-
2015 оны 10 сарын 07
Нийтийн тээврийн үйлчилгээ эрхлэгчид түр зогсолт хийжээ
Нийтийн тээврийн үйлчилгээнд явж байгаа зарим аж ахуйн нэгжүүд өнөөдөр өглөөнөөс эхлэн түр зогсолт хийсэн байна. Тэд түр зогсох болсон шалтгаанаа техник, сэлбэг хэрэгслэл худалдан авах, ажилчдынхаа цалин хөлсийг өгөх боломжгүй болсон гэж тайлбарлаж байгаа юм байна. Тиймээс санхүүгийн асуудлыг яаралтай шийдвэрлэх хүртэл үйлчилгээнд явах боломжгүй гэдгээ илэрхийлжээ.
Одоогоор “Зорчигч тээврийн нэтгэл” ОНӨААТҮГ-ын автобусууд болон “Аз сервис”, “Эрдэм транс”, “Мяралзаа” компаниудын 430 тээврийн хэрэгслэл үйлчилгээнд явж байгааг Нийслэлийн Тээврийн газраас мэдээллээ. Мөн өнөөдрийн дотор асуудлыг шуурхай шийдвэрлэж нийтийн тээврийн үйлчилгээг хэвийн горимд оруулахаар ажиллаж байгаа юм байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 10 сарын 07
Нийслэлд их цас орохтой зэрэгцэн автобус компаниуд ажил хаяв. Энэ нь урьдчилан мэдэгдэлгүйгээр бүгд нэгэн зэрэг ажил хаяж буй анхны тохиолдол боллоо. Өнөөдөр “Цахилгаан тээвэр” компанийн троллейбус, угсраа автобусаас бусад нь бүгд ажилдаа гарсангүй.
-
2015 оны 10 сарын 07
НИТХ-ын Тэргүүлэгчид маргааш шинэ бүрэлдэхүүнтэй хуралдана
-
2015 оны 10 сарын 07
Богдхан уулын тэнгэрийг тайх төрийн тахилга лхагва гарагт 10 цагаас эхэлнэ
Мэдээ, мэдээлэл Цаг үеийн мэдээ
2015-10-05 12:39:07
Монгол Улсын Ерөнхийлөгчийн зарлигаар энэ сарын 7-ны өдөр буюу Лхагва гарагт Богдхан уулын тэнгэрийг тайх төрийн тахилгын ёслолын ажиллагааг зохион байгуулахаар болсон. Үүний хүрээнд тахилгын ёслолын ажиллагааг зохион байгуулах ажлын хэсгийн Нарийн бичгийн дарга Ж.Болдбаатар, Богдхан уулын дархан цаазат газрын хамгаалалтын захиргааны дарга Ц.Ширэндэв, Зүүн хүрээ Дашчойлон хийдийн Тамгын лам Ц.Алтанхүү нар мэдээлэл өглөө.
Богдхан уулыг дархалж, тахиж ирсэн түүх Хүннү гүрний мандан бадарснаас цааших 3000 жилийн тэртээгээс улбаатай бөгөөд Богдхан уулыг зун, намрын цагт хоёр удаа тахиж байгаад сүүлдээ нэг удаа тахиж, 1921 оноос хойш тахихаа больжээ. 1994 оноос хойш хэд хэдэн удаа Цэцээ гүнийг тахиж эртний ёс горимыг нь сэргээжээ. Монгол улсын Ерөнхийлөгчийн зарлигаар Богдхан уулын ноён оргил Цэцээ гүний тэнгэрийг тайх тахилга 2009 оны 10 дугаар сарын 06-ны өдөр буюу 17 жарны шороон үхэр жилийн намрын дунд сарын шинийн 17-ны Балжинням, Дашням давхцсан бэлэгт сайн өдөр болж Монгол улсын Ерөнхийлөгч Ц.Элбэгдорж өөрийн биеэр тус ёслолын ажиллагаанд оролцсон юм.
Монгол Улсын Ерөнхийлөгчийн “Төрийн тахилгатай уул хайрханы тэнгэрийг тайх тахилгын ёслолын журам” 2012 оны 181 дугаар зарлигт Их Тахилгат хайрхан, Алтан хөхий, Алтайханы Таванбогд, Суварга хайрхан, Бурхан халдун, Богдхан уулын тэнгэрийг тайх төрийн тахилгын ёслолыг таван жил тутам зохион байгуулахаар заасан. Зарлигийн дагуу Богдхан хайрхан уулын тэнгэрийг тайх төрийн тахилгын ёслолыг 2015 оны 10 дугаар сарын 07-нд буюу XVII жарны модон хонь жилийн намрын дунд хөхөгчин тахиа сарын 25-ны билэгт сайн өдөр үйлдэхээр төлөвлөсөн. Тахилгын ёслолыг тухайн нутаг дэвсгэрийн Засаг дарга хариуцах бөгөөд “Төрийн тахилгатай уул хайрханы тэнгэрийг тайх тахилгын ёслолын журам”-ын дагуу зохион байгуулах юм. Нийслэлийн ИТХ-ын Тэргүүлэгчдийн хуралдаанаар “Төрийн тахилгын ёслол үйлдэх тухай” асуудлыг хэлэлцээд Монгол Улсын Ерөнхийлөгчийн Зарлигаар 10 дугаар сарын 7-нд зохион байгуулахаар шийдвэрлэсэн.
