-
2016 оны 1 сарын 20
ИХШХЕГ-ын дарга Д.Болд БНСУ-ын Элчин сайдтай уулзлаа
Нийтлэгдсэн: 2016 1 сар 19Selenge Taivanjargal
DSC_0004БНСУ-аас Монгол Улсад суугаа Онц бөгөөд Бүрэн эрхт Элчин сайд ноён У Сун Иргэний харьяалал, шилжилт хөдөлгөөний ерөнхий газрын дарга Д.Болдыг нэгдүгээр сарын 19-ний өдөр хүлээн авч уулзлаа.
Монгол Улсад эдүгээ БНСУ-ын 2500 гаруй иргэн оршин сууж байгаа бөгөөд тус улсад манай улсын 29.000 орчим иргэн сурч, ажиллаж амьдарч байна. Энэхүү тоон үзүүлэлт нь манай хоёр орны улс төр, эдийн засаг, боловсрол, соёлын харилцаа улам өргөжиж буйн илрэл юм.
Уулзалтын үеэр талууд цаашдын хамтын ажиллагааг өргөжүүлэх, иргэдийг тавтай харилцан зорчуулахад хэрхэн хамтарч ажиллах талаар санал солилцов.
Мөн энэ үеэр Иргэний харьяалал, шилжилт хөдөлгөөний ерөнхий газрын дарга Д.Болд БНСУ-ын мэдээллийн технологийн ололт тэр дундаа цагаачлалын байгууллагын цахим үйлчилгээний талаар туршлага судлах хүсэлтээ илэрхийллээ.
-
2016 оны 1 сарын 20
Цаг агаарын хүндрэлтэй нөхцлөөс үүдэн мал хилд тулах нь ихэсчээ
-
2016 оны 1 сарын 20
Сүхбаатар дүүргийн нутаг дэвсгэрт өнгөрсөн оны гуравдугаар сард хоёр настай охиноо болон найман настай хөгжлийн бэрхшээлтэй хүүгээ төрсөн эцэг нь хазаж, боож тамлан зовоосон жигшүүрт хэрэг гарсан нь билээ.
Уг үйл явдал гуравдугаар сарын 21-нд болсон бөгөөд энэ тухай дуудлага Хүчирхийллийн эсрэг ирж төвд ирж, дараа нь хүүхдүүдийн ээж Т нь өөрөө Хүчирхийллийн эсрэг төвд хандсанаар энэ хэрэг олон нийтэд ил болсон юм. Харгис эцэг хүүхдүүдийг ээжийг нь байхгүй хойгуур тамлан зовоодог байсан бөгөөд цагдаагийн байгууллагаас түүнд Эрүүгийн хуулийн 100.1, 181.2.1-т зааснаар хэрэг үүсгэн шалгаж, Цагдан хорих 461 дүгээр ангид нийт дөрвөн сарын хугацаанд саатуулан хорьж, өнгөрсөн долоодугаар сарын 25-нд суллагдсан байдаг.
Тэгвэл түүнд холбогдох хэргийг шүүх хурал өнгөрсөн наймдугаар сарын 11-ний өдөр Баянзүрх дүүргийн шүүхэд болж, шүүхийн шийдвэрээр хэрэгтэнд 3.6 жилийн хорихял оноож, жирийн дэглэмтэй хорих ангид ялыг биечлэн эдлүүлэхээр шийдвэрлэсэн. Түүнээс хөдөлмөрийн хөлсний доод хэмжээтэй мөнгийг сар бүр хүүхдүүдэдээ олгох шийдвэрийг шүүхээс гаргасан ч өнөөдрийг хүртэл нэг ч төгрөг өгөөгүй байна.
-
2016 оны 1 сарын 20
Улаанбаатар хотын хэмжээнд 01-р сарын 19-ны өдрийн 05:00 цагаас 01-р сарын 20-ны өдрийн 05:00 цагийн хооронд иргэд, байгууллагаас Нийт 3840 удаа холбогдсоноос, гэмт хэргийн 135, зөрчлийн 1142, согтуугийн 417, зам тээврийн ослын 318, мэдээлэл шалгахад, гэмт хэргийн шинжтэй 88 үйлдэл бүртгэгдсэнийг холбогдох нэгжүүд шалгаж байна.
№ Огноо Нийт гэмт хэрэг Илэрсэн гэмт хэрэг Хулгай
гэмт хэрэг Танхай
гэмт хэрэг ТХХАБАЖ зөрчих
1 2016.01.19 88 35 57 4 5
Сүхбаатар аймаг: “МСҮТ-д сурдаг Ц. М /эм.15н/ нь МСҮТ-ийн байранд химийн бодисонд хордсон байдалтай ирсэн байна” мэдээллийн дагуу шалгахад “Натри гидрогсид” гэх химийн бодис олсон МСҮТ-ийн хоёр хүүхэд химийн багшдаа үзүүлэхээр авч хичээлдээ очоод тоглож байгаад санамсаргүй асгаж хүүхдүүд хордсон байна” Аймгийн ОБГ-аас 1.002 хувийн тархалттай байна гэж мэдэгдсэн. гэх хэргийг шалгаж байна.
