Иракын армийн онгоц нийслэл Багдадад санаандгүйгээр бөмбөг хаяснаас 8 хүн амиа алдсан байна.

Үндэсний их баяр наадмаар хурдан морь унах хүүхдийн аюулгүй байдлыг хангуулах, хяналт тавих чиглэлээр онцгой анхаарч ажиллахыг Мэргэжлийн хяналтын ерөнхий газрын дарга Ш.Раднаасэд аймаг, нийслэлийн Мэргэжлийн хяналтын газрын дарга нарт үүрэг болголоо.

Наадмын дараа болдог орон нутгийн чанартай бэсрэг наадам, их, бага сунгаа, овоо тахилга, бүсийн уралдааны үед морь унаач хүүхэд бэртэж гэмтэх, амь насаа алдаж болзошгүй тул үүнд анхаарч ажиллахыг үүрэг болгосон байна.

Үүнтэй холбогдуулан ерөнхий газраас хэд хэдэн заалт бүхий зөвлөмж гаргалаа. Тухайлбал морь унаач хүүхдийн хувцас, морины хэрэгсэлд тавих стандартад заасан хамгаалах хэрэгслээр хангахыг уяач, эздэд анхааруулж, санамж, стандартыг нь өгч байхыг зөвлөлөө.

Хамгаалах хэрэгсэл, хувцасгүй хүүхдээр хурдан морь унуулж уралдуулахгүй байхыг аймаг, нийслэл, дүүрэг, сумдын Морин спорт уяачдын холбоо, салбар хороод, баяр наадмын комисст урьдчилан анхаарууллаа.

Долоогоос дээш настай хүүхдээр хурдан морь унуулах, ослын даатгалд заавал хамруулсан байх, гарч болзошгүй эрдслийг хэрхэн зохицуулах, цалин, нийгмийн баталгааг нь хангах зэрэгт мэргэжлийн хяналтынхан хяналт тавина. Ингэхдээ тухайн орон нутгийнхаа хүүхдийн байгууллагын ажилтнууд, Үйлдвэрчний эвлэлийн хороодын хөдөлмөрийн хяналтын байцаагч нартай хамтран ажиллах юм.

Мэргэжлийн хяналтын ерөнхий газраас гаргасан энэ зөвлөмжийг хэрэгжүүлээгүйгээс учирсан зөрчил, дутагдал, эрсдлийг аймаг, нийслэл, сум, дүүргийн Морин спорт уяачдын холбоо, наадмын комисс, уяач, морины эзэд, хүүхдийн эцэг, эх хариуцах ётойг анхааруулж байна.
- See more at: http://zasag.mn/m/inspection/view/10396#sthash.X0fJ9Dzv.dpuf

ШУУРХАЙ МЭДЭЭЛЭЛ
ОХУ-ын Буриад Улсын Улаан-Үүд хотоос 1000 км –ийн зайд , Кабанск раойны Сэлэнгэ тосгоноос нэг км-ийн орчимд “HYANDAI COUNTY” маркийн 9641 УНТ маркийн автобус осолдсон байна. Уг автобус нь Улаанбаатар хотын “Улаан тойром сайхан” компанийн жолооч гэх Т-ийн хувийн эзэмшлийнх гэнэ. Тэрбээр Дархан Уул аймгийн 4-р сургуулийн 18 багшийг Итгэл хамба, Байгаль далайд аялуулахаар авч явж байхдаа ийн осолдсон байна. Жолоодлого нь удирдлагагүй болж замын хажуу руу онхолдон 9 хүн гэмтжээ. Монгол улсаас Улаан –Үд хотод суугаа Ерөнхий консулын газрынхан газар дээр нь очиж гэмтсэн хүмүүсийг эмнэлэгт хүргэж анхан шатны тусламж үзүүлсэн байна. Харин үлдсэн хүмүүсийг Хүн эмнэлгийн коллежийн дотуур байранд үнэ төлбөргүй байрлуулж, Дархан –Уул аймгийн тамгын газрын дарга Чүлтэмбатад хэл дуугажээ. Үүний дагуу 2015.07.06-ны өдөр эх оронд нь буцаах арга хэмжээ авсан байна.
Дархан Уул аймгийн Боловсролын газрын дарга Ганчулуун, аймгийн Ерөнхий эмчийнхээ хамтаар очиж бэртэж гэмтсэн болон бусад багш нараа авч явсан байна.
Нэмж хэлэхэд осолдсон автобус нь ээлжийн жолоочгүй, техникийн бүрэн байдал хангаагүй, хувь жолооч өөрийнхөө хувийн автобусаар компанийн нэр дээр зөвшөөрөл авсан байжээ. Сэлэнгэ аймгийн Алтанбулаг суман дахь хил дээр даатгал хийж буй “Мөнхдаатгал” компанийн даатгалыг ОХУ-ын Буриад улсын засгийн газраас албан бус гэсэн албан тоотыг Монгол улсаас Улаан –Үд хотод суугаа Ерөнхий консулын газарт хүргүүлжээ.

