Улаанбаатар хотын Ерөнхий менежерийн тушаалаар золбин нохой муур устгалын ажлыг эрчимжүүлэх нохой устгалын 12 бригадыг хороодод 2-4 өдөр ажиллуулж байна. Мөн нохой муур тооллогын ажлыг хоёр үе шаттай зохион байгуулах ажил хийж байгаа юм. Сонгинохайрхан дүүрэг 11 дүгээр сарын 24-27-ны өдрүүдэд 5366, Баянзүрх дүүрэг 11 дүгээр сарын 28, 29-ний өдрүүдэд 2481 золбин нохой, муур устгасан. Нэг сард устгадаг байсан 7847 нохой муурыг эхний 6 өдрийн байдлаар устгаад байна. Уг ажил 2015 оны 12 дугаар сарын 15-ны өдөр хүртэл үргэлжилнэ гэж Улаанбаатар хотын Захирагчийн ажлын албанаас мэдээллээ.

Туркийн сөнөөсөн ОХУ-ын онгоцны нисгэгчийн цогцсыг эх нутаг руу нь илгээхээр боллоо

Л.Энх-Амгалан нарын гишүүд ашиг сонирхлын зөрчилтэй юу

лноо “Хас”-ын хэмээн нэрлэгдсэн “Ард Санхүүгийн Нэгдэл”-ийн Гүйцэтгэх захирал Ч.Ганхуяг тус үйлдвэрийн барилгыг иргэдтэй хамтраад авах санал гаргасан.

24 тэрбумаар хэвлэх үйлдвэрийг авсан Абдул Карим гэж хэн бэ?
Нийслэлийн Иргэдийн Төлөөлөгчдийн Хурлын тогтоолоор “Улаанбаатар таймс” сонины Хэвлэх үйлдвэрийн барилгыг нээлттэй дуудлагын худалдаагаар хувьчлахаар шийдвэрлэсэн.
Тэгвэл хэвлэх үйлдвэрийн барилгыг 24 тэрбум төгрөгөөр Монгол Улсын иргэн Абдул Карим худалдаж авав.

Ийн Төрийн ордны зүүн талд байрлах “Улаанбаатар таймс” сонины Хэвлэх үйлдвэрийн барилгыг хувьчлах асуудал удаан хугацаанд маргаан дагуулсан ч өнөөдөр дуудлага худалдаанд 24 тэрбум төгрөгөөр зарагдлаа.

Өнгөрсөн жилүүдэд уг үйлдвэрийн асуудал нилээд хурцаар тавигдаж байсан төдийгүй улсын хөрөнгийг хувьдаа завшсан хэргээр одоогийн МАХН-ын дарга Н.Энхбаярт ял хүртэл оноож байсан билээ.
Тэгвэл 24 тэрбумаар балгас болсон шахуу барилгыг худалдаж авсан Абдул Карим гэх иргэн олны анхаарлыг ихэд татлаа.
Абдул Карим гэж хэн бэ?
Түүний хувьд Араб гаралтай, монгол эхнэртэй нэгэн гэнэ. Өдгөө 60 орчим настай тэрбээр Монголд ирээд 30 гаруй жил болж байгаа төдийгүй ирэхдээ маш их хэмжээний хөрөнгөтэй ирсэн гэх мэдээлэл байна.
Харин манай улсын хуулинд гадны иргэн Монголд дор хаяж 2 үеэрээ амьдарч байж Монголын иргэншилтэй болох ёстой гэж заасан байдаг ч Абдул Каримын хувьд 2012 онд монгол иргэншилтэй болжээ.
Тэрбээр хэвлэх үйлдвэрийг ямар зориулалттай ашиглах хийгээд ажил төрлийнхаа талаар ч мэдээлэл өгөөгүй юм.
Харин бидэнд ирсэн мэдээллээр “Хумбаа” ХХК Абдул Каримыг иргэний хэргийн шүүхэд өнгөрсөн онд дуудаж байсан ч хэрэг хэрэгсэхгүй болж байжээ.

