УЛААНБААТАР ХОТЫН ТОГТВОРТОЙ ХӨГЖЛИЙГ ХАНГАХ ТӨСӨЛ, ХӨТӨЛБӨРҮҮДЭД ХАМТРАН АЖИЛЛАХЫГ УРЬЖ БАЙНА
МЭДЭЭ, МЭДЭЭЛЭЛ ЦАГ ҮЕИЙН МЭДЭЭ
2016-02-03 13:08:21

“Улаанбаатар хотын Хөгжлийн Корпораци” нь Нийслэлийн өмчит хаалттай хувьцаат компани бөгөөд УИХ-аар батлагдсан “Улаанбаатар хотыг 2020 он хүртэл хөгжүүлэх Ерөнхий төлөвлөгөөний тодотгол, 2030 он хүртэлх хөгжлийн чиг хандлага”, Нийслэлийн Иргэдийн төлөөлөгчдийн хурлын 2015 оны 26/08 дугаар тогтоолоор батлагдсан “Улаанбаатар хотын Эдийн засгийн хөгжлийн стратегийн баримт бичиг”-т тусгагдсан төсөл хөтөлбөрүүдийг Төр, хувийн хэвшлийн хамтын ажиллагааны хүрээнд хэрэгжүүлэх зорилго бүхий байгууллага юм. .
Иймээс дээрх баримт бичгүүдэд тусгагдсан эдийн засгийн үр өгөөжтэй төсөл, хөтөлбөрүүдийг хэрэгжүүлэхэд оролцох хүсэлтэй хувь хүн болон хувийн хэвшлийн байгууллагуудыг хамтран ажиллахыг урьж байна.
Сонирхсон хувь хүн, хуулийн этгээд баримт бичгүүдийг www.ublegal.mn болон www.legalinfo.mn цахим хуудаснаас харж болно.
Дээрх баримт бичгүүдэд тусгагдсан төсөл, хөтөлбөрүүдийг хэрэгжүүлэх хувь хүн, хувийн хэвшлийн төсөлд дараах шалгуурыг тавина.Үүнд:
Улаанбаатар хотыг 2020 он хүртэл хөгжүүлэх Ерөнхий төлөвлөгөөний тодотгол, 2030 он хүртэлх хөгжлийн чиг хандлага”, “Улаанбаатар хотын Эдийн засгийн хөгжлийн стратегийн баримт бичиг”-т нийцсэн байх;
Төслийн санхүүжилтийн тодорхой хувийг төсөл санаачлагч хариуцах чадамжтай байх;
Техник эдийн засгийн үндэслэл (ТЭЗҮ), үр ашгийн тооцоо хийсэн байх;
Нийгэмд чиглэсэн, олон нийтэд хүртээлтэй байх
Материалыг 2016 оны 02 сарын 28 өдрийн 17:00 цаг хүртэл доорх хаягаар авна.
Хаяг: Монгол Улс, Улаанбаатар хот, Сүхбаатар дүүрэг, “Blue Sky” Tower 4 д, 409 тоот
Утас: (+976) 88093423, (+976) 89980468
имэйл: enkhbold.g@ubdc.mn; altanshagai.b@ubdc.mn;
Бид Улаанбаатар хотын тогтвортой хөгжлийг хангах төсөл, хөтөлбөрүүдийг Төр, хувийн хэвшлийн түншлэл ба хамтын ажиллагааны хүрээнд хэрэгжүүлэх гүүр болон ажиллана гэж “Улаанбаатар хотын Хөгжлийн корпорациас мэдээлээ.

