-
2017 оны 2 сарын 10
АНУ-ын Ерөнхийлөгч Доналд Трампын баталсан цагаачлалын хоригийн тухай ташаа мэдээлэл тархаж байгаатай холбогдуулан Монгол Улс дахь АНУ-ын ЭСЯ-аас албан ёсны мэдэгдэл гаргалаа.
-
2017 оны 2 сарын 10
Нийслэлийн Засаг даргын Тамгын газар, нийслэлийн Аялал жуулчлалын газраас “Улаанбаатарын өвлийн наадам-2017” гэр бүлийн баярыг энэ амралтын өдрүүдэд Үндэсний цэцэрлэгт хүрээлэнд зохион байгуулах гэж байна. Өвлийн спортын төрлийг хослуулсан тус наадмын хүрээнд мөсөн шагайн харваа, мөсөн сурын харваа, мөсөн хананы авиралт, уран гулгалт, шүхрийн үзүүлбэр, мөсөн шатар, өвлийн дугуй, 4 дугуйт мотоциклийн парад зэрэг арга хэмжээ зохион байгуулахаар төлөвлөжээ. Мөн хамгийн сайхан үндэсний хувцастай оролцогчийг шалгаруулахын зэрэгцээ гэр бүлийн хөгжөөнт болон цасан урлалын тэмцээн явуулна. Түүнчлэн аяллын хувцас, хэрэглэлийн үзэсгэлэн худалдаа гаргах юм байна.
Наадмыг үзэхээр ирсэн иргэд, жуулчид сур, шагай харваж, мөсөн хананд авирч, өвлийн дугуй, нохойтой чарга унан нэг өдрийг зугаатай өнгөрөөх боломжтой юм. Өвлийн наадмын нээлт маргааш 12:00 цагт болно гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 2 сарын 10
Нийгмийн даатгалын хуулийн 26 дугаар зүйлд заасны дагуу Эрүүл мэнд, нийгмийн даатгалын байгууллага нь тэтгэврийг арилжааны банкуудаар дамжуулан сар бүр олгож байна. Эдийн засгийн хүндрэлтэй байгаа өнөөгийн нөхцөл байдал нь орлого багатай, тэтгэврийн орлогоороо амьдралаа авч яваа ахмад настнууд, хөгжлийн бэрхшээлтэй болон тэжээгчээ алдсан иргэдийн хувьд хүндээр тусч байна.
-
2017 оны 2 сарын 10
Нийслэлийн Байгаль орчны газар, “ТЕХНОЖ БИТ” ТББ, Финландын ФЛОМ байгууллагын төлөөлөгчийн газартай хамтран олон нийтэд гялгар уутны хор уршигийг таниулж, зохистой хэрэглээний соёлыг төлөвшүүлэх зорилгоор “Гялгар уутнаас татгалзах өдөр” санаачлага өрнүүлж байгаа талаараа өнөөдөр хэвлэлийн бага хурал хийж мэдэгдлээ. Хэвлэлийн хуралд нийслэлийн Байгаль орчны газрын орлогч дарга С.Санжмятав, “ТЕХНОЖ БИТ” ТББ-ын захирал Г.Галаарийдий, НБОГ-ын Төсөл хөтөлбөр хариуцсан ахлах мэргэжилтэн Э.Золзаяа болон ТББ-уудын төлөөллүүд оролцов.
“Гялгар уутнаас татгалзах өдөр” санаачилга төслийг Дэлхийн зөн Монгол, Флом олон улсын байгууллагатай хамтран өнгөрсөн оны аравдугаар сарын 1-нээс энэ сарын 28 хүртэл хэрэгжүүлж байгаа аж. Төслийн нөлөөллийн ажлыг НЗДТГ, ХУД, СХД, Дундговь, Дархан-Уул аймгийн ЗДТГ, Цэнгэг усны нөөц байгаль хамгаалах төв, их дээд сургуулиуд, супермаркетууд, сайн дурын ажилтан оюутнууд хамтран дэмжиж ажиллаж байгаа гэдгийг оролцогчид хэлж байлаа.
“ТЕХНОЖ БИТ” ТББ-ын захирал Г.Галаарийдий “Өнөөдөр дэлхий нийтэд хог хаягдал тэр дундаа хүний хүчин зүйлээс хамаарсан бохирдол чухал асуудал болоод байна. Тогтвортой хөгжлийн зорилтыг дэлхийд олон байгууллагууд дэвшүүлэн тавьж, улс орнууд нэгдэн ажиллаж байна. Энэ хүрээнд бид Цагаан сарын баярыг угтан ногоон дадал зуршлыг бий болгоё, бие биедээ даавуун тор, улавч бэлэглэх хөдөлгөөн өрнүүлж байна. Улаанбаатар хотод өнөөдөр агаар, хөрс, усны бохирдол анхаарлын төвд ороод байна. Энэ бохирдлыг бууруулах үүднээс олон санаачилга гаргаж байгаагийн нэг нь гялгар уутнаас татгалзъя гэсэн уриалга гаргаж байгаа юм. Нийслэлийн иргэд нэг өдөрт л 660 тонн гялгар уутыг хог дээр хаяж байна. Энэ нь байгальд маш их хор хөнөөлтэй” хэмээлээ.
