ОБЕГ-аас улсын хэмжээнд гарсан гал түймрийн мэдээг ирүүллээ. Хот, хөдөөгүй гал түймрийн дуудлага буурахгүй байгаа юм. Тиймээс гал түймрээс сэрэмжтэй байхыг анхааруулж байна.

УИХ-ын гишүүн Д.Арвины Кибер аюулгүй байдлын газарт ханджээ. Учир нь олон нийтийн сүлжээний “Twitter ” болон “Facebook” цахим хуудаст түүний нэр, зургийг ашиглан зориуд хуурамчаар хаяг үүсгэн нэр төрд нь халдаж, ор үндэсгүй худал мэдээлэл түгээх үйл ажиллагаа сүүлийн үед их явагдах болсон учир ийнхүү дээрх газарт хандсан байна.

В.Путин Сирийн гал зогсоох төлөвлөгөөг танилцууллаа

Шүүхийн шийдвэр гүйцэтгэх тухай хууль Үндсэн хууль зөрчсөн эсэх маргааныг хянан хэлэлцэх Үндсэн хуулийн цэцийн дунд суудлын хуралдааныг ирэх гуравдугаар сарын 2-ны өдөр зарлажээ.

Шүүхийн шийдвэр гүйцэтгэх тухай хуулийн 54 дүгээр зүйлийн 54.2 дахь хэсэгт барьцаалагч бусад үүрэг гүйцэтгүүлэгчдийн төлбөрийг барагдуулах үүрэг хүлээхээр зохицуулсан нь Үндсэн хуулиар баталгаажуулсан иргэний хөдлөх, үл хөдлөх эд хөрөнгө шударгаар олж авах, эзэмших, өмчлөх эрхийг зөрчсөн эсэхийг тогтоолгохоор хандсан нэр бүхий иргэдийн мэдээллийн дагуу Үндсэн хуулийн цэц маргаан үүсгэсэн байна.

УИХ-ын гишүүн С.Ганбаатар тойрогтоо ажиллаж байна

“Монгол ТВ” телевизээс санаачлан гурав дахь жилдээ “Монголын телевизүүдийн чуулган”-ыг 2016 оны 02-р сарын 25-26-нд Туушин зочид буудлын Соёмбо танхимд зохион байгуулж байна. Энэ жил “Контентын үнэлэмж - Монголд” сэдвийн дор телевиз, дүрсний уран бүтээлчдийг цуглуулж, бүтээж буй контентийн үнэ цэнэ, агуулга, түгээлт, бэрхшээл зэргийг хэлэлцэж байна.

Өнөөдөр Монголчууд гурван саяулаа 280 гаруй телевиз үзэж байна. Нэг хүнд ногдох телевизийн тоогоор дэлхийд тэргүүлдэг. 16216 хүн тутамд нэг телевиз ногдож байна. цөөн хүн амд ингэж олон телевиз байгаа нь контентийн өрсөлдөөнийг ширүүн болгож байгаа хэдий ч үзэгчидэд хүргэж байгаа контент /агуулга/-ыг улам чанартай болгохыг шаардаж байна. Максима Медиа компанийн бэлтгэсэн 2015 оны телевиз үзэлтийн судалгааны нэгдсэн тайланд Улаанбаатар хотын дундаж үзэгч өдөрт 293 минутыг телевиз үзэхэд зарцуулж байгаа нь өмнөх онтой харьцуулахад 10 минутаар (3%)-р буурсан үзүүлэлт байна. Энэ нь үзэгч олон чанаргүй мэдээллээс илүү чанартай бүтээлийг илүүд үзэх болсоныг илтгэж байна. Тиймээс “Монголын телевизүүдийн чуулган” энэ удаад “Контентын үнэлэмж Монголд” сэдвийн дор зохион байгуулагдаж байна.

