-
2015 оны 12 сарын 30
Үндэсний эрх чөлөө, тусгаар тогтнолоо сэргээсний баярын өдөрт зориулж Монгол Улсын Ерөнхий сайд Ч.Сайханбилэг мэндчилгээ дэвшүүллээ
18 цаг 17 минутын өмнө
Print Zasag and PDF
ShareThis Facebook Tweet LinkedIn Email
Эрхэм хүндэт ард иргэд ээ,
Монголчууд бид 104 жилийн өмнөх энэ өдөр, цагаагчин гахай жилийн өвлийн дунд сарын шинийн 9-нд төр улсын бүх бодлого, үйл ажиллагаагаа Манж Чин гүрнээс тусгаарлан сэргээж байгаагаа зарласан билээ. 1911 оны 12 дугаар сарын 29-ний энэ өдөр төрийн их ёслолыг гүйцэтгэн VIII Богд Жавзандамба хутагтыг Монгол Улсын хаанд өргөмжилж, таван яамнаас бүрдсэн Монгол Улсын Засгийн газрыг байгуулжээ. Монголчуудын үндэсний эрх чөлөө, тусгаар тогтнолд үнэтэй хувь нэмрээ оруулсан 1911 оны энэхүү хувьсгал нь манай ард түмний XX зуунд хийсэн гурван том хувьсгалын анхдагч байсан бөгөөд өнөөдөр энэ их баярыг бид гүн гүнзгий ач холбогдлоор нь, шинэлэг утга агуулгаар нь тав дахь жилдээ тэмдэглэж байна. 104 жилийн өмнө эрх чөлөөгөө батлан тунхагласан Монгол орон өнөөдөр хүний эрх, эрх чөлөөг дээдэлсэн, хөгжил дэвшил, бизнесийн өргөн боломжтой, гэгээлэг ирээдүйтэй улс болон хөгжиж байна. Өвөг дээдсийнхээ өнөөдрийн бидэнд өвлүүлэн үлдээсэн эрх чөлөө, тусгаар тогтнолыг улам бүр батжуулан хөгжүүлэх нь Монгол хүн бүрийн, тэр дундаа манай Шийдлийн Засгийн газрын эрхэм үүрэг, зорилго билээ.
Ард иргэд ээ,
Манай Засгийн газар улс төр, санхүү, хөрөнгө оруулалтын ихээхэн хүндрэлтэй нөхцөлд нэг жил гаруй хугацаанд ажиллаж байна. Бидэнд энэ хугацаанд шийдсэн зүйл ч багагүй байна. Бид юуны өмнө төсвийн реформоо хийж чадлаа. Хавтгайрсан нийгмийн халамжийг хэрэгтэй хүнд нь хаяглах бодлогоо хэрэгжүүллээ. Монгол Улс бизнест эргэн ирснээ зарлаж, “Оюу толгой”-н гүний уурхайн бүтээн байгуулалтын 4.4 тэрбум долларын хөрөнгө оруулалтаа шийдвэрлэлээ. Эрчим хүч, замын салбарын сүүлийн 3 жилийн бүтээн байгуулалт өнгөрсөн 25 жилийн нийлбэрээс хол давж гарлаа. Мал сүргийн тоо толгой 56 саяд хүрлээ. Алс хязгаар нутгуудад түлш шатахууны үнэ нийслэлтэй ойролцоо үнэд шилжиж буурлаа. Далд эдийн засгийг ил гаргаж эргэлтэд оруулах бодлого амжилттай хэрэгжиж шинээр 8 их наяд төгрөгийн хөрөнгө, татварын орлого бүртгэгдлээ.
Хийж гүйцэтгэсэн ажлаас гадна бидэнд шийдэж, шийдвэрлэх зүйл ч цөөнгүй байна. Оюу толгойн араас Таван толгой, Гацуурт, Цагаан суварга зэрэг стратегийн орд газруудаа бүтэн эргэлтэд оруулна. Үлдэж буй 6 аймгаа хатуу хучилттай замаар холбох ажлаа дуусгана. Төмөр зам, хурдны замаа тавьж эхэлнэ. Эгийн голын усан цахилгаан станц, Багануур, Бөөрөлжүүт, Таван толгойн цахилгаан станц, аймгийн дулааны станцуудын бүтээн байгуулалтын ажлуудаа эхлүүлнэ. Мах, гурил буудай, арьс ширний чиглэлээр хэрэглэгчээ, малчдаа, хүмүүсээ дэмжсэн бодлого хэрэгжүүлнэ. Биднийг шил шилээ дарсан олон ажил, асуудал, сорилт хүлээж байна.
Улс орон, ирээдүй хойчийнхоо төлөө хийх бидний энэхүү зүтгэл зөвхөн иргэд, олон түмэн та бүхнийхээ дэмжлэгтэйгээр бодит ажил хэрэг болох билээ.
Иймээс угтан ирж буй 2016 онд эх орон, элэг нэгт монголчууд бид эв нэгдэлтэй, эрч хүчтэй байж,эрхэлсэн ажилдаа амжилт бүтээл дүүрэн, эрүүл энх, аз жаргалтай байхын ерөөлийг өргөн дэвшүүлье. Та бүхэн шинэ оноо сайхан угтаарай.
Монгол орныг минь мөнх хөх тэнгэр нь үргэлж ивээж байх болтугай.
- See more at: http://zasag.mn/news/view/11784#sthash.ZUNe5Cfs.dpuf
-
2015 оны 12 сарын 30
Өнөөдөр УИХ-ын чуулганы хуралдаантай. Хуралдаанаар таван асуудлыг хэлэлцэн шийдвэрлэхээр болжээ.
