-
2016 оны 1 сарын 04
“Ял эдлүүлэх ажиллагаанд тавих прокурорын хяналтын аргачилсан заавар”-ын дагуу Нийслэлийн Багануур дүүргийн прокурорын газраас Багануур дүүрэг дэх Тахарын 10 дугаар тойргийн үйл ажиллагаа холбогдох хууль, журамд хэрхэн нийцэж байгааг шалгаж шалгалтаар илэрсэн зөрчил, дутагдал дээр цаашид анхаарах ажиллах талаар Тахарын хэсгийн алба хаагчидтай хамтарсан уулзалт, зөвлөгөөнийг 2015 оны 12 дугаар сарын 23-ны өдөр зохион байгуулж энэ үеэр туслах прокурор Б.Одхүү Тахарын хэсгийн үйл ажиллагааг шалгасан шалгалтын дүнг танилцуулжээ.
Уулзалт, зөвлөгөөнөөр Тахарын хэсгээс хуяглан хүргэх үйл ажиллагаанд гарч буй зөрчил дутагдал болон цаашид холбогдох хууль, журмын заалтыг хэрхэн хангаж ажиллах, гарч болзошгүй эрсдлээс урьдчилан сэргийлэх талаар харилцан санал солилцон, зааварчилгаа өгч нэгдсэн ойлголтонд хүрсэн байна.
-
2016 оны 1 сарын 04
Гаалиас 100 хүнийг цомхотгоно
-
2016 оны 1 сарын 04
ЧД-10 “ГССҮТ-д түлэгдсэн хүүхэд ирж хэвтлээ” гэсэн мэдээллийг 01-р сарын 04-нд авч шалгахад: Дэнжийн .... тоотод суух Б /эм.15н/-г хоол удаан хийлээ гэж хүргэн ах Б /эр.44н/ гэгч нь согтуурсан үедээ тогоотой хоол өшиглөн асгаж зүүн хөл, гарыг түлж гэмтээн Түлэнхийн тасагт хэвтэн эмчлүүлж байгаа хэргийг ЧДЦХ-2 шалгаж байна.
-
2016 оны 1 сарын 04
Идэр хоёр ес эхэлсэн энэ цаг үед нийт нутгийн 90 гаруй хувьд нь цасан бүрхүүл тогтсоны улмаас баруун зарим аймгуудад өвөлжилт хүндэрсэн байдалтай байгаа талаар ОБЕГ-аас мэдээлж байна. Тиймээс өнөөдөр 11:00 цагт Төрийн ордонд, Шадар сайдын өрөөнд Улсын Онцгой комиссын хурал зарлажээ. Хурлаар өвөлжилтийн нөхцөл байдлын талаар мэдээлэл хийнэ.
-
2016 оны 1 сарын 04
Нийслэлийн ИТХ-ын 2015 оны 12 дугаар сарын 24-ний хуралдаанаар “Нийслэлд тээврийн хэрэгслийг зориулалтын автомашинаар зөөж шилжүүлэх, түр саатуулах хашаа /байр/ ажиллуулах, үйл ажиллагааны төлбөрийн хэмжээг хэлэлцэн тогтоож, тогтоолыг энэ сарын 1-нээс эхлэн дагаж мөрдөхөөр баталсан юм.
Тус тогтоолоор нийслэлийн хэмжээнд замын хөдөлгөөний аюулгүй байдлыг хангах, зам тээврийн ослоос урьдчилан сэргийлэх, түгжрэл саатлыг бууруулах зорилгоор 08:00-20:00 цагийн хооронд хориглосон гузамж замуудад зогсож бусдын хөдөлгөөнд саад учруулсан тээврийн хэрэгслийг зөөж шилжүүлэхээр шийдвэрлэсэн. Мөн зориулалтын автомашинаар тээврийн хэрэгсэл зөөж шилжүүлэх төлбөрийг мотоцикл 30 000 төгрөг, суудлын автомашин, микробус, 3,5 тонн хүртэлх жинтэй ачааны автомашин, автобус 60 000 төг, 3,5 тонноос дээш жинтэй том оврын тээврийн хэрэгслийг 90 000 төгрөгөөр зөөж шилжүүлдэг байхаар тогтоосон. Түүнчлэн түр саатуулах хашаа /байр/-ны нэг хоногийн төлбөрийг мотоцикл 3000, суудлын автомашин болон 3,5 тонн хүртэлх жинтэй бүх ачааны машин 5000, 3,5 тонноос 24 тонн хүртэлх жинтэй ачааны автомашин болон дунд оврын автобус 10 000, тусгай зориулалтын том оврын тээврийн хэрэгсэл, хүнд механизми 20 000 төгрөг байхаар тус тус батлав.
