-
2015 оны 9 сарын 01
С вирус шинжлэх лабораториудыг удахгүй зарлана
Монголд гепатитын халдвартай 700 мянга гаруй хүн бий гэх албан бус статистик байдаг. Үүний 450 мянга нь элэгний С вирустэй. Эрүүл мэнд, спортын яамныхан С вирусийг эмчлэх харвони эмийг ирэх сарын сүүлчээр Монголд оруулж ирэхээр болоод буй. Харин иргэд харьяа дүүргийнхээ эмнэлэгт, орон нутгийнхан аймгийнхаа Нэгдсэн эмнэлэгт В, С вирустэй, эсэхээ тодорхойлуулна. Хэрэв С вирустэй нь тогтоогдвол ХӨСҮГ, Улсын I, II, III төв эмнэлэг, аймаг, дүүргийн Нэгдсэн эмнэлэгтээ бүртгүүлэх учиртай. Эмч нар хүмүүсийн мэдээллийг эмийн компани руу илгээсний дараа иргэд итгэмжлэгдсэн лабораторид С вирусээ дахин тоолуулах юм байна. Ингэж гэмээнэ эмийн хөнгөлөлтөд хамрагдах, эсэх нь тодорхой болох аж. Гэхдээ ямар лабораториуд С вирус шинжлэх нь одоогоор тодорхой болоогүй байна. Уг вирусийн шинжилгээ хийхээр 10 орчим лаборатори ХӨСҮГ-д хүсэлтээ ирүүлсний ихэнх нь хувийнх аж. ХӨСҮГ эдгээр лабораторийг суддаад нэрсийг нь өнөө, маргаашгүй олон нийтэд зарлах юм байна.
-
2015 оны 9 сарын 01
Өнөөдөр 9-р сарын 1. Хүүхэд бүрийн сэтгэл догдлон хүлээдэг “Эрдмийн баяр”-ын өдөр. Энэ өдөр нийслэлийн Засаг дарга бөгөөд Улаанбаатар хотын Захирагч Э.Бат-Үүл нийслэлийн Сонгинохайрхан дүүргийн Тэргүүний 67 дугаар сургуулийн “Эрдмийн баяр”-т оролцлоо. Тэрээр хуран цугласан хүүхэд багачууд, эцэг эх, багш нарт баярын мэнд хүргээд “Хичээлийн шинэ жилийн нээлтийн баяр бол бие биеэ санасан хүүхдүүдийн сургууль, эрдмийн гараагаа эхэлдэг, багш нарын хүүхдүүдээ догдлон хүлээдэг баярын өдөр. Миний бие та бүхний энэ эрхэм баярт оролцож байгаагаа нэр төрийн хэрэг гэж бодож байна. Нийслэлийн Засаг даргын хувьд хамгийн ачаалалтай, шилжилт хөдөлгөөн ихтэй сургуулийг зориуд сонгон ирсэн юм. 67 дугаар сургуулийн 1дүгээр анги гэхэд А-О гэсэн бүлэгтэй. Биеийн тамирын заалаа хүртэл хичээлийн танхим болгосон гээд асуудал бэрхшээл ихтэй сургуулиудын нэг. Тиймээс бид ирээдүй хойч болсон үр хүүхдүүдийнхээ сурах тав тухтай орчныг бүрдүүлэхийн төлөө дээрх асуудлуудыг шийдэж, үе шаттай арга хэмжээ аван ажиллаж байгаагаа дуулгахад таатай байна. 2015-2016 оны хичээлийн жилд энэ хороонд цэцэрлэг, бага сургуулийн 2 цогцолбор ашиглалтад орно. Шилжилт хөдөлгөөн буурахгүй байгаагаас шалтгаалан ачаалал буурахгүй байгаа ч сургуулийн давхрыг нэмэх, өргөтгөх замаар ачааллыг багасгаж, биеийн тамирын заалыг чөлөөлөх зэргээр хүүхэд багачуудынхаа сурах нөхцөл бололцоог хангахад анхааран ажиллана. Хамгийн чухал нь хүүхдийг ирээдүйд хэн болох гарааг нь бэлтгэдэг багш нартаа хандаж хэлэхэд “Ирээдүйн Монгол иргэдийг боловсролтой, зөв хүн болгон хүмүүжүүлэх үйлсэд хамтран зүтгэе”. Ингээд энд хуран цугласан хүүхэд багачууддаа сурлагын өндөр амжилт хүсэн ерөөе” гэлээ. Энэ үеэр Засаг дарга тус сургуулийн 5 сурагчид хичээлийн хэрэгсэл бэлэглэж, тус сургуулийн авьяаслаг хүүхдүүдийн урлагийн тоглолтыг үзэж сонирхсон юм гэж НЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