Чуулганд Мэдээлэл технологи, шуудан харилцаа холбооны газар, Харилцаа холбооны зохицуулах газар, Оюуны өмчийн газар болон Монголын телевиз, хэвлэл мэдээлэлийн байгууллагын 100 гаруй төлөөлөл оролцож байгаагаас гадна Bloomsbury Partners, Bomanbridge, Endemol Shine group, Fremantle media, Legendary television, The sportsman media group, Asiasat зэрэг олон гадаадын телевиз, студийн төлөөлөл оролцож өөрсдийн нэвтрүүлэг, форматыг танилцуулж, туршлагаасаа хуваалцах юм.

Технологийн хурдтай хөгжлийн нөлөөгөөр хүмүүний амьдралын хэмнэл өөрчлөгдөж КОНТЕНТ гэдэг далайд зүгээ олохгүй хөвсөөр байна. Хүнийг хөдөлгөгч хүч нь оюун ухаан. Харин оюун ухааны хөгжилд нөлөөлөгч нь КОНТЕНТ. Тэгвэл энэхүү контентыг бүтээгчид зорилгоо нэгтгэж, дэлхийн тавцанд хүрэх алсын зорилгоо хэлэлцэж, өмнөө тулгарч буй асуудлуудаа хамтдаа ярилцаж, нэгдсэн шийдэлд хүрэх цаг болжээ.

Энэ удаагийн “Монголын телевизүүдийн чуулган”-аар Монголын телевизүүдийн Контент ба түгээлт - Тулгарч буй шинэ бэрхшээлүүд, Зохиогчийн эрхийн зөрчил ба алдагдсан боломжууд, Телевизийн бизнес ба ёс зүй, Контентын үнэлэмж Монголд, Зар сурталчилгаа нийлүүлэгчид/ маркетерууд Телевизээс юу хүсдэг вэ? гэсэн сэдвээр салбар хуралдаануудаар хэлэлцүүлэг өрнүүлнэ.

Чуулганы хоёр дахь өдөр буюу 2016 оны 02 сарын 26-ны өдөр “Контент бүтээгчдийн өдөрлөг” танилцуулга, үзэсгэлэн зохион байгуулагдана. Үзэсгэлэнгийн үеэр контент, форматын худалдаа, студи, дистрибютерүүдтэй танилцах арга хэмжээ, уулзалтууд болно.

О.Гомбожав, ”Maxima media” ХХК-ийн Гүйцэтгэх захирал: “Телевизийн салбарын хувьд Телевизийн рейтингийг, улмаар ашиг орлогыг нь тодорхойлох гол хүчин зүйл нь контент болж байна. Гэхдээ контентын бизнес Монголд зүй ёсоороо хөгжих гадаад болон дотоод орчин тийм ч таатай биш, тэрхүү орчинд тохирсон салбарын бодлого төдийлөн тодорхой бус байна.”

Билл Гэйтс, “Майкрософт” компанийг үүсгэн байгуулагч:
“Контент илүү чанаржиж, тэр хэрээрээ илүү үнэ цэнэтэй болж байна.” гэж хэлж байжээ.

Контент бүтээгчид бол авъяастай хүмүүсийн цуглуулга биш улс орны эдийн засагт хувь нэмрээ бодитоор оруулдаг, оюуны үйлдвэрлэгчид юм. Тиймээс энэ удаагийн “Монголын телевизүүдийн чуулган” цаг үеэ олсон, телевиз, дүрсний уран бүтээлчдийг цаашдын өнгө төрхийг тодорхойлж, амжилттай болно гэж зохион байгуулагчид үзэж байна.

Холбоо барих:

Утас: 88072182
Э.Лхагва ”Монгол ТВ”телевиз
Мэдээний албаны Ерөнхий продюсер

Вэб сайт: www.mtf.mn

С.Эрдэнийн “Вант улс”-ынхан автобусны чиглэлийг өөрчилжээ

“Хямд архи” тусгай арга хэмжээг зохион байгуулжээ

УИХ-аас Эдийн засгийн ил, тод байдлыг хангах тухай хуулийг өнгөрсөн онд баталсан.

