-
2015 оны 9 сарын 06
Энэ жил нутгийн төв хэсгээр гандуу, зуншлага тааруу байснаас одоогоор шаардлагатай хадлан, тэжээлийнхээ 10 хувийг нь л бэлтгээд байна.
-
2015 оны 9 сарын 06
Өршөөл үзүүлэх тухай хуулийн дагуу энэ оны долдугаар сарын 02-ны өдрөөс өмнө зөрчил гаргаж, эрхээ хасуулсан жолооч нар эрхээ сэргээлгэх боломжтой болжээ.
-
2015 оны 9 сарын 06
Өнөөдөр дараах хэсгийг цахилгаан эрчим хүчээр тэжээдэг шугам тоноглолд засвар үйлчилгээ хийх тул та бүхэн хэрэглээгээ түр зохицуулна уу.
-
2015 оны 9 сарын 05
Жудо бөхийн насанд хүрэгчдийн Дэлхийн аварга шалгаруулах тэмцээнээс Монголын баг тамирчид багаараа хүрэл медаль хүртэж нутаг нэгтнүүдээ баярлуулан дэлхийн тавцанд эх орныхоо нэрийг дуурсгасан.
Тус тэмцээнд -100 кг-ын жинд барилдан хүрэл медаль хүртсэн Онцгой байдлын ерөнхий газрын харьяа Орхон аймгийн Онцгой байдлын газрын Аврах, гал унтраах 56 дугаар ангийн аврагч, гал сөнөөгч Л.Отгонбаатарыг өнөөдөр ОБЕГ-ын удирдлага хүлээн авч уулзлаа. Түүнийг Онцгой байдлын албаны ахлах дэслэгч цолоор шагнасан юм.
-
2015 оны 9 сарын 05
Нийслэл хотод шинээр инженерийн шугам сүлжээ барих өргөтгөн шинэчлэх, засварлахаар Авто зам, тохижилт, ногоон байгууламжийг сэтлэх, сүвлэх, орц гарц гаргах ажлыг өнөөдөр, маргааш хоёр өдөр хийх юм.
Тодруулбал, Хан-Уул дүүгийн Их хүрээ гудамжны авто замыг сэтэлж, дулааны шугам шинэчлэх аж. Тиймээс өнөөдөр шөнийн 23:00 цагаас маргааш өглөөний 07:00 цаг хүртэл зам хаах аж. Мөн Яармаг, Нүхтийн замын эхлэлд цэвэр усны шугамын ажил хийж байгаатай холбогдуулан өнөөдөр оройны 23:00 цагаас маргааш өглөөний 07:00 цаг хүртэл зам хаах юм байна.
-
2015 оны 9 сарын 05
Хүний эд эрхтнүүд өвчилж өвдөх нь нуруу нугаламтай шууд хамааралтай болохыг Америкийн эрдэмтэд тогтоожээ.
Энэхүү зурагт нурууны аль хэсэг ямар эрхтэнтэй холбоотой болохыг харуулж байна:
Толгой өвдөхийн 70 хувь нь нуруунаас болдог.
Чих шуугих, залгиур хоолойн хүндрэл, нүдний хараа бүрэлзэх зэрэг нь нурууны дисктэй холбоотой.
Хэрэв гар хөл чичирч өвдөж байвал хүзүү орчим нурууны яс гэмтсэн байж болно.
Цээжний орчмын нурууны өвдөлт нь зүрх, ходоод, гэдэс өвтгөдөг.
Нурууны доод хэсэг нь хөл тулгуур эрхтэнд нөлөөлдөг.
Хэрэв таны нуруу өвддөг бол заавал эмчид үзүүлээрэй.
-
2015 оны 9 сарын 05
Монгол Улсын Ерөнхий прокурорын 2015 оны 08 дугаар сарын 11-ний өдрийн А/89 дугаартай тушаалын нэгдүгээр хавсралтаар “Ял эдлүүлэх ажиллагаанд тавих прокурорын хяналтын заавар шинэчлэн батлагдсан.
