-
2016 оны 2 сарын 25
Дээрмийн хэргийг шуурхай илрүүлжээ. Баягол дүүргийн хоёрдугаар хорооны нутаг дэвсгэрт байрлах “КFC” түргэн хоолны газрын хажууд үл таних хоёр залууд дээрэмдүүллээ” гэсэн мэдээлэл цагдаагийн байгууллагад иржээ.
Дуудлагын дагуу шалгахад Баянгол дүүргийн 10 дугаар хороонд суух хаягтай Х /эрэгтэй, 38 настай гэрлүүгээ явж байхдаа дээрэмдүүлсэн байжээ. Баянгол дүүргийн 22 дугаар хороонд оршин суух хаягтай А /эрэгтэй, 28 настай/ гэгч нь согтуурсан үедээ бусадтай бүлэглэн Х-г зодож, түрүүвчтэй бичиг баримт, хүзүүний мөнгөн гинжийг дээрэмдэж зугтаасан байна.
Уг хэргийг Баянгол дүүрэг дэх цагдаагийн нэгдүгээр хэлтэст шалгаж эхэлжээ.
-
2016 оны 2 сарын 25
Ашиглалтын хугацаа нь дууссан тээврийн хэрэгслийг үйлчилгээнээс хасах журам гарсан.
-
2016 оны 2 сарын 25
Гоо сайхны газарт бусдын биеийг үнэлүүлж байсан хэргийг цагдаагийн байгууллага илрүүлжээ.
-
2016 оны 2 сарын 25
Хэнтий, Сүхбаатар, Дорнод, Төв, Дорноговь, Хөвсгөл, Архангай, Булган аймагт малын халдварт болон гоц халдварт өвчин гарчээ.
-
2016 оны 2 сарын 25
Сүхбаатар аймгийн прокурор Б.Очбадар 2016 оны 02 дугаар сарын 19-ны өдөр тус аймгийн удирдах ажилтнууд болон сумдын засаг дарга нарыг оролцуулан хийсэн нэгдсэн зөвлөгөөнд аймгийн нутаг дэвсгэрийн хэмжээнд үйлдэгдсэн гэмт хэргийн гаралт, эрүүгийн нөхцөл байдал болон эрүүгийн хууль тогтоомжийн хэрэгжилт, захиргааны зөрчлийн хэрэг бүртгэх ажиллагаа, прокурор шүүхэд иргэн болон захиргааны хэрэг хянан шийдвэрлэх ажиллгаанд оролцох чиглэлийн талаар мэдээлэл хийжээ.
Түүнчлэн гэмт хэргээс урьдчилан сэргийлэх чиглэлээр анхаарвал зохих асуудлаар гаргасан Аймгийн прокурорын газрын зөвлөмжийг танилцуулан, энэ ажилд бүх байгууллага, албан тушаалтаны хийж гүйцэтгэх ажлын талаарх ойлголтыг өгсөн байна.
-
2016 оны 2 сарын 25
Хайгуулын тусгай зөвшөөрөл хүссэн өргөдлийн дугаарыг цахим хэлбэрээр олгож эхэлснээс хойш цахим хэлбэрээр 3915 дугаар олгожээ.
-
2016 оны 2 сарын 25
МАХН-ын дэргэдэх залуучууд гэмт хэргийн шинжтэй үйлдэл хийсэн гэв
-
2016 оны 2 сарын 25
Нисгэгчдийн буруугаас осолдсон гэж оросын шинжээчид дүгнэсэн гэв үү
-
2016 оны 2 сарын 25
Долоо хоног бүрийн пүрэв гаригт болдог ”Сайдын цаг” уулзалт өнөөдөр Сангийн сайд Б.Болор, ГТЕГ-ын дарга С.Пүрэв нар оролцоно.