УИХ-ын гишүүн, Өргөдлийн байнгын хорооны дарга Ж.Батзандангаас цаг, үеийн асуудлаар зарим зүйлийг тодрууллаа.

Орхон аймгийн прокурорын газраас 2016 оны 02 дугаар сарын 18-ны өдөр “Мансууруулах, сэтгэцэд нөлөөт бодистой холбоотой гэмт хэргийн өнөөгийн нөхцөл байдал, энэ төрлийн гэмт хэргийг шалгаж шийдвэрлэхэд анхаарах асуудал, түүнээс урьдчилан сэргийлэх нь”, “Мэдээллийн аюулгүй байдлын эсрэг гэмт хэрэг, түүнээс урьдчилан сэргийлэх нь” сэдэвт сургалт, зөвлөгөөнийг зохион байгуулсан байна.

Сургалтыг “Хар тамхи мансууруулах бодисоос иргэдийг хамгаалах нийгэмлэг”-ийн захирал Б.Нямбаяр, Эрүүгийн цагдаагийн газрын “Хар тамхитай тэмцэх хэлтэс”-ийн ахлах мөрдөн байцаагч Б.Эрдэнэдалай нарыг урьж явуулсан ба тус сургалтанд аймгийн прокурорын газрын прокурор, туслах ажилтнууд болон Сэлэнгэ аймгийн Сайхан сум дахь Сум дундын прокурорын газрын прокурорууд, Цагдаагийн газрын мөрдөн байцаагч, эрүүгийн төлөөлөгч, Шүүхийн шийдвэр гүйцэтгэх албаны ажилтан нарын нийт 40 орчим хүн хамрагдан, идэвхтэй оролцож, дээрх сэдвийн хүрээнд багш нараас асуулт асуун, практикт учирч буй хүндрэл бэрхшээл, тулгамдсан асуудлуудын талаар харилцан ярилцан, санал солилцсон байна.

Энэхүү сургалт нь анх удаа орон нутагт зохион байгуулагдаж байгаагаараа онцлог бөгөөд хамтран ажилладаг хууль хяналтын байгууллагын ажилтан албан хаагч нарын хууль эрх зүйн мэдлэгийг дээшлүүлэх, шинэ тутам үйлдэгдэн гарч буй гэмт хэргийг шалгаж, шийдвэрлэхэд анхаарах асуудлыг хөндсөн үр дүнтэй сургалт болсон байна.

Авлигатай тэмцэх газар 2016 он гарснаас хойш албан тушаалтны авлига, ашиг сонирхлын зөрчлийг шалгуулахаар иргэн, аж ахуйн нэгж, байгууллагаас хандсан нийт 55 гомдлыг хүлээн авч хяналт шалгалтын ажиллагаа явууллаа.

Эдгээрээс 27 өргөдөл, гомдлыг шийдвэрлэн хариуг гомдол гаргагчид хүргүүлсэн, 28 гомдлын үлдэгдэлтэйгээр ажиллаж байна. Хүлээн авсан өргөдөл, гомдол мэдээллийн 37 буюу 67,2 хувийг иргэнээс, 17 буюу 30,9 хувийг аж ахуйн нэгж, байгууллагаас ирүүлжээ.

Өргөдөл, гомдол, мэдээллийг зөрчлийн шинж чанараар нь авч үзвэл албаны эрх мэдлээ урвуулсан, хэтрүүлсэн, бусдад давуу байдал олгосон, ашиг сонирхлын зөрчилтэй шийдвэр гаргасан, албан тушаалтанд тавигдах хориглолт, хязгаарлалтыг зөрчиж хамаарал бүхий этгээдийн хувийн ашиг сонирхлыг хөндсөн захиргааны акт гаргасан, хандив, туслалцаа авсан, ашиг сонирхлын зөрчил үүссэн нөхцөлд мэдэгдэл, тайлбар гаргаагүй, хууль бус томилгоотой холбоотой асуудал давамгайлж байна.