Энэхүү зааварт шинээр прокурор Тахарын албаны үйл ажиллагаанд хяналт тавих талаар зохицуулалтууд нэмэгдэж орсонтой холбогдуулан Өвөрхангай аймгийн Хархорин сум дахь Сум дундын прокурорын газрын ял эдлүүлэх ажиллагаанд хяналт тавих хяналтын прокурор Ч.Энхжаргал 2015 оны 09 дүгээр сарын 03-ны өдөр Хархорин сум дахь Тахарын хэсгийн үйл ажиллагаатай танилцаж, тахарын хэсгийн албан хаагчдад “Тахарын албаны үйл ажиллагаанд прокурор хяналт тавих нь” сэдэвт сургалтыг зохион байгуулж, тулгамдаж буй асуудлын талаар ярилцаж санал солилцсон байна.
-
2015 оны 9 сарын 05
Том том алхалдаг бол
Ингэж алхдаг хүмүүс голдуу цайлган сэтгэлтэй боловч маш яхир байдаг. Хэрвээ таны ойр дотны хэн нэгэн чинь ийнхүү том том алхалдаг бол тэдний “судсыг” барих хэрэгтэй. Тэд хүний үгэнд оромтгой боловч түүнийгээ нуух гэж хичээдэг. Албан тушаалд төдийлөн сонирхолтой биш боловч нэг л мэдэхэд өндөрлөгт хүрсэн байдаг. Эс бөгөөс бүр шаварт унах нь ч бий. Ийм алхаатай хүмүүст археологич, техникч, олон нийтийн харилцааны мэргэжил илүү тохиромжтой. Ингэж алхдаг эмэгтэйчүүд эр нөхрөө жинхэнэ жаргаагч байж чаддаг.
Ойр ойрхон гишгэдэг бол
Итгэсэн хүндээ маш үнэнч бөгөөд итгэлийг нь даасан хүн нь түүнийг нэг л удаа гомдоовол хэзээ ч өршөөдөггүй “өштөн”. Дотуур тамиртай боловч жижигхэн зүйлд бүдэрч орхидог гэмтэй. Тэд нас ахих тусам жинхэнэ “чоно” санаатай болж хувирдаг. үр хүүхдээ гайхамшигтай эрхлүүлж, өмөөрч чаддаг бөгөөд эцэст нь эрх хүүхдийнхээ “боол” болох нь элбэг. Ийм төрлийн эрчүүдийн хувьд хайр халамж буцалж байдаг боловч түүнийгээ төдийдөн ил гаргадаггүй. Ойрхон гишгэдэлтэнгүүдэд багш, инженер, нисэгчийн мэргэжил тохиромжтой.
Гүйх шахам явдаг бол
Yргэлж л гүйх шахам гутлаа ханзлан гүйдэг хүмүүс тусархаг цайлган сэтгэлтэй байдаг. Хэнийг ч уучилж чадах ууч сэтгэлтэй тэд хүний төлөө төрсөн мэт байдаг. Иймээсээ ч амьдралдаа алдах нь элбэг. Энэхүү бурхнаас заяасан унаган төрөлх зан аашийг нь хүмүүс эвдэж гэмээ нь жинхэнэ хашир болно. Гүйх шахам явдаг эрчүүдэд сексийн гайхамшигтай чадвар оршдог бөгөөд тэд урт насалдаг. Уурхайчин, хөгжимчин, худалдааны ажилтны мэргэжил илүү тохиромжтой. Оюуны асар их нөөцтэй тэд яаруу зангаасаа болж энэ чадвараа бүрэн ашигладаггүй.