1 / 14
-
2015 оны 9 сарын 01
.Баатаржав ”Рио 2016” паралимпийн наадамд өрсөлдөх эрхээ авлаа
-
2015 оны 9 сарын 01
ЭМСЯ хүн амын дундах сүрьеэгийн тархалтын түвшинг тогтоохоор хоёр дахиа судалгаа хийж буй. Уг судалгааг Засгийн газар, “Глобал” сангийн дэмжлэгээр, ДЭМБ-ын арга зүйгээр хоёр жилийн хугацаанд явуулах юм. Судалгаанд нийслэлийн найман дүүр- гийн 45 хороо, 15 аймгийн төвийн 21 баг, 18 аймгийн 32 сумын 49 мянган хүн хамруулахаар төлөвлөөд буй. Одоогийн байддаар томоохон хот, суурингуудын 40 мянган хүнийг үзлэгт хамруулснаас нийслэлийн хун амын дунд сүрьеэгийн тархалт өндөр байгаа гэх урьдчилсан дун гаргажээ.
2014 онд сүрьеэтэй 4172 хүн оношлогдсон нь нийт халдварт өвчний 12.5 хувийг эзэлж буй. Тэдний 60 гаруй хувьнь Улаанбаатар хотод, тэрдундаахүн амын төвлөрөл ихтэй Сонгинохайрхан, Баянзүрх дүүрэгт оношлогдож байна. Сүрьеэгээр өвчлөгсдийн 70 хувь нь 16- 44 насныхан байгаа бол 60 хувь нь агаар дуслын замаар халдвар авчээ.
-
2015 оны 9 сарын 01
08:00 цагт: Монгол Улсын Ерөнхий сайд Ч.Сайханбилэг нийслэлийн 33 дугаар сургуулийн /Сансарт байрлах/ 2015-2016 оны хичээлийн шинэ жилийн нээлтэд оролцоно.
09:00 цагт: Дэлхийн тусгай олимпийн Зүүн азийн бүсийн удирдлагын хурал ШангриЛа зочид буудалд болно. Энэхүү хуралд Дэлхийн тусгай олимпийн тэргүүн Жанет хүрэлцэн ирж оролцож байна.
10:00 цагт: Хууль сахиулахын их сургуулийн 2015-2016 оны хичээлийн жилийн нээлтийн ёслолын арга хэмжээ болно. Уг үйл ажиллагаанд Хууль зүйн сайд Д.Дорлигжав болон Хууль зүйн яамны харьяа агентлагуудын удирдлагууд оролцоно. Утас 88115446, 88013108, 99088069
10:00 цагт: Нийслэлийн Засаг дарга бөгөөд Улаанбаатар хотын Захирагч Э.Бат-Үүл гэр хорооллын дахин төлөвлөлтийн ажлын явцтай газар дээр нь очиж танилцана. Энэ үеэр төсөл хэрэгжүүлэгч аж ахуйн нэгжүүд, хамрагдаж буй иргэдтэй уулзана. Сэтгүүлчдэд зориулсан автобус 10:00 цагт Хангарди ордны гаднаас хөдөлнө. Утас: 91040607
11:00 цагт: Монгол Улсын Ерөнхийлөгч Ц.Элбэгдорж ”Санаа зөв бол заяа зөв” гэсэн сэдвээр орон даяар хичээл заана. Хичээлийг МҮОНТ болон MNB.MN цахим хуудсаар шууд дамжуулна. Давталтыг 13:30 цагаас хүргэнэ.
11:00 цагт: Монгол Улс Боловсролын Их Сургуулийн дэргэдэх Күнзийн институтын нээлтийн ёслолын үйл ажиллагаа “Kempinski” зочид буудлын 2 давхрын “Алтай” Хурлын танхимд болно.