-
2015 оны 12 сарын 30
БАЙНГЫН ХОРООНЫ ХУРАЛДААН:
12 дугаар сарын 30-ны Лхагва гарагт:
1.Нийгмийн бодлого, боловсрол, соёл, шинжлэх ухааны байнгын хорооны хуралдаан 09.00 цагаас “А” танхимд:
Хэлэлцэх асуудал:
Монголын Улаан Загалмай Нийгэмлэгийн эрх зүйн байдлын тухай хуулийн шинэчилсэн найруулгын төсөл /Улсын Их Хурлын гишүүн Н.Энхболд, Р.Амаржаргал нарын 16 гишүүн 2015.08.21-ний өдөр өргөн мэдүүлсэн, эцсийн хэлэлцүүлэг/
Эрүүл ахуйн тухай хуулийн төсөл болон хамт өргөн мэдүүлэгдсэн бусад хуулийн төслүүд. /Засгийн газраас 2015.06.15-ны өдөр өргөн мэдүүлсэн, анхны хэлэлцүүлэг/
Боловсролын тухай болон Дээд боловсролын тухай хуульд нэмэлт, өөрчлөлт оруулах тухай хуулийн төслүүд, эдгээр хуультай хамт өргөн мэдүүлсэн бусад хуульд нэмэлт, өөрчлөлт оруулах тухай хуулийн төслүүдийг тус тус хэлэлцүүлэгт бэлтгэх ажлын хэсэг байгуулах тухай асуудал.
“Монгол Улсын төрөөс хүн амын хөгжлийн талаар баримтлах цогц бодлого батлах тухай” Улсын Их Хурлын тогтоолын төслийг хэлэлцүүлэгт бэлтгэх ажлын хэсэг байгуулах тухай асуудал.
2. Аюулгүй байдал, гадаад бодлогын байнгын хорооны хуралдаан 09.00 цагаас “Б” танхимд:
Хэлэлцэх асуудал:
Хөгжлийн хамтын ажиллагааны тухай Монгол Улс, Бүгд Найрамдах Турк Улсын Засгийн газар хоорондын хэлэлцээрийн төсөл/Засгийн газрын 2015.12.11-ний өдөр өргөн мэдүүлсэн, зөвшилцөх/;
“Монгол Улсаас гадаадын зарим улстай дипломат харилцаа тогтоох тухай” Улсын Их Хурлын тогтоолын төсөл /Засгийн газар 2015.12.17-ны өдөр өргөн мэдүүлсэн/;
Бусад асуудал: Ажлын хэсэг байгуулах тухай Байнгын хорооны тогтоол;
Нууц асуудал /хаалттай/.
-
2015 оны 12 сарын 29
Үндэсний эрх чөлөө, тусгаар тогтнолоо сэргээн мандуулсны ойд зориулсан Монгол Улсын Ерөнхийлөгчийн нэрэмжит цомын төлөөх чансаа өндөр 128 бөхийн барилдаан Монгол бөхийн өргөөнд эхэллээ. Бөхийн барилдааныг нээж Монгол Улсын Ерөнхийлөгч Ц.Элбэгдорж үг хэлсэн юм.
Тэрээр хэлсэн үгэндээ “Эрхэм хүндэт ард иргэд ээ, Энэхүү өргөөнд хуран цугларсан бөх сонирхогч, бөхийн хорхойтнууд, нийт иргэдийнхээ энэ өдрийн түмэн амгаланг айлтган мэндчилье.
Та бүхэндээ үндэсний эрх чөлөө, тусгаар тогтнолоо сэргээн мандуулсны 104 жилийн ойн баярын мэндийг хүргэж хамгийн сайн сайхныг хүсэн ерөөе. Монголд 104 жилийн өмнө болсон түүхэн үйл явдал бол Их Монгол Улсаа байгуулснаас хойш болсон хамгийн гайхамшигтай түүхэн үйл явдал байсан гэж хэлж болно. Их Монгол Улсаа байгуулж, дэлхийн гүрнийг зарлаж явсан монголчуудад уруудаж доройтох цаг байсан. Гэхдээ бид эрх чөлөө, тусгаар тогтнолоо эргэж сэргээн олж авсан. Энэ эрх чөлөө, тусгаар тогтнолоо бид 104 жил эрхэмлэн хамгаалж яваа.
Энэ ойн баяраараа он гарсаар хамгийн сайн барилдаж байгаа 128 шилдэг бөхчүүдээ барилдуулж, улс орон даяар энэ их баяр наадмаа бид тэмдэглэдэг уламжлал тогтоод байна. Энд байгаа бөхийн хорхойтнуудтайгаа шинэ оноо Бөхийн өргөөндөө угтдаг ийм уламжлал тогтож байна. Надтай хамт, бидэнтэй хамт шинэ жилээ угтаж байгаа, энэ баярыг хамтран тэмдэглэж байгаа бөхийн хорхойтнууд та бүхэндээ чин сэтгэлээсээ баярлалаа. Та бүхний маань хийморь өндөр байх болтугай.buhИрэх жил сайхан жил гарч байна. Монголын төрд олон тэгш ой тохиосон жил гарч байгаа. Их Монгол Улс байгуулагдсаны 810 жилийн ойг ирэх жил тэмдэглэнэ. Энэ ойн 10, 10 жил дээр 1024 бөхөө барилдуулж наадмаа хийдэг. Ирэх жил бөхийн хорхойтнууд, бөхчүүд, бөх сонирхогчдын сайхан наадам болно гэж бодож байна.
Ингээд шинэ жилийг хамтдаа угтаж, хамтдаа монгол ёсоор шинэ жилээ угтан тэмдэглэж, өвөг дээдсийнхээ аугаа үйлсийг, үйл хэргийг үргэлжлүүлэн хамтран баярлаж байгаа иргэддээ баярлалаа.
Нийт иргэд, ард түмэндээ дахин энэ ойн мэндийг дэвшүүлье. Шинэ оны мэндийг дэвшүүлье. Монгол түмний минь хийморь үргэлж өөдөө байх болтугай. Баярлалаа, та бүхэнд” гэв.