ХУГАЦАА ДУУССАН, ЧАНАРЫН БАТАЛГААГҮЙ БҮТЭЭГДЭХҮҮН ХУДАЛДАН АВАХГҮЙ БАЙХЫГ АНХААРУУЛЖ БАЙНА
МЭДЭЭ, МЭДЭЭЛЭЛ ЦАГ ҮЕИЙН МЭДЭЭ
2016-02-03 11:55:20

Сар шинийн баяр дөхөж байгаатай холбогдуулан мэргэжлийн байгууллагуудаас хугацаа нь дууссан, чанарын баталгаагүй бүтээгдэхүүн худалдан авахгүй байхыг сэрэмжлүүлж байна. Бараа бүтээгдэхүүн худалдан авахдаа хадгалалтын хугацаа, сав баглаа боодлын бүрэн бүтэн байдал, хиам, өндөг, бялуу, зууш зэрэг түргэн мууддаг хүнсний бүтээгдэхүүнийг зориулалтын хөргүүрт хадгалж байгаа эсэх, шилэн савтай бүтээгдэхүүнд булингар, тунадас, хөгц үүссэн эсэх, лаазалсан бүтээгдэхүүний сав зэвэрсэн, хонхойж цохигдсон, хий дүүрч төвийсөн эсэхийг сайтар шалгахыг зөвлөж байна. Хүнсний бүтээгдэхүүний хэвийн өнгө, үнэр, төлөв байдал өөрчлөгдөж муудсан шинж тэмдэг илэрсэн бол худалдан авахгүй байх, ямар нэгэн зөрчил илэрсэн бол харьяа нутаг дэвсгэр дэх Мэргэжлийн хяналтын байгууллагад мэдэгдэхийг зөвлөж байна гэж НЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Дотоодын цэргийн тухай болон холбогдох бусад хуулийн төслүүдийг хэлэлцэхийг хойшлууллаа

Гэр хорооллын агаарын бохирдлыг эхний ээлжинд арилгах чиглэл өгөв

Мэргэжлийн хяналтын байгууллагаас хийсэн шалгалтаар 16 нэр төрлийн 219 ширхэг хүнсний бүтээгдэхүүнийг буцаан татуулжээ.

Австри улсын засгийн газар өнгөрсөн бямба гарагт эх оронд нь байгаа нэр бүхий зургаан орны цагаач иргэдийг албадан гаргах болсноо дуулгалаа. Тодруулбал Европын холбооны улсууд дүрвэгчдээр дүүрч байгаа тул эх оронд нь дайн дажингүй, амар тайван байдаг Алжир, Гана, Гамби, Гүрж, Монгол, Морокко зэрэг зургаан орны иргэдийг албадан нутаг буцаах юм байна.

Ингэхдээ 10 хоног арга хэмжээ авах бөгөөд эдгээр улсын цагаач иргэд 10 хоногийн дотор тус улсыг орхин гарваль 500 евро урамшуулал болгон өгөх юм байна. Харин заасан хугацаанд сайн дураар тус улсыг орхихгүй бол баривчилгаагаар албадан гаргах юм байна.

Билгийн тооллын XVII жарны ”Муу нүүрт” хэмээх гал бичин жилийн сар шинийн баярт зориулсан ”Бөхийн баяр” цуврал барилдааны хуваарь:

1.Өсвөр бөхийн барилдаан 2-р сарын 5-ны 14 цагт

Бүртгэл 2-р сарын 05-ны 10 цагаас эхлэх ба барилдаанд 1999 оны 01-р сарын 01 -нээс хойш төрсөн хөвгүүд оролцоно. Иргэний үнэмлэх, төрсний гэрчилгээ, ЭМД-ын дэвтэр, Хүний хөгжлийн сангийн дэвтэр, 2 хувь цээж зурагтай ирж бүртгүүлнэ. Итгэмжлэл 3000 төг, Үзэгчийн тасалбарын үнэ 1000 төг.

