-
2016 оны 9 сарын 06
Өнгөрөгч баасан гаригт Баянхонгор аймгийн Эрдэнэцогт сумын 5 дугаар багаас алга болсон гурван настай эрэгтэй хүүхдийг эрэн хайх ажиллагаа үргэлжилж байна.
-
2016 оны 9 сарын 06
Энэ сарын 2-3-нд шилжих шөнийн 00.40 минутын орчим Баянзүрх дүүргийн 12-р хорооны нутаг дэвсгэр Улиастайн салдаг уулзвараас Баянзүрхийн товчоо явах замд 50 орчим насны эрэгтэй хүн зам тээврийн осолд орсон байдалтай олджээ.
-
2016 оны 9 сарын 06
Гадаад паспортаа хүлээсэн иргэд цөхрөнгөө барж байна. УБЕГ дээр гадаад паспорт захиалах, авах гэсэн хэдэн арван мянган иргэдийн уур уцаар, бухимдал, цөхрөнгөө барсан байдал үргэлжилсэн хэвээрээ байна. Урьд хожид ийм нөхцөл байдал хэзээ ч гарч байсангүй. Бүх зүйл хэвийн, иргэд зорчидгоороо зорчиж, аль ч улсын хил гааль дээрээс Монгол Улсын паспортоор нэвтрэхэд огт саадгүй явж ирсэн атал яагаад бид дотооддоо ийнхүү хэдэн сараар захиалсан паспортоо авч чадахгүй байдалд хүрэв? Үүний гол буруутай эзэд хэн байна вэ? Юунаас болоод ийм байдалд хүрэв? гэсэн олон асуулт ар араасаа хариулт нэхсээр энэ байдал бүр даамжирав.
Хэвлэл мэдээллийн хэрэгсэлээр “ОХУ руу визгүй зорчиж эхэлсэнээс хойш маш олон хүн гадаад паспорт авсанаас болсон” гэх тайлбарыг удаа дараа бичиж, нийтэлж тайлбарлан хугацаа аргацааж олон нийтийг төөрөгдүүлэх гэж үзээд эцэстээ үнэнд гүйцэгдэж , өөрсдөө ямархуу үйл хийж яваагаа ард түмэнд харуулж байна. Салбарын сайд нь ажлаа хүлээж авсан даруйдаа УЕБГ-ын үйл ажиллагаатай танилцаж учир байдлыг нь сонссон билээ.
Гэтэл гадаад паспортын бэлдэц хэвлүүлэхэд зориулан энэ оны улсын төсөвт 850 сая төгрөг тусгасан байсныг хэсэг нөхөд ашиглаж Унгарын “Hungarian Banknote Printing Shareholding Company” хэмээх хэвлэлийн хувьцаат компанид 620 сая төгрөгийг нь далдуур 2018 оноос нааш гаргаж өгч чадахгүй гэсэн “чип”-тэй паспорт хэвлүүлнэ гэж гэрээ хийгээд урьдчилаад шилжүүлчихсэн байгаа юм байна. Энэ мөнгөөр нь өнөөдөр дэлхийд нэр төртэй ХБНГУ-ын Giesevke & Devrient компанид “чип”-тэй паспорттой өрсөлдөх нууцлал, чанартай INFACIO технологийн ИКАО 9303 стандартын 340,000 паспорт хэвлүүлээд аваад ирчихсэн, ямар ч хүлээлт, чирэгдэлгүй олгоод байж байх байв.
ХБНГУ-д 2 евро 29 центээс 2 евро 45 цэнтийн хооронд Улаанбаатар хотын Чингис хаан олон улсын нисэх буудал хүртэл тээвэр, даатгал, хэвлэлт багтсан үнээр сүүлийн 14 орчим жилийн хугацаанд захиалан ирүүлээд байсан байхад паспортын бэлдэц тутмыг нь 10 евро 15 центийн үнээр Унгарт хийлгэнэ гэж ийнхүү урьдчилан шилжүүлж, зориулалтын хөрөнгийг нь зүй бусаар зувчуулан зарцуулж, ард иргэдийг хохироох эх үүсвэрийг хийсэн болох нь одоо тодорхой харагдаж байна.
