Цагдаагийн алба хаагчид хүний амь аварчээ. Төмөр зам дахь цагдаагийн хэлтсийн хэв журмын цагдаа, цагдаагийн ахлагч Г.Ганхүлэг, Г.Түвшинбаатар нар байнгын татаж унадаг өвчтэй, группт байдаг иргэн Б-ийн амь насыг аварсан байна.



Тэд Замын-Үүдийн чиглэлд үүрэг гүйцэтгэж байхдаа вагон депогийн хашаанд Улаанбаатараас ирсэн галт тэрэг зогсдог байршлын үнс нурам асгадаг хэсэгт хүн ухаан алдаж, унаад шатаж байхад нь амь насыг нь аварчээ. Иргэн Б их хэмжээний түлэгдэлтэй Түлэнхийн төвд хэвтэж эмчлүүлж байгаа аж. Харин амь насыг нь аварсан алба хаагч нарт иргэн Б-ийн гэр бүлийнхэн талархал ирүүлжээ.

Замын цагдаагийн газарт хүүхэд зам тээврйин осолд өртсөн зургаан дуудлага өнгөрөгч хоногт бүртгэгджээ.

Монгол Улсад гэр бүлийн болон цагаач, хувийн бусад зорилгоор оршин сууж байгаа гадаадын иргэдийг тоолж эхэлжээ.

Манай сурвалжлах багийнхан аяллын төгсгөлд Төв аймгаар зочиллоо. Төв аймаг нь Улаанбаатартай хамгийн ойр аймаг болоод ч тэр үү, дэд бүтэц нэлээд сайн хөгжсөн нь харагдаж байсан хэдий ч бусад аймгийг бодвол аймаг орон нутгийн хөгжил тийм ч сайнгүй харагдаж байсныг нуух юун.

Гэхдээ бид уламжлал ёсоороо тус аймгийн өв соёл, бренд бүтээгдэхүүн, аймгийн үйл ажиллагаатай таницлаж, ажиллах явцад Эрдэнэ сумын нутагт байрлах Ар жанчивлан рашаан өөрийн эрхгүй анхаарал татсан юм.

Тус рашаан сувилал нь 1978 онд байгуулагдаж, түүнээс хойш тасралтгүй үйл ажиллагаа явуулж байгаа бөгөөд хамгийн сүүлийн үеийн эмчилгээ, сувилгааны багаж төхөөрөмжөөр тоноглогдож, амралтын газраа зочид буудал шиг болтол нь тохижуулсан нь ихээхэн авууштай санагдаж байлаа.

Түүнчлэн ор хоногийн төлбөр нь бүх эмчилгээ, сувилгаа, хоол ундтайгаа нийлээд 27 мянган төгрөг байх агаад нэг өрөөнд хоёр л амрагч байх нөхцлийг бүрдүүлснээрээ бусад рашаан сувиллаас тун гойд санагдав.

Ар жанчивлангийн рашаан элэг цөс, нойр булчирхайн архаг үрэвсэлд тустай

Ар Жанчив¬лангийн рашаан нь гидрокарбонат-кальци-натрийн найрлагатай, сул эрдэс-жилтэй, сул хүчиллэг, нүүрс¬хүчлийн хийтэй, хүйтэн рашаан юм. Эмчил¬гээний хувьд ходоодны архаг үрэв¬сэл, 12 нугалаа гэдэсний хүндрэлгүй шархлаа, гэдэсний архаг үрэвсэл, элэг цөсний архаг өвчин, нойр булчирхайн архаг үрэвсэл, бодисын солилцооны өвчин, төмөр дутсан цус багадал¬тын үед хэрэглэдэг.

Харин тархины судасны хатуурлын гүнз¬гийрсэн хэлбэр, хүнд хэлбэрийн зүрхний шигдээсийн дараах үе, артерийн даралт ихдэлтийн өвчин ба II түүнээс дээш шат, зүрхний бахын байнгын болон хүнд хэл¬бэрийн илэрлийн үед энэ рашаан зохимж¬гүй юм байна. Байнгын ажил¬лагаатай тус рашааны газар нь нэг ээлждээ 150-300 хүн хүлээн авах хүчин чадалтай. Манай сувилал дотор ходоод, элэг, цөс, бөөр, үе мөч, тулгуур эрхтэн, булчин шөрмөсний үрэвсэл, мэдрэлийн системийн сульданги, төв болон захын мэдрэлийн судлын үрэвсэл зэрэг өвчнүүдийг үр дүнтэй эмчилж сувилж байна. Олон жилийн ажиглалт судалгаанаас үзэхэд эмчилгээний үр дүн 94-96%-ийн сайжралттай байдаг.