Шилдэг тохижилт, ногоон байгууламжтай, цэмцгэр аж ахуйн нэгж шалгаруулах болзолт уралдааны хүрээнд Сүхбаатар дүүргийн 2-р ажлын хэсэг 3.9.19 дүгээр хорооны 248 аж ахуйн нэгж байгууллагын ажилтай 14 хоног тутам танилцаж, үнэлгээ өгч байна. Уралдаан эхэлснээс хойш аж ахуйн нэгжүүд нийт 381 сая төгрөгийн тохижилт хийж, 2700 кв. метр газарт ногоон байгууламж шинээр бий болгосон.

Чингисийн талбайд шөнийн цагаар бэлтгэлээ базааж байна

2005 оны 7 сарын 7-нд Лондон хотноо террористууд бөмбөг дэлбэлж, 52 хүн амь амиа алдсан эмгэнэлт хэрэг болсон билээ. Эмгэнэлт үйл явдал болсноос хойш яг 10 жил болж байна.

Улсын Дээд шүүхийн Иргэний хэргийн танхим 2015 оны эхний хагас жилийн байдлаар нийт 671 хэрэг хүлээн авч, 499 хэргийг шүүх хуралдаанаар хянан шийдвэрлэж, 78 хэргийг Ерөнхий шүүгчийн ажлын албанд шилжүүлж, 21 хэргийг шинээр илэрсэн нөхцөл байдалд тооцуулахаар хэлэлцэж, 3 хэргийг хяналтын журмаар хэлэлцэхээс татгалзаж, 7 хэргийн харьяаллыг тогтоожээ.

Иргэний хэргийн танхимын хяналтын шатны шүүх хуралдаан нийт 45 өдөр хуралдаж, өдөрт дунджаар 11,5 хэрэг хэлэлцсэн байна.

Хяналтын журмаар хэлэлцэгдсэн иргэний 499 хэргийн 57.1 хувь буюу 285 хэргийн шийдвэр, магадлалыг хэвээр үлдээж, гомдлыг хэрэгсэхгүй болгож, 11.6 хувь буюу 58 хэргийн шийдвэр, магадлалыг хүчингүй болгож, 21.5 хувь буюу 107 хэргийн шийдвэр, магадлалд өөрчлөлт оруулж, 9.8 хувь буюу 49 хэргийн шийдвэрийг хэвээр үлдээж, магадлалыг хүчингүй болгожээ.

Хүчингүй болгосон 58 шийдвэр, магадлалтай хэргээс 84.5 хувь буюу 49 хэргийг шүүхээр дахин хэлэлцүүлэхээр анхан шатны шүүхэд буцааж, 15.5 хувь буюу 9 хэргийг буюу нэхэмжлэлийг хэрэгсэхгүй болгосон байна.

Хяналтын шатны иргэний хэргийн шүүх хуралдаанаар шийдвэрлэсэн 499 хэргийг эрх зүйн төрлөөр авч үзвэл Иргэний хуулиар 336, Хөдөлмөрийн тухай хуулиар 106, Гэр бүлийн тухай хуулиар 22, Шүүхийн шийдвэр гүйцэтгэх тухай хуулиар 18, Иргэний хэрэг шүүхэд хянан шийдвэрлэх тухай хуулиар 2, бусад хуулиар 15 хэргийг хянан шийдвэрлэжээ.

