-
2016 оны 11 сарын 18
Яг одоо УИХ-ын нэгдсэн чуулган хуралдаж байна. Чуулганаар Санхүүгийн зохицуулах хорооны орон тооны болон орон тооны бус гишүүдийг томилох, чөлөөлөх тухай асуудлыг хэлэлцэж буй юм.
Санхүүгийн зохицуулах хорооны орон тооны болон орон тооны бус гишүүдийг томилох асуудалтай холбогдуулан УИХ-ын гишүүд үг хэлж байгаа юм.
-
2016 оны 11 сарын 18
Хэдхэн хоногийн өмнө Төрийн ордонд Засгийн Газрын хоёр гишүүн хоорондоо нударга зөрүүлж, нэгнийхээ хамрыг нь хугалсан гэх мэдээлэл гарсан. Тэдний нэгийг Хууль зүйн, дотоод хэргийн сайд С.Бямбацогт гэх. Тиймээс бид энэ асуудлаар С.Бямбацогт сайдаас дараахь тодруулгыг авлаа.
-Таныг танхимынхаа сайдтай зодолдож гэмтэл авсан гэх мэдээлэл гарсан. Энэ үнэн үү?
-Сүүлийн үед намайг Засгийн газрын хуралдааны үеэр зодолдсон гэсэн мэдээлэл гараад байна. Тийм зүйл болоогүй. Бага зэрэг гэмтэл авсан нь үнэн.
-Яагаад гэмтэл авсан юм бэ?
-Хүн санаандгүй байдлаар гэмтэл авдаг ш дээ. Тухайлбал, 2009 онд гараа, 2011 онд хөлөө хугалж байсан. Экстрим спортоор хичээллэхэд эрсдэлтэй шийдвэр гаргаснаасаа болоод гэмтдэг. Түүнийхээ адилаар гэмтсэн.
-Яг юунаас болоод гэмтсэн юм бэ?
-Нэг их сүртэй юм болоогүй. Би зааланд тоглох, дугуй унах, ууланд авирах гэх мэтээр экстрим спортоор хичээллэдэг. Ч.Сайханбилэг Ерөнхий сайд байхдаа зааланд тоглож байгаад хамраа хугалсныг нь бас зодоон хийсэн гээд бичиж байсан.
-
2016 оны 11 сарын 18
Яг одоо УИХ-ын нэгдсэн чуулган хуралдаж байна. Чуулганаар Санхүүгийн зохицуулах хорооны орон тооны болон орон тооны бус гишүүдийг томилох, чөлөөлөх тухай асуудлыг хэлэлцэж буй юм.
-
2016 оны 11 сарын 18
УИХ-ын Төрийн байгуулалтын байнгын хороо өнөөдөр /2016.11.18/ 10 цаг 10 минутаас 52.6 хувийн ирцтэй хуралдаж, Нийтээр тэмдэглэх баярын болон тэмдэглэлт өдрүүдийн тухай хуульд нэмэлт, өөрчлөлт оруулах тухай хуулийн төслийн анхны хэлэлцүүлгийг хийлээ.
-
2016 оны 11 сарын 18
Ардчилсан намын Үндэсний зөвлөлдөх хурлын 48 дугаар хуралдаан Төрийн ордонд өнгөрсөн лхагва гарагт боллоо. Хурлаар ямар асуудал хэлэлцсэн талаараа тус намын Ерөнхий нарийн бичгийн даргын үүрэг гүйцэтгэгч Л.Эрхэмбаяр, ҮЗХ-ыг удирдсан УИХ-ын гишүүн асан Ш.Түвдэндорж, Б.Гарамгайбаатар нар зарим мэдээллийг тодруулж өгөв.
ҮЗХ-ны хурлаар АН-ын 6 дугаар Их хурал зохион байгуулах ажлын хэсгийг УИХ-ын гишүүн Д.Эрдэнэбатаар ахлуулан байгуулсан. Үндсэн дүрмийн өөрчлөлтийн үзэл баримтлалын ажлын хэсгийг УИХ-ын гишүүн асан Ш.Түвдэндорж хариуцан ажиллахаар болжээ. Шинэчлэлийн хөдөлгөөний төлөөллийг ч ажлын хэсэгт багтаасан байна. Тэдний төлөөлөл болон АН-ын анхдагчид, партизануудыг ҮЗХ-ны хуралдаанд ажиглагчаар оролцуулсан аж.