Хэвлэх үйлдвэрийн барилгыг 24 тэрбум төгрөгөөр Монгол Улсын иргэн Абдул Карим худалдаж авав.

Долоон сартай хүү галд өртөж нас барсан хэрэг өнгөрөгч ням гаригт Багануур дүүрэгт гарчээ.



Тус дүүргийн тавдугаар хорооны ”Нарийны гудамж”-нд А монгол гэр шатаж, галд долоон сартай хүү өртөж нас барсан хэргийг Багануур дүүргийн цагдаагийн хэлтэст шалгаж байна.



Түймрийн дуудлага ирсэн даруй дүүргийн Онцгой байдлын хэлтсийн 64 дүгээр ангийн алба хаагчид очиж галыг унтраасан ч хүүг аврахад оройтсон байжээ.

ЦЕГ-ын харьяа Түр хамгаалах байраар 580 орчим иргэн үйлчлүүлжээ.

Коби зодог тайлна

Бусдын биеийг үнэлүүлж байсан хэргийг илрүүлж, цагдаагийн байгууллагад шалгаж эхэлжээ. Хан-Уул дүүргийн хоёрдугаар хороонд байрлах “......” рестораны доод давхрын сайн массажны газар Баянзүрх дүүргийн 22 дугаар хороонд оршин суух хаягтай 32 настай эмэгтэй Э нь бусдын биеийг үнэлүүлж байсан байна.Тус саун массажны газар Хан-Уул дүүргийн дөрөвдүгээр хороонд амьдрах хаягтай 26 настай эмэгтэй А, Сонгинохайрхан дүүргийн 12 дугаар хорооны иргэн 21 настай, эмэгтэй Ц, Баянзүрх дүүргийн 23 дугаар хороонд амьдардаг 23 настай, эмэгтэй Ц, мөн дүүргийн 21 дүгээр хорооны иргэн 19 настай, эмэгтэй О нар биеэ үнэлж байсныг илрүүлжээ. Уг хэргийг Хан-Уул дүүрэг дэх цагдаагийн нэгдүгээр хэлтэст шалгаж байна.

Мөн өнгөрөгч бямба гаригт Баянгол дүүргийн 16 дугаар хорооны “.....” саун массажны газар бие үнэлэгч нар байна” гэсэн дуудлага цагдаагийн байгууллагад иржээ. Дуудлагын дагуу шалгахад Сонгинохайрхан дүүргийн зургаадугаар хороонд оршин суух 28 настай, эрэгтэй А бусдын биеийг үнэлүүлж байсныг илрүүлсэн гэж цагдаагийн байгууллагаас мэдээллэв. Иргэн А нь Баянзүрх дүүргийн иргэн 23 настай, эмэгтэй А, Сонгинохайрхан дүүргийн зургаадугаар хороонд оршин суух 28 настай, эмэгтэй Б нарыг орон байраар хангаж, биеийг нь үнэлүүлж байсан хэргийг Баянгол дүүргийн цагдаагийн нэгдүгээр хэлтэст шалгаж байна.

“Нүүрс” хөтөлбөр хэрхэн хэрэгжсэн, хэрхэн үр дүнтэй ажил байсан, энэ хэргийг шүүсэн шүүх, шүүхийн байгууллагын шинэчлэлийн асуудлаар Л.Гансүхийн өмгөөлөгч Ц.Цэрэнжээгийн хэлсэн онцлох 24 ишлэлийг хүргэж байна.

Хүмүүсийн гайхшралыг төрүүлсэн ой

ХБНГУ-ын “VITRONIC” Групп Компанийн үйлдвэрийн хурдны зөрчил илрүүлэх зөөврийн төхөөрөмж авчран туршилт хийж, нэвтрүүлэхэд бэлэн болжээ. Замын хөдөлгөөний хяналтын VITRONIC-ийн системүүд нь лазер сканерийн хэмжилтийн техник дээр тулгуурладаг хурд хэмжих техникийн шинэ үеийн төхөөрөмж юм. Тус систем нь олон эгнээгээр яваа олон машины хурдыг нэг дор хэмжинэ.