-
2015 оны 12 сарын 29
Улс төрийн хүрээн дэх зул сарын сюрпризүүд эхнээсээ задарч эхэллээ. Оны хамгийн сүүлийн бүлгийн хуралдаанаа хийснийхээ дараа МАН-ынхан Засгийн газарт “бэлэг” барихаар зэхэж буйгаа мэдэгдсэн, АН-ынхан алдаагаа ард түмнээс асууя гэсэн гээд сюрприз дүүрэн байна. Гэхдээ энэ бүхнээс илүүгээр ирэх өдрүүдийн улс төрийг сонирхолтой өрнүүлэх үйл явдал өнөөдөр болов. Үндэсний эрх чөлөөний баяр, тусгаар тогтнолоо сэргээсний 104 жилийн ойн эл өдөр УИХ-д суудалтай намын тоо нэгээр нэмэгдлээ. УИХ-ын гишүүн С.Ганбаатар өнөөдөр морин цагт ХҮН-д элсэж, намын батлахаа гардаж авсан юм. Ингэснээр парламент бие даагч хоёр гишүүнтэй, АН, МАН, МАХН, МҮАН, ИЗНН, ХҮН гэсэн зургаан намын төлөөллөөс бүрдэх болов. Боловсролтой, салбар бүрийн шилдгүүдийг эгнээндээ нэгтгээд байсан ХҮН парламентад суудалтай нам болсноор улам хүчирхэгжлээ гэж хэлж болно. Учир нь, Улс төрийн намын тухай хуулийн 22 дугаар зүйлд зааснаар УИХ-д суудал бүхий нам нь Монгол Улсын Ерөнхийлөгчид нэр дэвшүүлэх, хууль, УИХ-ын бусад шийдвэрийн төсөл болон бодлогын асуудлыг УИХ-ын гишүүнээрээ дамжуулан парламентад оруулах бүрэн эрхтэй болох юм.
Өнгөрсөн хугацаанд бие даан ажилласан С.Ганбаатар гишүүн судалгаагаар ТОП улстөрчдийн жагсаалтыг тогтмол тэргүүлж байгаа бөгөөд боловсролтой залуусын нэгдэл хэмээгдэж буй ХҮН-ыг ийнхүү сонгожээ. Нэг талаар С.Ганбаатар гишүүний ганцаарчилсан тоглолт энэ хүрээд өндөрлөж байгаа бол нөгөө талаар парламентад суудалтай нам болон ХҮН хүчирхэгжжээ.
-
2015 оны 12 сарын 29
Тус яамны сайд болон Төрийн нарийн бичгийн даргыг авлигын хэргээр шалгагдаж байгаа юм. Энэ салбар эзэнгүй болсоор хоёр сарын босгон дээр ирээд байна. Тиймээс яаралтай томилгоо хэрэгтэй байгааг УИХ дахь эмэгтэй гишүүд сануулсан. Тэгвэл өнгөрсөн баасан гаригт УИХ-ын чуулганаар Төрийн нарийн бичгийн даргаар С.Ламбааг томилсон гэж тус яамны хэвлэл мэдээлэл олон нийттэй харилцах хэлтсийн мэргэжилтэн н.Намуун мэдээллээ.
-
2015 оны 12 сарын 29
УИХ дахь МАН-ын бүлэг ээлжит сюрпризээ шинэ жилийн баяртай давхцуулах нь. Эх сурвалжийн мэдээлж буйгаар тус бүлгээс Засгийн газрыг огцруулах тогтоолын төслийн шинэ оны босгон дээр буюу маргааш өргөн барих гэнэ. МАН-ынхан Засгийн газрыг огцруулах асуудлыг аль эртнээс буюу өөрсдөө Засгийн газраас хөөгдсөн өдрөөс хойш ярьж эхэлсэн. Тэгвэл тэд ярьж байсан асуудлаа ажил хэрэг болгохоор хөдөлж эхлэх гэж буй нь энэ бололтой.
-
2015 оны 12 сарын 28
Сонгуулийн тухай хууль батлагдсантай холбогдуулан сэтгүүлчдэд мэдээлэл өгөв
-
2015 оны 12 сарын 28
Л.Пүрэвсүрэн Иран дахь монголч эрдэмтэдтэй уулзав
-
2015 оны 12 сарын 28
Ц.Элбэгдорж: Монгол хэл, соёл гэдэг аугаа зүйл улам өргөжин дэлгэрэх болтугай
-
2015 оны 12 сарын 28
Ц.Мөнхтөр МҮОНРТ-ийн Монголын мэдээ сувгийг удирдана
-
2015 оны 12 сарын 28
Соёлын тухай хуульд нэмэлт, өөрчлөлт оруулах тухай хуулийн талаар мэдээлэл хийлээ
-
2015 оны 12 сарын 28
Өнгөрсөн долоо хоногт батлагдсан Сонгуулийн хуулийн асуудлаар УИХ-ын гишүүн Р.Бурмаа, А.Бакей мөн УИХ дахь МАН-ын бүлгийн дарга С.Бямбацогт нар мэдээлэл хийлээ.
-
2015 оны 12 сарын 28
С.Бямбацогт: Ардын намын шахалт, ард түмний хүсэлт биелэх боломж бүрдлээ
-
2015 оны 12 сарын 28
Монгол Улсын Ерөнхийлөгчийн зарлигаар төрийн дээд цол, одон, медалиар шагнах ёслол өнөөдөр Төрийн ордонд боллоо.
Монгол Улс Үндэсний эрх чөлөө, тусгаар тогтнолоо сэргээн тогтоосны 104 жилийг ойг тохиолдуулан аж үйлдвэр, эрчим хүч, хууль эрх зүй, эрүүл мэнд, эдийн засаг, боловсрол, соёл, спорт, харилцаа холбоо, худалдаа үйлчилгээ, мал аж ахуй, төрийн болон төрийн бус байгууллагад олон жил үр бүтээлтэй ажилласан зарим хүнд Монгол Улсын гавьяат цол, төрийн одон, медаль хүртээлээ.