-АН-ын дүрмэнд ямар зүйл заалтуудыг өөрчлөхөөр ярьж байгаа вэ?
Ш.Түвдэндорж: -АН-ын одоо мөрдөж буй дүрэм бол сайн. Амьдралаар шалгагдаад нэмж оруулах заалтууд, хариуцлага, дүрмийн холбоосууд зэрэг дутуу зүйл байсан. Удирдах байгууллагад жирийн иргэд, гишүүдийг илүү олноор оруулах, үйл ажиллагаанд оролцох боломжийг нээж байна. Удирдлагуудыг сонгохдоо нийт гишүүдийн сунгаагаар сонгож байхаар болсон. 2011 оноос хойш ҮЗХ-нд ротаци хийгээгүй, дүрмээс хассан байсныг сэргээж оруулна. Намын удирдлагыг сонгох нь хоёрдугаар асуудал. Хамгийн чухал нь намын дүрмийн өөрчлөлтийн үзэл баримтлал юм. АН юунд зорих, ямар зорилго чиглэлтэй ажиллах үзэл баримтлалыг ард түмэнд ойлгомжтой болгохоор Их хурлаар дүрмийн өөрчлөлтийг батлана. Зохион байгуулалтаас ч илүү эв нэгдлийг эрхэмлэдэг Ардчилсан нам болох өөрчлөлтийг хийхээр зорьж байгаа.
-Их хурал болтол АН-ыг хэн удирдах вэ. З.Энхболд ҮЗХ-ны хуралд яагаад оролцоогүй вэ?
Ш.Түвдэндорж: -Дарга удирдлага бол хоёрдугаар асуудал. Юуны өмнө намаа шинэчлэх, дүрэм журмаа олон түмэнд, жирийн гишүүддээ ойлгомжтой болгохоор бид хоёр ч том ажлын хэсэг байгуулсан. Намын дарга Энхболдын эхнэр мэс засалд орж, Солонгост эмчлүүлэхэд нь сахиж байгаа тул хуралд оролцох боломжгүй болсон юм. Намын одоогийн үйлчилж буй дүрмээр дарга өөрөө өргөдлөө өгөх, төрийн албан тушаал хавсран хаших тохиолдолд ажлаа өгдөг. Намын дарга ажлаа өгөх хүсэлтээ ҮЗХ-д гаргадаг. ҮЗХ түүнийг нь хэлэлцээд шийдвэл чөлөөгддөг дүрэмтэй. Харин нэгэнт Их хурлаараа намын удирдлагыг сунгаагаар сонгох дүрмийн өөрчлөлт хийх учраас түр дарга гэж байлгаад яахав гэж ярилцлаа. Намын даргын сунгаа болж, сонгогдтол одоогийн дарга З.Энхболдын хүсэлтийг авч хэлэлцэх шаардлагагүй гэж үзсэн тул үргэлжлүүлэн ажиллана.
-АН дүрмээ биелүүлдэггүй гишүүддээ хариуцлага тооцох асуудал ярьсан уу. Засгийн газраа огцруулсан бол хөөх тухай асуудал хөндсөнийг ҮЗХ-ны гишүүд хэрхэхээр болов?
Ш.Түвдэндорж: -Хариуцлагын асуудалд анхаарал хандуулах нь илүүтэй байна. Одоогийн дүрэм маань сайн боловч хариуцлага тооцох асуудалд нэлээд шат дамжлага дамждаг заалттай юм. Тухайн гишүүн алдаа оноо, гаргасан бол таарч тохирсон хариуцлага, шагнал урамшууллыг нь шууд олгох байдлаар дүрмэнд оруулна. Хариуцлага оногдуулдаг бүтцийн байгууллага нь хариуцлагаа тооцож чадахгүй бол тэд өөрсдөө огцордог байхаар зохицуулна. Хэн нэгэн объектив, субъектив зүйлээс хамаарахгүйгээр хариуцлагаа цаг тухайд нь тооцдог болно гэсэн үг юм.