Захиалсан хэдий ч энэ нь 2018 он хүртэл ирэхгүй. “Чип”-тэй паспортыг нэвтрүүлэхийн тулд холбогдох эрх бүхий агентлаг дээр иргэдээс “биометрик” мэдээлэл авах, хадгадах, “чип” дэхь мэдээллийг нээх, хаах төв, чиптэй паспортод нэмэлт хэвлэлт, бүртгэлжүүлэлт хийж мэдээлэл оруулж байх үйлдвэр, хил гааль дээр суурилагдах хяналтын тоног төхөөрөмжүүд, дэд бүтцийн асуудлууд, мэргэжилтэй боловсон хүчнийг бэлтгэх гээд маш олон асуудал, түүнтэй холбогдох төсөв, төлөвлөгөө, хөрөнгө мөнгийг нэг мөр шийдэж байж хийх ёстой ажил атал хамгийн сүүлд хийгдэх ёстой ажлаас нь шүүрч аваад ийнхүү төсвийн мөнгийг гадагш шилжүүлсэнээс болоод зориулалтын ажил гацсан нь тодорхой болж байна. Энэ ажил нь зүгээр “Чип” бүхий паспортын бэлдэц хэвлүүлээд бүтчих ажил биш юм. 2011 онд манай улс Дипломат болон албан паспортуудаа “чил”-тэй болгоход ямар их ажил хийгддэгийг баримтаар тов тодорхой байсаар байгаа болно. Улсын хөрөнгийг зүй бусаар зарцуулан, ард иргэд, аж ахуйн нэгж байгууллагуудын ажил, амьдралыг ийм олон сараар чирэгдүүлж хохироож байгаагийн хохирлыг хэн хариуцах ёстой вэ? гэх асуудал аяндаа гарч ирж байна Иргэд, албан байгууллага паспортынхоо мөнгийг төлөөд авдаг учир төсөвт ямар ч алдагдалгүй.
Гэтэл төрөөс ард түмэндээ үзүүлэх үйлчилгээг хариуцан ажиллах байгууллагууд, төсвөөс цалинжин ажиллаж байгаа албан тушаалтнууд яаж ажиллаж байна вэ? ХЗДХЯ-ны Сайдын харьяа агентлаг дээр очсон мэдээнд далайн чанадын нэг оронд 160.000 ширхэг паспортын бэлдэц хэвлэгдэж байгаа гэсэн бол өөр бусад хэвлэл, мэдээллийн хэрэгсэлээр ХБНГУ-аас 4500 ширхэг паспортын бэлдэц ирсэн гэсэн байна. Одоо дахиад 10.000 орчим ирнэ гэх маягийн мэдээ мэдээлж байх юм. Гэтэл байдаг мөнгийг нь 2018 оноос нааш паспортын бэлдэц нийлүүлж чадахгүй гээд байгаа Унгарын компанид урьдчилаад шилжүүлчихсэн болоод тэр юм уу өнгөрсөн сарын сүүлийн өдрүүдэд нөгөө л бахь байдгаараа паспортын бэлдэц ирхээр гээд сууж байх юм. Энэ асуудлыг цэгцлэх Гадаад харилцааны яам, Хууль зүй дотоод хэргийн яамны Сайд нарын тушаалаар Ажлын хэсэг гарсан гэж мэдээлсэн. Үнэн бол яаралтай шалгаж, ард түмэндээ тодорхой мэдээллэх хэрэгтэй байна.
-
2016 оны 9 сарын 06
Галзуу өвчнөөс урьдчилан сэргийлэх вакцины нөөц орон даяар дуусчээ. Одоогоор вакцин хэзээ ирэх нь тодорхойгүй байна.
-
2016 оны 9 сарын 06
Жил бүр уламжлал болон зохиогддог “Итгэл, найдвар, боломж-Улаанбаатар-2016” бүх нийтийн гүйлт ирэх бямба гарагт Үндэсний цэцэрлэгт хүрээлэнд болно.