Монгол Улсын Аж үйлдвэрийн гавьяат ажилтан цолоор Хараагүй хүмүүсийн хөдөлмөр, сургалтын үйлдвэрийн зөвлөх Ламжавын Дүгэрсүрэн, ДЦС-3 ТӨХК-ийн дунд даралтын зуухан цехийн ээлжийн дарга Долгорын Хишигмаа нарыг,
Монгол Улсын Гавьяат багш цолоор СБД-ийн 8-р хорооны иргэн, ахмад багш Сангаширийн Дамдинсүрэн, Дархан-Уул аймгийн Оюуны ирээдүй цогцолбор сургуулийн дуу хөгжмийн багш Сандагийн Жамъянхорол нарыг,
Монгол Улсын Гавьяат дасгалжуулагч цолоор Монголын авто мото спортын холбооны дасгалжуулагч, БХТН-ийн техникийн спортын төвийн ахлах дасгалжуулагч Шагдарсүрэнгийн Эрдэнэбилэгийг,
Монгол Улсын Гавьяат малчин цолоор Булган аймгийн Баян-Агт сумын малчин Шагдарын Дамбийжанцанг,
Монгол Улсын Гавьяат нисгэгч цолоор Хүннү эйр ХХК-ийн сургалтын албаны дарга Гочоогийн Ерөөлтийг,
Монгол Улсын Гавьяат тамирчин цолоор Чөлөөт бөхийн үндэсний шигшээ багийн тамирчин Эрдэнэбатын Бэхбаяр, Пүрэвжавын Өнөрбат, Жудо бөхийн үндэсний шигшээ багийн тамирчин Цэдэвсүрэнгийн Мөнхзаяа, Доржсүрэнгийн Сумъяа нарыг,
Монгол Улсын Гавьяат хуульч цолоор Монгол Улсаас АНУ-д суугаа Элчин сайд Булгаагийн Алтангэрэлийг,
Монгол Улсын Гавьяат эдийн засагч цолоор УИХ-ын гишүүн Агыпарын Бакейг,
Монгол Улсын Соёлын гавьяат зүтгэлтэн цолоор Монголын үнэн сонины гэрэл зургийн албаны сурвалжлагч Ноосонборын Бөхдамбий, Их засаг дээд сургуулийн багш, зохиолч, яруу найрагч Ломбын Нямаа, Эрүүл идэвхтэй амьдрал клубын тэргүүн Жамбалын Цогтсугар нарыг,
Монгол Улсын Гавьяат жүжигчин цолоор Сити дээд сургуулийн дуурийн дуулаачийн багш Жамъянгийн Цэцгээг,
Монгол Улсын Урлагийн гавьяат зүтгэлтэн цолоор УДБЭЧ-ын ерөнхий удирдаач Намхайн Буянбаатар, Хурд хамтлагийн хөгжимчин Дамбын Ганбаяр, ХЦДБЧ-ын дарга Бадамдоржийн Ганхуяг нарыг,
Монгол Улсын Хүний гавьяат эмч цолоор Баянзүрх дүүргийн Эмнэлгийн хүүхдийн эрчимт эмчилгээ, сэхээн амьдруулах тасгийн их эмч Загдын Оюунханд, Нэгдүгээр эмнэлгийн мэс заслын тасгийн эрхлэгч Оргойн Сэргэлэн, Сэлэнгэ аймгийн нэгдсэн эмнэлгийн хүүхдийн тасгийн эрхлэгч Гомбожавын Тунгалаг, Ховд аймгийн Мөст сумын сум дундын эмнэлгийн хүүхдийн их эмч Дамдиндоржийн Бямбахүү нарыг,
Сүхбаатарын одонгоор Сүхбаатар аймгийн Засаг дарга Жамбын Батсуурийг,
Цэргийн гавьяаны улаан тугийн одонгоор ШШГЕГ-ын Газрын дарга Машлайн Алтан-Очирыг,
Алтан гадас одонгоор Нийтийн үйлчилгээний Улаанбаатар нэгтгэлийн зам талбайн үйлчлэгч Ваанчигийн Сүрэнжавыг,
Цэргийн хүндэт медалиар БХЯ-ны харъяа Үлгэр жишээ үлээвэр найрал хөгжмийн хөгжимчин Галсангийн Гансэлэм, Хилийн цэргийн 0257 дугаар ангийн харуулын дарга Гонгоржавын Сүмбэрэл нарыг тус тус шагналаа.
Шагнагдагсдад хандан Монгол Улсын Ерөнхийлөгч Ц.Элбэгдорж хэлсэн үгэндээ
“Үндэсний эрх чөлөө, тусгаар тогтнолоо сэргээн мандуулсны 104 жилийн ой тохиож буй энэ өдөр Монгол Улсын тусгаар тогтнол, бүрэн эрхт байдлын бэлгэ тэмдэг есөн хөлт Их цагаан сүлдний цэнгэн орших хүндэт өргөөнд амжилт ололт, хичээл зүтгэлээрээ улс орондоо ихийг бүтээсэн иргэддээ төрийн дээд цол, одон, медаль гардууллаа.
Монголын төр мянга мянган шавь төрүүлсэн эрдмийн уурхайн эзэн багш, эрүүл энхийн манаанд олон жил зогссон эмчээс эхлээд инженер, нисгэгч, зохиолч, хөгжимчин, зурагчин, малчин зэрэг эх орныхоо дөрвөн зүг найман зовхист ажиллаж хөдөлмөрлөж яваа иргэдийнхээ зүтгэл сэтгэлийг үнэллээ.
Өнөөдөр хөдөлмөр, зүтгэлээ үнэлүүлсэн иргэддээ болон Та бүхнийхээ гэр бүлд эрүүл энх, аз жаргал, сайн сайхан бүхнийг хүсье. Улам их хичээгээрэй.
Та бүхэнд дахин баяр хүргэе!” гэлээ.
-
2015 оны 12 сарын 28
Монгол Улсын Ерөнхийлөгчийн зарлигаар ТЕГ-ын дарга Батын Хурцад өнөөдөр хошууч генерал цол олгов.