Өвдгөө хавирч явдаг бол
Цоглог найзархаг тэд санамсаргүйгээсээ дандаа алддаг. Тэдний үйлдэл санамсаргүйгээр найзыгаа ангал руу түлхдэг. Yүнээсээ болоод үргэлж шаналж явдаг. Тэдний энэ чанарыг жинхэнэ нээж чадсан хүн л найз нь болж чаддаг. Итгэсэн хүндээ өврөө нээхээс ч буцахгүй энэ төрлийн эмэгтэйчүүд ил хэрнээ нууцлаг төрхтэй. Хүнд амархан гомдомтгой бөгөөд дорхноо мартчихдаг гэмтэй. Ихэмсэг байхыг боддог боловч нэг л мэдэхэд ангалзаад сууж байдаг. Ингэж алхдаг эрчүүдийн хувьд өөртөө итгэлгүй, илүү үгэнд дуртай. Бэлгийн олон хавьтагчтай байхыг юман чинээ бодохгүй. Ихэнх нь бүжигчин, жолооч, эмийн санч болдог.
“Алцаганаж” явдаг бол
Гадаад төрхөөрөө пээдгэр харагддаг ч дотоод ертөнц өчүүхэн. Амархан уурлаж, амархан гомддог бөгөөд санхүүгийн хувьд “хадам ээж” л гэсэн үг. Барагтай хүнд мөнгө зээлээд байдаггүй. Эрчүүдийн хувьд хүүхнүүдийг солих оймс шигээ санадаг боловч секс хийхийн тулд шалдаа буутлаа бууж өгдөг. Харин дараа нь шал өөр эмэгтэйг хайж эхэлнэ. Ихэнх нь царайлаг байдаг бөгөөд хүний дээд нь ховор. Загвар зохион бүтээгч, тамирчин, үсчин мэргэжил тохиромжтой.
Бөгсөө “хаялж” явдаг бол
Аальгүйчүүдийн гол төлөөлөгч тэд маш авъяаслаг байдаг. Аальгүйтдэгтэйгээ адилхан сексдэж чаддаг. Хамгийн онцгүй зан нь мөнгө харахаараа сэдэрдэг бөгөөд энэ үедээ хүн алахаас буцдаггүй. Нэр төрд дуртай тэд үнэн голоосоо хайрлана гэдгийг мэддэггүй амиа бодогчид. Тэдний өмнө байнга сонголт тулгарч байдаг бөгөөд энэ үедээ тэд маш их аз жаргалтай, бас түгшүүртэй болдог. Хүн таних чадвар төдийлөн сайн биш боловч азтай. Дуучин, сэтгүүлч, зураач, цэргийн мэргэжил илүү тохиромжтой.
-
2015 оны 9 сарын 05
Монгол улсад 100 буудалт даам хөгжиж эхэлсний 50 жилийн ойд зориулсан ”ДААМЫН ФЕСТИВАЛЬ 2015” тэмцээнийг энэ сарын 26-ны өдөр Улаанбаатар хотод зохион байгуулна. Фестивалийн хөтөлбөрт түргэн тоглолт, бодлогын, асуулт хариултын тэмцээн болох юм байна.
Энэхүү Ойн нэрэмжит түргэн тоглолтын тэмцээнд бүх тоглогчид хамт өрсөлдөх бөгөөд АХМАД (1960 ба түүнээс өмнө), НАСАНД ХҮРЭГСЭД, ӨСВӨР (1999 ба түүнээс хойш), ХҮҮХЭД (2005 ба түүнээс хойш), СОНИРХОГЧИД (зэрэг, цолгүй) зэрэг ангиллаар эрэгтэй, эмэгтэй эхний 3 даамчдыг шалгаруулна. Харин бодлогын болон асуулт хариултын тэмцээнийг ”блиц” хэлбэрээр зохион байгуулна.
Фестивалийн арга хэмжээнд оролцохыг хүсэгчдийг www.mondaam.mn-р энэ сарын 20-ны өдрийг хүртэл бүртгэж байна.