11:40 цагт: Монгол Улсын Ерөнхий сайд Ч.Сайханбилэг Чингисийн талбайд болох Оюутны тангараг өргөх ёслолын ажиллагаанд оролцоно.
16:00 цагт: МУБИС-ийн Урлаг, Биеийн тамирын сургуульд “Хөгжмийн багшийн анги”-ийг нээх ёслолын ажиллагаа МУБИС-ийн хичээлийн А байрны 312 тоот танхимд болно.
-
2015 оны 9 сарын 01
Нийслэлийн Баянзүрх дүүргийн 33 дугаар сургуулийн 2015-2016 оны хичээлийн шинэ жилийн нээлтэд Монгол Улсын Ерөнхий сайд Ч.Сайханбилэг оролцож багш сурагчдад эрдмийн баярын мэнд хүргэж, сурлага хөдөлмөрийн амжилт хүслээ.
-
2015 оны 9 сарын 01
БШСУЯ-ны санаачилгаар Мон- голын урлагийн зөвлөл, Бүгд най- рамдах Франц улсын Элчин сайдын яам, Монголын кино урлагийн зөвлөл хамтран ирэх сарын 7-11- нд “Улаанбаатар” олон улсын кино наадам зохион байгуулахаар болжээ. Олон улсын хамтын ажиллагааг нэмэгдуүлэх, дэлхийн сор бүтээлийг монгол үзэгчдэд хүргэх замаар
тус салбарын хөгжлийг дэмжих зорилгоор долоо дахь удаагаа зохион байгуулах наадам олон улсын болон франц, монгол кино гэсэн гурван төрлийн хөтөлбөртэй аж. Өнгөрсөн оны наймдугаар сарын 1-нээс өнөөдрийг хүртэл хугадаанд үзэгчдэд толилуулсан гурван монгол бүтээлийг энэ үеэр толилуулах бөгөөд огт олонд хүр- гээгүй киног шалгаруулж наадмыг нээх аж.
-
2015 оны 9 сарын 01
Сэлэнгэ аймаг төлөвлөснөөсөө 80 мянган тонн дутуу буудай хураана
Даваа, 8 сарын 31 2015
Бичсэн Ариунзаяа
Хэвлэх
Email
Сэлэнгэ аймаг төлөвлөснөөсөө 80 мянган тонн дутуу буудай хураана
ХХАА-н сайд Р.Бурмаа газар тариалангийн төв бүс болох Сэлэнгэ, Орхон аймагт ажиллаад иржээ.
Сэлэнгэ аймгийн хувьд энэ жил 145 мянган га-д улаанбуудай тарьснаас 114 мянган га-гаас ургац авах урьдчилсан дүн мэдээ гарсан байна. Харин тус аймгийн Хушаат сум аймгийн нийт буудайн тариалангийн 10 орчим хувийг бүрдүүлдэг бөгөөд энэ жил 12061 га-д улаанбуудай тариалсан ч 7712 га талбайгаас ургац хураах урьдчилсан баланс гарчээ. Нэг га-гаас 13.2 цн ургац хураахаар тооцож, 9910 тонн буудай авах аж. Энэ нь төлөвлөсөн ургацынх нь 65 хувь болж буйг албаныхан онцолж байна.
Тус сумын нутагт үйл ажиллагаа явуулдаг “Цэгээн хуст” компанийн захирал Б.Ганболд ярихдаа, “Манайх 4000 га орчим эргэлтийн талбайтай жилдээ 2000 га-д тариалалт хийдэг. Ургацаа хурааж эхэлсэн, га-гаас 15-17 цн ургац авна. Энэ жилийн хувьд техник, технологийн шинэчлэл харьцангуй сайн хийсэн. ХХААЯ-наас хэрэгжүүлсэн техник, технологийн төсөлд оролцож, хийн даралтат үрлэгч, трактор авч тариалалтаа хийлээ. Цаг агаарын байдлаас шалтгаалан зарим талбайд ургац муу байгаа ч хүйтэрч, цас унахаас урьтан ургацаа хаягдалгүй хурааж авах зорилт тавин ажиллаж байна” гэлээ.