-
2016 оны 2 сарын 25
Төв аймгийн цагдаагийн газар, Хан-Уул дүүргийн Цагдаагийн II хэлтэст Канад Улсын Засгийн газрын санхүүжилтээр олон улсад үйл ажиллагаа явуулдаг “Канад сан”-гаас 46.8 сая төгрөг олгож, уг хөрөнгөөр орчин үеийн шаардлагад нийцсэн 2-10 дахин татах чадвартай хяналтын камер, дуу бичлэгийг нь хурааж хадгалах компьютер, техник ширээ сандал, тусгай толин хаалтаар тоноглосон, сэжигтнийг танин олуулах өрөө байгуулжээ. Хүний эрхийн үндэсний комисс болон “Эмнэсти интернэйшнл”-ийнхэн цагдаагийн албан хаагчдыг хүний эрх зөрчдөг гэж байнга шүүмжилдэг. Хүний эрхийн үндэсний комиссийн 2014,2015 оны тайланд “…бэлгийн хүчирхийлэлд өртсөн хохирогч эмэгтэйгээр сэжигтнийг танин олуулах үед нэг талаас нэвт харагддаг шилэн хаалттай тусгай өрөө байхгүйн улмаас хохирогч сэжигтнийг биечлэн заахаас аргагүйд хүрдэг. Улмаар хохирогч эмэгтэй эргээд гэмт этгээдийн заналхийлэлд өртдөг…” гэж дүгнэсэн. Энэ мэт нөхцөл байдалд үндэслэн цагдаагийн байгууллагаас Канадийн сангийн орон нутгийн санаачилга / КСОНС/ хөтөлбөрийн газарт төсөл бичиж хүргүүлснээр байцаалтын тусгай өрөө байгуулах, хөрөнгө шийдүүлж чаджээ. Уулзалт, байцаалтын тусгай өрөө нь мөрдөн байцаалтын явцад гэрч, хохирогчийн, аюулгүй байдлыг ханган, хамгаалах, хохирсон хүн гэмт этгээдийн нүдэн дээр тэдгээрийг заахгүйгээр тусгаарласан шилэн хаалт бүхий өрөөнөөс таньж зааснаар заналхийлэлд өртөхгүй байх орчныг бүрдүүлсэн байна. Энэхүү өрөөнд ярианы болон дүрс бичлэг хийж хадгалдаг техник хэрэгслүүдийг суурилуулсан нь байцаан шийтгэх ажиллагааг баримтжуулахдаа хүний эрхийг зөрчих, эрүүдэн шүүх явдал гарахаас урьдчилан сэргийлснээрээ чухал ач холбогдолтой төдийгүй, эрүүгийн хэрэгт нотлох баримтыг бүрдүүлэх, бэхжүүлэх хэргийг шударгаар шийдвэрлэхэд эрс ахиц гаргасан үйл явдал болжээ. Мөн энэ өрөөг ашиглах болсноор сэжигтэн, яллагдагч нараас гадна өмгөөлөгч, прокурорыг байлцуулан мөрдөн байцаагч нар нь тайлбар мэдүүлгийг авах боломжтой болж байгаа юм.
-
2016 оны 2 сарын 25
Улаанбаатар хотын Ерөнхий менежерийн шуурхай хуралдаанаас нийтийн тээврийн хэрэгслийн жолооч нарын сахилга, хариуцлагыг дээшлүүлэх, автобусны зогсоолд бүрэн орж зогсох байдалд хяналт тавьж ажиллах үүрэг өгсөн.
-
2016 оны 2 сарын 25
Өнөөдөр буюу хоёрдугаар сарын 24-ний өдөр Сонгинохайрхан дүүрэгт 1 цэцэрлэг, 1 сургууль баригдаж дуусан, ашиглалтад орлоо.
-
2016 оны 2 сарын 25
“Эрдэнэт” үйлдвэрт машин шатсан ноцтой хэрэг гарчээ. Тодруулбал, Орхон аймгийн Баян-Өндөр сум Баянцагаан багт ”Эрдэнэт” уулын баяжуулах үйлдвэрийн “Белаз” автомашин шатжээ. Тухайлбал, хүдрийн ил уурхайн хүдэр буулгах талбай дээр шатсан юм байна. Хэргийг цагдаагийн байгууллагаас шалгаж эхэлжээ.