Б.Гарамгайбаатар: Мэдээллийг зөв хүргээсэй гэж бид хүсч байна. АН-ын дүрэм өнөөдөр хүчин төгөлдөр үйлчилж байгаа. Ард иргэдийн зүгээс, намын гишүүдийн хэлдэг шүүмжлэлийг хүлээн зөвшөөрч байгаа. Дүрмийн зарим заалтуудыг авч хаясан, хэрэгжүүлэхгүй байсантай холбоотой шүүмжлэл их гардаг. Тиймээс тал талаасаа оролцоод олон хүн дүрмийн өөрчлөлтөд ажилласан. Дүрмийн өөрчлөлтийн төслийг ҮЗХ болоод Гүйцэтгэх зөвлөлөөр хэлэлцсэн. Одоогийн дүрмийн үндсэн суурь дээр нэмж ямар өөрчлөлт оруулахыг бид ярилцаж байна. Хэрэгжээгүй заалтуудыг хэрэгжүүлдэг болох, ротацийг байхгүй болгосныг нэмэх, өнөөдрийн цаг үетэй нийцүүлж дүрмийн өөрчлөлтүүд оруулсан. Их хурлаар хэлэлцүүлэхээс өмнө ажлын хэсэг саналуудыг нэгтгэж дүрмийн төслийг бэлэн болгохоор байгуулагдсан гэсэн үг. Шинэ дүрэм батлагдаж байгаа учраас намын удирдлагууд, бүтэц бүгд өөрчлөгдөнө. Хариуцлага тооцох асуудал шинэ дүрмийн хүрээнд зохицуулагдана. Сунгаагаар даргаа сонгох асуудлыг ҮЗХ-ны гишүүд болон жирийн гишүүд дэмжигчид маш их дэмжиж байгаа. Ямар ч асуудал үүссэн хүлээж авахад гишүүд бэлэн болсон учраас бид арванхоёрдугаар сарын 6-наас хойш удирдлагуудыг сонгох сунгаа явуулна. Тэгээд Цагаан сарын өмнө намын даргаа сонгоно. ҮЗХ-нд зөрчилдөөн бол гарч байдаг. Гишүүд санал бодлоо хэлсэн. Тэгэхдээ АН-ын дүрмээр олонхийн шийдвэрээ дагаж асуудлаа шийдсэн.
Л.Эрхэмбаяр: Шинэ дүрмээ Их хурлаараа баталсны дараа фракцаараа талцаж, анхан, дунд шатны дарга удирдлагын эрхийг авдаг асуудлыг таслан зогсоно. Бүгдийг анхан дунд шатнаасаа эхлэн шийддэг болно. Хүлээн зөвшөөрөгдсөн хүмүүс л АН-ын дарга, тухайн аймаг, сумынхаа намын дарга болдог тогтолцоонд орно. АН-ын шинэчлэл Монголын улс төрийн намуудын шинэчлэлийн өнгийг тодорхойлох ёстой гэж манай гишүүд хэлж байна. Тиймээс бид шинэчлэгдэхийн төлөө, Монголын улс төрд шинэчлэл хийхийг зорьж ажиллаж байна.
Зүүлт: ҮЗХ-ны хуралдаанаар зарим гишүүнд хариуцлага тооцох тухай яригдсан. Хоёр ажлын хэсэг байгуулахаас гадна өмнө нь хэлэлцэхээр оруулсан бусад асуудал дунд намын даргаас З.Энхболд, генсекээс Л.Эрхэмбаярыг чөлөөлөх, Хяналтын ерөнхий хорооны зарим гишүүнийг намаас хасах тухай тогтоол, хариуцлага тооцох талаар ч байсан юм. Тэгвэл энэ удаад хоёр чухал ажлын хэсэг байгуулахаар санал нэгдсэн учраас өмнөх асуудлуудыг хэлэлцэх шаардлагагүй гэж үзжээ.