-
2015 оны 12 сарын 28
Монгол Улсын Засгийн газраас өндөр үр ашиг, ач холбогдол бүхий шинэ технологи, бүтээгдэхүүн зохион бүтээж, үйлдвэрлэл, үйлчилгээнд нэвтрүүлсэн иргэн, байгууллагад 2 жил тутамд ”Технологийн дэвшлийн шагнал” олгодог. Энэ жилийн шагналыг химийн ухааны доктор, профессор Д.Дэмбэрэлнямбын “Адууны яснаас гарган авсан яс бэхжүүлэх кальцийн бэлдмэл”-д олгохоор Засгийн газраас шийдвэрлэсэн юм.
Тэрээр “Адуу” брэндийн “Адууны яснаас гарган авсан яс бэхжүүлэх кальцийн бэлдмэл”-ийг олон жилийн судалгааны ажлын үр дүнд, орчин үеийн биотехнологи, биохимийн нарийн аргуудыг ашиглан гарган авсан байна. Нөхөн сэргээгдэх хоёрдогч түүхий эд болох адууны ясны биологийн үнэт чанарыг хэвээр хадгалан зохион бүтээсэн уг экологийн цэвэр бүтээгдэхүүн нь мэдлэг шингэсэн, анагаах чадавхи сайтай импорт орлох, экспортлоход чиглэсэн, манай орны шинэ “брэнд” бүтээгдэхүүн болж чадсан байна.
“Технологийн дэвшлийн шагнал” гардуулах ёслолын ажиллагаа өнөөдөр болж, Ерөнхий сайд Ч.Сайханбилэг Технологийн дэвшлийн шагналын энгэрийн тэмдэг, үнэмлэх, өргөмжлөл, 100 сая төгрөгийн батламжийгхимийн ухааны доктор, профессор Д.Дэмбэрэлнямбад гардууллаа.
Монгол Улсын Ерөнхий сайд Ч.Сайханбилэг эрдэмтэнд баяр хүргэж үг хэлэхдээ “Адууны яснаас гарган авсан яс бэхжүүлэх кальцийн бүтээгдэхүүн нь кальцийн бусад бэлдмэлүүдээс биологийн идэвхийн хувьд гурав дахин өндөр, яс сийрэгжилтээс сэргийлэх болон нөхөн төлжүүлэх үйлчилгээтэй, ямар нэгэн сөрөг нөлөө байхгүй хүн, амьтны биед шингэц сайтай биологийн кальци болох нь гадаад, дотоодын лабораториудад хийгдсэн шинжилгээний дүгнэлт, судалгаагаар нотлогдсон байна.
Малын дайвар түүхий эдийг өндөр технологид тулгуурлан, гүн боловсруулж, импортыг орлох ба экспортын шинэ нэр төрлийн бүтээгдэхүүн бий болгон, нотолгоонд суурилсан үр дүнгээр баталгаажуулж, яс сийрэгжилтээс урьдчилан сэргийлэх, нөхөн төлжүүлэхэд өндөр үр дүн үзүүлж байгаа тул химийн ухааны доктор, профессор Д.Дэмбэрэлнямбын “Адууны яснаас гарган авсан яс бэхжүүлэх кальцийн бэлдмэл”-д энэхүү шагналыг олгож байна” гэлээ.
Эрдэмтэн, судлаачдын мэдлэг, оюуны бүтээл бүхэн эдийн засгийн эргэлтэд орж, судалгаа–сургалт–үйлдвэрлэл гэсэн нэгэн цогц тогтолцоонд түшиглэн баялаг бүтээх үйл явцыг хурдасгах учиртай.
Технологийн дэвшлийн хойноос дагах бус, харин хийж бүтээснээрээ өрсөлдөх илүү хүнд шалгуурууд бидний өмнө тулгарч байна. Бусад улс оронд байхгүй зөвхөн Монголд л байгаа судалгааны нөөц, мэдлэг, туршлагаараа дэлхийн хэмжээнд мэдлэг, технологи, бүтээгдэхүүн экспортлох, олон улсын талбарт шинжлэх ухаанаар бизнес хийж, өөрийн гэсэн өвөрмөц, шинэ технологи бүтээх замаар өрсөлдөхөөс өөр гарцгүй гэдгийг онцоллоо.
Бид бахархах эрдэмтэн судлаачидтай, баялаг ихтэй эх оронтой. Манай эрдэмтэн, судлаачдын бүтээл туурвил амжилт, ололтоор дүүрэн байж, олон улсын түвшний судалгааны ажлуудыг гүйцэтгэж, олон арван бүтээл туурвин, дэлхийн шинжлэх ухааны хөгжил, дэвшилд дорвитой хувь нэмэр оруулахуйц шинэ шинэ мэдлэгийг бүтээж чадна гэдэгт итгэлтэй байна гээд “Монгол Улс мэдлэгт суурилан хөгжин бадрах болтугай. Энэ жилийн ”Технологийн дэвшлийн шагнал”хүртсэн химийн ухааны доктор, профессор Д.Дэмбэрэлнямбад баяр хүргэе” гэлээ.
“Нэр хүндтэй шагнал гардан авсандаа туйлын баяртай байна, цаашид хийж бүтээх урам зоригийг минь сэргээж байна. Шагналын 100 сая төгрөгөө үе мөч, зүрх судасны өвчнийг анагаах байгалийн гаралтай эм бэлдмэл хийхэд зориулна.
Аливаа улсын хөгжлийн тулгуур нь шинжлэх ухаан, технологийн хөгжил байдаг. Манай улсын Засгийн газрын шинжлэх ухаан, технологийг хөгжүүлэх, инновацийг дэмжих чиглэлээр хийж байгаа олон ажлын нэг нь энэ шагнал юм гэж химийн ухааны доктор, профессор Д.Дэмбэрэлнямба хэллээ. Судалгаанд суурилсан бүтээл, бүтээгдэхүүн, ажил бол өрсөлдөх чадвар өндөртэй, ямагт хөгжин дэвшиж байдаг. Шинжлэх ухаан, нано технологи болон амьд биеийн хөгжлийн нууцад нэвтэрдэг химийн энэ сайхан мэргэжлийг эзэмшихийг залуучууд, өсвөр үеийнхэндээ зөвлөөд “Залуучууд, ирээдүй үеийнхнээс маань олон олон эрдэмтэн төрөн гарч улс орноо хамгийн өндөр хөгжилтэй болгон хөгжүүлнэ гэдэгт итгэлтэй” гэж хэллээ гэж Засгийн газрын Хэвлэл мэдээлэл, олон нийттэй харилцах албанаас мэдээллээ.