-
2016 оны 1 сарын 20
09.00 цагт: Олон Улсын түншлэгч байгууллагуудын зөвлөлдөх уулзалт Чингис зочид буудлын 3 давхарын хурлын танхимд болно. Тус уулзалтыг Хүнс хөдөө аж ахуйн яам, дэлхийн банк, НҮБ-ын монгол дахь Хүнс хөдөө аж ахуйн байгууллагаас хамтран зохион байгуулж байгаа юм. Энэхүү уулзалтад Монгол Улсад суугаа Элчин сайдууд, ADRA, JICA, KOIKA, ”Дэлхийн зөн” зэрэг нийт 70 гаруй олон улсын байгууллага оролцох юм.
09.00 цагт: Нийслэлийн Засаг даргын санаачилгаар “Улаанбаатар хөрөнгө оруулалт-2015” бизнес чуулга уулзалтыг Шангрила зочид буудал зохион байгуулна.
09.00 цагт: Монгол Улсад эрдэс баялгаас олж буй орлогыг хойч үедээ үлдээх, баялгийг тогтвортой хуримтлуулах, өсгөн арвижуулах бодлого, тогтолцоог бий болгох, урт хугацааны хуримтлал, хадгаламж бүрдүүлэх зорилго бүхий Баялгийн сан буюу “Ирээдүйн өв сан”-гийн тухай хуулийн төслийн талаарх уулзалт, хэлэлцүүлэг Нээлттэй Нийгэм Форумын хурлын танхимд болно.
09.00 цагт: Нийслэл, 21 аймгийн 200 бага ангийн багш нарын мэргэжил дээшлүүлэх сургалт БГД-ийн 20-р сургуульд болно.
10.00 цагт: Прокурорын байгууллагын удирдах ажилтны нэгдсэн зөвлөгөөн УПЕГ-ын төв байранд үргэлжилнэ.
10.00 цагт: АШУҮИС-ийн гарааны үйлдвэр болох Ходоодны хелико бактерын оношлуурын үйлдвэр, шинжлэх ухаан үйлдвэрлэлийн ”Наномед” үйлдвэрийн нээлт болно.
10.00 цагт: Эрүүл мэнд, спортын яам, харьяа газруудын удирдах албан тушаалтнуудтай эрүүл мэндийн салбарын хууль тогтоомж болон Өргөдлийн байнгын хорооны 2014 оны 6 дугаар тогтоолын хэрэгжилтийн асуудлаарх уулзалт Эрүүл мэнд, спортын яамны байранд болно.
10.00 цагт: Зохиолч С.Дашдооровыг дурсахуй өдөрлөг СУИС-ийн оюутны театрт болно.
12.00 цагт: “Мандах өглөө” жонш, нүүрсний компани Монголын нөлөө бүхий хүнд ихээхэн хэмжээний мөнгө залилуулсан тухай баримтын талаар ”Зууны мэдээ” сонины Үндэсний мэдээллийн төвд мэдээлэл хийнэ.
12.00 цагт: Улсын Филармонийн 2016 онд тоглох нийт уран бүтээлүүдээ танилцуулах болон ”Монгол уран бүтээл” төслийн нээлтийн тоглолтын талаарх хэвлэлийн бага хурал Монгол улсын Филармонид болно.
13.00 цагт: УИХ-ын Төрийн байгуулалтын байнгын хороо, НИТХ, ТББ-тай хамтран “Төр, сүм хийдийн харилцааны эрх зүйн орчинг боловсронгуй болгох” нь сэдвээр хэлэлцүүлэг зохион байгуулна. Хэлэлцүүлэг Хангарди ордны 14 давхарт болно.
14.00 цагт: Монголын Гол Нууруудын Нэгдсэн Хөдөлгөөнөөс сэтгүүлчидтэй чөлөөт уулзалт зохион байгуулна. Уулзалт Монголын Үйлдвэрчний Эвлэлүүдийн Холбооны байранд болно.