АН-ын дарга З.Энхболдод хариуцлага тооцох, Н.Алтанхуягийн Засгийн газрыг огцруулахад санал өгсөн тухайн үеийн УИХ-ын гишүүдэд хариуцлага тооцох талаар хэлэлцэх ёстой гэж Д.Нямхүү хөнджээ. Түүний саналтай холбоотойгоор багагүй маргаан гарсан байна. УИХ-ын гишүүн С.Эрдэнэ З.Энхболд даргын гэр бүлийн хүн өвчтэй байгаа энэ хүнд үед эзгүйд нь хөөх асуудал ярьж, ёс жудаггүй загнаж болохгүй гэж. Түүгээр ч барахгүй тэрээр Д.Нямхүүг МАН-ын С.Баяр, Т.Ганди хоёрт бичиг барьж, түүнээс нь болж олон хүн ял сонссон гашуун түүх бий /С.Эрдэнэ нарын хүмүүс/. Ийм зүйлийг нь Хяналтын ерөнхий хороонд оруулж, хөөх тухай асуудал ярих байтал заавал ар гэрийн асуудалтай байгаа хүнд хариуцлага ярих нь шударга явдал биш хэмээсэн байна.
Мөн Хяналтын ерөнхий хорооны нэгэн гишүүн намаас хөөх асуудлыг албан ёсны хурал хийж хэлэлцээгүй, Алтангадас фракцынхан ярилцаад бичиг болгон гаргасан гэж тайлбарлажээ. УИХ-ын гишүүн асан Ц.Оюунгэрэл өчигдөр хуралд оролцоогүй ч өмнөх ҮЗХ-ны хурлаар Хяналтын ерөнхий хорооноос оруулсан зарим гишүүнийг хөөх тухай асуудлыг татахаа илэрхийлсэн байдаг. Заавал нэгнээ хөөхдөө биш хариуцлага тооцдог байх үүднээс хөндсөн гэсэн. Ингээд дүрмийн өөрчлөлтөө ярьж эхэлсэн АН-ынхан өнгөрснөө сөхөж, фракцаараа талцаж байхаа зогсоож, дүрмээ сайжруулан өөрчилж, шинэ бүтэц бүрэлдэхүүнээ бүх гишүүдийн саналыг харгалзан сонгож, шинэчлэл хийх хэрэгтэй гэдэгт санал нэгдсэн байна.
-
2016 оны 11 сарын 18
Өнөөдөр хуваарийн дагуу УИХ-ын байнгын хороод болон чуулганы нэгдсэн хуралдаантай. Хуралдаанаар дараах асуудлуудыг хэлэлцэх ажээ.
НЭГ.БАЙНГЫН ХОРООНЫ ХУРАЛДААН:
1.Төсвийн байнгын хорооны хуралдаан 09.00 цагаас “Их эзэн Чингис хаан” танхимд:
Санхүүгийн зохицуулах хорооны орон тооны бус гишүүнийг томилох, чөлөөлөх тухай.
2.Эдийн засгийн байнгын хорооны хуралдаан 09.30 цагаас “Их эзэн Чингис хаан” танхимд:
Санхүүгийн зохицуулах хорооны орон тооны болон орон тооны бус гишүүдийг томилох, чөлөөлөх тухай.
3.Төрийн байгуулалтын байнгын хорооны хуралдаан 09.00 цагаас “Жанжин Д.Сүхбаатар” танхимд:
Нийтээр тэмдэглэх баярын болон тэмдэглэлт өдрүүдийн тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн Я.Содбаатар нарын 9 гишүүн 2016.11.16-ны өдөр өргөн мэдүүлсэн, анхны хэлэлцүүлэг/.
ХОЁР.ЧУУЛГАНЫ НЭГДСЭН ХУРАЛДААН:
10.00 цагаас: /Байнгын хороодын хуралдааны дараа/
Хууль, Улсын Их Хурлын тогтоолын эцсийн найруулга сонсох;
Нийтээр тэмдэглэх баярын болон тэмдэглэлт өдрүүдийн тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн Я.Содбаатар нарын 9 гишүүн 2016.11.16-ны өдөр өргөн мэдүүлсэн, анхны хэлэлцүүлэг/;
Санхүүгийн зохицуулах хорооны орон тооны болон орон тооны бус гишүүдийг томилох, чөлөөлөх тухай.