-
2015 оны 9 сарын 05
Эх орныхоо дөрвөн зүг найман зовхист ард иргэдийнхээ амар амгалангийн манаанд зогсож , өргөсөн тангарагтаа үнэнчээр ажиллаж байгаа алба хаагчдынхаа амрыг эрье.
Цагдаагийн байгууллагын үйл ажиллагааны хүрээнд хийгдсэн томоохон ажлуудыг тоймлон хүргэдэг “Цагдаа” эмхтгэлийнхээ 2015 оны 2-р улирлын дугаарыг та бүхэндээ хүргэж байна.
Энэ удаагийн дугаараар бид албаны онцлох мэдээ мэдээллүүд, Монгол улсад удахгүй Европын аюулгүй байдал, хамтын ажиллагааны байгууллагын парламентын ассамблей, 2016 онд АСЕМын хурлын бэлтгэл ажил хэрхэн явагдаж байгаа, Тулгар төрийн 2224 жил, Их монгол улс байгуулагдсны 809, Ардын хувьсгалын 94-н жилийн ой, Үндэсний их баяр наадмын хэв журмын хамгаалалт, “Цагдаагийн алба хаагчдын өдөр”-т зориулсан ёслолын үйл ажиллагааны хүрээнд зохион байгуулагдсан урлаг соёл, хүндэтгэл ёслолын үйл ажиллагаанаас хийсэн сурвалжлагыг бэлтгэн нийтлэлээ.
Дугаарын зочноор Цагдаагийн Ерөнхий газрын дарга, Тэргүүн комиссар Р.Чингис уригдаж, цагдаагийн байгууллагын эрх зүйн шинэчлэлийн хүрээнд хийгдэж байгаа ажлууд, бодлого шийдвэрийн тухай ярилцлага өглөө. “Албаны бахархал” булангаараа бид цагдаагийн байгууллагын “Улаан туг”-ны үүсэл гарлыг , “Харих болоогүй аавууд” булангаараа Тусгай ажиллагааны газрын бүлгийн дарга, цагдаагийн хошууч Д. Жаргалсайханы ярилцлага, “Онцлох үйл явдал” булангаараа Баян-Өлгий аймгийн цагдаагийн байгууллагын 75-н жилийн ой, “Уран зохиол” булангаараа МЗЭ-ийн шагналт яруу найрагч Б.Сарантуяагийн шүлэг найргаас тус тус хүргэж байна.
-
2015 оны 9 сарын 05
Олон нийтийн аюулгүй байдлыг хангах албаны хамгаалалтын нэгдүгээр газрын өсвөрийн цагдаагийн ”Харцага” дэвжээ клубын нэрэмжит олимпийн таеквондогийн тэмцээний нээлтийн үйл ажиллагаа 2015-09-р сарын 05-ний өдрийн 11,30 цагт СПОРТЫН ТӨВ ОРДОН-д болох тул та бүхнийг хүрэлцэн ирэхийг урьж байна.
-
2015 оны 9 сарын 05
Прокурорын байгууллагын 85 жилийн ойг тохиолдуулан Хархорин сум дахь сум дундын прокурорын газраас сум дундын 18 дугаар шүүхтэй хамтран 2015 оны 06 дугаар сарын 26-ны өдөр Өвөрхангай аймгийн Бат-Өлзий суманд нээлттэй хаалганы өдөрлөг зохион байгуулж, прокурорын байгууллагын үйл ажиллагааг олон нийтэд таниулах, хууль тогтоомж сурталчилах ажил зохион байгуулжээ.
Тус өдөрлөгийн үеэр Өвөрхангай аймгийн Бат-Өлзий сумын 350 гаруй иргэдэд сумын эрүүгийн нөхцөл байдлыг танилцуулж, “Ойн тухай хууль тогтоомж зөрчих гэмт хэргээс урьдчилан сэргийлэх нь” сэдэвт уулзалт, ярилцлага зохион байгуулж, иргэдийн сонирхсон асуултанд хариулт өгсөнөөс гадна Бат-өлзий сумын гэмт хэргээс урьчдилан сэргийлэх салбар зөвлөлийн ажлыг шалгасан байна.
