-
2017 оны 6 сарын 27
Монгол Улсын Ерөнхийлөгчийн сонгуулийн санал тоолох ажиллагаа үргэлжилж байна. Тэгвэл МАХН-аас дөнгөж сая мэдээлэл хийлээ. Тэд СЕХ-г санал хураалтын дүнг будилуулж байна гэдгийг хэллээ. Тодруулбал урьдчилсан дүнгийн мэдээллээр Х.Баттулга бусад нэр дэвшигчээсээ 100 гаруй мянган хүний саналаар илүүрхэж байгаа бол С.Ганбаатар нэр дэвшигч М.Энхболдоос 10 гаруй мянган хүний саналаар илүү байсан. Гэвч хэдхэн цагийн дотор хоёр нэр дэвшигчийн санал тэнцэж байгааг тэд эсэргүүцэж байгаа юм. МАХН-ынхны мэдээлж буйгаар Сонгуулийн Ерөнхий хороо алслагдсан баг, сумаас мэдээлэл ирэхгүй байна гэх нэрийн дор луйвар хийж байгаа аж. Тиймээс ийнхүү эсэргүүцэж мэдээлэл хийлээ.
Үүний дараа МАХН-ын гишүүд, дэмжигчид Сонгуулийн Ерөнхий хороон дээр үймээн үүсгэж эхэллээ. Тэд СЕХ-г шударга ажиллахыг шаардаж байгаа юм.
-
2017 оны 6 сарын 27
Монгол ялна гэдэг уриагаа дахиад хэлье”
-
2017 оны 6 сарын 27
Улсын хэмжээнд 1.3 сая сонгогч саналаа өгчээ
-
2017 оны 6 сарын 27
Монгол Улсын Ерөнхийлөгчийн долоо дахь удаагийн сонгуулийн санал хураалт өндөрлөж, СЕХ-оос мэдээлэл хийлээ.
-
2017 оны 6 сарын 27
Монгол Улсын Ерөнхийлөгчийн сонгуулийн урьдчилсан дүнг Сонгуулийн ерөнхий хороо шууд дамжуулан үзүүллээ. Санал хураалтын дүнгээр МАН-аас нэр дэвшигч М.Энхболд 391477 сонгогчын, АН-аас нэр дэвшигч Х.Баттулга 497213 сонгогчын, МАХН-аас нэр дэвшигч С.Ганбаатар 396256сонгогчын саналыг авсан байна.
Монгол Улсын Ерөнхийлөгчийн 2017 оны сонгуулийн санал хураалтыг СЕХ автомат тооллогоор явуулж, гурван нэр дэвшигчийн зургийг дэлгэцэнд гаргаж, Сонгуулийн хэсгийн хороо тус бүрээр танилцууллаа.
Энэ удаагийн сонгуульд 1.978.298 сонгогч саналаа өгөхөөр бүртгэгдэж, улсын хэмжээнд 1984 санал авах байр буюу сонгуулийн хэсгийн хороо ажилласан бол сонгуулийн урьдчилсан дүн 1624 хэсгийн хорооны дүнгээр гараад байна. Сонгуульд 1.218.665 сонгогч саналаа өгсөн байна. Энэ нь нийт сонгогчдын 60.4 хувь юм.
Урьдчилсан дүнгээр хамгийн олон саналыг Х.Баттулга авлаа. Гэсэн хэдий ч түүний авсан санал нийт сонгогчдын 50+1 хувийн хэмжээний санал биш юм. Тиймээс Монгол Улсын Сонгуулийн тухай хуулийн 105 дугаар зүйлийн дагуу хоёр дахь шатны санал хураалт явагдаж магадгүй болжээ.
Тус хуулийн 105.1-д Ерөнхийлөгчийн сонгуульд нэр дэвшигчдийн хэн нь ч анхан шатны сонгуулийн нэгдсэн дүнгээр олонхийн санал аваагүй бол хамгийн олон санал авсан хоёр хүнийг хоёр дахь санал хураалтад оруулна.
105.2.Сонгуулийн төв байгууллага хоёр дахь санал хураалтыг анхны санал авсан өдрөөс хойш 14 хоногийн дотор зарлан, зохион байгуулна хэмээн заасан байгаа. Саналын хуудсыг тоолох ажиллагаа үргэлжилж байна. Санал тоологдсон хэсгийн хороодоос тэмдэглээгүй хуудсын тоо 17528 гарчээ.