Эмчилгээ, сувилгаа
Зохион байгуулалтын хувьд 3 тасагт зохион байгуулагдаж, 6 кабинетад эмчилгээ сувилгаа тогтмол явуулж байна. Эмнэлгийн тасаг нь 3 их эмч, 1 бага эмч, 4 сувилагч нийт 12 ажиллагсадтайгаар үйл ажиллагаа явуулж сувилуулагчдыг эмийн бус эмчилгээгээр эмчилж ажилладаг. Биеийн тамир чийрэгжүүлэлтийн кабинет нь бялдаржуулах урлагийн техникээр тоноглогдсон, орчин үеийн аргаар аливаа өвчнийг анагааж байна. Бариа засал, физик, биеийн тамир, порцедур, парафин, усан эмчилгээ, шавар эмчилгээний кабинетууд тус тус ажилладаг.

Түүнчлэн нэг ээлжидээ 160 хүнийг хооллох хүчин чадалтай зоогийн тасаг нь 6 хүний бүрэлдэхүүнтэй ажиллаж эмчилгээний болон эрчимт хоолоор үйлчилдэг. Захиргаа санхүүгийн тасаг нь өдөр тутмын удирдлагаар хангаж хэвийн үйл ажиллагаа явуулж байна. Аж ахуйн тасаг нь 9 хүний бүрэлдэхүүнтэй сувиллын арын албаны хариуцлагатай үүргийг гүйцэтгэн ажиллаж байна.
Ингээд Ар жанчивлан рашаан сувиллын гүйцэтгэх захирал Б.Урсгалаас зарим зүйлийг тодрууллаа.

-Сувиллынхаа талаар товч мэдээлэл өгөхгүй юу?
-Улаанбаатар хотоос 60 км-т оршдог манай сувилал жилийн дөрвөн улирлын турш үйл ажиллагаагаа явуулдаг. Ерөнхийдөө сэргээн засах чиглэлээр эмчилгээ сувилгаагаа хийдэг. Өөрөөр хэлбэл, эмийн бус эмчилгээ хийдэг. 10-аад төрлийн эмчилгээ явуулдагаас ходоод цөсний архаг үрэвсэлтэй хүний уудаг рашаан байдаг. Энэ рашаан маань газрын хөрснөөс гарч ирсэн, эрт дээр үеэс судлагдаж ирсэн рашаан байгаа юм. Улмаар рашаан уухаас гадна шавар, тосон, хөдөлгөөний гэх мэт олон төрлийн эмчилгээ хийдэг. Одоогоор манай сувилал 51 мэргэжлийн түвшний ажилчинтай. Зуны улиралд 250-300 хүн хүлээж авах хүчин чадалтай. Харин өвөл 150-200 хүн хүлээж авах боломжтой. Жилдээ дунджаар 4500-5000 хүн манай сувиллаар үйлчлүүлдэг байгаа.

- Ар жанчивлан рашаан сувилалд ирж байгаа хүмүүс ихэвчлэн ямар оноштойгоор ирдэг вэ?
- Дийлэнх хувь нь хоол боловсруулах эрхтэн, элэг цөс, нойр булчирхайн зовиуртайгаар ирдэг. Рашаанаа 80-120 метрийн гүнээс хэрэглэдэг.

- Ойролцоогоор хэд хоног хэвтэн эмчлүүлбэл илүү үр дүнтэй байдаг вэ?
- Ер нь сэргээн засах эмчилгээний дундаж 7-10 хоног байдаг. Ингэж байж нэг курс эмчилгээ гэж нэрлэгддэг. Гэхдээ заавал жилдээ тэдэн удаа гэсэн тоо заасан зүйл байдаггүй.

- Ер нь рашаан, шаварынхаа нөөцийг тогтоолгосон уу?
- Рашааны нөөцийг 1990-ээд оны дундуур тогтоосон байдаг. Зөвхөн эмчилгээний журмаар ашиглавал одоо байгаа нөөц маань 400 жилдээ хүрэлцэнэ гэдгийг улсын архивт бүртгэсэн байгаа.