-
2016 оны 1 сарын 20
ЧУУЛГА УУЛЗАЛТЫН ХӨТӨЛБӨР
НЭГДСЭН ХУРАЛДААН
9:00-9:20 Бүртгэл
9:20-9:30 Нээлт Нийслэлийн иргэдийн Төлөөлөгчдийн Хурлын дарга Д.Баттулга
9:30-9:50 “Улаанбаатар хот-хөрөнгө оруулалт 2016 он” Нийслэлийн Засаг даргын Санхүү, эдийн засгийн асуудал хариуцсан орлогч Н.Батаа
9:50-10:10 “Ногоон худалдан авалт” Нийслэлийн Засаг даргын Экологи, ногоон хөгжлийн асуудал хариуцсан орлогч Т.Бат-эрдэнэ
10:10-10:30 “Төр, хувийн хэвшлийн түншлэл” Улаанбаатар хотын Худалдааны танхимын Гүйцэтгэх захирал О.Амартүвшин
10:30-10:50 Цайны завсарлага
10:50-11:05 “Найрсаг Улаанбаатар” хөтөлбөр Нийслэлийн Засаг даргын Нийгмийн хөгжлийн асуудал хариуцсан орлогч Ц.Энхцэнгэл
11:05-11:20 “Улаанбаатар хотын Худалдааны танхимын дэргэдэх Арбитр” Улаанбаатар хотын Худалдааны танхимын дэргэдэх Арбитрын дарга С.Энхцэцэг
11:20-12:00 Нээлттэй хэлэлцүүлэг Бүх оролцогчид
12:00-14:00 Үдийн хоол
Хурлын модератор: Ц.Ганзориг Eagle TV-ын ерөнхий продюсер
Панеллист: Д.Баттулга Нийслэлийн иргэдийн Төлөөлөгчдийн Хурлын дарга
С.Очирбат Нийслэлийн Засаг даргын Хот байгуулалт, хөрөнгө оруулалтын асуудал хариуцсан орлогч
Н.Батаа Нийслэлийн Засаг даргын Санхүү, эдийн засгийн асуудал хариуцсан орлогч
Ж.Од Улаанбаатар хотын Худалдааны танхимын Ерөнхийлөгч
О.Амартүвшин Улаанбаатар хотын Худалдааны танхимын Гүйцэтгэх захирал
Ч.Баасандаш ШУТИС-ийн проректор
Азийн хөгжлийн банкны эдийн засагч
САЛБАР ХУРАЛДААН
А ТАНХИМ
САЛБАР ХУРАЛДААН 1 – ТӨСВИЙН ХӨРӨНГӨ ОРУУЛАЛТ
14:00-14:05 Салбар хуралдааны нээлт
14:05-14:20 2016-2020 он хүртэлх дунд хугацааны хөрөнгө оруулалтын төлөвлөгөө Нийслэлийн Засаг даргын Хот байгуулалт, хөрөнгө оруулалтын асуудал хариуцсан орлогч С.Очирбат
14:20-14:35 Нийслэлийн 2016 оны хөрөнгө оруулалтын төлөвлөлт Нийслэлийн Засаг даргын Тамгын газрын Стратегийн бодлого, төлөвлөлтийн хэлтсийн дарга С.Баярбаатар
14:35-14:50 Нийслэлийн 2016 оны худалдан авах ажиллагаа Нийслэлийн Худалдан авах ажиллагааны газрын орлогч дарга Ү.Энхтайван
14:50-15:05 Хөрөнгө оруулалт - 2015 ба өнөөдөр Нийслэлийн Хөрөнгө оруулалтын газрын дарга Л.Нарантуяа
15:05-15:20 Цайны завсарлага
15:20-16:30 Хэлэлцүүлэг
16:30-17:00 Үр дүнгийн хаалт
Хурлын модератор: Л.Отгонтуяа Удирдлагын академийн багш, доктор, дэд профессор
Панеллист: С.Очирбат Нийслэлийн Засаг даргын Хот байгуулалт, хөрөнгө оруулалтын асуудал хариуцсан орлогч
Н.Гантөмөр Нийслэлийн Засаг даргын Зам тээвэр, дэд бүтцийн асуудал хариуцсан орлогч
С.Баярбаатар Нийслэлийн Засаг даргын Тамгын газрын Стратегийн бодлого, төлөвлөлтийн хэлтсийн дарга
Л.Нарантуяа Нийслэлийн Хөрөнгө оруулалтын газрын дарга
Д.Нанзаддорж Нийслэлийн Авто замын газрын дарга
Ү.Энхтайван Нийслэлийн Худалдан авах ажиллагааны газрын орлогч дарга
Б ТАНХИМ
САЛБАР ХУРАЛДААН 2 – НОГООН ХӨГЖИЛ БА ОЛОН УЛСЫН САНХҮҮЖИЛТ
14:00-14:05 Салбар хуралдааны нээлт
14:05-14:20 Нийслэлийн ногоон хөгжлийн төслийн танилцуулга Нийслэлийн Засаг даргын Экологи, ногоон хөгжлийн асуудал хариуцсан орлогч
Т.Бат-эрдэнэ
14:20-14:30 Электролиз усны технологийг Улаанбаатар хотод хэрэглэх боломжууд ШУТИС-WSM&I компанийн захирал Д.Одончимэд
14:30-14:40 Хог хаягдлын менежментийг сайжруулах, эко парк төсөл Улаанбаатар хотын Ерөнхий менежер бөгөөд Захирагчийн ажлын албаны дарга Б.Бадрал
