Дүүргийн ИТХ-ын 4 дүгээр ээлжит хуралдаан 2025 оны 06 дугаар сарын 25-ны өдөр хуралдаж 4 асуудал хэлэлцлээ.

Хуралдаанаар:

-"Дүүргийн төсвийн хөрөнгөөр 2025 онд хэрэгжүүлэх төсөл, арга хэмжээний явцын тухай" асуудлыг ЗДТГ-ын Төлөвлөлт, гүйцэтгэлийн удирдлагын хэлтсийн даргын албан үүргийг түр орлон гүйцэтгэгч Б.Бат-Эрдэнэ

-"Дүүргийн Газар зохион байгуулалтын 2025 оны төлөвлөгөөний эхний хагас жилийн биелэлтийн тухай" асуудлыг дүүргийн Газар зохион байгуулалтын албаны дарга Э.Зоригоо

-"Сүхбаатар дүүрэг үүсэн байгуулагдсаны 60 жилийн ойг тэмдэглэн өнгөрүүлэх ажлыг зохион байгуулах арга хэмжээний төлөвлөгөө батлах тухай" асуудлыг дүүргийн Засаг даргын Тамгын газрын дарга Ө.Энхбаяр

-"Төрийн цол, одон, медальд дэмжин уламжлах тухай" асуудлыг дүүргийн ИТХ-ын нарийн бичгийн дарга бөгөөд ажлын албаны дарга Ц.Осорваань нар тус тус танилцуулж хэлэлцэн шийдвэрлэлээ.

2025 онд нийслэл, дүүргийн төсвийн хөрөнгө болон дүүргийн орон нутгийн хөгжлийн сангийн хөрөнгө оруулалтаар 169 төсөл арга хэмжээг хэрэгжүүлэн ажиллаж байна.

Мөн Сүхбаатар дүүрэг үүсэн байгуулагдсаны 60 жилийн ойг тэмдэглэн өнгөрүүлэх ажлын хүрээнд дүүргийн ИТХ, Засаг даргын Тамгын газраас иргэд, аж ахуй нэгж байгууллагуудад чиглэсэн олон ажлыг зохион байгуулахаар төлөвлөсөн байна.