15.00 цагаас:
Монгол Улсын Ерөнхий сайдын мэдээлэл: “Ургац хураалтын дүн мэдээ, мал аж ахуйн салбарын өвөлжилтийн бэлтгэл хангах чиглэлээр Засгийн газраас авч хэрэгжүүлж буй арга хэмжээний талаар” хэлэлцэнэ.
-
2016 оны 11 сарын 17
Улсын Их Хурлын Тамгын газраас өнөөдөр /2016.11.17/ хэвлэлийн бага хурал хийж, Монгол Улсын шинэ Үндсэн хууль батлагдсаны 25 жилийн ойг тэмдэглэн өнгөрүүлэх ажлын хүрээнд зохион байгуулах үйл ажиллагаа, ирэх бямба гаригт эхлэх Шатар сонирхогчдын улсын аварга шалгаруулах тэмцээний талаар сэтгүүлчдэд мэдээлэл өгөв.
-
2016 оны 11 сарын 17
УИХ-ын гишүүн, Засгийн газрын гишүүн, Хууль зүй, дотоод хэргийн сайд С.Бямбацогт өнөөдөр /2016.11.17/ Монгол Улсын Засгийн газраас өргөн мэдүүлж буй Монгол Улсын хилийн тухай хуулийн шинэчилсэн найруулгын төсөл, Монгол Улсын хууль тогтоомжийг 2020 он хүртэл боловсронгуй болгох үндсэн чиглэлийн төслийн тухай УИХ-ын тогтоолын төслийг Монгол Улсын Их Хурлын дарга М.Энхболдод өргөн барилаа.
-
2016 оны 11 сарын 17
УИХ-ын гишүүн С.Жавхлан үдээс хойших Их хуралд оролцож Нийтээр тэмдэглэх баярын тухай хуульд нэмэлт өөрчлөлт оруулах тухай хуулийн хэлэлцүүлгийг хийх шатанд дэмжихгүй гэдгээ илэрхийллээ.
-
2016 оны 11 сарын 17
УИХ-ын гишүүн С.Жавхлан үдээс хойших Их хуралд оролцож Нийтээр тэмдэглэх баярын тухай хуульд нэмэлт өөрчлөлт оруулах тухай хуулийн хэлэлцүүлгийг хийх шатанд дэмжихгүй гэдгээ илэрхийллээ.
-
2016 оны 11 сарын 17
УИХ-ын чуулган үргэлжилж байна. Хуралдаанаар Монгол Улс байнга төвийг сахих тухай хуулийн төсөл болон төсөлтэй холбогдуулан Нийтээр тэмдэглэх баярын болон тэмдэглэлт өдрүүдийн тухай хуульд нэмэлт оруулах тухай хуулийн төсөл, Хууль баталсантай холбогдуулан авах арга хэмжээний тухай, Монгол Улсын үндэсний аюулгүй байдлын үзэл баримтлал батлах тухай тогтоолын хавсралтад өөрчлөлт оруулах тухай, Монгол Улсын гадаад бодлогын үзэл баримтлал батлах тухай тогтоолын хавсралтад өөрчлөлт оруулах тухай Улсын Их Хурлын тогтоолын төслүүд /Монгол Улсын Ерөнхийлөгч 2015.10.19-ний өдөр өргөн мэдүүлсэн, хэлэлцэх эсэх/-ийг хэлэлцэж байна. Үүнтэй холбогдуулан УИХ-ын гишүүн С.Эрдэнэ
-
2016 оны 11 сарын 17
Ё.Бат-Эрдэнэ
С.Баярыг ерөнхий сайд байх үед Эрдэнэт үйлдвэрийн Монголын төрийн эзэмшдэг 51 хувийг нэгэн бизнесмэний гадны банкаас авсан зээлийн барьцаанд тавьсан байдаг. Тодруулбал “Жаст” групын ерөнхийлөгч Ш.Батхүүгийн Өмнөд Африкийн Стандарт банкнаас авсан 109 сая амдолларын зээлийн батлан даалтыг гаргаж, нэг ёсондоо Засгийн газар Эрдэнэт үйлдвэрийн өөрийн эзэмшдэг хувиа дэнчин болгож өгсөн байв. Тухайн үеийн захирал Ч.Ганзориг болон Төрийн өмчийн хорооны дарга Д.Сугар нарын гарын үсгээр баталгаажсан уг батлан даалтын асуудал олон улсын арбитрын шүүхээр таван удаа ороод байна. Өнөөдрийн байдлаар үлдэгдэл 51 сая амдолларыг Эрдэнэт үйлдвэр, Монгол Улсын төрөөс төлөх шаардлагатай гэсэн шийдвэр гаргаад байгаа юм.