Мөн тус сумын нутагт үйл ажиллагаа явуулдаг “Өгөөж Мандал уул” компанийн хувьд нийт 1500 га-д тариалалт хийжээ. Тэднийх Дарханы Ургамал газар тариалангийн хүрээлэнгээс элит үр авч үржүүлжээ.
Сэлэнгэ аймгийн хэмжээнд тариалалтын урьдчилсан балансаар нэг га-гаас авах ургацын хэмжээ нь 9.3 цт байгаа аж. Тухайлбал 30 мянган га талбайн 12 мянган га-д уринш хийж, 12 мянган га-г хадаж, ногоон тэжээл хийх гэнэ. Тус аймаг энэ жил 200 мянган тонн буудай авахаар төлөвлөснөөс 120 мянган тонн хураах урьдчилсан дүн гарчээ.
Харин Орхон аймгийн Жаргалант сумын хувьд үр тарианы 5063 га, төмс, хүнсний ногооны 658 га эргэлтийн талбайтай. Тус сум 3326 га-д улаанбуудай, 119 га-д төмс, 170 га-д хүнсний ногоо, тэжээлийн ургамлыг 99 га-д тариалсан бөгөөд га-гаас 9.3 цн улаанбуудай хураан авах урьдчилсан тооцоо гарчээ.
-
2015 оны 9 сарын 01
талаар тодрууллаа.
-ОХУ-аас Завхан аймгийн Баянтэс су- манд орж ирсэн түймрийг энэ сарын 30- 31-нд шилжих шөнө унтраажээ. Он гарсаар хэчнээн түймэр хил давж орж ирсэн бэ?
-Монгол Улсын хилийн 253 дугаар тэм- дэгтийн орчим ОХУ-аас Завхан аймагт ойн түймэр орж ирсэн. Тус аймгийн Онцгой байддын газрын болон хилийн 0277 дугаар ангийн алба хаагч, орон нутгийн иргэд нийлсэн 100 гаруй хүн 15 автомашинтай- гаар өчигдөр шөнө ( 08.31) 01.10 цагт хил давж, түймрийг унтраагаад 02.00 цагт буцаж ирсэн. Түймрийг ой мод руу оруулахгүй, тал газар унтраах боломжтой байсан учраас ОХУ-ын талтай хэлэлцэж, зөвшөөрөл авсны үндсэн дээр 11 албан хаагч хил нэвтэрч, 63 м өргөнтэй түймрийг унтраасан. Он гарснаас хойш өдий хүртэл манай улсын хилийг давж ОХУ-аас 11, БНХАУ-аас хоёр удаа түймэр орж ирсэн бол манай улсаас зургаан түймэр хоёр хөршийн хил нэвтэрсэн.
Өнөөдрийн байддаар манай улсын хэм- жээнд хэчнээн ой, хээрийн түймэр гараад байна?
-16 аймгийн 108 суманд 288 удаа ой, хээрийн түймэр гарсан. Эдгээрийн 181 нь Сэлэнгэ, Булган, Дорнод, Хэнтий, Сүх- баатарт гарчээ. Үүнийг унтраахад 2000 ор- чим техник хэрэгсэл ашиглан 18 мянга га- руй хүн ажилласан. Түймрийн улмаас нийт 5.8 сая га талбай шатаж, есөн хүн түлэгдэж гэмтэн, 22 машин техник, 67 гэр, 151 ха- шаа саравч, 7910 толгой мал, 3120 боодол өвс шатаж, байгаль экологид 20.1 тэрбум төгрөгийн хохирол учруулсан. Өнөөдрийн байддаар Хөвсгөл аймгийн Ренчинлхүмбэ сумын нутаг түймэртэй байгаа. Түймрийг унтраахаар 40 гаруй хүн ажиллаж буй ч хөвч тайга бүхий газар учраас амаргүй байна.
-Ихэнх нутгаар хуурайшилтгай байгаа. Ой, хээрийн түймрээс хэрхэн сэргийлэх вэ?
-Монгол орны нийт нутгийн 30 гаруй хувь хуурайшилтын гуравдугаар зэрэгт бай- гаа. Ихэнх нутгаар эргээд гандаж эхэлсэн. Есдүгээр сард хур бороо нэлээд багасдаг учраас энэ намар ой, хээрийн түймэр гарах эрсдэл маш өндөр байна. Тиймээс оюутан залуус амралт, аялал зугаалгад явахдаа ойд гал түлэхгүй, үнс нурмаа сайтар унтраах хэрэгтэй.