НБОГ-ын төсөл хөтөлбөр хариуцсан ахлах мэргэжилтэн Э.Золзаяа “Нийслэлийн иргэд маань хариуцлагатай хэрэглэгч байгаасай гэсэн үүднээс бид энэхүү урилга, санаачилгыг дэмжин ажиллаж байгаа юм. Иргэд маань долоо хоногийн нэг өдөр автомашингүй байж сурсан. Харин одоо сардаа нэг удаа гялгар уутны хэрэглээнээс татгалзаж сураасай гэдэг үүднээс энэ ажлыг эхлүүлж байна. Цаашдаа олон цуврал ажил өрнөх болно. Иргэд та бүхнийг энэ төслийг дэмжин ажиллаасай гэж хүсч байна” хэмээсэн юм.
Олон улсын жишгээр “ГЯЛГАР УУТНААС ТАТГАЛЗАХ ӨДӨР”-ийг санаачлах хөдөлгөөн өрнүүлж төр, олон нийтэд гялгар уутны хор уршгийг таниулж, зохистой хэрэглээний соёлыг төлөвшүүлэх нөлөөлөл хийснээр байгаль орчин болон хүний эрүүл мэндийг хамгаалах, ногоон хөгжилд бодитой хувь нэмэр оруулах болно гэдгийг зохион байгуулагчид хэлж байлаа.
Дэлхийд жилд 1.3 тэрбум тонн хог хаягдал гардаг бөгөөд түүний 30 хувийг гялгар уут эзэлдэг аж. Өнгөрсөн 30-аад жилд хог хаягдлын хэмжээ 10-34 хувиар нэмэгдсэн байна. Хүн гялгар уутыг ердөө 12 минут ашиглаад хаядаг гэсэн судалгааг эрдэмтэд хийсэн байдаг. Дэлхийн хэмжээнд 1 минутад 1 сая гялгар уут ашигладаг байна. Жилд 4 тэрбум гялгар уут хог болон хаягдаж экологийн тэнцвэрт байдал алдагдахад хүргэж байна. Хүний зохисгүй хэрэглээнээс үүдэн хаягдаж хөрсөнд булагдвал 100-500 жил оршин ялзрахдаа химийн хорт бодис, хий ялгаруулж, хүний өвчлөлийн нэг шалтгаан болж, хөрс, ус, агаарыг бохирдуулж, амьтан ургамлыг үхэлд хүргэдэг гэдгийг судалгаагаар тогтоожээ гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 2 сарын 10
Нийслэлийн Засаг даргын Тамгын газар болон Удирдлагын академи хамтран зохион байгуулж буй “Төрийн захиргааны удирдлага ба манлайлал” сэдэвт сургалтанд Нийслэлийн Засаг даргын хэрэгжүүлэгч агентлагийн дарга нар хамрагдаж байна. Стратеги, манлайлан удирдах зэрэг чиглэлээр сургалт явагдах юм.
Удирдлагын академийн захирал С.Зүльфикар хэлэхдээ “Нийслэлийн Засаг даргын 2016-2020 онд хэрэгжүүлэх үйл ажиллагааны хөтөлбөрийг хэрэгжүүлэхэд агентлагийн дарга та бүхний үүрэг оролцоо чухал. Тиймээс Нийслэлийн Засаг даргын Тамгын газраас бидэнд хүсэлт болгосны дагуу өнөөдөр хамтарсан сургалт зохион байгуулж байна. Удирдлагын академийн сургалтын төлөвлөгөөг Төрийн албаны зөвлөлөөр хэлэлцэж, Засгийн газрын хэрэг эрхлэх газрын дарга, Монгол Улсын сайд баталдаг. Энэ хүрээнд энэ жил 1500 төрийн албан хаагчийг богино хугацааны сургалтанд хамруулж, мэдлэг чадварыг нь дээшлүүлэх зорилт тавьсан юм. Үүний нэг сургалт өнөөдөр та бүхний дунд болж байна. Сургалт үр дүнтэй болно гэдэгт итгэлтэй байна.” гэлээ.
Зөвхөн агентлагийн дарга нараар тогтохгүй энэ жил төрийн албан хаагчдыг сургаж, ур чадварыг нь нэмэгдүүлэхэд анхаарч ажиллана гэдгийг Нийслэлийн Засаг даргын Тамгын газрын дарга М.Отгонбаяр хэллээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 2 сарын 10
Нийслэлийн нутаг дэвсгэрт иргэдийн амгалан тайван байдлыг хангах, гудамж талбайд үйлдэгдэж буй гэмт хэрэг, зөрчлийг илрүүлэх, таслан зогсоох урьдчилан сэргийлэх зорилгоор “Сар шинэ” нэгдсэн арга хэмжээг зохион байгуулж байна.
Арга хэмжээний хүрээнд 447 чиглэлд 889 алба хаагчийг олон нийтийн цагдаагийн 178 ажилтан, урамшилт 1000 иргэнтэй хамтран явган эргүүлд ажиллуулж байгаа бөгөөд сүүлийн 14 хоногийн байдлаар иргэд, аж ахуй нэгж байгууллагаас 27968 дуудлага мэдээлэл хүлээн авч, 70 гэмт хэргийг халуун мөрөөр нь илрүүлж, бусдын амгалан тайван байдлыг алдагдуулан танхайрсан зөрчил гаргасан 2296 иргэнийг саатуулж, архи согтууруулах ундаа хэтрүүлэн хэрэглэсэн 805 иргэнийг ар гэр асран хамгаалагчид нь хүлээлгэн өгсөн байна.