- Ер нь үнэ өртөгийн хувьд хөнгөлөлт урамшуулал байдаг уу?
- Манай сувилал 2013 онд магадлан итгэмжлэгдсэн. Үүгээрээ манайх өндөр настан ахмад, хөгжлийн бэрхшээлтэй иргэд 50 хувийн хөнгөлөлт эдлэх боломжийг бүрдүүлж өгч байгаа юм. Манайд хэвтэн эмчлүүлээд дараа нь халамжийн төвөөсөө нийт зардлын 50 хувийг буцаан авч болно.

- Цаашдын зорилго?
- Олон улсын стандартыг Монголд нэвтрүүлж, үйл ажиллагааныхаа цар хүрээг өргөжүүлэх зорилготойгоор ажиллаж байна.

Дашрамд хэлэхэд, сүүлийн жилүүдэд 25-35 насны залуучууд утаажилтаас болоод эрүүл мэндийн эрсдэлд маш их орж байгаа аж. Тиймээс рашаан сувилалыг зорих залуучуудын тоо нэмэгджээ.

Тус рашаан сувилалын хувьд ахмад ажилчдаа жилд нэг удаа амрааж, сувилдаг аж. Мөн тэднээсээ туршлага судалж, байнгын холбоотой ажилладаг байна. Ингээд ахмад ажилчдаас нь зарим зүйлийг тодрууллаа.
Ч.Авгаан “Би Ар Жанчивлан амралт сувилалд 1981 онд ирж ажилласан. Улмаар 2011 онд тэтгэвтээ гарсан жолооч хүн. Сүүлийн 15 жил амрагч нарыг зөөж үйлчилж байлаа. Манай Ар Жанчивлан байгалиас гардаг ундаргатай рашаантай. Хөгшин, залуу гэлтгүй ирж үйлчлүүлдэг. Миний хувьд ажлаа хийж явахдаа үйлчлүүлэгчдийн сэтгэгдлийг сонсоход “Их сайхан боллоо. Рашаан зохиж байна. Дахиж ирмээр байна” гэх зүйлийг ярьдаг” гэлээ.
Аж ахуй эрхэлсэн орлогч захирал Г.Тогоохүү “Би 1998 онд ирсэн. Улмаар 1999 оноос засвар үйлчилгээ бүх зүйлийг рашаан сувилалдаа хийж ирсэн. Манай сувилал ахмадын сувилал гэдэг тодотголтой. Тиймээс ч аймаг нийслэл, дүүргийн ахмадын хороодтой холбоотой ажилладаг. Хүнгүй байна гэсэн асуудал байхгүй. Байнгын ачаалалтай байдаг. Ахмадууд маань гурван жил дараалан ирнэ гэсэн ойлголт, зорилттой байдаг. Хоол, унд байр, эмчилгээ сайн. Ганц асуудалтай зүйл нь сувилуулагчид маань олноороо нэг өрөөнд байхыг хүсдэггүй. Ихэнх нь хоёр ортой, нэг ортой өрөөнд байрлахыг хүсдэг. Тиймээс бид өргөтгөлийн барилгаа барьж байгаа” гэв.

Хоёрдугаар ээлжийн цэрэг татлагыг энэ сарын 16-18-ны өдрүүдэд зохион байгуулахаар болжээ.

Нийслэлийн прокурорын газар АТГ, ТЕГ, ЦЕГ, Эрүүгийн цагдаагийн газар зэрэгт шалгагдаж байгаа хэргүүд дээр дагнан хяналт тавьж ажилладаг. Тухайлбал, хүн худалдаалах, барьцаалах, хулгайлах, мансууруулах болон сэтгэцэд нөлөөтэй эм бодистой холбоотой хэргүүдэд хяналт тавьж ажиллаж байгаа юм.
Мөн орон нутгийн харьяалал харгалзахгүйгээр шүүгч, прокурор, цагдаагийн албан хаагч, төрийн өмчит үйлдвэрийн газрын дарга нарт холбогдох эрүүгийн хэргүүд хийгээд хууль бус ашигт малтмал, монгол улсын иргэний гадаадад үйлдсэн хэрэг болоод гадаад иргэдийн Монголд үйлдсэн хэргүүдийг хянадаг газар. Тэгвэл Нийслэлийн прокурорын газар өнгөрсөн хугацаанд 1300 орчим эрүүгийн хэрэгт хяналт тавин ажилласан байдгаас 70 орчим хувийг нь эцэслэн шийдвэрлэжээ.
Өнөөдрийн байдлаар 120 хэрэг эцэслэн шийдвэрлэгдээгүй шалгагдаж байна. Үүний 80 орчим хувь өршөөлд хамруулахгүй хэргүүд байгаа гэдгийг албаныхан хэлж байна.