Авлигатай тэмцэх газрын дарга, тэргүүн комиссар Н.Ганболд Канад Улсын Элчин сайдын яамны Элчин зөвлөх, Хөгжлийн хөтөлбөрийн тэргүүн Нэнси Ж.Фостер, АНУ-ын Азийн сангийн суурин төлөөлөгч Мелони Линдберг нарыг хүлээн авч уулзав.
Зочид төлөөлөгчид Канад Улсын Гадаад хэрэг, худалдаа, хөгжлийн яамны санхүүжилтээр Монгол Улсад удахгүй хэрэгжиж эхлэх “Ардчиллын оролцоотойгоор сайн засаглал, ил тод байдлыг бэхжүүлэх” төслийн зорилго, зорилт, хэрэгжүүлэх үйл ажиллагааны талаар товч танилцууллаа. Мөн талууд энэхүү төслийн хүрээнд Монгол Улсад авлигатай тэмцэх, урьдчилан сэргийлэх үйл ажиллагааг оновчтой, үр дүнтэй хэрэгжүүлэх, олон нийтийг авлигын эсрэг соён гэгээрүүлэх, авлигатай тэмцэх байгууллагын дотоод чадавх бололцоог сайжруулах асуудлаар харилцан санал солилцов.
Уулзалт харилцан ойлголцлын түвшинд, үр бүтээлтэй өрнөж, Канад Улсын ЭСЯ болон Азийн сангийн төлөөлөл Монгол Улсад сайн засаглалыг бэхжүүлэх, авлигатай тэмцэх, урьдчилан сэргийлэх үйл ажиллагааг хэрэгжүүлэх, олон нийтийг авлигын эсрэг соён гэгээрүүлэх чиглэлээр Авлигатай тэмцэх газартай нягт хамтран ажиллахаар тохиролцлоо.
Уулзалтад Авлигатай тэмцэх газрын Урьдчилан сэргийлэх, соён гэгээрүүлэх хэлтсийн дарга, эрхэлсэн комиссар Б.Бат-Отгон, АНУ-ын Азийн сангийн Засаглалын хөтөлбөрийн менежер А.Баянмөнх, Засаглалын хөтөлбөрийн дэд менежер Б.Энхжин нар оролцов.

Бидэнд нэгэн хүүгийн ээж хандсан юм.Тэрээр элэг нэгт Монгол ахан дүүсээсээ хандив тусламж хүсч байна. Амьдрахын төлөө тэмцэж буй бяцхан хүүд тусалья.

Таны харж байгаа энэ бяцхан хүүг Т.Түвшинсайхан гэдэг. Хэрэв хүү аюулт өвчин тусаагүй бол үе тэнгийн найзуудтайгаа тоглож наадан, цангинасан дуу нь гэр дүүрэн хангинаж байх байв. Гэвч тэрбээр амьсгалын аппараттай найман сарын турш эмнэлгийн орон дээр өвчиндөө шаналан өдөр хоногийг амь тэмцэн өнгөрүүлж байна.Хүү одоо БНСУ-ын “Кил” эмнэлэгт сэрээ булчирхайн хорт хавдар гэх оноштойгоор эмчлүүлж байгаа аж. Түүний эрүүл болж, хоёр хөл дээрээ босоход 300 гаруй сая төгрөг шаардлагатай байгаа юм байна.300 гаруй сая төгрөг цуглаж чадвал хүү эрүүл болно.Хүүгээ эрүүл болгохыг хүссэн түүний эцэг эх бидэнд ил захидал ирүүллээ.