Улаанбаатар хотод бүртгэгдсэн дуудлага мэдээллийг урьд оны мөн үетэй харьцуулахад нийт дуудлага 30821 буюу -52.4, гэмт хэргийн дуудлага 916 буюу -49.3, согтуугийн дуудлага 88 буюу -1.4 хувиар тус тус буурчээ.ГЭМТ ХЭРГИЙН ДУУДЛАГА 49,3 ХУВИАР БУУРЧЭЭ
Нийслэлийн нутаг дэвсгэрт иргэдийн амгалан тайван байдлыг хангах, гудамж талбайд үйлдэгдэж буй гэмт хэрэг, зөрчлийг илрүүлэх, таслан зогсоох урьдчилан сэргийлэх зорилгоор “Сар шинэ” нэгдсэн арга хэмжээг зохион байгуулж байна.
Арга хэмжээний хүрээнд 447 чиглэлд 889 алба хаагчийг олон нийтийн цагдаагийн 178 ажилтан, урамшилт 1000 иргэнтэй хамтран явган эргүүлд ажиллуулж байгаа бөгөөд сүүлийн 14 хоногийн байдлаар иргэд, аж ахуй нэгж байгууллагаас 27968 дуудлага мэдээлэл хүлээн авч, 70 гэмт хэргийг халуун мөрөөр нь илрүүлж, бусдын амгалан тайван байдлыг алдагдуулан танхайрсан зөрчил гаргасан 2296 иргэнийг саатуулж, архи согтууруулах ундаа хэтрүүлэн хэрэглэсэн 805 иргэнийг ар гэр асран хамгаалагчид нь хүлээлгэн өгсөн байна.
Улаанбаатар хотод бүртгэгдсэн дуудлага мэдээллийг урьд оны мөн үетэй харьцуулахад нийт дуудлага 30821 буюу -52.4, гэмт хэргийн дуудлага 916 буюу -49.3, согтуугийн дуудлага 88 буюу -1.4 хувиар тус тус буурчээ.
-
2017 оны 2 сарын 10
Улсын Онцгой комссын хуралдаанаар “Биокомбинат” улсын үйлдвэрийн газрын өнөөгийн байдлын талаархи танилцуулгыг сонслоо. 1973 онд ашиглалтад орсон энэ үйлдвэрт бүрэн шинэчлэл хийлгүй өнөөг хүрснээс вакцин үйлдвэрлэлийн 90 хувь нь гар ажиллагаатай болсон байна.
Мал эмнэлэг, үржлийн газрын дарга П.Ганхуягийн танилцуулснаар ашиглаж байгаа 350 тоног төхөөрөмжийн 20 хувийг нь л шинэчилсэн бөгөөд одоо 64 хувийг нь зайлшгүй шинэчлэх шаардлагатай, 200 гаруй тоног төхөөрөмжийг нь ашиглах боломжгүй болжээ.
Энэ бүхэн нь мал, амьтны гоц халдварт өвчнөөс урьдчилан сэргийлэхэд шаардлагатай вакцинаа үйлдвэрлэж чадалгүй, гадаад орнуудаас авахаас өөр аргагүйд хүрдэг гэсэн үг юм.
Мал эмнэлэг, үржлийн газрынхны хийсэн тооцоогоор 2017-2030 онд зөвхөн шүлхий өвчнөөс урьдчилан сэргийлэх 82 сая тун вакциныг гадаадаас авна гэвэл 85 тэрбум төгрөг зарцуулах нь. Харин дотооддоо үйлдвэрлэвэл 59.5 тэрбумыг зарж 25.5 тэрбум төгрөг хэмнэх юм. Иймээс Унгар Улсын 25 сая ам.долларын хөрөнгө оруулалтаар “Биокомбинат” улсын үйлдвэрийн газрын шинэчлэлийг яаралтай хийж дуусгахыг зорьж байна. Шинэчлэл хийснээр вакцин үйлдвэрлэлийн шинэ техник, технологи нэвтэрч, мэргэжлийн ажилтнуудын чадавхи сайжран, богино хугацаанд өвчний голомтыг таслан зогсоох боломж бүрдэх юм.
Цаашид шүлхий өвчнөөс урьдчилан сэргийлэх вакциныг хүйтний улиралд бус, харин жил бүрийн дөрөв, есдүгээр сард хоёр удаа, хонь, ямааны цэцэг, бог малын мялзан өвчний эсрэг вакциныг зургаадугаар сард нэг удаа бүх нийтийн хүчээр хийж байх нь үр дүнтэй гэж Мал эмнэлэг, үржлийн газар үзэж байна.
-
2017 оны 2 сарын 10
Монгол Улсын Шадар сайд, Улсын Онцгой комиссын дарга У.Хүрэлсүхийн тушаалаар байгуулагдсан Ажлын хэсэг энэ сарын эхээр Говь-Алтай аймгийн Халиун, Шарга, Дарви, Ховд аймгийн Дарви, Чандмань сумын Шарга, Хүйсийн говь, Дөргөний хүрэн талд бөхөн мялзангаар өвчилж олноор хорогдож байгаатай танилцсан байна.
Өнөөдрийн байдлаар 3818 бөхөн, 24 хар сүүлт хорогдоод байгаа бөгөөд Ажлын хэсгийнхэн аймаг, сумын Онцгой комиссын өргөтгөсөн хурал хийн, хяналтын болон бөхөн устгалын явцыг дүгнэж, үүрэг чиглэл, зөвлөмж өгчээ.