14:40-14:50 “Эко Улаанбаатар” Монголын хог хаягдлыг дахин боловсруулах үндэсний холбооны Ерөнхийлөгч Д.Бямбасайхан
14:50-15:05 “Монгол Улсын Тогтвортой санхүүжилт (ТоС)-ийн хөтөлбөр ба Ногоон зээлийн механизм” Монголын банкны холбооны Дэд ерөнхийлөгч, Ариг банкны гүйцэтгэх захирал Д.Төмөрхүү
15:05-15:20 Цайны завсарлага
15:20-16:30 Хэлэлцүүлэг
16:30-17:00 Үр дүнгийн хаалт
Хурлын модератор: Д.Ончинсүрэн Deliotte-Onch ХХК-ийн Ерөнхий захирал
Панеллист: Т.Бат-эрдэнэ Нийслэлийн Засаг даргын Экологи, ногоон хөгжлийн асуудал хариуцсан орлогч
Б.Бадрал Улаанбаатар хотын Ерөнхий менежер бөгөөд Захирагчийн ажлын албаны дарга
Г.Пүрэвсүрэн Нийслэлийн Үйлдвэр, хөдөө аж ахуйн газрын дарга
Д.Одончимэд ШУТИС-WSM&I компанийн захирал
Д.Бямбасайхан Монголын хог хаягдлыг дахин боловсруулах үндэсний холбооны Ерөнхийлөгч
Д.Төмөрхүү Монголын банкны холбооны Дэд ерөнхийлөгч, Ариг банкны гүйцэтгэх захирал
В ТАНХИМ
САЛБАР ХУРАЛДААН 3 – ХУВИЙН ХЭВШЛИЙН САНААЧИЛГА БА КОНЦЕСС
14:00-14:05 Салбар хуралдааны нээлт
14:05-14:15 Нийслэлийн концессын худалдан авалт Нийслэлийн Эдийн засгийн хөгжлийн газрын даргын албан үүргийг түр орлон гүйцэтгэгч Д.Хоролсүрэн
14:15-14:25 Улаанбаатар хотын хөгжлийн корпораци ХК ба Төр хувийн хэвшлийн түншлэл “Улаанбаатар хотын Хөгжлийн корпораци” ХК-ийн Гүйцэтгэх захирал Э.Тэмүүлин
14:25-14:35 Ногоон хөгжилд бизнесийн оролцоо Гудамж төслийн нэгжийн захирал Д.Батболд
14:35-14:45 ”Аркад стрийт” MCSP ХХК-ийн Бизнес Хөгжлийн албаны дарга Ц.Нарангарав
14:45-14:55 Нийслэлийн орон сууцны төсөл хөтөлбөр, хувийн хэвшлийн оролцоо Нийслэлийн Орон сууцны корпорацийн Гүйцэтгэх захирал Б.Тэлмэн
14:55-15:05 “Хүүхэд, Залуучуудын Усан Парк, Спорт комплекс төсөл” Улаанбаатар хотын Худалдааны танхимын Гүйцэтгэх захирал О.Амарбаясгалан
15:05-15:15 “Хотын захиргааны шинэ төв” Нийслэлийн Ерөнхий төлөвлөгөөний газрын Дахин төлөвлөлтийн хэлтсийн дарга М.Нямбаяр
15:15-15:25 Цайны завсарлага
15:25-16:30 Хэлэлцүүлэг
16:30-17:00 Үр дүнгийн хаалт
Хурлын модератор: О.Амартүвшин Улаанбаатар хотын Худалдааны танхимын Гүйцэтгэх захирал
Панеллист: Н.Батаа Нийслэлийн Засаг даргын Санхүү, эдийн засгийн асуудал хариуцсан орлогч
Э.Тэмүүлин “Улаанбаатар хотын Хөгжлийн корпораци” ХК-ийн Гүйцэтгэх захирал
Б.Тэлмэн Нийслэлийн Орон сууцны корпорацийн Гүйцэтгэх захирал
Д.Хоролсүрэн Нийслэлийн Эдийн засгийн хөгжлийн газрын даргын албан үүргийг түр орлон гүйцэтгэгч
Д.Батболд Гудамж төслийн нэгжийн захирал
Ц.Нарангарав MCSP ХХК-ийн Бизнес Хөгжлийн албаны дарга
-
2016 оны 1 сарын 20
Гэр хорооллын дахин төлөвлөлтөд хамрагдсан 65 өрх тохилог сууцандаа орлоо
-
2016 оны 1 сарын 20
Сурагчдын улирлын амралтыг сунгахгүй
2016 / 01 / 19 | 17:36 | Нийтэлсэн: Ж.Болор | 0
Сүүлийн үед хүйтний эрч чангарсантай холбогдуулан сурагчдын амралтын хугацааг сунгахаар болсон гэх мэдээлэл гарсан.
Үүнийг албаны эх сурвалжаас тодруулахад “Сурагчдын улирлын амралтыг сунгахгүй. Хичээл ирэх долоо хоногт эхэлнэ” гэв. Өөрөөр хэлбэл хуваарийн дагуу ирэх даваа гарагт бүх ангийнхны хичээл эхлэх юм.
ЕБС-ийн бага ангийн сурагчид 5 долоо хоног, дунд ангийнхан 3 долоо хоног, ахлах ангийнхан нь 2 долоо хоног тус тус амраад ийнхүү гуравдугаар улирлын хичээл эхлэх гэж байна.
