-
2016 оны 9 сарын 29
Монгол улсад эмнэлгийн техникийн дээд боловсролтой мэргэжилтэн бэлтгэж эхэлсний 20 жил, Монголын эмзүйн байгууллагуудын нэгдсэн “Эм” холбооны 20 жилийн ойг тохиолдуулан Эрүүл мэндийн яам, Олон улсын эмнэлгийн инженерүүдийн холбоо (IFBME), Эм холбоо, Монголын эмнэлгийн инженерчлэлийн нийгэмлэг, Мишээл групптэй хамтран “ЭРҮҮЛ МЭНДИЙН ТЕХНОЛОГИ - 2016” үзэсгэлэнг 2016 оны 09 дүгээр сарын 30-наас 10 дугаар сарын 02-ны өдрүүдэд ЭРҮҮЛ МЭНДИЙН САЙДЫН ИВЭЭЛ дор зохион байгуулах гэж байна.
ЗОРИЛГО:
1. Эрүүл мэндийн салбарт нэвтэрсэн эмчилгээ, оношилгооны дэвшилтэд технологи, арга аргачлал, тоног төхөөрөмжийг олон нийтэд сурталчилан таниулах
2. Гадны болон дотоодын эм, эмнэлгийн хэрэгсэл, эмнэлгийн тоног төхөөрөмж ханган нийлүүлэгч байгуулагуудын шинэ технологи, тоног төхөөрөмжтэй танилцах, туршлага судлах
3. Олон улсын эрүүл мэндийн технологийн өнөөгийн байдал, тулгамдаж буй асуудал, мэргэжилтэн бэлтгэж буй чиг хандлага талаар хэлэлцэх
ОРОЛЦОГЧ БАЙГУУЛЛАГА:
ЭМЯ-ны харъяа төв эмнэлэг, тусгай мэргэжлийн төвүүд, Аймаг, нийслэлийн эрүүл мэндийн байгууллагууд, Эм, эмнэлгийн хэрэгсэл, эмнэлгийн багаж, тоног төхөөрөмж ханган нийлүүлэгч байгуулагууд, БНСУ-ын Эм, эмнэлгийн хэрэгсэл, эмнэлгийн багаж, тоног төхөөрөмж ханган нийлүүлэгч байгуулагууд нийт 120 гаруй оролцогч байгууллагууд дараах чиглэлээр төрөлжин оролцоно.
· Улсын болон хувийн эрүүл мэндийн байгууллагууд
· Эм, эмнэлгийн хэрэгсэл, эмнэлгийн тоног төхөөрөмж, ханган нийлүүлэгч байгууллагууд
Эмнэлгийн тоног төхөөрөмжийн инженер, техникч, эмч мэргэжилтэн бэлтгэдэг улсын болон хувийн хэвшлийн сургалтын байгууллагууд
· Гоо сайхан, эрүүл мэнд
· Эрүүл хүнс, биологийн идэвхт бүтээгдэхүүн
ТОВЧ ХӨТӨЛБӨР:
2016.09.30:
Нээлтийн үйл ажиллагаа
Тайзан дээрх байгууллагын танилцуулах сурталчилгаа
Номын баяр – Хүндэтгэлийн арга хэмжээ
Бренд тоног төхөөрөмжийг танилцуулах сургалт
Үзэсгэлэнгийн үйл ажиллагаа үргэлжилнэ
2016.10.01:
Үзэсгэлэнгийн үйл ажиллагаа үргэлжилнэ
Тайзан дээрх байгууллагын танилцуулах сурталчилгаа
Эмнэлгийн тоног төхөөрөмжийн инженерүүдийн гуравдугаар
чуулган, олон улсын анхдугаар хурал /Эрүүл мэндийн яамны Б танхимд/
Үзэсгэлэнгийн үйл ажиллагаа үргэлжилнэ
2016.10.02:
Үзэсгэлэнгийн үйл ажиллагаа үргэлжилнэ
Тайзан дээрх байгууллагын танилцуулах сурталчилгаа
Үзэсгэлэнгийн шилдэг - номинаци шалгаруулах үйл ажиллагаа
Хаалтын үйл ажиллагаа
Үзэсгэлэнгийн үеэр ард иргэдэд үнэ төлбөргүйгээр хараа, сонсгол, даралт, сахарын шинжилгээ, эхо, эрүүл мэндийн боловсролын мэдээлэл, бараа бүтээгдэхүүний амталгаа хийгдэнэ.