-
2015 оны 9 сарын 01
Нийслэлийн Засаг даргын Тамгын газраас нийтийн тээврийн салбарт шинэчлэлт хийж байгаа билээ. Энэ шинэчлэлийн хүрээнд маргаашнаас буюу есдүгээр сарын 1-нээс “U-money” карттай иргэн 500 төгрөгөөр, харин бэлэн мөнгөөр зорчвол 1000 төгрөг төлөхөөр болж байгаа юм.
Өнөөдрийн байдлаар 200 мянган иргэн буюу нийт зорчигчдын 14-15 хувь нь смарт картаар зорчиж байгаа аж. Шинэчлэлт нэрээр автобусны маршрутыг богиносгож, бэлэн мөнгөөр зорчвол 1000 төгрөг төлөх шийдвэр гаргасан нь алслагдсан гэр хорооллын иргэдэд эдийн засгийн хямрал дээр давхар дарамт учруулж буйг иргэд багагүй шүүмжилж байгаа. Шинэчлэлийн хүрээнд сэлгэн суулт нь үнэгүй хэмээн өнгөрсөн зунжин рекламдсан Нийтийн тээврийн газрынхан өнөөдөр “хонх дуугарахаар дамар нь таг, хоёулаа дуугарахаар лам нь таг” гэдэг шиг асуудал ярих болсон билээ. Тиймээс сэлгэн суулгалтыг үнэ гэсэн мөртлөө үнэтэй явуулж, дээрээс нь зорчих тасалбараа 1000 төгрөг болгож байгаад нийслэлчүүд шүүмжлэлтэй хандаж буй. Шинэчлэлийн хүрээнд гэр хорооллын иргэд гэрээсээ ажил, сургуульдаа явахдаа доод тал нь хоёр дамжих болсон. Дээр нь автобусны зорчих тасалбар 1000 төгрөг болчихвол ирж, очихын зардалдаа нэг хүн хамгийн багадаа 4000 төгрөг зарцуулахаар болж байгаа билээ. Өмнө нь ирж очихдоо 1000 төгрөг зарцуулдаг байсан хүмүүс ийнхүү 3000 төгрөгийг нийтийн тээврийн шинэчлэлд төлөхөөр болж байна. Тухайлбал, нийтийн тээврийн шинэчлэлээс болж эхнэр нөхөр хоёр 8000, дээр нь оюутан сурагчтай бол тухайн айл өдөртөө дор хаяж 15 мянган төгрөг зарцуулахаар болж байгаа билээ.
-
2015 оны 9 сарын 01
Замын цагдаагийн газраас есдүгээр сарын 1 буюу өнөөдөр замын хөдөлгөөний зохицуулалтаа ердийн журмаар явуулна. Өөрөөр хэлбэл одоо ажиллаж байгаа бүрэлдэхүүнээрээ, ажил үүргийн хувиараараа ажиллах юм. Түүнчлэн сургуулиудын орчинд хүүхдийг зам тээврийн осол гэмтэл, зөрчлөөс хамгаалах зорилготой олон нийтийн цагдаа, school police эргүүлүүд ажиллана.
-Дугаарын хязгаарлалт хуучнаараа үйлчлэх үү?
-Тэгнэ. Дугаарын хязгаарлалт Замын хөдөлгөөний аюулгүй байдлын шинэ хуультай хамааралгүй. Тэгэхээр маргааш 2 болон 7-гоор төгссөн тээврийн хэрэгсэл хөдөлгөөнд оролцохгүй гэсэн үг.
-
2015 оны 9 сарын 01
Есөн сарын нэгэн дээ
Ерөөсөө бидний баяр даа
Өнөөдөр эх орны өнцөг булан бүрт эрдмийн өргөөний үүдэнд хүүхэд залуусын баяр хөөртэй дуу цангинасан өдөр. Зуны гурван сар ангийнхнаа хүлээсэн сургуулийн бяцхан жаал, хөөрхөн охин, их дээд сургуулийн оюутан залуус ч ялгаагүй ижилдэн дассан найз нөхөд, багш, хичээлийн гэрэлт танхим уруугаа яаран ирж буй.