2.Нийтийн монгол шандастны барилдаан 2 дугаар сарын 05-ны 14 цагт

Бүртгэл 2 дугаар сарын 05-ны 10 цагаас эхлэх ба барилдаанд үндэсний бөхийн ямар нэг цолгүй, бөхийн спортоор тусгайлан хичээллэдэггүй эрчүүд оролцоно. Хоёр хувь цээж зураг, иргэний үнэмлэхтэй ирж бүртгүүлнэ. Итгэмжлэл 5000 төг, Үзэгчийн тасалбарын үнэ 1000 төг.

3.Сумын цолтон, залуу 512 бөхийн барилдаан. 2 дугаар сарын 07-ны 14 цагт

Бүртгэл 2 дугаар сарын 07-ны 10 цагаас эхлэх ба хоёр хувь цээж зурагтай, сумын цолтнууд үнэмлэхтэйгээ ирж өөрийн биеэр бүртгүүлнэ. Тасалбарын үнэ 3000 төгрөг.

4.Аймаг, цэргийн цолтой 256 бөхийн барилдаан. 2 дугаар сарын 06-ны 14 цагт

Бүртгэл 2-р сарын 05, 06-ны 10 цагаас эхлэх ба аймаг, цэргийн цолтнууд хоёр хувь цээж зурагтай, үнэмлэхтэйгээ өөрийн биеэр ирж бүртгүүлнэ. Тасалбарын үнэ 5000 төгрөг.

5.Улс, аймгийн алдар цолтой 256 бөхийн барилдаан. Бүртгэл 2 дугаар сарын 08-ны 14 цагт.

Бүртгэл 2 дугаар сарын 07, 08-ны 10 цагаас эхлэх бөгөөд цолтнууд үнэмлэхтэйгээ өөрийн биеэр ирж бүртгүүлсэн байна.

Үзэгчийн тасалбарын үнэ: 1, 2, 3-р эгнээ 25.000 төг, бусад эгнээ 20.000 төг. Тасалбар бүхэн суудлын дугаартай байна.

Бөхийн бүртгэл болон барилдаан Монгол бөхийн өргөөнд явагдана.

“Болор цом-2016” наадмын эзэн, яруу найрагч Ц.Эрдэнэбаатарын сүүлийн даваанд уншсан шүлгийг хүргэж байна.

Авлигатай тэмцэх газрын Хэвлэл, олон нийттэй харилцах ажилтан Т.Мөнхтунгалагаас сүүлийн үед гараад байгаа мэдээллийн мөрөөр тодруулав.

Сэтгүүлч Л.Мөнхбаясгалангийн бэлтгэн хүргэдэг “Цензургүй яриа” нэвтрүүлгийн 12 дугаар сарын 25-ны дугаарт УИХ-ын гишүүн Г.Уянгыг урьж оролцуулсан.

Сургуулиудын лабораторид хугацаа дууссан химийн бодис их байжээ

Нийслэлийн Мэргэжлийн хяналтын газраас 2014 онд хугацаа нь дууссан, нэр хаяг тодор- хойгүй, ашиглах боломжгүй химийн бодисын тооллого, судалгаа явуулжээ. Нийслэлийн есөн дүүргийн ерөнхий боловсролын сургуулиудыг хамруулсан эл судалгаагаар 50 гаруй сургуулийн химийн лабораторид хугацаа нь дууссан, нэр хаяг тодорхойгүй, ашиглах боломжгүй 120 гаруй нэр төрлийн 300 гаруй кг химийн бодис хадгалагдаж байгааг тогтоосон байна. Үүнээс гадна найман дүүргийн 41 сургуулийн химийн лабораторид нэр хаяг нь тодорхой бус 400 нэр төрлийн 332 кг бодис, 500 орчим төрлийн 251 кг химийн болон ашиглах боломжгүй бодис байсан нь тодорхой болов. Дээрх химийн бо- дисыг Сонгинохайрхан дүүрэгт байрлах Аврах тусгай ангийн хашаан дахь зориулалтын агуу- лахад аваачиж ангилан ялгаж, хадгалсан аж. Ингэснээр 50 гаруй мянган сурагч, 3000 гаруй багш, ажилчдыг химийн бодист хордох эрсдэ- лээс хамгаалсан тухай тус газраас мэдээлэв. Уг судалгааг ө