БҮРТГЭЛ:
· МИШЭЭЛ ЭКСПО дээр 2016.09.09-ны өдрөөс эхлэн явагдаж байна.
· Үзэсгэлэнд оролцох сонирхолтой байгууллагуудыг урьдчилан оролцох хүсэлтээ ирүүлснээр талбайн хуваарилалтыг хийнэ. (Талбайн зургыг хавсаргав.)
Үзэсгэлэнгийн талбайг өөрийн байгууллагын үйл ажиллагааны онцлогт тохируулан, тусгайлан зохиомжлон тохижуулах боломжтой бөгөөд энэ үедээ талбайн зааварчилгааг мөрдөх шаардлагатай.
Талбайн хуваарилалт болон төлбөрийн асуудлыг “Мишээл групп” ХХК хариуцан ажиллана.
ДЭМЖИГЧ БАЙГУУЛЛАГА
· Олон улсын эмнэлгийн инженерүүдийн холбоо
ЗОХИОН БАЙГУУЛАГЧ
· Эрүүл мэндийн яам
· Монголын эмнэлгийн инженерчлэлийн нийгэмлэг
· Монголын эмзүйн байгууллагуудын нэгдсэн “Эм” холбоо
· Солонгос – Монгол бизнес төв
· Мишээл Экспо ХХК
ХАЯГ: Улаанбаатар хот, Хан-Уул дүүрэг, 2-р хороо, Чингисийн өргөн чөлөө /Мишээл экспо төв/
УТАС: 88077036, 88077031
ФАКС: 75959595
Е-MAIL: Oyu_mt@yahoo.com, info@misheelexpo.mn
-
2016 оны 9 сарын 29
Элэгний С вирүсийг устгах 98 хувийн үр дүнтэй шинэ эмийг “Омбол” ХХК өнөөдөр танилцууллаа.
“Хепсинат-ЛП” нэртэй уг эмийг Энэтхэгийн Натко эмийн үйлдвэрт үйлдвэрлэсэн бөгөөд сарын хэрэглээ нь 150 ам.доллар аж.
АНУ-ын Гилеад Сайнс компаний Харвони эм одоо манай зах зээлд худалдаалагдаж байгаа. Энэ эм сарын хэрэглээ нь 400 ам.доллар байсан бөгөөд есдүгээр сарын 23-ны өдрөөс эхлэн 300 ам.доллар болсон. Гэвч энэ эмийн үнийг дийлэхгүй эмчилгээ хийлгэж чадахгүй олон хүн байгааг харгалзан үнэ хямд хэр нь үйлчилгээ ижил эмийг “Омбол” ХХК оруулж ирээд байгаа нь энэ аж.
АНУ-ын Гилеад Сайнс компаний Харвони эмийн үндсэн найрлага болох ледипасвир, софосбувир найрлага бүхий эмийг үйлдвэрлэх зөвшөөрлийг Энэтхэгийн 11 компани авсан байдаг аж. Эдгээр үйлдвэрийн нэг болох Наткогоос “Хепсинат-ЛП” эмийг авч байгаа бөгөөд тус үйлдвэр энэтхэгийн таван том үйлдвэрийн нэг, хамгийн анх энэ эмийг үйлдвэрлэх эрхийг авсан юм байна. Зохих судалгааг хийсэн, чанартай эм гэдгийг “Омбол” ХХК-ийн гүйцэтгэх захирал Б.Мөнхдэлгэр хэлсэн юм.