Тухайлбал Шаргын говийн хяналтын пост хоорондын зайг ойртуулах, нэмэлт хүч, хэрэгсэл дайчлах, гуравдугаар сарын 01 хүртэл малын гоц халдварт өвчин гарсан үеийн хорио цээрийн дэглэмийн дагуу ажиллах, Шаргын болон Хүйсийн говь, Дөргөний хүрэн талд нутаглаж байгаа, хаваржих малчин өрх, малын тоо, байршлын судалгааг яаралтай гаргах болжээ.
Бөхөнгийн дархлаа суларсан учир ирэх хавраас цусан халдвараар өвчлөх магадлал өндөр байна. Иймээс олон улсын шинжээч болон мэргэжлийн байгууллагын зөвлөмжийн дагуу урьдчилан сэргийлэх чиглэлээр ажиллаж эхэлжээ.
Цаашид Шаргын говийн бөхөнгийн тандалт судалгааг яаралтай хийж, эрүүл бүс эсэхийг тогтоон байнгын тандалт хийхээр боллоо. Мөн Говь-Алтай аймгийн Халиун сумын 12 өрхийн 8000 малд вакцин хийж дуусган, Бигэр, Эрдэнэ, Чандмань сумын малыг вакцинжуулах юм.
Ховд аймгийн Дөргөнө сумын Агушийн арал дээр 22, Хомын талд 44, Манхан сумын Адгийн худаг, Дугуйн ам, Талын хар нутагт байгаа 100 гаруй эрүүл бөхөнг хамгаалж тусгаарлах, голомтын бүс рүү нэвтрүүлэхгүй байхыг зорьж байгаагийн зэрэгцээ бөхөн хамгаалах чиглэлээр малчдад ухуулга, таниулга хийж байна.
-
2017 оны 2 сарын 10
Сарын сүүлээр хүйтний эрч харьцангуй сулрана
-
2017 оны 2 сарын 10
Дорнод, Сүхбаатар аймагт шүлхий өвчний 12 голомт байна
Улсын Онцгой комиссын хуралдаанаар мал, амьтны гоц халдварт шүлхий өвчний нөхцөл байдлын талаархи мэдээллийг сонсож цаашид хэрэгжүүлэх арга хэмжээний талаар хэлэлцэв.
Энэ сарын 05-ны байдлаар Дорнод аймгийн Матад суманд хоёр, Сүхбаатар аймгийн Эрдэнэцагаан, Асгат суманд тус бүр гурав, Сүхбаатар суманд нэг, Баруун-Урт суманд гурав, нийт 12 голомтүүсээд байна. 81 өрхийн 365 үхэр, 70 хонь, 117 ямаа нийт 552 мал өвчилсний 199 үхэр, 32 хонь, зургаан ямааг зориудаар устгажээ.
2016 онд Говьсүмбэр аймгийн Сүмбэр суманд шүлхийгээр 173 толгой үхэр өвчилж, 20 толгой үхрийг зориудын устгалд оруулж байсан. Өнгөрсөн жил 10 аймаг, нийслэлийн давхардсан тоогоор 161 сумын 9 сая гаруй малд вакцинжуулалт хийсэн байна.
Сүүлийн 16 жилийн хугацаанд вакцинд 187 тэрбум төгрөг зарцуулсан ч өвчлөл байнга гарч байгаад дүгнэлт хийж, гоц халдварт өвчний голомтыг бүрмөсөн устгах чиглэлээр далайцтай арга хэмжээ авах цаг болсон гэдгийг Онцгой комиссын гишүүд хэлж байлаа.
Хүнс, хөдөө аж ахуй, хөнгөн үйлдвэрийн яам холбогдох яам, байгууллагатай хамтран Мал эрүүлжүүлэх үндэсний хөтөлбөрийг ойрын хугацаанд боловсруулж Засгийн газрын хуралдаанаар яаралтай хэлэлцүүлэхийг Шадар сайд У.Хүрэлсүх үүрэг болголоо.
Мал, амьтны гоц халдварт өвчинтэй тэмцэх хууль, эрх зүйн орчин, стратеги, бүтэц, зохион байгуулалт, вакцин үйлдвэрлэл, вакцинжуулалт, хөрөнгө санхүүгийн зарцуулалт зэрэгтээ эрс өөрчлөлт хийж, бүх нийтээр зүтгэвэл таван жилийн дотор малаа эрүүлжүүлэх, гоц халдварт өвчний голомтыг устгах сууриа тавьж чадна гэж Шадар сайд үзэж байна.
-
2017 оны 2 сарын 10
Үндэсний их баяр наадам зохион байгуулах хорооноос Үндэсний баяр наадмын үеэр допинг хэрэглэсэн нь илэрсэн бөхчүүдэд хариуцлага тооцжээ.
-
2017 оны 2 сарын 10
Монголбанкны Ерөнхийлөгчийн тушаалаар Ипотекийн орон сууцны санхүүжилтийн журмыг 2016 оны аравдугаар сарын 25-нд шинэчлэн баталсан. Шинэ журмын дагуу Монголбанк нь ипотекийн зээлийн санхүүжилтийг ипотекийн зээлээр баталгаажсан бондын эргэн төлөлтөөр сар бүр, урьдчилсан байдлаар олгож байна. Шинэчилсэн журмын хүрээнд Монголбанк, Засгийн газар, МИК болон арилжааны банкууд хамтран ажиллах гэрээ байгуулан ажиллаж байгаа бөгөөд өнөөдөр арилжааны банкууд гэрээнд гарын үсэг зурж, баталгаажууллаа.