-
2016 оны 9 сарын 06
Хаан банкинд үйлчлүүлж байсан хоёр ч иргэнээс хуурамч мөнгөн дэвсгэрт илэрчээ
-
2016 оны 9 сарын 06
Дэлхийн шатрын олимпиадад манай багын тамирчид 13 дугаарт бичигджээ.
-
2016 оны 9 сарын 06
Ингэхдээ жилд нэг л удаа татварыг авах аж. 300-400 сая төгрөгөөр үнэлэгдэх байртай хүн 1.200.000 төгрөгийн татварыг жилд нэг удаа улсад төлөх юм байна.
-
2016 оны 9 сарын 06
Өнөөдөр буюу есдүгээр сарын 6-ны мягмар гарагт дараах байршил дахь хэрэглэгчдийг цахилгаанаар хангадаг шугам тоноглолд урсгал засвар хийхээр болжээ. Тодруулбал, Сүхбаатар дүүрэг
10:00-18:00 цагт: 1, 11, 12, 13-р хороо Рашаант, Хангайн гудамж, Ус өргөх насос, Сансар худалдааны төв, Макс хүнс, Санколл, Инкозон, Зоос одон тэмдэг, Оргил деко, Фортуна стар, Хүжийн гал констракшн, Гэрэлт жин, Эрчим инженеринг, Бэрэн констракшн ХХК-ууд болон эдгээрийн ойр орчмоор
Чингэлтэй дүүрэг
10:30-17:30 цагт: 1-р хороо, 18, 19, 36, 37, 38-р байр, Их агар, Баян констракшн, Гандирс, Бат эвсэг ХХК-ууд болон эдгээрийн ойр орчмоор
Баянгол дүүрэг
11:00-18:00 цагт: 5-р хороо 10-р хороолол 33, ХД-36-р байр, Эмзүйн сургууль, Булган СӨХ, Радуга, 102-р сургуулиуд, МЛСЧ, ОТТУ, Мон бэйкери, Томт өргөө, Стройка, Хар чонот ХХК-ууд, ЭМШУИС-ийн ЭМТС, Нархажид хийд, Далд засал эмнэлэг болон эдгээрийн ойр орчмоор
Хан-Уул дүүрэг
11:00-12:00 цагт: 3-р хороо Дэвшил СӨХ, Хэрэглээ импекс, Яармаг, Грэйнд бэйкери, Мөнх шинэ од, Скай медиа, Арш, Дельта автосервис, Гантус ХХК, Хангай, Аварга ДС-ууд, Монгол коллеж, Эмнэлэг, 41-р цэцэрлэг, Начин бууз, Дээж бууз, МХГ-57, Ногооны 36, 45-р байр болон эдгээрийн ойр орчмоор
11:30-18:00 цагт: 13-р хороо 120-р ЦА болон эдгээрийн ойр орчмоор
Сонгино хайрхан дүүрэг
10:30-18:00 цагт: 10-р хороо Зүүн Баян-Уулын Т-13, Т-40, 16, 18-р гудамж, Улуснет ХХК болон эдгээрийн ойр орчмоор
-
2016 оны 9 сарын 06
Оюутны нийтийн тээврийн смарт картын захиалгыг энэ сарын 1-нээс эхлэн сургуулийн захиргаагаар нь дамжуулан авч эхэлсэн.
Захиалга өнөөдөр дуусна. Оюутнууд хөнгөлөлтийн картаа шинээр авах бол 3600 төгрөг, харин сунгах бол 1000 төгрөгийн хураамж төлөх юм. Харин есдүгээр сарын 12-18-ны хооронд сургуулиар дамжуулан оюутнуудад картыг нь олгохоор болжээ.
-
2016 оны 9 сарын 05
Мөнгөний бодлогын шинэчилсэн зөвлөлийн анхны хуралдаан өнөөдөр боллоо.
Тус хуралдаанаар Төв банк /Монголбанк/-ны тухай хуулийн холбогдох зүйл заалтууд болон Монголбанкны Ерөнхийлөгчийн 225 тоот тушаалыг үндэслэн шинээр байгуулсан Мөнгөний бодлогын зөвлөлийн бүтцийг танилцуулав.