- See more at: http://zasag.mn/news/view/11778#sthash.WNb7E9qr.dpuf
-
2015 оны 12 сарын 28
Д.Эрдэнэбат: Үндэсний хөрөнгө оруулагчид 4.6 их наяд төгрөгийн хөрөнгө оруулалтын төслийг хэрэгжүүлж байна
-“Монцемент” төслийн хүрээнд хийгдэх хөрөнгө оруулалтын гэрээнд гарын үсэг зурлаа-
Хөрөнгө оруулалтын тухай хуулийн 20 дугаар зүйлийн 20.1 дэх хэсэг, хөрөнгө оруулалтын гэрээ байгуулах журмын дагуу Монгол Улсын Засгийн газар болон “Монполимет” ХХК, “Монцемент Билдинг Материалс” ХХК-ийн хооронд өнөөдөр /2015.12.28/-нд хөрөнгө оруулалтын гэрээ байгууллаа. Энэ нь төрөөс хөрөнгө оруулалтыг дэмжиж байгаа чухал хэлбэр юм.
Хөрөнгө оруулагч тал болох “Монполимет” ХХК нь Дорноговь аймгийн Өргөн сумын нутагт орших Сэнжит худагийн шохойн чулууны ордыг түшиглэн цемент, шохой болон клинкер үйлдвэрлэх хуурай аргын дэвшилтэт технологи бүхий үйлдвэр байгуулах төслийг 2006 оноос хэрэгжүүлж эхэлсэн бөгөөд цаашид уг төслийг “Монцемент Билдинг Материалс” ХХК хэрэгжүүлэхээр гэрээнд тусгажээ.
Жилд 21.8 тэрбум төгрөг улсын төсөвт төвлөрүүлж, 375 Монгол иргэнийг ажлын байраар хангана
Төслийн компанийн хэрэгжүүлж буй “Монцемент үйлдвэр” дээд хүчин чадлаараа ажиллахад жилдээ 984 мянган тн чулуунцар /клинкер/, 1. 000. 000 тн цемент, 100 мянган тн шохой үйлдвэрлэнэ. Төсөлд нийт 512.2 тэрбум төгрөгийн хөрөнгө оруулалт шаардлагатай бөгөөд одоогийн байдлаар 463.4 тэрбум төгрөгийн хөрөнгө оруулаад байна. Үлдэгдэл 48.8 тэрбум төгрөгийг Хөрөнгө оруулагч, Олон Улсын банк, санхүүгийн байгууллагын эх үүсвэрээр санхүүжүүлэх юм.
Төсөл хэрэгжиж эхэлснээр, хураамж хэлбэрээр нийт 458.1 тэрбум төгрөг /жилд 21.8 тэрбум төгрөг/ улсын төсөвт төвлөрүүлж, 375 монгол иргэнийг ажлын байраар хангах ажээ. Гэрээнд хөрөнгө оруулалтын хэмжээ, үе шат, эх үүсвэр, татварын орчныг тогтворжуулах асуудал, Засгийн газрын болон Хөрөнгө оруулагч талын эрх, үүрэг, хариуцлага, хүн амын эрүүл мэнд, байгаль орчин, нийгмийн болон бусад асуудлыг тусгасан байна.
Д.Эрдэнэбат: Ирэх оныг “Дотоодын үйлдвэрлэлийг дэмжих жил” болгоно
Гарын үсэг зурах арга хэмжээг нээж хэлсэн үгэндээ Аж үйлдвэрийн сайд Д.Эрдэнэбат 2015 онд хийгдсэн хөрөнгө оруулалтын хэмжээг онцоллоо. Тодруулбал, “Хөх цав” цементийн үйлдвэрт нийт 351 сая долларын хөрөнгө төсөл хийж 263.6 сая хөрөнгө оруулалт хийгдсэн, “Цагаан суварга”-ийн төсөлд нийт 1.031 сая долларын хөрөнгө оруулалт шаардлагатай байснаас 344.4 сая долларын хөрөнгө оруулалт хийгдсэн, “Монцемент” төсөлд нийт 261.1 сая доллар шаардлагатай байснаас 232.1 сая долларын хөрөнгө оруулалт хийгдсэн, “Дархан төмөрлөг”-ийн үйлдвэрт нийт 730 сая долларын хөрөнгө оруулалт шаардлагатай байснаас “Кью Эс Си” ХХК 150.0 сая долларын хөрөнгө оруулалтыг тус тус хийсэн. Энэ бол өмнө нь хийгдэж байгаагүй том хөрөнгө оруулалт болохыг Аж үйлдвэрийн сайд тодотгосон юм. 2015 онд үндэсний хөрөнгө оруулагчид 4.6 их наяд төгрөгийн хөрөнгө оруулалтын төслийг хэрэгжүүлэн ажиллаж байна. Үүнээс бодит хөрөнгө оруулалт хийгдсэн мөнгөн дүн 1.9 их наяд төгрөгт хүрчээ. Тэрбээр цааш нь 4.6 их наяд төгрөг бол Монгол Улсын жилийн төсвийн тэн хагас нь болохыг онцлоод зоригтой алхам хийн ажиллаж байгаа үндэсний хөрөнгө оруулагчдаа Засгийн газар дэмжин ажиллах учиртайг онцлов. Хэдийгээр эдийн засгийн нөхцөл байдал хүндрэлтэй байгаа ч цаашид монголчууд Монголдоо бүтээх, эдийн засгийн үр өгөөжийг нэмэгдүүлэхийн бодит баталгаа юм. Түүнчлэн ирэх оныг “Борлуулалтыг дэмжих жил”, “Дотоодын үйлдвэрлэлийг дэмжих жил” болгохоор төлөвлөснөө энэ үеэр дуулгасан юм.