Ипотекийн зээлийн хөтөлбөрийг хэрэгжүүлэгчид хамтран ажиллах гэрээнд заасан үүргийнхээ дагуу ипотекийн 8 хувийн хөтөлбөрийг тогтвортой үргэлжлүүлэх юм.
Орон сууцны ипотекийн зээлийн шинэ журам батлагдсанаас хойш Монголбанк зээлийн санхүүжилтэд 111.8 тэрбум төгрөг олгож, 1646 иргэний ипотекийн зээлийн хүсэлтийг шийдвэрлээд байна.
-
2017 оны 2 сарын 10
АТГ-ын ажилтнууд ирэх амралтын өдрүүдээр албан тушаалтны мэдүүлгийг хүлээн авах юм байна. Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх хуулийн 23 дугаар зүйлийн 23.3-т заасны дагуу жил бүрийн хоёрдугаар сарын 15-ны дотор хуулийн дагуу албан тушаалтнууд хувийн ашиг сонирхлын болон хөрөнгө, орлогын мэдүүлгийг бүртгэдэг юм.
Энэ онд мэдүүлгээ гаргавал зохих нийт 39.600 орчим албан тушаалтнаас хоёрдугаар сарын 8-ны өдрийн 9 цагийн байдлаар 29.156 мэдүүлэг гаргагч ХАСХОМ-ээ “meduuleg.iaac.mn” цахим хуудсаар шинэчлэн мэдүүлсэн бөгөөд улсын хэмжээнд явц байдал 73,6 хувьтай байгаа аж. Авлигатай тэмцэх газарт мэдүүлгээ бүртгүүлэх үүрэгтэй төрийн өндөр болон бусад 291 албан тушаалтнаас тухайн албан тушаалдаа ажиллаж байгаа 285 албан тушаалтан мэдүүлгээ шинэчлэн гаргахаас одоогоор УИХ-ын гишүүн-16, Монгол Улсаас гадаад улсад суугаа Элчин сайд-28, Засгийн газрын гишүүн-8, бусад 62, нийт 114 албан тушаалтан мэдүүлгээ гаргаж бүртгүүлсэн нь 39,1 хувийн явцтай хувь байна. Энэхүү хөрөнгө орлогын мэдүүлгийг авах хугацаа дуусахад долоо хоног үлджээ.
Авлигатай тэмцэх газраас хөрөнгө, орлогын мэдүүлэг, цахим системийн үйл ажиллагаатай холбоотой асуудлаар заавар зөвлөмж өгч ажлын өдрүүдэд уртасгасан цагаар, амралтын өдрүүдэд 10-17 цагийн хооронд ажиллах юм.
-
2017 оны 2 сарын 10
Ногоон бүсэд амьдардаг халиун буга, бор гөрөөс, аргаль хонь зэрэг ан амьтдаа хамгаалах зорилгоор нийслэлийн ногоон бүсэд анх удаа биотехникийн арга хэмжээг авч хэрэгжүүллээ. Зэрлэг амьтдад жилийн тодорхой улиралд өвс тэжээл, хужир мараа тавьж өгөх ажлыг “Амьтны тухай хууль”-д биотехникийн арга хэмжээ хэмээн тодорхойлж, орон нутгийн төсвийн хөрөнгөөр, амьтныг өсгөн үржүүлэх мэргэжлийн эрх бүхий байгууллагаар аргачлалын дагуу гүйцэтгүүлнэ гэж заасан байдаг.
Өвөлжилт хүндрэхэд цас зуднаас шалтгаалан идэш тэжээл хайж, суурьшлын бүс рүү орж ирдэг зэрлэг амьтдын дийлэнх нь нохойнд бариулж, багагүй хувь нь хүний үйл ажиллагааны золиос болж тоо толгой нь цөөрдөг. Биотехникийн арга хэмжээ нь уг нөхцөлийг арилгахад чухал нөлөөтэй юм.
Нийслэлийн Байгаль орчны газар, ан амьтны мэргэжлийн байгууллага, байгаль хамгаалагчдын хүч оролцоотойгоор хийгдсэн уг ажлыг цаашид тогтмолжуулж, иргэдийн оролцоотойгоор жил бүр хийнэ гэж нийслэлийн Байгаль орчны газраас мэдээллээ.
-
2017 оны 2 сарын 10
Монгол түмний уламжлалт сар шинийн баяр ойртож байгаатай холбогдуулан нийслэлийн Засаг дарга С.Батболд захирамж гаргасан билээ.
-
2017 оны 2 сарын 10
Даяаршиж буй дэлхийтэй хөл нийлүүлэн алхахдаа Үндэснийхээ онцлог, өв уламжлалаа хадгалж үлдэх нь чухал. Өөрөөр хэлбэл уламжлал шинэчлэлийг хослуулах учиртай. Тийнхүү жин тунг нь тохируулж зах зээлдээ тоогдож буй нэгэн компанийг зорилоо. “G fashion” нэрээрээ хэдийнэ танил болсон “Гант донж” ХХК-ийн захирал, загвар зохион бүтээгч Б.Гантболор хэмээх хоногийн 24 цаг багадсан ажил хэрэгч бүсгүйтэй цөөн хором хөөрөлдөж хэрэглэгчдэдээ хэрэгтэй дараах зүйлсийг тодруулж чадсан юм.