-
2016 оны 2 сарын 25
Төрийн албан хаагч, ”хурган дарга” нэгэн эрхэм гадаадын казинод тоглож байгаа бичлэгийн талаар олон нийтийн цахим сүлжээгээр шуугиж байна.
Тодруулбал, Сангийн яамны Нягтлан бодох бүртгэлийн бодлогын газрын дарга Х.Пүрэвсүрэн нь казинод тоглож байгаа бичлэг юм. Зөвшөөрөлтэй газар нь очоод зохих хууль журмын дагуу казино тоглох нь хувь хүний эрх. Гэвч төсвийн цалингаар амьдралаа зарцуулдаг бусад ажилтан албан хаагчид болон дарга нар хямралын энэ цаг үед ингэж болохгүй гэж ихээхэн шүүмжлэлд өртөөд байна.
Х.Пүрэвсүрэн нь өмнө нь АН-ын квотоор Сонгуулийн ерөнхий хорооны гишүүнээр ажиллаж байсан юм.
-
2016 оны 2 сарын 25
ХУД-15. “Энхтайваны гүүрний дэргэд автомашин шатаж байна” гэсэн мэдээллийг 02-р сарын 24-нд авч шалгахад: Төв цэнгэлдэх хүрээлэнгийн баруун хойд зам дээр хөдөлгөөнд оролцож явсан БЗД-16. хороонд суух Ө /эм.45н/-ийн “Toyota Spacio” автомашины урд хэсэгт гал гарч, мотор болон бусад эд анги шатаж байсныг ОБГ-ын 14-р ангийн гал унтраах алба хаагчид унтраасан хэргийг ХУДЦХ-1 шалгаж байна
-
2016 оны 2 сарын 25
Улаанбаатар хотын хэмжээнд 02-р сарын 24-ний өдрийн 05:00 цагаас 02-р сарын 25-ны өдрийн 05:00 цагийн хооронд иргэд, байгууллагаас Нийт 3634 удаа холбогдсоноос, гэмт хэргийн 115, зөрчлийн 1010, согтуугийн 369, зам тээврийн ослын 250, мэдээлэл шалгахад, гэмт хэргийн шинжтэй 61 үйлдэл бүртгэгдсэнийг холбогдох нэгжүүд шалгаж байна.
№ Огноо Нийт гэмт хэрэг Илэрсэн гэмт хэрэг Хулгай
гэмт хэрэг Танхай
гэмт хэрэг ТХХАБАЖ зөрчих
1 2016.02.24 61 27 34 2 10
БГД-2. “КFC” түргэн хоолны газрын хажууд үл таних 2 залууд дээрэмдүүллээ” гэсэн мэдээллийг авч шалгахад: БГД-10. хороонд суух Х /эр.38н/-ыг гэрлүүгээ явж байхад нь БГД-22. хороонд суух А /эр.28н/ гэгч согтуурсан үедээ бусадтай бүлэглэн зодож, түрүүвчтэй бичиг баримт, хүзүүний мөнгөн гинжийг дээрэмдэж зугтаасныг шуурхай эрэн сурвалжилж илрүүлэн БГДЦХ-1 шалгаж байна.
-
2016 оны 2 сарын 25
Ойрын өдрүүдэд ихэнх нутгаар өдөртөө хүйтний эрч суларна.
-
2016 оны 2 сарын 25
Баянгол дүүргийн хүүхдийн эмнэлэг тохилог хүлээлгийн өрөөтэй боллоо
-
2016 оны 2 сарын 25
“Үндэсний цэцэрлэгт хүрээлэн”-г “Голланд сарнай” киноны
гол дүрийн бүсгүй удирдах боллоо
Нийслэлийн өмчит үйлдвэрийн газар болох “Үндэсний цэцэрлэгт хүрээлэн” шинэ даргатай болоод хэдэн сарын нүүр үзэж байна. Хүрээлэнгийн шинэ дарга ямар хүн болсоныг иргэд төдийлөн мэддэггүй. Учир нь тэрээр хэвлэл мэдээлэлд төдийлөн ач холбогдол өгдөггүй, бусдын адил өөрийгөө дөвийлгөдөг нэгэн биш бололтой. Тэрээр Нийслэлийн иргэдийн хурлын төлөөлөгч бөгөөд бидний сайн мэдэх “Голланд сарнай” киноны гол дүрийн эмэгтэй юм. Мэргэжлийн бус хэдий тун эвлэгхэн тоглосон Ц.Алтанцэцэг ийнхүү “Үндэсний цэцэрлэгт хүрээлэн”-г удирдах болсон байна.