Би өөрийн УИХ-ын гишүүний бүрэн эрхийн хүрээнд хууль хяналтын байгууллагуудын эрх мэдлийн тэнцвэртэй байдлыг хангах үүднээс Эрүүгийн байцаан шийтгэх хуульд нэмэлт, өөрчлөлт оруулах тухай, Прокурорын байгууллагын тухай хуульд нэмэлт оруулах тухай хуулийн төслийг 2015.5.8-нд санаачлан 2015.6.4-нд УИХ-д өргөн барьсан.
Хуулийн төслийг УИХ дахь намын бүлгүүд дэмжиж, 2015.6.16-нд УИХ-ын Хууль зүйн байнгын хорооны хурлаар хэлэлцэгдэж дэмжигдсэн.
Харин 2015.6.17-нд Авилгатай тэмцэх газраас Үндэсний аюулгүй байдлын зөвлөлд хандан албан бичиг ирүүлж, улмаар тэр өдрөө ҮАБЗ-ийн нарийн бичгийн дарга УИХ-ын даргад хандан бичиг ирүүлснээр УИХ-ын нэгдсэн чуулганы хуралдааны хэлэлцэх асуудлын жагсаалтад явж байсан хуулийн төслийг хэлэлцэхийг зогсоосон. Хаврын ээлжит чуулганы үеэр энэ хууль бус үйлдлээ зогсоохыг УИХ-ын дарга, Ерөнхийлөгчөөс шаардсан боловч хэлэлцүүлэлгүй хаврын ээлжит чуулган болон зуны хоёр ээлжит бус чуулганы 4 сарын хугацааг өнгөрөөлөө.
Иймд 4 сарын өмнө хэлэлцэгдэж эхэлсэн Эрүүгийн байцаан шийтгэх хуульд нэмэлт, өөрчлөлт оруулах тухай, Прокурорын байгууллагын тухай хуульд нэмэлт оруулах тухай хуулийн төслийг үргэлжлүүлэн энэ чуулганаар яаралтай хэлэлцүүлнэ үү гэж УИХ-ын даргад шаардлага хүргүүллээ.

Мэргэжлийн хяналтын ерөнхий газрын “Зөвлөгөө, мэдээллийн төв”-өөр өнгөрсөн 14 хоногт 549 иргэн үйлчлүүлжээ. Мөн хугацаанд 502 албан бичиг хүлээн авсны 293 буюу 58,4 хувь хариутай, 209 буюу 41,6 хувь нь хариугүй бичиг байлаа.

Иргэд, аж ахуйн нэгжээс 38 өргөдөл, гомдол хүлээн авч 17-г нь шийдвэрлэн, бусдыг нь хяналтад аваад байна. Мөн МХЕГ-ын 1800-1286 дугаарын утсанд 78 дуудлага ирснээс 16 гомдлыг холбогдох газруудаар нь шийдвэрлүүлж, 62 иргэнд зөвлөгөө, мэдээлэл өгчээ. Засгийн газрын 11-11 төвөөс зургаан гомдол хүлээн авсны хоёрыг нь шийдвэрлээд байна.

Мэргэжлийн хяналтын ерөнхий газрын дарга Ш.Раднаасэд 2015.03.17-ны өдөр тушаал гарган “Сургалт, мэдээлэл, үйлчилгээний төв”-ийг өргөтгөн “Зөвлөгөө, мэдээллийн төв” болгож, ажиллах журмыг нь баталсан.

Энэ төв Мэргэжлийн хяналтын байгууллагаас иргэд, аж ахуйн нэгжид үзүүлж байгаа ажил, үйлчилгээтэй холбоотой бүх мэдээллийг нэг цэгт төвлөрүүлэн, албан бичиг, өргөдөл, гомдол хүлээн авч хариу өгдөг. Мөн мэдээлэл хүлээн авах, зөвлөгөө, мэдээлэл өгөх 1800-1286 дугаарын нээлттэй утас, цахим мэдээллийн “Touch screen” компьютер ажиллуулж байна. Ингэснээр Мэргэжлийн хяналтын байгууллагын ажил иргэд, аж ахуйн нэгжид улам ойртож ил тод болсны зэрэгцээ шуурхай, чирэгдэлгүй үйлчлэх боломж бүрдсэн юм.
- See more at: http://zasag.mn/m/inspection/view/11147#sthash.Y1W2lnWu.dpuf

Пауэрлифтингийн ДАШТ, ААШТ-д манай тамирчид амжилттай оролцоод эх орондоо иржээ.