Ийнхүү прокурорын байгууллагаас хөдөө орон нутагт нээлттэй хаалганы өдөрлөг зохион байгуулсан нь гэмт хэргээс урьдчилан сэргийлэх, прокурорын байгууллагын үйл ажиллагааг олон нийтэд таниулсан үр дүнтэй ажил болжээ.
-
2015 оны 9 сарын 05
Нэг аж ахуй нэг хэдэн удаа зөрчил гаргаж байсан талаар бид судалгаа, дүн шинжилгээгээ хийгээд 11 аж ахуй нэгжийн тусгай зөвшөөрлийг цуцлуулах саналаа холбогдох байгууллагуудад хүргүүлсэн. Одоогоор хариу ирээгүй байна. Цаашид цагдаагийн байгууллагын зүгээс үйл ажиллагааг цуцлах, зогсоох гэхээсээ илүү хууль тогтоомжоо мөрдөж ажилла гэдгийг зөвлөж ажиллана. Цагдаагийн байгууллага ямарваа бизнесийн байгууллагын үйл ажиллагаанд хөндлөнгөөс нөлөөлж болохгүй. Зөвхөн хууль тогтоомжийг үйл ажиллагаандаа мөрдөж ажиллаач. Ингэснээр гэмт хэргийн гаралт тодорхой хэмжээгээр буурах юм гэдгийг зөвлөж байна. Одоо цагдаагийн хэлтсийн зүгээс энэ орчимд үйл ажиллагаа явуулдаг аж ахуй нэгжүүдийг зөрчилд дахин дүн шинжилгээ хийгээд удаа дараа зөрчил гаргаад байгаа аж ахуй нэгжийн тусгай зөвшөөрлийг цуцлуулах саналыг холбогдох байгууллагуудад дахин хүргэнэ. Цагдаагийн байгууллага шууд үйл ажиллагааг нь цуцалдаг, хаадаг эрх бүхий байгууллага биш. Тэгэхээр санал хүргүүлсэн эрх бүхий төрийн байгууллагууд зохих арга хэмжээ авна гэж найдаж байна.
-
2015 оны 9 сарын 05
Энэ өдрүүдэд түүхт 349 жилийн ойгоо тэмдэглэж буй Улаан-Үд хотод албан айлчлал хийж байгаа Нийслэлийн Засаг дарга бөгөөд Улаанбаатар хотын захирагч Э.Бат-Үүл Улаан-Үд хотын дарга А.М.Голковтай уулзлаа. Тэд “Монгол, Оросын бүс нутаг, хил орчмын хамтын ажиллагааг хөгжүүлэх, аялал жуулчлалын салбарт хамтран ажиллах талаар санал солилцож, санамж бичигт гарын үсэг зурав. ОХУ-ын Буриад улсын Улаан-Үд хотын дарга А.М.Голков “Эрүүл мэнд, боловсрол, соёл урлагийн салбарт туршлага солилцох, зам дэд бүтцийг хөгжүүлэх тал дээр хамтран ажиллах саналтай байгаагаа хэллээ. Мөн энэ үеэр Чингэлтэй дүүрэг, Улаан-Үд хотын Советский дүүрэгтэй хамтын ажиллагааны санамж бичиг байгууллаа гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 9 сарын 05
-Өршөөлийн хуулийн зарим заалтад Ерөнхийлөгч хориг тавьсан байгаа. Үүнийг хэлэлцэж амжаагүй байтал, өчигдрөөс Өршөөлийн хуулийг хэрэгжүүлнэ гэж ШШГЕГ-аас мэдээлсэн. Гэвч ойлгомжгүй зүйлс иргэдийн дунд их байна?