Сэлэнгэ аймаг Сант сумын Ивэн багийн нутаг “Дааган дэл” гэдэг газар иргэн Л (21 настай, эрэгтэй) “Орхон” голын усанд осолдсон тухай дуудлагыг энэ сарын 06-ны өдрийн 12:10 цагт хүлээн авч тус аймгийн Онцгой байдлын газрын 6 албан хаагч, 1 автомашин, 1 завьтайгаар эрэн хайх ажиллагааг зохион байгуулж байна. Түүнчлэн нийслэлийн Баянзүрх дүүргийн 5 дугаар хорооны 81 дүгээр байрны 8 дугаар давхрын 36 тоотын тагтан дээр харгалзах хүнгүй бага насны 2 хүүхэд байна гэсэн дуудлагыг энэ сарын 06-ны өдрийн 21:15 цагт хүлээн авчээ. Улмаар нийслэлийн Онцгой байдлын газрын Аврах ангийн 6 албан хаагч, ажиллаж, Э (8 настай, эмэгтэй), И (4 настай, эрэгтэй) нарын аюулгүй байдлыг хангаж, ар гэрийнхэнд нь хүлээлгэн өгсөн байна.

Мэдээний эх сурвалж: http://time.mn/65090

Нийслэлд үйл ажиллагаа явуулж буй халуун ус, сауны газруудад нийслэлийн Мэргэжлийн хяналтын газраас ээлжит шалгалтаа явуулжээ. Шалгалтаар хөгц, мөөгөнцөрт идэгдэж, өндөр эрсдэлд орсон 28 халуун усны газрыг илрүүлсэн байна. Гэхдээ эхний ээлжинд дөрвөн халуун усыг л хаах арга хэмжээ авчээ. Энэ удаагийн шалгалтыг эрсдэл өндөртэй гэгдэх 123 газарт явуулжээ.

Өчигдөр Грекийн Сангийн Сайдын тангараг өргөх ёслол боллоо.

Ерөнхийлөгчид Элчин сайд нар ИЖБ барив

БНЧУ-ын Хөгжлийн хамтын ажиллагааны хүрээнд Прага хотын Амьтны хүрээлэнгийн санаачилгаар хэрэгжиж буй ”Монголд Тахь эргэн нутагшуулах, хамгаалах” төслийн хүрээнд энэ оны 7 дугаар сарын 6-нд Ховд аймгийн нутаг дахь Тахийн талд ээлжит дөрвөн тахийг (гүү) унаган байгальд нь тавилаа.

2015 оны 7 дугаар сар 4-ний өдөр Кбелийн тусгай нислэгийн онгоцны буудлаас Чехийн зэвсэгт хүчний КАСА агаарын хөлөг хөөрч эдгээр дөрвөн тахийг нийтдээ 30 гаруй цагийн нислэг үйлдсэний дараа Ховд аймгийн Булган сумд буулт хийж унаган нутагт нь хүргэсэн юм. Ээлжит тахиудыг үдэх арга хэмжээний хүрээнд, Прага хотын Кбелийн тусгай нислэгийн онгоцны буудалд хэвлэлийн бага хурал зохион байгуулагдсан бөгөөд энэхүү хуралд төслийн хэрэгжүүлэгч байгууллагуудын болон ЭСЯ-ны төлөөлөл оролцлоо.

Хэвлэлийн бага хурлын үеэр Прага хотын амьтны хүрээлэнгийн захирал ноён М.Бобек Чехийн засгийн газрын Хөгжлийн хамтын ажиллагааны хүрээнд хэрэгжүүлж буй “Монголд Тахь эргэн нутагшуулах, хамгаалах” төслийн талаар товч мэдээлэл хийсэн бөгөөд энэхүү арга хэмжээнд ЭСЯ-ыг төлөөлөн оролцсон худалдаа, эдийн засгийн асуудал эрхэлсэн ажилтан Д.Өнөбилэгт ховордож үгүй болоод байсан тахийг Монголын уугуул нутагт нь хүргэж, эргэж нутагшуулахад олон жил их хөрөнгө мөнгө, хүч чармайлт гаргаж буй тус амьтны хүрээлэнгийн нийт ажилтнууд, ачиж тээвэрлэж алс холын Ази тивд хүргэж ирсэн Чехийн цэрэг, иргэний бусад байгууллагуудад болон Чехийн олон нийтэд ЭСЯ-ны нийт хамт олны нэрийн өмнөөс гүн талархал илэрхийлж БНЧУ-ын Засгийн газраас манай улсад олон жилийн туршид үзүүлж ирсэн хөгжлийн тусламжийн дотроос байгаль орчинд ээлтэй, чех, монголын олон нийтийн талархлыг хүлээсэн хамгийн үр өгөөжтэй, оновчтой төсөл хэмээн олон улсад хүлээн зөвшөөрөгдсөнийг цохон тэмдэглэсэн байна.