Хөрөнгө оруулалтын тухай хуулийн дагуу Монгол Улсын Засгийн газар болон “Монголын алт” ХХК, “Эрдэнэс цагаан суварга” ХХК-ийн хооронд хөрөнгө оруулалтын гэрээ байгууллаа. Тус гэрээнд Уул уурхайн сайд Р.Жигжид, “Эрдэнэс цагаан суварга” ХХК-ийн гүйцэтгэх захирал Г.Цогт, “Монголын алт” ХХК-ийн ерөнхийлөгч Б.Нямтайшир нар 2015 оны 10 дугаар сарын 13-ны энэ өдөр гарын үсэг зурлаа.

Тус гэрээ нь 2013 оны сүүлээс хэрэгжиж буй Хөрөнгө оруулалтын тухай хуулийн хүрээнд байгуулагдаж буй анхны гэрээ бөгөөд Засгийн газраас хөрөнгө оруулалтыг дэмжиж байгаа чухал хэлбэр юм гэж Уул уурхайн сайд Р.Жигжид онцоллоо.

Цагаан суваргын үйлдвэр дээд хүчин чадлаараа ажиллахад жилд 14.6 сая тонн хүдэр боловсруулж, 310 000 тонн зэсийн, 4 000 молибдений баяжмал үйлдвэрлэнэ. Цагаан суваргын уурхайн одоогийн батлагдсан нөөцийг ил уурхай хэлбэрээр 18 жилийн хугацаанд 3 үе шаттайгаар ашиглана. Төсөлд нийт 1.031 тэрбум ам.долларын хөрөнгө оруулалт шаардлагатайгаас 344.4 сая ам.долларын хөрөнгө оруулалт хийгдсэн. Үлдэгдэл 686.6 сая ам.долларыг ХБНГУ-ын болон Олон улсын банк, санхүүгийн байгууллагаас санхүүжүүлэхээр ажиллаж байгаа ажээ.

Төсөл хэрэгжсэнээр улсын төсөвт татвар, хураамж хэлбэрээр 3.3 их наяд төгрөг буюу жилд дунджаар 185 тэрбум төгрөгийг төвлөрүүлнэ. 1000 гаруй монгол иргэн ажлын байртай болно.

Дорноговь аймгийн Мандах сумын төвийн захиргааны байр, эмнэлэг, сургууль, дотуур байр, цэцэрлэг, соёлын төвийг Хөрөнгө оруулагч өөрийн хөрөнгөөр барих ба бүс нутгийн байгаль орчны болон нийгмийн асуудлыг шийдвэрлэх, орон нутгийн байгууллага, иргэдтэй хэрхэн харилцах, хамтран ажиллах зохицуулалтыг гэрээнд тусгаж өгсөн байна. Мөн мега төслийн бүтээн байгуулалтын болон үйлдвэрлэлтийн шатанд шаардлагатай туслан гүйцэтгэгч, ханган нийлүүлэгчдээр дотоодын ААН-ийг тэргүүн ээлжинд сонгон хамтран ажиллахаар гэрээнд тусгагджээ.

Энэ өдөр байгуулагдсан хоёр дахь гэрээ нь “Хөх цавын цемент-шохойн үйлдвэр” төслийн хөрөнгө оруулалтын гэрээ байлаа. Тус гэрээнд Аж үйлдвэрийн сайд Д.Эрдэнэбат, “МАК Цемент” ХХК-ийн захирал Б.Баттулга, “Монголын алт” ХХК-ийн ерөнхийлөгч Б.Нямтайшир нар гарын үсэг зурлаа.

Тус төслийн хөрөнгө оруулагч нь Дорноговь аймгийн Даланжаргалан сумын нутагт орших Хөх цавын шохойн чулууны ордыг түшиглэн цемент, шохой болон клинкер үйлдвэрлэх хуурай аргын дэвшилтэт технологи бүхий үйлдвэр байгуулах төслийг 2012 оноос хэрэгжүүлж эхэлсэн. Цаашид төслийг “Монголын алт” ХХК-ийн 100%-ийн охин компани болох “МАК Цемент” ХХК хэрэгжүүлнэ.

