-
2016 оны 9 сарын 27
“ЧИНГИС ХААН, ТҮҮНИЙ ӨВ УЛАМЖЛАЛ БОЛОН ЭНЭТХЭГИЙН СОЁЛ” СЭДВЭЭР МОНГОЛ, ЭНЭТХЭГИЙН ЭРДЭМТЭД ЧУУЛНА
[img_1251]
-
2016 оны 9 сарын 27
“Америкийн өдрүүд 2016”-д 100 гаруй компани оролцов
-
2016 оны 9 сарын 27
“Мэргэн буудагч-2016” тэмцээнд Зэвсэгт хүчний 311 дугаар анги тэргүүлжээ
-
2016 оны 9 сарын 27
БНХАУ-ын Гуандун мужтай хамтран ажиллах санал солилцлоо
-
2016 оны 9 сарын 27
Дорнод аймгийн Хэрлэн суманд энэ сарын 6-ны өдөр долоон настай хүүгийн амийг захиалгаар хөнөөлгөсөн жигшүүрт хэрэг гарчээ.
-
2016 оны 9 сарын 27
“Монголын барилгын үндэсний ассоциаци”-аас 2016 онд орон сууцны худалдан авах хэрэгцээтэй өрхийн тоо өмнөх оноос бараг хоёр дахин буурхаар байгаа талаарх мэдээллийг судалгаагаар гаргажээ.
Ингэхдээ 2017 он гэхэд 7.8 мянган өрх буюу энэ оны таамаглалаас тав дахин буурна гэж үзсэн байна. Харин 2018 онд энэ хэмжээ 12.5 мянган өрх болж бага зэрэг өснө гэсэн таамаглалыг гаргасан байгаа юм. Гэхдээ орон сууц худалдан авах чадвартай өрхийн тоо 2017-2018 онд ердөө 2.3-2.7 мянгаар хэмжигдэж магадгүй гэдгийн судалгааны дүн харуулж байна.
-
2016 оны 9 сарын 27
Нийслэлийн захиргааны хэргийн шүүхэд өчигдөр болсон Ноён уулын лицензийг хүчингүй болгох тухай шүүх хурал хойшилжээ.
-
2016 оны 9 сарын 27
Улсын төв эмнэлгийн бөөр шилжүүлэн суулгах үндэсний багийнхан өнгөрсөн пүрэв гаригт 125 дахь бөөр шилжүүлэн суулгах хагалгааг амжилттай хийлээ. Хагалгааг зөвлөх их эмч Л.Жамбалжав, зөвлөх эмч Д.Нямсүрэн, анагаах ухааны доктор, бөөрний мэс засалч Д.Баян-Өндөр, хүний гавъяат эмч, анагаах ухааны доктор, судасны мэс засалч Б.Төмөрбаатар, Сэхээн амьдруулах, эрчимт эмчилгээний их эмч н.Баялагмаа, Нойрсуулагч, эрчимт эмчилгээний эмч Д.Чулуунбаатар, нойрсуулагч эмч н.Базаррагчаа нарын эмч сувилагч гардан хийлээ.
Бөөр шилжүүлэн суулгах мэс засал нь олон төрөлт эмч мэргэжилтнүүдийн хамтын хөдөлмөр төдийгүй багаар ажиллах чадварыг илтгэсэн чухал эмчилгээний арга аж. Өөрөөр хэлбэл хагалгааны үед нэг биш хоёр хүний амь нас яригддаг тул эмч сувилагчдаас мэргэжлийн өндөр чадварыг шаарддаг байна.
Манай улсын эмч мэргэжилтнүүд 1996 онд анх бөөр шилжүүлэн суулгах хагалгаа хийж байсан. Эдүгээ 20 дахь жилийн ой дээр 125 дахь хагалгаагаа хийж, олон арван өвчтөн, тэдгээрийн ар гэрийнхэнд баяр баясал авчирсны зэрэгцээ санхүүгийн хүндрэл бэрхшээлээс ангижруулж чаджээ.
-
2016 оны 9 сарын 27
Нийслэлийн Засаг даргын Дэд бүтцийн хөгжлийн асуудал хариуцсан орлогч П.Баярхүү Европын сэргээн босголт банкны Турк, Төв Азийг хариуцсан захирал Наташа Ханженковаг хүлээн авч уулзлаа.
-
2016 оны 9 сарын 27
Д.Жигжиднямаа
-
2016 оны 9 сарын 27
Авлигатай тэмцэх газар /АТГ/ УИХ-ын гишүүн асан, Эдийн засгийн хөгжлийн сайдаар ажиллаж байсан Н.Батбаяр, Хөгжлийн банкны гүйцэтгэх захирал асан Н.Мөнхбат нарыг албан тушаалаа ашиглаж, төсвийн мөнгийг үрэгдүүлсэн хэрэгт буруутгаж, эрүүгийн хэргийг нь нэгтгэсэнийг эх сурвалж мэдээллээ.
