Хотын А зэрэглэлийн бүсэд байрлах “Улаанбаатар таймс” сонины Хэвлэх үйлдвэрийн барилгыг Монгол Улсын иргэн Абдул Карим гэгч үнэ цохиж, 24 тэрбумаар худалдаж авсан нь олны анхаарлыг ихээр татаж байгаа.

Мөн Өнөр хорооллын урд талын төв замд, Хархорин захын орчимд нийтийн тээврийн автобус хүн мөргөж аминд нь хүрсэн осол болсон байна.

Улаанбаатар хотын хэмжээнд 11-р сарын 30-ны өдрийн 05:00 цагаас 12-р сарын 01-ны өдрийн 05:00 цагийн хооронд иргэд, байгууллагаас Нийт 4388, удаа холбогдсоноос, гэмт хэргийн 196, зөрчлийн 1273, Зам тээврийн ослын 353, мэдээлэл шалгахад, гэмт хэргийн шинжтэй 91-н үйлдэл бүртгэгдсэнийг холбогдох нэгжүүд шалгаж байна.

Зарим нутагт өвөлжилт хүндрэх төлөвтэй байна

Д.Содномд оржийн нэрэмжит шагналтай болов

Хүүхдийн зохиолчдын холбооноос Д.Нацагдоржийн шагналт хүүхдийн нэрт зохиолч Д.Содномдоржийн нэрэмжит шагналыг бий болголоо. Орчин цагт хүүхдийн утга уран зохиолын үндэслэгчийн нэг түүний бичсэн “Норовын намтар”, “Навсайдамба ба түүний нөхөд” тууж, “Аз жаргалын эрэмгий эрэлчии” дуурь, “Улаан дарцаг” кино, “Зун цаг”, “Олуулаа”, “Жигмэд, Тогмид хоёр”, “Учран золгохын ерөөл”, “ Цэцэгт нугын эрвээхэй” дууг бичиж үлдээсэн нь одоо ч бидний дунд амьдарсаар байна.
Уг шагналыг хүүхдийн утга зохиолд олон жил үнэтэй хувь нэмэр оруулсан бүтээл нь олны танил болсон ийм хүндтэй зохиолчдод хоёр жилд нэг удаа олгох ажээ.

Монголын шатрын холбооны ерөнхийлөгч Ц.Сайнбаярын нэрэмжит шатрын рапид, блиц болон бодлого бодолтын тэмцээн болж өндөрлөсөн юм. Тэмцээний блиц төрөлд эрэгтэйчүүдээс Фиде мастер У.Насанжаргал, эмэгтэйчүүдээс ОУМ Т.Батчимэг, рапид төрөлд эрэгтэйчүүдээс их мастер Б.Хатанбаатар, эмэгтэйчүүдээс ОУМ Б.Мөнгөнтуул нар түрүүллээ. ГЙөн бодлого бодолтын УАШТ-д 33 шатарчин оролцож сэтгэх чадвар, туршлага болон хурдаар өрсөлдөж спортын мастер Б.Буяннэмэх 30 оноогоор тэргүүлж, спортын мастер Б.Нямдаваа, бодлого бодолтын Фиде мастер С.Билгүүн нар удаалсан байна. Энэ тэмцээн нь шатрын спорт, түүний дотор рапид болон блиц төрлийг түгээн дэлгэрүүлэх, сурталчлах, 2016 оны дэлхийн болон тивийн аварга шалгаруулах тэмцээнд оролцох .тамирчдыг сонгон шалгаруулах юм.

Арго багш дуучин болж анхны клипээ гаргажээ

Төрийн өмчийн ерөнхий боловсролын сургуулиудад “Франклин Ковей Монголиа” компаний “Бяцхан манлайлагч” хөтөлбөр хэрэгжүүлж, сургалт явуулна гэж хүүхэд нэг бүрээс 300 мянган төгрөг хурааж байна гэсэн мэдээлэл нийгмийг бухимдуулсан.

Зарим нутагт өвөлжилт хүндрэх төлөвтэй байна

Энэ оны 11 дүгээр сарын 20-ны байдлаар нийт нутгийн 80 гаруй хувь нь цасан бүрхүүлтэй, ялангуяа Увс, Завхан, Төв, Сүхбаатарын ихэнх, Баян-Өлгий, Говь-Алтай, Баянхонгор, Хөвсгөл, Архангай, Булган, Өвөрхангай, Сэлэнгэ, Хэнтий, Дундговь, Дорноговийн зарим сумдын нутагт цасны зузаан 7-12 см, Увсын Улаангом, Хөвсгөлийн Цагаан-Үүр, Завханы Яруу, Баянхайрхан, Булганы Рашаант, Баянхонгорын Жаргалант, Төвийн Жаргалант сумдад 13-22 см байна.