Хичээнгүй хөдөлмөрлө, үр дүн чинь өмнөөс тань ярих болно
Цаг хугацаатай уралдагч ажил хэрэгч бүсгүйг Бат-Эрдэнийн Гантболор гэдэг. 2005 онд Дизайн урлалын дээд сургуулийг дизайнер мэргэжлээр дүүргэсэн. Илэг даавууг өнгө уусган хослуулж, сүлжмэл хээгээр чимэглэсэн үндэсний хэв загварт калпитай өмдний хослол, донжлог малгай. Гоёлын дээл, даашинзны эрин үе дэх түүний энэхүү шийдэл аргагүй ялгарч, багш нар нь “өвөрмөц дипломын ажил” хэмээн дуу нэгтэй хүлээн зөвшөөрсөн гэдэг. Тэр ч утгаараа донжлог хослол өдгөө ч сургуулийн фондод хадгалаастай.
Сургуулиа төгсмөгц УБИС-ийн дэргэдэх “Сонор” плаза төвийн хойно жижиг өрөө түрээслэн ганц оёдлын машинтай хувцас захиалгын төвийг ажиллуулах болжээ. Томдсон хувцсаа хасуулж, урагдсанаа нөхүүлэн, басхүү өөрт таалагдсан загвараар даашинз хийлгэх гээд захиалга тасрахгүй. Шөнө дунд хүртэл ажиллачихаад өглөө жаахан аажуухан ирэхэд үүдэнд нь үйлчлүүлэгчид нь хүлээгээстэй. Оюутнууд голдуу үйлчлүүлдэг болохоор үнийн хувьд харьцангуй хямд. Гэсэн ч үйлчилгээний чанар, үйлчлүүлэгчийн сэтгэл ханамжид чухалчлан анхаарна. Ийм маягтай нэг жил ажиллаад, машинаа хоёр болгож хүч нэмэв. Гэсэн ч хангалттай байсангүй. Дахин нэмж хоёр ажилтан, гурван машинтай боллоо. Хувцас засварын захиалганд дарагдаастай өдөр хоногууд өнгөрсөөр.... Нэг л мэдэхэдтаван жилийг үджээ. Энэ үеэр оёдлын үйлдвэрүүд татан буугдаж тусгай зориулалтын машинуудыг зах зээлийн үнээс хямд зарах сураг дуулдав. Ирээдүйгээ хэдийнэ зурагласан Б.Гантболор энэхүү боломжийг алдахыг хүссэнгүй, хэд хэдэн төрлийн машин авч, төд удалгүй Солонгос улсаас авчирсан төрөл бүрийн материалууд дээр тулгуурлан өөрийн нэрийн бүтээгдэхүүнийг үйлдвэрлэх болжээ. Үндэсний хувцсыг өдөр тутмын хэрэглээ болгож чадсан “G fashion”-ны даруухан түүх ингэж эхэлдэг.
Анхдагч амжилтанд хүрдэг
Баргийн оёдолчин барьж аваад байдаггүй гулгамтгай материалыг торготой хослуулан үндэсний хэв загварт өдөр тутмын хувцас үйлдвэрлэхээр шийдэн 2011 онд “Гант донж” ХХК-иа үүсгэн байгууллаа. Шинэ бүхэн бэрхшээлтэй тулгардаг. Өмсөхөд эвтэйхэн, эдэлгээ урттай хэмээн сонгосон суналттай материалаараа үндэсний загвартай хувцас урлах эхэндээ тийм амар байсангүй. Гэсэн ч шантралгүй олон янзаар туршсаар өнөөдөр үйлдвэрлэлдээ нэвтрүүлээд байгаа арга технологио олжээ. “G fashion” брэндийн анхны загвартай шуу буюу бидний нэрлэж заншсанаар хүннү зах, сүлжмэл бүс, толгойн гоёлтой цэвэр даавуун даашинзууд байсан агаад худалдаанд гарсан даруйд дорхноо дуусч, эрэлт ихтэй байжээ. Түүний дараа суналттай материалыг төрөл бүрийн торготой хослуулан үндэсний хэв шинжит даашинз, юбка, цамц, тэргүүтнийг урлан худалдаанд гаргасан нь мөн л хэрэглэгчдийн таашаалд нийцсэн байна.
“G fashion” загваруудын онцлог нь нэг нь нөгөөдөө зохицон хэд хэдэн янзаар өмсөх боломжтой. Материал дээрээ тулгуурлан загвараа гаргадаг дизайнерууд бүтээгдэхүүний хувирах чадварыг эртнээс тооцон уялдуулсаар ирсэн нь зах зээлд амжилт олох бас нэгэн үндэс нь болдог биз. Худалдаанд гарсан цагаас хойш хамгийн их эрэлттэй бүтээгдэхүүнээр тодроод байгаа 118.000 төгрөгийн үнэтэй монгол захтай цамц, торгон оруулгатай юбканы хослолыг гэхэд л төрийн ордны түүхийн музейгээс эхлээд хэд хэдэн байгууллагууд дүрэмт хувцсаа болгоод байгаа бол сүүлийн үед эдний хүрэмтэй хослол ид мода болж байна. Биеийн өөг сайтар далдлах гоёлд болоод өдөр тутам өмсөхөд тохиромжтой даашинз, /үндэсний загвартай/ ноолууран материал бүхий хүрэмний дэгжин хослол. Дээр дурдсанчлан хүрмийг нь дангаар нь ямар ч хувцсан дээр өмссөн тохиромжтой. Өнгөрсөн жил наадмаар тренд болж байсан өмдтэй хослол өнөө жил ч эрэлттэй хэвээр байгаа гэнэ. Бусдаас өөр байхыг эрмэлздэг бүсгүйчүүд шинэ жилийн гоёлын даашинзны оронд энэхүү хослолыг сонгож, хүлээж байсанчлан алмайруулж чадсан гэнэ лээ.