-
2016 оны 1 сарын 20
Тухайн өдөр гахай, хулгана, үхэр, луу, нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж биеэ энхрийлүүштэй. Эл өдөр бурхныг тахих, хишиг даллага авахуулах, наминчлах, бэр авах, нүүдэл суудал хийх, мод босгох, газрын үүд боох, тангаргаас няцах, зэтгэрийг дарах, сайн үйлсийг бүтээх, баяр хурим хийх, их хэргэм зүүх, хувцас өмсөх, чимэг зүүх, бүжиг наадгай хийх, гэрийн үйл хийгээд угаал үйлдэх, хувцас шинээр өмсөх, эсгэх тэргүүтэнд сайн. Хир буртаг, бузарт ойртох, өс санах, байшингийн суурь тавих, өс дарах, угаал үйлдэх, залбирал тавихад муу. Өвдвөл найм, арав хоногтоо хүчир, түүнээс хэтэрвэл амархан амирлана. Зам гарвал эд олно, тус бүхэн бүтнэ. Зүүн нүд татвал хувцас олно, баруун бол жуулчин ирнэ. Баруун чих хангинавал баясгалантай, зүүн бол муу. Өдрийн сайн цаг нь бар, туулай, могой, бич, нохой, гахай болой. Үс шинээр үргээлгэх буюу засуулбал эрхтэн хурц болно. Их хүйтэн 23:55 цагт эхэлнэ.
-
2016 оны 1 сарын 20
2016 оны 01 дүгээр сарын 19-ний 20 цагаас 01 дүгээр сарын 20-ны 20 цаг
хүртэлх цаг агаарын урьдчилсан мэдээ:
БАРУУН АЙМГУУДЫН НУТГААР: Үүлэрхэг. Зарим газраар бага зэргийн цас орж, явган шуурга шуурна. Салхи баруун хойноос секундэд 5-10 метр. Идэр, Тэс голын хөндий, Завхан голын эхээр шөнөдөө 43-48 градус, өдөртөө 29-34 градус, Увс нуурын хотгор, Хүрэн бэлчир орчмоор шөнөдөө 35-40 градус, өдөртөө 23-28 градус, Алтайн өвөр говиор шөнөдөө 18-23 градус, өдөртөө 10-15 градус, бусад нутгаар шөнөдөө 27-32 градус, өдөртөө 17-22 градус хүйтэн байна.
ТӨВИЙН АЙМГУУДЫН НУТГААР: Үүлшинэ. Зарим газраар бага зэргийн цас орж, явган шуурга шуурна. Салхи баруун хойноос секундэд 6-11 метр. Дархадын хотгороор шөнөдөө 41-46 градус, өдөртөө 29-34 градус, Хэнтэйн уулархаг нутаг, Орхон-Сэлэнгэ, Хараа, Ерөө, Туул, Тэрэлж голын сав газраар шөнөдөө 35-40 градус, өдөртөө 23-28 градус, бусад нутгаар шөнөдөө 27-32 градус, өдөртөө 17-22 градус хүйтэн байна.
ЗҮҮН АЙМГУУДЫН НУТГААР: Үүлшинэ. Зарим газраар бага зэргийн цас орж, явган шуурга шуурна. Салхи баруун хойноос секундэд 7-12 метр. Хэрлэн, Халх голын сав газар, Дарьгангын тал нутгаар шөнөдөө 34-39 градус, өдөртөө 23-28 градус, бусад нутгаар шөнөдөө 28-33 градус, өдөртөө 18-23 градус хүйтэн байна.
ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Цас орохгүй. Салхи баруун хойноос секундэд 5-10 метр. Шөнөдөө 30-32 градус, өдөртөө 21-23 градус хүйтэн байна.
ГОВИЙН АЙМГУУДЫН НУТГААР: Солигдмол үүлтэй. Шөнөдөө нутгийн өмнөд хэсгээр бага зэргийн цас орно. Өдөртөө цас орохгүй. Салхи баруун хойноос секундэд 7-12 метр, явган шуурга шуурна. Өмнөговийн нутгаар шөнөдөө 20-25 градус, өдөртөө 13-18 градус, бусад нутгаар шөнөдөө 25-30 градус, өдөртөө 18-23 градус хүйтэн байна.
УЛААНБААТАР ХОТ: Үүлшинэ. Цас орохгүй. Салхи баруун хойноос секундэд 6-11 метр. Шөнөдөө Яармаг-Сонгины орчмоор 36-38 градус, бусад хэсгээр 29-31 градус, өдөртөө 20-22 градус хүйтэн байна.
-
2016 оны 1 сарын 19
“Мон дулаан трейд” компани хууль бусаар алт олборлож байна гэв
Түгээх
2016-01-19 13:46:31 - Нийслэл
Zaamar
Зураг: Алт олборлолт (Төв аймгийн Заамар сум)
Төв аймгийн Заамар сумын Улаан шивэртийн аманд алт олборлох үйл ажиллагаа явуулдаг “Авдар баян” компанийн ерөнхий захирал Ц.Ганхуяг өнөөдөр сэтгүүлчдэд мэдээлэл хийлээ.