Зуны зугаатай сарууд намрын налгар өдрүүдэд халаагаа өгч байна. Үүний нэгэн адил охид хөвгүүд хүүхэд залуус эрдмийн өргөөндөө ирлээ.
9-р сарын 1 гэдэг шинэхэн, бяцхан, өхөөрдөм хөөрхөн сурагчдын хувьд эрдмийн аянд мордож байгаа эрдмийн анхны баяр, харин хуучин сурагчдын хувьд зунжингаа санасан ангийнхаа андуудтай уулзаж зуны амралтынхаа сонинг хуваалцах найзуудтайгаа уулзах баярт өдөр яахын аргагүй мөн.
9-р сарын 1 гэдэг оюутнуудын хувьд ч гэсэн сэтгэл хөдөлгөсөн, догдлол төрүүлсэн баярын өдөр. Шинэхэн оюутнууд Их, Дээд сургуулийн үүдээр алхаж, сурагч биш оюутан гэдэг эрхэм нэрийг зүүн, амьдралынхаа ирээдүйг тодорхойлох шив шинэ ертөнцөд хөл тавин, “энэ сургуульд сайн сурч, мундаг хүн болно доо” гэсэн гэгээлэг, өөдрөг бүхнийг бодон, шинэ бөгөөд үеийнхээ найз нөхөдтэйгээ танилцан, багшдаа загнуулаад л гүйж явдаг бяцхан сурагч биш харин өөрийн ухамсар, оюунаараа аливаа эрдмийг задлан шинжилж, гүнзгийрүүлэн суралцаж эхлэх их эрдмийн баярын өдөр.
Хуучин оюутнууд ангийн андуудтайгаа уулзах гэж, сонин хачнаа сонирхуулан ярих гэж, магадгүй зунжингаа санаж, зүүдэлсэн хэн нэгэн хүнийг харах гэж, ирж байгаа шинэ хичээлийн жилд амжилтаа улам ахиулан суралцах гэж 9-р сарын 1-нд сургууль руугаа яаран яаран ирнэ.
Зарим эцэг эхчүүд охиноо, хүүгээ анхны өдөр сургуульд явуулах, эрдмийн аянд мордуулах гэж яарч догдлон баярладаг бол зарим нь хүүхдүүдээ сургууль руу нь сүү өргөн үдэж өгөн, эрдмийн ихийг сурч, сайн болохыг ерөөдөг учраас 9-р сарын 1 яах аргагүй эцэг эхчүүдийн баярын өдөр. Тэр ч бүү хэл жаалуудын хувьд цэцэрлэгт явж, шинэ орчинд орж, шинэ найзуудтай болж эхлэх баярын өдөр. Гэхдээ хамгийн хөөрхөн нь ээж ааваасаа бараг холдож үзээгүй бяцхан жаалуудын маань зарим нэг нь өнгө өнгийн олон тоглоом хараад баярлахдаа ээж ааваа баяртай ч гэхгүй анги руугаа гүйгээд ордог бол, бараг ихэнх шинэ жаалуудын хувьд уйлан байж ээж аавыгаа ангиасаа гаргадаг, тэр ч бүү хэл зарим нэг өрөвчхөн ээж аавыг “хүүгээ сэвэл охиноо цэцэрлэгт нь явуулахаа больдог ч юмуу” гэж хүртэл бодогдуулаад, сэтгэлийг нь гэгэлзүүлээд авдаг учраас энэ өдөр нэг л гэгээлэг өдөр.