Гэтэл манай улстөрчид Оросын талаас худалдан авсан 49 хувийг шалгаж, хардаж, нийгэмчлэх тухай ярьсаар байна. Лондонгийн арбитрын шүүхээс гаргасан шийдвэрийг биелүүлж төрөөс 51 сая амдоллар төлөх эсэх асуудлыг анхаарч хөндөх нэг ч хүн алга. Нэгэнт олон улсын шүүхийн шүийдвэр эцэслэн гарсан л бол төлбөрийг барагдуулах нь гарцаагүй. Валютын ханш өсөж, эдийн засаг хүндэрсэн энэ үед “май” гээд сарвайчих бяд Засгийн газарт минь байгаа билүү. Эрдэнэтийг дур мэдэн банканд барьцаалсан эрх мэдэлтнүүд, мөнгө зээлээд эргэн төлөлт хийгээгүй Ш.Батхүү нарт хэн хариуцлага тооцох вэ. Ард түмний өмнөөс ярьдаг эх оронч гишүүд минь олоод ирсэн хувийг биш, алдах гэж байгаа асуудалдаа анхаарлаа хандуулмаар байна шүү.
-
2016 оны 11 сарын 17
Үндсэн хуулийн Цэцийн гишүүн болон Хүний Эрхийн комиссын гишүүн болон Элчин сайд нарыг томилох асуудлыг хэлэлцэн шийдвэрлэлээ.
-
2016 оны 11 сарын 17
УИХ-ын үдээс өмнөх чуулганы хуралдаанаар УИХ-ын гишүүн О.Баасанхүү сайд Ц.Мөнх-Оргилын яам хатуу чихтэй болсон хэмээн шүүмжлэв.
-
2016 оны 11 сарын 17
Харин УИХ-ын гишүүн О.Баасанхүү сайд Ц.Мөнх-Оргилын яам хатуу чихтэй болсон гэж даапайлав. Тэрбээр ”Гадаад улсад Монгол Улсаа төлөөлөн сууна гэдэг том бөгөөд хүндтэй ажил. УИХ-ын гишүүн хүн жижиг байдлаар харагдна гэдэг ичмээр шүү дээ. Би өөрийгөө хүндлүүлэх гэсэнгүй.
Улс төрийн ажлаар явж байгаа тохиолдолд Элчин сайдын яамаас анхаарал хандуулан ажиллах ёстой. Намайг үдэж гаргах үеэр манайхаас нэг ч хүн, машин байсангүй. Элчин сайдаар очиж байгаа хүмүүс Тэнд дарга болох гэж биш үйлчлэх гэж очиж байгаа шүү. Их хурлын даргын захирамжаар явж байгаа бол Төрийн элчин сайд нь анхаармаар байна. Энэ бол зөвхөн над дээр л болсон жишээ. Үүнд ГХЯ-ны сайд анхаараач. Ц.Мөнх-Оргил гишүүнийг тус яаманд сайдаар очсоноос хойш ГХЯ Чих хатуутай болсон гэж би үзэж байгаа.
Нүүдэлчин Монголчууд нүүсээр байгаад ГХЯ-аа ядраачихсан юмуу. Улс орныхоо нүүр царайг гаргаж өгмөөр байна. Монголдоо байдаг шигээ битгий амьдраарай.