“Чингис”, “Самурай” гээд гадаад зах зээлээс босгосон бондын мөнгөний олголт, зарцуулалттай холбогдуулан албаны эрх мэдлээ хэтрүүлсэн, төсвийн хөрөнгийг үрэгдүүлсэн гэх үндэслэлээр сайд асан Н.Батбаярыг энэ сарын 15-ны өдрөөс АТГ шалгаж эхэлсэн юм. Улмаар энэ сарын 21-ний өдөр Н.Батбаярт эрүүгийн хэрэг үүсгэжээ. Харин Хөгжлийн банкны захирал асан Н.Мөнхбатыг зарим албан хаагчдынх нь хамт сайд асан Н.Батбаярыг шалгахаас өмнө АТГ сэжигтнээр татаж, гадуур байцааж байсан юм. Н.Батбаяр, Н.Мөнхбат нарыг хэрэгт сэжиглэх зүйл анги нь өөр ч, буруутгасан хэргийн эх үүсвэр нь нэг гэж АТГ үзсэнийг эх сурвалж онцолсон. АТГ-ын албан ёсны сайтад мэдээлснээр тус байгууллага одоогоор гурван хэргийг эрүүгийн хэрэгт нэгтгэж, 38 хэрэгт мөрдөн байцаалтын ажиллагааг явуулж буй аж. Мөн Мэргэжлийн Засгийн газраас ажлын хэсэг байгуулагдаж, Хөгжлийн банкинд аудитын шалгалт хийж эхэлсэн байна.
АТГ-ын Мөрдөн шалгах хэлтсийн байцаагчид Н.Батбаярыг “Гудамж” тэргүүтэй олон төслийг “Чингис”, “Самурай” бондын хөрөнгөөс санхүүжүүлсэн гэх боловч үнэн хэрэгтээ зээл авахыг хүссэн иргэдийн хүсэлтийг шийдвэрлэлгүй буцааж байсан, тэгсэн атлаа шаардлага хангаагүй, хөрөнгө оруулах албагүй олон төслийг гадаад зах зээлээс босгосон хөрөнгөөр санхүүжүүлэхэд шууд бус ч гэлээ оролцсон гэж үзжээ. Ингээд түүнийг Эрүүгийн хуулийн 263.2 “Төрийн албан тушаалтан албаны эрх мэдлээ урвуулсан”, 264.2 “Албан тушаал, эрх мэдлээ хэтрүүлсэн”, 150.3 “Онц их хэмжээний хөрөнгө завшиж үрэгдүүлсэн” гэх үндэслэлээр сэжигтнээр тооцон, гадуур байцааж буй юм.
-
2016 оны 9 сарын 27
Ерөнхий боловсролын сургуулийн хичээлийн үеэр багш, сурагчдыг гар утас ашиглахыг хориглосон тушаал Боловсрол соёл, шинжлэх ухаан, спортын сайд гаргасан билээ.
-
2016 оны 9 сарын 27
Испани улсын Торремолинас хотноо 1979 оны есдүгээр сард болсон Дэлхийн аялал жуулчлалын байгууллагын ерөнхий ассамблейн III чуулганаас жил бүрийн энэ өдрийг “Дэлхийн аялал жуулчлалын өдөр” болгон тэмдэглэхээр шийдвэрлэсэн юм.
-
2016 оны 9 сарын 27
Хан-Уул дүүрэгт байрлах ”ДЦС 3”-ын баруун хойд замаас урагшаа Яармагийн гүүр хүртэлх 1.5 км авто замын нээлтийн ажиллагаа өнөөдөр боллоо.
-
2016 оны 9 сарын 27
Сум, дүүргийн ИТХ-ын 2016 оны ээлжит сонгууль ирэх аравдугаар сарын 19-ний лхагва гарагт болно. Энэ удаагийн сонгуулиар 21 аймгийн 1613 баг, нийслэлийн есөн дүүргийн 152 хорооноос нийт 7282 төлөөлөгч сонгогдох юм.
Эдгээр 7282 мандатын төлөө өрсөлдөхөөр 15212 нэр дэвшигч бүртгүүлснээс улс төрийн нам, эвслээс 14489 нэр дэвшигч бие даагч 723 нэр дэвшигч байгаа юм.
Сонгуульд нэр дэвшигчдийн үнэмлэхийг Сонгуулийн тухай хуульд заасны дагуу санал авах өдрөөс 22 хоногийн өмнө буюу есдүгээр сарын 27-ны өдөр гардуулна.
-
2016 оны 9 сарын 27
09:00-12:00 цагт НМХГ-ын 5 давхарын хурлын танхимд ”Ажлын байрны нөхцлийг сайжруулахад тулгамдаж буй асуудлыг шийдвэрлэх арга зам” хэлэлцүүлэг болно. Хэлэлцүүлэгт ХНХЯ, МХЕГ, ЭМШУИС, хөдөлмөрийн Нөхцөл хэмжилт шинжилгээний төвийн холбогдох албан тушаалтнууд болон эрсдэлтэй аж ахуй нэгж байгууллагуудын ажил олгогч,ХАБЭАА ажилтан, инженер, үйлдвэрийн эмч, эрүүл ахуйч нар оролцоно.