Төсөл хэрэгжсэнээр улсын төсөвт татвар, хураамж хэлбэрээр 961.9 сая ам.доллар буюу жилд дунджаар 32.1 сая ам.долларыг төвлөрүүлэх бөгөөд 480 монгол иргэдийг ажлын байраар хангах юм. Түүнчлэн, Дорноговь аймгийн Даланжаргалан суманд 120 хүүхдийн цэцэрлэгийг хөрөнгө оруулагч өөрийн хөрөнгөөр барих ба бүс нутгийн байгаль орчны болон нийгмийн асуудлыг шийдвэрлэх, орон нутгийн байгууллага, иргэдтэй хэрхэн харилцах, хамтран ажиллах зохицуулалтыг гэрээнд тусгаж өгсөн байна. Мөн төслийн бүтээн байгуулалтын болон үйлдвэрлэлтийн шатанд шаардлагатай туслан гүйцэтгэгч, ханган нийлүүлэгчдээр дотоодын ААН-ийг тэргүүн ээлжинд сонгон хамтран ажиллахаар гэрээнд тусгагджээ.

“2013 оны сүүлээс хэрэгжиж буй Хөрөнгө оруулалтын тухай хуулийн хүрээнд Монгол Улсын Засгийн газар анх удаагаа үндэсний үйлдэрлэгчидтэй хийх хөрөнгө оруулалтын гэрээнд гарын үсэг зурлаа. Энэ хоёр гэрээ нийтдээ 1,3 тэрбум ам.долларын хөрөнгө оруулалт шаардагдсан гэрээ юм. “Монголын алт” ХХК-ийн хийж буй болон цаашид хийх хөрөнгө оруулалт, түүний зохицуулалт нь Монгол Улсын эрх ашиг, эдийн засгийн хөгжилд бодитой үзүүлэлтийг бий болгох чадвартай гэж итгэж байна Эдгээр гэрээг үзэглэснээр үндэсний үйлдвэрлэгчдэд зөвхөн Цагаан суварга, Хөх цавын цемент шохойн үйлдвэрээр тогтохгүй бусад үйлдвэрлэгчид, гаднын хөрөнгө оруулагчидтай харилцан ашигтай гэрээ байгуулах боломжийг нээж байгаа. Эдгээр төсөл хэрэгжиж, хоёр үйлдвэр ашиглалтад орсны дараа манай улсын төсөвт урт хугацаанд найдвартай, орлого бүрдүүлэх боломж бий болно. Урьдчилсан тооцооллоор жилд дунджаар 500-гаад тэрбум төгрөгийн орлого төсөвт төвлөрүүлэх боломж нээгдэнэ” гэж Аж үйлдвэрийн сайд Д.Эрдэнэбат хэллээ гэж Засгийн газрын Хэвлэл мэдээлэл, олон нийттэй харилцах албанаас мэдээллээ.

”Хөдөлмөрийн Үндэсний Нам”-аас өнгөрсөн 9 дүгээр сарын 29-ны өдөр Халх голд чөлөөт бүс байгуулах асуудалтай холбогдуулан УИХ-ын гишүүдэд дүгнэлт хүргүүлжээ. Тус намын хувьд Халх голд чөлөөт бүс байгуулахыг эсэргүүцэж байгаа юм. Мөн уг газарт чөлөөт бүс байгуулахтай холбоотойгоор судалгаа хийж, дүгнэлт гаргасан талаараа өмнө нь мэдэгдэж байсан.

Олон улсын гамшгийн эрсдэлийг бууруулах өдөр өнөөдөр тохиож байна. Уг өдрийн хүрээнд гамшгийн үед хэрхэн урьдчилан сэргийлэх талаар ОБЕГ, Улаанзагалмайн нийгэмлэг ард иргэдэд мэдээлэл өглөө.



Хурлын үеэр ОБЕГ-ын Гамшгаас урьдчилан сэргийлэх багийн дарга Б.Ууганбаяр газар хөдлөлтийн үед өөрийгөө хамгаалах анхан шатны аргыг заасан юм. Газар хөдөлбөл эхний ээлжид байшин барилгаас гарах эсвэл ширээн доогуур орох шаардлагатайг сануулав. Урьдчилан сэргийлж гэрийн тавилгануудаа ханандаа бэхлэх, бичиг баримтаа нэг дор хадгалахыг ч дурдав. Мөн гамшиг учирсан үед гялгар уут чухал хэрэгтэй гэдгийг онцолсон юм. Талхны болон 100 төгрөгийн гялгар уут нь учирч болох аюулаас өөрийгөө хамгаалахад тустай аж.