Авлигатай тэмцэх газар 2016 он гарснаас хойш албан тушаалтны авлига, ашиг сонирхлын зөрчлийг шалгуулахаар иргэн, аж ахуйн нэгж, байгууллагаас хандсан нийт 55 гомдлыг хүлээн авч хяналт шалгалтын ажиллагаа явууллаа.

Нийслэлийн ИТХ-ын Тэргүүлэгчдийн 2014 оны 65 дугаар тогтоолын 2 дугаар хавсралтаар батлагдсан “Нийслэлийн өмчийн эд хөрөнгийг түрээслэх түрээслэгчийг сонгон шалгаруулах журам”-ыг баримтлалгүйгээр Нийслэлийн “Амгалан амаржих газар”-ын 1 дүгээр давхарт байрлах 110 ам метр талбайг өвчтөний гал тогооны зориулалтаар ашиглуулахаар “ЭММО” ХХК-тай 2016 оны 1 дүгээр сарын 26-ны өдөр “Нийслэлийн өмчит хуулийн этгээдийн ашиглалтгүй болон илүүдэлтэй ажлын байр, талбай, хөдлөх хөрөнгийн түрээсийн гэрээ” байгуулсан байна.
Энэ нь нийслэлийн өмчийг бусдад түрээслүүлэхдээ нээлттэй сонгон шалгаруулалтын зарчмыг баримтлаагүй, шууд гэрээ байгуулж хэн нэгэн этгээдэд давуу байдал олгох нөхцөлийг бүрдүүлсэн гэж үзэх үндэслэлтэй бөгөөд Авлигын эсрэг хуулийн 7 дугаар зүйлийн 7.1.3, Нийслэлийн ИТХ-ын Тэргүүлэгчдийн 2014 оны 65 дугаар тогтоолын 2 дугаар хавсралтаар батлагдсан журмыг тус тус зөрчсөн үйлдэл тул Авлигын эсрэг хуулийн 6 дугаар зүйлийн 6.7-д заасны дагуу “ЭММО” ХХК-тай байгуулсан 060301 дугаар гэрээг хүчингүй болгон, дүнг 2016 оны 2 дугаар сарын 29-ний дотор ирүүлэхийг мэдэгдэв. Цаашид Нийслэлийн ИТХ-ын Тэргүүлэгчдийн 2014 оны 65 дугаар тогтоолоор батлагдсан журмыг баримтлан иргэн, аж ахуйн нэгж, байгууллагыг ил тод, нээлттэй сонгон шалгаруулж, дүнг олон нийтэд мэдээлж ажиллахыг Авлигатай тэмцэх газраас анхаарууллаа.