БНЧУ-ын засгийн газрын Хөгжлийн хамтын ажиллагааны хүрээнд Прага хотын Амьтны хүрээлэнгийн санаачилгаар 2011 оноос хэрэгжиж буй ”Монголд Тахь эргэн нутагшуулах, хамгаалах” төслийн хүрээнд Монгол улсын Хомын тал болон Тахийн талд нийт 19 тахийг унаган байгальд нь тавиад байна.

Боловсрол, соёл, шинжлэх ухааны сайд Л.Гантөмөр БНСУ-ын Парламентын гишүүн, Боловсрол, соёл, спорт, аялал жуулчлалын байнгын хорооны дарга Сол Хүүнийг хүлээн авч уулзан хоёр орны боловсрол, соёл, шинжлэх ухааны цаашдын хамтын ажиллагааны талаар санал солилцлоо. Энэ үеэр БСШУ-ны сайд Л.Гантөмөр БНСУ-ын Засгийн Газрын тэтгэлгээр суралцах Монгол оюутны тоог нэмэгдүүлэх, БНСУ-ын санхүүжилтээр Монгол улсын ЕБС-уудад дэвшилтэт технологид суурилсан хичээлийн “ухаалаг анги”-ийг олноор нийлүүлэх, Монгол, Солонгосын багш солилцооны хөтөлбөрийн хамрах хүрээг улам өргөжүүлэн үргэлжлүүлэхэд дэмжлэг үзүүлэхийг хүслээ. Харин БНСУ-ын Парламентын гишүүн Сол Хүүн түүний саналыг дэмжиж байгаагаа илэрхийлэн БНСУ-ын Боловсролын сайдад энэ тухай уламжилж, түүнийг Монгол улсад айлчлах үеэр энэ асуудлууд нааштайгаар шийдэгдэнэ гэдэгт итгэж байна гэв. Уулзалтын төгсгөлд тэрээр БСШУ-ны сайд Л.Гантөмөрийг БНСУ-д ажлын айлчлал хийхийг урилаа.

Эдийн засгийн ил тод байдлыг дэмжих тухай хуулийн төслийн хэлэлцүүлгийг хойшлуулав

Улсын Их Хурлын Төсвийн байнгын хорооны өнөөдөр /2015-07-07/-ийн хуралдаанаар Үйлдвэрлэлийг дэмжих тухай хуулийг дагалдан өргөн мэдүүлсэн Нэмэгдсэн өртгийн албан татварын тухай хуульд нэмэлт оруулах тухай, Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд нэмэлт оруулах тухай, Засгийн газрын тусгай сангийн тухай хуульд нэмэлт оруулах тухай хуулийн төслүүд, “Импортын барааны гаалийн албан татварын хувь, хэмжээ батлах тухай” Улсын Их Хурлын тогтоолын хавсралтад өөрчлөлт оруулах тухай Улсын Их Хурлын тогтоолын төслийн анхны хэлэлцүүлгийг хийлээ.