Аав хүү, ээж охидын гангараа
Даашинз, юбка зэргийг тухай л дурдаад байхаар “G fashion” бүсгүйчүүдэд зориулсан брэнд хэмээн ойлгогдож байна уу. Үгүй дээ гэр бүлийн бүх гишүүдэд зориулагдсан үндэсний брэнд. Аав, хүү ээж, охин хослуулан гоёж болно. Өрхийн тэргүүн, угсаа залгамжлах хөвгүүдэд зориулсан монгол захтай хос цамц, дээл, хүрэм, хантааз, элбэрэлт ээж, ихэмсэг охидод зориулсан хос даашинз, юбка өнгө загварын өргөн сонголттой худалдаалагдаж буй. Түүнчлэн иог, бодибилдинг, биеийн тамирын хослол зэрэг спортын төрөл бүрийн хувцас хэрэгтэй болсон бол “G fashion”-ы салбар дэлгүүрүүдийг зориорой хэмээн зөвлөх байна. Бас нэг баяртай мэдээ дуулгахад эднийх төрөл бүрийн үслэг эдлэл оролцуулсан тусгай загварын үндэсний хувцсыг зөвхөн танд зориулан урлахаар болсон гэсэн шүү. Та зөвхөн өөртөө зориулсан цорын ганц дээл, даашинзаар онцгойрохыг хүсвэл Гантболор болон түүний хамт олонд хандаарай.
Сар шинийн содон бэлэг
“G fashion”-ий хамгийн гол давуу тал ижил төрлийн бараа бүтээгдэхүүнээсээ харьцангуй хямд, /дотооддоо үйлдвэрлэсэн монгол загвартай хувцас / тэгсэн хэр нь эдэлгээ урттай. Долларын ханш хэдэнтээ нэмэгдэж, материалынх нь үнэ түүнийг даган өсөж байгаа хэдий ч “G fashion”-ы хамт олон зарим нэг бүтээгдэхүүнийхээ үнийг өнөөдрийг хүртэл хадгалсаар байна.
Жишээлбэл зургаан жилийн тэртээ 12000 төгрөгөөр худалдаалагдаж байсан цамц, 24000 төгрөгийн үнэтэй юбка, 35000 төгрөгийн үнэтэй ноосон даашинз гэх мэт хэрэглэгчдийн таашаалт бүтээгдэхүүнийхээ үнийг нэмэхгүй байгаа аж. Түүнчлэн сар шинийн баярт зориулан “G Fashion” брэндийн хайрцаг савлагааг бий болгожээ. Эрхэм уншигч та бүхэн хайртай дотны хүмүүстээ зориулан өдөр тутам өмсөх биед эвтэйхэн хувцсыг үзэмжит сав баглаа боодолтой нь хамгийн хямд үнээр авахыг хүсвэл 13-р хороолол “Торгоны зам” дэлгүүрийн нэг давхар, 3,4-р хороолол Сансар центрийн 2 давхар, Хүннү молл төвийн хоёрдугаар давхарm байрлах нэрийн барааны дэлгүүрт зочлоорой. Дашрамд сонирхуулахад өнгөрсөн жилийн сар шинийн баяраар эдний бараа ганц ширхгийн үлдэгдэлгүй дуусч, зорин ирсэн хэрэглэгчдийнхээ итгэлийг алдахгүйн тулд битүүний өдөр цөөн тоогоор үйлдвэрлэсэн гэсэн шүү. Тиймээс та сонголтоо хийсэн бол яараарай.
Хилийн чанад дахь Монголчуудын гангараа
Ганц оёдлын машинтай оюутнуудад үйлчилдэг умгархан өрөөнөөс ажлын гараагаа эхэлсэн “Гант донж” ХХК өдгөө 17 ажилчинтай, гурван салбар дэлгүүртэй болтлоо өргөжиж, бараа бүтээгдэхүүн нь зөвхөн дотоодын зах зээлд бус хөрш зэргэлдээ улсуудад ч /БНХАУ-ын Өвөр Монголын өөртөө засах орон болон ОХУ-ын Буриад улсад / эрэлт ихтэй байна.
Эх орноосоо хол хилийн чанадад ажиллаж амьдарч буй монголчууд эдний хувцсаар гангарах нь элбэг бөгөөд талархлын үгтэй зурвас, гэрэл зургийн хамт илгээх нь олонтаа. “Өдөр ирэх тусам ачаалал нэмэгдэж байгаа ч манай хувцсыг өмссөн хэрэглэгчдээ хараад ядарснаа мартчихдаг” юм хэмээн инээмсэглэн ярих Б.Гантболор түүний хамт олон 2013 онд болсон Монгол туургатны фестивальд оролцож Гран при шагналын эзэн болж байсныг дуулгахад таатай байна.
Б.Эрдэнэсүрэн
-
2017 оны 2 сарын 10
10-13-нд ихэнх нутгаар цаг агаар тогтуун, өдөртөө хүйтний эрч суларна.
-
2017 оны 2 сарын 10
09.00 цагт Засгийн газрын ордонд Хууль зүйн байнгын хорооны хурлаар Эрдэнэтийн 49 хувийн асуудлыг хэлэлцэнэ.