Бусад оронд байгаа монгол иргэд Монголд байгаа Элчин сайдын яамаа мэддэггүй. Аргагүй гэмт хэрэгт холбогдохоороо очдог” гэсэн шүүмжлэл
-
2016 оны 11 сарын 17
надад оффшор данс байхгүй. Улс төрчид байх ёсгүй гэж үздэг. Гэхдээ хуулийн зохицуулалт нь ямар юм. Миний очих гэж улсын хувьд ямар үйл явдал болсонд мэдэх юм алга. Оффшор данстай холбоотой асудлаар шалгуулж хариуцлга хүлээхэд би бэлэн байна.
-
2016 оны 11 сарын 17
АН-ын шинэчлэл нь улс төрийн намуудын шинэчлэлийн өнгийг тодорхойлсон байх ёстой
-
2016 оны 11 сарын 17
Засгийн газрын хуралдаанаар Гадаад улсад Элчин сайдаар ажиллах хүмүүсийн саналыг хэлэлцэн дэмжиж, Монгол Улсын Ерөнхийлөгчид өргөн мэдүүлэхээр тогтсон. Их хурлын чуулганаар гадаад улсад Элчин сайдаар ажиллахаар томилогдсон гишүүд хийх ажлаа танилцууллаа. Тухайлбал,
-
2016 оны 11 сарын 17
2016 оны ургац хураалтын урьдчилсан дүнг Хүнс, хөдөө аж ахуй, хөнгөн үйлдвэрийн сайд П.Сэргэлэн Засгийн газрын хуралдаанд танилцууллаа.
Мэдээллээс үзвэл 475 мянган тонн үр тариа, үүнээс 460 мянган тонн буудай, 153 мянган тонн төмс, 93 мянган тонн хүнсний ногоо, 20 орчим мянган тонн тосны ургамал, 50 мянган тонн тэжээлийн ургамал хураан авчээ. Ингэснээр манай улс улаан буудай, төмсний хэрэглээг 100 хувь, хүнсний ногооны 50 гаруй хувийг дотоодоос хангах боломж бүрдсэн байна.
Аж ахуйн нэгж, иргэд 389 мянган га-д чанар сайтай уринш боловсруулж бэлтгэсний 108 мянган га талбайг дэвшилтэт технологиор боловсруулж, дараа оны тариалалтад зориулан 45 мянган тонн үр нөөцөлжээ.
Мэдээлэлтэй холбогдуулан хэд хэдэн арга хэмжээ авахыг холбогдох сайд, албан тушаалтанд даалгалаа. Тухайлбал Дарханы ургамал, газар тариалан, эрдэм шинжилгээний хүрээлэн болон үр тарианы үйлдвэрлэл эрхэлдэг аж ахуйн нэгжтэй хамтарч үрийн төрөлжсөн аж ахуй байгуулах, хөдөө аж ахуйн зориулалттай шинэ трактор, комбайн, машин механизм, бордоо, ургамал хамгааллын бодисыг гаалийн албан татвараас чөлөөлөх тухай хуулийн хугацааг сунгах зэргийг судалж танилцуулахыг үүрэг болголоо.
Мөн хуралдаанаар мал аж ахуйн салбарын өвөлжилтийн бэлтгэл хангасан дүнтэй танилцав.
Цаашид хөрөнгө, санхүүжилтээс шалтгаалан өвс, тэжээлийн аюулгүйн нөөцөө хангалтгүй бүрдүүлсэн аймгуудыг судлан Засгийн газарт танилцуулах, цас ихтэй бүс нутагт отроор яваа малчдад эрүүл мэндийн үйлчилгээ үзүүлэх бэлэн байдлаа нэмэгдүүлэхийг холбогдох сайд нарт даалгав.
Мөн улсын тусгай хамгаалалттай цогцолбор газар, хилийн зурвас бүс нутагт өвөлжиж, хаваржих малчдын нийгмийн асуудалд анхаарах, малын гоц халдварт өвчний хяналтыг сайжруулах, өвөлжилт, хаваржилтын хүндрэл үүсэхээс урьдчилан сэргийлэх зорилгоор байнгын бэлэн байдалд ажиллахыг бүх шатны Засаг дарга, салбарын сайдад даалгав гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 11 сарын 17
УИХ чуулган үргэлжилж байна. Хурлаар Хүний эрхийн Комиссын гишүүнийг томилох тогтоолын төслийг хэлэлцээд Үндсэн хуулийн цэцийн гишүүнийг чөлөөлөх, томилох, асуудлыг хэлэлцлээ.