ОБЕГ-аас тус өдрийг тохиолдуулан төв, орон нутгийн Онцгой байдлын анги байгууллага, олон улсын байгууллагуудтай хамтран үйл ажиллагаа явуулж байгаа юм байна. www.ontsgoi.cov.mn сайтад, иргэдийн болзошгүй аюул ослоос урьдчилан сэргийлэх тухай мэдээлэл байршуулж эхэлжээ. Мөн газар хөдлөлтийн үеийн сургалтыг явуулж байгаа аж. Улаанзагалмайн нийгэмлэгийн зүгээс “Өвөлд бэлэн үү” сарын аяныг зохион байгуулж байгаа юм байна.



Энэ оны эхний есөн сарын байдлаар Монгол Улсын хэмжээнд 4148 удаагийн аюулт үзэгдэл, осол тохиолджээ. Үүний улмаас 170 хүн амь насаа алдаж, 49,3 тэрбум төгрөгийн хохирол учирсан байна.

Мал, амьтны гоц халдварт болон халдварт өвчний тухайд: 1 аймгийн 2 сумын нутагт “Хонины цэцэг” өвчний 2, 2 аймгийн 2 сумын нутагт “Боом” өвчний 2, 1 аймгийн 1 сумын нутагт “Шүлхий” өвчний 1, 1 аймгийн 1 сумын нутагт “Дуут хавдар” өвчний 1, нийт 4 аймгийн 5 сумын нутагт 6 тохиолдлын голомтод тогтоосон хорио цээрийн дэглэм үргэлжилж байна. Үүнд:

Төв аймгийн Баянцогт сумын Гуна багийн “Гуна” гэдэг газар иргэн С-ийн 2 үхэр 2015.09.22-ны өдөр халдварт өвчний шинж тэмдэгтэй хорогдсон, дээж авч УМЭАЦТЛ-т хүргүүлэхэд 2015.09.24-ний өдрийн 205 дугаар шинжилгээний дүгнэлтээр “Боом“өвчин болох нь;

Булган аймгийн Сэлэнгэ сумын Ингэт багийн “Доодхоод” гэдэг газар /Сумын төвөөс зүүн урд зүгт 20 км-т/ иргэн С-ийн 1 адуу 2015.09.26-ны өдөр халдварт өвчний шинж тэмдэгтэйгээр үхсэн, устгал хийж, дээж авч аймгийн МЭАЦЛ-т хүргүүлэхэд 2015.09.30-ны өдрийн 264 дүгээр шинжилгээний хариугаар “Боом“өвчин болох нь;

Дорноговь аймгийн Сайхандулаан сумын 3 дугаар багийн “Хүрэн хошуу” гэдэг газар малчин М-ийн 1 хонь 2015.09.28-ны өдөр халдварт өвчний шинж тэмдэгтэйгээр өвчилснийг тусгаарлаж, дээж авч УМЭАЦТЛ-д шинжлүүлэхэд 2015.09.30-ны өдрийн 1005 дугаар хариугаар “Хонины цэцэг” өвчин болох нь;

Булган аймгийн Сэлэнгэ ñóìûí Òàðèìàë áàãèéí íóòàã “Áóõûí ãîë” гэдэг ãàçàð ìàë÷èí ª-èéí 1 ¿õýð 2015.10.05-ны өдөр халдварт өвчний шинж тэмдэгтэйгээр үхсэн, устгал хийж, дээж авч аймгийн МЭАЦЛ-т хүргүүлэхэд 2015.10.05-ны өдрийн 281 дүгээр шинжилгээний хариугаар “Дуут хавдар“ өвчин болох нь;

Дорноговь аймгийн Айраг сумын Сайн-Ус багийн “Авдрантын цагаан хад” гэдэг газар малчин Г-ийн 13 хонь, мөн сумын Нүдэн багийн “Дэлийн булаг” гэдэг газар малчин Л-ийн 23 хонь, нийт 36 хонь 2015.10.03-ны өдөр халдварт өвчний шинж тэмдэгтэй өвчилснийг тусгаарлаж, клиник шинж тэмдэгийг үндэслэн “Хонины цэцэг” өвчин болох нь тус тус тогтоогдсон.

Төрийн мөнгөний бодлогыг хэлэлцэж эхэллээ

Унтраасан: Өвөрхангай аймгийн Бат-Өлзий сумын Билүүт багийн “Могойтын-Ам” гэдэг газар /сумын төвөөс баруун урд зүгт 15 км/ ойн түймэр гарч байна гэсэн дуудлагыг 2015.10.11-ний өдрийн 16:35 цагт хүлээн авч тус аймгийн Онцгой байдлын газрын 12 албан хаагч, 1 автомашин, орон нутгийн 103 иргэн, 10 автомашин, нийт 115 хүн 11 техник хэрэгсэлтэйгээр ажиллаж 2015.10.11-ний өдрийн 17:17 цагт унтраасан.