Эмийн сарын хэрэглээ нь 150 ам.доллар бөгөөд тухайн өвчтөний байдлаас хамаарч 3-6 сар хэрэглэх юм. Эмчийн жорын дагуу шууд эмийн сангаас худалдан авалт хийх боломжтой. Вирүсийн эмчилгээг эмчийн хяналтад зааврын дагуу хийх ёстой учраас цахим жороор эмийн жорыг бичих юм байна. Эмийг Элэгний эмийн мэдээлэл үйлчилгээний төв, хот болон орон нутгийн гэрээт эмийн сангаар худалдаалах аж.
Мөн элэгний С вирүсийг устгах эмийг оруулж ирснээс хойш өвчтөнд шинжилгээнээс эхлээд маш олон зардал гарч байгааг анзаарсан тул “Омбол” ХХК нийгмийн хариуцлагынхаа хүрээнд “Хепсинат-ЛП” эмийг зургаан сар уух хүмүүст сүүлийн сарын эмийг үнэ төлбөргүй өгөхөөр болсноо мэдээллээ.
Чингэлтэй дүүрэг, Жуулчны гудамжинд байрлах Элэгний эмийн мэдээлэл үйлчилгээний төвөөс та илүү дэлгэрэнгүй мэдээллийг авах боломжтой. Эндээс элэгний өвчлөлийн талаар болон хаана шинжилгээ өгөх боломжтой зэрэг олон төрлийн зөвлөгөө мэдээллийг иргэдэд үнэ төлбөргүй өгдөг юм байна.
Манай улсад 400 мянга гаруй хүн элэгний В, С вирүсийн өвчлөлтэй гэсэн судалгаа байдаг бөгөөд нийт хүн амд ногдох өвчлөлөөрөө дэлхийд тэргүүлэх болжээ.
-
2016 оны 9 сарын 29
Нийслэлийн Иргэдийн Төлөөлөгчдийн 3 дугаар хуралдаанаар Нийслэлийн Засаг дарга бөгөөд Улаанбаатар хотын Захирагч С.Батболдын 2016-2020 онд хэрэгжүүлэх үйл ажиллагааны хөтөлбөрийг хэлэлцэж байна. Үйл ажиллагааны хөтөлбөр нь 5 бүлэгтэй.
Эдийн засгийн өсөлт өрх бүрт
Хот байгуулалт , дэд бүтэц
Байгаль орчин, ногоон хөгжил
Нийгмийн хөгжил
Засаглал
Хотын засаглалын хүрээнд бизнес эрхлэхэд таатай эрх зүйн орчныг бүрдүүлж, хөрөнгө оруулалтын бодлогыг хэрэгжүүлэхэд төр, хувийн хэвшлийн түншлэлийн зарчимд тулгуурлан, санхүүжилтийн шинэлэг тогтолцоог нэвтрүүлж, эдийн засгийн өсөлтийг хангах зорилт тавьсан. Үйлдвэрлэл, инновацийг цогцоор нь хөгжүүлнэ. Нийслэлийн орлого, санхүүгийн эх үүсвэрийг нэмэгдүүлж, гадаадын хөрөнгө оруулалтыг татаж, жижиг, дунд үйлдвэрлэлийг дэмжин хөгжүүлж, аялал жуулчлалын төв болох зорилт тавьж байгаагаа Нийслэлийн Засаг дарга бөгөөд Улаанбаатар хотын захирагч С. Батболд хэллээ.
Хотын даргын ирэх дөрвөн жилийн мөрийн хөтөлбөрөөс онцлох тоон ишлэлүүдийг дурьдахад сургууль, цэцэрлэгийн хүртээмжийг нэмэгдүүлэх чиглэлээр нийслэл хот 50 барилгыг өргөтгөх буюу шинээр барих юм байна. Ерөнхий боловсролын сургуулиудыг 2 ээлжинд шилжүүлнэ. “Жаргалтай үрс” хөтөлбөр хэрэгжүүлж, хороо бүрт цэцэрлэг байгуулах ажлыг хийж, сургуулийн өмнөх боловсролд хамрагдалтыг 85 хувьд хүргэнэ.