-
2017 оны 6 сарын 27
Монгол Улсын Ерөнхийлөгчийн сонгууль өнөөдөр 07:00-20:00 цагийн хооронд явагдлаа.
-
2017 оны 6 сарын 27
Монгол Улсын тав дахь Ерөнхийлөгчийг сонгох ээлжит сонгуулийн санал хураалтад урьдчилсан дүнгээр 1.218.665 сонгогч оролцсон байна.
-
2017 оны 6 сарын 27
<iframe src=”https://www.facebook.com/plugins/video.php?href=https%3A%2F%2Fwww.facebook.com%2Fgogo.mn%2Fvideos%2F1416541795091775%2F&show_text=0&width=560” width=”560” height=”315” style=”border:none;overflow:hidden” scrolling=”no” frameborder=”0” allowTransparency=”true” allowFullScreen=”true”></iframe>
-
2017 оны 6 сарын 26
Ерөнхийлөгчийн ээлжит сонгуулийн санал хураалтын дүнг шууд дэлгэцээр харуулна гэдгийг СЕХ-ноос мэдээлсэн байгаа. Өнгөрсөн жил УИХ-ын сонгуулийн дүнг ийм байдлаар гаргаж байсан юм. Тодруулбал, өнгөрсөн санал хураалтын урьдчилсан дүнг дэлгэцэээр 3-4 цагийн дотор гаргасан юм.
Энэ жишгээр энэ жил санал авах 1983 хэсгээс ирж байгаа мэдээг шууд танилцуулах юм. Үүний дараа ирцийн мэдээг хүснэгтээр харуулах юм байна.
-
2017 оны 6 сарын 26
Монгол Улсын Ерөнхийлөгчийн сонгуулийн санал хураалт өнөөдөр өглөөний 07.00-22.00 цаг хүртэл явагдаж дууслаа.
Сонгуулийн санал хураалтын дүнг шууд дамжуулан дэлгэцээр харуулж байна.
Одоогийн байдлаар Ардчилсан намаас нэр дэвшигч Х.Баттулга 482347, МАХН-аас нэр дэвшигч С.Ганбаатар 386337, МАН-аас нэр дэвшигч М.Энхболд 376209 санал авснаар Х.Баттулга тэргүүлж байна.
-
2017 оны 6 сарын 26
Сонгуулийн ажиглалтын талаарх мэдээллийг маргааш 14:30 цагт хийнэ
-
2017 оны 6 сарын 26
Дүн мэдээг 22:00 цагаас хойш, дэлгэцээр шууд дамжуулан үзүүлэх бөгөөд дэлгэцэнд гурван нэр дэвшигчийн зургийг байршуулж, доор нь минут, секундээр саналын дүнг танилцуулна. 1983 саналын байрнаас ирж байгаа дүн мэдээ шууд дэлгэцэн дээр гарах юм.
-
2017 оны 6 сарын 26
Монгол Улсын ерөнхийлөгчийн сонгуулийн санал хураалт өнөөдөр 07:00-20:00 цагийн хооронд явагдаж, өндөрлөлөө. Улсын хэмжээнд 1.978.298 сонгогч санал өгөхөөр бүртгэгдсэн бөгөөд 1983 сонгуулийн санал авах хэсгийн хороод ажиллалаа. СЕХ-ноос санал хураалт зогссоны дараа автомат системийн тооллогын ажлыг эхлүүлж, тооллогын дүн мэдээг дэлгэцээр шууд дамжуулан үзүүлж байна. Дүн мэдээг нэгдсэн байдлаар СЕХ-ноос удахгүй танилцуулах юм.
-
2017 оны 6 сарын 26
Монгол орон даяар Ерөнхийлөгчийн сонгуулийн санал хураалт үргэлжлэн явагдаж байна. СЕХ-ноос сонгогчдын ирцийн мэдээг өдрийн 13:00 цагт хүргэхдээ улсын хэмжээнд 21.3 хувийн ирц бүрдээд байгааг онцолсон. Улмаар дөнгөж сая дахин мэдээлэл хийж, 17:00 цагийн үеийн ирцийн мэдээг хүргэлээ.