Улсын заан Ц.Баярсайханд холбогдох хэргийг анхан шатны шүүх рүү буцаажээ
Төв аймгийн Баян- Өнжүүл сумын иргэн, Улсын заан Ц.Баярсайханд холбогдох шүүх хурал өнгөрсөн нэгдүгээр сарын 4-нд Баянзүрх, Чингэлтэй, Сүхбаатар дүүргийн анхан шатны шүүхэд болж түүнд чанга дэглэмтэй хорих ангид 11 жил хоригдох шийдвэрийг шүүх бүрэлдэхүүн гаргасан билээ.

Ц.Баярсайханд Эрүүгийн хуулийн 148.4-өөр хэрэг үүсгэн шалгасан бөгөөд бусдын эд хөрөнгийг хууран мэхлэх замаар залилсан хэмээн ийнхүү буруутгаж, хоёр сая төгрөгийг хураан авах шийдвэрийг гаргасан билээ. Харин шүүхийн шийдвэрийг эсэргүүцсэн тэрбээр өмгөөлөгчийн хамт өчигдөр давж заалдсан юм. Давж заалдах шатны шүүх хуралдаанаар хэргийг анхан шатны шүүх рүү буцаажээ. Анхан шатны шүүхээр хэргийг дахин хэлэлцүүлэх шаардлагатай гэж үзэн хавтаст хэргийг буцаасан байна.

16 НЭР ТӨРЛИЙН ХҮНСНИЙ БҮТЭЭГДЭХҮҮНИЙГ БУЦААН ТАТАВ

Cap шинийн баяр дөхөж байгаатай холбогдуулан Мэргэжлийн хяналтын байгууллагаас улсын хэмжээнд урьдчилан сэргийлэх хяналт шалгалт хийж эхэллээ.
Одоогоор хүнсний чиглэлийн үйл ажиллагаа эрхлэгч 300 аж ахуйн нэгж, байгууллага, 1244 иргэнийг шалган 1194 зөрчил илрүүлж, 67 хувийг газар дээр нь арилгуулан, албан шаардлага, дүгнэлт, акт өгөөд байна.

15 кг-аар савласан, шошгын зөрчилтэй бууз, 50 грамаар савласан “Марио” цецгийтэй тараг, “Нийслэл” нэрийн хэвийн боов, “Амин дэмийн бэлдмэл”, Өвөрхөнгай аймгийн Маргад цехийн үйлдвэрлэсзн дөрвөн нэр төрлийн бүтээгдэхүүн зэрэг 16 нэр төрлийн 219 ширхэг хунсний бүтээгдэхүүнийг буцаан татуулжээ. Мөн БНХАУ-аас импортлосон “Yogurt fruit taste” нэрийн 450 граммаар савласан цэлцэгнүүрээс мөөгөнцөр илэрсэн тул худалдахыг зогсоосон байна.
Урьдчилан сэргийлэх шалгалтын явцад 400 гаруй хүнийгхамруулсан сургалтзохион байгуулж, хүнсний чиглэлийн үйл ажиллагаа эрхлэгч 570 хүнд мэргэжил, арга зүйн зөвлөгее егөв.