Нийслэлийн Засаг дарга бөгөөд Улаанбаатар хотын Захирагч Э.Бат-Үүл Японы Стандарт хөрөнгө оруулалтын банкны эзэмшигч бөгөөд захирлуудын зөвлөлийн гишүүн ноён Күбо Такаакитэйг хүлээн авч уулзлаа. Уулзалтаар гэр хорооллын дахин төлөвлөлтийн төслийн талаар санал солилцов.
Уулзалтын эхэнд нийслэлийн Засаг дарга бөгөөд Улаанбаатар хотын Захирагч Э.Бат-Үүл “Юуны өмнө Гэр хорооллын дахин төлөвлөлтийн төсөл хамтран хэрэгжүүлж байгаад баяртай байна. Төслийн дэд бүтэцтэй холбоотой асуудлаар ажил бага зэрэг удаашралтай байгаад харамсалтай байна. Бидний зүгээс хөрөнгө оруулагчидтай урт хугацаанд тогтвортой, эрсдэлгүй ажиллах нөхцөлийг бүрдүүлэх тал дээр хичээн ажиллах болно. Энэ асуудлаар дахин уулзаж, ажил хэрэгжүүлэхэд тулгамдаж буй асуудлаа хэлэлцэн шийдвэрлэе” гэлээ.
Харин ноён Күбо Такааки “Гэр хорооллын дахин төлөвлөлтийн төслийг хөрөнгө оруулагчид маш ихээр сонирхож байгаа. “Стандарт проперти групп” ХХК гэр хорооллын дахин төлөвлөлтийн төслийг эхлүүлээд жил болж байна. Энэ хугацаанд бага зэрэг асуудал тулгарч байгаа ч танай талаас хамаарах бэрхшээлүүдийг тухай бүрт нь шийдэж чадвал бид төслийг цогцоор нь үргэжлүүлэн хэрэгжүүлнэ. Цаашид ч хамтран ажиллахдаа баяртай байх болно” гэдгээ илэрхийлэв.
“Стандарт проперти групп” ХХК нь гэр хорооллын дахин төлөвлөлтийн төслийн хүрээнд Сонгинохайрхан дүүргийн 1, 2, 20 дугаар хорооны нутаг дэвсгэрт 28.2 га талбайд “Шинэ толгойт” орон сууцны хорооллын төсөл хэрэгжүүлэгчээр албан ёсоор шалгарсан. Төслийн хүрээнд 2015-2019 онд нийт 2,860 айлын орон сууц, 1,920 хүүхдийн сургууль, 560 автомашины дулаан зогсоол, 540 хүүхдийн цэцэрлэг, соёл урлаг, спорт цогцолбор, худалдаа үйлчилгээний төв, эмнэлэг барьж байгуулахаар төлөвлөөд байгаа юм. Нэгдүгээр ээлжийн 280 айлын орон сууцны хоёр блок барилгыг 2016 оны нэгдүгээр улиралд ажиглалтад оруулахаар ажиллаж байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Нийслэлийн удирдлагын зөвлөлийн өргөтгөсөн хуралдаан Нийслэлийн үйлчилгээний нэгдсэн төвд боллоо. Шинэчлэгдсэн журмын дагуу даваа гараг бүрийн 14 цагаас Нийслэлийн удирдлагын зөвлөл Дүнжингарав худалдааны төвд байрлах Нийслэлийн үйлчилгээний нэгдсэн төвд хуралдана. Тус хуралдаанаар Нийслэлийн үйлчилгээний нэгдсэн төвийн иргэдэд үзүүлж буй үйлчилгээ, зарим иргэний ирүүлсэн өргөдөл, гомдлын асуудлыг шуурхай шийдвэрлэнэ. Хуралдаанаар Нийслэлийн үйлчилгээний нэгдсэн төв ажиллаж эхэлснээс хойш үзүүлсэн үйлчилгээ, ачаалалтай ажилладаг байгууллагуудын талаар мэдээлэл сонслоо.
Нийслэлийн үйлчилгээний нэгдсэн төв 2016 оны 01 дүгээр сарын 04-ний өдрөөс иргэдэд үйлчилгээ үзүүлж эхэлсэнээс хойш 02 дугаар сарын 17-ны өдрийг хүртэл нийт 58248 иргэн үйлчилгээ авчээ. 7 хоног бүрээр задалж харуулахад:
1 дүгээр долоо хоног – 3559 5 дугаар долоо хоног – 11548
2 дугаар долоо хоног – 10117 6 дугаар долоо хоног – 1061