-Өршөөлийн тухай хуулийн зарим хэсэгт МУ-ын ерөнхийлөгч 2015.08.17-ний өдөр е/19 тоот хоригийг тавьсан. Үүнд албан тушаалын гэмт хэргийн эсрэг, өмчлөх эрхийн эсрэг гэмт хэргийн зарим хэсгийг өршөөхийг эсэргүүцсэн байсан. Гэхдээ хоригт жирийн иргэд ихээр үйлддэг нийтлэг гэмт хэрэг болох ЭХ-ийн 96.1, 96.2, 147.2, 181.3-ийг өршөөлд хамруулан эдлээгүй үлдсэн ялаас нь 2 жилийн ялыг хасах нь зүйтэй болох талаар зөвлөсөн.
Гэтэл хоригийг хэлэлцэж ч амжаагүй байхад засгийн газрын хэрэгжүүлэгч агентлагийн нэг жижиг дарга өршөөлийн хуулийн хориг тавиагүй хэсгийг нь хэрэгжүүлж болох талаар яриад эхэлсэн нь ойлгомжгүй байдлыг үүсгэж байна. Түүнд ингэж том толгой гаргах эрх ч байхгүй. Энэ нь албан тушаалаа хэтрүүлж байгаа гэмт хэрэг. ШШГЕГ-ын дэд дарга хурандаа Туулхүүг ерөнхий сайд л яриулж байгаа. Хэрвээ ингэж хэсэгчилсэн байдлаар хэрэгжүүлэх гэж байгаа бол өршөөлийн хуулийг дагаж мөрдөх журмын тухай хуулинд өөрчлөлт оруулж хэрхэн хэрэгжүүлэх талаар нарийвчлан тусгаж өгөх нь зүйтэй.
-Хэсэгчилсэн байдлаар хэрэгжүүлнэ гэж байгаа ч яг одоогоор өршөөгдөөд байгаа хүн ч байхгүй. Дээрээс нь чиглэл өгөөгүй учир хөдлөх албан тушаалтан ч байхгүй сууж байна?
- Хэсэгчилсэн байдлаар хэрэгжүүлж эхэлснээс үүсэх таагүй үр дагаврыг тооцоолохгүйгээр дураараа аашлах эрх хэнд ч байхгүй. Өршөөлийн хууль анх гарахдаа л хууль зүйн үйлчлэл нь ойлгомжгүй байсан. Эрүүгийн хэрэг, Захиргааны зөрчил хоёрыг хооронд хольж хутган хамтад нь өршөөсөн нь МУ-ын насанд хүрсэн бүх хүн гэмт хэрэг үйлдсэн гэмт хэрэгтнүүд байж байгаад өршөөгдөж байгаа юм шиг л жигтэй нөхцлыг бий болгосон.
Энэ өршөөлд замын хөдөлгөөны дүрэм зөрчөөд 5 мянган төгрөгөөр торгуулсан хүмүүс, архи уугаад, хүнтэй маргалдаад торгуулсан, баривчлагдсан иргэд хүртэл хамрагдаж байгаа нь гадныханд монгол улсаараа гэмт этгээдүүд юм шиг харагдуулж байна. Би нэг өглөө сэрэхдээ л эхнэр хүүхэдтэйгээ, дарга, цэрэг, сайдтайгаа цуг өршөөлд хамрагдаад сэрсэн. Энэ ойлгомжгүй үр дагаврыг бий болгож байгаа үндэс нь энэ УИХ-д хууль хэрэглээний наад захын мэдлэг чадваргүй хүмүүс намын жагсаалт гэдгээр олноор орж ирсний гай гарч ирж сүүлдээ өршөөлийн хуулиа ч найруулж чадах эрх зүйн чадамжгүй болсон байгааг харуулж байна.
-Захиргааны зөрчлийг өршөөлд оруулж өгөх нь нэг талаараа зөв. Гэвч ялгаж зааглаж өгөөгүйгээс болж тэд бүгд ял эдэлж байгаад өршөөлд хамрагдаж байгаа мэт болчихлоо?