Мөнгөний бодлогын зөвлөл нь нийт арван дөрвөн гишүүнээс бүрдэх бөгөөд тус зөвлөлийн есөн гишүүнийг Монголбанкнаас томилсон бол дөрөв нь хараат бус хөндлөнгийн судлаач, эдийн засагч байх юм.
Хурлаар бодлогын хүүг 4.5 нэгж хувиар нэмсэнтэй холбогдох арга хэмжээг танилцууллаа. Мөн Төрөөс мөнгөний бодлогын талаар 2017 онд баримтлах үндсэн чиглэлийн баримт бичгийн төслийн авч хэлэлцэн заалт тус бүрээр хэлэлцэв.
Төрөөс мөнгөний бодлогын талаар 2017 онд баримтлах үндсэн чиглэлийн төслийг УИХ-д 10 дугаар сарын 1-ний өдөр өргөн барих ба тус асуудлаар дахин хуралдахаар тогтлоо.
Мөнгөний бодлогын зөвлөлийн гишүүд
Н.Баяртсайхан Монголбанкны Ерөнхийлөгч
О.Эрдэмбилэг Монголбанкны Тэргүүн Дэд Ерөнхийлөгч
Б.Лхагвасүрэн Монголбанкны Дэд Ерөнхийлөгч
Б.Баярдаваа Мөнгөний бодлогын газрын захирал
Б.Батдаваа Зах зээлийн газрын захирал
Н.Батсайхан Хяналт, шалгалтын газрын захирал
Ц.Мөнхбаяр Судалгаа, статистикийн газрын захирал
Д.Ган-Очир Ерөнхий эдийн засагч - Ерөнхийлөгчийн зөвлөх
Р.Саранцэцэг Мөнгөн тэмдэгтийн газрын захирал
Хараат бус бусад гишүүд:
Б.Батсүх Эдийн засагч, Монголбанкны Тэргүүн дэд Ерөнхийлөгч асан
Ц.Батсүх СЭИС-ийн экономиксийн тэнхимийн профессор
Б.Эрдэнэбат МУИС-ийн НУС-ийн Эдийн засгийн тэнхимийн профессор
Ч.Хашчулуун МУИС-ийн ЭЗС-ийн профессор
Б.Баттүшиг ”Монголд та хэрэгтэй” ТББ
-
2016 оны 9 сарын 05
2016 оны 9 дүгээр сарын 6-наас 9 дүгээр сарын 13-ныг хүртэлх 7 хоногийн цаг агаарын урьдчилсан мэдээллийг танилцуулъя. Цаг уур, орчны шилгээний газрын мэдээлснээр ойрын өдрүүдэд нутгийн зүүн хэсгээр бороо орж, сэрүүсэх ажээ.
Баруун аймгуудын нутгаар: 8-нд зарим газраар, 9-нд нутгийн зүүн хэсгээр бороо, уулархаг нутгаар хур тунадас орно. Есдүгээр сарын 8-9-нд ихэнх нутгаар бага зэрэг сэрүүснэ. Бусад хугацаанд Алтай, Хангайн уулархаг нутгаар шөнөдөө 4 градус дулаанаас 1 градус хүйтэн, өдөртөө 14-19 градус, Алтайн өвөр говиор шөнөдөө 11-16 градус, өдөртөө 24-29 градус, бусад нутгаар шөнөдөө 3-8 градус, өдөртөө 19-24 градус дулаан байна.
Төвийн аймгуудын нутгаар: 6-7-нд нутгийн зүүн хэсгээр, 9-нд нутгийн өмнөд хэсгээр, 12-нд нутгийн хойд хэсгээр бороо орно. Салхи ихэнхдээ зүүн өмнөөс 4-9 м/с. 6-7-нд нутгийн зүүн хагаст сэрүүхэн байна. Бусад хугацаанд Хангай, Хөвсгөл, Хэнтийн уулархаг нутгаар шөнөдөө 4 градус дулаанаас 1 градус хүйтэн өдөртөө 13-18 градус дулаан, бусад нутгаар шөнөдөө 3-8 градус өдөртөө 18-23 градус дулаан байна.