Нийт нутгийн 40 орчим хувьд нь өвөлжилт хүндрэх эрсдэл ихтэй. Үүнээс Увс аймаг бүхэлдээ, Булганы ихэнх, Архангайн хойд, Төв аймгийн баруун хагас, Дархан-Уул, Сэлэнгийн өмнөд хэсэг хамгийн их эрсдэлтэй, Завхан, Хөвсгөл, Хэнтий, Сүхбаатар, Дорноговийн зарим нутгаар мөн эрсдэл ихтэй байна гэж Цаг уур, орчны шинжилгээний газраас сэрэмжлүүлж байна.

12 дугаар сарын цаг агаарын урьдчилсан мэдээгээр эрсдэл ихтэй байгаа нутгийн хойд хагаст олон жилийн дунджаас хүйтэн байх ба цас ихэнх нутагт дунджийн орчим, зарим газраар ахиу орохоор байгаа нь нөхцөл байдлыг улам хүндрүүлж, өвөлжилтөд таагүй нөлөөлөхөөр байна.

Эрсдэл ихтэй байгаа дээрх газар нутгийн өвс тэжээлийн хүрэлцээ, хангалтыг сайтар тооцоолох, өвс тэжээл нийлүүлэх, зөөвөрлөх, хуваарилах, хүртээх ажлыг эртнээс зохион байгуулах, хүмүүнлэгийн тусламж, дэмжлэгийг татан оруулах зэрэг арга хэмжээг одооноос авч хэрэгжүүлэх шаардлагатай байгаа талаар Монгол Улсын Шадар сайд Ц.Оюунбаатар танилцуулсан байна.

Өвөлжилтийн бэлтгэл хангуулсан дүнг хэлэлцээд дараах арга хэмжээг авахаар шийдвэрлэлээ

Хөдөө аж ахуйн болон төв суурин газруудын 2015-2016 оны өвөлжилтийн бэлтгэл хангуулсан дүн, Засгийн газрын тогтоолын биелэлтийн талаар Монгол Улсын Шадар сайд Ц.Оюунбаатар танилцууллаа.

Отроор өвөлжих өрхийн тоо 2,2 мянга, малын тоо 1,5 сая толгойгоор нэмэгдэж байгаатай холбогдуулан отроор яваа малчдад эрүүл мэндийн тусламж үйлчилгээний хүртээмжийг нэмэгдүүлэх арга хэмжээ авах,

Авто замын засвар, арчлалтын компаниудын гүйцэтгэсэн ажлын санхүүжилтийн үлдэгдлийг яаралтай шийдвэрлэх,

Орон нутагт дулааны үнэ нэмэгдсэн, байгууллагын халаалтыг нийтийн халаалтад шилжүүлснээс үүдэн үүссэн зардлын зөрүү, түлш, халаалтын өрийг зохицуулж, шийдвэрлэх,

Булган аймгийн төвийн дулааны халаалтын зуухны хүчин чадлыг нэмэгдүүлэхэд шаардагдах хөрөнгийн асуудлыг шийдвэрлэх,

Увс аймгийн төв, Өвөрхангайн Бүрд, Гучин-Ус, Хужирт суманд аваарийн дизель станцын техникийн найдвартай ажиллагааг хангах арга хэмжээ авах,

Улсын хэмжээнд нийт сумын 40 хувьд өвөлжилт, хаваржилтын байдал хүндрэх эрсдэлтэй байгааг тооцон гамшгаас хамгаалах төлөвлөгөөнд тодотгол хийж, бэлэн байдлыг хангах зэрэг арга хэмжээ авахыг холбогдох яам, агентлаг, аймгийн Засаг дарга нарт үүрэг болголоо.

В.Путин Туркийг Исламын улс бүлэглэлээс хууль бусаар нефть импортолдог хэмээн буруутгалаа

Улаанбаатар хотын Замын цагдаагийн газар нийт 353 дуудлага мэдээ мэдээлэл хүлээн авснаас зам тээврийн ослын 286 дуудлага бүртгэгдсэн байна.

МУ-ын Ерөнхий сайд Ч.Сайханбилэг цензургүй ярив

Булган аймгийн Баян-Агт сумын Шарга багийн “Цэгээн” нуурын мөсөн дээгүүр зорчиж явсан чиргүүлтэй “ЗиЛ-130” автомашин нуурын мөс цөмөрсөнөөс усанд унажээ.