“Орлоготой орон сууц“ хөтөлбөрийг хэрэгжүүлж, иргэдээ орон сууцаар хангах, гэр хороололын дахин төлөвлөлтийг “Зөв шийдэл”тэйгээр явуулах ажлуудыг тусгажээ. Нийслэл хотод шинэ цэнгэлдэх хүрээлэнг барьж байгуулан, эрүүл мэндийн салбарт “Хүүхдийн төрөлжсөн эмнэлэг” барих юм байна. Хэдийгээр эдийн засгийн хувьд улс орон хүнд байгаа ч Улаанбаатар хот бүтээн байгуулалтын ажлыг үргэлжлүүлж, үр дүнгүй концессын гэрээнүүдийг зогсоож, иргэд рүүгээ чигэлсэн бүтээн байгуулалтыг хийнэ гэдгээ хэлж байна. Хөнгөн үйлдвэрлэлийн салбарыг дэмжиж, үйлдвэр технологийн паркуудыг байгуулна. Ажлын байр нэмэгдүүлэхэд онцгой анхаарч Нэг өрх нэг ажлын байр гэсэн зорилтыг хэрэгжүүлж, нийслэлийн хотын иргэдээ орлоготой, ажилтай байхад анхаарч, амжиргааны түвшинг өсгөх бодлого барина гэдгээ НИТХ-ын 3 дугаар хуралдаанд ирэх дөрвөн жилийн үйл ажиллагааны хөтөлбөрөө хэлэлцүүлж байгаа Нийслэлийн засаг дарга бөгөөд Улаанбаатар хотын захирагч С. Батболд хэлж байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 9 сарын 29
Хууль зүй дотоод хэргийн сайд С.Бямбацогтын тушаалаар ЦЕГ-ын тэргүүн дэд дарга Ц.Батсүх, дэд дарга Ж.Буянбат, Ц.Ням-Очир нарыг үүрэгт ажлаас нь чөлөөлжээ.
-
2016 оны 9 сарын 29
Нийслэлийн ИТХ-ын нэгдсэн хуралдаан Хангарди ордонд эхэллээ. Хуралдаанд ирэх ёстой 45 төлөөлөгчөөс 30 төлөөлөгч ирж хуралдааны ирц 65 хувьтай байна. Өнөөдрийн хуралдаанаар нийслэлийн Засаг дарга бөгөөд Улаанбаатар хотын Захирагчийн 2016-2020 онд хэрэгжүүлэх үйл ажиллагааны хөтөлбөрийг хэлэлцэж байна. Хуралдааны эхэнд хотын дарга ирэх дөрвөн жил хэрэгжүүлэх үйл ажиллагааны хөтөлбөрөө НИТХ-ын төлөөлөгчдөд танилцууллаа.
-
2016 оны 9 сарын 29
Хонгор сум энэ жил 11709 га талбайд үр тариа тариалжээ
-
2016 оны 9 сарын 29
Ираны эрх баригчид хөрш орнуудаас болон Монгол улсаас малын мах импортлох төлөвлөгөөтэй байгаагаа мэдэгджээ. Өчигдөр буюу Лхагва гарагт Ираны хөдөө аж ахуйн дэд сайд Али Акбар Мехрфард мэдээлэхдээ тус улс Монгол болон Армени зэрэг хэд хэдэн хөрш орнуудаас мах импортлох шийдвэр гаргасныг мэдээлсэн байна.
Мөн Бразилаас хөлдөөсөн үхрийн мах авах хэмжээгээ нэмэгдүүлэхээр болжээ. Ингэх болсон шалтгаан нь Исламын шашны Мухаррам сарын мөргөлийн үед үүсдэг махны эрэлтийг хангахад чиглэгджээ. Мухаррам мөргөлийн үед Ираны Шийт муслимууд буяны хоол хийж хөршүүд, хамаатнууд болон ядууст тараадаг уламжлалтай.