Багш нарын хувьд хамгийн их бүр хамгийн их хүлээж догдолдог, сэтгэл хөөрч баярладаг эрдмийн баярын өдөр бол 9-р сарын 1 мөнөөсөө 1 мөн. Шинэ анги авсан багш нар ангийнхаа шинэ хүүхдүүдтэй танилцах, хуучин ангитай багш нар сурагч нарынхаа хэр том болсныг, хэн нь хэрхэн өөрчлөгдсөнийг харах гэж, хамгийн гол нь 9-р сарын 1-ний өглөө сургуулийн өмнө бужигнах хэдэн мянган сурагчдыг харах гэж, тэдний эрдмийн ихийг сурах гэж тэмүүлсэн их тэмүүлэл, гэгээлэг хүсэл мөрөөдөл, аз жаргалтай инээдийг нь харж мэдрэх гэж, түмний олон хүүхдэд ихийн ихийг болж өгвөл эрдмийн оргилыг нь зааж сургах гэж 9-р сарын 1-ийг догдлон, догдлон хүлээдэг учраас багш нарын хувьд их хүндэтгэлтэй ханддаг сайхан баяр.
9-р сарын 1 гэдэг нэг л сайхан ирээдүй рүү тэмүүлэх эхлэлийг тавьж өгч байгаа юм шиг, хүсэл мөрөөдөл бүхнийг минь биелүүлэх өдрүүд эхэлж байгаа юм шиг гэгээлэг, өнгөлөг сайхан өдөр.
-
2015 оны 9 сарын 01
Багш сурган хүмүүжүүлэгч, эцэг эх, суралцагч та бүхэнд оюуны чадавх, бүтээлч ур чадварт баримжааалсан шинэ зууны шинэчлэгдэн өөрчлөгдөж байгаа боловсролын өнгө төрхийг тодорхойлсон хичээлийн шинэ жилийн мэндийг хүргэж, эрдэм номын гэгээн үйлсэд танд амжилт хүсье.
Энэ хичээлийн шинэ жил нь боловсролын чанарын шинэчлэл, сургалтын шинэчилсэн хөтөлбөрийг хэрэгжүүлэх онцлогтой бөгөөд сургуулийн өмнөх болон бага, дунд боловсролын чанарын шинэчлэлийг эрчимжүүлэх, чанартай боловсролын үйлчилгээ үзүүлэх, тусгай хэрэгцээт боловсролд онцгой анхаарч, насан туршийн боловсролын тогтолцоог төлөвшүүлэхэд шинэ хичээлийн жилийн зорилго оршиж байна.
Шинэ зорилго зорилт нь “Зан чанар, хандлагыг төлөвшүүлэх, мэдлэг чадвараа хөгжүүлэх” гэсэн 3 үндсэн суурийн тэнцвэрийг хадгалж, хүүхдийг төлөвшсөн хувь хүн болгон хөгжүүлэхэд чиглэгдэж байна. Зөв Монгол хүн төлөвших үйл явцыг зөвхөн боловсролын байгууллагаар бус бие хүний төлөвшил, гэр бүлийн төлөвшил, нийгмийн төлөвшлийн харилцан хамаарлын өргөн хүрээнд авч үзэж байна. Иймээс сургууль, цэцэрлэгүүдийг нийгэм олон нийтийн оролцоонд тулгуурласан гэр бүл, нийгмийн хөгжилд үүрэг гүйцэтгэдэг хүний хөгжлийн төв болгон хөгжүүлэхэд орон нутгийн байгууллагууд анхаарч ажиллах нь зүйтэй байна.
Боловсролын шинэчлэлийг хэрэгжүүлэх нь сургууль, цэцэрлэгийн менежмент, зохион байгуулалт, сурган хүмүүжүүлэх дэмжлэг, боловсролын харилцаанд оролцогчдын сэтгэлгээ, хандлагын өөрчлөлт гээд олон хүчин зүйлээс хамааралтайг тооцон хичээлийн жилийн зорилго, зорилтыг сургууль цэцэрлэг бүр өөр өөрийн онцлог, үзэл баримтлал, суралцагчдын болоод нийгмийн хэрэгцээг үндэслэн бодитой үр дүнд хүрэхүйц байдлаар тодорхойлж хэрэгжүүлэх нь чухал юм.
Боловсролын шинэчилсэн хөтөлбөрийг хэрэгжүүлэх, боловсролын чанар үр ашгийг сайжруулах, багшийн хөгжилд дэмжлэг үзүүлэх, хүүхэд бүрийн хөгжлийг дэмжсэн сурган хүмүүжүүлэх ариун үйлсдээ амжилт гарган, тавьсан зорилтоо бүрэн хэрэгжүүлэхийг хүсье.