Тэрээр “Манай компани нь 1995 оноос Төв аймгийн Заамар сумын Улаан Шивэртийн аманд алт олборлох үйл ажиллагааг ашиглалтын тусгай зөвшөөрлийн дагуу явуулж ирсэн. 2012 оны тавдугаар сарын 15-ны өдөр “Гол мөрний урсац бүрэлдэх эх, усны сан бүхий газарт ашигт малтмал хайх, ашиглахыг хориглох тухай” хуулийн 4 дүгээр зүйлийн 4.1 дэх заалтыг үндэслэн ашигт малтмал ашиглахыг хориглосон талбайтай хэсэгчлэн давхцалтай манай тусгай зөвшөөрлийн 55,46 гетар талбайг Геологи уул уурхайн кадастрын хэлтсийн даргын шийдвэрээр цуцласан. Харин 2012 оны 194, 2015 оны 289 дугаар тогтоолоор тус тус батлагдсан гол мөрний урсац бүрэлдэх эх, усны сан бүхий газрын хамгаалалтын бүс, ойн сан, улсын тусгай хамгаалалттай газар нутагтай давхцалгүй гэсэн лавлагааг БОНХАЖЯ-наас гаргуулан авсан юм. Үүний дагуу хасалт хийлгэсэн дээрх талбайг шинээр ашиглах ашиглалтын тусгай зөвшөөрөл авах хүсэлт гарган хөөцөлдөж байна. Энэ хугацаанд “МОН ДУЛААН ТРЕЙД” компани нь уг талбайд өнгөрсөн оны арванхоёрдугаар сарын 4-ний өдрөөс ямар ч бичиг баримт, АШИГЛАЛТЫН ТУСГАЙ ЗӨВШӨӨРӨЛГҮЙ ХӨРС ХУУЛАЛТ ЯВУУЛЖ ЭХЛЭЭД БАЙНА. Уг компанийн хууль бус үйл ажиллагаа явуулж байна хэмээн Төв аймгийн Засаг дарга Д.Баярбат болон Мэргэжлийн хяналтын газраас 13 сая төгрөгөөр торгосон боловч үйл алттай шороог тээвэрлэн зөөж, угааж эхлээд байна. Иймээс төрийн болон мэргэжлийн байгууллагын тушаал шийдвэрийг үл ойшоон хууль бус үйл ажиллагаа явуулж буй энэ компанийн талаар Уул уурхайн яам болон төр засгийн холбогдоох байгууллагуудад мэдэгдэхийг хүсч байна” гэлээ.
-
2016 оны 1 сарын 19
Нийслэлийн Засаг даргын Тамгын газар, Улаанбаатар хотын Худалдааны танхимтай хамтран зохион байгуулж байгаа “Улаанбаатар худалдан авалт - 2016” бизнес чуулга уулзалт маргааш буюу Лхагва гарагт Шангри-Ла зочид буудалд 9 цагаас эхэлнэ. Нэгдсэн хуралдаан 12:00 цаг хүртэл үргэлжилж, 14:00-17:00 цагийн хооронд салбар хуралдаан болно.
“Улаанбаатар худалдан авалт - 2016” бизнес чуулга уулзалтаар нийслэл энэ онд хэрэгжүүлэх бүтээн байгуулалтын томоохон төсөл, хөтөлбөр, тендерүүдээ танилцуулж, эдгээрт хувийн хэвшлийнхэн хэрхэн оролцох, хамтран ажиллах талаар харилцан санал солилцоно. Мөн хувийн хэвшлийн санаачилга аль салбарт чухал байна, хууль эрх зүйн хүрээнд хот хэрхэн дэмжин ажиллах боломжтойг форумын хүрээнд ярих юм. Чуулга уулзалтад оролцох хүсэлтэй нийслэлд үйл ажиллагаа явуулдаг бизнес эрхлэгчид www.ubchamber.mn цахим хуудас болон 77003883 утсанд хандаж бүртгүүлэх боломжтой гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 1 сарын 19
Өмнөговь аймгийн хэмжээнд өвөлжилт хүндэрсэн сумын малчдад аймгийн нөөцөнд байсан өвчийг үнэгүй тарааж эхэлжээ.
-
2016 оны 1 сарын 19
Улсын Дээд шүүх 2015 онд эрүү, иргэн, захиргааны нийт 2349 хэрэг хүлээн авч шүүх хуралдаанаар 1953 хэрэг хянан шийдвэрлэсэн байна. Хянан шийдвэрлэсэн хэргийн 61.8 хувь нь иргэний , 19.6 хувь нь эрүүгийн, 18.5 хувь нь захиргааны хэрэг байна.
Эрүүгийн шүүн таслах ажлын талаар
Улсын Дээд шүүхийн Эрүүгийн хэргийн танхим нийт 520 хэрэг хүлээн авч, 383 хэргийг шүүх хуралдаанаар хянаж шийдвэрлэж, 87 хэргийг хянан буцааж, 43 хэргийг Ерөнхий шүүгчийн ажлын албанд шилжүүлжээ. Эрүүгийн хэргийн танхимын хяналтын шатны шүүх хуралдаан нийт 54 өдөр хуралдаж, өдөрт дунджаар 7 хэрэг хэлэлцсэн аж.