Зам барилгын ажлын үед, тойруу, түннел болон үзэгдэх орчин хязгаарлагдмал нөхцөлд ч хурдны хэмжилт хийнэ. Хурдны зөрчил бүртгэгч зөөврийн төхөөрөмжийг хяналтгүй байсан авто замууд болох Нисэхийн, Зуслангийн, Баянхошуу Хөтөл зэрэг хурд ихээр хэтрүүлдэг аюултай байршилуудад аюулгүй байдлыг хангуулахаар байрлуулжээ. Иймд жолооч нарыг Монгол улсын Замын хөдөлгөөний аюулгүй байдлын хууль, Замын хөдөлгөөний дүрэмд заагдсан хотын дотор явах хөдөлгөөний хурдаа баримтлахыг замын хөдөлгөөний удирдлагын төвөөс мэдээлж байна.

МЗЭ-ийн гишүүн яруу найрагч П.Анхтуяагийн 3 дах уран бүтээл болох ”Дурлал яг дарс шиг... ” хайрын шүлгийн ном хэвлэгдэн гарлаа. 2007 онд анхны ”Хундаганд бүжих дарс”, 2013 онд ээждээ зориулан ”Цагаан сүүний ундарга” яруу найргийн хайрын номуудаа яруу найрагт дуртай уншигч олныхоо хүртээл болгож байсэн тэрээр хайрын шинэхэн шүлгүүдээ ийнхүү ном болгон бүтээсэн байна. Өөрийн өвөрмөц өнгө төрхийг шүлгээрээ, номын эх бэлтгэл зургаар шийдэхийг эрмэлзсэн тус бүтээл амьдралын сайхан өнгө, хөг аялгуу бүхнийг танд бэлэглэнэ гэдэгт итгэлтэй байна.

2015 оны 11 дүгээр сарын 23-ны өдөр Баянгол дүүргийн прокурорын газрын туслах ажилтнууд тус дүүрэг дэх цагдаагийн 1, 2 дугаар хэлтсийн албан хаагчидтай хамтран өөрсдийн санаачлагаар “Тээврийн дээд сургууль” болон “Монголын Үндэсний Их сургууль”-ийн 2 дугаар курсийн оюутнуудад Эрүүгийн хуулийн тусгай ангийн 181 дүгээр зүйлд заасан Танхайрах гэмт хэргийн талаар, мөн энэ төрлийн гэмт хэргээс урьдчилан сэргийлэх сургалт зохион байгуулсан байна.

Өмнөговь аймгийн Ханбогд суман дахь сум дундын нэгдүгээр прокурорын газрын шинэ конторын барилгыг ашиглалтанд хүлээн авах ажиллагаа 2015 оны 11 дүгээр сарын 27-ны өдөр боллоо. Ханбогд суман дахь сум дундын нэгдүгээр прокурорын газар нь Өмнөговь аймгийн Цогтцэций, Цагаан-Овоо, Манлай, Ханбогд суманд гарсан гэмт хэрэг, зөрчлийн хэрэг бүртгэлт, мөрдөн байцаалтын ажиллагаанд нутаг дэвсгэрийн зарчмаар хяналт тавьж, тус суман дахь Сум дундын шүүхээр хэрэг хянан хэлэлцэж шийдвэрлэх ажиллагаанд оролцож ажиллах үүрэгтэй юм.

Тус барилга нь нийт 432 м2 талбай бүхий, хоёр давхар прокурор, ажилтнуудын ажиллах нөхцөл боломж, тав тухыг бүрэн хангасан өрөө тасалгаатай, мөн 2 айлын орон сууцтай баригдсан бөгөөд гүйцэтгэлийн ажлыг Ц.Амарсайхан захиралтай “Билэгт багана“ ХХК чанарын сайн үнэлгээтэйгээр, 3 сарын хугацаанд барьж, улсын комисст хүлээлгэж өгсөн байна.