-
2015 оны 9 сарын 01
Өнөөдөр есдүгээр сарын 1 буюу хичээлийн шинэ жилийн эхний өдөр. Монгол Улсын Ерөнхийлөгч МҮОНТ-ээр уламжлалын дагуу хичээл заана. Харин Ерөнхий сайд Ч.Сайханбилэг Сансарт байрлах Ерөнхий боловсролын 33 дугаар дунд сургуулийн нээлтэд 08.00 цагт оролцох гэнэ.
Мөн тэрээр 11.40 цагаас Чингисийн талбайд болох Оюутны тангарах өргөх ёслолын ажиллагаанд очих юм байна.
-
2015 оны 9 сарын 01
Нийслэлийн Засаг дарга бөгөөд Улаанбаатар хотын Захирагч Э.Бат-Үүл болон холбогдох бусад албаныхан өнөөдөр нийслэл хотод хэрэгжүүлж байгаа автозамын бүтээн байгуулалтын ажилтай танилцлаа. Энэ онд нийслэлийн төсвийн хөрөнгөөр Дамбадаржаагийн цагдаагийн посттой уулзвараас Шадивлангийн шинэ уулзвар хүртэл 5,0 км авто зам, Шадивлангийн шинэ уулзвараас Шаргаморьтын уулзвар хүртэл 4,6 км авто зам, Шаргаморьтын уулзвараас Хандгайтын зам хүртэл 6,75 км авто зам болон Шаргаморьтын 50 у/м төмөрбетон гүүрийн барилгын ажлыг гүйцэтгэж байгаа. Энэ хэсгийн замуудад гэрэлтүүлэг, явган хүний зам болон дугуйн замыг хийж байгаагаас гадна ус зайлуулах шинэ төрлийн замын хашлага тавьж байгаа юм байна.
-
2015 оны 9 сарын 01
Замын хөдөлгөөний аюулгүй байдлын тухай хууль өнөөдрөөс хэрэгжинэ. Торгуулиар жолооч нарыг торгуулиар “цаазлах” энэхүү хуулийг “мэдэлсэн” цагаас нь эхлэн хатуу чанга хууль болсон гэдгийг хэлэх хүн олон байгаа.
-
2015 оны 9 сарын 01
Өнөөдөр есдүгээр сарын нэгэн. 2015-2016 оны хичээлийн шинэ жилийн баярын өдөр билээ.
-
2015 оны 9 сарын 01
Монголын оюутны холбооноос зохион байгуулдаг ”Оюутны тангарагийн баяр” өнөөдөр 10.00 цагт Чингисийн талбайд болно.
-
2015 оны 9 сарын 01
Нийслэлийн иргэдэд цахим хэлбэрээр газар өмчлүүлэх дөрөвдүгээр ээлжийн бүртгэл явагдаж байна.
-
2015 оны 8 сарын 31
БСШУ-ны дэд сайдын “Түүх Соёлын Үл Хөдлөх Дурсгал”-ын үзлэг тооллого хийх удирдамжийн дагуу Хэнтий аймгийн засаг даргын захирамжаар ажлын хэсэг байгуулагдан төлөвлөгөөний дагуу Аргалант, Угтаалцайдам, Борнуур, Жаргалант, Сүмбэр суманд энэ сарын 19-ний өдрөөс зургаа хоног ажиллалаа. Тооллого 17 хүний бүрэлдэхүүнтэй сумын төвөөс гарч маршрутын дагуу тойрон таван суманд нийт 891 км явж, дурсгалт газрын 246 орчим дурсгалыг бүртгэн үүнээс шинээр 12 дурсгалт газар бүртгэжээ.
Одоогоор Алтанбулаг, Баянчандмань, Мөнгөнморьт, Баяндэлгэр, Эрдэнэ, Архуст, Баянжаргалан, Баян, Баянцагаан, Баян-Өнжүүл, Сэргэлэн, Бүрэн, Дэлгэрхаан, Эрдэнэсант, Өндөр-Ширээт, Лүн, Аргалант, Баянцогт, Угтаалцайдам, Жаргалант, Сүмбэр зэрэг 21 сумын 342 дурсгалт газрын 3823 орчим дурсгалыг бүртгэн үүнээс шинээр 119 дурсгалт газар бүртгэсэн аж.