Эрүүгийн хэргийн танхим хяналтын шатны журмаар хүлээн авсан хэргээс нэг шүүгчид 67 хэрэг ногдож байна.
Хяналтын журмаар хэлэлцэгдсэн эрүүгийн 383 хэргийн 50.1 хувь буюу 192 хэргийн тогтоол, магадлалыг хэвээр үлдээж, гомдол, эсэргүүцлийг хэрэгсэхгүй болгож, 29.5 хувь буюу 113 хэргийн тогтоол, магадлалд өөрчлөлт оруулж, 20.3 хувь буюу 78 хэргийн тогтоол, магадлалыг хүчингүй болгожээ.
Хүчингүй болгосон 78 тогтоол, магадлалтай хэргээс 51.2 хувь буюу 40 хэргийг нэмэлт хэрэг бүртгэлт, мөрдөн байцаалт хийлгэхээр прокурорт, 25.6 хувь буюу 20 хэргийг шүүхээр дахин хэлэлцүүлэхээр буцааж, 11.5 хувь буюу 9 хэргийн шийтгэх тогтоолыг хэвээр үлдээж, магадлалыг хүчингүй болгож, 8.9 хувь буюу 7 хэргийг хэрэгсэхгүй болгож, 2.5 хувь буюу 2 хэргийн шийтгэх тогтоолыг хүчингүй болгож, магадлалыг хэвээр үлдээжээ.
Өмнөх онтой харьцуулахад хүлээн авсан эрүүгийн хэрэг 119-аар буюу 18.8 хувиар, хяналтын шатны шүүх хуралдаанаар шийдвэрлэсэн хэрэг 101-ээр буюу 20.8 хувиар, нэг шүүгчид ногдох хэрэг 32-оор буюу 32.3 хувиар тус тус буурсан байна.
Мөн Танхимын тэргүүний “шүүхийн харьяалал тогтоох тухай” захирамж 58, бусад захирамж 286, мэдэгдэх хуудас 107 гарсан ажээ. .
Иргэний шүүн таслах ажлын талаар
Улсын Дээд шүүхийн Иргэний хэргийн танхим нийт 1435 хэрэг хүлээн авч, 1155 хэргийг шүүх хуралдаанаар хянан шийдвэрлэж, 157 хэргийг Ерөнхий шүүгчийн ажлын албанд шилжүүлж, 53 хэргийг шинээр илэрсэн нөхцөл байдалд тооцуулахаар хэлэлцэж, 13 хэргийг хяналтын журмаар хэлэлцэхээс татгалзаж, 17 хэргийн харьяаллыг тогтоосон байна.
Иргэний хэргийн танхимын хяналтын шатны шүүх хуралдаан нийт 84 өдөр хуралдаж, өдөрт дунджаар 14 хэрэг хэлэлцжээ.
Иргэний хэргийн танхимд хяналтын шатны журмаар ирүүлсэн хэргээс нэг шүүгчид 151 хэрэг ногдож байна.
Хяналтын журмаар хэлэлцэгдсэн иргэний 1155 хэргийн 55.7 хувь буюу 643 хэргийн шийдвэр, магадлалыг хэвээр үлдээж, гомдлыг хэрэгсэхгүй болгож, 12 хувь буюу 139 хэргийн шийдвэр, магадлалыг хүчингүй болгож, 21.7 хувь буюу 250 хэргийн шийдвэр, магадлалд өөрчлөлт оруулж, 10.6 хувь буюу 123 хэргийн шийдвэрийг хэвээр үлдээж, магадлалыг хүчингүй болгосон байна. Хүчингүй болгосон 139 шийдвэр, магадлалтай хэргээс 74.1 хувь буюу 103 хэргийг шүүхээр дахин хэлэлцүүлэхээр анхан шатны шүүхэд буцааж, 25.9 хувь буюу 36 хэргийг буюу нэхэмжлэлийг хэрэгсэхгүй болгожээ.
Өмнөх онтой харьцуулахад хүлээн авсан иргэний хэрэг 375-аар буюу 26.8 хувиар, хяналтын шатны шүүх хуралдаанаар шийдвэрлэсэн хэрэг 330-аар буюу 27.3 хувиар, нэг шүүгчид ногдох хэрэг 33-аар буюу 22.5 хувиар тус тус өссөн байна.
Хяналтын шатны иргэний хэргийн шүүх хуралдаанаар шийдвэрлэсэн 1155 хэргийг эрх зүйн төрлөөр авч үзвэл Иргэний хуулиар 772, Хөдөлмөрийн тухай хуулиар 247, Гэр бүлийн тухай хуулиар 44, Шүүхийн шийдвэр гүйцэтгэх тухай хуулиар 41, Иргэний хэрэг шүүхэд хянан шийдвэрлэх тухай хуулиар 5, бусад хуулиар 46 хэргийг хянан шийдвэрлэжээ.