Үүнд:
• Хүнсний бүтээгдэхүүний хадгалалтын хугацааг шалгах Хүнсний бүтээгдэхүүний сав баглаа боодлын бүрэн бүтэн эсэх Хиам, өндөг, бялуу, зууш зэрэг түргэн мууддаг хүнсний бүтээгдэхүүнийг зориулалтын хөргүүрт хадгалан худалдаалж байгаа эсэх
• Өндөгний хальс нимгэрч өнгө нь өөрчлөгдөөгүй, хагарч цуураагүй, гадна тал нь бохирдсон эсэх
• Шилэн савтай бүтээгдэхүүнд булингар, тунадас, хөгц үүссэн эсэх Лаазалсан бүтээгдэхүүний сав зэвэрсэн, хонхойж цохигдсон, хий дүүрч төвийсөн, дарахад хонхолзож байгаа эсэх

Хүнсний бүтээгдэхүүний хэвийн өнгө, үнэр, төлөв байдал өерчлөгдөж муудсан шинж тэмдэг илэрсэн бол худалдан авахгүй байх, ямар нэгэн зөрчил илэрсэн бол харьяа нутаг дэвсгэр дэх Мэргэжлийн хяналтын байгууллагад мэдэгдэж байхыг Мэргэжлийн хяналтын ерөнхий газрын “Зөвлөгөө, мэдээллийн төв” зөвлөж байна.

Найрсаг Улаанбаатар хөтөлбөрийн хзрээнд нийслэлийн Засаг даргын Тамгын газар, нийслэлийн Аялал жуулчлалын газартай хамтран өвлийн болон тусгай сонирхлын аялал жуулчлалыг хөгжүүлэх, жуулчны улирлын хугацааг уртасгах зорилгоор “Улаанбаатарын өвлийн наадам”-ыг гурав дахь жилдээ зохион байгуулах гэж байна. Өвлийн олон төрлийн спорт тоглоом, уламжлалт наадгайгаар тоглон, амралтын өдрийг гэр бүлийнхэнтэйгээ өнгөрүүлэх боломжийг олгодог “Улаанбаатар өвлийн наадам” энэ сарын 6-ны бямба гарагт 12-16.30 цагийн хооронд Үндэсний цэцэрлэгт хүрээлэнд болно.
Наадмын үеэр уран гулгалтын болон тэшүүрийн үзүүлэх тоглолт, мөсөн шагайн харваа, мөсөн сурын харвааны мэргэжлийн болон сонирхогчдын тэмцээн, нохойтой чарга, өвлийн дугуйн аялал болох юм. Спорт тоглоомуудаас гадна халуун ундаа, зуушаар үйлчлэх тул гэр бүл, найзууд, хамт олноороо хүрэлцэн ирэхийг урьж байна гэж НЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Монгол Улсын Үндсэн хуулийн цэц өчигдөр Улсын Их Хуралд хандаж Улсын Их Хурлын үйл ажиллагааг Үндсэн хуульд бүрнээ нийцүүлэх талаар албан бичиг илгээлээ.





Уг албан бичигт “Монгол Улсын Их Хурлын Тамгын газрын Ерөнхий нарийн бичгийн дарга Б.Болдбаатар Улсын дээд шүүхийн Ерөнхий шүүгчид Үндсэн хуулийн цэцийн дарга Ж.Амарсанаагийн Улсын Их Хуралд ирүүлсэн албан бичиг хууль зөрчсөн байх тул Цэцийн гишүүнийг эгүүлэн татах саналтай байна, энэ талаарх саналаа ирүүлнэ үү гэсэн агуулгатай бичиг явуулжээ. Улсын дээд шүүхийн Ерөнхий шүүгч Ц.Зориг Улсын Их Хуралд илгээсэн хариу албан бичигтээ “Уг асуудлаар ... Улсын дээд шүүхээс тусгайлан гаргах саналгүй байна” гэсэн байна.



Монгол Улсын Үндсэн хуулийн цэцийн дарга хууль зөрчсөн нь тогтоогдоогүй, Улсын дээд шүүх санал ирүүлээгүй, Үндсэн хуулийн цэцийн шийдвэр гараагүй байхад энэ долоо хоногийн Улсын Их Хурлын Чуулганы нэгдсэн хуралдаанаар хэлэлцэх асуудлын жагсаалтын эхэнд Үндсэн хуулийн цэцийн гишүүнийг Улсын дээд шүүхийн саналаар эгүүлэн татах асуудлыг оруулсан байна. Өөрөөр хэлбэл, Улсын дээд шүүх Цэцийн гишүүнийг эгүүлэн татах асуудлаар санал гаргаагүй байхад тухайн асуудлыг хэлэлцэхээр тусгажээ.