Цурамд орсон: Увс аймгийн Хяргас сумын “Хайрхан” багийн “Хавчиг зураа” гэдэг газар /сумын төвөөс баруун урд 15 км/ ойн түймэр гарсан тухай дуудлагыг 2015.10.10-ны өдрийн 17:40 цагт хүлээн авч тус аймгийн Онцгой байдлын газрын 12 албан хаагч,1 автомашин, орон нутгийн 25 иргэн, 2 автомашин, нийт 37 хүн, 3 техник хэрэгсэлтэйгээр ажиллаж 2015.10.11-ний өдрийн 14:20 цагт цурамд оруулсан.

Ажиллаж байгаа: Увс аймгийн Хяргас сумын “Бугат” багийн “Булганы-Ар” гэдэг газар /сумын төвөөс урд зүгт 30 км/ ойн түймэр гарсан тухай дуудлагыг 2015.10.11-ний өдрийн 14:31 цагт хүлээн авч тус аймгийн Онцгой байдлын газрын 10 албан хаагч, 1 автомашин, орон нутгийн 15 иргэн, 1 автомашин, нийт 25 хүн 2 техник хэрэгсэлтэйгээр;

Булган аймгийн Сэлэнгэ сумын Атар багийн “Хулстайн гурван даваа” гэдэг /сумын төвөөс баруун хойд зүгт 90 км/ газар ойн түймэр гарч байна гэсэн дуудлагыг 2015.10.11-ний өдрийн 20:30 цагт хүлээн авч тус аймгийн Онцгой байдлын газрын 12 албан хагч, 1 автомашин, орон нутгийн 6 иргэн, 1 автомашин, нийт 18 хүн, 2 техник хэрэгсэлтэйгээр тус тус ажиллаж байна.

Сангийн сайд Б.Болор:

VII хорооллыг ус, дулаанаар хангахад бэлэн болжээ

Гурван улсын уран уншлагын наадам болж байна

ОХУ-ын Соёлын яам, Кемерово хотын урлагийн их сургууль, Польшийн Варминьско- Мазур хотын Дорнод словян судлалын дээд сургууль, Монголын СУИС-ийн Театр урлагийн сургуулийн Ярих урлагийн тэнхим хамтран “Онгодын дууддага” сэдэвт гурван улсын уран уншлагын уралдаан зохион байгуулж байна. Сонгодог бүтээлээр дамжуулж олон улсын соёл, ахуй, сэтгэлгээг танин мэдэж, амьдрал уран бүтээлдээ бүтээлчээр хэрэгжүүлэх чадвартай мэргэжилтэн болон төлөвшихөд нь туслах зорилгоор жүжигчний ангийн оюутнуудын дунд дэлхийн сонгодог яруу найргийн бүтээлүүдээс уран унших наадмыш зохион байгуулж байгаа аж. Нэгдүгээр шатанд цахим сүлжээгээр бүтээлүүдээ илгээх бол тэнцсэн уран бүтээлчид ОХУ-д өрсөлдөх юм. Ийн Монголоос 30 орчим оюутан А.С.Пушкин, САЕсенин, Некрасов тэргүүтэй Оросын яруу найрагчийн бүтээлээр оролцож, Монголын СУИС-ийн багш нар шүүснээс 13-ыг нь хоёрдугаар шатанд тэнцүүлжээ.

Төсвийн байнгын хорооны дарга Ч.Улаан мэдээлэл хийлээ.

Вьетнам засварчин засаж байсан машиндаа угаартлаа

Вьетнам засварын газарт “Лексус-570” мар- кийн автомашинд хоёр хүн амиа алдсан хэрэг Чингэлтэй дүүргийн нутагт гарчээ. Эх сурвалжийн мэдээлснээр тус дүүрэгт үйл ажиллагаа явуулдаг нэгэн вьетнам авто засварын газарт машинаа засуулахаар өгснийг тэд засаж байсан аж. Шөнө хүйтэн байсных уу, эсвэл өөр шалтгаан байв уу, 21 настай вьетнам засварчин, нас чацуу нэгэн монгол бүсгүйтэй уг машин дотор угаартаж нас барсан байжээ. Уг хэргийг өдгөө Чднгэлтэй дүүргийн Цагдаагийн хэлтэст үргэлжлүүлэн шалгаж байгаа гэнэ.