Суллагдсан иргэдийг ажлын байртай болгосон ААН-ийг урамшуулна

Нийслэлийн Засаг дарга бөгөөд Улаанбаатар хотын Захирагч Э.Бат-Үүлийн санаачилгаар Нийслэлийн Засаг даргын Тамгын газар Азийн сантай хамтран “Иргэдийн оролцоо-Хотын маргааш” Зөвлөлдөх санал асуулга үйл ажиллагааг зохион байгуулах гэж байна. Зөвлөлдөх санал асуулга нь төрийн байгууллага аливаа төсөл хөтөлбөрийг иргэдэд танилцуулж, тэдний саналыг авч, тусган бодит ажил болгох зарчмаар үргэлжилдэг ажиллагаа юм. Санал асуулгыг хөгжингүй улсын олон хотод амжилттай явуулж, иргэд нь санал асуулгад идэвхтэй оролцож, төрийн байгууллагын шийдвэрт нөлөөлж чаддаг болсон байна. Улаанбаатар хотод энэ сарын 12, 13-ны өдөр анх удаа Зөвлөлдөх санал асуулгыг зохион байгуулах гэж байгаа бөгөөд энэ чиглэлээр мэргэшсэн Станфордын Их сургуулийн Зөвлөлдөх Ардчилал төвийн захирал Доктор. Жэймс Фишкин эдгээр өдрүүдэд Улаанбаатар хотод ажиллана.
Зөвлөлдөх санал асуулгаар дараахь төслүүдийг иргэдэд танилцуулж, санал авна.

Улаанбаатар метро
Туул усан сан цогцолбор
Туулын хурдны зам
Хөнгөн үйлдвэрийн үйлдвэрлэл, технологийн парк
Барилгын материалын үйлдвэрлэл, технологийн парк
Эко парк байгуулах
Улаанбаатар хотын зүүн талд ачаа тээврийн нэгдсэн логистикийн төв байгуулах
Сургууль, цэцэрлэгийн барилгын дулаан техникийн шинэчлэлт
Угсармал орон сууцны барилгын дулааны алдагдлыг бууруулах
“Бага тойруу”-ийн хуучин барилгыг дахин төлөвлөн, барилгажуулах
Монгол наадам цогцолбор, Экологийн коридор байгуулах
Туул, Сэлбэ голын орчныг сэргээн сайжруулах
Улаанбаатар хотыг хийн түлшээр хангах гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Нийслэлийн Засаг дарга “Газар эзэмших, ашиглах эрхийн төсөл сонгон шалгаруулалт зохион байгуулах тухай” А/876 дугаар захирамж гаргалаа. Захирамжийн дагуу нийслэлийн 2015 оны Газар зохион байгуулалтын төлөвлөгөөний хэрэгжилтийг хангах ажлын хүрээнд Сонгинохайрхан дүүргийн 7 дугаар хорооны нутаг дэвсгэрт Ханын материалын үйлдвэрийн зүүн талд сургууль, цэцэрлэг бүхий орон сууцны цогцолбор хороолол барих зориулалтаар 6 га газарт газар эзэмших, ашиглах эрхийн төсөл сонгон шалгаруулалтыг зохих журмын дагуу зохион байгуулна.
Газар эзэмших, ашиглах эрхийн төсөл сонгон шалгаруулалтыг холбогдох хууль, журмын дагуу зохион байгуулах бэлтгэл ажлыг хангаж 2015 оны 12 дугаар сарын 21-ний өдөр зохион байгуулахыг нийслэлийн Өмчийн харилцааны газарт үүрэг болгов.
Дээрх захирамжийн хэрэгжилтэд хяналт тавьж ажиллахыг нийслэлийн Засаг даргын Хот байгуулалт, хөрөнгө оруулалтын асуудал хариуцсан орлогч С.Очирбатад даалгалаа гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

“Гацуурт” ХХК-ийн ашиглалтын талбайд хууль бусаар ашигт малтмал олборлогч иргэд шороонд даруулжээ.

АСЕМ-ын зочид төлөөлөгчдөд гар урлалын бүгээгдэхүүн бэлэглэнэ

БНХАУ-ын зарим бүс нутгаар сүүлийн жилүүдийн дунджаас илүү цас орж замын халтиргаа ноцтой байдалд хүрсний улмаас зам тээврийн осол цөөнгүй гарч, монгол иргэд осолд өртөх, зам цасанд боогдсоны улмаас олон хоногоор саатах зэрэг тохиолдлууд гарч байгаа аж. Ялангуяа БНХАУ-ын хойд нутагт байрлах Эрээн хотоос Хөххот болон Бээжин хот руу зорчих хурдны замууд цасанд боогдох, халтиргаа их хэмжээгээр үүсч байгаатай холбогдуулан Хятадын холбогдох байгууллагууд аюулгүй байдлын үүднээс замуудыг хэсэгчлэн хаах зэрэг арга хэмжээ авч эхэлжээ.

Иймд БНХАУ-д зорчиж буй иргэд онц шаардлагагүй тохиолдолд хувийн тээврийн хэрэгсэл, хот хоорондын автобусаар зорчихгүй байх, зайлшгүй шаардлагатай тохиолдолд хот хоорондын албан ёсны даатгал бүхий автобусаар зорчихыг Гадаад харилцааны яамны Консулын газраас анхааруулж байна.

Жүжигчин Туяа, Оюунтуул нар T&T продакшнг үүсгэн байгууллаа