Тээврийн хэрэгслийг зориулалтын автомашинаар зөөж шилжүүлэхдээ заавал замын цагдаагийн албан хаагчийн зөвшөөрлөөр тухайн байршлаас 10 км-ээс дотор зөөж шилжүүлэх, зөөж шилжүүлсний дараа 24 цагийн дотор тээврийн хэрэгслээ буцаан авбал түр саатуулах хашаа /байр/ -ны төлбөрөөс чөлөөлөх, түр саатуулах хашаа /байр/, түүний зогсоолын нийт талбайн хэмжээг 2000 м²-аас доошгүй байх, зориулалтын чирэгч, ачигч автомашины нийт тоог 100-аас ихгүй байхаар тогтоолоо. Зам тээврийн ослоос урьдчилан сэргийлэх, түгжрэл саатлыг бууруулах зорилгоор 08:00 цагаас 20:00 цагийн хооронд хориглосон газарт зогссон тээврийн хэрэгслийг зөөж шилжүүлэх гудамж замуудыг доорх хүснэгтээс, Хууль зүйн сайдын тушаалаар баталсан “ТЭЭВРИЙН ХЭРЭГСЛИЙГ ЗӨӨЖ ШИЛЖҮҮЛЭХ, ТҮР СААТУУЛАХ ЖУРАМ”-ыг эндээс харна уу гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 1 сарын 04
Хүний хөгжлийн санд хөрөнгө төвлөрөхгүйгээс 2015 оны арванхоёрдугаар сард багтаан олгох ёстой байсан Хүүхдийн 20 мянган төгрөг одоог хүртэл олгогдоогүй. Тэгвэл Сангийн яам дээрх арванхоёрдугаар сарын хүүхдийн мөнгийг энэ сарын 10-нд багтаан олгох чиг барьж буй ажээ. УИХ-аас баталсан 2016 оны төсвийн хуулиар хүүхдийн мөнгийг амьжиргаанаас нь хамааруулж олгохоор болсон.
-
2016 оны 1 сарын 04
Нийслэлийн ИТХ-ын Тэргүүлэгчдийн хурлын 2015 оны 12 дугаар сарын 15-ны хуралдаанаар “Нийслэлийн нутаг дэвсгэрт согтууруулах ундаа худалдах, түүгээр үйлчлэх тусгай зөвшөөрөл олгох, хяналт тавих журам”-ыг шинэчлэн баталсан бөгөөд журам 2016 оны 1 дүгээр сарын 1-ний өдрөөс эхлэн хэрэгжиж байна.
Журам батлагдсанаар тусгай зөвшөөрөл авахад бүрдүүлэх бичиг баримтын тоог цөөлсөн төдийгүй, нэг цэгийн үйлчилгээгээр дамжуулан тусгай зөвшөөрлөө авах боломжтой болсон. Мөн журамд хүсэлт гаргагч нь шинээр үйл ажиллагаа эхлэхээс өмнө 1 цэгийн үйлчилгээний Хүнс худалдаа, үйлчилгээний асуудал хариуцсан мэргэжилтэнээс мэргэжлийн зөвлөгөө авсан байна, хөгжлийн бэрхшээлтэй иргэдэд үйлчлэх тохижилт хийгдсэн байна, тусгай зөвшөөрөл эзэмшигч нь Хотын албан татвар суутгагчаар бүртгүүлсэн байна, тухайн дүүргийн харьяалах татварын албанд татвар суутгагчаар бүртгүүлээгүй болон суутгасан татварын тооцоо хийгдээгүй тохиолдолд тусгай зөвшөөрлийг түдгэлзүүлэх болон хүчингүй болгоно гэсэн заалтуудыг нэмж оруулжээ.
Журмыг хориглох зүйлд нийтийн зориулалттай орон сууцанд “Орон сууцны тухай хуулийн 15 дугаар зүйлийн 15.1, 17 дугаар зүйлийн 17.1.7-д заасны дагуу орон сууцны үндсэн хийц, бүтээцийг анхны зураг төслөөс өөрчлөх, нэмэлт ачаалал өгч давхарлах, өргөтгөл хийх, 40 дцб-аас их хэмжээний дуу чимээ гаргахыг хориглоно гэсэн бол тусгай зөвшөөрөлтэй газруудад тавигдах шаардлагын дагуу Мэргэжлийн хяналт болон цагдаа, онцгой, татварын байгууллагууд чиглэлийн болон төлөвлөгөөт шалгалтыг хийж хяналт тавьж ажиллана гэсэн байна. Журмыг бүрэн эхээр нь www.ublegal.mn хуудаснаас харна уу гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 1 сарын 04
Цэргийн үүрэгтэн, бэлтгэл офицеруудын бүртгэл Лхагва гарагт эхэлнэ
-
2016 оны 1 сарын 03
Баярын үеэр нэмсэн жингээ ингэж хасаарай
-
2016 оны 1 сарын 03
Өнөөдрөөс автомашиныг 60-90 мянган төгрөгөөр ачиж эхэлнэ
-
2016 оны 1 сарын 03
Замын хөдөлгөөний аюулгүй байдлыг хангах тухай хуулийн дагуу энэ сарын 1-нээс буюу өчигдрөөс эхлэн жолооч бүрт багцын 10 оноо өгч, гаргасан зөрчлийн дагуу тухайн онооноос хасалт хийж эхэллээ. Хуульд зааснаар жолоочийн зөрчлийн ерөнхий онооны дээд хэмжээ 10 байх юм. Өөрөөр хэлбэл өчигдрөөс эхлэн тээврийн хэрэгсэл жолоодох эрх бүхий жолооч нарт шинээр жолоодох эрхийн үнэмлэх авсан жолооч /үнэмлэх нөхөж, сольж авах, ангилал ахиулахаас бусад/, зөрчлийн оноо дууссан болон эрх хасагдсан жолооч зохих журмын дагуу сургалтад хамрагдаж, шалгалтад тэнцсэн тохиолдолд зөрчлийн 10 оноо автоматаар олгогдох юм байна. Жолооч замын хөдөлгөөний аюулгүй байдалтай холбоотой хууль тогтоомж, дүрэм, журам, стандарт зөрчсөн үйлдэлд нийгэмд учирч болзошгүй хор, уршгаас шалтгаалан зөрчлийн 1-5 оноо гэхчилэн дүрэм зөрчсөн жолоочийн 10 онооноос хасах журмаар явах аж. Жолоочийн зөрчлийн бүртгэлийн оноо дууссан тохиолдолд тухайн жолоочийг тээврийн хэрэгсэл жолоодох эрхгүйд тооцох нь ээ.