-
2017 оны 2 сарын 09
Нийслэлийн Засаг дарга бөгөөд Улаанбаатар хотын Захирагч С.Батболд архи, согтууруулах ундаа үйлдвэрлэгч 11 үйлдвэрийн тусгай зөвшөөрлийг хүчингүй болгох саналыг Хүнс, хөдөө аж ахуй, хөнгөн үйлдвэрийн сайдад хүргүүллээ.
Нийслэлийн Мэргэжлийн хяналтын газарт согтууруулах ундаа үйлдвэрлэх тусгай зөвшөөрөл бүхий 37 аж ахуйн нэгж бүртгэлтэй байдаг байна. Үүнээс 11 үйлдвэрийн тусгай зөвшөөрлийн эрхийг түдгэлзүүлжээ. Харин зөвшөөрлийн үйлчлэлийг түдгэлзүүлсэн хугацаанд зөрчлийг арилгах талаар тавьсан шаардлага биелүүлээгүй нэр бүхий 11 аж ахуйн нэгж, зөрчил гаргасан нь улсын ахлах байцаагчийн актаар тогтоогдож, үйл ажиллагааг нь түр зогсоосон “Мөнхжин Од” ХХК-ийн согтууруулах ундаа үйлдвэрлэх тусгай зөвшөөрлийг хүчингүй болгох санал хүргүүлж байна.
Архи, согтууруулах ундаа үйлдвэрлэх тусгай зөвшөөрөлийг Хүнс, хөдөө аж ахуй, хөнгөн үйлдвэрийн яам өгдөг. Тиймээс Нийслэлийн Засаг дарга бөгөөд Улаанбаатар хотын Захирагч дараах аж ахуй нэгжүүдийн эрхийг цуцлах санал хүргүүлсэн байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
№
Аж ахуйн нэгжийн нэр
Эцсийн бүтээгдэхүүн
Бүтээгдэхүүний нэр
1.
“Их тэс гол” ХХК
Архи
Хабул,
Шаргалжуут.
2.
“Монгол инженер” ХХК
Архи
Хөх тэнгэр,
Одтой Чингис
3.
“Бенедакт” ХХК
Архи
Монголын хаан, Сүжигт
4.
“Аранзал трейд” ХХК
Архи
Сайхан
5.
“Цэлмэг туяа” ХХК
Дарс
Valencia, Sangria, Sun Martini, Elit, Golden Salut
6.
“Хүрд трейд” ХХ
Шар айраг
Монгол
7.
“Хорго цагаан” ХХК
Архи
Аяны дугараа
8.
“Энигмаа” ХХК
Архи
9.
“Хун лотус” ХХК
Шар айраг
10.
“Тэргүүн трейд” ХХК
Спирт
11.
“Бенедакт” ХХК
Дарс
Монголын хаан, Сүжигт
12.
“Мөнхжин од” ХХК
Архи
Мөнхжин Найрсаг
39
-
2017 оны 2 сарын 09
Нийслэлийн Засаг даргын сар шинийн баяртай холбогдуулан гаргасан захирамжийн хүрээнд нийслэлийн Тээврийн газраас “Нарантуул” худалдааны төвийн чиглэлд том оврын автобус явуулна. Тодруулбал, автозамын хөдөлгөөний ачааллыг бууруулах зорилгоор дугаарын хязгаарлалт хийгдэх өдрүүд буюу ирэх бямба, ням гаригт тодорхой суурьшлын цэгүүдээс “Нарантуул” худалдааны төв рүү их багтаамжийн автобус 10.00,12.30,15.00 цагт иргэдэд үйлчлэх юм.
№
Чиглэлийн нэр
Үйлчлэх цаг
Үйлчлэх ААНБ
1
Орбит-Нарантуул зах
10:00
12:30
15:00
Тэнүүн-Огоо ХХК
2
Нарангийн гол-Нарантуул зах
Зорчигч тээврийн нэгтгэл ОНӨААТҮГ
3
ХМК-Нарантуул зах
Сутайн буянт ХХК
4
Баянхошуу-Нарантуул зах
Зорчигч тээврийн нэгтгэл ОНӨААТҮГ
5
Нисэх-Нарантуул зах
Автотерминал трейд ХХК
6
Яармаг-Нарантуул зах
Эрдэмтранс ХХК
7
Дэнжийн 1000-Нарантуул зах
Монкара ХХК
8
Чингэлтэй-Нарантуул зах
Эрдэмтранс ХХК
9
Бэлх-Нарантуул зах
Зорчигч тээврийн нэгтгэл ОНӨААТҮГ
10
Шархад-Нарантуул зах
Тэнүүн-Огоо ХХК
11
Улаанхуаран-Нарантуул зах
БлюбусХХК
Дүн
Тайлбар: Дээрх 11 чиглэлд үйлчлэх их багтаамжийн автобусаар том хүн 1000, хүүхэд 200 төгрөгийн тарифаар үйлчлүүлнэ.
Нарантуул худалдааны төв рүү үйлчлэх нийтийн тээврийн замналын зураглал:
Мөн “Дэнжийн 1000”-ын автозамын хөдөлгөөнийг нэг чигийн хөдөлгөөнд оруулах арга хэмжээг авч байгаатай холбогдуулан “Дэнжийн 1000” чиглэлд хүрч үйлчилдэг нийтийн тээврийн 4 чиглэлийн хөдөлгөөнийг нэг чигт оруулан явуулах зохицуулалтыг хийнэ гэж нийслэлийн Тээврийн газраас мэдээллээ.