Тахилга тус өдрийн 10:00 цагаас Цэцээ гүний оргил дээр эхлэх бөгөөд иргэд Төр хурахын ам - Цэцээ гүн, Манзушир хийд - Цэцээ гүн гэсэн албан ёсны хоёр маршрутаар алхаж тахилгад оролцоно. Харин тахилга үйлдэж буй газар эмэгтэй хүн гарахыг хориглосон. Мөн иргэд цаг агаарын нөхцөл байдлыг сайтар судалж тахилгад оролцохыг анхаарууллаа гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 10 сарын 07
Өргөдөл хүлээн авах хугацаа өнөөдөр дуусна
-
2015 оны 10 сарын 07
Өнөө шөнө Өвөрхангай, Төв, Дундговь, Өмнөговийн нутгаар, маргааш өдөр Хэнтий, Дорнод, Сүхбаатар, Дорноговийн нутгаар салхи секундэд 18-20 метр, зарим үед 24 метр хүрч ширүүснэ.
Малчид, тариаланчид, ард иргэдийн анхааралд:
Өнөө шөнө нутгийн төв хэсгээр, маргааш өдөр зүүн зүгийн нутгаар цас орж, цасан болон шороон шуурга шуурч хүйтэрхийг онцгойлон анхааруулж байна.
-
2015 оны 10 сарын 07
Үс шинээр үргээлгэх буюу засуулахад тохиромжгүй.
-
2015 оны 10 сарын 07
БАРУУН АЙМГУУДЫН НУТГААР: Үүл багасна. Хур тунадас орохгүй. Салхи баруун хойноос секундэд 7-12 метр. Хүйтэрч Алтай, Хангайн уулархаг нутгаар шөнөдөө 7-12 градус хүйтэн, өдөртөө 0-5 градус дулаан, Алтайн өвөр говиор шөнөдөө 3 градус дулаанаас 2 градус хүйтэн, өдөртөө 8-13 градус дулаан, бусад нутгаар шөнөдөө 3-8 градус хүйтэн, өдөртөө 5-10 градус дулаан байна.
ТӨВИЙН АЙМГУУДЫН НУТГААР: Үүлшинэ. Шөнөдөө ихэнх нутгаар, өдөртөө нутгийн зүүн хэсгээр хур тунадас, цас орно. Салхи баруун хойноос шөнөдөө нутгийн өмнөд хэсгээр секундэд 18-20 метр, өдөртөө зарим газраар секундэд 12-14 метр хүрч, шороон болон цасан шуурга шуурна. Хүйтэрч шөнөдөө Хангай, Хөвсгөлийн уулархаг нутгаар 5-10 градус, бусад нутгаар 0-5 градус хүйтэн, өдөртөө Хэнтийн уулархаг нутгаар 2 градус хүйтнээс 3 градус дулаан, бусад нутгаар 1-6 градус дулаан байна.
ЗҮҮН АЙМГУУДЫН НУТГААР: Үүлшинэ. Шөнөдөө нутгийн баруун хэсгээр, өдөртөө ихэнх нутгаар хур тунадас, цас орно. Салхи баруун өмнөөс хойш эргэж секундэд 7-12 метр, өдөртөө ихэнх нутгаар секундэд 18-20 метр хүрч, шороон болон цасан шуурга шуурна. Нутгийн баруун хэсгээр шөнөдөө 1 градус хүйтнээс 4 градус дулаан, өдөртөө 1-6 градус, нутгийн зүүн хэсгээр шөнөдөө 3-8 градус, өдөртөө 6-11градус дулаан байна.
ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Шөнөдөө хур тунадас орохгүй, өдөртөө хур тунадас, нойтон цас орно. Салхи баруун өмнөөс хойш эргэж секундэд 8-13 метр, зарим үед секундэд 18-20 метр хүрч шороон болон цасан шуурга шуурна. Шөнөдөө 0-2 градус, өдөртөө 3-5 градус дулаан байна.