Хэлэлцэж буй асуудалтай холбогдуулан Аж үйлдвэрийн сайд Б.Эрдэнэбат танилцуулга хийхдээ, Аж үйлдвэрийн салбарын бүтээгдэхүүний нийт үйлдвэрлэл 2014 онд оны үнээр 12.2 их наяд төгрөг болж өссөн хэдий ч энэхүү өсөлтөнд уул уурхай, хөдөө аж ахуйн гаралтай түүхий эдэд тулгуурласан, технологийн агууламжгүй бүтээгдэхүүний үйлдвэрлэл ихэнх хувийг эзэлж байна. Түүнчлэн аж үйлдвэрийн гол салбар болох боловсруулах үйлдвэрлэлийн салбарын бүтээгдэхүүний үйлдвэрлэлийн хэмжээ ДНБ-ний 8.9 хувийг эзэлж байгаа нь бусад орны боловсруулах үйлдвэрийн түвшинтэй харьцуулахад харьцангуй доогуур байгааг тэмдэглэв

Иймд манай орны хувьд технологийн хоцрогдлыг багасгах, үндэсний тэргүүлэх чиглэлийн технологиудыг дотооддоо шинжлэх ухаан, мэдлэгт тулгуурлан бий болгох, шаардлагатай технологийг гаднаас авч нутагшуулан, үйлдвэрлэлд нэвтрүүлэх улмаар эдийн засгийн үр ашгийг дээшлүүлэхийн тулд судалгаа хөгжил, технологи хөгжүүлэх чиглэлийн хөрөнгө оруулалтыг аж үйлдвэрийн салбарт нэмэгдүүлэх, экспортын чиг баримжаа бүхий үнэ цэнэ шингэсэн боловсруулах үйлдвэрлэлийг дэмжих харилцааг зохицуулах “Үйлдвэрлэлийг дэмжих тухай” хуулийн төслийг боловсруулсан тухай сайд танилцууллаа.

Дараа нь гишүүд дээрх хуулийн төслийн талаарх зарчмын зөрүүтэй саналын томьёоллоор санал хураалт явуулж улмаар санал дүгнэлтээ Эдийн засгийн байнгын хороонд хүргүүлэхээр болов.

Байнгын хорооны гишүүд Нэмэгдсэн өртгийн албан татварын тухай /шинэчилсэн найруулга/ болон холбогдох бусад хуулийн төслийн анхны хэлэлцүүлгийг хийв.

Хэлэлцэж буй хуулийн төслийн талаарх зарчмын зөрүүтэй саналын томьёоллоор санал хурааж, тухайлбал,“ энэ хуулийн 15.3-т заасан нөхцөл, шаардлага хангасан албан татвар төлөгчийн тухайн татварын жилд албан татвар суутган төлөгчтэй хийсэн худалдан авалтад төлсөн албан татварын 20 хүртэл хувийг буцаан олгох”, “Албан татвар суутган төлөгч хоорондын бараа борлуулсан, ажил гүйцэтгэсэн, үйлчилгээ үзүүлсэн тухай бүрд төлбөрийн баримт олгох бөгөөд уг баримтуудыг дангаар эсхүл хамтатган нэмэгдсэн өртгийн албан татварын падаан баримт үйлдэнэ” гэсэн зэрэг заалт, хэсгийг өөрчлөн найруулж, төслийн “Нэгдсэн ба хэрэглэгчийн систем” гэсэн 17 зүйлийг өөрчлөн найруулсан байна. Үүнд, тухайлбал, нэгдсэн систем хариуцагч нь нэгдсэн системийн хэвийн үйл ажиллагааг хангах, хэрэглэгчийн системийн дамжуулсан мэдээллийг үндсэн системийн санд бүрэн, үнэн зөв нэгтгэх, эрх бүхий этгээдэд тайлагнах зэрэг үүрэгтэй байхаар тусгагджээ.

Үүнээс гадна хуулийн дагаж мөрдөх хугацааг 2016 оны 01 дүгээр сарын 01-нээс мөрдөх саналын томьёолол олонхын дэмжлэг авлаа.

Төсвийн байнгын хорооны өнөөдрийн хуралдаанаар Эдийн засгийн ил тод байдлыг дэмжих тухай хуулийн төслийг хэлэлцэх эсэх асуудлыг хэлэлцэхээр товлосон байв. Гэвч УИХ дахь МАН-ын бүлэг уг асуудлаар ажлын 5 хоногийн завсарлага авах санал гаргасан тул хэлэлцүүлгийг хойшлуулав гэж УИХ-ын Тамгын газрын Хэвлэл, мэдээлэл, олон нийттэй харилцах хэлтэс мэдээлэв.