Энэ үеэр өсдөг улаан махны эрэлтийг Ираны эрх баригчид хангаж дийлдэггүй юм байна. Жил бүр 100,000 тонн улаан махны хомсдол үүсдэг гэж албаныхан мэдээлж байжээ. Иран улс дотооддоо 950,000 тонн улаан мах болон 1.75 сая тонн шувууны мах жил бүр нийлүүлдэг ба үүн дээр нэмээд гадаадаас 100,000 тонн улаан болон шувууны мах импортлох хэрэгцээ гардаг юм байна.
-
2016 оны 9 сарын 29
Нийслэлийн 377 жилийн ойн баярыг угтан Улаанбаатар хотын хог хаягдлын цэвэрлэгээ, ачилт,цуглуулалт, тээвэрлэлтийн ажлыг эрчимжүүлэх талаар Хотын Ерөнхий менежер хог хаягдлын үйлчилгээний байгууллагуудад чиглэл өглөө.
-
2016 оны 9 сарын 29
“Номтой оюуны ирээдүй” ТББ-аас санаачлан “Тархины хогийг цэвэрлье” хөдөлгөөнийг зохион байгуулахаар болжээ.
-
2016 оны 9 сарын 29
Өчигдөр Замын цагдаагийн газрын ЖШУХ дээр нийт 325 дуудлага, мэдээ мэдээлэл хүлээн авсан байна. Үүнээс зам тээврийн ослын 252 дуудлага бүртгэгдсэн байна.
-
2016 оны 9 сарын 29
э бол миний асуудал, намайг л онилж дайрсан хувь зохиол, хүмүүст нялзааж, бусдад тохох хэрэггүй гэсэн бодолтойгоо яваад байсан хэрэг. Гэвч... Гэвч элэг солиулах хагалгааны зардал бараг 100 шахам сая төгрөгтэй нүүр тулан яг зогсох хүртлээ... Зарж болох бүхнээ борлуулж, зээлж чадах болгоноо цуглуулж явсаар ”10 дугаар сарын 15-ны өдөр мөнгөө байршуулах эцсийн хугацаа” гэдэг товыг сонсоод энэ захидлыг бичихээр шийдлээ.
Танихгүй нэгэнд туслах алба танд байхгүй байж болно. Таньдаг нэг нь энэ захидлыг олж уншвал Соёлоодоо туслана уу. Миний данс: Хаан банк 5077015648 Соёлням.
-
2016 оны 9 сарын 29
Засгийн газар үндэсний үйлдвэрлэлийг бүх талаар дэмжинэ
-
2016 оны 9 сарын 29
Есдүгээр сарын 30 -ны өдөр буюу маргааш Жанжин Д.Сүхбаатарын талбайд “Улаанбаатарын намар“ нэгдсэн арга хэмжээ болно.
-
2016 оны 9 сарын 29
Нийслэлийн ЗДТГ-ын дэргэд “Хэвлэл мэдээллийн төв” байгуулна
-
2016 оны 9 сарын 29
Монголдоо үйлдвэрлэсэн бүтээгдэхүүнийг худалдан авч байхыг уриаллаа
-
2016 оны 9 сарын 29
Боловсролын зээлийн сан байгуулна
-
2016 оны 9 сарын 29
Цахилгаан эрчим хүч түгээдэг шугам тоноглолд урсгал засвар хийхтэй холбогдуулан дараах байршлуудад өнөөдөр цахилгааны хязгаарлалт хийнэ.