УИХ-ын гишүүн, Хуульзүй байнгын хорооны дарга асан Д.Одбаярыг гишүүдийн олонх нь дэмжээд 96 хувийн саналаар дэмжиж Үндсэн хуулийн цэцийн гишүүнээр томиллоо. Харин Б.Очирбатыг Үндсэн хуулийн цэцийн гишүүнээс чөлөөллөө. УИХ-ын гишүүн О.Баасанхүү, Ц.Даваасүрэн, Оюун-Эрдэнэ, Лүндээжанцан нар Д.Одбаярт үг хэлэв.
УИХ-ын гишүүн О.Баасанхүү
“ Өнөөдөр төрийн байгуулалтын байнгын хороо Засгийн газрын сайдуудад хариуцлага тооцох асуудлыг шийдэж өгөөрэй. Тодорхой сайдуудад хариуцлага тооцъё гэхээр байхгүй.
Төрд сууж байгаа 65-лаа эвээ ололцоод суугаасай гэж залбираад суухаас өөр аргагүй болчихоод байна. Цэцийн хуулийг боловсронгуй болгомоор юм гэдгийг хэлмээр байна. Үндсэн хуулийн цэц намын харьяалаар яваад байдаг юм билээ.
Төрөө бүтэн байлгаж түмнээ ядуурлаас аваръя. Төр бүтэн байх тухай бодохоо больчихоод байна. Цэцийн дарга болоод хэрэггүй шүү. Цэцийн гишүүн гэдэг чинь нэр хүндтэй алба. Сайн ажиллаарай гэж хүсье”
УИХ-ын гишүүн Л. Оюун-Эрдэнэ
“Нэр дэвшигчийг дэмжиж байна. Гэхдээ манайхаас өөр улс төрд Үндсэн хуулийн цэцэд улс төрч хүн ажилладаг ийм улс орон цөөхөн. Манайх шиг хууль тогтоох байгууллага нь төр засагтайгаа холилдоод нэг байшинд байх тохиолдол цөөн. Улс төрийн том эрх мэдлийн хязгаар дунд үндсэн хуулийнхаа зарчмыг баримтлаад хуульч гэдэг нэрээрээ ажиллахыг хүсье”
УИХ-ын гишүүн Д.Лүндээжанцан
“ Үндсэн хуулийн цэц, институт байгуулагдаад 25 жилийн ой болох гэж байна. Маш их шалгалт сорилтыг давсан байгууллага. Улс төр Үндсэн хуулийн цэц аль аль нь л Үндсэн хуулиа сайжруулах гэж нэг зүгт харж ажилладаг. 25 жилийн өмнө дэлхий ертөнц өөр байлаа. Дахиад их өөр болчихлоо.
Сүүлийн үед энэ үндсэн хуулийн шүүх бүгдийн толгой дээр гарлаа гэж шүүмж гараад байна. Орон бүрийн парламент шүүхтэйгээ сөргөлддөг. Үндсэн хуулийн шүүх цэц өөрсдөө бид л үндсэн хуулийг тайлбарлах эрхтэй гэж үздэг. Цэцийн гишүүдэд нэг их заах эрх байхгүй. Олон жил харсаны хувьд эрхзүйн тайлбар гэдгийг зөв ойлгомоор байна.
Парламентийн гишүүдийг эргэлзэх юмгүйгээр амыг нь тагладаг болно. Үүнд зөв тэнцвэр их чухал байгаа юм. Өнөөдөр тодорхой хариу хэлж байгаа юм алга. Амтай болгон Үндсэн хуулийг өөрчлөх тухай ярьж байна. Үр дагаварыг нь хэдэн арван жилээр харах хэрэгтэй” гэлээ. Үүний дараа Гадаад улсад суух Элчин сайд нарыг томилох тухай асуудалд гишүүд байр сууриа илэрхийлж буй юм.