-
2016 оны 1 сарын 03
Мөс цөмрөх аюулаас сэрэмжлүүлэх мэдээ
-
2016 оны 1 сарын 03
Энэ онд иргэд НӨАТ-ынхаа хоёр хувийг буцаан авах эрхтэй болно. Ингэхийн тулд иргэн та худалдан авалт бүрийнхээ баримтыг цуглуулж, тэнд бичигдсэн тусгай кодыг нь www.ebarimt.mn хаягаар орж бүртгүүлэх ёстой юм.
-
2016 оны 1 сарын 03
Үс шинээр үргээлгэх буюу засуулбал өвчин эмгэг ирнэ
-
2016 оны 1 сарын 03
2016 оны 1 дүгээр сарын 3-наас 1 дүгээр сарын 07-ныг хүртэлх
цаг агаарын урьдчилсан төлөв:
3-нд баруун зүгийн нутгийн ихэнх, төвийн нутгийн баруун хэсгээр, 4-5-нд ихэнх нутгаар, 6-нд нутгийн зүүн хагаст цас орж, зөөлөн цасан шуурга шуурна. Салхи 3, 4-нд Алтайн уулс болон Арцбогдын өвөр хоолойгоор, 6-нд нутгийн зүүн хагаст секундэд 12-14 метр хүрч ширүүснэ. Хүйтний эрч чангарч Увс нуур болон Дархадын хотгор, Идэр, Тэс, Отгон голын хөндийгөөр 35-40 градус, өдөртөө 23-28 градус, Хэнтэйн уулархаг нутаг, Орхон-Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын сав газраар шөнөдөө 28-33 градус, өдөртөө 18-23 градус, говийн бүс нутгийн баруун хэсгээр шөнөдөө 15-20 градус, өдөртөө 6-11 градус, бусад нутгаар шөнөдөө 23-28 градус, өдөртөө 13-18 градус хүйтэн байна.
-
2016 оны 1 сарын 02
Зөрчлийн оноогоор жолооч нарт хариуцлага тооцож эхэллээ
-
2016 оны 1 сарын 02
Шинэ оны эхний өдрүүдэд ажиллах зах, худалдааны төвүүд
Нэгдүгээр сарын 1,2-нд амрах
Нарантуул худалдааны төв
Хар хорин худалдааны төв
Бөмбөгөр-1,2 худалдааны төв
Номингийн бүх салбарууд
Баянзүрх худалдааны төв-1
Баянзүрх худалдааны төв-2
Нэгдүгээр сарын 1,2-нд ажиллах
Сандэй плаза худалдааны төв
Макс моллын бүх салбарууд
Берлин зоогийн бүх салбарууд
Бургер Кингийн бүх салбарууд
-
2016 оны 1 сарын 02
Цасанд боогдсон иргэдийг аварчээ
-
2016 оны 1 сарын 02
Шинэ оны эхний өдөр төрсөн хүүхдүүдийн ихэнх нь хөвгүүд
2016 / 01 / 02 | 13:21 | Нийтэлсэн: Ж.Батсайхан | 0
Шинэ оны эхний өдөр буюу 2016 оны нэгдүгээр сарын нэгний өдөр ЭНЭМҮТ-д 19 хүүхэд шинээр мэндэлсэн байна.
Монголын иргэний тоог нэмсэн ирээдүйн аз жаргалтай иргэн болох эдгээр 19 хүүхдийн 11 нь эрэгтэй, 8 нь эмэгтэй юм байна. Монголын иргэний тоо эр хүнээр нэмэгдэж байгаа нь эр цэрэг, баатрууд, бөх байхыг билэгшээн дээдлэх монгол ёсонд нь сайны шинж хэмээдэг.
-
2016 оны 1 сарын 02
Улс, хот хооронд 314 тээврийн хэрэгсэл нэмэлтээр үйлчилнэ