СЕХ-ноос мэдээлснээр аймгуудын дундаж 46.89 хувь, нийслэлийн дундаж 44, улсын дундаж 45.5 хувийн ирцтэй байна. Аймгуудаас Дархан-Уул, Дорнод, Орхон аймгийн ирц хамгийн бага байгаа бол Нийслэлийн дүүргүүдээс Багахангай, Багануур дүүргийн ирц муу байгаа аж.
Аймгуудын ирцийн хувьд,
Архангай аймаг 47.88 хувь
Баян-Өлгий аймаг 42.54 хувь
Баянхонгор аймаг 57.86 хувь
Булган аймаг 46.89 хувь
Говь-Алтай аймаг 53.53 хувь
Говьсүмбэр аймаг 46.90 хувь
Дорноговь аймаг 46.05 хувь
Дорнод аймаг 36.96 хувь
Дундговь аймаг 47.49 хувь
Дархан-Уул аймаг 38.96 хувь
Завхан аймаг 52.35 хувь
Орхон аймаг 37.36 хувь
Сэлэнгэ аймаг 45.10 хувь
Сүхбаатар аймаг 55.39 хувь
Төв аймаг 47.67хувь
Увс аймаг 50.22 хувь
Ховд аймаг 52.11 хувь
Хэнтий аймаг 48.41 хувь
Хөвсгөл аймаг 48.91
Өвөрхангай аймаг 46.44 хувь
Өмнөговь аймаг 47.51 хувь байна.
Харин Нийслэлийн хэмжээнд,
Хан-Уул дүүрэг 50.38 хувь
Сүхбаатар дүүрэгт 44.25 хувь
Чингэлтэй дүүрэг 41.13 хувь
Баянгол дүүрэг 45.15 хувь
Баянзүрх дүүрэг 43.10 хувь
Сонгинохайрхан дүүрэг 43.36 хувь
Багануур дүүрэг 38.95 хувь
Багахангай дүүрэг 47.17 хувь
Налайх дүүрэг 37.86 хувийн ирцтэй байна.
-
2017 оны 6 сарын 26
Олон нийтийн сүлжээнд санал өгсөн хуудасныхаа зургийг нийтлэх зөрчил ажиглагдаж байна. Энэ талаар Сонгуулийн тухай хуулинд дараах байдлаар заажээ.
-
2017 оны 6 сарын 26
СЕХ 22:00 цагаас эхлэн электрон дэлгэцээр дүнг танилцуулна
-
2017 оны 6 сарын 26
12.00 цагийн байдлаар улсын хэмжээнд 21,3 хувийн ирцтэй байгаа бол нийслэлд 19,6 хувийн ирцтэй байна.
-
2017 оны 6 сарын 26
Монгол Улсын Ерөнхийлөгч Ц.Элбэгдорж морин цагт Орос III сургуульд байрлах санал авах хэсгийн хороонд тэргүүн хатагтайн хамт очиж саналаа өглөө.
-
2017 оны 6 сарын 26
Монгол Улсын Ерөнхийлөгчийн сонгуулийн санал хураалт өнөөдөр буюу зургадугаар сарын 26-ны өдрийн 07.00-22.00 цагийн хооронд орон даяар явагдаж байна.
-
2017 оны 6 сарын 26
Сонгогч та саналаа зөөврийн битүүмжилсэн хайрцгаар эсхүл санал авах байранд өөрийн биеэр өгөх боломжтой.
Зөөврийн битүүмжилсэн саналын хайрцгаар санал өгөх
Дараах сонгогчид нь зөөврийн битүүмжилсэн саналын хайрцгаар саналаа өгнө. Үүнд:
Эрүүл мэндийн байдлын улмаас санал авах байранд өөрийн биеэр хүрэлцэн ирж чадахгүй;
Нийтийн дайчилгаанд хамрагдан ажиллаж байгаа;
Захиргааны зөрчлийн улмаас баривчлагдсан, албадан саатуулагдсан, таслан сэргийлэх арга хэмжээ авагдсан;
Байцаан шийтгэх албадлагын арга хэмжээний улмаас баривчлагдсан, цагдан хоригдсон
Санал авах ажиллагааг зохион байгуулж байгаа сонгуулийн байгууллагын ажилтан, цагдаа, иргэний бүртгэлийн байгууллагын итгэмжлэгдсэн төлөөлөгч, мэдээллийн технологийн даамал
Санал авах байр зөөврийн битүүмжилсэн саналын хайрцгаар санал өгөх сонгогчийн хүсэлт, магадлагаа, тодорхойлолтыг хүлээн авч тухайн хэсгийн сонгогч мөн эсэхийг шалгаж зөөврийн битүүмжилсэн саналын хайрцгаар санал өгөх сонгогчдын нэрсийг гаргаж, санал авах чиглэл, хуваарийг гарган сонгогчийн саналыг тухайн санал авах байрын хоёроос доошгүй төлөөлөл гишүүн оршин байгаа газарт нь очиж авна.