ГОВИЙН АЙМГУУДЫН НУТГААР: Үүлшинэ. Хур тунадас орохгүй. Салхи баруун өмнөөс баруун хойш эргэж секундэд 7-12 метр, шөнөдөө ихэнх нутгаар, өдөртөө нутгийн зүүн хэсгээр секундэд 18-20 метр хүрч шороон шуурга шуурна. Хүйтэрч Дундговийн нутгаар шөнөдөө 3 градус хүйтнээс 2 градус дулаан, өдөртөө 3-8 градус дулаан, бусад нутгаар шөнөдөө 1-6 градус, өдөртөө 7-12 градус дулаан байна.
УЛААНБААТАР ХОТ: Үүлшинэ. Цас орно. Салхи баруун хойноос секундэд 7-12 метр, шөнөдөө зарим үед секундэд 18-20 метр хүрч шороон шуурга шуурна. Хүйтэрч шөнөдөө 1-3 градус хүйтэн, өдөртөө 1-3 градус дулаан байна.
-
2015 оны 10 сарын 06
МҮЭХ-ноос намын бүлгүүд, Бие даагчдын зөвлөлд санал хүргүүлжээ
УИХ дахь МАХН, МҮАН, Шударга ёс эвслийн бүлэг, МАН-ын бүлэг, Ардчилсан намын бүлэг болон Бие даагчдын зөвлөлд тус бүрт нь МҮЭХ-ноос тодруулга, санал энэ сарын 5-нд хүргүүлжээ.
-
2015 оны 10 сарын 06
НИТХ-ын Тэргүүлэгчид маргааш шинэ бүрэлдэхүүнтэй хуралдаж, “Автомашингүй гудамж” төслийг хэрэгжүүлэх тухай, Зарим гудамж байгууламжийг нэршүүлэх тухай, Гэр бүлийн хэрэгцээний зориулалтаар иргэнд өмчлүүлэх газрын байршил хэмжээг тогтоох тухай зэрэг асуудлыг хэлэлцэнэ. Мөн их дээд сургууль коллеж, мэргэжлийн сургалт үйлдвэрлэлийн сурагч оюутанд нийтийн тээврийн цахим төлбөрийн карт олгох, цэнэглэх, ашиглахад баримтлах журмыг хэлэлцүүлэх юм байна. НИТХ-ын Тэргүүлэгчдийн бүрэлдэхүүнд НИТХ-ын ээлжит 29-р хуралдаанаар өөрчлөлт оруулсан бөгөөд НИТХ-ын Тэргүүлэгчээр Ц.Алтанцэцэг, Д.Амарбаясгалан, Ц.Баатархүү, Ц.Буяндалай, Н.Баяраа, С.Үнэн, Д.Энхсайхан нар сонгогдон ажиллаж байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 10 сарын 06
Дохио !! Цаг агаарын аюултай үзэгдлээс сэрэмжлүүлэх мэдээ: Өнөөдөр Өвөрхангайн нутаг, Говь-Алтай, Баянхонгор, Архангай, Булганы өмнөд, Өмнөговийн баруун хэсгээр салхи секундэд 18-20 метр, зарим үед 24 метр хүрч ширүүснэ.
Малчид, тариаланчид, ард иргэдийн анхааралд: Өнөөдөр нутгийн баруун хагаст, 7-9-нд нутгийн зүүн хагаст цас орж, цасан болон шороон шуурга шуурч хүйтэрхийг онцгойлон анхааруулж байна.
-
2015 оны 10 сарын 06
Элэгний шинжилгээнд үнэгүй хамрагдах хуваарь
-
2015 оны 10 сарын 06
БНСУ-ын нийслэл Сөүл хот, Монгол Улсын нийслэл Улаанбаатар хотууд ах дүүгийн найрамдалт харилцаатай болсны 20 жилийн ой энэ онд тохиож байна. Энэ хүрээнд НИТХ-ын дарга Д.Баттулгын урилгаар БНСУ-ын Сөүл хотын ИТХ-ын дарга ноён Пак-Нэ-Хаг тэргүүтэй төлөөлөгчид Улаанбаатар хотод айлчилж байна.
Өнөөдөр Сөүл хотын ИТХ-ын дарга болон төлөөлөгчдийг НИТХ-ын дарга Д.Баттулга болон НИТХ-ын төлөөлөгчид хүлээн авч уулзлаа. Уулзалтын эхэнд НИТХ-ын дарга Д.Баттулга, Бид Сөүл хоттой 1995 оноос хойш найрамдалт харилцаатай байж, олон салбарт хамтран ажиллаж ирлээ. Энэ оны 5 сард Нийслэлийн Засаг дарга Сөүл хотод зочлон, Улаанбаатар хотын Соёлын өдрүүд Сөүл хотод болсон бол ердөө 14 хоногийн өмнө Сөүл хотын дарга Улаанбаатар хотноо албан ёсны айлчлал хийж, хотууд цаашид ямар салбарт тэргүүлэх чиглэлээр хамтран ажиллахаа тодорхойлсон гэлээ.