энэ мэдээг оруулах боломж байх уу хө. өөрийнхөөрөө засч бно
-
2016 оны 2 сарын 25
Олон ястнуудын өлгий Ховд аймгийн хөгжлийн төлөө төвийн тэргүүнээр ажиллаж байсан Ш.Адьшааг хөрөнгө чинээтэй хүн гэж сонсогддог. Нөгөөтэйгүүр төрөөс төрсөн тэрбумтан гэдэг шиг Ш.Адьшааг гаалиас төрсөн тэрбумтан гэж нэрлэх нь ч бий.
Нэгэн цагт аймгийн Засаг даргынхаа төлөө 60 сая төгрөгийн гол ханыг босгож байсан талаар зарим эх сурвалжууд дурьддаг.
Бүр тодруулбал, одоогийн Ховд аймгийн засаг дарга Д.Цэвээнравданг Аймгийн АН-ын хорооны гишүүдийн олонхиор дэмжүүлэхийн тулд гишүүддээ тараах мөнгийг Ш.Адьшаа нар босгож байсан гэдэг. Ингэж мөнгөөр зодсоны хүчинд Д.Цэвээнравдан аймгийн Засаг дарга болж чадсан гэх яриа холын Ховд төдийгүй хот хүрээгээс чих дэлссэн цаг саяхан гэлтэй.
“Орон нутгийн сонгуулиар Ховдод АН-ыг ялуулах, улмаар 2016 оны УИХ-ын сонгуульд одоогийн ГХЯ-ын тодотголтой Б.Пүрэвдорж, Ш.Адьшаа нарыг Ховдоос нэр дэвшүүлж, дэмжиж ажиллах” тохироотойгоор Д.Цэвээнравдангийн төлөө 60 сая төгрөг зарлагадсан гэдэг яриа байдаг. Үүгээр зогсохгүй Ш.Адьшаа МАН-аас татгалзаж Ховдын АН-д элссэний цаана ямар нэг тохироо байгаа гэж хардах хүмүүс ч цөөнгүй бий.
Тэрбээр гаалийн байгууллагад ажиллаж байхдаа авлига авсан хэргээр шалгуулсан гэдгийг цөөнгүй хүн мэдэх биз. Гэвч хэргээс мултирч байсан билээ.
Харин өдгөө Ховд аймгийн МОАХ тэргүүнээр сонгогдон ажиллаж байгаа түүнийг дахин авлигын хэрэгт холбогдсон байж болзошгүй гэх бор шувуу нисч байна.
Тодруулбал, Эрүүл мэнд, спортын сайд асан Г.Шийлэгдамбыг хэрэгт Ш.Адьшааг шалгагдаж байгаа гэх мэдээлэл байгаа юм.
Тэгвэл хуулийн байгууллагад шалгагдаж байгаа гэх Ш.Адьшаа нь ирэх сонгуулиар АН-аас Ховд нутагтаа нэр дэвшиж, даагаа нэхэхээр санаархаж байгаа сурагтай. Ш.Адьшаа нь Монгол Японы хамтарсан “Улаанбаатар мед” эмнэлгийг нийслэлд байгуулсан нэгэн аж. Тиймээс ч ЭМС-ын сайдтай холбогдох шалтгаан болсон байж магадгүй гэж таамаглаж байгаа бололтой.
Олон ястнуудын өлгий Ховд аймгийн хөгжлийн төлөө төвийн тэргүүнээр ажиллаж байсан Ш.Адьшааг хөрөнгө чинээтэй хүн гэж сонсогддог. Нөгөөтэйгүүр төрөөс төрсөн тэрбумтан гэдэг шиг Ш.Адьшааг гаалиас төрсөн тэрбумтан гэж нэрлэх нь ч бий.