Үндсэн хуулийн цэцийн гишүүнийг хугацаанаас нь өмнө эгүүлэн татах шийдвэр гаргахдаа Монгол Улсын Үндсэн хуулийн Жаран тавдугаар зүйлийн 4 дэх хэсэгт “Үндсэн хуулийн цэцийн дарга, гишүүн хууль зөрчвөл Үндсэн хуулийн цэцийн шийдвэр, анх илгээсэн байгууллагын саналыг үндэслэн Улсын Их Хурал эгүүлэн татаж болно” гэж заасны дагуу нэгдүгээрт, Цэцийн гишүүн хууль зөрчсөн нь тогтоогдсон байх; хоёрдугаарт, Цэцийн шийдвэр гарсан байх; гуравдугаарт, анх илгээсэн байгууллагын санал байх гэсэн гурван нөхцөл хангагдах ёстой билээ. Эдгээрийн аль нь ч бүрдээгүй байна.



Иймээс Улсын Их Хурал өөрийн үйл ажиллагаагаа Монгол Улсын Үндсэн хуульд нийцүүлэн явуулахыг Үндсэн хуулийн цэц анхааруулж байна.” гэж Үндсэн хуулийн цэцийн нийт гишүүдийн гарын үсэг бүхий албан бичигт тэмдэглэсэн байна.

Монголын ард түмэн үндэсний эрх чөлөө, тусгаар тогтнолоо сэргээн мандуулсны 104 жилийн ойд зориулсан Ерөнхийлөгчийн нэрэмжит цомын төлөөх чансаа өндөр, шигшмэл 128 бөхийн барилдаан өнгөрсөн 2015 оны арванхоёрдугаар сарын 29-нд болсон билээ.

УИХ-ын чуулганаар Үндсэн хуулийн цэцийн дарга, гавьяат хуульч Ж.Амарсанааг огцруулахаар асуудлыг хэлэлцэх шатанд МАН бүлэг завсарлага аваад байгаа.
Үндсэн хууль зөрчсөн, авлига авсан хэмээн цэцийн даргыг суудлаас нь чөлөөлж оронд Р.Гончигдоржийг томилно гэсэн яриа нэг хэсэг гарсан ч МАН-ын зүгээс Цэцийн даргыг огцруулах үндэслэлгүй гэж үзсэн байгаа юм.
Гэтэл АН-ын эрх баригчид Ж.Амарсанаа даргыг ажлаа мэддэггүй, Үндсэн хуулийн хэд хэдэн зүйл заалтыг ноцтой зөрчсөн хэмээн тайлбарлажээ. Ийнхүү УИХ болон Үндсэн хуулийн цэцийн дунд үл ойлголцол, маргаан болон албан тушаалын суудлын төлөөх өрнөл, тэмцэл эхэлсэн гэж ойлгож болно. Тэгвэл өнөөдөр Сонгуулийн ерөнхий хорооны дугуй зааланд 10:00 цагаас Монголын хуульчид цугларч Цэц, УИХ хоёрын хооронд үүсээд байгаа асуудлаар нээлттэй хэлэлцүүлэг хийхээр болжээ.

С.Магнайсүрэнд шахалт үзүүлж өргөдлийг нь өөрөөр нь өгүүлсэн байж магадгүй

Засгийн газрын ээлжит хурал- даанаар Барилга, хот байгуулал- тын яамны Төрийн нарийн бичгийн даргын түр орлон гүйцэтгэгчээр Төрийн захиргаа, удирдлагын газрын дарга М.Болортуяаг томилжээ.