Зүүн аймгуудын нутгаар: 6-8-нд зарим газраар, 9-11нд нутгийн зүүн хэсгээр, 13-нд нутгийн хойд хэсгээр бороо, Хэнтийн уулсаар хур тунадас орно. Салхи зүүн хойноос 5-10 м/с. Ихэнх хугацаанд нутгийн хойд хэсгээр шөнөдөө 3-8 градус, өдөртөө 13-18 градус дулаан, бусад нутгаар шөнөдөө 6-11 градус, өдөртөө 18-23 градус дулаан байна.
Говийн аймгуудын нутгаар: 6-7нд нутгийн зүүн хэсгээр, 9-10-нд зарим газраар бага зэргийн бороо орно. Салхи зарим газраар 9-12 м/с. Ихэнх хугацаанд нутгийн зүүн хэсгээр шөнөдөө 5-10 градус өдөртөө 18-23 градус бусад нутгаар шөнөдөө 9-14 градус өдөртөө 22-27 градус дулаан байна.
-
2016 оны 9 сарын 05
Хотын Ерөнхий менежерийн тушаалаар нийслэлийн хэмжээнд “Шарилжгүй Улаанбаатар аян”-ыг 8 дугаар сарын 6-наас эхлэн 3 үе шаттайгаар зохион байгуулж 2 сая 280.0 мянган ам метр талбайн зэрлэг ургамлыг ногоон байгууламжийн технологийн дагуу үрээ хаяхаас нь өмнө хадаж устгав.
Сэлбэ, Туул, Дунд гол, Амгалан өртөөнөөс Толгойт өртөө, Нисэх-Яармаг, Богд уулын арын замаас Баянзүрхийн товчоо, Наадамчдын зам дагуу, гэр болон орон сууцны хороолол доторх нийт 228 га талбайн лууль шарилжийг нийт 815 байгууллагын 8 500 хүн оролцож хаджээ. Үүгээр энэ оны “Шарилжгүй Улаанбаатар” аян дуусч, ирэх оны 5 дугаар сард 2 дахь аян эхлэх юм байна гэж Улаанбаатар хотын Захирагчийн ажлын албанаас мэдээллээ.
-
2016 оны 9 сарын 05
Энэ оны эхний долоон сарын байдлаар шатахуун болон дизель түлшний импорт 2015 оны мөн үеэс буурсан байна.
-
2016 оны 9 сарын 05
Нийслэлийн Засаг даргын Дэд бүтцийн хөгжлийн асуудал хариуцсан орлогч П.Бярхүү өнөөдөр Европын сэргээн босголт, хөгжлийн банкны Лондонд суурьшсан зам тээвэр хариуцсан ахлах банкир болон дэд захирал Виталий Кузнецовтой уулзлаа. Европын сэргээн босголт, хөгжлийн банк нь Монгол Улстай 20 гаруй жил хамтран ажиллаж, үйл ажиллагаа явуулж байгааг ноён Виталий Кузнецов онцлоод хоёр долоо хоногийн өмнө тус банкны хотын дэд бүтэц хариуцсан банкир Улаанбаатар хотод ирж, Монголын төлөөллүүдтэй уулзсныг хэллээ. Харин энэ удаад тээвэр хариуцсан банкирын хувьд ирсэн гэлээ.
-
2016 оны 9 сарын 05
Эмээлтийн шалган нэвтрүүлэх товчооноос хураагдсан 90 ширхэг тарваганы тулмаас тарваган тахал өвчин илрээгүй байна.
-
2016 оны 9 сарын 05
Зам, тээврийн хөгжлийн “Сайдын шуурхай” өнөөдөр зохион байгуулагдаж, салбарын хүрээнд хийж хэрэгжүүлсэн ажлууд болон шийдвэрлэх шаардлагатай ажлуудаа хэлэлцлээ.