Ц.Гарамжав: 24 жилийн тогтвортой үйл ажиллагаа явуулах нөхцлөөр хангаж өглөө
/“Монполимет” группын үүсгэн байгуулагч, ТУЗ-ын дарга/
-Монгол Улсын Засгийн газар “Монцемент” үйлдвэрийн төслийг дэмжиж татварын орчинг тогтвортой байлгах, татварын болон татварын бус зохицуулалтын дэмжлэгийг үзүүлэх гэрээг байгуулж байгаад талархаж байна. Энэ төсөл найм дахь жилдээ үргэлжилж, энэ жил үйлдвэрийнхээ эхний хэсэг болох цемент үйлдвэрлэх хэсгийг ашиглалтад оруулсан. Ингэснээр цаашид жилдээ нэг сая орчим тонн стандартын чулуунцар, нэг сая орчим тонн хуурай аргын технологиор гарган авсан стандарт цемент үйлдвэрлэх юм. Энэ нь барилгын салбарт анх удаа импортыг орлох экспортыг дэмжих бүтээгдэхүүн гаргаж, экспортод бүтээгдэхүүнээ гаргах үүд хаалгыг нээж байна. Бид олон жилийн судалгааны үндсэн дээр тулгуурлаж дэлхийд цөөхөн байдаг эко үйлдвэрийг сонгож, ашиглалтад оруулсан. Түүнчлэн үйлдвэрлэлийн явцад гарах илүүдэл дулаанаа эрчим хүч болгон хувиргадаг, агаарт байх тоосжилтын хэмжээг хамгийн бага төвшинд байлгах зэрэг экологид ээлтэй байх шийдлүүдийг оруулж өгсөн юм. Засгийн газар үйлдвэрлэгч нарыг дэмжиж 24 жил тогтвортой ажиллах нөхцлөөр хангаж өгч байгаад баярлаж байна.
Д.Эрдэнэбат: Ирэх жил зэсийн үйлдвэр, нефть, ган хайлуулах үйлдвэр сууриа тавина
Гэрээнд гарын үсэг зурах үйл ажиллагааны дараа УИХ-ын гишүүн, Аж үйлдвэрийн сайд Д.Эрдэнэбатаас зарим асуултад хариулт авлаа.
-Хөрөнгө оруулагчид Дорноговь аймагт өөрийн хөрөнгөөр орон сууц болон цэцэрлэг сургууль, худалдааны төв барина гэсэн байна. Энэ нь хэдий хугацаанд хийгдэж хүлээлгэж өгөх бэ?
-Төслийн хүрээнд нийгмийн шинжтэй барилга байгууламжууд баригдах ёстой. Энэ нь хоёр жилийн хугацаанд хэрэгжиж дуусах байх. Дорноговь аймгийн хувьд олзтой жил болж байгаа. Төсөлд хөрөнгө оруулалт хийгдэж байгаа компаниудын ихэнх нь Дорноговь аймагт байгаа. Тэгэхээр Дорноговийн ирээдүй гэгээлэг байгаа.
-Ирэх оны нэг сарын нэгнээс аж үйлдвэрийн яамтай холбоотой хэрэгжиж эхлэх хуулийн тухай?
Аж үйлдвэрийн яам байгуулагдсаны дараа бодлогоо тодорхойлж Үйлдвэржилтийг дэмжих тухай хуулийг Их хурлаар батлуулж тодорхойлуулсан. Одоо Худалдааны тухай хуулийг УИХ-ын хэлэлцүүлгийн шатанд байна. Түүнчлэн шинээр Төр хувийн хэвшилийн түншлэлийн тухай, Мэргэжлийн холбоодын тухай хуулийн төслийг УИХ-д өргөн барихаар бэлтгэж байна. Аж үйлдвэрийн салбарын эрхзүйн орчинг өнгөрсөн жил бүрдүүлж ажиллалаа. Нийгмийн сэтгэлзүйд ч хүрсэн гэж бодож байна. Харин 2016 онд үйл ажиллагааны жил гэж харж байгаа. Хамгийн гол нь бодлогын хэрэгжилтийг хангахад Засгийн газар, Аж үйлдвэрийн яам ямар ажил хийх ёстой вэ гэдэгт тулгуурлаж ажиллана. Тэр дундаа 2016 онд төлөвлөж байгаа гол ажил нь борлуулалт болон дотоодын үйлдвэрлэлийг дэмжих жил болгоно.
Зээл төслүүдийг бүгдийг нь бодлогын зээл болгох ажлыг эхлүүлнэ. Өөрөөр хэлбэл Монголд хийж бүтээж байгаа хүмүүст суурилсан тэдний үйлдвэрлэн гаргаж байгаа бараа бүтээгдэхүүн борлуулалтийг дэмжиж, таниулах жил болгохоор ажиллаж байна. Эдийн засгийн энэ хүндрэлтэй үед дотоодын үйлдвэрлэлийг эрчимтэй дэмжиж ажиллах ёстой. Хөрөнгө оруулалтыг дэмжих ёстой. Сайд бэрхшээлийн эрхзүйн орчны зохицуулалтыг Засгийн газраас зохицуулж өгөх болно. Үүний үндсэн дээр 2016 оны нэгдүгээр сард дотооддоо үйлдвэрлэгч нарын үндэсний чуулганыг зохион байгуулахаар төлөвлөж байна. Монголд юм хийж байгаа, үйлдвэрээ байгуулаад ажиллаж байгаа, хийж байгаа хүмүүст итгэл үзүүлж хамтран Монголоо сэргээе гэх үйл ажиллагааг зохион байгуулахаар төлөвлөж байна. Энэ бол зөвхөн миний гэхээсээ илүү үйлдвэрлэгчдийн санаа, хүсэл учраас дэмжээд явна. Хоёрдугаарт төрийн худалдан авалтыг илүү их нэмэгдүүлнэ.. Аж үйлдвэрийн яам, Батлан хамгаалах яам хамтран санамж бичигт гарын үсэг зурсан. Батлан хамгаалах яамны 80 хувийг дотоодын үйлдвэр хангаж байна.Үүний дараа БСШУЯ-тай хамтран санамж бичгийн төслийг хэлэлцэж байна. Боловсролын салбарт хэрэгцээт бараа бүтээгдэхүүнээс Монголд үйлдвэрлэх боломжтойг нь дотооддоо үйлдвэрлэж нийлүүлэх болох талаар ярилцаж хэлэлцээд дуусч байна.