3 дугаар долоо хоног – 12253 7 дугаар долоо хоног - 5522
4 дүгээр долоо хоног – 14188
Нийслэлийн нийгмийн даатгалын газар иргэдэд 19 үйлчилгээг үзүүлж байна. Ингэхдээ Эрүүл мэндийн даатгалд хамруулах, дэвтэр нээж баталгаажуулж 559, нийгмийн даатгалын сайн дурын даатгалд хамруулж, гэрээ байгуулах, дэвтэр баталгаажуулж 672, мэргэжлийн зөвлөгөөг 2403 даатгуулагчдад өгч ажилласан байна.
Нийслэлийн татварын газар иргэдэд 11 үйлчилгээ үзүүлж байна. Өнгөрсөн хугацаанд 26420 иргэнд зөвлөгөө өгч, үйлчилгээ үзүүлжээ.
Нийслэлийн Ерөнхий төлөвлөгөөний газар 799 иргэн, аж ахуйн нэгжид нийт 20 үйлчилгээ үзүүлсэн байна.
Нийслэлийн Өмчийн харилцааны газар 21 үйлчилгээг 3264 иргэнд үзүүлсэн байна.
Нийслэлийн нийгмийн халамж, үйлчилгээний газар 5854 иргэнд 24 төрлийн үйлчилгээ үзүүлсэн байна.
Нийслэлийн үйлчилгээний нэгдсэн төв ажиллаж эхэлснээс хойш иргэдээс 27 гомдол ирсэн. Хуралдааны үеэр Баянзүрх дүүргийн 5 дугаар хорооны иргэн н.Дуламжавын ирүүлсэн гомдлыг хэлэлцсэн юм. Тэрээр 2016 оны 02 дугаар сарын 04-ний өдөр Нийслэлийн Улсын бүртгэлийн газраар үйлчлүүлсэн бөгөөд иргэнд үйлчилсэн үйлчилгээний ажилтан дохиогоор харилцаж, иргэний асуултад ямар нэгэн хариулт хэлэх бус толгой дохих, гараараа заах зэргээр харилцсан байна. Үйлчилгээгээ шуурхай авах хүсэлтэй иргэн үйлчилгээний ширээний ард суусан байхад нүүрээ будаж, огт харилцахгүй байсан хэмээн гомдолдоо бичжээ. Иргэн н.Дуламжав хуралдаанд өөрийн биеэр оролцсон бөгөөд “Хэдий би үйлчилгээгээ авсан ч надад харилцахад маш хүндрэлтэй байсан. Миний хажууд мөн үйлчилгээ авч байсан иргэн надтай адил гомдолтой байсан” гэсэн юм.
Гомдол ирүүлсэн иргэдийн дийлэнх нь үйлчилгээ үзүүлж буй үйлчилгээний ажилтны харилцаа, үйлчилгээгээ сайн мэдэхгүй байгаа зэрэгт анхаарал хандуулахыг хүссэн байна.
Нийслэлийн удирдлагын зөвлөлийн хуралдаанаар дээрх асуудлыг хэлэлцэж, хэдийгээр цөөн тооны гомдол ирсэн ч нэг иргэнийг ч сэтгэл ханамжгүй байдалтай буцаахгүй байх ёстой гэдгийг Нийслэлийн Засаг дарга анхааруулсан. Нийслэлийн удирдлагын зөвлөлийн гишүүд хэд хэдэн санал гаргаж, хугацаа алдалгүй шийдвэрлэхээр тогтлоо.Тухайлбал, Нийслэлийн Засаг даргын Экологи, ногоон хөгжлийн асуудал хариуцсан орлогч Т.Бат-Эрдэнэ өдөр бүр 08-20 цагийн хооронд иргэдэд үйлчилгээ үзүүлсэн олон үйлчилгээний ажилтны унааны асуудлыг шийдвэрлэх шаардлагатай. Ажилчдын автобусыг хэд хэдэн цэгээс явуулах ажлыг зохион байгуулах хэрэгтэй гэлээ. Харин Хот байгуулалт, хөрөнгө оруулалтын асуудал хариуцсан орлогч С.Очирбат “Иргэдэд үйлчилгээ үзүүлж буй үйлчилгээний ажилтнуудыг чадавхжуулах сургалтад хамруулах” санал гаргасан. Хуралдаанаар дээрх саналуудыг судалж, боломжтой арга хэмжээг авч хэрэгжүүлэх үүргийг холбогдох албаныханд өглөө гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Хэлэлцээрт гарын үсэг зураг эрх олголоо

Өвөлжилт, хаваржилтын нөхцөл байдлын талаар танилцууллаа