Долоодугаар сарын 7-ны Мягмар гарагт нийслэлийн хоёр дүүрэгт цахилгаан хязгаарлана.

Маргаашнаас буюу долоодугаар сарын 8-аас долоодугаар сарын 20-ны хооронд нийслэлд цахилгаан хязгаарлахгүй.

Сүхбаатар дүүргийн 13 хороо буюу Таван буудалд өнгөрсөн оны есдүгээр сард СЭҮ 00-23 дугаартай цагдаагийн автомашин урсгал сөрж явснаас зам хөндлөн гарч явсан 12 настай охиныг мөргөж амийг нь хөнөөсөн ноцтой хэрэг гарсан. Тухайн үед урсгал сөрж яваад осол гаргасан СЭҮ 00-23 дугаартай цагдаагийн автомашин дотор Сэлэнгэ аймгийн Сайхан сумын Цагдаагийн хэлтсийн дарга, дэд хурандаа Б.Саранбаатар жолооч Ц.Ууганбаатарын хамтаар явж байсан бөгөөд дэд хурандаа Б.Саранбаатар жолоочдоо урсгал сөрөх үүрэг өгснөөр энэ хэрэг гарсан байдаг. Анхан шатны шүүхээс Ц.Ууганбаатарт дөрвөн жилийн ял оноосон. Өнөөдөр 10.00 цагт Давж заалдах шатны шүүх дээр Ц.Ууганбаатарт холбогдох хэргийн шүүх хурал болно. Хохирогч болон шүүгдэгч талын төлөөлөл болон өмгөөлөгч нь Ц.Ууганбаатарын дарга Б.Саранбаатар энэ хэрэгт ямар нэгэн холбоогүй байдлаар гарсанд хохиролтой байгаагаа хэлж байсан юм. Учир нь түүний хууль бус тушаал дээрхи хэрэгт нөлөөлсөн учраас ямар нэгэн хариуцлага хүлээх ёстой хэмээн үзэж байгаа юм.

Өмнөговь аймгийн Иргэдийн төлөөлөгчдийн хурлын тэргүүлэгчдийн VI хуралдаанаар аймгийн Тахилгат хайрханыг тахих товыг зарлах, аймгийн боловсролын талаар баримлах бодлогыг батлах, улсын нөөцийн ашиглалт хамгаалалтын тухай хэлэлцүүлэг, “Байгаль орчин иргэдийн оролцоо” сэдэвт хэлэлцүүлгүүдийн тайлан, мөн аймгийн баяр наадмыг тэмдэглэн өнгөрүүлэх талаар хэлэлцсэн байдаг.



Түүнчлэн, нутгийн өөрөө удирдах ёсны байгуулагын 20 жилийн ойг өчигдөр тэмдэглэсэн байна. Харин аймгийн баяр наадмыг долдугаар сарын 8, 9-ний өдрүүдэд зохион байгуулахаар тогтсон ажээ.

УИХ-ын Хууль зүйн байнгын хорооны хуралдаан Төрийн ордны “А” танхимд үргэлжилж байна. Тус хуралдаанаар Эрүүгийн тухай болон холбогдох бусад хуулийн төслүүдийн эцсийн хэлэлцүүлгийг хийж буй юм. Ингэхдээ ажлын хэсгээс оруулж ирсэн саналын томъёоллоор санал хураалгаж байна. Энэ үеэр УИХ-ын гишүүн Ж.Батзандан, О.Баасанхүү нар Эрүүгийн тухай хуулийн төслийг дэмжих боломжгүй байгаа тул ирцээс албан ёсоор хасагдаж хуралдаанд оролцохгүй болж буйгаа мэдэгдэж, хурлыг орхин гарлаа.

Ингэснээр УИХ-ын Хууль зүйн байнгын хорооны хуралдааны ирц 50 хувьд хүрэхгүй болж 42.1 хувь болж буураад байна.