-
2016 оны 9 сарын 27
Өнөөдөр буюу есдүгээр сарын 27-ны мягмар гарагт дараах байршил дахь хэрэглэгчдийг цахилгаанаар хангадаг шугам тоноглолд урсгал засвар хийхээр болжээ. Тодруулбал, Сүхбаатар дүүрэг
10:30-17:30 цагт: 15, 17-р хороо Дээд Салхитын 1, 10, 11, 14, 37, Дамбадаржаагийн 7, 32, 35, 48, 53, 56, 59, 61, 63, 83, Доод Салхитын 3, Д/Д Эмнэлгийн 1-р гудамж, 155, 159, 175-р цэцэрлэг, 117-р сургууль, Ундрах-ирээдүй ББН, Дега Монгол ХХК
Чингэлтэй дүүрэг
19-р хороо Ар согоот, Банкны зуслан
Налайх дүүрэг
09:30-18:00 цагт: Нарны орон, Морьтон Шанкур, Шилийн булаг, Илд бамбай сервис, Бамбай ХХК-ууд, иргэн Александр, Жадамба болон эдгээрийн ойр орчмоор
10:00-18:00 цагт: МСҮТ, Нисэхийн 5 давхар, УБЦТС ТӨХК-ийн Налайх түгээх төв, Аврах анги, Эрүүл мэндийн нэгдэл, Онцгой байдлын алба болон ойр орчмоор
-
2016 оны 9 сарын 27
Цаг агаарын аюултай үзэгдлээс сэрэмжлүүлэх мэдээ
-
2016 оны 9 сарын 27
Үс шинээр үргээлгэх буюу засуулбал өлзийтэй сайн
-
2016 оны 9 сарын 27
2016 оны 09 дүгээр сарын 26-ны 20 цагаас 09 дүгээр сарын 27-ны 20 цаг
хүртэлх цаг агаарын урьдчилсан мэдээ:
БАРУУН АЙМГУУДЫН НУТГААР: Үүлшинэ. Шөнөдөө нутгийн баруун хэсгээр, өдөртөө зарим нутгаар хур тунадас орно. Салхи зүүн өмнөөс секундэд 5-10 метр. Завхан, Говь-Алтай, Баянхонгорын хойд хэсгээр шөнөдөө 1-6 градус хүйтэн, өдөртөө 8-13 градус, Ховд, Говь-Алтай, Баянхонгорын өмнөд хэсгээр шөнөдөө 3-8 градус, өдөртөө 15-20 градус дулаан, бусад нутгаар шөнөдөө 2 градус дулаанаас 3 градус хүйтэн, өдөртөө 11-16 градус дулаан байна.
ТӨВИЙН АЙМГУУДЫН НУТГААР: Үүл багасна. Хур тунадас орохгүй. Салхи баруун хойноос секундэд 5-10 метр. Хангай, Хөвсгөл, Хэнтэйн уулархаг нутгаар шөнөдөө 3-8 градус хүйтэн, өдөртөө 5-10 градус дулаан, бусад нутгаар шөнөдөө 0-5 градус хүйтэн, цочир хүйтэрнэ, өдөртөө 9-14 градус дулаан байна.
ЗҮҮН АЙМГУУДЫН НУТГААР: Шөнөдөө үүлэрхэг, нутгийн зүүн хэсгээр хур тунадас, нойтон цас орно. Өдөртөө үүл багасна, хур тунадас орохгүй. Салхи хойноос секундэд 5-10 метр, шөнөдөө нутгийн зүүн хэсгээр секундэд 12-14 метр хүрч ширүүснэ. Шөнөдөө хүйтэрч 1-6 градус хүйтэн, цочир хүйтэрнэ, өдөртөө 6-11 градус дулаан байна.
ОТРЫН НУТАГ ХЭРЛЭНБАЯН-УЛААН ОРЧМООР: Үүл багасна. Хур тунадас орохгүй. Салхи баруун өмнөөс секундэд 5-10 метр. Шөнөдөө 4-6 градус хүйтэн, өдөртөө 9-11 градус дулаан байна.
ГОВИЙН АЙМГУУДЫН НУТГААР: Үүл багасна. Хур тунадас орохгүй. Салхи баруун хойноос секундэд 7-12 метр. Шөнөдөө Дундговийн нутгаар 0-5 градус хүйтэн, бусад нутгаар 1 градус хүйтнээс 4 градус дулаан, өдөртөө бүх нутгаар 9-14 градус дулаан байна.
УЛААНБААТАР ХОТ: Үүл багасна. Хур тунадас орохгүй. Салхи баруун хойноос секундэд 4-9 метр. Шөнөдөө 2-4 градус хүйтэн, цочир хүйтэрнэ, өдөртөө 8-10 градус дулаан байна.