Учир нь, Төрийн нарийн бичгийн дарга С.Магнайсүрэн эрүүл мэн- дийн шалтгааны упмаас зургадугаар сарын 1-нийг хүртэл чөлөө авах хүсэлт ирүүлсэн бололтой. С.Магнайсүрэн нь төрийн жинхэнэ албан хаагч, МАН Засгийн газарт хамтарч байх үед Хөдөлмөрийн яамны Төрийн нарийн бичгийн даргаар томилогдож улмаар Засгийн газрын хуралдааны шийдюрээр . Барилга, хот байгуулалтын яам руу сэлгэн томилогдсон билээ. Харин тус яамны Төрийн нарийн бичгийн даргын уүрэг гүйцэтгэгчээр томилсон М.Болортуяа нь УИХ- ын гишүүн З.Баянсэлэнгийг Барилга, хот байгуулалтын сайд болсны дараахан Төрийн захиргаа, удирдлагын газрын даргын үүрэг гүйцэтгэгчээр ажиллаж байгаад өнгөрсөн сард жинхлэгджээ. Зарим эх сурвалжийн хэлж буйгаар С.Магнайсүрэнд шахалт үзүүлж өргөдлийг нь өөрөөр нь өгүүлсэн гэх мэдээлэл байна.

Байнгын хорооны өнөөдрийн хуралдааны хуваарь /2016.02.03/

Байнгын хорооны хуралдаан:

02 дугаар сарын 03-ны Лхагва гарагт:

1.Эдийн засгийн байнгын хорооны хуралдаан 09.00 цагаас “А” танхимд:

Хэлэлцэх асуудал:

“Монгол Улсын урт хугацааны тогтвортой хөгжлийн үзэл баримтлал /2016-2030 он/ батлах тухай” Улсын Их Хурлын тогтоолын төсөл /Улсын Их Хурлын гишүүн Б.Гарамгайбаатар, С.Бямбацогт, Н.Батцэрэг нарын 10 гишүүн 2016.01.04-ний өдөр өргөн мэдүүлсэн, анхны хэлэлцүүлэг, санал, дүгнэлтээ Төрийн байгуулалтын байнгын хороонд хүргүүлнэ/;

Аж ахуйн үйл ажиллагааны тусгай зөвшөөрлийн тухай хуульд нэмэлт оруулах тухай хуулийн төсөл /Засгийн газар 2016.01.28-ны өдөр өргөн мэдүүлсэн, хэлэлцэх эсэх/;

Барилгын тухай /шинэчилсэн найруулга/ болон холбогдох бусад хуулийн төслүүд /Засгийн газар 2016.01.29-ний өдөр өргөн мэдүүлсэн, хэлэлцэх эсэх/.

2.Хууль зүйн байнгын хорооны хуралдаан 09.00 цагаас “Б” танхимд:

Хэлэлцэх асуудал:

“Монгол Улсын урт хугацааны тогтвортой хөгжлийн үзэл баримтлал /2016-2030 он/ батлах тухай” Улсын Их Хурлын тогтоолын төсөл /Улсын Их Хурлын гишүүн Б.Гарамгайбаатар, С.Бямбацогт, Н.Батцэрэг нарын 10 гишүүн 2016.01.04-ний өдөр өргөн мэдүүлсэн, анхны хэлэлцүүлэг, санал, дүгнэлтээ Төрийн байгуулалтын байнгын хороонд хүргүүлнэ/;

Хууль тогтоомжийн тухай хуульд өөрчлөлт оруулах тухай хуулийн төсөл /Засгийн газар 2016.01.27-ны өдөр өргөн мэдүүлсэн,нэн яаралтай хэлэлцэх дэгээр, анхны хэлэлцүүлэг/;

Монгол Улсын Ерөнхийлөгчийн хоригийг хүлээн авсантай холбогдуулан Улсын Их Хурлын 2015 оны 11 дүгээр сарын 19-ний өдрийн 94 дүгээр тогтоолд өөрчлөлт оруулах тухай асуудал;