Зөөврийн битүүмжилсэн саналын хайрцгаар санал өгөх сонгогчдын нэрийн жагсаалтад ороогүй сонгогчийн саналыг зөөврийн битүүмжилсэн саналын хайрцгаар авахыг хориглоно.
Сонгогч санал авах байранд ирж, саналаа өөрөө биечлэн өгөх
Монгол Улсын Ерөнхийлөгчийн ээлжит сонгуулийн санал авах өдөр 2017 оны 6 дугаар сарын 26-ний даваа гариг байна.
Ээлжит сонгуулийн санал авах өдөр нь бүх нийтээр амарна. Санал авах өдөр ажиллаж байгаа сонгогчид тухайн байгууллагын захиргаа чөлөө олгож, түүнийг санал өгөх боломжоор хангах үүрэгтэй.
Санал авах өдөр согтууруулах ундаагаар үйлчлэх, худалдах;
соёл урлаг, үзвэр, спортын зэрэг олныг хамарсан аливаа арга хэмжээ зохион байгуулах;
гадаа болон битүү талбайд үйл ажиллагаа явуулдаг худалдаа, үйлчилгээний төв ажиллах зэрэг үйл ажиллагааг хориглоно.
Санал өгөх:
Сонгогч та саналаа өгөхөөр ирэхдээ иргэний үнэмлэхтэйгээ очих бөгөөд гарын хурууны хээгээ даран өөрийн иргэний бүртгэлийн мэдээллийн улсын сан дахь сонгогчийн бүртгэл, сонгогчдын нэрийн жагсаалтын цахим хубилбартай тохирч байгаа эсэхийг шалгуулаад сонгогчийн бүртгэлийн хуудсаа авна.
Бүртгэлийн хуудас хүлээн авсан сонгогчид саналын хуудсыг саналын хуудасны хавтасны хамт өгнө.
Сонгогч та саналын хуудас авч, санал бэлтгэх бүхээгт саналаа нууцаар гаргах бөгөөд саналын хуудсанд өөрийн сонгохыг хүссэн 1 нэр дэвшичгийн нэрийн өмнөх улаан хүрээ бүхий зууван дугуйг зориулалтын үзгээр дүүргэн будаж саналаа тэмдэглэнэ. Санал бэлтгэх бүхээгт тухайн сонгогчоос өөр хүн байхыг хориглодог.
Сонгогч дээр дурдсаны дагуу саналаа тэмдэглэсний дараа саналын хуудсыг хавтсанд хийн санал тоолох төхөөрөмж рүү очих бөгөөд саналын хуудсаа санал тоолох төхөөрөмжид уншуулахдаа хавтаснаас нь салган авч хийгээрэй.
Сонгогч санал өгөхдөө алдаа гаргаж, саналын хуудсанд буруу тэмдэглэл хийсэн бол саналын хуудсаа санал тоолох төхөөрөмж/саналын хайрцаг/-д хийхээс өмнө энэ тухайгаа мэдэгдэж, алдаатай хуудсыг хураалгаж, дахин нэг удаа саналын хуудас авч, саналаа гаргах боломжийг хуулиар олгожээ.
Бие эрхтний согог, эрүүл мэндийн байдал, боловсролын түвшингээс шалтгаалан саналаа биечлэн өгөх чадваргүй сонгогч өөрийн итгэмжилсэн сонгуулийн эрх бүхий иргэний туслалцаатайгаар санал өгч болдог.
Сонгуулийн байгууллагын ажилтан, албан тушаалтан, ажиглагч нь итгэмжлэгдсэн хүн байж болохгүй.
