олон талт харилцаа, хамтын ажиллагаа” болон ”Ирээдүйн төлөөх түншлэл” сэдвийн хүрээнд зохион байгуулж, Ази-Европ хоёр тивийн нийтлэг эрх ашиг, хөгжил цэцэглэлтийн төлөө, оновчтой шийдэл, хамтын ажиллагааны төлөө хоёр тивийн хууль тогтоогчид санал бодлоо уралдуулж, ажил хэрэгч, харилцан ойлголцсон, нөхөрсөг яриа өрнүүлсэн.

Ази-Европын Парламентын Түншлэлийн уулзалт нь хоёр тивийн хамтын ажиллагааны салшгүй хэсэг бөгөөд, өнгөрсөн 20 жилийн хугацаанд Ази-Европын улс төр, эдийн засаг, нийгэм соёлын хэлхээ холбоо өргөжин тэлэхэд, Ази, Европын орнуудын хууль тогтоох байгууллагуудын хооронд харилцаа холбоо тогтоож, гүнзгийрүүлэн хөгжүүлэхэд тодорхой хувь нэмрээ оруулсан.
Улаанбаатар хотноо болсон 9 дүгээр уулзалтаар бид терроризм, уур амьсгалын өөрчлөлт, тогтвортой хөгжлийн 2030 он хүртэлх хөтөлбөр, гамшгаас сэргийлэх менежмент, эрчим хүчний аюулгүй байдал, дүрвэгсдийн асуудал зэрэг олон чухал асуудлыг хамтдаа хэлэлцсэн юм.

Ази, Европын парламентчид бид АСЕМ-ын үйл явцыг өөрсдийн идэвхтэй оролцоо, хүч чармайлт төдийгүй институт хоорондын уялдаа холбоогоор бататган бэхжүүлж, Ази, Европын улс түмний нийтлэг эрх ашиг, зорилгын төлөө парламентуудын үүрэг ролийг нэмэгдүүлэн ажиллахаар тохиролцсон.

Мөн Ази-Европын Парламентын Түншлэлийн ажлын арга барилыг сайжруулах, хэлэлцсэн асуудлууд, гаргасан шийдвэрүүдийг бодит ажил хэрэг болгох, АСЕМ-ын үйл явцын хүрээнд тѳр, засгийн газрууд, бизнес, иргэний нийгмийн байгууллагуудын уялдаа холбоог боловсронгуй болгох талаар шинэ санал санаачилга гарсныг тэмдэглэн хэлэхийг хүсч байна.

Парламентчид бид олон улсын болон бүс нутгийн улс төр, нийгэм, эдийн засгийн байдлыг хэлэлцэж, маргаантай асуудлуудыг эв зүйгээр зохицуулах, тулгараад буй сорилтуудаа зөв зүйтэй, үр дүнтэй шийдвэрлэхийн төлөө хамтын ажиллагаа, түншлэлээ гүнзгийрүүлэх нь чухал гэдэгтэй санал нэгдэцгээсэн.

Ази, Европын Парламентын Түншлэл нь АСЕМ-ын үйл ажиллагааг бүх талаар дэмжиж ирсэн бөгөөд цаашид ч идэвхтэй дэмжиж ажиллахаа хоёр тивийн хууль тогтоогчид Улаанбаатарын уулзалтад санал нэгтэй дахин нотолсон.
Эрхэм хүндэт зочид, төлөөлөгчид өө,

Ази, Европын Парламентын Түншлэлийн 9 дүгээр уулзалтыг эх орондоо зохион байгуулсан нь бидний хүсэл, зорилтуудын нэг илэрхийлэл байсан бөгөөд Улаанбаатарын уулзалт Ази-Европын Парламентын Түншлэлийг цаашид бэхжүүлэхэд тодорхой хувь нэмэр оруулсан гэдэгт эргэлзэхгүй байна.

АСЕМ-ын 20 жилийн ойг тохиолдуулан Та бүхэнд чин сэтгэлийн мэндчилгээ дахин дэвшүүлж, Ази-Европын Дээд түвшний уулзалтын ажиллагаанд амжилт хүсье.

Анхаарал тавьсанд баярлалаа.

Монгол Улсын Ерөнхийлөгчид ХБНГУ-ын Канцлер Ангела Меркель бараалхав

Нийслэл хотод АСЕМ-ын дээд хэмжээний 11 дэх удаагийн уулзалт зохион байгуулагдаж буйтай холбогдуулан замын хөдөлгөөний хэт ачааллаас урьдчилан сэргийлэх зорилгоор дугаарын хязгаарлалт хийхээс гадна замыг хэсэгчлэн хааж байна.

Тодруулбал,

2016 оны 07 дугаар сарын 14, 16-ны өдрүүдэд автомашины улсын дугаарын сүүлчийн орон ТЭГШ тоогоор төгссөн,

2016 оны 07 дугаар сарын 15, 17-ны өдрүүдэд автомашины улсын дугаарын сүүлчийн орон СОНДГОЙ тоогоор төгссөн авто тээврийн хэрэгслийг замын хөдөлгөөнд оролцуулна.

АСЕМ-ын дээд хэмжээний 11 дүгээр уулзалттай холбогдуулан зарим хэсэгт зам хаагаад байна. Аль хэсэгт зам хаасныг доорх зурагнаас харна уу.