Эрүүгийн байцаан шийтгэх тухай хуульд өөрчлөлт оруулах, Иргэний хэрэг шүүхэд хянан шийдвэрлэх тухай хуулийн зарим зүйл хүчингүй болсонд тооцох тухай, Захиргааны хэрэг хянан шийдвэрлэх тухай өөрчлөлт оруулах тухай хуулийн төслүүд /Улсын Их Хурлын гишүүн Х.Тэмүүжин 2016.01.27-ны өдөр өргөн мэдүүлсэн, хэлэлцэх эсэх/;

Дотоодын цэргийн тухай болон холбогдох бусад хуулийн төслүүд /Засгийн газар 2015.06.16-ны өдөр өргөн мэдүүлсэн, хэлэлцэх эсэх/;

Бусад.

3.Төрийн байгуулалтын байнгын хорооны хуралдаан 14.00 цагаас “Б” танхимд:

Хэлэлцэх асуудал:

Монгол Улсын Их Хурлын тухай хуульд өөрчлөлт оруулах тухай хуулийн төсөл /Улсын Их Хурлын гишүүн Д.Батцогт 2016.01.21-ний өдөр өргөн мэдүүлсэн, анхны хэлэлцүүлэг/;

Төрийн албаны тухай /шинэчилсэн найруулга/ болон Төрийн албаны тухай хуульд нэмэлт, өөрчлөлт оруулах тухай хуулийн төслүүд /Монгол Улсын Ерөнхийлөгч, 2015.07.01-ний өдөр өргөн мэдүүлсэн, Улсын Их Хурлын гишүүн Су.Батболд нарын 8 гишүүн 2012.10.19-ний өдөр өргөн мэдүүлсэн, анхны хэлэлцүүлэг/;

“Монгол Улсын урт хугацааны тогтвортой хөгжлийн үзэл баримтлал /2016-2030 он/ батлах тухай” Улсын Их Хурлын тогтоолын төсөл /Улсын Их Хурлын гишүүн Б.Гарамгайбаатар, С.Бямбацогт, Н.Батцэрэг нарын 10 гишүүн 2016.01.04-ний өдөр өргөн мэдүүлсэн, анхны хэлэлцүүлэг/;

Ард нийтийн санал асуулгын тухай /шинэчилсэн найруулга/ хуулийн төсөл /Улсын Их Хурлын гишүүн Н.Батбаяр 2016.01.14-ний өдөр өргөн мэдүүлсэн, анхны хэлэлцүүлэг/;

Монгол Улсын Их Хурлын чуулганы хуралдааны дэгийн тухай хуульд нэмэлт оруулах тухай хуулийн төсөл /Улсын Их Хурлын гишүүн Н.Батбаяр 2016.01.21-ний өдөр өргөн мэдүүлсэн, хэлэлцэх эсэх/;

Бусад.

Дорноговь аймгийн Замын-Үүд дэх Сум дундын прокурорын газраас нийгмийн хөгжлийн чиг хандлагыг даган тээврийн хэрэгсэл болон эзэмшигчийн тоо олширч, тээврийн хэрэгсэл жолоодох эрхтэй болон эрхгүй этгээдүүд автомашин жолоодож замын хөдөлгөөнд оролцох явдал түгээмэл болсонтой холбогдуулж Тээврийн хэрэгслийн хөдөлгөөний аюулгүй байдал, ашиглалтын журам зөрчих гэмт хэргийн талаархи сургалтыг Замын-Үүд дэх Төмөр замын өртөөн дээр 2016 оны 01 дүгээр сарын 29-ны өдөр зохион явуулсан байна.

Сургалтыг тус прокурорын газрын хяналтын прокурор Н.Амаржаргал явуулж нийт 35 албан хаагч, ажилчид хамрагджээ.