Тус прокурорын газрын конторын шинэ барилгыг ашиглалтанд хүлээж авах ажиллагаанд Улсын Ерөнхий Прокурорын туслах , Тамгын Газрын дарга Ц.Арвинбуудай, УЕПГ-ын ХМОНХАлбаны дарга Т.Сүхбаатар, Өмнөговь аймгийн прокурор Доной, Ханбогд сумын ИТХ-ын дарга, Ханбогд сумын засаг дарга нар болон тус суман дахь Сум дундын шүүхийн ерөнхий шүүгч н. Баттулга, шүүгч Г.Солонго, Цогтцэций суман дахь цагдаагийн хэлтсийн дарга, цагдаагийн хурандаа Баттогтох, цагдаагийн хошууч Батбаяр нарын зэрэг хүмүүс оролцож, тус прокурорын газрын хамт олонд ажлын өндөр амжилт гаргаж ажиллахыг хүсэн ерөөлөө.

М.Зоригт сайд болсныхоо маргаашаас эхлэн А.Гансүхийн багийг эргүүлэн ажилд авах томилгоог дэс дараатайгаар хийж эхэлжээ. Тодруулбал, Зам тээврийн яамны Төрийн захиргааны удирдлага, хууль эрх зүйн газрын дарга газрын дарга П.Билгүүн, Төмөр зам, далайн тээврийн бодлогын хэрэгжилтийг зохицуулах газрын дарга Б.Артур, Галт тэрэгний хөдөлгөөн зохицуулалтын нэгдсэн төвийн дарга Т.Ариунбаатар гэх мэт нэр бүхий 10 гаруй дарга нарыг ажилд нь эргүүлэн авчээ.

Зам тээврийн сайд асан А.Гансүхээс түүний баг тус яаманд ийнхүү эргэж ирсэн нь ямар учиртай талаар асуусан сэтгүүлчийн асуултад А.Гансүх хариулахдаа, “Жинхэнэ төрийн мэргэшсэн албан хаагчид шүү дээ. Н.Төмөрхүү сайдын үед ажлаас чөлөөлсөн байсныг М.Зоригт сайд буцааж томилсон байна лээ. Буруу биш биз дээ. Тэдгээр хүмүүс ямар ч улс төрийн намын гишүүн биш, тэгээд ч хамгийн сайн ажиллаж байсан. Тэд муу ажиллаад халагдсан биш, улс төрийн шалтгаанаар ажлаасаа халагдсан байсан. Тийм чадварлаг багтай ажиллаж байсандаа бахархдаг. М.Зоригт сайд болон энэ мэргэшсэн баг ирээд замын ажил эрчимжиж байна” хэмээн хариулжээ.

Монгол залуус төмрийн хаягдал ашиглаж гайхамшигтай бөгөөд сонирхолтой зүйл зохион бүтээжээ. Говь-Алтай аймгийн залуус хаягдал төмөр ашиглаж энэхүү бүтээлийг туурвьсан байна.

Өнөөдөр болох Нийслэлийн ИТХ-ын ээлжит 32 дугаар хуралдаанаар нийслэлийн 2016 оны төсвийг хэлэлцэх юм. НИТХ-ын дэгийн дагуу нэгдсэн хуралдаанаар хэлэлцэх асуудлыг намын бүлгүүд болон НИТХ-ын хороодоор хэлэлцүүлэн санал, дүгнэлт гаргадаг.

НИТХ-ын Санхүү эдийн засгийн хороо бямба гарагт энэхүү асуудлаар хуралдсан ч тодорхой шийдэлд хүрээгүй учраас өнөөдөр 10:30 цагаас дахин хуралдахаар боллоо. Тиймээс НИТХ-ын ээлжит хуралдаан өнөөдрийн 12:30 цаг хүртэл түр хойшлогдлоо гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Ирэх долоо хоногт ихэнх нутгаар цас орно