2016 онд бол бидний төсөөлж байгаагаар уул уурхайн бүтээгдэхүүний үнэ ханш өсөхгүй байх. Эсрэгээрээ буурах байх. Тиймээс гаднаас валют олохыг чухал зүйл гэж харахгүй байгаа. Харин бид дотоодын үйлдвэрлэлээ дэмжээд эсрэгээрээ экспортод гаргах ямар боломж байна гэдгийг судлах нь чухал гэдгийг онцолж хэлмээр байна.
-2015 онд ЖДҮ-ийг дэмжих зээл их олгогдсон. Гэхдээ эргэн төлөлт муу байгаа талаар мэдээлэл гарсан байсан. Энэ талаар таны бодол?
-ЖДҮ-ийн зээлийн эргэн төлөлт 95 хувьтай байгаа. Үүнийг муу үзүүлэлт гэж үзэхгүй байна. Эдийн засгийн байдал хүнд байгаа ч гэрээнийхээ нөхцөл байдлыг ойлгож үйлдвэрлэгчид ззээлээ төлж байгаа. Харин зээлийн оруулсан хөрөнгө оруулалт үр ашиг байна уу гэдгийг харж байна. Хэдий зээлийн эргэн төлөлт байгаа ч бодит бий болсон үйлдвэрлэлүүд өнөөдрийн хэрэгцээт байдлыг хангаж чадаж байна уу, үнийн хувьд зөв явж байна уу өрсөлдөх чадвар байна уу гэдгийг бид хянах ёстой. Үйлдвэрлэгчид олон ажлын байрыг шингээж байгаа учраас бидний хувьд ач холбогдолтой. 2016 онд шинэ төслийг өнгөрсөн жилийнх зарлаж авахгүй. Мэдээж бодлогын зээлийн хувьд тодорхой хэмжээний мөнгийг Засгийн газар гаргах байх. Энэ зээлүүдийг бид бодлогын чиглэлээр ямар салбарт хэрхэн гаргах талаар уралдаан шалгаруулалт явуулж гаргах болно. Гол шалгуур нь бодит үйлдвэрлэгч болсон байх шаардлагатай. Үүн дээр би хөдөө орон нутгийг онцолж байна. Бараа бүтээгдэхүүн байнга борлогддог иргэддээ танигдсан хүлээн зөвшөөрөгдсөн үйлдвэрлийг л дэмжих нь амин чухал зүйл болсон байгаа. Энэ нь дотоодын цусны эргэлийг сайжруулах чухал үйл ажиллагаа болох юм.
-2016 онд хийгдэх хамгийн том төсөл талаар дурьдвал. Мөн яамны мэдээллийн сангийн талаар?
-2016 онд ашиглалтанд орох үйлдвэр дандаа жижиг дунд үйлдвэр байгаа. Цементийн хоёр үйлдвэр байгаа. Үйлдвэр ганц жилийн дотор байгуулагддаг зүйл биш. Ирэх жил зэсийн үйлдвэр, нефть, ган хайлуулах үйлдвэр сууриа тавина. Гурван жилийн дараа хэрэгжилтээ хангаад явахад бэлэн болно. Мэдээлийн санийн тухайд нэг сард үйлдвэрийн улсын тооллого анх удаа явуулах гэж байна. Хийж бүтээж байгаа үйлдвэрүүдийг салбар салбараар нь ангилж үйлдвэрлэл явуулж байгаа үйлдвэрийг ялгаж ангилаад олон нийтэд танилцуулах болно.
-
2015 оны 12 сарын 28
Монголын хүүхдийн ордон 1958 оноос эхлэн 57 дахь жилдээ Хүүхэд багачуудын Харшийн сүлд модны наадмыг зохион байгуулж байна.
Ерөнхий сайд Ч.Сайханбилэг Харшийн сүлд модны наадамд оролцож, хүүхэд багачуудад шинэ жилийн мэндчилгээ дэвшүүллээ. Та бүхний дундаас ирээдүйн төр, нийгмийн зүтгэлтнүүд, багш, инженер, барилгачин, малчин, эмч гээд бүх мэргэжлийн хүмүүс төрж гарна. Хамгийн гол нь сайн хүн болох хэрэгтэй. Та бүхнийг сайн хүн болгож төлөвшүүлэхийн төлөө төр, засгийн бүх бодлого чиглэгддэг юм шүү гэж Ерөнхий сайд хэлээд, ирж байгаа шинэ жилдээ сурлагын их амжилт гаргахыг ерөөлөө.
Ерөнхий сайд Ч.Сайханбилэг, Шадар сайд Ц.Оюунбаатар нар Харшийн сүлд модны наадамд оролцсон хүүхдүүдийн төлөөлөлд шинэ жилийн бэлэг гардууллаа гэж Засгийн газрын Хэвлэл мэдээлэл, олон нийттэй харилцах албанаас мэдээллээ.
- See more at: http://zasag.mn/news/view/11777#sthash.BaVJMbmg.dpuf
-
2015 оны 12 сарын 28
Хуваарь ёсоор өнөөдөр УИХ дахь нам, эвслийн бүлгүүд хуралдах ёстой ч шинэ жил ойртсон учраас тэр бололтой, хуралдаануудаа үндсэндээ цуцалжээ.
УИХ дахь Ардчилсан намын бүлэг, УИХ дахь МАН-ын бүлэг тус бүр хуралдсангүй. Гэхдээ УИХ дахь МАН-ын бүлэг энэ сарын 25-нд баталсан Сонгуулийн тухай хуулиар сэтгүүлчдэд мэдээлэл хийлээ.