Захиргааны шүүн таслах ажлын талаар
Улсын Дээд шүүхийн Захиргааны хэргийн танхим нийт 464 хэрэг хүлээн авч, 362 хэргийг хяналтын шатны захиргааны хэргийн шүүх хуралдаанаар, 17 хэргийг хуралдаанд оролцуулахгүйгээр, шинээр илэрсэн нөхцөл байдлын улмаас хянуулах тухай 14 хүсэлтийг шийдвэрлэж, 48 хэргийг Ерөнхий шүүгчийн ажлын албанд шилжүүлжээ.
Захиргааны хэргийн танхимын хяналтын шатны шүүх хуралдаан нийт 50 өдөр хуралдаж, өдөрт дунджаар 7.5 хэрэг хэлэлцжээ.
Захиргааны хэргийн танхимд хяналтын шатны журмаар ирүүлсэн хэргээс нэг шүүгчид 56.1 хэрэг ногдож байна.
Хяналтын шатны журмаар хэлэлцэгдсэн 362 хэргийн 65.7 хувь буюу 238 хэргийн шийдвэр, магадлалыг хэвээр үлдээж, гомдлыг хангахгүй орхиж, 16.5 хувь буюу 60 хэргийн шийдвэр, магадлалд өөрчлөлт оруулж, 17.6 хувь буюу 64 хэргийн шийдвэр, магадлалыг хүчингүй болгожээ.
Өмнөх онтой харьцуулахад хүлээн авсан захиргааны хэрэг 54-өөр буюу 12.2 хувиар, хяналтын шатны шүүх хуралдаанаар шийдвэрлэсэн хэрэг 56-ээр буюу 18.3 хувиар, нэг шүүгчид ногдох хэрэг 12-оор буюу 27.3 хувиар тус тус өссөн байна.
Хяналтын шатны захиргааны хэргийн шүүх хуралдаанаар шийдвэрлэсэн 362 хэргийг эрх зүйн төрлөөр авч үзвэл Төрийн албаны маргаан 100, Газрын маргаан 88, Татварын маргаан 38, Ашигт малтмалын маргаан 16, Шүүхийн Ёс зүйн хорооны магадлалтай 12, Төрийн хяналт шалгалттай холбоотой 10, Үл хөдлөх эд хөрөнгийн улсын бүртгэлтэй холбоотой 9, Орон сууц хувьчлалтай холбоотой 6, Төрийн болон орон нутгийн өмчийн тухай 2, Сонгуулийн маргаан 1, бусад маргаан 80 байна.
-
2016 оны 1 сарын 19
Монголын хамгийн өндөр шагналын сантай “Мастер тогооч” өрсөлдөөнт ТВ шоу нэвтрүүлэгт нийт 27 оролцогч авъяас билгээ сорьсноос шилдэг 8 оролцогч 4-р шатанд тунаж үлдсэн.
-
2016 оны 1 сарын 19
Ойрын хугацаанд хүйтэн өдрүүд үргэлжлэх бөгөөд нэгдүгээр сарын 24-нөөс хүчний эрч сулрах төлөвтэй байна. 20, 21-нд зарим газраар, 22-нд нутгийн зүүн хэсгээр бага зэргийн цас орж, зөөлөн цасан шуурга шуурна. Салхи 20-22-нд ихэнх нутгаар секундэд 12-14 метр хүрч ширүүснэ.
Дархадын хотгор, Идэр, Тэс, Отгон голын хөндийгөөр шөнөдөө 44-49 градус, өдөртөө 33-38 градус,
Увс нуурын хотгор болон Хүрэн бэлчир, Хэнтэйн уулархаг нутаг, Орхон-Сэлэнгэ, Хараа, Ерөө, Туул, Тэрэлж, Хэрлэн, Онон,Халх голын сав, Дарьгангын тал нутгаар шөнөдөө 35-40 градус, өдөртөө 26-31 градус,
Говийн бүс нутгийн баруун хэсгээр шөнөдөө 24-29 градус, өдөртөө 14-19 градус,
Бусад нутгаар шөнөдөө 28-33 градус, өдөртөө 19-24 градус хүйтэн байна гэж Ус, цаг уур, орчны судалгаа, мэдээллийн хүрээлэнгээс мэдээллээ.
-
2016 оны 1 сарын 19
Монгол улсын боловсролын салбарт анх удаа АШУҮИС-ийн Сувилахуйн сургууль дэлхийн стандартын шаардлага хангасан мэргэжилтэн бэлтгэнэ
-
2016 оны 1 сарын 19
Хөвсгөл аймгийн Онцгой байдлын газарт тус аймгийн Тариалан сумын “Намнан”-ийн ар гэдэг газарт монгол хэл мэдэхгүй гадаадын жуулчид автомашин нь эвдэрч суусан тухай дуудлагыг нутгийн иргэд өгчээ.
-
2016 оны 1 сарын 19
Боловсрол, Соёл, Шинжлэх Ухааны Яамнаас өнгөрсөн жилүүдэд төрийн өмчийн 428 сургуульд орчин үеийн физик, химийн лаборатори олгосон.
-
2016 оны 1 сарын 19
Эх орноосоо урвасан гэх Д.Чинбаярын хэргийг энэ баасан гаригт буюу 22-нд Дээд шүүхэд хэлэлцэхээр болжээ.