-Захиргааны зөрчлыг өршөөлд хамруулж байгаа нь ял эдэлсэн этгээд мэт ойлгогдож хууль хэрэглээний хоорондын ялгамжтай байдлыг үгүй хийж байна. Дагаж мөрдөх журмын тухай хууль гаргаагүйгээс иргэд энэ хуулийг яаж хэрэгжүүлэх гээд байгааг ойлгохгүй бие биенээсээ асууж лавлаж байна. Өршөөлийн хуулийг өөрийн ойлгож байгаагаар хэрэгжүүлэх эрх хэн нэгэн албан тушаалтанд байхгүй.
-
2015 оны 9 сарын 05
”Асошейтэд прэсс” агентлагийн гэрэл зурагчин Луй Пали Мексик улсаар аялж хар тамхинаас болж хүмүүсийн амьдралын хэв маяг хэрхэн өөрчлөгдөж байгаа тухай фото сурвалжлага бэлтгэжээ.
Тэрбээр Афганистан улсад таван жил орчим ажилласан гэрэл зурагчин юм. Байнгын буун дуу, аллагыг өдөр бүр хардаг ч түүнээс эмгэнэлтэй зүйлсийг Мексикт харсан тухайгаа бичжээ. Ямар ч дайн дажин болоогүй атлаа хүмүүс үхэж, хар тамхинаас болж хамгийн адгийн зүйлсийг сайн дураараа хийж байгаа тэдгээр хүмүүсийг хараад хэлэхийн аргагүй сэтгэл нь өвдсөн гэх.
-
2015 оны 9 сарын 05
Тухайн өдөр луу жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнес эхлэх, зэрэг дэвших, сан тавиулах, угаал үйлдэх, бүжиг наадам хийх, цэцэрлэг байгуулах, урлан бүтээхэд сайн. Хувцас эсгэх, шинэ хувцас өмсөх, зөвлөгөө хийх, сэтгэлд сэвтэй газар очиход муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулбал эд, эдлэл, идээ ундаа олно.
-
2015 оны 9 сарын 05
2015 оны 9 дүгээр сарын 05-наас 9 дүгээр сарын 09-нийг хүртэлх
цаг агаарын урьдчилсан төлөв:
5-нд баруун зүгийн нутгийн баруун хэсэг болон зүүн зүгийн нутгаар, 6-нд нутгийн баруун хэсгээр, 7-нд ихэнх нутгаар, 8-нд нутгийн зүүн хагаст бороо, 6,7-нд шөнөдөө уулархаг нутгаар хур тунадас орно. Салхи баруун хойноос секундэд 6-11 метр, 6-нд баруун зүгийн нутгаар, 7-нд ихэнх нутгаар, 8-нд зүүн зүгийн нутгаар түр зуур секундэд 16-18 метр хүрч ширүүснэ. Сэрүүсч Алтай, Хангай, Хөвсгөлийн уулархаг нутгаар шөнөдөө 3 градус хүйтэнээс 2 градус дулаан, өдөртөө 10-15 градус, говийн бүсийн өмнөд хэсгээр шөнөдөө 7-12 градус, өдөртөө 20-25 градус, бусад нутгаар шөнөдөө 1-6 градус, өдөртөө 14-19 градус дулаан байна. Хугацааны сүүлчээр хөрсөн дээр цочир хүйтэрнэ.
-
2015 оны 9 сарын 04
ЦССҮТ-өөс санаачлан сар бүрийн 3-ны өдрийг “Цусаа бэлэглэх өдөр” болгон тэмдэглэдэг уламжлал тогтсон.
-
2015 оны 9 сарын 04
Орхон голын бохирдол 70-80 хувьд хүрээд байгаа талаар “Миний мөрөн” ТББ-ын төлөөлөл болох Өвөрхангай, Архангай аймгийн иргэд өнөөдөр мэдээллэв.