Ирц 50 хувьд хүрээгүй байхад Эрүүгийн тухай хуулийн төслөөр санал хураах нь эцэстээ хууль зөрчсөнд тооцогдож, асуудал Үндсэн хуулийн цэцэд очих болно гэдгийг УИХ-ын гишүүн Ж.Батзандан тодотгож байсан ч УИХ-ын Хууль зүйн байнгын хорооны дарга Д.Ганбат “Явах нэг нь явна л биз, хуралдаан үргэлжилнэ” гэснээр санал хураалт үргэлжилж байгаа юм.

Одоогийн байдлаар Хууль зүйн байнгын хорооны хуралдаанд УИХ-ын гишүүн Ш.Түвдэндорж, С.Эрдэнэ, Х.Тэмүүжин, Ц.Оюунгэрэл, Р.Гончигдорж нар оролцож байна.

Онцлоход, өнгөрсөн баасан гаригт хуульч гишүүд болох Ц.Нямдорж, Ц.Оюунбаатар, Л.Цог, О.Баасанхүү, Ж.Батзандан нар Эрүүгийн тухай хуулийн төслийг энэ хэлбэрээр дэмжих боломжгүй учраас байнгын хорооны бүрэлдэхүүнээс гарна гэдгээ мэдэгдсэн юм. Тэд хуулийн этгээдэд ял өгөхийг эсэргүүцэж байгаа төдийгүй энэ хууль батлагдсан нөхцөлд хөрөнгө мөнгөтэй нь гэрийн хорионд нэртэй цайгаа уугаад суух, хөрөнгө мөнгөгүй ядарсан иргэн нь шоронд суух нөхцөл бүрдэнэ гэж байр сууриа илэрхийлсэн юм.

Мөн автын хэрэг Эрүүгийн хуулиар шийтгэгдэхгүй болж буй нь ноцтой гэсэн асуудлыг ч хөндөж тавиад байгаа. Дээр нь МАН Засгийн газрын бүрэлдэхүүнээс гарах болсон нь бүлгийн гишүүдийн хувьд байнгын хорооны хуралдаанд оролцохгүй байх бас нэгэн шалтгаан болу өгөөд байна.

УИХ-ын Хууль зүйн байнгын хорооны хуралдаан үргэлжилж байна.

УИХ-ын Төсвийн байнгын хорооны хуралдаан өнөөдөр болоход МАН-ын бүлгийн гишүүдээс нэг нь ч оролцсонгүй.

Тус байнгын хороонд УИХ дахь МАН-ын бүлгээс УИХ-ын гишүүн, Сангийн сайд Ж.Эрдэнэбат, УИХ-ын гишүүн, Байгаль орчин, ногоон хөгжил, аялал жуулчлалын сайд Д.Оюунхорол, УИХ-ын гишүүн Д.Сумъяабазар, Ч.Хүрэлбаатар, Д.Дэмбэрэл нар харьяалагддаг. Тэднээс энэ удаагийн хуралдаанд нэг нь ч ирсэнгүй. Дээр нь УИХ дахь МАХН-МҮАН-ын Шударга ёс эвслийн бүлгээс УИХ-ын гишүүн Ч.Улаан, М.Сономпил нар, УИХ-ын гишүүн Ц.Даваасүрэн нар ирээгүй юм. Ирц бүрдэхийг хүлээсний эцэст УИХ-ын гишүүн С.Дэмбэрэл ирснээр Төсвийн байнгын хороо хуралдлаа.

Мөн УИХ-ын Хууль зүйн байнгын хорооны хуралдаанд УИХ-ын гишүүн Б.Чойжилсүрэн орж ирсэн ч картаа уншуулж ирцэнд орсонгүй, хуралдааныг ажиглаж сууна.

Тус байнгын хороонд УИХ дахь МАН-ын бүлгээс УИХ-ын гишүүн Ц.Нямдорж, Д.Лүндээжанцан, Ё.Отгонбаяр, Ө.Энхтүвшин нар харьяалагддаг юм.

Ийнхүү МАН Засгийн газраас гарах шийдвэрээ байнгын хорооны хуралдаанд суухгүй, ирцээр уяхаас эхлүүлээд байна.

Олон улсын хөлбөмбөгийн холбооны удирдлагуудыг авлигын хэргээр шалгаж байгаа. Энэ ажлын хүрээнд өчигдөр ФИФА-гийн албан хаагчид долоон жилийн хориг тавьсан байна.