Түүнчлэн Сөүл хоттой сурагч болон оюутан солилцооны чиглэлээр хамтран ажиллах сонирхолтой байгаагаа илэрхийлснээс гадна эрүүл мэндийн салбарт хамтран ажиллах хүсэлтэй байгаагаа уламжиллаа.
Сөүл хотын ИТХ-ын дарга Пак-На-Хаг, “Сөүл хот олон хотуудтай хамтын ажиллагаатай байдаг ч бидний хамгийн найрсаг сайхан харилцаатай хот бол Улаанбаатар хот юм. Сөүл хот Улаанбаатар хоттой эрүүл мэнд, нийгэм, соёл, эдийн засаг гээд бүхий л чиглэлд хамтын ажиллагаагаа өргөжүүлэн амжилттай ажиллаж байна. Цаашид ч хоёр хотын хамтын ажиллагааг бодлогын төвшинд дэмжинэ ажиллах болно” гэлээ.
Энэ үеэр НИТХ-ын Тэргүүлэгчдийн тогтоолоор Сөүл хотын ИТХ-ын дарга ноён Пак-На-Хаг Нийслэлийн Хангарди одонгоор шагнасныг НИТХ-ын дарга Д.Баттулга гардуулан өглөө гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 10 сарын 06
Гаалийн тариф, гаалийн татварын тухай хууль болон Гаалийн тухай хуульд нэмэлт, өөрчлөлт оруулах тухай хуулийн төслийг өргөн мэдүүлнэ
-
2015 оны 10 сарын 06
Баянзүрх дүүргийн Улиастай орчимд 4,4 баллын хүчтэй газар хөдлөлт болжээ
-
2015 оны 10 сарын 06
Онцгой албан татварын тухай хуульд нэмэлт оруулах тухай хуулийн төслийг УИХ-д өргөн барина
-
2015 оны 10 сарын 06
Эдийн засгийн байнгын хорооны өнөөдрийн хуралдаанаар Барилгын тухай хуулийн шинэчилсэн найруулгын төслийг хэлэлцэх эсэхийг хэлэлцэж дэмжлээ.
Аж ахуйн нэгжид барилга барих тусгай зөвшөөрлийг 28 хоногт олгодог байсныг 10 хоногт багтаан шийдвэрлэдэг болгохоор хуулийн төсөлд тусгасан хэмээн БХБ-ын сайд З.Баянсэлэнгэ мэдээлэв.
Хуулийн төсөлтэй холбогдуулан УИХ-ын гишүүн Б.Гарамгайбаатар хуулийн төсөлд зам, эрчим хүчний салбартай хамтран ажиллах зохицуулалтыг хэрхэн тусгасан талаар тодруулсан. БХБ-ын сайд З.Баянсэлэнгэ, Монгол Улс барилгын зөвшөөрөл олгох үзүүлэлтээрээ дэлхийн 185 орноос 121 дүгээр байранд, зүүн Ази, номхон далайн бүсийн 24 орноос 21 дүгээр байранд орсон байна. Энэ нь барилгын тусгай зөвшөөрөл олгоход хэр их хүндрэлтэй байгаа вэ гэдгийг харуулж байна. Манай яам үйл ажиллагаа явуулдаг бус бодлого тодорхойлогч болохоор төлөвлөж байгаа учраас барилгын тусгай зөвшөөрөл олгох асуудлыг төрийн бус байгууллагаар гүйцэтгүүлэх хэлбэрт шилжихээр төлөвлөж байна. Хуулийн төслийг эрчим хүч, автозам зэрэг холбогдох бүхий л салбартай нягт уялдаатай боловсруулсан хэмээн хариулав.
Мөн С.Одонтуяа гишүүн, Хуучны байшин нураах асуудлаар Мэргэжлийн хяналтын дүгнэлт гаргадаг. Гэтэл бусад оронд хуучин байшингаа аль болох түүхийн өв гэдгээр нь хадгалж үлдэхийг хичээдэг. Тиймээс хэзээний, ямар хуучин байшин нураах, алийг нь хадгалж үлдэх талаар нарийн журам гаргах хэрэгтэй гэсэн санал хэлэв.
Ийнхүү санал хураалт явуулахад хуралдаанд оролцсон гишүүдийн 80 хувь хуулийн төслийг хэлэлцэж, батлах нь зөв гэж үзлээ.
-
2015 оны 10 сарын 06
Загастайн давааг хоёр сар хаана
-
2015 оны 10 сарын 06
“Эгийн голын усан цахилгаан станц” төслийн урьдчилсан шатны дэд бүтцийн ажлын концессийн гэрээ байгуулах зөвшөөрөл олголоо
-
2015 оны 10 сарын 06
“Намрын ногоон өдрүүд” үзэсгэлэн худалдааны үеэр 1,2 тэрбум төгрөгийн борлуулалт хийжээ