-
2016 оны 9 сарын 05
“Улс төрийн шийдвэр гаргах түвшин дэх эмэгтэйчүүдийн оролцоогоор дамжуулан ардчиллыг бэхжүүлэх нь” сэдвийн хүрээнд Монгол-Германы XIV чуулганмаргааш болно. Энэ удаагийн УИХ-ын сонгуулийн үр дүнд парламент дахь эмэгтэйчүүдийн төлөөлөл нэмэгдсэн. Өөрөөр хэлбэл, улс төрийн шийдвэр гаргах түвшинд эмэгтэйчүүдийн оролцоог нэмэгдүүлэх, улмаар төлөөлиийн тэнцвэртэй байдлыг хангах чиглэлд манай улс нэг алхам урагшилсан гэсэн үг.
Ийм үед Монгол-Германы чуулган энэ асуудлаар санал бодлоо солилцож, төр засгийн удирдлагад болон хоёр орны нийгэмд шинэ дохио санаа өгөх зорилго тавьж тус чуулганыг уг сэдвийн хүрээнд зохион байгуулж буй аж.
Чуулганы илтгэгч болон хүндэт зочдоор Монгол Улсын анхны Ерөнхийлөгч бөгөөд Монгол-Германы чуулганы тэргүүн П.Очирбат,ХБНГУ-аас Монгол Улсад сууж буй Онц бөгөөд бүрэн эрхт Элчин сайд Штефан Дүппел, ХБНГУ-ын Конрад-Аденауэр-Сангийн Монгол дахь Суурин төлөөлөгч Др. Даниел Шмюкинг, ХБНГУ-ын Тюрингэн мужийн Ландтагийн гишүүн бөгөөл мужийн Ерөнхий сайд асан Кристине Лийберкнехт, Монгол Улсын 21 дэх Ерөнхий сайд асан Р.Амаржаргал, УИХ-ын гишүүн Д.Тэрбишдагва, А. Ундраа, З.Нарантуяа, “Өөрчлөлтийн төлөөх Эмэгтэйчүүд” ТББ-ын захирал Б.Золзаяа зэрэг 200 гаруй хүн оролцох юм байна.
Дашрамд, ХБНГУ-ын Конрад-Аденауэр-Сан болон Монгол-Германы чуулган ТББ хамтран тус чуулганыг зохион байгуулж байгаа аж.
-
2016 оны 9 сарын 05
”Хаан” банкны АТМ-ийн тагийг эвдэж хулгай хийхийг завджээ
-
2016 оны 9 сарын 05
Архангай аймгийн Цэнхэр сумын Орхон багийн нутаг Орхон голын эх бүрэлдэх газарт алт олборлосны улмаас Орхон гол улаан хоормог болтлоо бохирдож, ус биш шороо, шавраар урсаад дөрвөн сар гаруй хугацаа өнгөрсөн.
Нутгийн иргэдийн ундны ус битгий хэл мал ууж болохгүй болтлоо бохирдсон Орхон голын бодит байдал, хууль, дүрэм журмыг уландаа гишгэсэн алтны компаниудын үйл ажиллагаа, хариуцсан яам, мэргэжлийн байгууллагуудын авч буй арга хэмжээнд дүгнэлт хийж голын бохирдлыг бууруулах үүрэг, чиглэл бүхий БОАЖЯ, УУЯ, МХЕГ, зарим ТББ-ын хамтарсан ажлын хэсгийг өнгөрсөн сард байгуулжээ
Орхон голын бохирдлыг арилгахаар шуурхай ажиллаж эхэлсэн Ажлын хэсгийнхний дүгнэлт зэргийг үндэслэн БОАЖ-ын сайд Д.Оюунхорол, УИХ-ын гишүүн Я.Содбаатар, Д.Тогтохсүрэн, П.Баатарбилэг, МХЕГ-ын даргын үүргийг түр орлон гүйцэтгэгч Н.Цагаанхүү, Архангай, Өвөрхангай аймгийн Засаг дарга, ИТХ-ын дарга нар болон холбогдох бусад мэргэжилтэн өнгөрсөн бямба гарагт Архангай аймгийн Цэнхэр сумын Орхон багт ажиллаж, орон нутгийн иргэд, уул уурхайн компаниудын төлөөлөлтэй уулзаж, хэлэлцүүлэг өрнүүллээ.