-
2016 оны 9 сарын 29
Ипотекийн зээлд хамрагдах байранд талбайн хэмжээг 100 ам.метр кв болгож нэмлээ
-
2016 оны 9 сарын 29
1.Baby lounge
Нярай хүүхэд хуурайлах, хөхүүлэх, хооллох зориулалтын өрөөтэй. Өрөөнд халуун хүйтэн цэвэршүүлсэн ус, тосгуур, гарын саван, тав тухтай суугаад хүүхдээ хөхүүлэх буйдан, хуурайлах ор гээд хэрэгцээт бүх л хэрэгслүүдтэй. Нярай хүүхэдтэй гээд гарч орж чаддаггүй байсан цаг ч ард үлдэж байна даа.
2. Цэвэр сүүний “байшин”
Өглөө бүр Фермээс шууд ирж буй цэвэр сүүг Имартын сүүний байшинд худалдаалдаг. 2 литрийн савлагаатай, 3,400₮-ийн үнэтэй.
3. Дэлгүүр доторх авто угаалга, засвар үйлчилгээ
Дэлгүүрээр үйлчлүүлээд гараад ирэхэд таны машин зогсоолд цэмбийгээд байж байвал ямар вэ? Бас засвар үйлчилгээ ч хийлгэх боломжтой юм.
4. Дрон зоне
Төрөл бүрийн нисдэг камер, смарт тоглоомуудыг дрон зонед туршиж үзэн худалдаж авах боломжтойгоос гадна өдөр бүр 15:00 цагт дрон хөөргөж үйлчлүүлэгчдэд сонирхуулдаг юм байна.
5. Ухаалаг зогсоол
Өвлийн улирал ч ирлээ. Дулаан зогсоол чухал шүү. 3, 4-р давхрын зогсоол руу орохдоо дотор нь хичнээн сул зогсоол байгааг гадаах дижитал самбараас харах бөгөөд ороод ногоон гэрэл ассан зогсоолд машинаа байрлуулах нь үнэхээр ухаалаг, орчин цагийнх. Зогсоолын асуудалтай манай нөхцөлд тохирсон шийдэл.
6. Хүнсний тасаг доторх хоолны газар
Заримдаа шопингдож байхад гэнэт л хоол идмээр санагддаг. Тэгвэл энэ асуудлыг мөн л шийджээ. 1-р давхрын худалдааны зааландаа шинэхэн амтат хоолнуудаар үйлчилдэг. Өлссөн хүн дэлгүүр хэсэхдээ буруу сонголт хийчих гээд байдаг гэсэн.
7. Сүүл хуудас
Тооцооны хуудастай хамт хэвлэгдэн гарах урамшууллын мэдээлэл бүхий хуудас. Хэнд зориулан ямар бэлэг, урамшуулал, үйлчилгээ үзүүлж байгааг энэ хуудас тодорхой хэлээд өгнө. Зогсоолын төлбөрийг ч энэ хуудсаараа төлчихдөг. Хэрэгтэй зүйл билээ.
8. Байнгын хямдрал
Ямар нэгэн томоохон баяруудаар л зарлагддаг байсан хямдрал урамшууллыг өөрчилж байнгын хямдрал, урамшуулал зохион байгуулж үйлчлүүлэгчдэдээ бэлэг барьж байгаа нь талархууштай. Үүнийг дагаад өрсөлдөөн ч бий болж энэ өрсөлдөөн дундаас хэрэглэгч бид л хожиж байгаа нь үнэн.
9. Хөгжилтэй Имарт
Зорин ирсэн үйлчлүүлэгчид дундаа төрөл бүрийн хөгжөөнт тэмцээн уралдаан зохиож шагнал урамшуулал гардуулж байна. Үйлчлүүлэгчид нь идэвхитэй оролцож, дэмжиж байгаа нь халуун дулаан уур амьсгалыг мэдрүүлж хөгжилтэй Имартыг бий болгож байгаа дүр зураг харагдлаа .
-
2016 оны 9 сарын 29
11:00 цагт Элэгний С вирусийн эмчилгээний талаар “Омбол” ХХК-иас хэвлэлийн хурал зарлалаа.
